2021年3月25日 星期四

嗌大交的背後 2

上一篇講完超限戰, 今篇係講..... 穩固權力!

很多人說上邊怎樣怎樣的經濟差, 社會唔穩定, 最終乜乜政權會玩完! 其實, 我JJ只想指出, 現在發生一切事的後果, 可能會指著相反方向來走喎!

很多人誤會左上邊係一個人話哂事, 其實呢, 係應該係一班人數唔係好多的人話事! 雜某某係這班人推出來辦事的! 這班是什麼人? 如果用X二代三代, 就好籠統了, 我想..... 係控制著各地基本民生的企業揸FIT人, 電呀, 水呀, 礦呀, 糧油呀,重工業呀, 軍工業呀, 再加軍佬/差佬/文工這些部門的話事人.

大家有無諗過, 為何被揭貪污D人, 個個家中有好多億的銀紙? 個個都搶住同不同女人生多幾個仔? 答案係...... 這些人手中有權力, 但最終的權力唔係佢地手中. 試問, 控制得到基本民生的人, 手上根本就有副印銀紙的機器, 何須貪污咁多銀紙返來? 就好似陸肆時老趙咁, 一俾人趕落台, 就立刻被打回原形被軟禁! 

當然雜某某現在做的一切, 都算係一種集體意志來咖! 只是這群人人數不多! 所以, 佢地講..... 黨內民主, 黨內輪換, 就是因為當這種黨的集體意志改變(又或是..... 這意志由隱性變成顯性), 就會發生好像黨內輪換的事情吧! 

只是當黨內輪換時, 黨內有些人或不少人未能跟隨來改變, 那麼, 就要削弱/打擊/整肅囉! 

可能大家會問我JJ, 現在上邊改緊D乜呀? 答案係...... 由"主外" 變成"主內", 以前是主張外貿外交的人, 企澌係前頭呀, 現在係主張唔理外貿外交D人, 企左出來呀! 

大家可能又問..... 這個跟嗌大交有乜關係呀? 其實, 嗌大交係用來斷絕跟外國的往來, 主要是用來打擊/削弱"主外派"的那些人囉! 當外國越來越制裁時, 上邊D主外派力量就會越來越薄弱, 越來越唔夠主內派的人來爭囉! 黨內集體意志會越來越變得去蕪存菁, 我都唔知道, 這些可否叫整肅啊? 或借外力?

最後, 大家可能會問..... 既然知道制裁會打擊到原本主外派果班人, 會令主內派更有權力來主宰一切, 為何老美歐佬會做D損人不利己的事? 問答又係好簡單, 既然上邊D主外派, 再壓不住主內派, 做乜要再同主外派傾呢? 而且, 老美歐佬認為現在一切麻煩, 皆由這班主外派開始的, 根本這班主外派同主內派, 係一丘之貉呀! 而且, 還有好多原本係主外派的人, 改變左佢地個企位喎, 企左係主內派班人果邊! 咁樣, 制裁又點會死錯人呢?

不過, 講回來我地一眾港燦呢! 大家就唔好輕易講乜乜政權會崩潰, 因為, 以現時事態的發展來睇呢, 這些人掌權得越來越穩呀, 黨內的反對力量越來越薄弱喎! 離他們政權崩潰越來越遠呀! 

PS: 溫馨提示, 各位在我JJ這裡留言呢, 我JJ就唔會去刪或改呀, 話澌我都無資格去評論人家的想法..... 咁, 大家如果覺得留言後不舒服呢, 大家就要自己去刪或改了, 哈哈哈.....



2021年3月20日 星期六

嗌大交的背後?

大家有無發現, 老美一切要公開的重要資訊(尤其果D不能100%控制的資訊), 大多都係係星期四或星期五發佈出來, 為何? 因為離開星期一開市前, 仲有星期六星期日來執生, 可以做到減低資訊的負面傷害! 

好了, 講回正題, 三國演義裡張飛都講, 聚無好聚, 會無好會, 上邊一睇老美係雙方會談前, 頻頻出招, 一招未完又一招, 照理係..... 同張飛咁講一樣, 去泥做乜Q野呢? 

只是, 老美尚未見識過上邊D超限戰, 可以用到任何東西來攻擊對方. 今次上邊係用表面上的外交風波, 來震撼對方民眾對未來經濟發展的良好憧憬, 老美一直都在化解, 跟上邊脫勾後的連鎖反應和負面經濟信心, 如果唔係, 就唔會找南亞那人口大國來充撐塲面! 今次上邊外交人員擺到明係記者傳媒面前嗌大交, 就係打算來震撼對方的經濟和民間消費信心了. 

