我叫大家唔好移民的理由 1

大家還記起嗎? 上年我叫大家在香港的, 唔好因為中美貿戰而諗住去移民, 因為現在移民去的大部份移民國家, 都唔似以前80年代咁, 有經濟順風車可以搭上嘛, 現在移民之後的十年八年, 生活都不會比香港好. 

我家較幸運, 移民那時, 有2大經濟順風車搭, 較容易落到地生到根, 如果現在才來移民, 生活會否越來越縮水, 就真係難講了. 這個是我JJ叫大家留係香港的主因, 再加上現在這些移民國家再沒有經濟順風車搭, 移民來後就更不容易去落地生根呀!

第二個理由係, 就算中美點打貿戰, 一定要留下一個共同勢力交匯的地方, 香港長久以來, 都係扮演這個角色, 台灣不能夠, 新加坡更不可以, 上海是掌心之地, 怎能輕易改變其作用呢? 中美越是走向戰略對奕, 越要把香港拿出來, 好好使用. 

對中國來說, 香港是個窗口, 對美國來說, 香港是個進入點和緩衝, 世人越是抱著對奕的心態, 香港越是顯出其不可或缺的重要性. 

資金和人流, 如果想在當世兩大勢力之間, 左右奉迎, 捨香港其誰呀? 歐美的紅色X二代資金, 自從華衛太子女單野後, 誰會安心放資金和家人在歐美? 但他們又不想再踏入國門, 香港是他們的首選, 新加坡/台灣/東南亞/中東, 可以唔洗諗了.

大家可能會問? JJ 你做乜唔現在回流回港?  其實, 好簡單咖咋, 現在網絡世界, 人可以不在香港, 但其他的一切, 都可以一步步咁流回香港.

PS: 不過, 大家要留意一事, 香港地現在更加係英雄地, 通街都是聰明人, 個個一手都攞住D聰明錢. 我地一眾SMALL POTATO要贏這些人, 十分困難呀, BUY-LOW-SELL-HIGH這家野, 我地係這些聰明人面前, 千祈唔好關帝廟門前班門弄斧呀, 否則輸得更慘.

都係我JJ一向同人講果樣野啦 - 長遠價值投資啊, 戰略性選擇步步升高的地方, 當然香港是其中一個啦!

原來電視裡頭的感覺, 在現實生活裡是這樣......

祝大家有個美好的人生

好簡單咖咋, 唔洗搵十萬八千七一個月, 唔洗娶個靚老婆, 唔洗嫁個靚仔.

只需要每天開心地去過, 做到自己開心的事, 而又唔需要有太多的生活壓力, 太多經濟壓力, 咁就係一個美好人生了.

如果要我再貪心多少少呢, 咁.... 開心咁活到70-80歲, 身體健康仍然好似30-40歲咁, 即係比凍顏更要美好囉, 咁樣的人生, 就一定係美好了.

所以, 任何靠碌咭透支, 任何靠整容來變高富美, 任何靠藥物來凍顏, 任何靠服用PROBIOTIC來續命的美好生活, 任何靠人面場面情面的上位, 任何靠踩低別抬高自己的"上進", 都不會長久咖. 人生到最後, 順其自然啦, 每天開心是最基本的, 淡淡樸樸的過每天, 莫問將來, 莫問前塵, 少生活壓力, 少經濟壓力, 少憂心, 自然身體會健康.....

懷舊老歌

我最鐘意佢D公仔, 畫到勁靚.

唔好講話男性啦, 連女性都好鐘意, 個個瓜子口面, 咀細, 下巴尖, 高鼻樑, 大杏眼, 高挑纖俏身材.

PS: 不過, 與其跟這些人結婚, 可能係好頂心槮咖, 因為佢地D生活方式, 甚至諗野方式, 都跟大部份人好唔同咖.

其實, 我JJ係有少少凍顏咖, 代價係我晚上6點就食飯, 最遲唔會過7點, 9-10點就上床教教豬(如果遲食飯, 就會遲D上床睏), 5-6點未到就起身做早操, 6-7點就食2塊麵包1杯牛奶. 

嗱, 咁我以前去教會的晚間團契就麻煩了, 人地睇我, 好似頂心槮咁, 所以, 到左我唔再去果間教會團契, 只係打游擊方式咁去星期日的日間崇拜, 我生活就順暢左好多. 

前幾日去唐人街理髮, 見到店主個長輩, 就同佢講聲阿嬸, 點知店主問我, 為何唔叫婆婆? 好啦, 這個就係我要習慣的地方, 做人唔好執著, 要隨遇而安, 如果對方要聽我叫婆婆, 我也不會拒絕咁做. 只是, 別人唔知道我實際年齡, 對方會十分梗耳囉, 會覺得我係頂心慘一棕.

好啦, 原來我JJ始終都會有一天回流回港.

啊! 大家可能會問, JJ 你係加記唔係都已經落地生根啦? 做乜要回流回香港呀?

這個呢, 係我最近才發現的, 原來加記對外勞輸入的審批十分保守的, 始終老人院呢, 始終都係厭惡性行業, 無乜加記本地人會去做.

我好多年前, 提議那失業的朋友, 去上番個好似香港家居助理的課程, 我寫包單, 佢讀完出來一定有工做, 而且高過最低工資成40%. 都算係中產的收入. 點知佢一個掘尾十, 就回流回香港了.

好啦, 其實係加國呢, 好多唐人打死都唔回流回香港, 因為會顯出佢地係加記撈唔掂, 只是這朋友寧願回流, 都唔做家居助理, 就可以知道份工係唔好做.

