原因很簡單咖咋, 因為在現實的真相下, 如果自己編個故仔來自我欺騙, 我JJ就會失去分析實況的敏銳能力; 再下次, 就會好容易分析錯誤.
其實, 我JJ細個時, 係最喜歡自己呃自己, 最唔喜歡面對現實, 不過, 後來卻發現, 自己呃自己係無用的, 問題到最後都會來臨, 盞令自己拖在問題中更長更耐, 何必咁樣? 後來我學會, 一見到問題就立刻解決佢, 唔好拖, 唔收收埋埋唔理佢, 反而唔開心的時間會短好多.
就好似我JJ係2018年已經估到今天發生的一切, 係咖, 我真係比其他人早好多唔開心, 但我卻比其他人無咁耐唔開心. 希望我到左下年, 就可以睇得開D, 也見到自己部署見效, 唔洗唔開心了! 反而其他人會唔開心得更長時間, 由2019年唔開心, 可能到2023年都繼續唔開心.
所以, 做人唔好常常自我安慰呀! 更不要自己呃自己! 人生問題越早正視, 對自己人生越好呀!
PS:以前我係加記有好多移民來又回流的朋友, 其實, 佢地明知佢地自己人生問題並沒有校正, 問題遲早會再回來麻煩佢地, 好啦, 現在佢地又要再走過, 相反, 我JJ安安樂樂留係加記, 起碼唔洗上屋搬下屋先啦!
大家可能會諗, 一有大暴雨, D水雖然會無咁快排走, 流唔切, 會浸一陣間...... 之後, D水就會流入河流裡邊, 轉而流入大海!
但係這個情況, 唔可以適用於黃河和河南沉積土帶(如鄭州/開封), 點解?
因為客觀來說, 黃河河岸/河床....... 比河南鄭州/開封這些城市, 還要高出成百呎, 即係成10層樓高呀!
點解黃河會高過兩岸的陸地? 因為河南沉積土帶先是因為黃河水帶著泥沙沖積而成, 之後, 黃河水經過河南沉積土帶, 再把更多的泥沙沉殿在平原之上, 慢慢地黃河河床和兩邊河岸形成一個U型地型, 兩邊河岸高起, 中間河床在U字中間凹下去, 只是整個U字, 被不斷堆積的沙泥, 繼續慢慢托高, 直到幾千年後的今天, 托起了多過百呎.
既然, 雨水不能由黃河排走, 就要流經小河小溪來洩洪吧! 當然係漫長而無序的! 最後結果, 係河南沉積土帶, 先吸收所有留在地面的雨水, 再慢慢經小河洩漏出來, 或被大氣蒸發出來, 當然係漫長啦! 所以, 上邊官話講, 建造海綿城市, 就係咁解!
只是..... 原先河南沉積土帶的沙泥已經係超鬆軟, 對地面任何建築物己經缺丞托力, 現在被大水一浸, 河南沉積土帶泥沙就更鬆軟(都話左海綿城市), 會有更多地面建築物受影響, 如路陷, 橋墩移位, 大廈地基傾斜等等.... 將來當地經濟和全國運輸力, 可能會大受影響!
今次咁大鑊, 可能有好多水, 係由於黃河決堤而引起, 未必關水壩排洪事啊!
現在黃河決堤情況...... 已經比以前好, 解放後, 佢地係黃河上游起水壩和水庫, 就係為左去攔住黃河D水, 一來俾上游D人用, 二來減低黃河決堤的機會, 三來減低決堤時的破壞力. 缺點係黃河一到冬天會斷流囉!
大家可能會問, 為何要把全國交通樞紐起係果度? 話哂咁容易咁大鑊喎!
1. 自古以來地理因素, 那裡已經係全國東西南北的樞紐, 起係果度, 那裡D人一早已經習慣樞紐的角色,
2. 那裡千里平原, 起大型交通基建, 建築費較平宜.
3. 若要轉移到百里外的山區, 基建費貴又費時失事, 而且D人又唔就腳喎!
PS: 馮小剛那套1942, 就係講1942年河南黃河決堤而水災, 造成飢荒和數百萬難民來. 不過1942年時的河南, 雖然扮演著樞紐角色, 但不比今天的吃重, 現在係講緊, 東北糧經果度運去西南喎!
衷心希望今次水災唔會有大鑊後遺症發生, 更不希望因為咁令到全國經濟大混亂, 令到國人因此而災後變貧! 1942 年套片講, 災民經過十幾年後, 心理和人生都未能復原過來呀! 唉!
