快新一年, 我們不許哭了! 要堅強去面對!

 2020年所發生的事, 令世界不再一樣了, 真是令人懷疑人生起來了.

新一年快要來到, 我JJ真是沒有什麼好跟大家說, 網上見到有個視頻, 見到廣州重要交通站旁, 通街都是流浪漢露宿者, 比我這邊情況差得多, 到最後還見到流浪人群中有小姑娘, 還好, 片中人買了些東西給小姑娘充飢. 

到今天我JJ才知道金錢在這大時勢下, 會顯得這般的無力和虛弱.

是的, 我們解決不到深層次的社會問題, 我們無力以對.  但我們還可以付出一顆善良的心, 向無情的世界, 發出我們無聲的抗議和吶喊!

不理解當地社會實況, 一定係二等公民!

最近突區有新聞報導, 網上有一群自稱係"愛乜愛物聯盟"的人仕, 由突區回去上邊人口密度較細地區來避疫, 當然要隔離14日啦! 咁, 大佬你地係跨境隔離人仕, 上邊任何官員一聽境外隔離人仕, 那敢餒慢? 當然就會嚮起警覺, 一切要從嚴+高規格去處理, 就唔可以同上邊本地人一齊係同一酒店隔離啦! 當然就唔可以用佢地本地人的收費了. 

還有,  涉及任何境外隔離人仕, 如果再係這群人中擴散開去, 鳥紗不保呀! 所以, 接待這群境外隔離人仕的人, 當然不會是普通酒店服務員, 而是當地主要官員的嫡系維穩人員(係呀, 每個地方官都有佢地一班嫡系子弟兵), 接待的地點, 也不會是一般的平民酒店, 而是招待他們自己友的地方.

當然, 就不可以用一般酒店的服務水準來相比, 什麼膳食不夠乾淨, 唉, 大佬, 你地班友叫旅遊避疫, 人家心裡卻稱呼"非常時期"呀! 識做D啦, 班友可唔可以嚐試去自己攪掂呀? 自己帶埋D罐頭/米/電飯煲一齊上去, 盡量唔好靠當地D支援, 現在人家係認為"境外麻煩"燒到入去呀! 

可以想像到, 這班"愛乜愛物聯盟"心裡係認為上邊乜事都無, 一心相信媒體的表面報導, 仲諗住上去用旅遊性質咁來避疫喎! 

唉..... 這個就令我想起我係突區果D藍絲舊同學, 上年係咁不加思考地, 猛轉D媒體表面報導俾我, 令我最吃驚的, 係果單政府電台記者, 被稱作拿起地上磚塊去砸D執法人員, 乜原來突區社會矛盾咁大, 攪到我立刻決定唔會再計劃"將來回流". 佢地有不少人係公墓完, 將來咬糧時, 如果無人係突區置業安居, 佢地食西北風呀? 佢地一定以為突區政府大把錢, 去擦鞋後, 就會養佢地過世, 生養死葬?  

我這班藍絲舊同學竟然可以無腦到, 轉發人家無蒙面走出來互掟磚頭的視頻, 當然我第一時間勸止佢地: "有乜人來報復的傷亡或刑毀事件, 佢地要負責任了."

11月中突區仲係零數時, 我發個專講國內旅遊的YOUTUBE視率俾佢地, 話上邊有大機場個旅遊碼變左紅色, 叫佢地係突區要小心D, 始終上邊D人知道上邊規舉, 我地一眾港燦唔知, 就多D睇住人家點做野, 話澌上邊咁近我地港燦, 點知這班友又係當我發嗡瘋! 

好啦, 今個月初, 我又發個專講國內旅遊的YOUTUBE視率俾佢地, 視率講D YOUTUBER 個個都返澌屋企, 唔再四圍去拍旅遊視頻了. 我同佢地講, 如果上邊報無係真, D YOUTUBER 就唔會個個走澌返屋企唔出視頻, 我仲叫佢地唔好四圍去, 包括返去上邊避疫呀. 

嘿, 這班藍絲舊同學中, 全部係去教會的, 佢地成日都講我性格上有這個果個問題. 每次佢地一講我D性格問題, 我就同佢地講, 我現在早早唔洗再做可以退休了, 叫佢地先自己顧掂自己. 

上邊個報導"愛乜愛物聯盟", 講得好清楚, 無腦D人淨係識得念書, 喊口號, 靠擦鞋, 諗住可以局到人地來攞D著數, 好啦, 現在大鑊了, 可以講得係進退圍谷了, 走左入條死路裡頭.  

未日博士講匯市! 哈哈哈

 

2021年 - 大變延伸之年......

我JJ不想用"大變之年"來形容2021年, 因為2021年將會發生的事, 是2014-2020年多年下來的社會/政治/人心轉變下, 所慮積的能量, 在2021年釋放出來, 把多年來不為人知覺的持續變化, 突然變成表面化; 有如多年的地殼移動, 地表所慮積的壓力, 卻在一瞬間釋放出來, 變成地震一樣.

大變一直都在進行著, 已經變了多年, 一點一點的進行, 所以平常人察看不到, 只能在大變後釋出來的漫天風雨中, 察看到風雨! 

為何我JJ覺得2021年會有風風雨雨? 世界上叻的人, 當然是製定國際戰略的人, 他們把注視重心移到去那裡, 那裡就是最關鍵的地方嘛! 聽其言看其行呀! 

這些叻人或可以在說話當中, 隱藏他們心中的企圖, 但他們的行動是沒能隱藏他們心中的企圖呀!

咁多個國家都調兵遣將來南海, 而且是有共識的齊齊係同一時間來, 他們心裡一定已經預估到大事將將至. 

大家可能會說: "車, JJ 你又係度危言聳聽了! 打仗嘛? 誰不怕會死人喎? 到最後唔係大家四四六六咁折掂佢! 洗乜打起上來姐!"

不過, 大家不要忘記一事, 能夠四四六六折得掂佢, 現在就唔洗派咁多艦艇來啦! 咁多艦艇來齊澌, 要洗好多錢呀, 仲要暫時放下一直以來重視的其他地方. 所以, 必定是將會發生些大鑊野, 令到咁多國家齊齊聯手來南海! 

有乜大鑊野? 可以有好多呀! 其中最大可能係..... 上邊因應內部壓力, 把內部壓力轉移到外邊, 台海就是其中一個. 如果外界不介入, 武力攻台是一個選項! 只是現在擺到明, 外界介入, 並且把磨心, 由台海轉到南海, 最少嚐試著要令對方分兵而拒之, 盡量把台海衝突的程度, 大大減低. 

為何下年打唔成, 就會大約都唔會再打? 因為之前老美已經禁運高科技和收關稅, 己經大大削弱左衝突的程度了, 以上邊被禁運的零部件消耗速度來推算, 過了下年, 大多佢地再沒有能力去打了. (註: 大家記唔記得我今年3月, 自己大買老美油股和天然氣股之後, 仲叫大家跟埋我一齊去買呀? 去做資產戰略轉移呀! 實行西瓜靠邊大策略呀!)

咁...... 大家可能會問: "如果下年唔打得成, 突區係咪就天下太平?"(我JJ其實係估佢....大打係打唔成咖喎, 最多係.....打少少.... 去打最鷹果班, 就收手囉) 這樣呢, 我JJ可以同大家講, 就算打唔成, 都唔會取消禁運和關稅, 而且D招數仲會越來越辣, 越來越多國家加入行動, 還會多年都唔會改變或取消, 除非真係有人倒地不支為止! 突區生活雖然仍舊不會太差, 最少比上邊好很多, 但一定會受到不少重擊! 很多人袋裡D錢會縮左一大截呀! 會見番2003年果幕負資慘重演, 話澌今後係冷戰呀, 生活當然不比以前咁好啦! 

好啦, 都係果句啊, 機會永遠留給最有準備的人呀! 來年爆發出來的大型社會變遷, 必定會給與我們一切入市的良機喎, 記著呀, 各位網友仔, 準備買定泥手! 哈哈哈..... 

 PS: 有時實在不可以不佩服老美的圍堵和"戰略包圍" - 未戰先勝, 不戰而屈人之兵, 實在係救番好多人的寶貴生命, 不單好似我JJ這些平民百姓, 還有當兵的兵哥仔呀! 最少可以留番條命仔係度, 人生還可以活得更美好呀!

 

聖誔快樂呀各位! 我JJ不忘各位在逆境中! 一起自強吧!

 

 

今年, 是個特別的聖誕, 因為我們身逢大逆境, 時代大轉接, 沒有不過於...... 需要一個不畏逆境的心態. 

我JJ來加記移民咁多年, 都有逆境呀! 不是一帆風順, 但每當把逆境看作一個發圍的機會, 我JJ大多都會有不錯的果效, 最少無穿無爛啦!

各位, 無論大家決定去或留, 都不能少了那份在逆境中的 "BUSINESS AS USUAL"的心態, 就算決定去國離家, 遠走他方, 和跟留下來的人, 都要主動去自己掌握自己的未來和命運, 未來是自己一手創造的, 不是人家給的, 不是人家決定的, 不是人家分配的, 不是人家為我地包攪掂了. 如果任何人說同我地包攪掂, 最後都會係一鑊粥收場! 無論係政府, 無論係外國, 無論係社團組織, 無論係志願團體, 無論係宗教紀律團體, 無論係太太團供會標會, 如果諗住有個靠攏, 那就太天真了. 

自己做好自己事, 為將來未雨綢繆, 有餘力時, 就出外幫下人, 回饋社會, 盡量避免去使用公共資源, 人生咁就安穩了.

在聖誕節前, 讓我們懷念一些可憐人!

應該是上年年初吧, 上邊有專校女學生吳花燕, 因家境極度貧窮, 導致長期營養不良, 在上邊貧困人口被宣佈消失之前, 離世了! 

最令人傷心的是, 有外國長大的朋友問, 她父母做了些什麼? 令她如此慘?

這就讓人記起很多不開心的往事, 往事並未如煙: 她父母信錯左一句又一句的慌言, 什麼政府包攪掂, 什麼人人有田耕, 什麼人人有飯食...... 什麼服從分配, 什麼公有下人人有保障.

上邊最近很多人被宣布成功脫貧了, 聽到這個報導, 我JJ真係笑唔出來! 心裡浮著一個又一個貧困人口的苦況了.

最近, 更有人去到佢家鄉, 實拍佢家鄉可以窮到怎樣, 當初, 她父母或祖輩根本就不應落戶在那裡. 

 

PS: 最後, 我JJ都係果句, 唔好靠福利, 就算移民到去富裕國家或留係突區, 點都要維持自己做個中產, 尤其D福利大國入息稅好高, 一跌入福利網內, 就很難走返去做中產了. 

今天裡, 我也開始我每年一次的"年終捐款", 捐去醫院和紅十字會.  

校腳走佬系列 9 做人去邊度, 都係一樣咁去活得安穩!

係咖, 無論生活係香港, 還是外國, 做人做事都係一樣, 若要活得好, 活得安穩, 都係一樣咖姐!

1. 良好態度, 做人正面. 善良, 好善, 好的出發點, 但求與別人雙贏, 這樣去到邊度, 人生都會OK.

2. 做好自己的事. 就算加記係福利大國, 但係都唔好諗住去攞福利, 沒有用的, 因為福利只會俾人活在最低的生活線, 何必這樣苦待自己呢? 唔諗住去攞福利, 做好自己的事, 活好自己人生, 勤勤力力, 在中產線以上活著, 這樣人生才有義意呀!

3. 良好生活習慣. 不煙不酒不賭不嫖, 生活有規律, 早睡早起, 食得清淡, 少鹽少糖少辣少油炸少味濃, 家裡東西要有手尾. 我JJ D衫褲, 未著到穿到爛, 都唔會丟, 也唔會攞新衫出來著, 咁就唔會放到成屋週圍都係衫褲. 

4. 良好儲蓄習慣, 年青時賺10元總會儲1-2元, 中年後, 投資而來的被動收入, 就會變成立體多途徑的收入了, 儲錢就儲得更多, 到一個地步, 投資的被動收入夠生活開支, 就可以唔洗再理會份工了. 

5. 凡事親力親為, 力不到不為財, 自己能夠做到的, 就自己落手做, 不是為左慳錢, 而是令到自己主動掌握自己一切, 這樣心理質素自然會高, 唔會害怕世道改變後的逆境和不確定環境.

6. 良好拍拖和婚姻. 如果有任何懷疑會離婚的, 就要同對方傾清楚, 才好結婚, 唔好趕住. 如果對方在拍拖時, 已經來逼自己, 看穿自己渴望結婚的心態, 就要好小心, 要對這些人加以防範! 婚姻一唔好, 人生一切都會變苦. 我JJ以前同朋友講, 人生最大風險的投資, 不是買股票或做生意, 而是結婚; 買股票或做生意, 還可以分散風險, 但結婚就無得咁做!

7. 有宗教信仰. 生老病死不能避免, 但能夠看穿生老病死, 就能駕馭生老病死, 駕馭人生, 駕馭不確定的將來!

 

校腳走佬系列 8 D人回港拍拖容易 外國婚姻生活難!

哈哈哈...... 有網友仔係我前幾編BLOG文提議, 溫哥華有港式生活, 並好意勸我先拍拖, 咁就解決到很多問題! 

實在好感謝網友仔的好意呀, 只是我聽到的一個溫哥華故事, 就不是這樣了. 

這故事發生在溫哥華和香港喎! 男方是一個早年移民到溫哥華的港燦, 多年前, 又係好似我JJ咁, 回港時有朋友介紹, 認識了個在香港的女仔, 個女仔出身於香港草根區, 與個男仔移民前在香港係中產, 明顯上已經有很大落差了. 其實, 香港拍拖是十分容易的, 個男仔回去香港幾次, 個女仔就肯同佢結婚, 過去溫哥華生活. 

香港富人區, 個環境還似少少外國, 屋企樓下無車仔麵食, 要行遠少少, 但係香港草根或中產區, 一落樓下就有野食有野賣. 可以想像, 這女仔過到去溫哥華, 好唔適應呀! 乜野都要行遠少少, 尤其佢自己唔想揸車, 事事都要男方車佢去, 佢生活係溫哥華, 相比香港生活, 就一定會覺得好似坐監咁!

後事係, 個女仔跟個男仔離婚, 帶住個BB回港生活呀! 還好, 男方負責佢生活費囉! 

在我JJ遇見的我這一代的女性中, 做人處事, 全都是比較實際囉! 跟其他世代的女性, 實在很不一樣, 尤其上邊網友果一代. 我JJ這一代的女性, 很多甚至來"教育"我JJ做人實際少少, 所以我JJ想事情, 想得較實際. 我跟我D阿哥咁有激情, 好大分別, 主要因為我遇見的那些女性吧!

其實, 生活在加國的人, 回香港幾次來拍拖, 之後結婚, 這些婚姻大多不會穩定呀, 始終男女雙方的人生和想法, 都是南轅北轍. 現在香港咁情況, 人人心急想走, 結婚係容易移民走人呀, 不過後果可以係好恐怖喎! 大家有親戚朋友, 無論是身處香港或外國, 都提醒佢地不要用結婚來做走人的捷徑呀! 

PS: 可能在另一個世代裡, 靚仔在拍拖時, 係有用, 不過, 唔係我JJ遇見果D女性囉! 我JJ遇見到果D女性, 大多覺得靚仔會走來俾麻煩佢地囉, 只是她們又唔察覺到佢地自己好論盡, 唔察覺到實際上是她們自己俾麻煩男方, 或許她們甚至認為女方論盡/麻煩係應該的, 男方應該為佢地包攪掂! 所以, 這些女性D男人, 個個都一事無成, 人生去到中年, 個個都未能最少做到財務自由!

我JJ離開父母, 出來讀大學時, 最少都識煮煮飯, 執執屋囉! 已經擺到明, 我係果D唔會俾麻煩女方的男性, 擺到明, 我父母一D都唔會重男輕女, 單單家庭教養已經勝過很多人了. 無得講, 我JJ遇見果D女性, 係咁實際就係咁囉! 也令我JJ一D都會抱著幻想來拍拖或結婚!

校腳走佬系列 7 唉..... 大家過到來後, 千祈咪心急! 咪同人嗌交!

嗱, 各位, 如果大家唔係用投資移民身份, 過去外國的話, 過到去後, 就千祈咪咁心急! 尤其開展生意呀! 最緊要睇清楚, 諗清楚先好去做.

事源於..... 我今天見到有同胞出POST, 用$1元加仔來出讓便利店呀! 查番佢間野的登記, 係用三個姓氏來命名的發展公司! 即係這班人係三個家庭, 諗住賣來開展生意. 只是佢地初來, 唔知頭唔知路, 便利店十分困身, 一日由8AM 到 10PM, 困足14小時, 即係由睏醒到睏覺, 都係係度坐監呀! 平時已經唔好生意, 一到疫情下, 佢地生意額跌到傻左! 所以, 現在1加元來賣盤, 更可能只是賣出1/3股權而已.

幾年前, 我曾經講過我屋企左近, 果間同胞開的便利店, 先唔講佢D生意, 只係佢部豪車維修費都唔少錢啦, 都唔知要賣幾多支汽水才賺到番來. 前幾年仲聽人講起佢, 這同胞同其他同胞講, 佢在高級本地人區開便利店, 更在別人面前充作有錢, 暗示佢自己生意唔憂做(實情係佢當時想賣). 唉, 好心啦, 其他同胞初來報到, 才會俾佢呃到, 我這些老華僑, 每次行經過佢店面, 都數到有無車停係佢舖頭門前, 佢一個月做到幾多錢生意, 估都估到佢能否大富貴? 

還有, 大家來到後,  千祈要避免同人嗌交, 因為一嗌交就會分心, 撈世界賺錢呢, 當然要集中精神啦. 最近多倫多有港式餐廳在門口告示叫人: "在X漢不明肺炎下, 請戴口罩". 咁就俾一眾同胞圍攻了, 並去迫令當地警察調查"歧視", 有些同胞更加出言暴力威嚇,  當然查歧視, 一定無查暴力案件咁快嘛, 歧視最多咪罰少少錢, 暴力威嚇就要留案底或坐監, 或俾人驅逐出境嘛!

當然, 我JJ可以好肯定同大家講, 加記D同胞現在個個好大鑊呀! 以前班人成日出POST約人出去遊山玩水, 現在成日出POST來撲水! 其中原因, 大多係這些同胞太心急, 又唔避免同人嗌交, 本來又唔係有錢, 現在生活點會唔每況愈下呢?  

PS: 講到這裡, 又令我想起我以前去果間唐人教會, 當中有些人十分好的, 但有些人別有用心, 去教會都唔係慕道, 唔係敬拜神, 專係人地身上找是非, 肉碎裡挑骨. 我JJ一向都避開這些麻煩人. 只是我一唔去這間唐人教會, 我JJ這麼多年來, 發展得十分順暢! 咁快就可以提休唔洗DO. 即是證明一點, 就算避開麻煩人唔同佢地嗌交, 但成日見住, 都會影響到自己的發展和命運呀. 當然, 這些人喜歡同人嗌交, 唔做好自己正事實事, 一到現在疫情逆境下, 就一定個個大大鑊, 無好下場了.

