2018年3月28日 星期三

大家咪誤會呀! 我JJ唔係網絡打手

雖然我JJ話重出江湖講財經, 但係我背後呢, 係無收左人錢來講野播!一直我都是想幫人達成財務自由的夢想. 

我以前係教會教人投資理財, 出發點係希望D教友係加國咁難賺錢搵食的地方, 生活得好D, 有多點財力來支持教會D經費, 有多點空閒時間來為其他人做些少少心意. 只是事與願違, 不知道是人們本身已經預設了立場, 還是我講得唔夠清晰, 我同親個個講投資理財, 最後個個都變炒, 又或誤解了我的出發點. 

現在大棚人步入中年了, 為到他人福祉, 我希望人家有個優質的退休生活, 健健康康, 快快樂樂咁過他們老年的日子. 希望今次我唔好再阿茂整餅了, 因為人生沒得個幾十年, 歲月根本就不容我們再來蹉跎了.

其實, 如果年青時入市, 什麼時候買等到中年, 再回望轉頭, 都是沒有分別, 都係會有錢賺, 都係會令到中年後的人生過得美滿. 

只是現在才入市的朋友, 人到中年, 什麼事都不再如年青時般的容易, 投資也是, 尤其快速增長的年代一去不復返. 什麼時候入市, 就變得對大家的退休生活質素, 起了關鍵性的作用了.

當然我係一個好跳皮的老頑童, 喜歡講下笑, 喜歡講下淡友好友的反面教材(當然少不了講下那個又可愛又可惡的當奴友), 來鼓勵大家去行上條大路好路. 

希望我今次一切的努力沒有白費, 也希望我自己沒有睇錯 - 現在不是入市好時機. 

PS: 我自己唔係一個有點小小成功就鬆毛鬆翼的人, 略有少成後, 我更對自己講, 一切只是幸運, 下次可能不會咁好彩和順利; 不要指望下次比今次更好運, 甚至不會誤判自己是個天生幸運的人(雖然我常常說, 我這生人有著由神而來的恩典和眷顧, 不過, 這個跟鴻福齊天的人生, 是兩回不同的事, 因為我背後這神, 是有其獨立意志的神, 不會一成不變來做事.)

所以, 我在應對越來越艱難的可能環境時, 我做人就會要求自己更勤力, 更緊慎做事, 內心出發點要更善良和正確.

2018年3月26日 星期一

在口水戰打輸左之後, 當奴友每次再出場, 都係淡友至愛.

嗱.... 大家由上星期三睇到今天, 老美熊貓國在貿易戰上的口水戰, 會睇到邊個暫時贏緊吖嗱?

呵呵呵...... 照我JJ諗呢, 當奴友同佢團隊暫時處於下風喎.

點解? 熊貓國從未太大聲講野, 只是用30億來對老美600億, 只係呢, 老美當奴友一口風硬朗, 老美兜兜就跌到七個一皮呀!

直到今天, 老美財長口風轉軟, 話一定要令熊貓國就範咁話喎, 仲話唔怕打貿易戰, 仲話會親身去熊貓國講數咁喎..... 

車...... 咪講野啦, 係堅O既, 就唔洗自己去熊貓國"講數"啦, 叫熊貓國閘大大來屈膝求和, 咁先致似老美口水戰贏咖嘛! 

好啦, 老美口風一軟, 老美兜兜就升番D了. 即係乜? 老美口水戰打輸左囉!

PS: 大家有無睇到? 口風轉軟, 當奴友自己係唔會出來咖, 只派佢條靚出來做醜人咋! 即係呢, 下次當奴友再出場講經貿呢, 大家如果做短炒的, 就立刻納定咖生, 快快做淡佢, 因為當奴友已經成為淡友至愛, 未日居士, 九星連珠的凶星, 有佢出場, 淡友好開心.

2018年3月25日 星期日

為何貿易戰很大機會會開打?

因為老美已經再不能維持這樣下去的貿赤幅度, 而熊貓國也要解決人口老化, 資源不足, 富貧兩極化等問題, 任何外表的政治表態, 如.... 當奴友針對熊貓國的態度, 熊貓國閘大大的換屆不換人, 都只是應對深層次問題的手段. 

