2020年6月30日 星期二

老美圍堵老共戰略中..... 最脆弱的一環!


當大家看老美對老共圍堵戰略時, 可能只會著眼於台海呀, 東海呀, 南海呀, 朝鮮半島呀, 最多都係中南半島! 因為老美上任總統宣布了重反亞太戰略, 把戰略重心由中東轉到東亞的亞太!

照現在中印邊境的勢態來看, 老共軍頭已經看穿了老美現代化戰爭的死穴 - 就是.... 老美軍方必須集中一整套系統的軍事力量, 在未能集結前, 老美無必勝把握.

中印邊境現在有事了, 那裡是高山, 當然對中印雙方都不利, 只是那裡也是老美最薄弱的一環, 而印軍也不見得比共軍有利. 單單印度國內基建不及老共, 軍力運輸和補給, 成本一定比老共吃力. 現在老共的如意算盤, 不一定會揮軍入印度, 這個並不是現在最大好處呀! 咁..... 老共軍頭諗緊D乜?

1. 當然係想以本傷人啦, 己方軍隊入西藏無疑是困難, 但印度要陳重兵在邊境高山上, 以印度國內薄弱的基建來講, 長期咁樣做, 印度軍方會吃不消的, 直接可以拖跨印度經濟.

2. 嚇走印度外來投資, 尤其台資, 由老共搬出的台資廠, 搬到印度. 老共今次輕輕攪一攪, 印度國內排華反華, 正好中正老共下懷, 台資廠投資印度計劃受阻了.

3. 同老美捉迷藏, 老美集中兵力在東亞, 但現在老共向南亞沃手, 令到老美現在面對一個嚴峻的抉擇, 要麽繼續在東亞增兵來打老共, 要麽分兵去南亞, 來防止老共在中印邊境中線的前藏, 揮軍直下孟加拉灣. 這個不單令到老美暫時不能全心全意在東亞打老共; 更令到老美首尾不能相顧, 要由老遠的東亞, 兜過東南亞這個大圈, 走去救南亞, 而老共在其國內走的路程, 比老美短和直線呀!

4. 逼令老美加大長期軍費開支,  都係以本傷人, 不過, 是用己方較低廉的軍事成本去傷老美較高的軍事成本. 而老美是民主國家, 國內民間不會容許長期加大軍費開支, 一早睇穿老美計劃速戰速決啊!

5. 跟老美..... 鬥而不破不戰, 虛張聲勢, 盡量不用打印度來作震虎, 但持續保持一定的壓力, 令到老美東亞南亞兩邊忙, 最終目的, 不是要跟老美戰, 而是逼令老美跟老共, 作出讓步和協議, 爭取對己方最有利的條件和空間.

好了, 同大家分析到這裡, 當然我不是想向大家認叻, 因為老美軍頭都在想著怎樣去破老共這樣去出牌, 只是我JJ可以寫包單咁講, 今次老美老共戰略對峙, 不會一時三刻就會完結, 正如我上2年講, 無番10年8載, 世界局勢都不會走到一個新的平衝點來靜下來!

即是, 大家要有心理準備, 現在不容易的日子, 都只是個開始, 離終點很遠很遠, 如果10年8載就完結, 這個一定係我地好好運氣. 真是要有心理準備, 現在一切不景氣, 不會是最差, 只會更差呀! 所以, 大家真是要為到將來更艱難的日子, 早早多作準備了.

PS: 不過, 有個好消息跟大家講, 在日子艱難的歲月裡, 任何人來跟大家拍拖結婚, 必定是心裡愛著大家的人, 大家不要錯過良緣呀! 正所謂, 患難見真情, 大限見真愛.

好了, 我也去走我人生的路了, 我JJ在人人看似幸福的日子裡, 實在蹉跎歲月很久了. 正所謂, 戰國計而謀士起, 天下將亂, 我輩當縱橫天下! 




咁熟口面, 唔怪得啦!

2014年果年, 我回港3個星期, 正好發生佔中.

其實我果年無乜感受得到香港地有乜變, 一切都好安全, 一切都守規舉!

只是果一年開始, 我就開始發覺香港不經不覺在變了.

果年發生一件怪事, 就係我係九龍仔公園大門口旁, 原本記得以前果度有自動售賣機, 天氣實在太熱太渴了, 但搵極都搵唔到飲野來買, 就坐底係櫈上, 諗住問D經過的人, 正好果度有人圍起左來攪 FUNCTION, 情況就好似我企係酒樓外商場D欄柵咁, 酒樓裡有人擺酒囉!