所以, 一句同大家講, 移民來到, 唔好心急, 唔好嗌交, 專心做好自己實事正事, 慢慢有恒心去做, 一步一步來, 咁就人生必定會順順利利呀! 這點, 我JJ可以寫定包單俾大家!

校腳走佬系列 6 異國情鴛驚夢散, 督撐..... 哈哈哈.....

網上見到有人講, 佢要校腳去英國, 就要同現在女友分手了, 因為女友係個大家閨秀, 三步不出閨門喎!

就令我想起, 十幾年前, 有舊香港朋友介紹一位女仕俾我, 佢真係好高呀(可能有173), 到我耳仔喎, 香港女性之中, 佢真係好高呀! 咁, 果次見佢, 同佢去旺角食自助餐呀.

當時那位女性見到我件裇衫有自己洗水的皺紋, 就問我點解唔攞去洗衣店喎! 咁, 我就解釋俾佢知道, 我係親戚空置單位度住, 唔近任何大型屋苑, 左近無商場, 要行15分鐘才去到最近的洗衣舖, 一來一回, 再加再去攞番回來, 就係4X15=60分鐘了, 倒不如我沖完涼後, 自己落手洗, 10分鐘就洗好了. 

我最後斷定, 這位女仕在那時, 並不應該移民, 因為果時佢住係香港, 生活乜都好, 香港那時的情況又係咁好, 佢只差身邊無個男朋友, 以佢咁優異條件, 不如係香港搵囉! 佢如果跟住我去左加記, 我真係唔可能搵番同一的港式生活俾佢, 話哂我這裡一出街就係法文, 有些人更只講法文, 我要同佢講法文, 揸車出唐人街食飯, 要最少揸45分鐘呀. 如果這位女仕來我這裡加記滿地可之後, 我一定會好虧欠佢, 令佢生活咁樣受到重大轉折呀.

不過, 如果換轉番果陣時, 好似現在香港情形咁, 我會去問佢...... 會否留在香港, 來賭將來港式生活不變? 還是直頭, 當港式生活不復存在, 直接了當跟我去外國換過別外一種生活方式? 如果佢肯放棄港式生活, 我就會花多D時間來彼此深入認識. 

移民最重要係要改變自己生活方式和心態囉! 唔係因為我靚仔佢靚女, 咁就乜事都解決到! 跟我我這種人結婚, 已經容易好多, 話澌我係果D做開家務/煮飯/執屋的男人, 不過, 如果對方一定要係外國過港式生活, 咁真係連我這些咁容易話為的男人, 都無計了. 

所以, 大家如果現在跟女朋友或男朋友到左斷捨離的決擇時, 個中心問題係要去問..... 對方是否願意改變自己生活方式和心態到外國生活? 還是, 留在香港, 來賭將來港式生活不變?問完這問題之後, 要處理的問題, 就會容易一大半了. 

祝大家好運氣, 對方願意放棄港式生活, 用另一種生活方式到外國生活.

校腳走佬系列 5 天涯遊子, 心何所歸?

 其實, 人是有適應能力的, 我JJ從來不相信, 有任何人不適合去移民囉! 一切都源於個人心態囉!

當然, 人年紀大左, 無後生時適應咁快, 但放多D時間落去, 咁就得咖啦！

首先, 大家第一要攪清楚, 去移民, 不是斷左香港條路, 山水有相逢, 仲會返來咖嘛! 去移民, 只係開多條路俾自己和家人走盞之嘛! 日後自己和家人多個選擇, 唔洗走入死巷胡同嘛! 所以, 去移民呢, 唔係去死呀, 而係去更好地活著人生呀! 

第二, 既然唔係去死, 而係去更好地活著人生, 咁就唔好成日諗野諗埋一邊喎! 移民後, 生活上少少變動, 並不會令自己走入絕路, 而是令自己更會適應新環境, 更會隨遇而安, 隨機應變, 最後, 就會令自己隨心所欲啊!

第三, 既然要養成隨機應變的習慣, 那麼, 就要做人主動一D, 唔好咁被動, 每天醒來後, 就問問自己, 果一天有D乜想去做, 或有D乜應該去做左先, 或有D乜喜歡去做, 自己給自己一個計劃, 或興奮的事情去做, 唔好俾人推一推, 才沃一沃喎! 

第四, 唔好單單著眼去打份工, 份工只係人生一少部份, 人生最快意的地方, 是去做自己喜歡的事嘛! 所以, 就要多去留意工作之外的任何機會呀! 初時未必賺到錢, 因為萬事起頭, 都唔一定有回報, 但開左個頭, 日後賺錢的機會多的是, 人最決定性的地方, 是職業之外的機會, 一份工只能讓自己糊口. 

第五, 既然去到新環境, 一切都是從新適應. 就要從人與人之間最大相同的地方開始, 就是一個善字, 有了善意, 就有了一條百搭鎖匙, 去開啟任何機會之門. 這個善字, 當然是人與人之間一切共通的美好東西, 包括誠信/口誹/信譽/慈愛, 這些全都是百搭之匙, 有了它, 機會就會跟著大家來造訪了. 

PS: 前幾年, 我在香港遊輪碼頭上的觀景台, 遙望在測魚涌和將軍澳之間的東博寮海峽, 就記起當年自己離港移民時, 飛機在啟德機場跑道上起飛, 就是在遊輪碼頭觀景台那裡左近位置, 離開香港土壤的. 今天大家離港遠去, 都是在赤立角機場那裡離開香港土壤了, 但大家不要難過, 山水有相逢, 要想著, 後會並不一定無期, 到適當時候, 我們又可以再回去孕育我們的土壤裡!

 

校腳走佬系列 4 有乜好買來帶過去?

這個嘛..... 一切家具廚具呢? 未必岩用喎..... 過到去才慢慢買囉..... 電飯煲? 外國大多都有得賣, 除非好山卡啦D地方囉. 而且, 好多西人都有用電飯煲呀, 頂多唔係上網買囉! 我有次去玩, 係美國猶他州摩門教徒小城鎮上的WALMART, 都有得賣呀! 都只係20皮美金囉!

衣服鞋襪? 我建議大家頂多帶2-3套到埗後幾個月的衣服外褸去著, 之後再係果度買囉! 因為香港買, 未必岩當地環境和氣溫囉! 尤其鞋. 香港D價錢可能仲貴過果邊呀! 全綿內衣衫褲+襪, 就執半打1打過去. 不過輕果D就可以香港買, 例如: 買幾套散汗衫褲風褸, 大多數薄果D, 香港會平D, 好似加記滿地可咁, 一年總有1-2個月著得到.

貴價傢具? 如楦梓/紅木等等, 咁就要係果邊先買左屋, 知道呎吋, 才好買過去呀! 不過, 好Q麻煩, 古董傢具唔好用呀!

中國人食品? 海味蔘茸? 果邊都有, 但一定會較香港貴, 如果有空位, 帶少少去, 第一年未搵到地方買之前, 有D食下. 

首飾古玩? 哈哈哈, 這個呢, 如果大家已經有, 就帶埋過去, 記住上飛機要跟身帶呀. 買呢? 就隨意吧, 始終留多個現錢係身邊, 都會好D咖! 除非好肯定帶到過去會升值囉. 我JJ自己好喜歡香港街邊D朱義盛呀! 哈哈哈, 一舊水有幾條假石手鏈, 帶到過去, 戴出街都幾威惶咖.

運動用品? 價錢應該差唔多, 尤其正牌果D, 不過, 我JJ喜歡鴨寮街果D散汗離背的背囊, 因為係香港本土牌子, 價錢一定比外國平好多(外國買果D, 唔離背呀, 好焗汗咖), 香港D散汗背囊100-200元一個, 相對我這裡加拿大最少40-50加元一個, 十分平呀, 買一個二個攞過去用, 頭5年都不成問題. 曾經在花園街買過10元一個的NECK WARMER, 可能香港叫頸咕吧, 之後我在加拿大零下20度出街用, 十分適服暖和, 可以放洗衣機洗, 但這些化學纖維的東西, 跟散汗衣褲一樣, 都不要放乾衣機, 在室內掛乾佢, 那就可以著幾年了.

電子產品? 價錢差唔多呀, 過到果邊上網買囉! 頂多去香港D"執笠倉"買1-2條手機線或一些輕便電子野過去呀! 行車紀錄視像頭, 或"特別"的TV BOX? 如果又輕又用得著, 就帶少少過去! 哈哈哈!

去邊度執野? 海味蔘茸 - 百佳或任何做街坊生意的南貨行(大埔福善里裡, 係最有街坊人情味呀) 運動用品 - 波鞋街就貴D囉, 鴨寮街/南昌街價錢都好街坊喎, 尤其行山杖, 30蚊以內, 帶枝過去以備不時之需囉! 衣服內衣襪 - 花園街/水渠道囉, 好平民街坊價呀! 唔會令自己OVER-BUDGET囉! 楦梓/紅木傢具 - 上環應該仲有好幾間呀! 不過好Q貴好Q麻煩, 用起上來唔好用, 我一定唔會買囉! 首飾古玩 - 唔洗問我了, 我唔識, 都係去上環囉, 朱義盛就隨街都有得買, 哈哈哈. 電子產品 - 當然係黃金鴨寮街果度啦! 各位, 以上這些地方, 都係我JJ每次回港, 不可不到的地方. 

還有, 執D零食過去囉, 以前我去開"零食最強", 不過執左囉, 最近D人講XX360唔係自己友, 嗱, 我以前都有去果度買, 再唔係麗姐囉, D咸濕野, 果度都好齊咖! 歐美開暖氣, 室內乾燥, 耐唔時整粒川貝黃皮囉! 再唔係係外國唐人街買包果凍/椰果, 耐唔時一粒, 都可以止咳咖喎!

校腳走佬系列 3 乜原來網上有咁多奇葩問題喎!

外國水質好硬, 會生石喎? 

其實, 水質軟硬=酸碱度, PH呀, 水太硬或碱性太高, 加D野落去中和番佢囉, 所以, 水質係跟供水廠有關, 要看看水廠那城市有多少BUDGET放落D供水度了, 城市越大, BUDGET 越多, 供水的水質就越好呀! 加國大城市如多倫多/溫和華/滿地可/渥太華, 供水水質十分優良, 我親戚來多倫多第一天飲水喉水, 就已經愛上了. 但係一D小城鎮呢, 一來BUDGET少, 二來取水的水源無乜選擇(大多係中部草原或農村城鎮), 水源D水本身已經好硬(大多係內陸湖D湖水, 唔係流動的河水), 要放多多錢落去中和佢, 咁唔係水質差囉! 其實, 人生石呢, 係同食物有更大關係, 大多係高脂高膽固醇的食物引起, 而不是食水的酸碱度呀!

水質硬, 會令到脫髮呀?

很多人講, 住係外國耐, 水質硬就會令人脫髮呢..... 我發現一事, 水質只係其中一個原因, 不過唔係主因, 我發現主因係.....D 人天氣凍, 唔載帽, 尤其出外, 氣溫冷下, 頭皮的血管會收縮, 來減少體溫流失, D血唔流向頭皮, 頭皮下少左血來供應D養份, 當然就會供唔到咁多頭髮茂盛生長, 就會脫髮囉! 去到外國, 唔好扮壯扮有型大隻佬, 載頂帽, 嗱, 我自己住加記咁多年, 無錯, 頭髮係少左, 不竟人老左嘛! 但都仲有好多頭髮呀! 比同年留底D舊同學, 都仲係好多頭髮!

 點解突區D水質唔同外國?

果次我返來突區睇突區博物館, 就有講解了突區地質的形成了, 突區個港口, 原來係個火山口, 中間凹左就係火山口中間, 而D山D陸地, 就係火山最外圍了. 咁, 突區和左近地區係火山群, 好好多火山呀, 成塊地都係火成岩, 火成岩唔係多硫磺囉, 硫磺唔係酸性囉, 所以突區和左近D水, 就係硫磺酸性水囉! 咁, 碱度低之下, D水質就係軟囉. 同外國D碱性水質唔同囉!? 不過, 樣樣野, 有辣有唔辣喎, 水質硬呢, 我JJ係外國係唔會有熱氣這家野喎, 不過, 我返來突區, 飲D硫磺水, 第6-7天就已經熱氣攻心, 要走去煲菊花茶了, 哈哈哈..... 仲有呀, 我JJ係外國D衫, 著1-2年都唔會點甩色咖喎, 但攞番來突區, 洗10次8次後, 就開始甩色呀, 當然係拜突區D硫磺水所賜呀!

外國天氣飲食, 容易整肥人呀?

發現一事, 外國好多港燦, 後生初來到時, 原本好瘦, 但係唔喜歡著衫, 喜歡扮有型去追女呀! 佢地身體感到唔夠暖, 咁唔係俾個訊號佢地身體, 叫身體儲多D皮下脂肪, 咁唔係變肥囉! 所以, 這班友追到女友之後, 個個變肥左, 就俾人飛了, 都係一樣食白果呀! 所以, 係外國, 著多件衫, 俾身體常感到暖和, 身體就自然唔會不斷感到餓, 也不會變肥了. 我JJ體重呢, 同我初來加記時, 無乜點變呀! 都係因為著夠衫, 夠暖囉!

校腳走佬系列 2 大家有便宜唔好洗頸喎!

 昨日講左..... 如果大家有D身家呢, 當然有好多地方選擇去移民. 

只不過呢, 唔係個個都係咁嘛! 咁..... 既然如果無乜選擇呢, 當然係去D容易去的地方囉!

越容易去的地方, 大家就應該快手D, 因為有著數的地方, 通常唔會 LAST FOR LONG TIME呀! 也會好易改到難左串左呀!

現在我地一眾港燦, 去英記容易呀, 但係唔知道英記幾時又再改例呀!  趁現在有著數, 大家就要捉緊D機會了. 

仲有呀, 加記又開放俾D新近香港畢業的大學生申請喎! 大家緊捉機會了!

其實, 話無乜選擇姐, 但又唔係無選擇喎..... 始終..... 計定而後行啊.....還有3個選擇喎!

選項 1: 走佬去英記或加記, 但仍可以回流番來呀, 先係英記/加記開左度門先, 到發現唔岩住時, 再回流回來突區呀!

選項 2: 走佬去英記或加記, 但之後, 仍可以再申請去其他國家嘛! 如老美呀, 袋鼠國呀, 紐紐呀, 都係果句啦, 先係英記/加記開左度門先, 到發現唔岩住時, 再伸請去其他國家呀! 嗱, 我JJ係加記退左休了, 冬天唔係可以落老美南部過囉, 再唔係落去更暖的地方 - 中美南美囉! 就係因為我JJ先習慣左睇法文, 開左條路, 現在可以睇得明西班牙文路牌了, 同一道理, 大家先去英記/加記, 習慣左之後, 再去外國其他國家, 都會更容易適應嘛! 

選項 3: 走佬去英記或加記, 後再做國際公民囉, 有左英記/加記國藉後, 其實要去任何地方短期工作或旅遊, 都係好容易咖咋, 家陣突區護照可以免簽去足170個國家和地區, 不過現在乜乜法過左之後, 好快就無170國家和地區了, 趁住英記/加記開門俾大家, 以後仍會有180國家地區免簽俾大家嘛!

 

校腳走佬系列 1 去邊度好呀?

近來乜乜法過左後, 原來係全球通用喎! 噓, 就算我JJ唔怕, 但都唔想導引各位BLOG友仔去想一些唔開心或不太安全的事情!

 哈哈哈, 所以我近排少左出文啊! 當然, 出文出到未能造福大家, 我JJ就唔出囉!

不過, 最近聽到人人都想緊校腳走人, 咁, 其實我JJ係過來人嘛! 可以寫D野俾大家, 通下水, 俾D TIPS大家呀!

今次係寫呢....... 如果大家有幾個地方可以揀去呢, 而又一樣較容易申請......我就會提議大家..... 

1. 西瓜靠邊大, 一定要去大的地方, 那個國家地方越大, 資源越多, 產糧越豐厚, 民眾教育越高越富有, 民主自由度越高, 就越好, 就算將來一時三刻停澌D外貿, 都可以捱到好多年吖嘛! 照咁原則, 當然係來美加好啦, 美加地方大, 出口糧食多, 藥廠生產力強, 照顧本土自己國民一切, 都能力卓卓有餘呀! 

2. 言語和制度, 當然英國/台灣/澳紐好啦! 美加/歐洲行車係右上左落, 同突區/台灣/英國係相反喎, 我成日返來時, 最危險係過馬路呀, 哈哈哈, 好容易睇漏左就過馬路呀! 大家去到D言語和制度唔合適的地方, 又真好澤洗, 好似我JJ來到法語的加記魁北克咁, 這裡一出街, 除左乜都係法蘭西話之外(路牌和道路情況告示全都係), 更加係用內陸法, 我地港燦習慣左普通法! 不過, 好彩係, 我現在習慣左, 去到西班牙語的中美南美, D路牌都睇得掂囉!

3. 天氣, 其實, 講真, 加記D天氣係好難頂呀, 上年721之前, 我仲成日諗住回流返來過暖和的冬天呀. 當然唔係我係加記撈唔掂啦! 只係一到年紀大時, 就要搵個冬天天氣好的地方住. 只不過, 我現在打算..... 將來年紀再大, 冬天去中美洲過日子了.... 英國天氣都唔好, 美國南部就好少少啦, 不過, 美加西岸有地震, 東岸有巨風. 台灣一切對我地港燦來講, 就真係無敵了, 不過台灣有地震喎! 世界上, 環境對我地一眾港燦最完美的地方, 唔係突區囉? 只係現在俾人咁攪..... 唉...... #*%($&@)%$)^*!(($_^Y)*#*%$)^~(@), 省下百句的粗口. 

4.  國債?人民欠債? 其實, 仲要睇果個國家係咪生產大國囉, 如果係乜乜工業農業生產大國, 多多國債, 人民多多欠債, 都無問題呀! 而且, 這些國家係人民富有政府窮, 還富於民呀, 生活係果度, 只會越住越富貴呀! 就算疫情下, 要加稅, 就算加幾個%, 連我JJ這些係加記唔算富有的人, 都係濕濕碎咋! 最重要係衣食無缺! 咁就得啦! 現在時勢唔好, 預計到自己在那國家衣食無缺, 就已經係高人一等了. 相比上邊, 上邊既不是工業大國, 很多基本工業品都係靠進口, 連農產都要進口, 住係果度, 有乜事起上來, 就好易凍過水, 而且上邊D乜乜債, 不比美加好喎!

5. 是否移民國家? 係呀, 去傳統的移民國家, 當然有著數, 講得係移民國家, 當然係鼓勵D人移民去啦! 當然國家政策上, 係會傾少少去益移民, 幫助移民. 大家移民去到新地方, 當地政策幫到D移民, 係十分重要呀! 當然果D政策係想大家落地生根, 跟當地融合一起! 不過, 一落腳有D政策幫下忙, 總好過無呀! 還有, 移民國家D人, 大多都會對新移民友善一D, 等新移民容易安居樂業呀! 英國/歐洲/美國(美國人口中的一二代移民, 佔得越來越少), 都唔係移民國家了. 澳加紐都仍然係, 有個傳言, 加記稅局對10年內的新移民, 大多都唔會查得咁緊, 一到第5~6年之後, 大家就要醒爬了!