其實, 回頭望, 我一早就不應該持有出租物業, 因為如果買中了加國銀行股, 其實單股息個回報係跟出租物業差唔多, 加國公民收加國股息, 稅率是低很多的, 加加埋埋個收益, 都會好似我持出租物業咁, 但係持股票, 唔洗咁困身嘛, 出租物業自己唔落手, 都要搵人做, 自己睇住嘛!

其實, 我自己一向外貌都是好可愛, 真係有很多女房客話唔捨得我這個業主仔. 只是相由心生, 出租物業呢, 個樣就唔可以太林善, 要有威嚴.  現在好了, 賣哂D出租物出業去, 就可以變回原本可愛到極的面貌了.

只是, 我原本計算得好好咖, 賣哂出租物業, 等股票大調整得果20-30%, 就入市買加股, 再加我加國公民持加國股D股息稅率低(股息收入乘大1.38的稅 - 股息的0.376; 如果這股息數目低於9萬, D常規稅率是40%, 實質就只係俾17-18%, 跟香港稅率差唔多咋), 我就不單只可以同我父母生活得舒舒服服, 還可以照顧我D哥們(如果有事). 

不過, 現在一打起貿易戰上來, 以往依賴自由貿易和路路暢通世界局面的銀行/金融/科網等行業, 頭上的光輝不再了, 回報率當然不再, 連每年的股息都不再好似以前咁. 

嗚嗚嗚...... 我JJ的優質生活質素大計, 可能要打個折扣.....

PS: 嗱..... 如果我D朋友來提議我買熊貓或突區地產呢, 我可以講一事, 咁多年來, 熊貓或突區地產係咁升, 主要原因是自由經貿下的世界局面, 熊貓國需要大量農村人口搬到城市, 來提供勞動力, 而突區就因為國內搵到錢的人想避開外匯和資金管制, 順便泊住D錢係突區地產上. 一到自由經貿曲終人散的時候, 我不知道會否再由城市大量遷移人口回農村? 也不清楚城市發展的可持續性. 我記起74年赤柬下金邊後所發生的事情, 因為他們知道外國經貿一封鎖後, 就沒有能力或意義去維持龐大的城市人口了.

2018年3月23日 星期五

督督督督督碌橙.... 我現在扮唱大戲, 息北返, 股南飛.... 呵呵呵.....

大家明唔明我唱乜姐嗄? 以前阿媽D大戲有唱, 鳥北返, 燕南飛. 家陣呢..... 利息返回向上, 股價跌囉向下喎, 都係一樣咁扣人心弦啊! 哈哈哈......

大家唔洗驚, 更唔用慌, 這個是好機會來咖, 可以拾平貨呀!

自從阿雜大大宣佈話取消2屆任期限制之後, 我JJ就預期到熊貓國所受的外部壓力, 將會越來越大, 阿雜大大唔洗煩接班人, 來緊廿年裡, 佢自己一往直前, 應對老美當奴友的壓力, 這個原是我意料之中. 今日當奴友更將熊貓國7千多億的入口中的4百多億, 列為抽重關稅的目標, 這個只是開塲白, 更多會陸續有來.

只是突區在熊貓國旁邊, 唔多唔少都受影響, 難保有一天, 我哥他們覺得要來加記暫避一下, 我現在就要有所準備了..... 

我現在可以足夠我和我父母舒服過日子, 但將來總要為我哥他們以備不時, 所以, 我現在會加大投資的力度, 以來增加投資收入, 應對將來我哥他們可能的需要嘛. 只是, 這樣, 我就要面對更大的投資風險...... 這個才是話題, 風險幾多, 才是合適....

我都唔可以好似後生時咁, 袋裡有一蚊當3蚊咁來投資嘛, 好吧, 唔好借錢囉, 袋裡有一蚊雞, 就買一蚊雞股囉...... 正所謂, 歲月催人老, 外貌可以像天山僮姥, 行為可以返老還童, 說話可以繼續跳皮, 但一到投資LU喎, 咪唔認老呀, 這個是大忌來咖.


2018年3月22日 星期四

昨天做的實驗......