將來, 到我JJ開始自己照顧唔到自己, 而到時加記又唔肯修改外勞輸入條例, 又或AI未能應用到老人服務上, 我就要回流回香港, 希望未到我老到不能自顧(希望可以40年時間啦! 哈哈哈), AI 發展到可以幫到老人, 到時AI人工身體支架, 可以提供我活動自如. 

PS: 多年前, 有個教友話要一眾教友齊齊去做老人服務, 我其實心裡想著, 這些人自己家中老人都未攪掂, 仲話要為其他老人攪服務, 唉, 我真係唔知道這些人想著什麼了. 我自己家中老人尚算好, 還能夠自顧, 再加我在旁幫一幫, 就不用太擔心了, 只是這些人連自己都不想理會自己家中老人, 當然他們老人的情況不會好了. 

我JJ姑勿論係咪無兒無女+單身, 就算結了婚, 兒孫滿堂,  都要平時多留意身體, 多做運動. 當人老了, 都要靠自己, 仍然不可以靠人, 就算係自己兒孫, 都係咁話. 一看這教會裡的人, 就知道我一向都好岩.... 入教會實在應該找神, 不能靠人呀.

在貿戰時代下...... 我最後的血拼.

大家係咪會覺得好奇怪呢嗄, 最近這1-2年, 唔見我JJ登D血拼戰利品出來......

哦..... 其實呢, 係因為有朋友勸我JJ唔好鼓吹別人消費,  不過, 我都唔係咁姐.....唔.... 我一向都係叫人減價才買呀!

噢, 其實我不嬲都係度鼓吹別人去保養好身子, 身型纖俏, 就可以係加記, 買到D平靚正的衫褲嘛, D型仔衫褲一定係會等緊保養好身子的人來買嘛. 我D衫褲, 大多都係係商店D公仔除落來後, 減價賣俾我.

好啦, 不過, 登埋今次這篇呢, 好大機會都係最後一篇了, 唔係因為加記再沒有型仔衫褲賣, 而係係貿戰下, D來貨少左, 商家補充存貨時, 慢左, 無咁進取, 就唔會好似以前咁, 咁多D平靚正野賣嘛! 大家都知道我JJ有幾慳家啦, D野唔減, 唔平到2-3折, 我係唔會出手咖嘛!

係咖, 因為上年年頭, 當奴友開始講話要打貿戰, 所以, 所有商家都博命入貨, 所以, 今年季尾清倉減價呢, 減得比以前都要多, 只是...... 這個..... 可能.... 成為了...... "絕唱"了. 以下所有野, 全都係減到低至2-3折啦. 

所以, 大家快D去保養好身子佢囉, 身子好, 就算現在再無平衫褲賣, 但仍然有大把型仔衫褲, 等住大家去買啊.

Under Armour 散汗秋褸, 40元加仔. 香港一件咁樣, 可能無5-6百都唔得呀.

好重好有質感的風褸, 32元加仔. 大家都知道這個牌子係香港係有幾貴呀!

都係秋褸, 26元加仔, 平到無朋友呀!

新科技羽絨褸, 可以放入洗衣機洗, 36元加仔

又係秋褸, 30元加仔, 但內裡穿佢, 外邊再加件上邊的薄羽絨, 就可以頂到-10C了

俾我立到件正野, 超正, 原價超貴, 現在係16元加仔.

乾濕褸, 春天雨季著, 25元加仔.

最後, 係羽絨褸, 格甩底(正名係咪叫腋窩?)有散汗拉鏈, 開個隆來散熱. 1舊加仔喎,

在環球貿易額快速下降下.....

跟本不用看數據, 只需要看看我這裡百貨公司裡, 他們補充貨架上的存貨, 就知道了. 他們現在開始出現較少的存貨, 貨架比以前空多了.

我都唔明白點解DOW DOW 仲可以咁升法? 由當奴友上台, 佢一切所作所為, 外表看似狂和瘋, 但事後一切, 證明佢背後有高人教佢路, 一切所做的事, 都是處心積慮. 包括中美貿易戰, 好像武俠小說中的點穴, 現在佢果D係經濟和貿易的點穴手法.

最近佢攪到美國政府運作停頓, 外表看似是鬧劇一宗, 但原來背後, 就令到很多經濟數據出唔到來, 莫講加息要參考經濟數據, 連縮表都要, 無左這些經濟數據, 一切都唔可以在短期內改變, 即是一切要維持現狀.

下次佢又可能番炒條橋, 令到人們無哂經濟數據來做野, 之後, 就可以係DOW DOW上舞高弄低了.

其實, 一切都已經好肯定, 老美儲蓄率越來越低,  再下一次的金融風暴會越來越金, 越來越嚴重, 現在一切的EQ放水, 都只是把金融爆煲延後, 而且仲係慮積獎金, 下次一爆就更強勁. 

我成日都同自己講, 項壯舞劍, 志在沛公, 不過, 我好似很多人一樣, 大約估到佢係度經濟劍指中國, 但不知道在何時, 在中國那一個經濟穴道.  

所以, 我JJ好肯定一事, 如果傾唔岩數, 必定有10年8年,  國際勢力和形勢才到達下個平衡點; 但就算傾得掂數, 之後..... 現在遮遮埋埋D野, 都要2-3年時間來慢慢暴光和引爆. 