這位朋友把幾大傳媒d 7.21 資料, 放在一起講, 十分有意思, 如果佢係youtube 上 coded 的字模, 無論係乜語文, youtube 都可以自動翻譯, 就可以讓更多人知道了.
https://www.youtube.com/watch?v=fY_k8BsB_7A
上年7月1日立XX法前, 我jj開始刪文(主要係擔心網友留言, 和自己當時有無帶煽情), 但刪到 2019年7月21日之前, 我發現我唔洗刪, 因為我果時出d文, 係帶有微藍成份, 即係,...... 7.21 改變左我, 由微藍變左做微黃. 當時, 仲叫人出來上街, 都唔可以令到我地今上在當奴友面前無面子.
唉...... 事情發展到今天, 令我想起楚漢雙爭中最後的決戰, 當時雙方已經結盟, 以鴻溝為界, 兩分天下, 誰知劉邦一方乘著項羽一方東歸回根據地, 從後突襲, 最後在塢江合圍, 迫使項羽自殺.
無記多年前套"楚漢驕雄", 講到劉邦為韓信所逼而出爾反爾. 其實, 都係時勢下的使然, 劉邦唔出來自己動手, 韓信都會自己動手吧!
好多時, 我JJ常常質疑, 明明時勢而至於此, 為何其他人看不到, 也不預先作準備?
我JJ係2018年時, 已經講明老美對熊貓國的政策已經大改變了, 而上邊來收緊突區的一切, 已經是箭在弦上, 當時我也安慰大家, 突區不會太差, 兩國總要留個交接點吧!
當然, 我JJ能夠觀天下之勢, 這些年來我受益不淺! 最少我生活得安穩無患. 不過, 事事都用時勢來去思考, 雖然可保未來5-10年平安, 但10-30年後又怎樣呢?
要知道, 長遠來講, 唔講公道, 出爾反爾D人, 其他人就咪行埋去, 更加唔好同這些人一伙! 真係無好處呀! (上邊片中那些拿凶器, 聲稱教仔的人, 實則幫人出爾反爾, 今天他們上哂畫面, 邊度都唔洗去了, 唔好講移民, 連出來行街, 都要閃閃縮縮). 我JJ咁多年, 都無買係突區上市d 熊貓概念股, 反而我買老美和加記D股, 好很多很多.
如果大家想對上邊說不, 斯文的方法, 就係移民他方, 並且之後生活好美好, 人生過得有意義, 就可以令"XX制度的優越性"不一定岩.
PS: 為何勢之所在? 全因為很多很多我們這些小人物的共同群體效應, 當那些64後移民的人回流, 當人人都大買熊貓概念股, 當人人都搬回DA彎區, 當然這個就是勢之所在, 我JJ只能預計到天命不盡而已.
都是一群走投無路的人, 為生活, 等待著搶著越來越少的日結工作機會!
前年網上看到的掛逼麵, 今年漲價到$5元了. 這個是全深圳最平宜的救命餐, 為到瀕臨倒下的人, 提供再起步的力氣.
只是卅年過去了, 現在才明白, 為何老江老胡要交權出來給今上接捧, 因為一半人們(月入不到千元的6億人)的生活, 在這卅年來沒有太大改變. 如果再不交給今上來攪攪新方向, 人們那裡有一個新希望呢?
真不知道為何, 雖然我JJ在這30年裡, 在加記生活得越來越好, 我仍然希望時光能回去30年前.
30年前, 人人心裡都滿有希望, 想著明天會更好, 都是開開心心去迎接每一天, 但現在人們卻愁裡滿愁容, 好像看不到未來似的!
又或許, 是我JJ老了, 我自己看世界時, 已經再沒有以前的樂觀了!
尤其自己出生的地方, 人人都心裡對前路恐慌著, 走的走, 逃的逃, 避世的避世, 心灰意冷的心灰意冷, 再看不到一個積極的人.
30年前, 我係教會同人講, 領袖是那些最先彈翻起身的人, 30年過後的今天, 看到出生地遭逢大變的一驚後, 我發現我自己根本不是這種人, 哈哈哈......
PS: 最後, 我JJ只是希望今上不會計窮, 希望佢繼續帶給全中國人民希望, 一些可以讓人繼續走下去的希望吧! 始終今上是上邊人們的領袖, 給人們希望, 是他作為領袖的天職!