6. 工作機會? 嗱, 各位, 我JJ就從來都沒有什麼CAREER PATH, 因為我唔相信一個CAREER會帶給我家肥屋潤囉! 只是用來糊口吧! 大多數人從來都係CAREER之外果D收入, 才是最決定性呀! 工作機會, 對移民來說, 只佔一少部份呀! 尤其如果大家係突區有層樓, 賣左去移民後, 生活質數不應太差! 我地港燦去移民, 應該著眼於CAREER之外的各種機會呀! 有些國家的政策, 是十分鼓勵人民去尋找在CAREER外的一切機會呀! 加國係啦, 美國係啦, 英國/法國/紐記? 應該唔係, 澳洲? 唔知了. 

好啦, 等我再諗諗仲有無什麼CRITERIA 去決定去邊度移民, 如果再有, 又或有BLOG友仔來問我, 我會再寫, 如果無, 我會去寫"校腳走佬系列"的另一些題材囉!

 

當我們港燦講開老美時......

 大家真係要講野講得客氣少少呀, 無論大家喜歡或不喜歡那個政黨, 都要講話講得客氣呀! 

話澌呢...... 老美這幾十年來, 對我們一眾港燦, 都係好好咖喎. 就算老美政黨輪替, 不同政黨執政下, 政策都都我們一眾港燦十分友好友善, 一直都沒有改變呀! 

嗱, 上世紀50年代前, 我地港燦一直做開東南亞和上邊之間的中轉生意, 上邊一封關, 南洋英治不再, 我地一眾港燦個個無野撈時, 果時失業率廿幾%呀, 係老美係我地一眾港燦最艱難果時, 給與我地最優惠國待遇.

老實講呀, 如果無老美這幾十年對我地港燦咁好, 真係無我地這幾代人多年來安居樂業喎, 我地一眾港燦, 係咪要對人家客氣一D先? 

不過呢, 最近網上見到有人, 用我地港燦D用語, 大罵老美民主黨失勢前高官為"老賊", 唉..... 嗱, 如果真係老香港人的, 就真係唔會咁樣講得出口咖喎! 我諗一定係有人假扮我地港燦了. 

大家講到老美時, 真係要講得中肯一D, 厚道一D, 客氣一D, 有禮貌一D呀!

一個祖輩係前印尼華僑的留學生

我在我這裡加記社交平台認識佢, 佢成日同人講, 佢祖輩是印尼華僑, 生活不錯. 

其實, 我這些祖輩幾代都住係突區的港燦, 是較明白這些印尼華僑的, 以前我祖輩的兄弟或族內堂兄弟, 不少都在南洋經商呀! 經商網絡就是靠家族成員, 或家族間的聯婚, 而建立起呀!

以前, 突區和南洋都是英治, 突區就變成南北生意的中轉站, 上邊D絲綢陶瓷茶葉等, 經突區出口去南洋, 再由南洋進口木材/橡膠/生曬海味/安南沾米等等. 當時碼頭左近, 除了南北行外, 用南洋高價木造的木傢具廠, 原都在左近呀! 之後就把製成的傢俱, 運入上邊.

當時, 突區專做南北中轉生意, 人們生活還不錯呀! 直到上邊解放和封關, 就開始未落, 之後再加上南洋各個原英治殖民地, 相繼獨立, 使到一直有南洋經商圈的親戚, 其商網開始瓦解. 

之後南洋就發生排華呀! 當然在突區的中轉生意, 就更加無得做呀! 又因為家族過了幾代人, 血緣關係淡了, 各人之間都變成斷線風箏了. 

不過, 聽說一直都沒有遠房親戚在排華期間, 回去上邊生活呀! 頂多走來突區, 或台灣, 美加, 又或留係南洋咁囉!

當我一見到這位自稱祖上印尼華僑的上邊留學生時, 我就十分有興趣, 想知道佢祖上點解回去上邊呀!

原來佢祖上係傾埋一邊呀! 當時係上邊有靠啦, 咁, 唔係回去上邊囉! 

咁, 我更想知道佢點解現在又要走出來, 仲想學成後留在加記喎! 當然係因為...... 人望高處囉...... 

從這留學生身上發現到一個指標性預示, 各位現在身在突區, 就算係藍又好, 係黃又好, 東又好, 西又好, 有靠又好, 無靠又好, 可能都會同這個留學生一樣, 終有一天, 要向外行出第一步呀! 就算唔係本人, 都會係仔女呀!

看完這國內人一年換12輛車, 就估到突區將會吹乜風了!

這人其實係製造"旅遊房車"的生意, 佢自己拍個YOUTUBE 視頻, 展示佢開住貨車, 拖著自家製造的旅遊房車週圍去, 以來推廣生意! 本來係可以接受的! 有人肯俾或借錢俾佢咁舞法, 唔係得囉!?

只是, 佢自己冬天零下20度都要死頂, 都仲要展示佢D旅遊房車, 沒有常常叫別人小心提防這些旅遊房車在嚴寒-20C下的生存問題 - 燒暖機的油管凍到凝結失靈 + 水箱水管結冰爆裂. 人們在-20C下生活在這些房車內, 生存風險是十分大呀! 講句唔好聽, 隨時一睏著左, 就凍死醒唔番!

最近, 佢竟然說, 他一年換了12輛車, 因為車子超負用來拖載佢這些旅遊房車, 所以所有車子都瓜清光! 

本來, 我當係笑話咁睇, 都幾有娛樂性咖, 最重要, 唔該佢離我地港燦遠一D, 我地港燦存係銀行D錢, 唔會借俾這種人來舞! 咁, 我地港燦就真係只會哈哈哈笑囉........ 當茶餘飯後的笑話!

不過呢, 當這些人不再離我們好遠, 又或我地港燦存係銀行D錢, 借俾像佢咁樣D人來舞, 又或港燦逼住要跟住咁做時, 那就不是笑話了, 我JJ就真係笑唔出了. 

好多港女係佢度留言呀, 大約係話好羡慕佢, 唉...... 一年要換12輛車咁無腦D人, 有乜好羡慕呀? 這些人在一個資本主義世界裡, 害父母家人, 害埋自己女朋友老婆呀! 同以前舞廳D姑爺仔一D分別都無! 

現在突區仲係自由經濟, 人人自己負責番自己, D人咁無腦洗法錢, 係會受番佢自己D孽呀! 98年, 2008年, 突區大把人沉淪, 就係因為這些無腦的做事方法呀! 好彩, 都只係當事人自己沉淪, 無累街坊呀! 

但係當突區唔同左, 人地來幫你地D"窮鬼"港燦洗錢, 甚至先洗未來錢時, 都唔知會點了. 大家留係突區, 都係要自求多福了. 

債務危機? 真會威脅到上邊政權穩定嗎? 還是, 不要用資本主義來看?

 好了, 網上很多人講了多年, 話上邊乜乜債務危機? 話乜乜經濟硬著陸? 話乜乜會爆煲?

其實, 大家睇睇資本主義的老美, 2008年金融爆左煲, 老美有無政權崩潰? 老美當時用乜方法? 印銀紙, 咁印銀紙背後係乜目的? 唔係維穩囉!

不過, 真係要問下, 老共維穩呢, 係咪真係要好似老美咁做法先? 又係去印銀紙? 如果佢地印銀紙唔洗得, 咁..... 用乜來維穩呢?

嗱, 有好多人唔明白呢, 老共維穩呢! 係唔一定用資本主義世界的方法和規則喎! 大家有無想過, 為何老共底下會社會不穩定呢? 之唔係, 貧富有差距呀! 老美社會不穩, 都係貧富太大差距喎, 靠印銀紙, 養活D窮人債仔嘛! 咁老共自己個名都講到明啦, 共呀...... 慘呀...... 只要令到貧富差距無咁難睇, 係人人都有飯開時, 又未到無飯開之前, 大致上, 社會都會極度穩定吖嘛..... 哈哈哈..... 

年初, 阿李仔講話上邊有6億人月入不到1千嘛, 最近又爆出, 上邊5億6人係無銀行戶口或銀行信貸紀錄喎! 就有人質疑上邊還未全面脫貧! 其實, 老共要這些人脫貧, 有乜咁難呀? 大家都誤解左阿李仔個意思喎!

哈, 其實呢, 各位真係唔明白上邊果D超人智慧咖喎! 各位, 不要以為這6億人係政權穩定的計時炸彈喎! 相反地, 這6億人才是老共政權鏗鏘共難的鐵支柱, 是老共政權保命的依靠呀! 試問沒有了老共, 如果老共政權崩潰, 試問誰人出社會救助金給這6億人呀? 老共有難時, 第一個衝出來救老共果班人, 大家諗諗係邊班人, 個個去兩脅插刀, 赴湯蹈火都仲得呀!

相反, 你馬暈呀, 馬花藤呀這許人, 製造社會上極度貧富差距, 長期製造上邊社會矛盾, 威脅上邊河蟹社會喎! 老共心裡想者, 一定要將這許人物切查嚴辦, 誰人影響老共政權, 就係階級敵人, 無運咖喎! 

所以呢, 我JJ推斷呢, 債務問題唔係老共的MAIN ISSUE呀! 上邊D中產都唔係問題呀! 要整治的, 係債仔多多的馬暈等人呀! 仲有係外資金融機構喎! 不過, 我預估上邊中產階級的人數, 會在這幾年內, 來個大縮水, 十年後, 如果上邊仲有過億的中產, 我JJ會十分意外囉! 

PS: 嗱, 我JJ唔係同某政權塗脂沫粉, 而是叫大家睇未來呢, 要實際一點, 不可以用資本主義世界的呎度, 去看老共喎! 如果唔係, 常常會睇錯哂呀! 

還有, 如果大家真係因為種種個人理由, 而不打算少移玉步, 遠走他方, 咁, 留係突區, 都不算一個壞的選頂, 始終, 突區比起世界上很多地方, 都唔會更差嘛! 不過呢, 大家就咪諗住好似馬暈咁囉, 但又唔好去做上邊果6億人啦! 係突區做個不起眼不干犯政權穩定的人, 生活都不會太差的. 

如果再加上各位係專業人仕, 上邊還會當各位係政權的穩定力量, 話唔定會來拉攏和統戰各位呀! 慢下手, 被拉攏入黨外合作的8大黨, 而唔一定要加入老共咖! 咁, 生活就更有保障了.

 

燒到埋佢地眼眉了, 識得叫痛了....

其實, 我JJ一向都希望人人生活安好, 就算未必人人都能夠家肥屋潤, 但最少衣食無憂, 開開心心咁過日子. 

只是有些人係唔抵可憐咖!

上年係突區, 發生乜事, 大家都記得啦! 人人都出來反修例嘛! 之後有些人俾人無理咁告! 當然我好了解, 要齊上齊落, 要救番果班反修例而被告的人, 咁.... 唔係..... 人人都繼續出來遊行囉! 本來如果大赦左果班人, 搵鬼再出來繼續日日遊咩?! 

我這裡做華人消費生意果班廚房佬/餐館佬/唐人街飛髮佬, 大家都知道佢地有幾藍. 上年下半年, 我一向都有同佢地解釋突區D人為何繼續上街, 要救番果班反修例D人, 因為無果班人, 一修左例, 外資就齊齊走哂了, 唔再係突區做生意, 突區會大把人無得撈呀!

點知有條友竟然話, 外資走左可以再番來, 但例就一定要修. 佢講到咁涼薄, 都知道佢原本唔係我地港燦. 我就窒佢, 叫佢去凍莞睇下外資走後係點, 幾百萬人的員工宿舍空哂, 週邊靠做員工生意D小商戶, 全部食白果, 笠執無生意

好了, 最近, 聽講果條友舖頭無哂生意, 試過有一日都做唔到一單生意呀! 

我JJ講到這裡, 真係好開心, D人做人咁涼薄, 宜得我地D港燦無得撈! 港燦最少有家底, 最少到現在D錢仲可以自由流通, 港燦唔上去, 睇睇佢地會有乜問題? 吃人家奶水, 竟然望人家唔掂? 都唔知係乜邏輯?

PS:  好啦, 現在一眾港燦齊齊飄然走遠方, 唔再上上邊消費了, 唔再可以駁D生意上上邊做了, 上邊全部靜哂, 當地政府唔敢宣佈財報了. 

一切都要叫果個始作俑者, 同佢果班藍色應聲虫, 來攪番掂佢, 與我地一眾港燦無關.

大胸女性怎樣看她們自己?

其實, 這邊加記, 滿街都係咖, 無乜特別姐, 為何咁多人在香港住, 見到後反應咁大呢? 

算啦! 都係要尊重一下別人的感受, 看第一眼, 之後就擰開D塊面, 給對方知道我並不是有心注視佢.... 

咁, 望一望, 係人的本能, 不過, 之後望去別一邊, 這個就係禮貌了, 更不應對人家指手劃腳, 咁就更無禮貎, 更顯出質素低下了, 無教養又無人格呀!

雖然我家族生男多過生女好多好多, 但我家族D女性都唔差過片中D女性, 而且比片中的女性高大很多, 但大多都唔會好似片中D女性咁困惑喎! 可能係我家族裡D男性, 由細到大, 一直都好尊重女性, 惡言不出於口! 片中D女性咁困惑呢, 一係就係傳媒有心作出來, 一係就係這些女性家中的男性出左問題囉! 

唔...... 人地不停咁望, 唔係隨便佢地囉, 咪鬼理佢地, 又唔係同佢地有親, 自己去做自己正事! 我JJ最記得第一日去幼稚園, 全班同學都望住我, 連隔離班D MISS 都走過來望一望. 當時我係僆仔小朋友幾歲大, 第一日見到唔阿媽, 梗係喊左出聲啦! 不過, 慢慢習慣左, 咪當平常事, 咁到左我卅歲後, 當然就再無咁啦! 但開始有女性見到我仲係單身, 就來質疑我係咪基囉! 有時說話都好難聽咖! 都係果句, 咪理人地啦!

一直都有人質疑我係咪去整過容, 才會下巴咁尖, 咁, 有時D人再講落去, 就會講到我心理不正常, 唉, 就同D人質疑大胸女性一樣囉! 咁, 我就咪理這些人了, 自己生活得自在, 才是最緊要, 我是為到自己而活的, 而且仲要活得精彩呀嘛!

PS: 致於成日俾人碰到, 尤其人逼的地方! 可能別人唔係有心來碰咖! 

有次我唔知女同事係我後邊, 我向後屈手臂來伸手掌入褲袋拿東西, 手肘就撞上對方最前的地方了, 無心咖! 

西人女性的反應, 大多都係好大方咁, 笑一笑就走開左, 但係呢, 我就不會誤解自己靚仔, 或對方對我有好感喎! 只係人家唔想惡言相向咋, 顧全大家的顏面, 千祈咪誤會! 

而且, 如果女性對某男性有好感, 佢地會搵機會來同那男性相處呀! 耐唔時找話題呀, 刻意有心出現係那男性出現的地方, 男性可以試試水溫, 約她去喝咖啡聊聊天! 

其實, 無野咖, 男性找女性去聊天, 飲杯咖啡, 女性就唔好週圍唱D男性呀, 咁樣就係缺德了, 也反映出這女性沒家教沒人格了, 也會阻礙到其他女性去找合適男性的機會呀! 損人不利己, 會俾天修呀!

利率會否一直低迷嗎?

由2008年開始, 世界利率都被老美人為地來刻意壓下來, 又督手指督D銀紙出來, 又將D通漲掌控到2%, 又有大把廉價進口生產品. 

本來,  老美可以一直壓息口, 仲可以壓好長時間, 只是...... 現在出現一件出人意料之事, 就是疫情和貿戰!

在疫情和貿戰下, 很多生產被擾亂了, 不是少了原本的生產力, 就是少了原本的需求, 轉過來破壞了原本的生產力, 到需求回來時, 就會生產唔夠. 

在生產受擾亂下, 就會出現供不應求, D通漲就會開始壓不住了, 通漲一高, 息口就會跟埋向上, 就會唔再壓得住了. 

 2008年到現在這12-13年裡, 大家都見到老美點樣神乎其技來壓低息口. 只是, 我地真係唔好迷信這個神話會一直繼續下去, 應該有危機感, 小心老美在來緊幾年裡, 江郎才盡呀, 再壓唔得低D息呀.

到時會點?

1. 借左錢, 供緊按, 還緊錢果班人, 會受影響呀,  尤其槓桿越大, 受的影響就會越大.

2. 以現在咁低的息口來計, 在短期內, 如果央行利率快速升1%, 借貸和按揭息口, 就會以倍數來上升, 小心到時會有金融危險出現, 有機會出現今年3月的急跌市. 

總之, 現在各國政府和某些人群, 已經債台高築, 這個不是好先兆, 總之, 一切良好機會, 是留給準備充足的人.

我今年三月大跌市時, 入市大買股仔, 有網上朋友好意提醒, 小心接飛刀, 到最後, 老美督多萬億出來, 兜兜都未能係萬9點止跌, 由萬9 跌到萬8時, 我JJ果時真係嚇傻左, 無再跟買了. 到最後, 老美容許D人用督出來的錢來入股市, 才係萬8點止跌. 這個係一個好重要的案例, 看出老美唔係次次都得心應手.

在未來裡..... 老美又是否會一時失手呢嗄? 這個極有可能呀! 總之, 我就唔會迷信老美次次都買大開大咁把砲了. 

PS: 據聞, 加國按揭利率已經係人們不知不覺間, 微微升了1-2格了, 在香港的大家真係要多加留意, 隨時準備去調整自己的負債比重,

5千人仔一層的舊樓, 大家會去住嗎?

 網上瘋傳, 係甘肅玉門市, 有當地國企舊職工宿舍, 最少都有5-6百呎咖, 放售價只是5千人仔!

嗱, 首先唔論係堅定流, 這些物業, 係無房產證, 唔可以正常咁, 係市面放售, 只可以私下處理, 也沒有居屋期的保障, 上邊一個批文下來, 就要搬走.

其實, 我JJ這裡魁省, 去到好偏D地方, 好多屋價都講緊好好好平, 比我這裡滿地可平一半到2/3呀! 

不過, 我JJ因為成日週圍去累累頁, 四圍去八掛下D好偏的地方, 我就知道住到咁偏, 係有幾大鑊呀!

嗱, 夏天生活係果度, 人都唔見多個, 要起服務來, 例如: 整整水喉電燈咁, 大多都係要自己沃手呀! 等得D人來, 大多都係幾日之後的事. 冬天就唔洗講, 外邊積雪積到條路實一實, 唔夠快來剷走佢.

住係偏D地方, 無疑屋係好平, 但生活開支係好貴, 而且選擇好少, 唔好講話出街食飯無乜選擇, 就算買棵菜都貴好多, 更不用講買肉買製成食物了. 