大家網友仔都係係香港,我這邊下午2點半, 大家係香港就係係度教教豬時期的零晨2點半喎! 咁就無乜奶由我登出篇野出來10分鐘後, 就有20多個收看紀錄啦!

嗱.... 即係乜呀? 即係有人用軟件來收集大數據囉! 那個關鍵..... 就係我放左一個 =+=@=FB=+=@= 字眼係昨天篇野上囉.   咁就有軟件自動來收集數據咖啦! 大家如果想呃高收看紀錄, 記住用一些當時得令的熱門字眼啊!

唔知道..... 如果我下次係度講一夫多妻, 又或容許渣男有10個女平友, 會唔會有政黨出來順應民意, 提倡一夫多妻或渣男多女的政網呢嗄?

2018年3月20日 星期二

肥士仆FB面臨老美更嚴格監管

有個加燦, 西人來的, 組建了一間叫 劍喬分析公司, 用軟件來收集肥士仆上5千萬用戶的公開大數據, 來分折這些這些人的投票取向和日常的心理取向, 幫助一些競選團隊建立拉票的策略, 包括老美當奴友和老英梅姨的競選團隊.

本來佢唔出聲, 就無人會知道咖喎, 而且佢仲離開左間公司添喎, 但點解佢要死出來謲悔呢嗄? 嗱..... 這個一定係佢洗濕左個頭, D客仔見佢咁神奇, 蜂湧咁來, 要求佢繼續去章顯奇蹟, 當然這些客仔LU 喎, 個個都唔係善男信女, 佢只需要一次不成功, 佢就有可能要成仁了. 哈..... 哈.... 哈.... 而且.... 可能...... 佢D客仔想頭越來越大, 要求越來越奇芭高超, 甚至可能...... 要佢催眠所有肥士仆上的用戶, 要幾千萬人自願咁去每月俾錢某某人洗(這個可能誇張左, 但唔出奇咖).

嘩..... 橫又死.... 掂又死, 佢..... 不如出來謲悔爆嚮口, 一五一十再加D油鹽醬醋茶落去, 等D人以後唔好再來找佢章顯奇蹟囉.

不過, 最無姑姑的, 就係肥士仆一直都係公開用戶訊息, 沒有想過, 有人會咁來收集大數據咖嘛! 今後, 老美政府會出於政治利益上的考量, 來製定法例來規管 肥士仆/亞嫲信/谷果這些巨頭互聯網公司, 這次事件, 一切都只是藉口來咖咋.

PS: 其實, 一早我JJ已經知道有人在收習大數據, 所以我用埋哂D同音字/錯字, 或花名, 或背語. 我一直都懷疑, 我報稅時, 寫下我捐錢去的慈善機構, 都已經洩露了我的左或右政治取向. 由這些大數據來漏露個人取向, 在現代資訊年代, 真是防不聲防.


2018年3月17日 星期六

一群醫生和博士

最近我班阿哥猛係WHATSAPP 度吹水, 講埋哂D專用名詞, 攪到我情緒好低落, 我都睇唔明佢地講乜東東, 吓, 乜原來我係個文盲和白痴來咖?

係咖, 係咖, 係咖, 都係怪我細時唔肯用心讀書啦, 當然跟他們有一段好大距離啦!

算了吧, 我JJ唔鐘意曲高和寡囉, 我的能力已經足夠搵餐安樂晏仔, 我就算了, 無謂咁去遭質自己個腦, 日日係度諗咁多野呀! 我都係少D同佢地搭爹好了. 等陣我出去行街街 "濕平", 哈哈哈......

還記起小時, 班阿哥成日同我講, 我這樣泥樣果樣, 唔加以善用係唔得咖. 但係佢又唔係我, 我的天份係發夢呀, 第一觀感的美感, 不是邏輯思維呀. 

咪再來同我講, 上天這樣優厚對待我, 而我對世界一D貢獻都沒有, 咪再來罵我, 我欠左上天十萬八千七了. 我咁多年來睇住父母, 讓他們專心去服務社會, 貢獻世界, 這是我對世界和社會的間接貢獻呀嘛! 傻瓜!