我JJ不是想說越勤勞越貧窮, 當然生活充裕跟勤勞係有關的, 但係, 好多人都以為勤勞係指肌肉發達果D勤勞, 而往往漠視了諗野上的勤勞, 忘記左常常動動腦筋, 要常常去思考呀!
勤勞得來, 只用肌肉, 只係度用手用腳猛做, 甚至死做爛做, 到最後, 有乜用呢? 肌肉得來唔用腦, 咁就不如躺平好了, 因為現在係機械化自動化的年代, 遲D就更會係人工智能年代! 肌肉鬥得過機器嗎? 咪傻啦, 古代無機械. 就話無得躺平姐, 家陣咁多機械做哂D野, 當然可以躺平囉.
D人貧窮, 唔係因為佢地肌肉上勤勞, 而係佢地唔用腦囉! 唔UPGRADE自己!
係現代社會裡, 有一種古代社會無的東西, 就係"社會生活成本". 因為社會上有固定的基礎設施嘛!(如公路, 醫療, 教育, 政府行政, 供暖, 供水, 供電), 維持這些基礎設施, 任何人活在這社會裡, 都要俾一份錢嘛! 返工搭公交車或揸車用路面, 要俾公交費或路面使用費(汽車牌費或汽油附加稅), 免費醫療+教育+政府行政(交稅時交埋), 供暖+供水+供電(唔洗俾水電媒費呀?), 如果係福利國家(要俾多D稅呀, 如加記失業保險5%, 供退休金供10%).
D人越來越貧窮, 主要因為佢地用肌肉所產出的價值, 抵唔到佢地自己應付的社會生活成本.
我JJ怎去勤思考?
1. 做份工近自己屋企, 又或買屋時買近返工地點, 慳時間, 慳油錢, 慳汽車維修. 人地3-4年要換車, 我開足10年.
2. 份工產出的價值, 不單要抵到自己的社會生活成本, 更要可以儲到錢. 如果份工抵唔到, 可能就即係個 CAREER PATH 有問題, 要盡快轉工. 我JJ第一份工係抵唔到自己社會生活成本, 之後第二年都係咁, 咁我就唔DO了, 寧願係屋企接JOB返來, 係屋企做! 直到找到份多過"社會生活成本"好多的工, 才安心做落去.
3. 思考自己生活方式, 是否有必要咁來生活, 咁開支囉!? 有時, 係可以唔洗洗咁多錢嘛!
4. 稅率是否可以低D? 係加記, 不同收入種類, 有不同稅率呀, 選岩自己的工作方式和收入, 就可以有更佳的稅率, 一年俾少10%稅, 攞去投資, 20年後, 就幾倍唔同了. 最後, 會好似我JJ咁, D稅率越來越低, 最後可以豉椒左老細, 靠食股息來躺平了, 現在我JJ俾D稅率, 係一生人之中, 最最最低! 這個就勤用腦的後果.
5. 思考下自己有無健康生活, 生活得健康? 將來的醫療開支少好多嘛, 加記65歲前, 都要俾藥錢呀! 少左醫療開支, 就唔會貧窮啦!
6. 條女肯唔肯同我咁來生活? 如果唔肯, 就咪攪咪結婚了. 好多人(尤其華人), 結婚時係諗住要男方就哂女方, 不過, 如果男方一向生活儲到錢, 又生活得十分健康, 人生向著美好的方向走著, 相比女方生活不如男方, 為何女方不去改改自己呢? 為何要拖死男方呢?
7. 唔好跟住人行條人生, 自己要問下自己, 自己係咪想人生咁先? 條女講乜乜婚姻傳統, 牧師講乜乜信條, D老細講乜乜職工修例, 同事講乜乜唔岩數, 生意伙伴講乜乜發圍, 都要自己諗諗, 唔好俾人老點!
是的, 他說, 他不是宣揚仇恨(不是叫人打倒任何人物或政權), 他只是宣揚憐憫和公義(人與人之間的那份真, 包括任何人, 黨員又好, 不是黨員也好), 說出港燦為何有訴求, 為何港燦如此大熱天時下, 都要辛苦地上街訴求, 來帶出和平的訴求.
今天上邊當權者的祖上, 不是在年青時上街, 同樣去帶出訴求, 宣揚憐憫和公義嗎? 難道後輩人忘記了自己祖上的一言一行? 所以我JJ說, 我是十分敬佩這些人的祖上, 但卻不知道這些人現在在做些什麼!