無疑網絡年代裡, 人的發展不再局限於地域了, 不過, 當地的社區服務呀, 醫療呀, 教育呀, 資訊服務呀, 都係好重要呀! 我JJ這裡滿地可係北美洲最低生活開支的大城市, 但係有著其他北美大城市的完善基建和社區服務,

最後, 好重要的, 不要住係一個人口老化的地區, 因為社區設施會老舊到無錢去修呀! 後生仔多的地方, 多人納稅, 市政府就有錢來修好或多建設施呀!

還有, 著件靚衫出街, 都想有人來望下自己咖! 如果只得D老野係度對自己, 指手劃腳, 咁就無癮啦!

從快建成的違規爛尾樓, 看今次蟻蟻臨收錢, 最終食白果!

其實, 好多人都無用到一向發生的事, 來看今次蟻蟻食白果, 其實, 今次蟻蟻這單野呢, 故事的內容和結果, 都係一向發生緊喎!

首先, 如果用以往突區和任何法制社會的角度, 蟻蟻咁大單的野, 一定係經過層層審批嘛! 不過, 實情可能係由一開始, 就係有力人仕的字條來同佢護航, 本來一層層咁上去, 係無事喎! 但係因為後來越攪越大單, D集資額越來越大, 越來越越要往上去搵D人力人仕寫字條, 但係每上一層, 就開始唔係當初咁簡單, 咁就, 攪到今次臨全球最大型上市前, 食左白果囉!

睇睇D爛尾樓係點形成, 係咪好似呢? 都起好咁濟囉, 但係一層層咁上去時, 到臨埋門果一層, 就唔批囉!

首先, 我JJ咁耐都唔買上邊D股, 好多年前, 忠石油係老美上市時, 我都無買呀, 我都唔知頭唔知路, 更唔知道幾時轉軚轉方向, 都係咪了, 我買D老美醫藥股, 最少係未來幾年, 都係有方向有GUIDELINE 跟到.

 

 

最近才發現, 很多同輩的舊同學舊朋友, 都無BNO

唔怪得我前年回來時, 一同佢地講, 未來突區會好大轉變, 叫佢地自己多留意一下搵條後路, 最少唔好再去買物業.

點知佢地大部份人都唔鐘意我咁講, 個個都還以為我有心返來趁低吸貨! 

到左上年721後, 這些朋友出現兩極化, 一些人開始肯聽我講, 開始走資, 並作出移居他方的準備.

只是有些人表現出好忠粉咁, 連電台工作人員跌在地上的口罩膠部件, 都跟住大台講話, 一口講係磚頭. 

那時我才明白到一事, 原來人的命運, 決定了他們自己的立場, 尤其果D又無BNO, 又或在某些機構和企業工作的舊朋友舊同學. 

好的, 我從不會怪這些朋友和同學, 因為他們沒有我JJ咁幸福, 突區出世, 又有錢走人, 走左人之後, 係加記又生活得唔錯. 

就算有BNO, 如果無多個錢的.... 移居他方後, 都會為日後一生人的生活發愁呀!

唉, 好吧, 大家都係自己睇餸食飯啦! 總之, 唔好做D危險動作, 如果情況可以時, 幫幫其他人, 鬆鬆章, 隻眼開隻眼閉, 無論藍或黃, 都係港燦自己友來咖! 

不過, 當然, 我以後係某些朋友面前, 少講D野了, 一來免得自己將來可能有麻煩, 二來免得這些朋友同學會有麻煩.

老美大選, 似定....? 卻未定?

 大家都見到, 選前醜聞攻勢中, 大家都心知肚明, 誰會出線了!

只是大家不要忘記, 老美是民主相互制衡, 三權分立, 選出的總統, 都只是管行政上, 未到管立法, 立法果班係參議員同眾議員呀! 不是老美總統或國務卿說了便算, 而是.... 要好多人一齊咁講, 才會有用.

如果當奴友連任後, 要向某某國家加碼加辣, 甚至宣戰, 唔只要軍佬首肯, 更要參議院和眾議院立法, 來幫老美總統護航和立法. 

今年對老美而言, 唔只係選總統, 仲係選埋由民主黨控制的眾議院(每2年選一次), 而現在由當奴友果邊共和黨控制的參議院, 就有33個參議員選舉(全數100, 分批每6年選一次)! 

所以, 醜聞攻勢下, 不單是劍指總統寶座, 便是劍指參眾兩院的話語權.

如果今年當奴友唔只贏連任, 仲贏埋參眾兩院的話語權呢, 到時, 就只有共和黨內才有制衡的力量了.

醜聞攻勢能否拖低民主黨參眾兩院候選人的選票, 這個才是最大的關鍵呀! 也是雜某某現在最憂心重重的考量. 

所以, 醜聞攻勢並不會因為總統寶座定了, 就停了下來, 點會咁順灘呀?

如果未來幾天再有醜聞攻選, 必會牽連更多民主黨內要人在其中! 

當大選過後, 如果大家發現, 連老美參眾兩院都只有共和黨黨內來制衡, 明年將會比今年更多大變, 明年比今天, 更是保命保本之年. 大家現在, 就更要預留後路俾自己了. 大家就算藍又好, 黃又好, 現在都唔好企到咁開咁出, 一到危急時, 才容易脫身走人呀.

致 拼命生活的每一個人, 共勉之.

 

懷疑UTUBE上, 有好多大外孫..... ?

我都睇左這些國內旅遊飲食視頻後久, 好多個咖佢地, 如, 朱古力妹騎摩托車上西藏, 一個人窮遊, 阿星飲飲食食, 大龍去古墓5A國家公園, 和這位 RV(Recreational Vehicle) 7哥! 

其實, 大外孫又怎樣呢? 都無乜野姐, 不過, 有時就真係要注意一下, 如果到自己去時, 又會否一樣咁囉! 始終佢地係國內長大(甚至有特別關照), 係國內行走, 會比我地港燦加燦方便好多囉! 

片中這位七哥, 暫時因為當地下了大雪, 他車子沒有雪軚, 沒有人來清雪, 被困中國最北漠河一個農林站外的停車場. 佢就去問農林站, 問D當值大哥們借電暖爐, 又要借用站內的供電. 

老實說, 片中借來的電暖爐, 加國也有, 不過十分食電呀! D當值大哥們明明勸佢睏係站內, 佢偏要用人家的電暖爐和供電來睏在自己RV上, 實在十分不講道理呀! 電費一定十分貴, 尤其國內咁北的地區!

當然, 我JJ住係加記, 係加燦一個, 同樣住係咁凍的地方, 十分知道當中有什麼不合理的地方! 

所以, 大家看這些視頻時, 看看就算了, 不要當作自己親歷其中時, 都會一樣係咁樣囉! 有時, 大家自己去到時, 並不一定會同樣咁樣咖!

PS: 咁多年來, D人北上奶哂野, 就係諗住照樣板, 依樣畫葫蘆, 有同一待遇呀! 這個呢...... 如果大家選擇留係突區, 就要記住呀, 無同一待遇咖. 如果D人有特別關照, 係會唔同D囉.

為何不去做藝人?

除非真係為左自己夢想去做藝人, 職業可以有好多選擇, 搵食也不用有個職業, 搵食原本係可以唔洗有個特定職業咖!

好了, 這位前任港姐, 做左多年藝人後, 才轉呔出來改行, 果時佢才發現, 做開藝人, 轉行其實係好難咖! 

仲有, 無論係世界任何地方做藝人, 都是要埋碼頭, 之後, 就俾人決定自己一生起或沉. 

讀書就唔同呢, 有學識, 有技能, 可以唔洗睇個碼頭, 自己行自己條路呀! 賺錢時, 可以自己決定洗幾多, 儲幾多, 自己決定幾時唔撈去咬糧, 就好似我JJ 咁, 無人可以決定我起或沉, 一切用自己雙手來決定.

人到左財務自由, 會否"沉淪"? 失去創意?

 大家, 下邊這個視頻呢, 係講..... 一個動物學家實驗, 做左一個白老鼠天堂, 內裡的老鼠不愁吃喝, 還有十分優化的居住環境 - 恒溫通風/專人清潔, 排除任何威脅老鼠的因素, 可以自然老死. 天堂設計到可以容許繁殖到3千8隻, 他們放左4對老鼠入去, 擺到明, 去模仿諾亞方舟後的人類社會!

 

結果係, 老鼠有山頭主義, 老鼠天堂裡不同區域, 慚慚出現不同族群, 就有不同出生率, 之後變成大家族去擠壓小家族, 更續陸形成失去對異性興趣, 繁殖到2千時, 數目就開始往急速下滑, 直到最後一隻自然老死. 動物行為學家就說, 這是行為沉淪.

嗱, 一睇這個, 好多人就會想起我JJ這些獨身而又財務自由, 住係加記居住環境寬敞的人仕, 看來..... 恐怕D教會人仕最會咁想! 哈哈哈, 第一, 我JJ唔係老鼠困係"天堂", 而係天大地大任我行; 第二, 我JJ財務自由後, 仍不會坐著吃閒飯, 每天都會做很多平常人唔識做或唔肯做的事情; 第三, 我一向都沒有丟失我的創意, 一直用著自己的創意, 創造新的價值和財富, 益人又益自己, 還去創造人與人之間那種快樂和諧感覺; 第四, 我結唔成婚, 係因為我適婚年齡時, 俾班混人阻住左, 現在生兒育女無問題, 但我已經無咁好精神來教好子女, 唔能保證子女教得好, 生來做乜呢? 又唔係好似以前班混人咁, 生埋生埋來麻煩其他人? 其實最沒有生育權的, 就是這班不做好自己本份的混人!

看完上邊視頻, 人真係可以好似老鼠咁, 得過且過下而沉淪! 失去夢想! 在原罪裡墮入不能自救的地獄. 不過, 人不是老鼠, 人可以作自我選擇, 不單有高尚情操, 如親情, 友情, 愛情, 更有擺脫沉淪的救贖. 

可惜的是, 很多人入去教會, 不是去尋找那個赥罪而令人自由的大能, 而是一心去定人家的罪, 當然, 救贖在這些人身上, 就起不到任何作用, 如果這種人成為教會骨幹, 還會把其他人一起拉落水, 一起墮入永不翻身的沉淪當中.

 

我JJ近排忙D乜?

 係呀, 我以前每日出文, 近年就幾日出一文, 這幾排無乜出文, 我忙D乜呀?

實情係, 我母親2個星期前同我講, 要我幫佢處理佢以前D銀行月結單, 因為以前我成日同佢講, D乜乜物物單, 有地址有自己和家人姓名, 一定唔可以直接拋出去喎!

我就叫佢搵齊哂, 一次過俾哂我啦! 

噢, 點知道呢, 佢搬左2個大皮喼係我面前喎!

嗄.....@.@....我傻左眼了, 唔係咁攪野係嘛? 我一打開來看, 吖, 原來真係硬野來咖喎, 佢由移民到現在D銀行單/支票/乜單物單全部放哂係皮喼裡頭, 好在我十年前開始幫佢接D單+開支票, 如果唔係, 到現在一定係4個大皮喼了.

哎呀呀! 攪左我2個星期, 才幫佢用碎紙機來毀屍滅跡, 嘻嘻嘻, 仲同佢執番好多有用野出來, 如舊銀紙, 相片, 親友舊信, 舊CASINO籌碼. 攪到我一地都係紙碎!

我面對滿地紙碎呢, 我JJ就把心一橫, 一不做二不休, 連我自己果D都攞埋出來毀屍滅跡, 哈哈哈.....

幾經辛苦, 終於搵左我這麼多來, 幾呎厚D股票買賣單(普通銀行戶口單, 2-3年後我就處理左), 本來股票買賣單, 5年後就可以唔洗再KEEP住, 但係我遺傳左我母親的基因呀, 太有紀念價值了, 咁多年都無乜點處理. 

有乜紀念價值? 係咖, 以前小朋友嘛! 賺幾十蚊都係錢來咖, 小數怕長計, 聚沙成丘, 積少成多. 最重要果時小朋友嘛, 夠膽唔怕輸, 起跌高低無有怕啦! 仲有係..... 輸頭果幾次, 就會學精, 果時輸極都係幾十蚊咋嘛, 就買來一生人寶貴的投資經驗LU嘛! 呵呵呵..... 還有最重要係, 果時就算攪出乜乜大頭佛, 都會有自己父母親來善後, 所以, 我一定唔會驚青.

點知, 用部碎紙機來碎我D單時, 成日過熱又擺工, 我才發現, 以前D股票行, 用埋哂D靚紙來印單俾我, 我母親D銀行單可以3張紙疊埋, 部碎機都無問題, 股票行D單2張紙疊埋來碎, 部機都吃不消, 一陣就要透透來擺工呀, 唉,......! 

PS: 人生最重要係有個好的成長和開始, 父母可能沒能受任何高深教育, 但父母教子女一個良好的人生習慣和觀念, 咁人生就會少了很多困難呀! 

人生一切都是一條漫長的路, 不會是一夜之間的事, 所以, 我一向都同人講: 莫以一得為喜, 莫以一失為憂. 父母教會子女一個好的方向去做人處事, 子女的將來總不會太差啊!

內循環經濟下, 突區與海外港燦何去何從?

看看上邊各區的GDP和人均正財富盈餘(負財富=負債), 三大經濟板牌: 京樽冀, 長衫角, 豬三角. 其他較後的板塊: 川魚, 長崗中游, 山冬, 中圓....

 
不過, 係內循環經濟下, 對外貿易的長衫角和豬三角最受影響. 大家可以看到, 外貿VS內需, 此消彼長下, 豬三角經濟規模一定會最受影響, 其次是長衫角. 
 

只是如果一看上邊民間D紙上財富, 大多都是套在層樓上面, 內需

當然比不上外貿的量和質吧! 就算豬三角和長衫角仍留得住生產線和廠房, 把原本外貿, 改變方向, 變成內需, 但總量一定會縮了一大截啊! 豬三角外省民工數目又會縮了一大截, 紛紛回鄉, 其中的高端勞動力不再在豬三角買樓置業, 豬三角經濟總量會大跌, 其次是長衫角吧!
 

現在這些在豬三角和長衫角過剩的外省民工, 會回流回去其他較次的川魚, 長崗中游, 山冬, 中圓經濟板塊, 令到當地經濟縮水的情況, 不會比豬三角大.
 

在這裡, 我JJ不是說, 豬三角經濟會比上邊更北的經濟板塊差, 而是說, 豬三角經濟收縮和資產價格下跌副度, 一定會比北面更大. 
現在, 上邊的意圖已經十分清楚, 會保住京樽冀天子腳下的經濟, 不會縮得太難睇, 其他的經濟板塊, 他們已經有心無力了. 
 

大家作出投資或財務安排時, 必需要緊記, 突區鄰近的豬三角, 在全國由外轉內下, 所受的沖擊, 比起上邊任何地區, 都會是最大最強烈, 財富效應收縮下的資產值, 也會跌得最慘最大.
 

我JJ仍然保留一向的建議, 大家無論在人身或財務上, 都要有個避走他方的安排, 尤其, 如果在上邊有樓有房有生意的BLOG友仔, 真係要放部份資產係上邊或突區以外的地方.
 

至於好似我JJ這些海外港燦呢.... 要點做? 當然係來個反送粽, 人身和資產都要遠離麻煩的地方, 我JJ連環球股票基金(因為有20-30%係上邊D股票)都取消, 轉做定息回報, 自己買實股就一定唔買上邊D股票. 現今唔係講回報的時候, 而係輸少當贏的時候了. 
 

PS: 立"角安法"呀, 擺到明, 係因應將會發生的經濟大縮水, 或大爆煲. 當然係唔俾你班港燦出聲, 任佢改, 任佢封, 任佢來阻止資產外逃嘛! 任佢來鵲巢鳩佔! 
 

我JJ覺得, 最令人痛心的事情, 將會是人家來侵佔了自己辛苦賺回來的錢, 再用自己的錢, 來對付自己. 這個是人生最大的惡夢, 大家不可不留意!

真可以建個海外香港城? 攪個香港人互助社?

 一個硬體建設的香港城是沒有問題的, 不過, 最困難的, 是內裡人的想法, 即是群體內的意識型態! 一種軟性的群體向心力.

這個想法, 不是現在才有的, 一百幾十年前d老華僑, 早期叫堂口, 後來叫同鄉會, 到現在華人服務中心, 甚至有些教會人仕+教牧長執, 理念都是十分類似嘛! 

將心比己, 理念上, 這又可以幫到人, 又可以幫到自己嘛! 原本沒有什麼不妥的地方, 只是十指有長短, 人人不盡相同啊! 有些人去到外國後, 好似我JJ咁, 喜歡入鄉隨俗, 喜歡跟其他人無分彼此; 但係有些人去到外國, 要有好似係香港一般的生活方式, 三更半夜落到街, 要有車仔麵食. 

嗱, 我JJ唔係講笑呀, 真係有個港女嫁左個97前移民的港燦, 跟住老公過來後, 就一直嘈住要個老公陪佢搬返去香港, 因為莫講落街食野, 連出街人影都唔見一隻呀! 

我JJ成日俾人質疑, 我係假扮香港人, 哈哈哈, 只係因為我無睇金庸小說, 佢地同我講金庸小說, 我覺得金庸小說太悶了, 沒有好似中國4大名著那種..... 每次睇都有新感受和理解. 

港燦移居外國後, 人人取向都不一樣, 行埋一齊後, 就會發現大家有落差, 住得越耐, 就發現大家越來越唔同, 越來越唔可以再用香港人來稱呼自己了. 有些人做人做事實際少少, 會承認人家有人家的想法, 不會強求著同一名牌, 開同一豪車, 住同一豪區. 不過, 事實上, 又真係有好多這種不設實際的人呀! 

講個有趣事, 我移民來後, 就搬左去離開唐人區無雷公咁遠, 個牧師覺得我好奇怪, 搬到去離其他唐人咁遠. 後來事實證明, 我這類會友, 才會留得係度最耐. 相反, 住係唐人區果班, 幾年後就全部回流返去了. 只有我這類會友, 才會對個教會(或華人社區), 起到最根本性的作用.

如果佢地當初唔係事事覺得我來策反佢地D香港情意結, 肯來好似我咁, 肯入鄉隨俗, 佢地就唔洗回流返去啦! 

攪這些香港城或港人互助社呢, 真係要施恩不望報, 昨天我為到人家流汗, 今天人家未必能幫到自己啊, 甚至, 不會記起我來. 

最後, 最重要的, 不是用手去幫人家, 而是用資訊去幫人家, 讓人家最後可以自己幫到自己嘛! 甚至佢地之後可以再幫其他人啊! 

千祈唔好好似我以前果個教會師母咁, 去幫一些又唔掂, 又唔肯自己理好自己事的人, 卻指到那些原來掂果D義工, 指到佢地陀陀擰, 嗌大交! D義工以後無計傾時, 就會係....... 個互助社散左了, 玩完了. 

PS: 以前D同鄉會最喜歡聚埋來賭錢, 約就約埋去CASINO俾人据錢, 後來, 我同D人講, 除左賭錢, 大家鄉里行埋, 都有其他野可以做姐, 咁, 我就教佢地組織成一團人去旅行. 後來, 佢地攪左幾次後, 有次攪左個回鄉省親團, 受到佢地鄉下黨委, 高規格接待. 回來後, 佢地面上十分有光環呀! 我果時才發現, D人講左咁耐的統戰, 原來真係有咖喎! 這班友, 現在個個變哂做藍絲呀!