PS: 當奴友前排話減稅, 只是, 原來對一眾老美打工仔來說, 並沒有減得好似人們預期咁多囉. 好多人以前係有老闆, 在每次出糧時, 替員工先扣起俾政府D稅, 不過, 今次個個老闆都預期減好多稅, 就無同員工先扣起大部份D稅, 現在預先扣唔夠稅, 現在一計, D員工才知道仲差政府大筆稅款, 聽說有人要在一個月內籌1萬美元交稅. 大Q鑊了, 個個都以為當奴友爆嚮口, 以為減稅減好多, 個個一出糧就洗Q哂, 現在要壽錢借錢來交稅了. 唉...... 

可以看出, 老美減稅只是減少少來呃人咖咋, 內裡係乜? 大家一想中美貿戰, 就知道乜葫蘆賣乜藥了.

香港雖然迫爆, 但總好過加記冷清到令人情緒低落.

我每次回港, 都好鐘意去行旺角, 不過, 每逢週末由港鐵旺角東站一落去旺角, 係行人天橋通道上, 兩旁都坐滿睏滿, 正在放假的印傭,  令到行人通道好狹窄, 容易有安全隱患.

佢地不但係度打牙較, 係度聽歌, 係度開餐, 係度PARTY, 仲有些係度做埋個體戶, 地下自家製造印尼美食, 在那裡放售圖利. 

我就叫果度做 INDONE....ATION, 哈哈哈, 我自己沒有厭惡佢地, 我甚至常常去維園檔印尼華僑開的美食亭裡, 食印尼野. 只是, 我發現我地香港無乜地方, D人請外僱來, 應該夾錢負責一下, 佢地D外傭放假有個地方去. 

其實, 話人阻街呢, 家陣D國內自由行呢, 我就真係唔覺得好阻囉. 

就以旺角為例, 自由行入去的舖頭, 我自己唔會入去, 就算自由行係街邊PACK野入喼, 大多都係係街的側邊, 好少阻到我. 

跟團果班, 大多唔會去旺角, 佢地大多去九龍城碼頭側的那些專用舖頭, 去濕平鳩末. 

香港成日有人講, 香港被迫爆了, 係咖, 我同意咁講, 香港係好多人咖, 明知香港咁迫, 第一, 就唔好請咁多外傭來啦, 大佬無得賺錢, 仲要俾水佢地, 遊客就唔同, 佢地現兜兜過水入香港喎! 

我JJ作為一個回港四圍逛的加燦呢, 我真係唔介意人迫囉, 反而覺得過癮呀, 可以見盡不同地方D人, 成日都有遊客來問我路, 我得閒就同佢地嗲多幾句啦,  問下對方佢來香港鐘意去乜地方. 不錯呢, 令到我自己好有渡假 FEEL.

其實, 我每次行旺角, 在洗衣街到彌敦道, 太子道到亞皆老街, 這幾個街口裡, 已經好有渡假 FEEL , 同我去台北士林夜市, 京都掘源道, 北京王府井, 上海徐家匯, 紐約華埠CANAL街果邊D舖仔, 巴黎13區唐人街左近果D中東佬舖, 果個FEEL 都係好一樣. 

我諗, 我唔用香港急症室, 唔用醫療, 人迫都可以是賞心樂事的.可能一到要用急症室, 人多就真係唔多好.

香港去中國化 與 美國的香港關係法

家陣好多人講香港本土化, 去中國化, 想攪到好似台灣一樣. 

只是香港不像台灣, 沒有了現今左右和孕育香港的2大勢力其中一個 - 中國或美國, 香港一切立刻開始萎縮. 

很多人都會知道, 中國在香港的"一國兩制"樣版戲, 但很多人沒有留意到, 美國在香港都有別一出樣版戲在上演, 就係"自由經濟". 

由60年代開始, 美國人看香港時, 都是以一個抗共前線來看待香港, 所以給與香港最優惠待遇國, 蘇聯解體後, 中國雖名為共產主義國家, 但仍然走市場開放路線. 

以當時美國人來看, 只要中國繼續走市場開放路線, 美國人可以免去一場類似跟蘇聯的冷熱戰; 而香港角式, 就由抗共前沿, 變成向中國內陸宣示"市場開放"和"自由經濟", 利誘中國繼續不解去走市場開放路線.

大家都見到, 美國對中國實在沒有惡意的, 不像對俄羅斯那樣, 而且還是十分有耐性, 美國一代人又一代人, 不斷利用各種方法, 誘使中國走"市場經濟", 而香港就是他們最喜歡使用的工具. 

到了2008年中國推出4萬億救市, 嚴重扭曲市場經濟, 大有回去舊時的國有計劃經濟, 美國人都仍然十分有耐性, 仍然維持在香港一切舊有政策.

直到我地集大大上左台, 一連串的事情, 美國人如夢初醒, 他們最大的惡夢開始了, 中國開始走回頭路(當然, 中國擴軍暫時仍未係最大惡夢), 另一個小惡夢, 香港也開始去中國化本土化.

先不談中國, 談香港吧! 試問台灣這樣去中國化, 怎能像往日香港般, 對中國大陸宣傳"自由經濟"? 現在香港去中國化本土化, 又怎樣FULFILL 美國人心裡的如意算盤? 

當然, 中國現在改變香港的一切現況, 美國人心裡都十分不情願, 但他們最不情願的, 就是香港去中國化, 香港人再不能以中國人身份, 來向中國大陸宣傳"自由經濟"了! 美國開始不能透過香港, 向中國內陸上演"自由經濟"的樣版戲了, 這個才是令到美國人開始從新評估"香港關係法"的原因.

PS: 很多人在說, 美國把在香港的一切搬到台灣, 只是有些事情, 他們是搬不到的, 一天他們仍想誘使中國大陸走"市場經濟", 一天他們都需要香港的中國人, 不能用台灣人來代替. 