上邊迷信著, 老美這些民主國家, 民間信心和民心係非常脆弱, 只要上邊略施小計, 輕輕一推就會垮下來. 不過, 我相信老美對內可能會矛盾不少, 但對外就一定會好似上邊咁, 團結一致槍桿子對外! 還有, 會遇強越強, 遇戰越戰! 上邊太過低估老美人民(尤其佢地D精英), 以為在記者面前嗌大交就會嚇到老美人民傻左, 還以為好似那年港燦咁, 一聽X北大人出來講: "有人不按本子辦事!" 股市就會跌翻天嗎? 

哈哈哈..... 老美有乜大風浪未見過, 就算現在來談判的係老美後輩新手外交家, 但都唔係這些老美後輩新手外交家話事! 老美背後大把人食慣大茶飯, 星期一老美開市時就算點跌, 都唔會好似上邊外圍咁大鑊喎! 星期一一開市, 一定有好戲上演, 大家擔定櫈仔睇有乜戲上演! 水漫金山? 還是...... 火燒白骨精? 嘻嘻嘻.....

當然, 大家用睇好戲的心態, 來面對今後發生的波瀾壯闊世界大事, 可以較正面和樂觀, 只是, 還是要及早準備這些大潮一個一個直撲過來, 餘下安穩的日子實在不多了, 還會一浪比一浪更驚人, 所以, 大家且行且珍惜! 不要再想住撈底和短炒了.

當今世界2大力量還和好時, 搵錢的方法可以這個那個, 但如今嗌大交下, 搵錢的方法再不是以前的這個那個! 

PS: 最近新聞講, 乜乜炒王陷入財務問題, 佢講話係因為貿戰/社會衝突/立新法, 其實, 都估到這些人會出事, 只是這些人沒有留意到, 貿戰之後, 社會衝突/立新法是必然發生, 根本2018年一開始打貿戰, 就應該在那時開始減磅! 

我都唔知自己有無做錯, 減磚頭, 揸資源和民生股, 不過, 都係果句, 大家且行且珍惜! 唔好再想住撈底和短炒! 因為今天發生的一切, 不會在短期援和或結束, 10年8載係世界大潮裡, 只是一個小息時段而已, 沒有20-30年的一代人時間, 跟本就不會有任何轉機了.

我們這一代, 和下一代, 再和再下一代, 人生都會十分不一樣, 我JJ真是慶幸自己生在現世代裡, 還要感謝以前阻住我拍拖結婚的那些教會人仕, 這些以為自己捷足先登, 結婚生子, 但是他們會面對他們下一代, 跟他們不一樣的人生. 如果這些人人生原本已經不好了, 他們子女就更...... 與人無尤, 做人立壞心腸, 當然沒有好報. 


2021年3月15日 星期一

在現世代裡, 什麼是"含著金鎖匙出世"?

可能, 很多朋友說, 一出世..... 就無憂無慮D人, 豬唔係囉?

這個呢, 可能岩得一半咋喎! 點解?

哈哈哈...... 係現世代裡, 其實又真係好多人一出世就無憂無慮喎, 不一定係佢老豆老母有錢, 而係國家的社會福利好, 有多年免費教育, 畢業後又有多年的政府扶助計劃, 到中年無得撈時, 又有政府D福利和最低生活開支的補貼喎! 

尤其, 在福利國家出世, 就真係無憂無慮喎, 根本由細到大, 都唔洗好似我JJ咁, 要努力去搵水番來喎! 

所以, 在現世代裡呢, 無憂無慮就唔係"含著金鎖匙出世"了......

我覺得呢, "含著金鎖匙出世"..... 係果D..... 做著普通人做不到的事(如環遊世界), 想普通人沒餘閒去想的事(如藝術品鋻定審美), 學普通人沒機會去學習的事(如政治權術, 因為要師承呀)!

其實, 我JJ有點後悔呀! 以前掛住去搵水番來, 希望將來過安穩日子, 誰知道, 原來安穩日子已經在加記的社會制度裡, 已經給與所有國民了!

餘下的, 就是...... 怎樣去.....  1. 做著普通人做不到的事; 2. 想普通人沒餘閒去想的事; 3. 學普通人沒機會去學習的事. 能夠做到這3點, 就是人中之龍, 人中之鳳了. 