最先有個20-30歲神態不太好相與的女性經過, 我一見到佢咁款, 就唔敢問佢了, 之後, 就走左個年過半百的西裝友出來, 又係神態不太好相與咁, 又係來望望我, 我當然又唔敢問佢邊度有小賣部或售賣機.

我心諗, 我坐係公眾地方, 如果對方咁著重私隐, 就唔會CHEAP到係九龍仔公園攪FUNCTION, 洗少少錢租個私人CLUB唔係一了百了. 我當然沒有想到D人會咁CHEAP.

後來有個實Q姐姐來問我: "你係度做乜?" 我初頭想答佢: "係公園裡坐下行下囉!" 不過, 口渴到死, 都係入正題問佢: "我想買野飲!" 

我住係香港, 住到青少年, 都未試過咁謊謬, 係公園俾實Q問我, 想做乜喎!? 唔洗問阿貴, 係裡邊攪FUNCTION果班人, 叫實Q來保安保安我一番, 所以咁呢, 果個西裝友個樣, 就係我心中留下深刻印象! 話哂, 普通人唔會咁樣來動用公家D資源和實Q!

所以, 兩年後, 我係新聞上見到, 有人大爆"書局洗頭艇"內幕消息時, 我就認出係同一個的西裝友了, 怪唔得佢可以動用實Q來保安我啦!

不過, 由那時起, 我就開始覺得, 乜家陣香港D有權人仕,  可以咁CHEAP, 寧願去動用公家D資源, 都唔洗少少錢租私人CLUB! 由那時開始, 我就已經覺得香港就快不再一樣了, 大變很快就會發生了, 這些人以公營私, 做到咁出面, 將會令香港社會矛盾加劇!

人是決定事情發展方向的最重要因素, 沒有這些喜歡動用公家資源的人, 社會上就沒有人會發現, 社會存在極度不公平, 社會上就不會有人出來表達不滿了. 

我唯有開解自己, 可能佔中令這些人有如驚弓之鳥吧! 不過, 咁驚就咪係咁多人的地方攪 FUNCTION 啦! 況且, 九龍仔公園係好草根咖嘛! 好平民! 係咪? 特權人仕做乜係果度同小民爭地方呢? 

之後, 我唯一解釋, 就係這班人係度做緊"擦鞋"活動, 驚住我係果班佔中學生, 派來做探子, 之後安排大隊人來踩被擦鞋"政要"的場!

所以呢, 我JJ小朋友面孔, 有時係幾累事呀! 

2020年6月28日 星期日

我估錯左老共D乜?

其實, 我由細時認知老共最錯的地方, 係我一直覺得,文革呀, 3反4反呀, 批鬥呀, 全都係老無一個人攪出來. 但到左今天, 我才知道我原來係錯得好離譜! 唔係囉, 係老無同佢同路人攪出來, 係一班人的集體意志呀! 所以, 今天大家不能單單去估雜乜乜心裡想D乜, 而係去估一群掌握全國各地民生國計黨企的人, 去估他們的集體意志! 是這一群掌握全國各地民生國計黨企的人, 讓路給他們當中, 被公認為最有能力的雜乜乜, 出來做領頭人, 為到這群人心中所想所信的無產階級偉大事業而戰鬥. 

我第二個最錯的地方, 我一直錯誤認為這班人對無產階級革命, 只是講講下, 不會認真咁來! 一到快達到無產階級偉大事業成功時, 這班人會後悔, 會開倒車來先保護自己的資產! 但係...... 現在香港發生的一切, 跟我們說出, 這班人是馬列思想的真正信徒, 是無產階級的忠誠戰士. 他們不惜破壞自己在資本主義下的利益, 來成就他們在無產階級裡的領導! 即是, 這班人看無產階級裡領導, 比資本主義下的利益, 看得更重! 老美的禁貿禁運和凍結資產, 是否有效? 現在香港D深藍色人仕個個搵著數, 大禍了! 一到清洗黨內不純正份子時, 一定有佢地份! 這種清洗是最慘烈的, 因為被當作叛徒來清洗!

第三個最錯的地方, 一直誤認為老共會慢慢放棄無產階級姓社不姓資的社會制度, 接受資本主義但左傾的路線, 如加國一般. 只是老鄧欽點兩代上海佬老江老胡出來做國家主席後, 全國各地民生國計都仍不掌握在老江老胡手中, 任何國計民生大事上, 老江老胡都無得自把自為! 即是, 老鄧......, 甚至老無, 都是一直計劃粉飾門面, 換湯不換藥, 大有欺騙外來投資之嫌, 以換取喘息的空間和時間呀! 