哈哈哈, 係咖, 我JJ可能真係天剎孤星來咖喎, 我去旅行, 喜歡自己一個人揸車, 真係萬里獨行咖! 嫌D人係我隔離阿芝阿左, 拖慢我D行程, 唔夠時間去睇多D景呀!

 

 

加國生活點滴

這兩個星期, 我JJ在家中做了2件事. 

第一件係..... 家中用了30年的大冰櫃壞左(我JJ可以睏落去, D肉D海鮮減價時, 買多D返來, 放入冰櫃, 年終慳唔少錢呀), 我用個電錶一睇就發現係個"溫度自動開關"壞左, 真係好準時喎, 上次果個溫度自動開關, 又係用左15年, 就瓜左. 今次15年又係瓜左, 好啦! 立刻上網去睇邊度有得賣, 卻發現同款果個溫度自動開關, 已經無再生產, 但係我就找到個可以替代的. 咁就去買左番來. 咁我就買左, 裝左上去, 再整番清走冰櫃裡頭D半溶冰塊和積水.

第二件係.... 美加屋頂上, 均釘上一層多塊的瀝青塊, 塊與塊之間均由膠腍住. 不過, 12年前叫屋頂公司重舖的瀝青塊, 塊與塊之間的膠, 今年開始有些失去腍性, 我JJ就買10支8支膠返來, 芝D膠落返去塊與塊之間, 保持瀝青塊不被強風吹起. 咁屋頂又可以用多幾年了. 

我舊時果間唐人教會D人成日講, 我JJ缺乏愛心, 無幫過佢地! 

嘿, 講真果句, 人今天的命運, 是取決於他們昨天的決定. 我JJ今天生活得唔錯,  是因為一直以來的人生決擇, 一直以來的生活習慣.

我真係唔敢想像, 到我JJ要佢地幫我時, 佢地會有乜咀臉? 我JJ有無可能指意教會班人來幫我? 因為我做到的事情, 第一佢地大多唔願意自己落手做, 第二佢地唔識做, 佢地只會指意別人去幫佢地. 到我遇到我唔識做D野時, 佢地點會識得幫? 佢地點會願意來幫?

我JJ生活得比別人好, 最主要原因係, 我用D野, 可以比別人用得更耐. D人5年換一次車, 我JJ可以開到10年, 我個冰櫃己經用左30年了, 現在還可以再用多幾年, 大部人用左10年就要買過個新了, 更不用說, 在食物裡慳到D錢了. 大部份人個屋頂十幾年就要重舖過一次, 但係我個屋頂, 上次用到近20年才重舖! 

其實, 加國生活好簡單咖咋, 簡單D野, 可以自己做, 比較困難D野, 唔係出錢請人同我做囉! 只要每樣野可以用多一半的時間, 咁就慳番好多錢, 即係, 後生時儲到更多錢去投資, 即係, 投資回報在複息效應下, 會越來越多, 越來越可觀呀! 越係加國生活得耐, 生活質素就會越來越好, 越來越無憂無慮了. 

大家如果過來加國生活, 真係唔洗擔心, 加國係福地來的, 只要自己好好去面對, 唔好逃避, 自己就可以支配生活, 生活也不會來麻煩自己了!

又如果大家去教會, 最重要係認清楚"因信稱義, 罪得赦免", 如果只係想入教會去逃避現實呢! 就會好似我見到果班教會人仕咁, 生活每況愈下, 人生越來越縮水, 心中越來越多不快和憤世嫉俗, 不會發現加國是個福地!

從美蘇到今天美忠, 再到未來10-20年?

很多人說, 美蘇對峙, 跟今天美忠爆發經貿對碰, 並不一樣. 美蘇當時是軍事對崎, 而今天美忠卻是經濟互動甚深, 經貿在彼此之間, 不能在一時三刻內分割.

只是, 我JJ係少半個歷史佬+大半個理科人, 唔係經濟佬, 所以, 我認為, 昔日美蘇, 和今天美忠, 在本質上是一樣, 都是一個CONFRONTATION - 對壘; 老美所使用的手段不同, 但其目的都是一樣 - 對付那些威脅老美生存的人.

不過, 我需要承認一點, 老美對蘇俄和對老忠, 係有點不同, 老美對老忠的對策, 是一半使其改變一半使其崩潰, 而對蘇俄就是百分百的使其崩潰. 老美對老忠平民, 帶有善意, 不像看蘇俄般, 認為是虎狼不可共處之輩!

現在, 老忠又大跳忠字舞了, 走回頭路, 還去威脅老美生存, 咁, 老美就唔再想著使其改變了.

大家看看, 老美在美蘇對峙下, 是發大其軍事力量, 因為蘇俄是個虎狼之國, 對應的方法當然是軍力對軍力. 但今天老忠人民是個經濟民族, 所以, 對峙的手段, 就是發大其金融資本的力量, 以來脅著老忠政府也來發大其金融資本.

2008年果鑊野, 若果換轉是90年代發生, 那時蘇俄崩潰而老美獨大下, 老美是不用QE的, 一定會直接讓經濟有計劃下軟著陸. 不過, 當2000年後, 老忠勞動力和生產力都在向上軌道, 老美就唔可以俾其經濟退於向下, 要一直QE個經濟.....

老美會QE到乜地步? 等到老忠人口老化, 生產力萎縮, 所以, 可以看到, 在未來10-20年, 全世界都會是在一個量寬的大環境之下.

我JJ一直都不想用到"有生之年都未"咁悲劇, 來形容QE會有幾長, 但10-20年, 都算係幾樂觀咖啦! 嗚嗚嗚.....

PS: 有些人現在討論, 老供有個百年之計. 並說, 如果把老無的"人多好辨事", 老櫈的"一孩政策", 老雜的"二孩政策", 看成為獨立單一事件, 那這三件事將會給人評為謊謬絕倫; 但是, 如果把這三件事看成為順序而又互為因果的百年大計, 那就是天才X家鏟的鬼計了, 把十幾億人來舞, 打算彎道超車去過老美了, 而由X二代的老雜去攞頭彩!

有時, 我JJ在想, 老崗同老胡老趙佢地, 有乜分別? 3丁友都係攪開放, 為何老胡老趙要下台? 唯一解釋, 老胡老趙都係真心誠意咁去攪, 而老崗係虛與委蛇咁去攪!

兩國交惡? 疫情? 網購? 突區和上邊會否縮水?

嗱, 這段片新鮮出爐呀, D人前幾天才放上網咋!

其實, 上邊有句講: "地鐵開通, 黃金萬兩!" 

上個月才開通的6號線, 直達這一區, 這區係尾站. 

不過大家睇睇, 乜人流少到咁, 有地鐵到, 都人流咁少!?

大商場倒閉了, 地鐵站旁的較細商場都咁慘淡! 

疫情令人少出街? 網購電商壓縮了實體商店?

不過, 我JJ網購左咁多年, 買衫褲從來都去實體店買, 得閒就出去唐人街食下野, 飲杯野, 買下D唔等洗野, 當係振興本地和唐人經濟圈嘛!

就算現在疫情下, 我都有出去行街買D唔等洗野, 當係KEEP 住D就業, 又可以做活動佈景板, 來粉飾一下市面嘛! 

但係我一睇這段片, 我就感到..... 唔係D人唔出街, 而係突區上邊果度係專做技術商品產業出口, 兩國一交惡, D技術商品產業出唔到口, 甚至禁運下生產唔到, 好有可能係失業後, D人搬離左果一區了, 返哂鄉下, 來減少生活開支.

當然, 突區無咁快會咁啦, 話哂D人有豐厚的家底, 唔會咁快差到好似片中咁, 不過, 如果兩國交惡的情況一直持續下去, 過多幾年, 片中的情況, 出現在突區裡, 並不是全無可能呀!

怎樣也好, 大家唔好再用一向增值加租的預祈, 來做投資決定了, 家陣一切都會放慢, 即係增長慢, 回報低.

不過, 計劃執死雞, 執平貨的朋友, 可能要失望了. 因為家陣老美同佢D友好, 全球猛放水, 唔理三七21 咁督流動資金出來, 好多地方, 資產價唔會咁易回落喎!

但係印唔到銀紙出來果個老忠, 係佢地頭裡面, D資產點跌點平都好, 這10年8 載裡, 買回來都未必有用呀! 大家等10年8載後, 到時D物業還用得到, 未冧, 未成為危樓, 到時才睇啦!

PS: 我這裡開餐館果D唐人, 好多都係偏藍或深藍, 上年我同佢地講, 好彩立唔到送中法, 未嚇走外資. 點知班人猛係度講, 強國下, 要立法, 唔好俾外人係度攪亂哂!

哈, 好了, 現在看看是誰攪亂攪串眾人的生活? 我當時同佢地講, D人咁攪法落去, 佢地遲早要寄錢返鄉下接濟親人, 估唔到一年後今天, 就俾我批中左. 

我這裡唐人餐館行業人仕講, 最少一半中餐館現在已經執左, 之後, 會再有25%呢, 係3個月之內執埋佢.

嘿, D強國論的那些餐館佬呢! 我真係無心再去睇佢地現在點了, 可能他們現在後悔緊, 無去轉黃, 又後悔緊, 為何唔早D帶美金現鈔, 返去俾鄉間的親人? 現在交通咁不便下, 返去鄉下難了.

建制內D人係唔係倒模?

答案..... 可以好負責任同大家講, 絕對可以南轅北轍..... 

看看這2位仁兄講疫情後的想法, 簡直係兩個唔冋世界的人. 

左邊果個陶冬係經濟佬, 大6出生和大學外語系畢業, 之後轉去老美讀經濟學博士, 唔算自由學派, 但不是大6 果套經濟佬咁..... 佢估中97東亞金融風暴, 估中埋2004年上邊經濟國策的大改變. 現在任職瑞信, 長駐香港, 手上應該管理住好多由上邊出來的資金, 跟上邊人脈十分接近, 絕對係建制內中人.

其次, 果個光頭佬叫陳平, 如果無估錯, 佢先輩人係黨外合作果8大黨的成員, 後被收編入去建制, 是個百分百建制內人仕, 甚至係X二代呀, 佢工科出身, 後攪工業政策之類的政治. 92年來港, 後來接手陽光衛視, 不是個經濟人, 只是個攪政治的老共吧! 

套片第二部份, 就要大家用LINK去睇, https://www.youtube.com/watch?v=2lTSZntU-hE

真係好值得去花個半鐘去聽下.....

首先, 光頭佬一直都想估計未來, 用政治行政手段去調控經濟, 但經濟佬當然反對啦! 

第二, 光頭佬自己攪左幾十年政治調控經濟(始終佢係計劃經濟下成長壯大嘛), 連老美現在無所不用其極的金融手段, 都唔理解, 甚至表演得驚訝. 可以了解到, 今天兩國交惡, 上邊這些攪政治的決策人, 從來不理解老美到左唔講道理時, 手段有幾咁極端. 佢地只會諗住老美係正常情況點做野, 係兩國交惡時都係一樣咁做野. 這些人簡直係傻呀, 歷史都有眼見, 日本仔一偷襲珍珠港, 老美都捉哂佢地自己的日裔公民入隔離營了. 這些人唔讀歷史, 眼光短淺, 還要出來為全體人民做國師, 攪國策, 簡直坑陷全體人民呀. 

第三, 光頭佬成日諗住嚴防社會矛盾, 用政治行政手段去"河蟹"一切, 甚至心裡在盤算老美幾時會社會崩潰, 好似前牌D人講"之爆"咁! 哈, 經濟佬已經批死左光頭佬這種人, 有上帝之手的能力, 但無上帝之腦! 經濟佬就算唔係自由經濟學派, 都有著果種..... 路係人行出來, 叫光頭佬唔好去干預, 就唔會有社會撕裂了,  大有講突區現況之意!

聽這2個大6阿叔講野, 才明白到, 大6上一貫的紅色技術官潦, 同係金融行業上打滾的經濟佬有好大分別, 唔怪得阿未日博士KC 羅, 上年係忠字銀行走出來唔撈了. 

為何有些教會人仕生活每況愈下? 去教會有些什麼潛在危機?

首先, 我JJ並沒有批評任何人之意, 純粹是提醒, 更是在提醒我自己.....

其實, 宗教信仰並不是不好, 只是人們常常誤解了宗教, 尤其基督教, 把他們自己的主觀意願, 當作神的旨意, 這個真是十分危險呀. 但是, 教會在先天上, 是十分容易吸引這一類人, 這種人可以歸納為以下特點:

1. 喜歡去逃避 - 事事認為有神蹟/旨意, 就唔洗去先做主動; 又或逃避到.... 用神的旨意來自我麻醉, 自我矇騙. 我JJ並不是說沒有神旨意, 而是....... 神旨意並不一定立刻見到, 又或不一定循著我們主觀意願去發展啊! 好簡單咖咋, 既然不去逃避"生老病死", 不去逃避父母年邁時需要自己, 年青時就不會去碌爆咭, 更不會找個刁蠻扭擰的女友回來麻煩自己, 也會好好去理財, 甚至去投資去研發新藥, 又幫到別人, 又幫到自己. 

逃避是個心魔, 一切歪念都是由此而起, 逃避自己作為父母的責任, 去教會找導師啦? 逃避自己作為兒女的責任, 去教會找老年服務啦? 當然, 我JJ十分願意去幫助有需要的人, 只是幫人最重要幫到這人能夠自己幫助自己嘛! 其實好簡單咖咋, 好似我JJ咁, 家中排最細, 唔知道點湊細路仔, 但結婚後生兒育女無法逃避呀, 當然自己先去參加教會兒童事工嘛! 自己先跟住人家去學怎樣做嘛! 這個就是不逃避, 也沒有懼怕心魔嘛! 

2. 喜歡圍爐取暖 - 當然, 移民到一個新地方, 人生路不熟, 去教會認識朋友, 這個是可取的. 只是在未熟知人家信仰或教會文化前, 就不好來對人家指指點點, 唔該客氣少少啦! 有些人更因為其主觀意願, 在教會裡, 不逐他們自己的意思, 就去批評別人, 定性誰配去(如拍拖結婚), 甚至想去替天行道, 剷除他們自己不順眼的做事方法和聲音, 這個是十分危險, 而且又十分可恥之事!

3. 拒絕自我調整/入鄉隨俗 - 其實, 很多事都無須用真理來區分, 心裡出於善意, 而相同意念又用在自己身上, 就無須事事用真理來壓別人. 為何這些人要每事用真理來區分? 因為這些人不善於自我調整, 更不想入鄉隨俗! 問他們多一些, 他們就會唔識答, 又或利用真理高地, 來炮轟別人!

4. 沒有耐性, 事事要求立刻見到果效, 不明白什麼是神蹟 - 大多數情況, 都是經年累月來進行呀! 我JJ來了加記近十年後, 視窗才出中文版本, 15年後才普及中文輸入法, 當然我D中文一定退步啦! 我JJ唔係用幾年時間, 每天用半小時打中文字出來囉! 神蹟就在其中了, 現在我是個中文輸入的能手! 不過, 神蹟是不會一索而就的! 是要有恒心有耐性有目標, 從不解殆, 神蹟才會開始的! 

教會裡這些人生活每況愈下, 不是因為神捨棄了他們, 而是他們心理質素每況愈下, 埋首怕見現實, 逃避自己責任, 不能面對失敗, 更不能面對他們自己, 得過且過囉! 是他們首先自己先放棄自己呀! 只是, 教會裡這類人, 實在太多太多了, 多到連教會D長老執事, 甚至有些牧師都係咁樣! 

無法了, 死症來咖! 這些人忘記了, 主耶穌基督在十字架上, 替眾人之罪而死, 成就了因信稱義, 眾人的罪得赦免, 再沒有纏繞眾人的心魔, 再不被定罪, 再不被指控! 再不用去逃避! 可以直接了當地去面對, 直接了當地去完勝一切, 直接了當地去得著神的祝福, 直接了當地去步步高阩! 心理質素越來越強大!

自古英雄出煉獄? 從來富貴入凡塵?

其實, 我一聽這句, 實在有點反感的, 因為..... 如果煉獄只是被人拉去坐政治監, 又或去攪群眾鬥爭,  那真是錯解煉獄了.

煉獄當然唔只咁啦! 煉獄..... 係.... 受到外來衝擊時, 一種積極或消極的抵抗. 

有時, 大家都好地地, 有錢搵, 有書讀, 唔想攪串個PARTY下, 就消極抵抗囉! 係咪? 

有時, 一眼睇到再不能力挽狂欄下, 就唯有積極出手囉!

各人都有他們自己的煉獄呀! 

是英雄? 還是狗雄? 就要看看這些人自己是否對自己的信念, 從一而終? 沒有虛情假意? 心誠則靈? 聖經並沒有說錯的, 沒有行動的信心是死的!

致於富貴? 富貴只是一種外表的徵狀, 對外來衝擊不抵抗的人, 就一定沒有富貴這種表徵, 因為他們隨水而流, 沒有自己主見, 也沒有跟別人不同的思想和做事方法. 

不抵抗, 隨水而流, 沒有自己主見, 這些人當然每墮凡塵!

好了, 等我JJ RE-PHRASE 這句..... 我JJ才疏, 但在舒展情緒下, 10秒就朗朗於口中.

煉獄長卻英雄志, 
凡塵富貴亦了然, 
不問回報不望富, 
只求正氣在心間.

PS: 30年前, 我這裡教會班人出去陸肆遊行, 30年過後, 這班人沒有人去了解中國歷史, 沒有人去了解民主政治, 沒有人去估算大6情勢的發展, 還有些人變成藍色人仕了. 

怎樣要我不去輕看這些人呢? 做人不是說說講講呀, 唔該做好自己本份啦!  人家富貴, 不是沒有原因的!

當股神減持老美銀行股時..... 我們應該注意些什麼？

傳統上, 銀行是做信貸買賣嘛, 現今把買賣信貸, 套用新名詞 - 衍生產品資產, 明明是負的, 卻可以被解析為資產. 

大家都看到, 在經濟好時, 這樣操作, 會令任何投資銀行股的人, 魚魚得水, 只是大家看到2008年次按果鑊野, 大家見到銀行股大縮水呀!

好了, 股神一向睇好銀行股, 尤其老美銀行股, 今次佢減持 高佬盛 和 JP 摸緊, 但曾持花旗, 網上有解釋, 前兩者衍生產品資產/按金比率好高, 但花旗相反較少, 較保守. 

咁係咪..... 股神認為2008年果鑊野, 會有可能係近年重演呢嗄? 首先, 老美政府已經揼左幾萬億俾一般打工仔, 如果現在老美這些銀行唔掂, 老美政府再好似2008年咁, 出資救銀行佬, 老美民眾會否出聲抗議? 到時老美銀行佬會點呢?

大家可能會問我JJ, 到時會否係買入銀行股的時機?

其實, 好似今年3月咁, 都係銀行佬+基金佬+高風險投資者, 佢地補倉拆倉轉倉補倉所引起, 當時, 我JJ主力去入油股+油管股+保險股...... 