香港現在想著去中國化本土化的人, 請不要傻了, 去中國化本土化, 不會贏取別一個大靠山, 事實上, 人家心裡不是這些人所想所諗的那樣. 

自從那位香港民族黨人被邀請去向國際記者講述他們的論點後, 人家心裡對香港這個"自由經濟"樣版戲, 已經大打折扣了, 不是中國人, 又怎能向中國人演好這"自由經濟"樣版戲呢? 

找個美國竹昇, 甚至會煲冬瓜的西人來演, 總比一個去中國化的香港人, 他們的演出更能贏取國內的掌聲吧!

什麼才是現香港人的金漆招牌?

前日我都講左, 香港有今天的發展, 全是因為香港在英國東南亞勢力下, 有著安全的經商網絡, 加上不斷有外來人, 帶著外間遠方的資訊/原材料來到香港, 把香港建造成一個繁華大都會. 

其實, 單單只以香港一隅細少貧瘠之地, 根本無法有今天的香港, 所以, 現港人不能單單只活在當下的香港, 應該以世界為念, 有著國際視野, 把目光看到遠方的世界, 把遠方的觀念和材料, 帶回香港來使用.

往日我們香港老輩利用英國人在東南亞的勢力和網絡, 當然, 今天我們生活在祖國和美國兩大勢力和網絡中間, 與其想著我們左右做人難, 倒不如想著我們有著世界上兩個最大勢力和網絡之便. 

美國人希望向香港人招手, 希望香港向全世界和中國, 展示著一個連美國人自己也做不到出來的自由經濟體. 如果我用美國人的想法, 來看香港, 當然不會希望香港的自由經濟走樣和變色. 

但祖國卻希望不讓香港由自己手掌裡飄了出去, 希望牢牢掌握著香港未來發展的主導權, 最少希望香港不會成為自己心腹大患的反共基地嘛. 

不少香港人身在福中不知福, 本為天之驕子, 而做出種種愚昧如流氓的行徑, 實在令人看剎了眼睛. 

我們港人的金漆招牌, 就是使用世界上這2大勢力和網絡, 提供一個在戰爭鬥角之外的另類選擇 - 經貿合作+共建共贏. 

可惜的, 現在人家一看現在香港這些本土派的言行, 大多都把港人的金漆招牌打了一個大折扣, 大多覺得香港這些人成事不足, 敗事有餘, 再成就不了自由經濟體的路重道遠.

PS: 為何我JJ生活在加記, 人家不敢看不起我? 因為, 當西人看我這個中國人時, 我又十分了解他們社會, 能入鄉隨俗, 融入人家的社會裡, 當中國新移民看我這個華僑時, 我又十分了解中國國內的一切, 不是紙張書本裡的硬知識, 在加國生活優裕, 能夠落地生根.

在加國, 不知道有多少次了, 不少人(包括會煲冬瓜的西人)誤以為我JJ是國內高官在香港生下的下一代, 之後用香港為踏腳板, 移民來加記, 當然, 我立刻解釋, 我土生香港人, 跟國內沒有任何關係. 

這個, 可以看到, 多元背境的人, 永遠會給人家看高一線的, 人家永會不敢來看低的. 

大家香港人, 不要妄自菲薄, 不要否定自己香港社會裡, 大好的多元背境, 而狹窄去選擇做一個只會活在當下的港人, 這樣, 只會給人覺得, 是個不折不扣的鄉下仔/鄉下妹.

香港社會矛盾... 源於扭曲了的社會資源分配!

大家住係香港, 可能比我JJ這個加燦, 更了解到香港公屋商場有幾多"吉"舖, 舖租有幾貴, 有幾唔合理.

最近, 有些左派建制議員, 要求立法規管公屋商場持有人"領展"的租金和"吉"舖數目. 

但係, 有商界背境的建制議員, 就走出來講: "政府近年對公屋居民大派福利，包括免差餉、免租金等，因此公屋戶消費能力較中產階級更高，就算公屋商場加租導致物價上漲，亦有能力消費."

這句說話, 講出香港現在社會矛盾的原因 -  "扭曲了的社會資源分配". 即是變相...., 用納稅人的公帑, 來托著私人企業"領展"不斷高企的租金, 來資助原本應該係"低消費"的公屋居民, 去高消費....

哈, 現在才明白到, 為何有些人大大聲走出來以本土派自居, 大罵新移民了. 因為只有大大聲咁講, 政府就唔可以唔理會佢地, 一定要賣佢地怕, 一定要設定個政策向佢地傾斜了. 

不過, 這些人這樣大大聲咁講野, 實在十分危險的, 因為支付資助這些傾斜政策的人, 大部份原是由中產和富人出來, 現在竟變成中產的消費力, 還比受資助的公屋戶還低, 實在不知道當中產走出來, 好似本土派咁, 來大罵公屋戶時, 香港社會的和階, 還能否勉強維持著? 

所以, 本土派人仕請你們見好就收手了, 你們現在只是在掘空香港社會的基石, 趕走了你們賴以生存的中產生產力和經濟力. 

為何老香港人先輩定居香港?

昨天講過, 4-5代長居係香港的老香港人, 大部份都有非華裔血源. 

今天再講講, 為何老香港人先輩會留在香港藩顯和生活? 

主要原因是老香港人的先輩因為經商, 而留在英國管治的香港, 當時香港利用英國人在東亞的勢力, 有著完善的經商網絡. 由香港出發到南洋(越南, 泰國, 馬來亞, 印尼, 婆羅洲, 菲律賓), 再到更遠的美洲西岸, 都是一條黃金經商帶. 