2018年3月12日 星期一

獲得財務自由的三個階段

各位讀中學時都有講過, 工業分開三階段, 第一是農業, 第二是製造, 第三是服務.....

而獲得財務自由呢, 我JJ有個見解, 財務自由也分開三個階段: 第一是數股價升跌來計算財富; 第二是日常經常性的投資收入來補助生活開支; 第三是日常經常性的投資收入, 扣減生活開支, 所得出的盈餘, 來規劃長期的生活水平.

正所謂, 生活呢, 豐儉由人嘛, 如果年青時收入不錯的話, 為自己老年和父母/家人而儲蓄和投資囉!

又如果不是到40歲才來豪的話, 大多都進入第二階段, 日常經常性的投資收入, 已經開始可以用來補助生活開支, 因為大部份人在這時, 開支是最多的時候, 父母開始年邁, 子女快到成人但又未有謀生能力. 

進到第三階段, 子女出身了, 自己要開始養身預備年老退休, 更要因應收支平衡, 來制定日後的生活水平. 這時最能體會到能否財務自由 - 日常經常性的投資收入扣減一切生活開支, 能否有盈餘? 有盈餘呢! 即是達到財務自由. 

如果還想財務自由後生活水平高一點, 就可以考慮遲些才辭工唔撈. 又如果盈餘是很多的, 唔撈之後, 更可以提高生活水平嘛! 不要做守財奴呀, 人生沒有 TAKE TWO, 年紀再大D, 有錢都無能力出去洗咁D.


2018年3月8日 星期四

當奴友惡攪環球自由貿易下, 為何我心情會如此差?

大家可能會問, JJ你由細細個玩股票當煮飯仔咁, 少少股價上落, 你唔係會咁嘛?!

噢..... 其實呢, 我係膽生毛無有怕果種人來咖, 我一個人自己揸車週圍去一個月, 我都唔會怕, 全因為我習慣了那種環境和制度嘛! 同一道理, 老美由70年代開始推銷環球自由貿易, 一直到現在, 個制度係好透明好直線, 人人都知道條路下一站會有邊位哥仔上車嘛, 70-80年代係歐佬, 80-90年代係東亞, 90-00年代係中國, 之後就南亞.... 

人人一直都相信個制度會係公平和透明, 人人都相信終有一天會有好日子過嘛. 點知現在當奴友卻走出來講, 輸打贏要, 更改遊戲規則喎..... 嗱.... 咁就大鑊啦, 不單人人都對明天失去信心, 還有, 人人都開始不按規舉做事, 這個世界自此開始, 就會多事亂事煩事了. 

講真一句, 當奴友要更改環球貿易的遊戲規則, 即是重新厘定財富的衡量準則, 即是, 今天一元買個西瓜, 遊戲規則改左後, 就不能再用1元買了. 

甚至, 我一向準備了一定數量的錢來買股收息去退休, 現在被當奴友惡攪一下遊戲規則後, 我可能要更多的積蓄來買股收息, 才能夠維持退休後某水平的退休生活. 而且, 現在彈出個當奴友1號咁出來惡攪, 難保再過多幾個月幾年, 又彈出多幾個當奴友2號3號4號....., 斷續出來再玩野, 再請全球老美資產持有人嗌蕉咖嘛!

2018年3月7日 星期三

請大家咪叫我做末日J, 只不過, 天要下雨市要跌, 我都無計咖!

其實我JJ好怕俾人叫我做末日J, 只不過呢, 近來無乜好事情發生, 第一, 一打開財經台就見到那個嘔心的當奴友, 第二, 今天電視上又係度報道佢講野, 竟然都仲係講緊佢的殘腔濫調 - 貿易戰, 真係想打爆個電視機佢......

點知, 剛剛有報道, 當奴友的老美經濟局長宣佈話唔撈呀, 兜兜雖然收左市, 但係兜兜期指已經跌左4舊了, 相信明天一開市將會跌到七個一皮, 一仆一碌. 

而香港恒指再過多1粒鐘又會開市, 大有可能補捉先機, 加入跌埋一份. 

大家要坐隱過山車囉! 