不過, 如果到時銀行佬無老美政府出來救呢? 又或要俾佢地跌到好慘好慘咁, 老美政府先至可以有足夠民意授權佢地來救市呢? 長時間裡的補倉拆倉轉倉補倉, 所引起的骨牌效應, 就會令到通街都係超平貨來執了. 

我JJ到時會買乜? 因為我住係加記, 因為股息收入的入息稅關係, 我會傾向買加股, 但係加股有D行業, 係做唔起的, 例如:藥廠/民生食品..... 就算做得起, 最終都會搬去美國, 但係我今年3月已經買左油股和油管股, 難道我還要再買資源股? 

所以我有點兩難了, 我買非加國的收息股, 即係要我俾更高的稅率呀. 這個即係叫我, 現在再買股, 就唔好買股來收息, 要睇住長期股價升幅了, 賺差價呀, 即係BUY LOW SELL HIGH.

噓, 即係叫我JJ改變一直的投資策略, 進入一個全新不同的投資思維裡?
 
好啦, 如果再買加股, 可能要等銀行股冧時, 才入D加國銀行股了.
 
PS: 股神今次還減持富國銀行, 我都有, 仲係揸左好多年, 算了吧, 都唔係好多.

還有股神清空了油股OXY, 這個令我有點意外, 不過, 我係個價好低殘時買, 唔似股神係高位買入, 這鑊佢蝕得好金呀! 而且, OXY出認股證來當股息俾我, 我諗我都係揸D好似OXY的資源股, 較為有利, 就好似我揸少少金仔咁啦!

不過, 如果真係好似2008年果鑊重現, 到時滿街D貨都跌到P/E 10以下, 大家唔洗諗咁多, 掃D生意長有長做長賺的藍籌, 咁就可以UN UN 腳了, 唔洗怕呢! 現在最重要係預好D錢來到時買貨了, 哈哈哈!

為何我叫大家向世界出發?

其實, 大家都睇到, 香港已經返唔到回去上年7月之前的香港, 世界也因為疫情在各國爆發, 也不再一樣了, 返唔到轉頭! 

香港一國兩制, 唔係香港和上邊話有, 就有呀, 仲要老美肯認頭, 才有呀! 現在一切都已經太遲了, 老美已經取消了香港 - 不等同中國來看待的特殊地位和關係! 

大家可能問, 上邊俾番哂香港原本的一切, 咁唔係乜事都無? 

哈, 家陣人家做緊野呀, 仲未做完呀, 仲CALL緊人馬係度做緊呀! 上邊叫停, 人家就停左佢? 人家唔係好無面? 

如果真係想講和, 人家開D條件...... 辣到...... 一定上邊接受唔到, 為何? 人家已經開到口..... 唔係叫主上一人靠邊站, 而係叫全個黨一齊靠邊站呀! 連老江老胡佢地都......? 這個, 即係無得傾啦! 

我JJ一睇番起解放後上海的故事, 當時都係雙方交惡, 爆發韓戰呀! 雙方都有人死左呀! 仲係好多人呀! 之後, 就係老美向上邊禁運, 上海就開始破落, 先前走左落香港果班人, 慶幸避開左! 

咁, 係咖, 我JJ都承認, 好多人去到外國, 生活一定無香港咁好! 不過, 家陣香港已經唔再好似以前一樣, 無左以前老美經香港, 同上邊 DEAL 的 特殊地位, 無左以前萬種錢錢流經香港濕濕腳果種過癮了. 所以, 現在去外國, 生活大多會比留在香港好, 因為外國生活水準就算跌, 都唔會好似留係香港跌得咁慘.

上海在解放前, 係黃金地來咖, 全國第一, 就算日本仔攻下上海後, 都要粉飾太平, 唔可以俾上海好似當時香港咁, 有人餓死呀! 但上海解放後, 生活水準一直跌跌跌呀, 跌到D人要海外親戚寄錢寄藥寄物資回去呀! 唉, 一講返起, 我JJ就喊得一句一句呀. 全國第一, 變成要靠海外親人接濟?

所以, 我叫大家向世界出發, 唔單只為大家著想, 仲為到果D無能力離開的港人. 有多D港人係海外, 香港有乜需要, 尤其親人, 都可以有多D人係海外來幫呀! 大家唔好係香港攬住一齊呀, 現在不是團抱取暖的時候, 走得一個港人, 將來就多一分力去幫其他港人呀!

大家唔洗再諗太多了, D人如果仲信有一國兩制50年不變, 到最後只會受到最大傷害.

PS: 昨天, 我JJ去行公司, 見到件DKNY短袖裇 - 加細碼, 著上去型仔到暈呀! 宣傳海報上D MODEL, 都係著加細碼, 我一攞上手就走去排隊畀錢. 只是, 一想之下, 問自己, 哈, 我仲會返香港嗎? 係喎, 我係加記, 一年都著唔到2個星期的短袖衫呀, 衣櫃裡仲有好多未開出來著呀! 仲買? 唔好LU, 都係唔買囉! 

哈哈哈, 加細碼衫, 這裡邊度有人岩身呀? 等多一陣, 又唔係減價來俾我JJ買? 嘻嘻嘻...... 好, 等佢減價.

我地港人向世界出發, 那懼歧視? 那會在乎人家的大不同?

前幾天, 看到這個視頻, 講這位哥仔3年前回流香港, 覺得香港比美國好!

其實, 我JJ都有諗過回流回香港, 因為加記實在太凍了, 年紀一大, 就真係要搵個暖D地方來住了. 當然香港天氣上對我有好處啦! 也當然, 721改變左我了. 

不過呢, 這位哥仔講佢自己不能..... 同時融入美國當地主流社會, 又同時保留自己華裔的文化和身份, 甚至認為美國是白人精英至上. 

唔...... 我認識的洋女嫁唐人老公, 大部份係為到.... 不再跟隨佢地來自的家族傳統, 希望有個"多樣性"的未來和人生. 只是這個不代表, 她們的唐人老公, 就可以把華裔的文化和身份, 放在第一位, 相反, 她們要求老公要去接受不同的文化和身份! 這個是我JJ擔心佢婚姻會起紅燈的原因. 

致於, 某些人控制了社會, 任何地方都有啦, 以前港英時期, 都是一些精英來操縱(現在就..... ), 一般人的問題是.... 要突圍到這些精英的什麼層面囉? D人好似我JJ咁, 錯過左適婚年齡, 就做個普通加燦算了! 

我JJ大膽咁講, 做得精英D人, 首要去接受不同的文化和身份囉! 好似誠哥潮州冷咁, 落到來香港, 難道要把潮州冷果套套用係香港咩? 大家都見到, 誠哥佢沒有放下潮州冷果套, 但佢接受本地港人果套, 做D生意被本地人受落. 這個就是精英同普通人的分別, 不斷去學習和解理, 不讓自己潮州冷果套, 成為阻礙自己的框框嘛! 

所以, 講番我地一眾港人, 現在向世界出發了, 當然, 我們不忘自己港人的本, 但不應讓這個本, 來阻礙自己的發展呀! 人與人之間, 必有不同和偏見, 在香港叫歧見, 在外國就叫歧視, 只是在外國幅度大D囉! 我地香港人無野難到我地咖嘛, 做搬去外國的決定時, 難道這就令我們退縮嗎? 

PS: 十分有趣的, 我JJ住係加記大半生人, 廣東人的特徵漸漸減退, 北方人的特徵漸漸走番哂出來. 早15年前回港, 都仲有人誤以為我係韓國人, 可能係韓劇韓片的關係, 但這10年裡, D人開始誤以為我係北仔/北佬, 可能我年紀大左, 再無好似韓片中D男主角咁靚仔, 又或中港往來頻繁左. 

只是有時在香港D人見到我, 誤以為我係上邊來, 就唔多客氣, 見我著名牌, 就好少少啦! 這個又不太可以叫歧視的, 只是就有點...... 我都唔識講了. 其實, 好多這種人, 是每天150個單程證來香港D人, 又或是他們的下一代. 

相反, 我JJ係加記, 係上等人來咖, 最少英法雙語都應付到, 再加上會普通話, 又唔洗再為生計而要出去搵食. 有些國內人, 一聽我D香港口音煲冬瓜, 又係加記長住多年, 就會提高警覺, 懷疑我係係香港出生的X二代了(文貴大官人講果D), 同我講話, 特別客氣! 

所以, 大家去到外國, 唔洗擔心喎, 香港都掂, 係外國點會唔掂呢? 最怕就係悶死之嘛!

為何我JJ不是估神?

前幾日, 有親戚打來問我金價會起到幾多? 幾時留意賣出? 唉, 事緣因為我前年叫佢, 買金仔來減低揸現金的風險, 我都無叫佢買金來謀利姐, 而且, 金價升, 唔代表我係賺錢, 我只係減少淨持現金的風險咋喎, 離開有利可圖, 實在太遠了!

我一同個親戚講, 我幾錢買入金仔, 佢就好興奮咁, 誤以為我係估神; 其實, 我只係想同佢講, 我離開估中, 相差甚遠呀! 

嗱, 我係係金仔最低價前買入, 我買左, 金仔就再跌呀! 這個, 已經係第一次估錯了; 我第二次估, 諗住千一再入D, 點知跌到$1150, 就最低了, 我又估錯第二次了; 金仔回升到我買入價, 我就估金仔會係果度徘徊再下試低位, 點知我又錯第三次, 金價之後再無跌低過我的買入價, 反而升升升, 升到現在, 我連第二次再買金仔, 都無機會呀!

以上3次估錯, 當然就證明我JJ唔係估神囉!

又好似現在中美咁, 我2年前都估到有大龍鳳, 所以才驚起上來買金仔, 不過, 我當時估唔到今次的大龍鳳會咁杰撻撻, 我當時仲估中美唔會全面脫勾, 估中美會留番香港來做日後往來的通道, 我當時仲提議D朋友, 香港將來會更好境, 我自己也有回流的打算, 當然, 我又估錯左啦! 

到左上年721後, 我才知道D人來接管緊香港個場, 激怒左老美, 我當時仲諗住, 老美唔會散場唔玩! 不過, 我估唔到D人玩得咁盡咁大呀, 又用緊急法, 再用國X法後, 老美就擒牌唔再玩! 這個我又估錯左了!

嗱! 這班人做出來D野, 係唔可以用民主資本世界的諗法去理解, 要用無產階級專政果套去理解呀! 

咁..... 會否打起上來? 我JJ真係估唔到了, 也不敢估! 可能連果D係無產階級專政下, 茁茁成長D人, 都估唔到了. 

PS: 我離開那華人教會前, 開小朋友活動D會議, 果個壞鬼師母平時唔出現, 佢一來, 我就估到佢來催谷我地班同工做野. 其實, 如果係有建設性的, 我都不會大罵這些父母自己唔做, 只係識得係度推其他人去做. 

我一句話個師母, 參與的同工屬唔屬靈, 有無愛心, 一眼見到, 最少1小時來回參與2-3小時的活動, 仲係唔關自己事, 關D自己唔動手的父母事. 

我一句大番個師母, 教會如果唔夠清潔, 就不如唔好攪小朋友活動, 清潔教會地方, 這個跟本唔只單單關D未結婚未有仔女D教友事, 而是全部人都關事.

我烏鴉咀, 幾個月後, 就來左SARS了. 再睇番果壞鬼師母平時的做事方法, 當然就知道, 成間教會亂成一團, 之後幾年裡, 我每次崇拜時段, 行經這教會, 都發現停在外邊的車輛數目, 不斷減少.

係咖, 我唔識估野呀! 但係我識個驚字點寫, 而這個師母和推佢果班父母, 就唔識驚字點寫了, 或者佢地個個都唔知點係教會做事, 只會臭罵別人來"推動"佢地想要D果效! 

今天再見番這些父母和他們的子女, 我JJ盡量都不會用輕視的態度, 不過, 又係真的, 我無估中的能力, 只是比這些人好少少,識個驚字點寫囉! 識個驚字, 比估中更重要呀!

如果真係要攞港燦基因大數據, 都只會因為.....

坊間有講法話, 同一眾港燦做普及病毒核酸檢測, 係想記下港燦D基因指紋, 用來對比重要大人物, 用來做人體器官儲備庫, 又或用來製針對港燦的生化武器..... 又講什麼誠實或服從基因..... 云云.....

其實, 講句中肯說話, 這些講法, 有點不對, 上邊200倍人口, 如果係上邊搵唔到配對基因的人, 就更難係香港搵到. 致於製針對港燦的生化武器, 這個就更難, 不要講港燦了, 就連老美都同上邊同胞D因, 有99.9%相似基因, 基因生化武器點會唔會害番自己呢? 再講什麼誠實或服從基因, 這些就更難了, 有邊個科學家知道邊個基因係誠實或服從嘛!

如果真係要攞港燦基因大數據, 都只會係因為..... 

1. 證明一眾港燦同上邊同胞, 基因上係百份之百吻合, 證明港燦同上邊同胞無分別, 叫D人唔同再吹噓"香港不是中國". 其實, 對於果D 1949年前在港定居D港燦來講, 就算4-5代前的爺爺嫲嫲有人係非華裔, 咁又點呀? 過左右咁耐, 又咁多代人, 個樣成個港燦樣咁, 同上邊同胞無分別!

2. 建立人口基因庫, 鎖定一切有先天基因疾病D人, 定立政策來應對將來可能爆發的疾病和社會問題! 尤其氣候暖化和環境快速改變, 某種基因的人, 將會最受影響. 

3. 當然係關係到優生學啦, AI/5G年代, 跟本就唔需要咁多勞動人口, 只需要更多聰明或體能好的人, 真懷疑著, 已經有政策出台, 計劃去減少甚至壓止, 那些被"低端人口"所引發的社會矛盾! 所以, 大家係網上發表意見, 不要太唔合邏輯, 太過嘩眾取寵, 如果唔係, 好易被定性為低端人口!

4. 當然計劃去把社會資源, 分流到那些最適合AI/5G年代的人, 用基因來分類, 就是其中之一: 高IQ, 高認知, 高聯想, 高體能......, 甚至生殖力強(皮膚白裡透紅, 精子數量高, 排卵準時, 菠大蘿大好生養, 哈哈哈). 共慘黨被定為唯物論者, 唯物論者好講優生學, 猛叫D基因優良D人, 猛生多D. 

做這些普及病毒核酸檢測, 真係好勞民傷財, 防疫效果無乜(因為輪隊時最易被感染, 檢測是100%延後數據), 主要係為左, 基因庫大數據, 徹底係一種唯物論者的想法做法囉!

PS: 我JJ講完左咁多野, 一講到好生養呢....., 真係又令我想起我果個好Q麻煩的親戚, 佢招惹左咁多女人番來, 佢日日俾佢果班女人, 好似扯線公仔咁舞, 又俾佢果班女人D 父母來追罵, 唉.....

佢班女人見我係加記乜都自己落手做, 就話我人生好陰公, 哼, 我才覺得我這個親戚仲陰公呀! 如果這些叫高端人口, 優質基因人種, 我就寧願唔做了.

在科技革命年代裡, 我們港人飄然走遠方, 再闖新世界, 似那舊家鄉一樣!

我地港人現在要遠走他方, 在我看來, 我們會遇到些什麼問題?

1. 人生路不熟, 文化差異, 面對陌生的做事方法和社會制度 - 這個呢.... 我JJ十分有同感, 我JJ就用入鄉隨俗來應對囉! 無乜野咖, 去問問市政府, 問下人家, 網上有無資訊, 來自己閱讀和先理解. 甚至政府半資助好多組織來教人點去做, 尤其先進發達國家, 就越多DIY 資訊和短講, 由免費到不太嗱脷的收費不等呀!

2. 正好迎來新一波的科技大革命, 影響著所有人類的生活/學習/搵食 - 我們進入大數據和AI的年代了, 好快世界將會不再一樣了. 連大家移居去到當地的本地人, 都會無所適從. 

不過, 無野難得到我地香港人喎, 正好用頭幾年去克服上述兩個大問題, 一次攪掂佢啊! 

因為當第二種問題出現時, 就會去改變第一種裡的文化/做事方法/社會制度, 人家本地人都有好多地方, 需要重新適應. 

我地香港人移居去, 當然要適應比當地人更多的地方, 不過, 現在我們可以一石二鳥, 一次過攪掂, 人家本地人都會有不適應的地方, 只是我們香港人會有多一D不適應的地方囉! 可能講緊多少少咖咋!

 不過, 人事呢, 萬變不離其中, 有些地方我地係真係好需要注意:

A. 大家不要以為科技進步, 人與人之間就會疏離, 這個只是對一般人而言. 但對很多願意或有能力花錢的人來講, 他們更不希望由一個資訊機械來得到服務, 而是希望由一個活生生的靚仔靚女, 來提供裁縫式的資訊或決策服務. 所以, 保持一個高雅的儀容和談吐, 一個理解人心理的思維, 是爬上高階社會層面的不二法門, 這個已經贏在起步點了.

B. 科技只是個工具, 背後是人文文化作為靈魂來推動, 尤其在那些不能重複/創新創意/任意而為/藝術標奇立異的領域, AI和大數據是代替不了人的. 所以, 維持自己一定的文化藝術觸覺, 比成為一個理科狀元, 可能更重要呀! 

C. 自己日常的生活和環境, 會影響自己的命運和末來發展 - 2年幾前, 我賣了出租屋, 又椒汁左老細, 走左去退休, 連秘撈都唔撈了. 之後幾個月後, 朋友見到我, 都話我個LOOK唔同左, 高雅左! 係咖, 唔洗對住D窮忙族租客, 唔洗對住來維修清潔D為口奔馳的工人, 唔洗對住辦公室裡的人事和層層老闆, 唔洗成日掛住秘撈D客仔有無下次再番來. 人到無求, 品自高, 之後, 一去諗投資, 頭腦就會好清晰, 好有方向咁去投資, 知道乜野係超值抵買番來! 心靜自然會睇野清晰好多呀! 所以, 大家移民之後, 住D地區唔好咁低階層, 交的朋友要有學識一D, 醒目一D! 還有, 唔好工作時間太長, 留番D時間俾番自己, 去令自己更高階! 現在科技年代, 死做爛做, 只會令自己變成窮忙族!

D. 保持學習, 永不言休, 常常思考, 常常組織自己的思路. 外表只是個硬件, 人家看著一表人才, 之後, 人家就會來看看內心裡的軟件了: 想些什麼, 關心些什麼, 看重些什麼, 全都顯示著社會層次, 之後, 做事就會得心應手, 無往而不利. 

現在風頭火勢下, 移民他方, 怎樣才叫安穩?

現在風頭火勢下, 講移民, 同以前D人講移民, 有無分別? 

我JJ屋企係80年代中來移民的,  果時我地屋企係諗住呢.....  有事就留係加記, 如果香港無事呢, 就教腳返去香港啊! 所以, 我JJ都屬於果D騎牆派, 移民當係買個保險喎!

後來"發玖陸肆"發生之後, 大家都見到, 我JJ並沒有教腳返來香港, 大家就估到我JJ對某些人十分不信任. 到左90年代中, D人移民左來加記後幾年, 一讀完書就回流返去香港. 