在古代, 莫說生在富豪之家都做唔到咁, 一定要生為藩鎮一方的有力人仕, 才可以咁做, 即係乜? 貴族呀...... 社會上有特殊權利的人, 只是在現世代裡, 尤其在福利國家裡, 白白給與國民, 一個這樣寶貴的生活方式吧!

所以, 極權國家, 係無法同民主自由的福利國家相比, 因為D人醒好多, 叻好多. 



2021年3月14日 星期日

原來開心就係咁簡單......

人有錢了, 是否一定開心嗎? 

疫情下, 有人沒能出去花錢, 沒能出外旅遊打卡, 就十分不開心, 情緒低落了.

或有人因為要分配時間去照顧親人, 而悶悶不樂!

但看看這餐廳老闆, 可能其他人眼中, 他沒有空閒時間來享樂, 但他卻是十分樂天開心啊! 他的笑容比我的, 還要燦爛明亮啊!

PS: 大家可能會問我JJ, 我會有D乜野唔開心? 前幾年未賣甩D出租物業前, 我JJ真係唔敢著衫著到咁靚, 自己租開的租客還好一點, 最少我有齊佢地個人資料, 但係有時帶睇租屋D人來睇自己的地方時, 真係會有少少驚咖! 

賣出租物業時, 我決定之後的2-3年裡, 都不會太過改變自己的生活方式, 包括衣著和座駕, 就算買了很多靚衫回來, 都未敢著住, 等到2-3年後, 新舊租客忘記了我, 網上再沒有我以前登落的那些出租資訊, 再沒有人因為租屋打來煩擾著我, 我才開始著靚衫, 換架好D的車.

只是, 上年迎來COVID-19, 唔好講話著靚衫出街, 連出街去多人的地方都要避免呀! 

相比這餐廳老闆, 我實在太幸福了, 因為我可以選擇唔洗再做了, 可以唔DO, 仲可以個樣無乜點老到, 健康都仲係好好, 成個後生仔咁樣, 皮膚還是紅紅白白, 無乜皺紋, 只是我無佢咁睇得開囉! 

我唔開心, 原來因為我無機會出去洗錢, 乜..... 洗錢真係咁重要? 可能我係擔心...... 自己洗唔得幾多自己辛苦搵番來的錢之前, 就摺埋左, 或老人痴呆左, 哈哈哈, 算啦, 生活得無憂無慮, 已經好好了, 唔好再咁強求了. 有錢唔一定要洗, 生活安穩, 有安全感, 咁就得啦! 


2021年3月7日 星期日

狂印鈔, 到磚頭+資源股升, 原是人們恐慌在升高!

 昨天看我張股票 WATCHLIST, 有隻油股竟然一年內由最低價位, 升了十幾倍呀! 好似我隻黑莓咁, 一年內由2個幾, 升到28蚊.... 個市真係傻左了.

心裡抽了涼氣, 真不知道因乜野解救, 支持到佢升十幾倍? 再看看上邊一線城的樓價又升左了, 我這邊加記又升左了! 

其實, 反過來一看, 原來人們在恐慌中, 要找些實物來揸手. 

當人們恐慌, 缺乏對明天美好的憧憬, 那...... 減少投資科技行業, 可以解釋到近來科技股跌了.

其實, 都係跟隨傳統智慧去投資啦! 

我JJ手揸大約1/3現金, 1/3保本收息股, 1/3進取增長股. 其實我發現磚頭好麻煩, 成日要維修! 磚頭一D都唔分散呀, 照舊講法, 1/3係磚頭, 十分不好啊! 

唔好因為恐慌或將會來臨的經濟蕭條, 而太過偏重某種資產呀! 因為世事常常出人意表呀!



2021年3月4日 星期四

出榜安民? 只是..... 覆巢下, 豈有完卵?

相信大家都拜讀完上邊"田中會飛的阿龍"講果D野了, 係啦, 上到報紙, 講D野就一定要承前啟後, 在牢牢掌握/全面管治下, 任何從政或做KOL的人, 都要愛佢個黨呀! 不過, 佢仲講愛國人仕要承認"佢個黨"的領導地位O既政治現實, 唔可以試圖改變或破壞現制度! 