而且, 英國人以少數人, 來統治部落散亂的南洋原住民, 當地本地人當然跟英國人不妥協, 英國人唯有輸入華人到當地, 給與華人最優惠的政策, 英國人才能在穩定管治下, 搵到錢嘛!

一百年前, 華人去南洋伐木和種橡膠園, 把原材料運回香港加工, 造成名貴的楦之/壇木/橡木/楠木/紅木傢具, 所以香港傳統的傢具店, 都在舊時海邊的"新填海區"內. 木材由貨船下來, 就直接運去旁邊的工廠, 做成名貴傢具. 

這樣, 老香港人先輩就富起上來, 工商業發達後, 就有了銀號的融資行業, 也有了石塘咀的風月場所, 大家睇電影胭脂扣裡的11少和如花, 就是當時的代表人物. 

細時見過老香港人先輩相片, 是一名歐亞混血兒, 扎住腳, 頭上插滿著金釵, 穿著夌羅綢緞, 坐在橋上給佣人抬著, 一幅大家閨秀, 千金小姐的尊容. 

為何這些人留在香港? 不回去英國老家? 因為那時歐洲百年來, 打了無數次大戰, 相比英國祖家, 他們更容易在香港搵到錢, 生活得更安全.

這些人經過2-3代人後, 大多都再沒有歐洲人的外貌, 為求方便生活, 就全都改用漢姓了. 到了4-5代人後的今天, 就不會再提起自己非華裔的背境了, 只是心裡自己知道, 也不會走出來串串頁, 不會督住個鼻, 話自己才是正宗香港人, 人地係阿燦, 係外來人, 係大陸厘! 

頂! 真係好慶咖嘛, D人攞住香港人的金漆招牌, 係度亂來, 胡說八道.

PS: 昨天我講過, 香港人當中有人是 LIM, TAN, WENG, 因為是福建或潮州話, 是原本在東南亞謀生的華人後代, 來到香港, 都是因為一個共同目的, 經商嘛, 這些人先輩在賺錢之餘, 所交的稅和所僱用的大量工人, 為香港日後墊定繁華的基礎. 

沒有外來人帶來的外間觀念, 香港根本就沒有可能發展到今天的繁華社會, 所以, 本土派人仕真係要好好思考下, 

所以, 老香港人有金漆招牌, 係因為我們有良好的網絡, 有辦法去做好事情佢, 是繁榮社會的開荒著, 是社會資源的製造著, 建設了今天香港這些胡說八道的本土派, 所享受的一切繁華生活, 是不折不扣的社會建設者; 而不是社會資源的爭奪者, 甚至是老作低收入來呃公屋, 來呃福利.

開玩笑, 點可以咁來證明誰是本土香港人?

港人姓氏的英文併寫, 真係可以證明邊個係本土香港人嗎?

在網上, 見到有人用中國姓氏的英文併寫, 來分別誰是本土香港人. 如 廣東話的CHAN, LAM, WONG, 就直指是香港人, 如果是 CHEN, LIM, WANG這些, 就不是本土香港人.

我一見到咁, 真係覺得有D好笑, 因為, 要先問問..... 誰定中國人姓氏的英文併寫? 用正規廣東話讀音來作英文併寫, 是由那時才會這樣做? 點解咁做先?

嗱! 我有個在香港做"人民入境事務處"(現稱移民局)的忘年朋友, 佢咁講, 大約在80年代初之前, 香港是沒有一套正規"廣東話讀音的英文併寫"準則, 之前發的身份證, 全是以申領人所說姓氏的發音, 或是當時移民官的喜好來定, 所以就有了同一家庭的成員, 身份證姓氏上有著不同的英文併寫了. 在當時, 是十分普遍的情況.

後來到1980年代初, 港英政府才定立一套廣東話讀音的英文併寫準則, 背後原因, 只是方便資料電腦化, 不是因為要去證明誰是香港人. 那時, 還未有中文輸入法, 所有記錄都是用英文, 所以就一定要使用一套正規"廣東話讀音的英文併寫"準則.

大約到左90年初, 開始大量使用中文輸入, 人口記錄裡才有了中文資料, 就不需要再使用那套正規"廣東話讀音的英文併寫"準則了.

真是不好意思了, 那些人誤以為 CHAN, LAM, WONG, 就是本土香港人, 他們的錯覺出賣了他們作為本土香港人的假虛榮了. 

只能證明他們的父輩是在80年代到90年代才來港, 是新移民的第二代, 是每天150單程證的後人, 是上邊定立"香港人口政策"的既得利益者, 本應要多謝上邊恩德喎!

如果他們上數代長居香港, 一去比較自己兄弟或堂親戚D 姓氏英文併寫, 就會知道香港人的姓氏, 是不能用廣東話讀音的英文併寫來定死的.

還有, 上數代長居香港的港人, 很多都有個主要特徵, 就是很多不是純粹中國人,  祖上一定有些人是非華裔呀! 一到4-5代人之後, 大多人睇落都沒有分別, 但細仔看呢, 總會從外貌上可以睇到出來. 

老香港人因為本身部份非華裔的血源關係, 說話總會留著三分, 做人做事不會太串, 不會自認自己才是本土香港人, 更不會去否定人家的香港人身份, 明知道咁做, 實在太戇居和虛偽了.

在天氣急凍下

就出現了一個內空外冰殼的蘋果型冰塊了.

實在, 凍得太快, 蘋果上半部被冰雨封了, 冰塊並成了蘋果型, 下邊整個蘋果連肉帶皮, 在冰下邊跌了落來, 剩低上邊蘋果型的冰塊, 之後, 冰雨增多, 封埋下邊, 就變成圖中的冰蘋果了.