當時我真係問佢地, 就算俾你地係香港撈到風生水起, 你可否在香港收成收割? 並安享自己的成果? 更何況, 大部份人只係返去打份工咋喎! 好啦, 我唔阻人發達的, 人各有志呀! 

不過, "發玖陸肆"這種事情發生一次, 我JJ已經嫌多, 現在再來多次加料雙倍效力的, 就一定要放棄對某些人的希望了, 實在不能再相信這些人了. 所以呢, 如果大家現在移民呢, 大家就唔好成日諗住回流, 因為回流係無保障呀! 90年代中, 那時回流的人, 現在又要再回來, 人生來來回回, 就用左好多年來兜兜轉轉了, 平白浪費了不少光陰, 比起我JJ留在加國, 最多係開始時唔多順, 但一過左頭幾年, 之後就好順暢了. 

大家現在如果去英國, 唔洗做投資移民, 唔洗責死筆錢, 更唔洗面對投資風險, 只要帶筆錢去, 證明俾英國政府睇, 夠食夠用, 咁就得了,  實在比以前D人來加記做投資移民, 好很多呀! 

現在, 大家移民呢, 最重要著眼D乜? 問案是..... 安穩的人生!

現在英國呢, 一定唔會好似以前香港咁, 發展得咁快! 不過, 我就唔多睇好日後香港的發展速度, 會點快得過英國了! 慢下手, 香港再過多幾年, 無哂D外匯儲備, 到時就維持唔到社會福利和公共醫療了, 到時大家係香港, 就真係更要擔心無錢醫病了. 

我相信, 憑英國的國力, 總不會維持不到佢地D公共醫療和老人福利, 好似加記咁, 有老人金派咖! 總會夠基本開支囉!(就算一向無乜點供開政府退休金, 政府都有老人金俾D老人家). 而香港就算唔倒退, 現在俾老人家一個月果3千蚊生果金, 連買基本食物糊口都唔夠呀!

以加記為例, 如果以前供唔夠退休金, 老左後退休金唔夠開支, 大多數人都由政府俾老人金來維持基本生活開支. 大約一個月有一千加元左右, 少過全額退休金唔係好多咋! 但係老人唔洗俾醫療, 買藥有得平, 每月過左55元, 之後果D藥錢, 就由政府俾了. 實在..... 這是安穩的人生, 後生時已經知道自己老左後, 生活唔會點差呀! 

所以, 大家實在不用擔心, 將來係外國老左, 會唔夠錢洗囉! 又有老人金, 又有免費醫療, 又有政府包低D藥錢, 莫說相比將來的香港老人生活, 連以前香港經濟咁好時, 老人家在香港的生活, 都一定唔夠在英加澳紐咁好!





 

唔係講西裝, 而係叫人擺脫虛榮, 得到真正自由!

哈哈哈..... 這位UTUBER講野, 又真係同我好接近, 比我以前教會果班所謂弟兄姊妹, 更接近. 

佢講, 金融界叫D下屬洗到大一大,  誘發下屬的虛榮心, 好使下屬不斷去追單追數!

之後的故事, 我JJ可以繼續講埋落去...., D經紀成日去同客仔講, 話客仔D投資回報太低! 投資得太保守! 道理都係好簡單, 引起客戶虛榮心, 頻繁去做高風險投資囉! 如果只係想賺多D佣金, 都唔係咁差, 只不過, 有部份係想指條黑路俾客戶行, 背地裡就同客戶對賭! 所以, 道理都係一樣, 金融界利用前線經紀的虛榮心, 經紀也利用客戶的虛榮心.

其實, 人活得簡單, 係好重要, 做事就會容易去得心應手, 連健康都會好D; 而將一切人事變得簡單, 或避開那些刻意把人事複雜化的人, 更是快速達成人生目標的不二竅門! 

所以, 我JJ一向叫人投資呢, 唔好追求快速高回報, 又或用槓桿, 袋中有一蚊就投資一蚊, 頂多..... 短時間裡借用2-3毫子的孖展. 細水長流, 好股票(生意長有長做長賺)買左後, 放埋一邊, 唔好理咁多! 下次再想去買多D股仔時, 才好再去睇股價喎.

同一道理咖咋, D宗教人仕呢, 如果把原本好簡單D野, 講到好複雜, 講到有咁複雜得咁複雜, 大家就要小心了. 就以基督教來講, 八個字就講哂: "因信稱義, 罪得赦免". 任何牧師如果不跟會友說這8字, 而將一切講到好複雜, 就一定有問題! 


PS: 加一張我JJ試便服的相, 這件野, 17蚊加仔咋! 可以放落洗衣機洗, 洗完朗乾佢就唔會皺了. 著住佢去行公園買餸, 更可以著住佢係公園長櫈上HEA下. 

對 GORE TEX 鞋, 無減價下, 都係30皮加仔! 係咪好羡慕呢? 其實, 我們比自己想像中, 更富有, 更自由自在, 更開心快樂呀!

金仔, 金仔..... 你升市時, 就無乜好野了!

大家可能會講, JJ你就好啦! 買左金仔後升左咁多唄!

老實講, 金仔升, 無乜好野會發生喎! 我JJ寧願金仔唔好升!

我買金仔, 唔係用來炒咖, 又唔係陀住佢去走難!  只係用來對衝下地緣政治風險咋! 

老實講, 金仔越升高, 我心情越來越差呀! 

我寧願好似上年咁, 每天出街見到D人都走來走去, 雖不致於好開心, 但總不會情諸低落呀!

我JJ有個信念, 就係..... 財富係浮動的, 是浮在社會每個人之上, 人人都開心搵到銀, 我D錢錢浮係其他人身上, 才會洗得最大回報, 當人人都對未來缺乏希望, 要搶住來賣金仔呢, 即係我D錢錢洗出去, 回報大減了.

PS: 當然, 我JJ同其他人的分別, 在於...... 我早一D對未來失去希望囉! 好處係, 我買到平金仔囉, 唔好處係,..... 我比其他人早D去情緒低落! 噢....... 希望我也比別人早一D去重拾希望, 不過, 到現在我仍然未喎, 唉..... 都已經2年了.

回望..... 我投資出租物業!

當然, 大家當中有些人是好叻, 不過, 我JJ只係屬於中等果D人囉, 所以, 可能...... 我的經驗會幫到好大部份的人囉!

其實, 我投資出租物業呢, 平均回報真係大約係8%左右啦! 咁當然係唔理想呀, 相對我以前時買的股仔, 慢慢留強汰弱, 去無存菁後, 現在成功果D股仔的股價係當時的10倍了, 現在股息收入是當初買股票果D本金的20-30%呀! 

係呀! 我JJ投資出租物業, 唔係無用槓桿, 買時有房按咖, 1元當2-3元咁去舞咖! 比我投資股仔的槓桿還高, 股仔頂籠係1元當1.5元咁舞, 我大多數時候, 係唔會用孖展來買股仔的!

當然好多叻人, 佢地賺得多過我, 可能其中槓桿大過我用個D囉, 即係風險也比我高囉!

如果大家好似我JJ咁, 係D中等果班人, 唔係好叻, 唔係好醒, 唔係好喜歡擔驚受怕, 唔想食咁多驚風散呢, 咁, 我就覺得, 投資出租物業, 都只是一個分散投資的好方法, 絕不是回報好高的方法囉! 

當然, 大家可以想想, 如果今天大家走佬去到外國, 人生路不熟呢, 就應該分散投資了, DON'T PUT
ALL THE EGGS INTO ONE BASKET呀! 又買下股仔, 又買下出租物業.

我JJ認為呢! 

首先一去到外國, 過左頭一年戒急用忍期呢, 就去買出租物業, 用出租物業D租金收入, 來墊底生活開支, 用來做自己的生活開支囉! 因為租約一簽就有一段時間, 這段時間裡, 大家心裡就有個底了. 

第二, 買出租物業, 買到租金收入夠生活開支, 就唔好再買出租物業了, 長期來講, 出租物業一定唔夠王牌股仔D回報咁好. 之後, 開始買不同行業的股仔, 跟住股神分散咁來買, 大多都無乜差錯了. 

第三, 放D時間去跟蹤D股仔, 手上有的又好, 想買的又好, 追買的又好, 慢慢揀D岩自己的好股仔, 留係自己個倉裡頭! 

第四, 回望我JJ股海浮沉呢, 大跌市時, 係入市良機喎, 袋中有1蚊, 就買1蚊股仔囉, 唔好借用孖展呀! 過多一段時間, 就會彈起了. 尤其如果大家心中有個底, 已經有出租物業之類的收入, 來墊底生活開支, 大跌市時, 邊個夠大家咁夠膽去入市呢?

第五, 過了若干年後, 當初買D股仔上左軌道, 股息收入穩定後, 而又多過1.3倍的生活開支, 大家就可以開始考慮把出租物物賣出, 始終, 出租物業要自己出力水來運作, 是一些"力不到不為財"的投資呀! 

第六, 最後, 大家唔好忘記, 股息收入唔代表果間公司的真正收入, 股息收入只是間公司真正收入的一部份呀! 如果我睇D股仔的P/E 細過12.25呢, 即係隻股仔係果一刻, 都已經勝過我JJ投資出租物業的長期平均回報呀! 嗱, 大跌市時, 係咪大把股仔跌到P/E12呀? 果時買入, 哈哈哈, 當隻股仔的股價和收入彈番起後, 當然回報一定好過出租物業啦! 

好啦, 最後, 當大家人生路不熟時, 去到新地方新環境下, 揸舊磚頭係好咖! 令到自己心肝仔安心好多唄! 只是一到大家摸熟環境, 認清路向, 之後, 磚頭就會變得可有可無的奢侈品了! 哈哈哈, 祝大家一切好運啊!

有斷估.... 就算世事如棋.... 實情係咪咁呢?

嘩, 昨天睇佢近照, 噢, 乜佢咁去自毀老本呀? 佢後生時積埋積埋D老本, 真係可以俾佢這張相一舖清袋喎! 

難道佢..... 拍野拍到個腦失左理智? 無諗過佢這樣出來見人, 會有乜後果? 

還是佢有別外盤算? 通常D人咁樣表情出來上鏡, 係一種求救的訊號呀! 

向誰求救? 這人是否係佢個至親? 為何這人一向沒有理會佢? 甚至同佢保持一段距離? 要佢發出個咁強烈而公開的訊號, 才會主動去幫佢?

嗱, 容讓我JJ一跳就跳到去講...... 小三所生的紅X代..... 嗱, 這些人人生大多有以下特點.... 

1. 細細個都已經表現出來, 好似視錢如無物, 任意去滿足自己.

2. 串啦! 囂張啦! 表現出來, 好似佢有勁人照佢咁!

3. 十分渴望證明, 佢可以買到任何女人歡心, 做事十分成功大膽, 跟佢真正生父一模一樣, 比佢真正生父個原配所生的法定子女, 更像佢真正生父!

4. 法理上的父母聚少離多, 個老豆好似同佢係陌路人咁? 又唔知點解, 出世紙上寫的果個老豆往生時, 份遺產無佢地份!

好了, 大家自己去諗諗了, 如果重疊以上兩種人生,  是否有好多倒模相似的地方呢? 

說回現在了,  發個這樣公開而強烈的求救訊號..... 是否佢到左絕路? 那位至親若不出手救佢, 就會好丟臉? 普通人不知道佢同這位至親關係, 但實在總有一些圍內人知道? (佢出世紙上寫的生父?)

去到外國, 買樓收租來生活無憂的竅門

大家真係要俾個讚我呀! 因為為到寫這個"竅"字呀, 我JJ花左成半粒鐘, 才諗番出來, 點寫喎!

言歸正傳, 我地一眾港燦呢, 現在興走佬去外國啊! 只不過呢, 去到外國, 人生路不熟, 無論搵唔搵到份工來打呢, 都要廣開財路喎! 錢途唔好咁狹窄呀各位, 單單打份工係唔夠安全咖, 為到以備不時之需, 總係人有三衰六旺, 話唔埋咖喎!

一講到廣開財路呢! 大家都會記起我JJ未退休前, 正職之外, 還有份秘撈, 再加出租物業, 仲有股仔跌D股息入我袋呀! 頭果兩樣唔講了, 唔同人有唔同職業, 就算我JJ穿越時空去返以前岩岩畢業時, 都未必一定做番同一果個職業. 但係出租物業呢, 這個就可以讓大家來翻版了! 出租物業有乜竅門?

1. 各處鄉村各處例, 怎樣去翻新物業, 怎樣去睇物業價值, 我JJ同大家講唔到了. 不過, 有D野係一樣的.  人生路不熟, 不要太高估自己的能力, 太高難度動作的, 我JJ就唔會去做了,  如: 翻新物業, 估物業價值咁, 大多都會好易俾人呃咖! 如何看個物業抵唔抵買? 好簡單, 賣價乘以藍籌股息回報的%, 是否小過淨收入(租金收入 減一切開支, 再減由於折舊所需的裝修成本), 如果低過, 這物業就值得留意了, 越低越係好的賣價. 當然, 如果太低, 就是可能代表, 物業有問題, 如: 升值能力很低呀!

2. 不要太高估自己的能力, 人生路不熟, 不要買太過殘舊的出租物業, 尤其歷史建築物, 維修費可以是十分驚人, 也會侵蝕了大家的利潤, 甚至是大家的本金.  

3. 學會修整物業的一些小問題, 自己落手執下整下, 到有大問題時, 才請人回來做, 並在旁偷下師, 慢慢就會越來越識整.

4. 不要買太差的區, 總之最少那區D人個個有份工做, 有份收入, 餓唔死, 飽唔親, 就唔會咁易欠租, 唔會咁易買屋升呢後搬走! 如果租客幫你鍚住你D物業, 咁就慳番好多維修開支呀!

5. 買交通方便的地區, 如在公交站旁的物業, 尤其近快速公交站或高速公路, 租務市場就會寛廣很多. 

6. 我JJ喜歡..... 一買就買一幢, 因為自己可以控制租給誰, 不會有其中一個單位D租客十分噪, 十分污濁, 不守規舉. 如果只買樓宇中其中一個單位, 而當隔鄰住戶十分噪, 就會嚇走自己的租客了, 就會影響自己的投資收入了. 持有一整幢物業, 反而投資風險可防可控!

7. 要租屋的申請人, 寫多D佢D背境, 包括信貸紀錄, 保荐人, 工作公司, 其他家人的住址, 有沒有參加義工. 並且, 可以參加當地的 LANDLORD ASSOCIATION, 就會教會大家當地法律, 容許大家問申請人D乜野, 同埋點去拒絕申請人, 甚至點去追租, 驅走違租約的租客!

8. 大家第一年去到外國, 就唔好咁快做重大決定住, 等到第二年熟左環境, 才好出去買物業. 買第一個物業時, 保守少少, 慢慢來, 量力而為, 等到摸熟了當地租賃市場後, 才慢慢增持多一些. 我JJ在第一個5年, 就開始知道賺硬, 第二個5年, 就錢錢滾滾入袋, 第三個5年時, 就全力整番靚佢, 待高價來沽出謀利.

9. 大家都係為財姐, 千祈唔好以氣用事, 租客有時會十分不合作, 千祈唔好同佢鬥, 對自己無好處的. 這樣的租客通常好唔掂, 生活會越來越差, 到佢無錢時, 佢自己搬走, 或趕走佢, 問題就自動解決了一大半. 

好啦, 我諗我講左最主要的部份了, 如果大家有問題, 可以留言俾我.....

PS: 最後, 我地一眾港燦現在要避走他方, 最重要係保本保命, 留得青山在, 那怕無柴燒? 當然, 外國就無香港過去幾十年來, 賺錢咁快, 不過, 香港以後也不會賺錢咁快了, 相比外國, 也不會賺多好多! 所以, 唔好太貪心, 一年有10個8個%, 已經了不起了, 等佢10年8年, 到時大家就會發現到, 大家確實比自己想像中更富有.

為何自由如此重要?

加國滿地可這裡, 現在一早一晚, 溫差很大, 晚黑廿度左右, 十分舒服, 但一到早上9時之後, 就會開始熱, 一直熱到日落後1小時. 後天更會熱到35C, 體感會在40C以上.

但係我JJ一直都唔洗開冷氣, 為何? 初先, 加國這裡房屋隔熱一流, 冬天零度, 屋內可以半天不開暖氣, 都唔會感到凍; 第二, 晚間開窗, 日間閂窗, 就可以保持室內氣溫28C以下; 第三, 因為我調整左我D生活時間. 

一切的大動作出汗活動, 早上9時前做完佢, 即是..... 早早就煮完午餐和晚餐, 9時之前, 開著窗門來煮飯, 令煮食爐透過窗門來散熱. 一到外邊氣溫熱起上來, 就閂窗, 去做D唔洗大動作出汗的活動! 開始一天的學習和思考了.

嗱, 這個就是自由了, 自由地去選擇對自己最有利/最方便/最環保的生活方式..... 不會因為..... 我坐底學習, 睇落好似好HEA, 其他人流緊汗出力做, 其他人就可以來否定了我的存在和價值, 定性我為低端人口.

好的, 有些人想不到去調整生活方式, 我是沒有問題, 會尊重人家的生活方式和選擇, 也不會覺得人家蠢, 平白要開冷氣來浪費天然資源, 甚至定性人家是破壞地球環境和資源的低端人口. 

其實, 人活得有自由, 就會生活得更順暢, 更環保, 對自然環境更少破壞, 對社會更有貢獻! 

不過, 這個世界卻有D人, 自以為自己高人一等, 唔相信其他人在自由意志下, 所發揮的智慧和貢獻(因為不起眼, 就被人抹殺了)! 硬要說, 要由他們來領導, 由他們來指揮, 由他們來擁有一切, 由他們來定誰是低端人口. 這些人更因為咁, 走出來扮哂野, 吖吖渣渣, 做得更差, 傷害更大, 無視他們自己和他們祖輩, 對人類/對文化/對全世界的巨大破壞和威脅!

當然, 這種人當中..... 有現在大家在香港見到果D....... 

PS: 我JJ可以咁早就搵夠錢, 唔洗再做, 就係因為我善於利用自由社會賦與我的自由, 去做別人想不到的事, 搵別人想不到的錢途. 

自由也可以是.......我早早就唔再理會我這裡華人教會果班人, 在疫症前, 這些人還在擔心份工, 還擔心每個月搵得夠唔夠生活開支, 佢地自己已經都水浸眉頭, 好心就唔來妄加等級我JJ D 生活方式呢? 就唔好來妄議屬靈不屬靈呢?

我那大6大媽筆友 3

前幾天, 佢來問我, 為何不敢再回香港? 佢見我年年都回港幾個星期! 

哈, 其實我一早都同佢講左, 現在香港被強行立國安法後, 跟大6任何城市都沒有分別了,  以前我自己是不會自己一個人進入大6的. 不是跟著識途的親友, 就是跟團去大6, 省得麻煩邊檢人員加重他們工作量! 

佢今天竟然再問我, 我又唔反共，也從没有燒國旗，為何不敢回港?