我JJ現在情緒極度不好, 要出去行街街發洩一下呀!




2018年3月6日 星期二

從當奴友個髮型到舊經濟思維

嘿, 其實呢, 如果當奴友一直都係做生意佬, 我其實係唔會對佢個髮型咁刻薄的, 只是佢偏偏要走出來做政客, 仲要同我袋中的錢做埋決定喎, 咁.... 當然我係會唔老泥佢啦!

我第一眼見到佢, 係1980年代, 我係佢名下的賭場門口經過(當時離開夠歲數入去, 還有漫長歲月呀), 見到門口佢幅大頭相喎, 我第一個觀感就..... 令我想起100年前, 係 ARIZONA 和 NEVADA開賭檔開雞竇果班大佬, 呢, 即係獨行俠片中, CLINT EASTWOOD 要 啪底果班土豪劣伸呢!  MAKE MY DAY! 哈哈哈. 再唔係, 就係港產黑社會片中, 跛豪呀! 茅等華呀! 爛頭何呀! 果班呢! ICAC 拉完照佢地果班友之後, 這些人才可以繩之於法呢!

這些人開慣片, 腦海裡只有零和遊戲, 當然只會要人輸佢地贏, 這種經濟思維係有幾舊呢嗄? 連上世紀30-40年代英國佬法國佬打完第一次世界大戰後, 都已經話 OUT左 咖啦! 係咖, 當奴友個思維係19世紀老美西部蠻方土豪劣伸的思維呀, 正好體現在佢個髮型之上. 

100年前, 像當奴友這種思維的人來治國, 導致一戰和二戰, 死左幾千萬人, 今天當奴友用番同樣的思維去治國, 甚至決定埋我袋中的錢喎, 這個就令人很不安心了. 

大家咪話我危言蹤聽, 現在一切都只是個開始, 離開終點不知還有何年何時何月何日呀! 如果當奴友順利連任, 現在開始發生的貿易戰, 都只是小菜一碟. 雖然今天當奴友被佢D共和黨要員逼佢咪再講貿易戰,  佢無再講了, 老美兜指又再升番, 只不過, 以當奴友這種人, 俾佢今年中期試過到關, 再俾佢連任埋, 佢一定舊事重提打貿易戰咖, 條友無性咖.

昨天網友仔講我現在想溝淡我D貨的買入價, 噢...... 這個呢, 我..... 現在想緊, 這幾年的金融股科網股係咁升, 是建基於一個新經濟體思維下, 要是當奴友這些舊思維呢, 對一切金融科網股都係不太有利咖. 

唯一有利的, 可能係醫藥股, 因為在當奴友舊經濟思維反撲新經濟思維下, 很多人見到大上大落/大開大合/大變急彎的世途勢態下, 心臟病和情緒抑鬱病一定會節節上升, 噢..... 我JJ都係專心去睇醫藥股好了.




2018年3月5日 星期一

今天個市會如何? 歡笑? 還是更惹熱淚?

上個星期老美攪屎棍當奴友講話, 係老美提高鋼鐵稅後, 如果歐佬膽敢報復性加老美貨品D稅, 老美會加收歐佬汽車進口稅, 要令到老美無人會揸歐佬D車喎.

嗱...... 係咁濃厚打貿易戰氣氛之下, 大家真係要望實今明日個市了, 自澳洲到東京香港上海, 再到歐洲英德法, 再跟住到紐約多倫多, 咪暫眼呀, 昅實有無人會玩野.

不過, 當奴友唔知係玩野, 定係受到壓力而軟化, 佢講話, 相關企業在新鋼鐵關稅下, 可以伸請括免喎, 即係要人買佢怕啦, 最少交換支持佢連任.

我一不志在個市跌來撈低, 二不想個市大跌令我滿手貨跌價, 但係我都想找個機會溝低我手上D貨的買入價囉.

2018年3月4日 星期日

貿易戰分分鐘打嚮開來

老美當奴友前幾日話, 由來緊這星期開始, 要加外國進口老美鋼鋁的稅, 歐佬立刻講話要報復, 要加番老美進口的貨品稅, 點知當奴友立刻話, 如果歐佬夠膽加老美D貨, 老美就會連歐佬D車都加埋稅, 等老美國民唔洗坐歐佬D車.....