PS: 吖, 我這裡昨天剛好迎來30年一遇的大風雪, 雪就不特別多, 風就很大, 之後, 我就清理積雪半小時了, 還好, 有剷雪公司來清理一大部份, 我自己清理近屋子的地方.

情人節快樂

祝大家有個開心的豬年情人節. 哈哈哈......HIGH 唔 HIGH 呀, 劃心心出來喎.

為何過年要食餃子?

其實, 餃子這樣野, 係北方食物, 對於長年食米飯的廣東人來說, 簡直牛頭唔搭馬咀, 而且飲食都唔同口味, 頂多同雲吞似一點吧!

每次我過年食餃子時, 都提醒自己一件事, 我祖先的生活方式係同我好唔同, 唔可以用我自己的生活方式去斷章取義咁, 去理解我祖先, 也不能用我自己現代人的想法, 去理解我地先祖的文化遺產.

今年初二有人代表香港去求籤問卦, 籤文頭一句所寫的"石田", 我一聽所有人, 所有人都解錯左, 個個都以為係一塊瘦田.

首先, 我地要理解, 寫這些卦籤的人/時間/地點. 是二千五百年前的春秋戰國, 大約是在現今黃淮地區, 在一個農耕社會, 對著一個農耕社區內, 一小部份識字的領袖(通常是貴族或望族)來講.

為什麼當時的人是在石田上耕作呢? 因為河水常常泛濫嘛, 就唔可以係河邊耕田, 一定要在地勢較高的地方來耕田, 而這些地方就多為亂石之地.

當然, 亂石之地就田產量不高, 不過, 因為黃淮地區冬天時, 高地上的水源會結冰, 低地的河床就會乾起來. 人們冬天農閒時, 就會去沒水的河床上, 把淤泥掘上來, 舖在自己家裡耕種的田地上, 以加厚泥土的厚度, 好使來年春夏時, 田產量增加.

就這樣, 週而復始, 年復一年, 一代又一代人的耕耘後, 由原本亂石之地, 變成豐厚沃土. 

不過, 當沃土堆放到高過週圍亂石時, 就會好快水土流失, 人們很快就在沃土四圍, 堆上石頭, 再久而久之, 石頭越堆越高, 人們一看就見到田地四圍的石垣,  加上田地, 就感覺到是一塊石田了.

所以, 籤文上的石田, 不是指瘦田, 而是指被人們經營很久的田地, 不單土地肥沃, 更有適當的灌溉和排水系統.

PS: 籤文意思說,  有田有地有祖業, 是令人歡喜的, 只是一到畫餅來無中生有, 而荒廢了本業, 不再去新加田裡的沃土, 讓田地荒蕪了, 不務正業, 最後就會"不充腸"了.

AI? 是助力? 還是咀咒?

昨天, 有網友問, AI取代人的工作，點解國內會擔心岀生率問題?

嗱, 這個是個好問題呢...... 

第一原因, 是因為人口老下, 不能單單用AI 來代替人所提供的服務, 可能只有政府內部的人口資訊和執法服務可以由AI替代, 但很多人對人的服務, 暫時10年內, 都仍未可以用到AI.

第二原因, 是我今天講的話題 - 人們改變不了其根深柢固的想法, 未能與時並進, 未能活在一個AI應用下的社會.

依照我觀察舊時果D移民來加國的香港人, 我就發現, 人根深柢固的觀念, 令這些人適應唔到加國社會和生活.

其實, 加國比香港早很多年前, 已經開始面對人口老化, 其應對方法, 就是用小數的人去服務眾多的顧客, 跟香港果種勞動密集的經濟模式, 係剛剛相反. 

只是, 很多香港人腦海裡, 根深柢固著勞動密集經濟模式的思維, 一口認定話自己識走位, 夠靈活, 可以不依賴機器, 不用在彊硬的機械化中來操作. 後來, 當然就變成人家工作8小時後可以回家, 香港移民就變成工作12小時, 而且天天困死在餐館/便利店/洗衣店內. 最後, 更嚴重的問題來臨了, 缺乏與時並進, 跟著機械化社會去改變的更新能力. 

大家可否想過, 為何香港每天要批咁多單程證來香港呀? 不就是因為香港人習慣了勞動密集的服務消費嗎? 人人都想出街食,  但無人願意去做待應, 無人願意去做廚房, 無人願意去洗大餅.... 哈....

這些, 我在那間華人教會裡, 看得更清楚, D人不能與時並進, 不能去適應新環境裡, 一個二個抱著叫囂著, 香港人應該點樣點樣, 又唔去想下, 一班香港人應該點去適應新環境? 跟現在香港很多本土派人仕, 十分相似. 最後, 一個二個, 一讀完書畢業後, 就立刻回流回香港, 好像加國並沒有在他們人生裡, 起過任何成長的作用, 十分可惜呀!

PS: 還有, 如果我係中國高層, 現在同美國談判中美貿易, 係國家重點扶持的工業(尤其係AI用在政府和人口管理上), 我一定不會同美國妥協, 因為只有國家大力扶持, 如AI 應用的那些工業, 才會強大起來.

過年趣事

講講春節期間, 華人圏子裡的怪趣. 

話說國內有位在寧波(上海隔離)的"大齡剩女", 揸住佢阿哥部棗紅色BENZ, 回鄉去團年, 點知佢慌死唔搶眼, 仲係車尾貼紙寫上"大齡剩女, 回鄉相親, 尾追必嫁!"

嘩哈哈, 好堅喎, 即係叫人尾追佢部車, 真係好危險咖喎.