現在人們用和平的方法來說道理呀, 並不是用什麼大刀和拳峰呀! 請不要誤會, 也不要過度反應, 對和平人仕產生誤會或過度反應, 只會招來外界更多的不信任和猜疑!
所以, 唔好把幾十年前果D電視情節, 套在現在講和平人仕身上, 現在D 港燦只係同人講道理, 其他人千祈唔好誤會! 越誤會越過度反應, 將來只會花更長時間更大努力, 來做種種補救, 何必如此呢? 今天就應該做好正事實事來, 不要到時後悔已晚!
係, 無錯, 我JJ睇穿到真相, 只是未睇到最深果一層....
我JJ最大的錯判係....... 從來無想過..... D人可以一錯走到最底最尾, 沒有自我勉回復原的能力, 更想不到...... 可以走到現在咁差, 真係懷疑緊, 仲有無可能還原原狀.
唉, 原來D人係唔敢提出異議, 無人敢出來剎停部車喎, 到部車跌落懸崖時, 寧願全部人齊齊墮崖, 因為佢地知道, 一提出剎停, 一提出異議, 佢地只會第一個墮岸, 其他人都會得救, 無謂犧牲自己去救其他人, 倒不如去到最後, 大家齊齊角岸, 咁樣會心涼一D, 安樂一D, 佢地自己唔會被評為失敗者.
真係一言警醒夢中人, 真係唔好用自由民主社會, 去理解或預估"非自由民主社會"!
突區走到現在, 很多人都行在相同的路上.
有些人可能走得較出較開, 有些人可能走得較隱約.
有些人好似我JJ咁, 時時預測俾其他人聽, 前路將會是一個怎樣的局面, 叫人注意安全, 這個本來就是扶持的一種!
像我這JJ, 由2018年開始, 就開始嚐試提醒其他人, 到2019年就開始同人講去外國"申請難民", 到2020年就叫人不要有任何幻想, 條乜乜法一定會過, 一定會強力執行.
當然, 我明白的, 有些人環境不一樣, 不想遠走他方, 不想從新開始新生活, 留番係度, 這個我幫唔到了.
我JJ自己從來都不知道怎樣去勸人, 唔好去行得咁開咁出, 說了自己預測將來發生的局面, 讓其他人自己諗自己, 作出相應的決擇, 我就已經扶持了各位同路人.
所以, 同路人可以用唔同形式來扶持別人, 不一定係要走得好出好開, 才叫同路人.
也所以, 行得較隱約的人, 比較行得開行得出的人, 並沒有行得少(始終我JJ預測將來, 都好傷心思和影響情緒), 也不存在什麼虧欠的情況, 只是各自爬山, 各自做自己認為對的事呀!
PS: 想起以前去D教會, 當中好多人會去讀神學做牧師, 也有好多人會去做長老執事來服待教會的需要, 都係各自爬山, 做自己心中的事吧! 永遠不存在這些人做了些什麼什麼, 教會裡其他人就虧欠了他們, 要為佢地做些什麼事來補償.
我JJ在教會, 咁多次幫了別人, 都係為到一個願望, 就係希望別人生活得好, 有餘力來幫助其他人, 而不是來幫我自己, 這個才是幫人的最佳出發點, 下下想著交換別人將來幫助自己, 就失了原意.
最後, 如果一些人根本無心去幫其他人, 只諗住做埋D無用濕碎野, 為求交換別人來幫佢地, 這個也是十分不好的出發點, 我JJ也不會理會這些人了!
果度的盤龍古道, 有D似西藏的72拐盤山路, 也很像美國COLORADO州 Pikes Peak 的盤山公路. 果次我租左部日產 ATLIMA 上去Pikes Peak , 十分容易和安全, 我真係唔會揸到入左對線喎!查實揸到入對頭線, 是十分危險呀, 上山時車速較慢, 但落山時, 我躺左2波落山, 車速都去到50KM/H, 如果入左對頭線, 咁就好危險! 我諗美國起公路時, 係有考慮過路面的安全性.
片中初頭的風景實在太靚了, 同美國 Pikes Peak D 景好似, 不過條片去到5分鐘之後, 我就見到路面情況好差, 兩旁D沙泥沖哂落路面之上, 而且片中司機就算揸到好慢, 都常常揸左入對頭線, 差D同對頭炒車(如6:15分的那幕), 路面情況相當危險. 條片去到 8:00, 更見到起條路時, 個山斬左一半來開路, 留番半個山D泥慢慢再跌落條路度, 之後要不斷去係條路上剷走D沙泥佢, 令到日後維護條路的成本, 十分高昴.