嘩哈哈, 當奴友好落政治本錢落去玩大佢喎, 不過呢, 大家可以睇得出...... 老美成日講熊貓國係佢地競爭對手, 不過如果大家有記得, 當奴友成日講佢好喜歡什大大, 同什大大有良好私人關係喎, 這個即係當奴友眼中的頭號競爭對手, 並不是熊貓國, 而是歐佬喎. 

上星期五, 老美兜兜指數跌左成日, 臨收市突然有茂里出來講, 鋼鋁貿易戰打極都唔會點影嚮環球經濟喎, 點知又真係有傻佬信佢講, 入市撈底, 鬼唔知單單打鋼鋁貿易戰係小兒科咩, 只不過, 一打起上來, 就唔只鋼鋁咁簡單. 

講番起熊貓國, 現在亞什大大修憲來在位長D, 學足北極熊蒲精咁, 跟本就不是為做皇帝啦. 有人講, 這個反映出熊貓國內社會矛盾很大, 避免換屆, 就可以避免更多的麻煩和矛盾. 只不過呢, 我JJ卻認為, 現在老美和歐佬鬥得難分難解, 係熊貓國發圍的千載難逢之時, 老美和歐佬不和, 不單給與熊貓國發圍的空間, 更有利熊貓國經略亞/非洲和南美洲. 

睇睇以前點解D人俾老無長有長做咁樣過足癮呀嗱? 皆因為當時世界形勢複雜多變嘛! 無人想頭痛嘛! 老鄧雖然只做2屆, 但佢唔做郭家主食後, 仍然係軍萎主食喎. 老江同老胡做完2屆, 因為蘇聯解體, 世界出現了只有一極, 那時做郭家主食無咁煩, 當然大把人出來爭餅仔, 當然唔得霸住做啦. 現在世界又回復到2極或多極的勢態, 就應該俾個郭家主食坐耐D, 等佢可以為本國做到更多的事.

PS: 如果打貿易戰, 最傷果個係風葉國了, 整個國家根本就係一條幾千公里長的線, 無能力跟老美打貿易戰, 只可以逆來順受, 對當奴友強顏歡笑. 風葉國現在只有2個選擇, 第一, 好似咖仔咁, 俾老美與取與攜, 第二, 係加強同熊貓國的經貿. 看來, 風葉國未來幾年一定會增收移民來谷高人口, 谷高經貿江湖地位, 唔再會一任聽命於老美. 

只是, 今天才見到個金絲貓, 窮到睏左係市區街上乞錢呀, 唉, 相信未來幾年, 加國窮人都唔會有好日子過呀. 所以, 要有個錢才好移民或回流風葉國, 如果唔係, 生活一定好慘. 


2018年3月2日 星期五

借錢買股?

其實, 我父親教落, 買股唔好借錢.....咁就乜野風浪都過到, 頂多唔好魚翅撈飯囉, 但總足夠安穩過充裕的日子.

前10 年, 如果有人同我講借錢買股, 我都不太反對, 始終都係放水時代, 無有怕, 但今時唔同往日, 到左收水日子了, 原本一直借開果D, 就要諗下點去收水收到唔再借, 或手頭持2元股票只借5毫子好了. 

現在個勢呢, 跟本就係D行D大投資者借慣左錢, 現在想緊法子去槓桿吧, 前排地動山搖一下, 就係D人係度試水, 見有無人大規模出來接貨, 就收番埋佢, 去槓桿唔好速度咁快.

2018年3月1日 星期四

送給下一代最佳的禮物

昨天講完國內一間小學名校, 因為報名學生的家長肥胖而拒招收. 

老實說, 小孩子年紀尚小, 如果父母一方身體健康差, 小小年紀要小孩子看著父母長期病患, 令其早早對人生產生負面情緒, 實在已經是毀了小孩子一半的人生了, 根本無須再說什麼鵬程大志, 鴻圖大計了. 

所以, 送給下一代最佳的禮物, 首先當然是一個良好的教育, 其次就是父母自己身體健康要好.