第四個最錯的地方,  一直都看不懂老共的階段性戰略性妥協, 一直以為是老共, 由極左傾無產階級鬥爭裡, 漸漸演變成.... 跟國際法治社會共存共融的互相倚存. 原來一切表面似是而非的"改革開放", 都只是為到下一波的敵我矛盾做好準備! 這個實在太別扭了! 連我JJ這樣的本來微藍人仕, 我都頂佢唔順, 變左黃色了. 

還好, 我JJ 這類港燦, 係老共最奈何不得的那些人, 甚至要極力爭取的那些人, 為何? 因為

1. 我住係外國, 有外國投票權, 而且我中文英文都唔差, 可以影響周圍的華人或西人社區和群體, 甚至寫信俾國會議員和總理, 直接影響外國政府對老共的長遠國策!

2. 我絕對適應外國生活, 能夠入鄉隨俗, 不用回流回港, 只需冬天時多做運動, 加國冬天就唔會對我有好大影響!

3. 我係外國都算撈得掂, 每次回國內, 都係回去洗錢科水俾老共, 絕唔會好似香港D藍色人仕咁, 處處都諗住搵老共著數, 對老共, 下下都諗住, 有無福利? 有無著數? 有無野可以傾斜俾佢地? 香港這些藍色人仕真係要小心了, 飛島盡良弓收藏, 狡兔死走狗烹, 嘿, 大把老共D往事, 唔好忘記, 千祈咪傻到刻意忘記這些, 到最後盞這些人自己大大鑊咖咋!

所以, 大家如果做著果D..... 俾老共認為係無關相干的人群, 就真係會變成老共眼中的地底泥, 要做果D...... 老共奈何不得, 又要極力爭取的人. 

PS: 嘿, 自從上年反送粽後, 我冬天就無左抑鬱和情緒低落, 而係情緒好高漲, 好似重新一次再搵到我人生的目標咁呀! 老共你係香港做得的一切, 真係MAKING A BIG DIFFERENCE, 但不是..... 為到你地自己找到更多同路人..... 同情人.... 或支持者, 哈哈哈!














2020年6月26日 星期五

為何人家比老共強大?

這個是一個普通美國人所做的YOUTUBE 頻度, 有少少工程知識, 但不是美國軍方工程師, 佢做左架老共最先進戰機的模型出來, 並且對老共戰機的計設, 讚不絕口!  尤其空氣動力和機動性, 大有對老美戰機表示不滿之意!


可能, 換轉係老共裡頭, 有人咁對歐美戰機讚不絕口, 會被視為"政治不正確", 甚至"背叛國家"!

只是人家歐美一個普通平民, 都已經咁貼切去講得出老共戰機的強項, 咁, 歐美軍方, 又點會唔知道? 一早就做哂所有模擬演習, 得出所有結論, 什麼情況下要讓老共戰機敗陣下來!

不要睇少老美得百幾萬兵力, 歐洲軍隊唔多, 想想人家一個普通平民都可以咁有諗頭, 歐美一到危急存亡時, 一叫全民總動員, 老共點會唔輸呀? 老共輸係邊? 人民沒有自由意志, 一切都要睇雜乜乜頭! 看看香港所發生的一切? 老共唔輸俾歐美, 簡直無可能!

PS: 咁, 可能有人會學左老共口氣, 這是極少數的人, 係歐美唔多

嗱, 單單老美平民整老共戰機模型D片, 都可以有好多條片呀!

https://www.youtube.com/watch?v=SiDwQeL9VXg
https://www.youtube.com/watch?v=hhwv-Hos8xA
https://www.youtube.com/watch?v=woR4G7OUoAM
https://www.youtube.com/watch?v=8WN9lw_TWoQ
https://www.youtube.com/watch?v=ERZi_jvMdFE
https://www.youtube.com/watch?v=x6xuSIcntJw
https://www.youtube.com/watch?v=HgeQoJXMlZ8
https://www.youtube.com/watch?v=hhwv-Hos8xA&t=185s
https://www.youtube.com/watch?v=88ZeHxdstp8
https://www.youtube.com/watch?v=xFoviBCSgto
https://www.youtube.com/watch?v=IEl92rXOfc8
https://www.youtube.com/watch?v=ykGvPilyNJo
https://www.youtube.com/watch?v=5PrIH62n46E
https://www.youtube.com/watch?v=RoUSW0Z9qKE
https://www.youtube.com/watch?v=T7hZ0uklSKg
https://www.youtube.com/watch?v=b_0lZOkYOzM
https://www.youtube.com/watch?v=Sup5lt1av5A
https://www.youtube.com/watch?v=1I4JyQkKfeE
https://www.youtube.com/watch?v=DCg-lHbsHcI
https://www.youtube.com/watch?v=ZfrLRY2N7yA
https://www.youtube.com/watch?v=yQozdaTS8J0



這條片最堅, 架模型機係空中, 好似玩雜技咁.

https://www.youtube.com/watch?v=rn2xy7-gj8Q



2020年6月21日 星期日

追女仔, 何用要出全力呢?