當然, 我一定要同佢解釋清楚, 香港被上邊強加果條國安法, 唔單只係講反共和燒國旗係犯法喎! 仲包括埋非港人+非中國藉+非華裔呀! 而且, 我從來唔知上邊點去解讀什麼是分裂國家或詆譭國家喎! 條國安法裡又包埋分裂國家和詆譭國家這些字眼!

而且, 我個樣好似香港示威年青人喎, 我這幾年每次回港, 都被保安人員, 不合理來保安一番! 再加上, 現在真係有上邊執法人員來港執法喎! 佢地點會分得清我係咪示威者? 為免麻煩, 都係咪攪我了, 回港就免了. 

話哂我係外國生活得好地地, 自己揸車四圍去玩, 反而回到上邊, 我連四圍行下,都盡量避免! 我係上邊被安保人員來保安, 比係香港更多呀! (嗱, 上邊D安保人員係唔一定著制服咖! 只會在我身邊出現!)

我又唔係果D係外國搵唔到食, 要回流果D人, 更不用看著國安法來做人. 我係加記, 早早就搵夠錢, 唔洗煩了, 真係無必要再自找麻煩了! 

好了, 好多人還以為, 現在香港和上邊環境唔會差落去, 不過, 我持相反觀點囉! 當然叻人點會生活有問題呢? 整體社會就算點差, D叻人係唔會有問題. 不過, 對於果D連走去外國看看都唔敢果D人, 又或係外國撈唔掂果D, 留在香港或上邊, 將會跟走去外國, 中間的生活水準差距, 將會越來越大! 5年後, 就會見到分別; 10年後, 就會後悔!

現在大6和香港社會, 將會是精英當道, D人唔係精英, 而又或唔扮到好似精英咁, 將來可能會被人當是低端人口呀!我JJ真係唔想好似精英咁辛苦去生活, 也不想扮成精英, 所以留在美加這糧食大倉庫裡, 是我首選呢!

PS: 扮做精英, 其實就好似明星出街咁, 一定要裝好個身, 才出到街. 咁樣, 其實係好浪費自己時間和精神, 用扮做精英果D時間和精神, 係自由世界裡自由自在地去搵錢, 都唔會餓死啦!

老美圍堵老共戰略中..... 最脆弱的一環!

當大家看老美對老共圍堵戰略時, 可能只會著眼於台海呀, 東海呀, 南海呀, 朝鮮半島呀, 最多都係中南半島! 因為老美上任總統宣布了重反亞太戰略, 把戰略重心由中東轉到東亞的亞太!

照現在中印邊境的勢態來看, 老共軍頭已經看穿了老美現代化戰爭的死穴 - 就是.... 老美軍方必須集中一整套系統的軍事力量, 在未能集結前, 老美無必勝把握.

中印邊境現在有事了, 那裡是高山, 當然對中印雙方都不利, 只是那裡也是老美最薄弱的一環, 而印軍也不見得比共軍有利. 單單印度國內基建不及老共, 軍力運輸和補給, 成本一定比老共吃力. 現在老共的如意算盤, 不一定會揮軍入印度, 這個並不是現在最大好處呀! 咁..... 老共軍頭諗緊D乜?

1. 當然係想以本傷人啦, 己方軍隊入西藏無疑是困難, 但印度要陳重兵在邊境高山上, 以印度國內薄弱的基建來講, 長期咁樣做, 印度軍方會吃不消的, 直接可以拖跨印度經濟.

2. 嚇走印度外來投資, 尤其台資, 由老共搬出的台資廠, 搬到印度. 老共今次輕輕攪一攪, 印度國內排華反華, 正好中正老共下懷, 台資廠投資印度計劃受阻了.

3. 同老美捉迷藏, 老美集中兵力在東亞, 但現在老共向南亞沃手, 令到老美現在面對一個嚴峻的抉擇, 要麽繼續在東亞增兵來打老共, 要麽分兵去南亞, 來防止老共在中印邊境中線的前藏, 揮軍直下孟加拉灣. 這個不單令到老美暫時不能全心全意在東亞打老共; 更令到老美首尾不能相顧, 要由老遠的東亞, 兜過東南亞這個大圈, 走去救南亞, 而老共在其國內走的路程, 比老美短和直線呀!

4. 逼令老美加大長期軍費開支,  都係以本傷人, 不過, 是用己方較低廉的軍事成本去傷老美較高的軍事成本. 而老美是民主國家, 國內民間不會容許長期加大軍費開支, 一早睇穿老美計劃速戰速決啊!

5. 跟老美..... 鬥而不破不戰, 虛張聲勢, 盡量不用打印度來作震虎, 但持續保持一定的壓力, 令到老美東亞南亞兩邊忙, 最終目的, 不是要跟老美戰, 而是逼令老美跟老共, 作出讓步和協議, 爭取對己方最有利的條件和空間.

好了, 同大家分析到這裡, 當然我不是想向大家認叻, 因為老美軍頭都在想著怎樣去破老共這樣去出牌, 只是我JJ可以寫包單咁講, 今次老美老共戰略對峙, 不會一時三刻就會完結, 正如我上2年講, 無番10年8載, 世界局勢都不會走到一個新的平衝點來靜下來!

即是, 大家要有心理準備, 現在不容易的日子, 都只是個開始, 離終點很遠很遠, 如果10年8載就完結, 這個一定係我地好好運氣. 真是要有心理準備, 現在一切不景氣, 不會是最差, 只會更差呀! 所以, 大家真是要為到將來更艱難的日子, 早早多作準備了.

PS: 不過, 有個好消息跟大家講, 在日子艱難的歲月裡, 任何人來跟大家拍拖結婚, 必定是心裡愛著大家的人, 大家不要錯過良緣呀! 正所謂, 患難見真情, 大限見真愛.

好了, 我也去走我人生的路了, 我JJ在人人看似幸福的日子裡, 實在蹉跎歲月很久了. 正所謂, 戰國計而謀士起, 天下將亂, 我輩當縱橫天下! 

咁熟口面, 唔怪得啦!

2014年果年, 我回港3個星期, 正好發生佔中.

其實我果年無乜感受得到香港地有乜變, 一切都好安全, 一切都守規舉!

只是果一年開始, 我就開始發覺香港不經不覺在變了.

果年發生一件怪事, 就係我係九龍仔公園大門口旁, 原本記得以前果度有自動售賣機, 天氣實在太熱太渴了, 但搵極都搵唔到飲野來買, 就坐底係櫈上, 諗住問D經過的人, 正好果度有人圍起左來攪 FUNCTION, 情況就好似我企係酒樓外商場D欄柵咁, 酒樓裡有人擺酒囉!

最先有個20-30歲神態不太好相與的女性經過, 我一見到佢咁款, 就唔敢問佢了, 之後, 就走左個年過半百的西裝友出來, 又係神態不太好相與咁, 又係來望望我, 我當然又唔敢問佢邊度有小賣部或售賣機.

我心諗, 我坐係公眾地方, 如果對方咁著重私隐, 就唔會CHEAP到係九龍仔公園攪FUNCTION, 洗少少錢租個私人CLUB唔係一了百了. 我當然沒有想到D人會咁CHEAP.

後來有個實Q姐姐來問我: "你係度做乜?" 我初頭想答佢: "係公園裡坐下行下囉!" 不過, 口渴到死, 都係入正題問佢: "我想買野飲!" 

我住係香港, 住到青少年, 都未試過咁謊謬, 係公園俾實Q問我, 想做乜喎!? 唔洗問阿貴, 係裡邊攪FUNCTION果班人, 叫實Q來保安保安我一番, 所以咁呢, 果個西裝友個樣, 就係我心中留下深刻印象! 話哂, 普通人唔會咁樣來動用公家D資源和實Q!

所以, 兩年後, 我係新聞上見到, 有人大爆"書局洗頭艇"內幕消息時, 我就認出係同一個的西裝友了, 怪唔得佢可以動用實Q來保安我啦!

不過, 由那時起, 我就開始覺得, 乜家陣香港D有權人仕,  可以咁CHEAP, 寧願去動用公家D資源, 都唔洗少少錢租私人CLUB! 由那時開始, 我就已經覺得香港就快不再一樣了, 大變很快就會發生了, 這些人以公營私, 做到咁出面, 將會令香港社會矛盾加劇!

人是決定事情發展方向的最重要因素, 沒有這些喜歡動用公家資源的人, 社會上就沒有人會發現, 社會存在極度不公平, 社會上就不會有人出來表達不滿了. 

我唯有開解自己, 可能佔中令這些人有如驚弓之鳥吧! 不過, 咁驚就咪係咁多人的地方攪 FUNCTION 啦! 況且, 九龍仔公園係好草根咖嘛! 好平民! 係咪? 特權人仕做乜係果度同小民爭地方呢? 

之後, 我唯一解釋, 就係這班人係度做緊"擦鞋"活動, 驚住我係果班佔中學生, 派來做探子, 之後安排大隊人來踩被擦鞋"政要"的場!

所以呢, 我JJ小朋友面孔, 有時係幾累事呀! 

我估錯左老共D乜?

其實, 我由細時認知老共最錯的地方, 係我一直覺得,文革呀, 3反4反呀, 批鬥呀, 全都係老無一個人攪出來. 但到左今天, 我才知道我原來係錯得好離譜! 唔係囉, 係老無同佢同路人攪出來, 係一班人的集體意志呀! 所以, 今天大家不能單單去估雜乜乜心裡想D乜, 而係去估一群掌握全國各地民生國計黨企的人, 去估他們的集體意志! 是這一群掌握全國各地民生國計黨企的人, 讓路給他們當中, 被公認為最有能力的雜乜乜, 出來做領頭人, 為到這群人心中所想所信的無產階級偉大事業而戰鬥. 

我第二個最錯的地方, 我一直錯誤認為這班人對無產階級革命, 只是講講下, 不會認真咁來! 一到快達到無產階級偉大事業成功時, 這班人會後悔, 會開倒車來先保護自己的資產! 但係...... 現在香港發生的一切, 跟我們說出, 這班人是馬列思想的真正信徒, 是無產階級的忠誠戰士. 他們不惜破壞自己在資本主義下的利益, 來成就他們在無產階級裡的領導! 即是, 這班人看無產階級裡領導, 比資本主義下的利益, 看得更重! 老美的禁貿禁運和凍結資產, 是否有效? 現在香港D深藍色人仕個個搵著數, 大禍了! 一到清洗黨內不純正份子時, 一定有佢地份! 這種清洗是最慘烈的, 因為被當作叛徒來清洗!

第三個最錯的地方, 一直誤認為老共會慢慢放棄無產階級姓社不姓資的社會制度, 接受資本主義但左傾的路線, 如加國一般. 只是老鄧欽點兩代上海佬老江老胡出來做國家主席後, 全國各地民生國計都仍不掌握在老江老胡手中, 任何國計民生大事上, 老江老胡都無得自把自為! 即是, 老鄧......, 甚至老無, 都是一直計劃粉飾門面, 換湯不換藥, 大有欺騙外來投資之嫌, 以換取喘息的空間和時間呀! 

第四個最錯的地方,  一直都看不懂老共的階段性戰略性妥協, 一直以為是老共, 由極左傾無產階級鬥爭裡, 漸漸演變成.... 跟國際法治社會共存共融的互相倚存. 原來一切表面似是而非的"改革開放", 都只是為到下一波的敵我矛盾做好準備! 這個實在太別扭了! 連我JJ這樣的本來微藍人仕, 我都頂佢唔順, 變左黃色了. 

還好, 我JJ 這類港燦, 係老共最奈何不得的那些人, 甚至要極力爭取的那些人, 為何? 因為

1. 我住係外國, 有外國投票權, 而且我中文英文都唔差, 可以影響周圍的華人或西人社區和群體, 甚至寫信俾國會議員和總理, 直接影響外國政府對老共的長遠國策!

2. 我絕對適應外國生活, 能夠入鄉隨俗, 不用回流回港, 只需冬天時多做運動, 加國冬天就唔會對我有好大影響!

3. 我係外國都算撈得掂, 每次回國內, 都係回去洗錢科水俾老共, 絕唔會好似香港D藍色人仕咁, 處處都諗住搵老共著數, 對老共, 下下都諗住, 有無福利? 有無著數? 有無野可以傾斜俾佢地? 香港這些藍色人仕真係要小心了, 飛島盡良弓收藏, 狡兔死走狗烹, 嘿, 大把老共D往事, 唔好忘記, 千祈咪傻到刻意忘記這些, 到最後盞這些人自己大大鑊咖咋!

所以, 大家如果做著果D..... 俾老共認為係無關相干的人群, 就真係會變成老共眼中的地底泥, 要做果D...... 老共奈何不得, 又要極力爭取的人. 

PS: 嘿, 自從上年反送粽後, 我冬天就無左抑鬱和情緒低落, 而係情緒好高漲, 好似重新一次再搵到我人生的目標咁呀! 老共你係香港做得的一切, 真係MAKING A BIG DIFFERENCE, 但不是..... 為到你地自己找到更多同路人..... 同情人.... 或支持者, 哈哈哈!

為何人家比老共強大?

這個是一個普通美國人所做的YOUTUBE 頻度, 有少少工程知識, 但不是美國軍方工程師, 佢做左架老共最先進戰機的模型出來, 並且對老共戰機的計設, 讚不絕口!  尤其空氣動力和機動性, 大有對老美戰機表示不滿之意!

可能, 換轉係老共裡頭, 有人咁對歐美戰機讚不絕口, 會被視為"政治不正確", 甚至"背叛國家"!

只是人家歐美一個普通平民, 都已經咁貼切去講得出老共戰機的強項, 咁, 歐美軍方, 又點會唔知道? 一早就做哂所有模擬演習, 得出所有結論, 什麼情況下要讓老共戰機敗陣下來!

不要睇少老美得百幾萬兵力, 歐洲軍隊唔多, 想想人家一個普通平民都可以咁有諗頭, 歐美一到危急存亡時, 一叫全民總動員, 老共點會唔輸呀? 老共輸係邊? 人民沒有自由意志, 一切都要睇雜乜乜頭! 看看香港所發生的一切? 老共唔輸俾歐美, 簡直無可能!

PS: 咁, 可能有人會學左老共口氣, 這是極少數的人, 係歐美唔多

嗱, 單單老美平民整老共戰機模型D片, 都可以有好多條片呀!

https://www.youtube.com/watch?v=SiDwQeL9VXg
https://www.youtube.com/watch?v=hhwv-Hos8xA
https://www.youtube.com/watch?v=woR4G7OUoAM
https://www.youtube.com/watch?v=8WN9lw_TWoQ
https://www.youtube.com/watch?v=ERZi_jvMdFE
https://www.youtube.com/watch?v=x6xuSIcntJw
https://www.youtube.com/watch?v=HgeQoJXMlZ8
https://www.youtube.com/watch?v=hhwv-Hos8xA&t=185s
https://www.youtube.com/watch?v=88ZeHxdstp8
https://www.youtube.com/watch?v=xFoviBCSgto
https://www.youtube.com/watch?v=IEl92rXOfc8
https://www.youtube.com/watch?v=ykGvPilyNJo
https://www.youtube.com/watch?v=5PrIH62n46E
https://www.youtube.com/watch?v=RoUSW0Z9qKE
https://www.youtube.com/watch?v=T7hZ0uklSKg
https://www.youtube.com/watch?v=b_0lZOkYOzM
https://www.youtube.com/watch?v=Sup5lt1av5A
https://www.youtube.com/watch?v=1I4JyQkKfeE
https://www.youtube.com/watch?v=DCg-lHbsHcI
https://www.youtube.com/watch?v=ZfrLRY2N7yA
https://www.youtube.com/watch?v=yQozdaTS8J0



這條片最堅, 架模型機係空中, 好似玩雜技咁.

https://www.youtube.com/watch?v=rn2xy7-gj8Q

追女仔, 何用要出全力呢?

一向以來, 我JJ一直都認為, 人年青時, 唔應該太用力去追女仔, 因為戀愛拍拖到結婚, 根本是一些十分自然的事. 因為人呢, 生來就有更加多的重要事情去做, 顧好自己家人.... 事業到退休.... 可以就出去貢獻一下社會, 比追女仔更重要. 一個用盡全副心思去追女仔的男性, 其人雖不至於是個失敗者, 但也不會能夠兼顧到人生更重要的事情.

只是現代有些女性思想十分奇怪, 寧願自己個男人一事無成, 甚至欠下大額咭數, 才肯受佢追求. 甚至, 有人婚後要跟佢自己個男人, 齊齊一齊還咭數, 難道這個叫甘心情願嗎?心甘命抵嗎? 不枉此生? 通往真正愛情必要的手段? 讓男方不再能夠花心?

好多年前, 香港電視有個劇集, 講個新郎, 做完了一切花巨資的婚嫁儀式後, 在婚宴酒席完結後, 拿出一大疊借據向新娘顯示, 這些是新郎向新娘的愛情鐵證. 那時, 我JJ唯有講, 這人的愛情何其悲慘, 娶個咁樣的太太回來, 人生不是更差嗎? 跟這樣人品的家族聯上血源關系, 自己的下一代那會更優秀嗎?

我想, 不能培養出比自己更傑出更優秀的下一代, 結婚來做乜呀? 為左性慾嗎? 哈哈哈, 有D教會人仕偏係要講到自己懶屬靈咁, 說穿了, 又不是為到生理需要. 我JJ理解的, 不會來怪別人, 只是這等人卻來矇住自己雙眼做人, 這樣的後果, D人當然會係一事無成, 人生陀陀轉, 中老年後就會自顧不下, 連自己的生計都成問題呀!

做人最重要是心誠, 心裡對自己誠實, 人有性慾, 又有什麼問題呢? 這是上天造出來的, 越是聰明有天資的人, 越是性能力強. 最重要是唔好亂咁來, 唔好製造自己和人家的麻煩, 自作孽不可活.

我那位身邊好多女人的親戚, 後來才知道佢果D女人, 全部唔係有夫之婦, 證件上全部都寫係未婚單身咖. 初時我唔知道, 誤以為佢成班女人都係有夫之婦, 我見到佢咁, 我就好輕視佢. 後來我知道之後, 我可以接受佢囉! 咁, 有D男性真係容易被女性喜歡的, 佢果班女人都唔怕同人分老公, 佢做男人, 又何用怕呢? 舊約聖經裡, 那些男性都係有幾個老婆啦! 不過, 我這個親戚, 我就唔敢帶佢去教會了, 真係怕解釋都解到聲嘶力竭了.

PS: 多年前, 我去果間唐人教會, 果個牧師猛叫人, 一邊幫教會做野, 一邊拍拖喎!  只是, 佢後來又話, D人結左婚後, 就判若兩人喎, 唔再幫教會做野喎! 唉, 即係D人係幫教會做野時, 沒有流露真本性, 係為左追女仔囉! 真係唔明白, 點解個牧師叫人拍拖時, 淨係得教會裡的生活, 沒有平時的家庭生活嗎? 單單雙方理解, 彼此怎樣去對家人, 有無做家務? 有無孝順父母? 有無理行自己家中的責任? 就已經好清楚雙方婚後的生活了. 個牧師自己講得好清楚啦, D人係教會裡, 係可以戴假面具嘛! 嘿, 這些人, 連對自己都唔誠實, 當然這些人的人生, 會打了個大折扣了!