不過, 現在被告果班人, 又唔係依照法定的選舉規則來做事? 乜幾時突區政府跟"佢個黨佢個政權", 變成命運共同體? 阿龍, 你或你班同事早早出來講, 咁, 這班人唔係唔會咁做野囉! 現在就唔會被人告囉! 

明白的, 阿龍你是想出來安民, 實在太多人走出來關注這班被告人仕, 連我JJ初時都誤以為你有睇我上一篇文, 後來才理解到網上好似我JJ這些聲音太多了, 阿龍你好意出來安定眾人不安的心. 

只是, 阿龍, 我想問你, 你又是否安心呢? 你心裡是否有底呢? 是否想快快走人唔好混這檔禍水呢? 

早排..... 不是說..... "資本主義必然失敗"? 攪到了個個都走來, 凶狼一番, 但資本主資卻沒有自動自覺崩潰, 反而強大起來來開始制裁, 之前凶狼一番的人, 一個個現在變成"箭狼"; 後又再說"外貿不可靠, 要內循環", 唔通你想叫班"箭狼"拔出自己身上的箭, 來再循環嗎? 學孔明借箭乎? 最近又再講, "靠鬥爭才能走到今天", 哦, 原來, 擺澌班人上枱做箭狼, 就係為到要這班人無退路, 難道要佢地去死嗎? 

說話可以說到天花龍鳳, 但行動最誠實..... 出榜安民, 心領了, 但我地一眾無福消受了. 我JJ無乜政治意識, 但我都好擔心其他人, 無論藍黃, 尤其藍到出來凶狼一番果班, 真係擔心佢地唔單只變成箭狼, 還會變成炮灰呀!被人推佢地去死!

大家真是要打最壞的打算, 無論黃藍, 都要保留自己實力, 保命保自己根本, 才是生存之道!

係呀, 唔係"致勝"之道呀, 係"生存"之道, 大佬, 現今時勢裡, 去諗"生存"啦, 而唔係諗"致勝"呀! 網上聽到有人要雷台比武, 唉, 時勢咁唔好, 就唔好咁樣走出來啦, 以前有句...... 槍打出頭鳥呀! 唔係單單打從政D人, 一切出位D人, 都有機會輪到佢地呀! 

好啦, 我JJ講到這個位, 已經好出了, 唔講了, 大家自己執生啊! 唔好企咁出, 大家一切小心啊!




2021年3月1日 星期一

自由潦落滿星哭, 茫茫不知身是客?

 各位都會知道我在講乜, 我出生的地方, 本是自由, 現在卻發現, 發生大變了. 

人們自己攪個合法的小選舉, 現在參選人和攪手, 竟然被控, 將會受牢獄之災! 

看來將來如果我仍有機會回來, 一定會變得物事全非, 到時就會...... 孩童相見不相識, 笑問客從何處來! 

這些被控人當中, 有些人剛剛新婚, 就有人問道: "為什麼在這個艱險時刻前結婚?"

這個使我記起一套老餅電視劇和主題曲(是老蕭的傑作) - 古都驚雷. 


劇情和歌詞唔只描寫1915-20時代(中國共產黨在1921年成立)那些人, 更可以描寫到現在一些人, 內裡歌詞 ".......... 不管他朝更多動盪, 共渡時難益覺真摯,................., 癡情綁我在你身邊, 但你可知我心事!"

老輩中國共產黨人中, 不知有多少夫婦都是在類似這些艱難時期當中, 就一眼認定那"眾裡尋覓"的人, 之後, 轉折南北, 死生相隨, 看來現在很多人沒有經歷過, 是不會了解的!

是的, 我JJ生在一個安逸的年代, 只遇到口講唔做實事的人, 找不到那"眾裡尋覓"的人! 

當然, 我JJ不是在這裡美化神化這些被控的人, 他們都只是一般普通的人, 不過做大事實事的人, 常常都只是一些普通人, 不同之處, 是這些人心誠, 無論10年20年, 此志不渝!

無錯, 我JJ十分專敬很多老輩共產黨員, 只是他們的後來人, 就不太清楚了.



不管他朝更多動盪 共渡時難益覺真摯
Read more at: http://lyrics.jetmute.com/viewlyrics.php?id=889351
不管他朝更多動盪 共渡時難益覺真摯
Read more at: http://lyrics.jetmute.com/viewlyrics.php?id=889351

不管他朝更多動盪 共渡時難益覺真摯
Read more at: http://lyrics.jetmute.com/viewlyrics.php?id=889351