好啦, 佢終於有回報了, 真係有人來追佢了, 仲係係交通監控視像裡, 窮追佢一百里. 不過係交通警察, 立刻致電車主, 誰知道車主係佢阿哥, 佢阿哥就致電揸緊車的"大齡剩女", 叫佢係下一個加油站處停車, 將貼紙丟下來. 

只是, 開了罰單, 並不是派交警去當面俾個"大齡剩女", 而係寄去俾佢阿哥.

可以看出, 國內現在向著"無人手化"進發, 十分減省行政開支. 

有時, 我自己在想, 不知道10年後, 國內大量應用 AI 來"無人手化"後, 會是怎樣的世界? 

財有財路, 錢有錢路, 最緊要識計數....

各位, 明天初五呢, 香港賽馬會推出億元六合彩喎! 

嘩哈哈, 咁大個奬喎, 大家有無買番張? 試試大家今年個運呢?

係咖, 以前有講, 未去過北京唔知自己官細, 未去過東北唔知自己酒量淺, 未去過深圳唔知自己錢少, 未買過六合彩唔知自己好運.

不過呢, 我覺得六合彩這家野呢, 最緊要係識計數呀, 唔識計時, 就算夠運都無用.

美國有對夫婦, 先生讀大學時主修數學, 不過人浮於事, 唯有夫妻倆開著便利店多年來糊口, 直到佢地見到當地一種彩票, 他數學知識才沒有白費.

這彩票中獎要中齊6個數字, 中獎機會低, 所以常常都沒有人中獎(彩池就會好似香港六合彩咁, 轉到下期成為多寶彩金), 但一到彩池大過500萬而又未有人中將時, 就會把頭獎彩池, 按不同比率, 攤分給那些中了5個/4個/3個號碼的人仕.

因為佢係數學主修, 就知道其中有漏洞, 並且計出, 買多過某個數目的彩票, 在或然率下, 中獎贏回來的錢, 會多過投下買彩票的本金. 第一次, 佢用左$3600去買, 收回$6300回報.

這樣多年來, 夫妻倆慮計獲利2600萬, 直到電視台見到突然500萬大獎那期的投注額狂升, 走去導報, 並引來警察調查, 他們的行徑才被公開. 

還有, 別一個故事, 發生在我這裡的彩票, 有種彩票中了頭獎或二獎, 可以選擇每年拿若干錢直到身故, 或可以選擇一次過拿走20年所拿的錢. 

有個50來歲的人, 竟然傻到, 選擇頭一種領獎方法, 就以加國平均壽命82歲來計, 佢只能攞到30年的錢, 咁果個PREMIUM 就只有10年啊, 實在不智, 因為攞筆錢來買香港5號仔, 又或加記任何銀行股, 都有不俗的5%左右股息, 而且, 每年3萬8以下的股息收入, 是不用打稅呀! 

所以呢, 人夠運是沒有用的, 最重要係頭腦清醒, 甚至識得計數, 人生才會越來越好咖喎!

雖然籤文咁, 但可以用善心化解.

其實, 我JJ一向不信求籤問卜, 只是今年D人代表香港求得這枝籤, 又幾忌"崩口人"呀!

石田為業喜非常，
畫餅將來未見香；
怎曉田耕耘不得，
那知餅食不充腸

石田 - 是一塊久經數代人經營的田地, 有石基圍來固定鬆軟的沃土, 不讓沃土因風雨侵蝕而流失, 寓意香港久經我們港人數代人的苦心經營.

當然, 我們港人有基業, 本來不愁衣食生活, 歡喜著過每天日子.

只是, 為何用"畫餅"來形容? 明明本來是衣食無憂嘛! 即是, 我們港人偏離了實事求是, 畫一個餅來充撐財富, 而這個財富不單有得睇無得洗, 連用來聞下都唔得.

"田耕耘不得", 這句不好了, 就算我們港人不怕勞苦, 仍然無得做.

"餅食不充腸", 明明食左入肚, 但不能飽足. 

是上籤又好, 中籤又好, 下籤又好, 這籤真係幾忌崩口人.

來年, 大家都要存著"百無禁忌"過日子, 善心有善報, 就不用老是記著它了. 一切回歸到人的 BASIC FUNDAMENTAL, 那就好了.

今天初二開年了.....

各位, 開年姐, 未開工嘛, 不如齊齊來煲賀年歌啦.

播足77 首, 有成2-3粒鐘喎.

ps: 噢....... 嗱, 我一向都叫人唔好信求籤問卜, 不過, 港人慣左初二去求籤, 今期有人代表香港求左枝籤, 上邊講: 出入謹慎, 求財不逐, 家宅不吉, 自身平安. 

不過, 對於深信求籤問卜的人來講, 可能今年佢地會想得較負面了, 大家投資時, 真係要量力而為了, 氣氛始終都係唔好.

恭喜發財, 新春大吉, 好運鴻福, 添丁添壽

整番首賀年歌, 新春賀年氣氛唔怕老餅, 最緊要受得開心.

年卅, 又到我JJ出來做燈了 - 摧吉避凶.

2019的豬年, 是大變之年, 摧吉避凶呢, 就成為很多人心中的渴望了.

哈哈哈, 嗱, 我係唔洗念南磨南磨的咒語果播! 又唔要口UP..... 豬隆隆.....豬隆隆....

來年, 最緊要係呢, 係..... 生活有良好規律, 早睡早起, 作息有度, 飲食健康而有定時, 不要讓悲觀情緒圍繞心中, 心境開朗, 多出去郊外面對青草緣葉, 山川水秀, 呼吸新鮮空氣.