什麼叫可持續? 營運成本低而效益大, 咁就係可持續了.
我果次上美國 Pikes Peak, 是2011年去, 果時美國經濟普遍都差, Pikes Peak 果度果個COUNTY, 當年頭9個月, 就有30多單自殺案了. 但大家睇睇, 經濟咁差, 上 Pikes Peak 果條路, 都仲係維護得好好, 唔單只起路果時, 路面設計到彎位果度闊D, 唔會咁易衝入對頭線, 更唔會留番半座山係路邊, 俾D泥不斷蝕落去條路上.
所以, 以國力而言, 老美係最差最唔掂果時, 佢地基建都好過某地號稱盛世時的基建呀! 更不用說, 現在老美走出經濟谷低, 經濟全速咁上, 更不須說, 某地現在開始向下坡走了.
不過, 美國 Pikes Peak 上山要俾錢, 我JJ單拖一人, 2011年時要俾$12, 現在加到$15. 不過, 值回票價, 路面安全D, 車速快D, 慳好多寶貴時間, 而且沿路好多設施, 廁所呀, 買食物飲品呀! 落山落到咁上下, 有人來幫我CHECK下剎車片有無過熱, 過熱就叫我停係避車處, 等半個鐘才好再上路. 俾佢美金$12 皮, 抵到爛, 相比某地看上去好似好平好抵, 其實乜都無, 去到自生自滅!
PS: 所以, 下下諗住用平用抵玩, 來吸引D唔想附費的人, 是沒有用的! 願意附費的人, 往往都是那些較負責任的人, 會去注意自己和別人的安全和福祉, 是一個強大國家的根本!
相反, 任何一個國家處處諗住去呃d 又唔肯負責任, 又唔注意自己和他人福祉的人, 有何用呢? 有何未來可言呢?
大家可能都估到我會攞首乜歌來講, 係呀, 這首呀.....
其實, 我一直對這首歌都唔係好上心, 因為聯系唔到自己去過的地方, 只是有一次, 我去美國華盛頓州的PORT ANGELES 市果度, 聽當地人講, 果度有好多鬼故, 尤其如果9-10月秋天時份去, 常常密雲和霧鎖迷山, 在當地聽這首歌, 就真係好有FEEL.
後來, 西人果套殭屍片TWILIGHT, 就係係果度拍攝, 所以果度係出左名的鬼故氣氛濃厚的地方.
同場加放西人拍的 PORT ANGELES景,
如果大家想知道, 國內是否有這些相同的霧鎖迷山而又有鬼怪味道的地方, 我會揀湖南張家界, 果度好近湘西, 聽聞以前小數民族土家族外出打工, 遇上客死他鄉, 就要搵人來驅屍回去....
看來, 大部份鬼故的傳聞, 係跟當地獨有民族和文化有關, 有些民族係特別多鬼故和迷信.
再PO PORT ANGELES D 相俾家睇下. 真係好有鬼故 FEEL
聽到香港新聞, 7月1日晚上, 有獨行男子在滿佈警員的街上, 竟然用刀去襲擊其中一名警員, 之後被其他警員包圍, 竟再用傷人凶刀去自殺.
實在不知道怎樣去形容自己內心的不安, 竟然有人這樣不顧自己生命, 佢竟然這般對前境絕望, 佢自毀前, 先毀去佢心中的那根刺, 無論是誰人, 情況都是令人十分不安呀!
大家真是要在言論上降降溫呀, 大家互相去勸止別人情緒繼續升溫, 多去留意自己身邊的人, 看看他們有沒有什麼異常, 互相勸阻, 唔好去做任何傻事了,
大家回去過好自己的日子, 為自己, 為所愛的人, 為親人..... 那就一切都會好了.
ps: 十分肯定, 警方會調查疑犯的犯案動機, 看看有沒受人教唆來犯案. 疑犯手機和電腦必然是證物之一, 當中社交軟件和網站留言(不單是疑犯留言, 還包括疑犯所閱讀其他人的留言), 都會成為調查方針呀! 任何人在相關網站上的留言, 均可能成為被控的罪證, 所以, 大家現在在網上的所有留言, 都可能有法律後果呀! 大家要注意一下啊!