大家要有個心態, 是福不是禍, 大變之後, 必有大機, 情況就好似..... D錢呀, 係大家頭上飛來飛去咁喎, 只要大家龍精虎猛, 身體健康, 跳起身呢, 就可以俾D錢呀, 兜頭兜面咁打埋來. 如果身體比別人好, 咁唔係可以, 比別人跳多幾次, 到時拾錢都拾到手軟呀.

PS: 我JJ投資中的其中一隻藥廠股, 出左份報告咁話喎, 每逢世界大變, 經濟不景, 佢地D藥物消售量, 都會大升呀. 

唔, 嗱..... 咁呢嗄, 我就唔想大家咁囉, 所以, 大家來年呢, 要摧吉避凶.... 首要身健康健, 精神飽滿, 世界就會在大家面前, 就會變得平坦糠莊大道, 人事世事都會變得無往而不利了. 

致於我JJ咁講呢, 無非係說出我心中的恐懼和擔憂,  原本世界在變, 只是中性咁去變, 但人的悲觀情緒, 把一切都變得向壞方向走.

中國人在加記的實況.

加記這裡, 最近人們好燥呀, 多倫多華人店舖常給人搶和砸, 而我這屋企附近的中超市也不好過, 而我也總是十分識趣地用電子付費方法, 避免用現金, 來不為同胞店東增添麻煩.

前天去時, 問那福建藉的超市老闆, 有沒有廣東人過年吃的蘿白糕和馬蹄糕? 誰知超市老闆指指一大堆待售的年糕, 並說連這些都滯消賣不去. 看來這裡的消費境況不太好, 國內移民來了數年後, 大多都開源節流了, 比香港移民要早一些.

我之後再出去付錢, 前邊的中東佬顧客脾皮大, 一聽說超市不提供免費購物膠袋或紙箱, 就對個潮州妹收銀大發脾氣, 果個潮州妹承襲我地潮州冷D優秀傳統, 也不低威蝕氣勢, 粗魯地回應, 老闆也不來管, 看來臭脾皮的顧客, 近期並不少見.

我之後提醒個潮州妹, 要留意個人安全, 最好回答自己只是打工, 顧客不應留難她. 當然, 以一貫潮州冷作風, 不會接受我的好意呀!

有些中東人十分記仇的, 上次這中超市放在外邊的回收紙皮, 清早未開門前, 被人放火, 被迫關門半天.

我之後去了 WALMART, 人們也是十分燥火, 我付錢後, 一番好意, 把購物車推回室內的回收處, 準備用手拿著東西回車去. 我本來一番好意, 好讓店員不用大寒之下往外邊, 推購物車回室內. 

誰知有店員卻對我說, 那女仕等待購物車久了, 他還誤以為我在打尖. 我真不會當面和人噪起上來, 回家後, EMAIL 去WALMART 總辦公室裡, 講述事情始末和不快的經歷, 當然連時間+日期+那間店裡那個位置, 都一一講清楚,

有時, 我們中國人在外國, 真是要懂得跟人們周旋一下, 有禮貌說說道理給人家知道, 就不會惹禍上身. 


PS: 中國人很有宗族觀念, 福建幫同潮州冷行埋一齊, 合情合理, 個潮州妹仲幫老闆出頭頂住D惡顧客, 真好野呀! 

其實, 我地這些能夠落地生根的華人, 本應要出去加大消費, 帶旺同胞們店裡的人流. 只是我父母年紀大, 而我也人到中年, 再加上無兒無女, 過年過節也沒有心情攪了, 買回來後, 用不到, 吃不完, 盞暴殄天物. 只買了年糕和湯圓回來, 中國人麭點中加了名釩, 我們年紀唔細了, 所以都是少吃為妙.

至於華人教會那些人又如何? 十多年前, 一切都較好境順境時, 這些人都可以咁燥咁"看不到明天", 看來這些人現在一定更燥, 更沒有明天, 做出更多麻煩事來阻擾人們去教會敬拜神了. 不敢想像這些人現在會怎樣面對更多更大的逆境, 實在是..... 種的是什麼, 收的也是什麼了. 

同樣的詞彙, 不一樣的心情.

我廿幾年前, 都已經開始買股買果D研發新藥的藥廠, D藥每一次通過不同的 CLINICAL TRIAL PHASE, 股價都會升. 

在美國 FDA呢, 試新藥有幾個PHASE咖, PHASE I 到 PHASE II, 再到 PHASE III, 都係針對不同病人, 初期PHASE I 只能俾果D無乜希望的病人試, 看看可否延續病人的生命, 如果得, 就放鬆俾D有希望的病人試, 開始PHASE II. 

不過, 大多這些標把藥呢, 不能用藥太耐, 除非係用來延續病人生命. 

以前, 我對這些PHASE I/PHASE II/PHASE III 的字眼, 沒有任何感覺, 只覺得係生意的一種進度吧!

直到最近有親人用這些標把藥, 我就覺得PHASE I/PHASE II/PHASE III 十分感性, 代表著.... 希望與絕望囉..... 由 PHASE I 到 III 是希望, 由PHASE III 到 I, 是絕望.

由當初用那些成熟久經使用的藥, 但之後不再有效, 到要用 PHASE III的藥來試劑量, 再到PHASE II 和PHASE I 的藥, 希望一步步的下降, 心情一點點的下沉. 

我認識這些CLINICAL TRIAL PHASE 用意, 所以我心裡就更不好受了, 我也不用我那些做醫生的哥來多解釋了. 

怎樣也好, 我都曾經投資過新藥, 來造福病人, 現在我也算是生死兩無憾了.