一向以來, 我JJ一直都認為, 人年青時, 唔應該太用力去追女仔, 因為戀愛拍拖到結婚, 根本是一些十分自然的事. 因為人呢, 生來就有更加多的重要事情去做, 顧好自己家人.... 事業到退休.... 可以就出去貢獻一下社會, 比追女仔更重要. 一個用盡全副心思去追女仔的男性, 其人雖不至於是個失敗者, 但也不會能夠兼顧到人生更重要的事情.

只是現代有些女性思想十分奇怪, 寧願自己個男人一事無成, 甚至欠下大額咭數, 才肯受佢追求. 甚至, 有人婚後要跟佢自己個男人, 齊齊一齊還咭數, 難道這個叫甘心情願嗎?心甘命抵嗎? 不枉此生? 通往真正愛情必要的手段? 讓男方不再能夠花心?

好多年前, 香港電視有個劇集, 講個新郎, 做完了一切花巨資的婚嫁儀式後, 在婚宴酒席完結後, 拿出一大疊借據向新娘顯示, 這些是新郎向新娘的愛情鐵證. 那時, 我JJ唯有講, 這人的愛情何其悲慘, 娶個咁樣的太太回來, 人生不是更差嗎? 跟這樣人品的家族聯上血源關系, 自己的下一代那會更優秀嗎?

我想, 不能培養出比自己更傑出更優秀的下一代, 結婚來做乜呀? 為左性慾嗎? 哈哈哈, 有D教會人仕偏係要講到自己懶屬靈咁, 說穿了, 又不是為到生理需要. 我JJ理解的, 不會來怪別人, 只是這等人卻來矇住自己雙眼做人, 這樣的後果, D人當然會係一事無成, 人生陀陀轉, 中老年後就會自顧不下, 連自己的生計都成問題呀!

做人最重要是心誠, 心裡對自己誠實, 人有性慾, 又有什麼問題呢? 這是上天造出來的, 越是聰明有天資的人, 越是性能力強. 最重要是唔好亂咁來, 唔好製造自己和人家的麻煩, 自作孽不可活.

我那位身邊好多女人的親戚, 後來才知道佢果D女人, 全部唔係有夫之婦, 證件上全部都寫係未婚單身咖. 初時我唔知道, 誤以為佢成班女人都係有夫之婦, 我見到佢咁, 我就好輕視佢. 後來我知道之後, 我可以接受佢囉! 咁, 有D男性真係容易被女性喜歡的, 佢果班女人都唔怕同人分老公, 佢做男人, 又何用怕呢? 舊約聖經裡, 那些男性都係有幾個老婆啦! 不過, 我這個親戚, 我就唔敢帶佢去教會了, 真係怕解釋都解到聲嘶力竭了.

PS: 多年前, 我去果間唐人教會, 果個牧師猛叫人, 一邊幫教會做野, 一邊拍拖喎!  只是, 佢後來又話, D人結左婚後, 就判若兩人喎, 唔再幫教會做野喎! 唉, 即係D人係幫教會做野時, 沒有流露真本性, 係為左追女仔囉! 真係唔明白, 點解個牧師叫人拍拖時, 淨係得教會裡的生活, 沒有平時的家庭生活嗎? 單單雙方理解, 彼此怎樣去對家人, 有無做家務? 有無孝順父母? 有無理行自己家中的責任? 就已經好清楚雙方婚後的生活了. 個牧師自己講得好清楚啦, D人係教會裡, 係可以戴假面具嘛! 嘿, 這些人, 連對自己都唔誠實, 當然這些人的人生, 會打了個大折扣了!



2020年6月18日 星期四

我那大6大媽筆友 2

上次講過佢, 佢又係住係滿地可, 所以這篇係第二篇了. 

上次果篇講佢老公係5毛, 有次我係這裡一個研討會上, 見到佢老公5毛個款, 真係為佢難過. 不過, 慶幸佢係大6受教育, 佢還頂得順D5毛. 換轉係港女, 一早就一腳伸左佢老公去北冰洋好耐了.

佢以前同我講, 佢移民D手續, 係老母一手包辦, 佢和佢老公過來的置裝開支, 都係佢老媽俾埋錢佢, 來到後生活唔掂時, 佢老母係國內又會接濟佢地. 佢老媽前幾年往生了, 剩番層一線城市D樓俾佢, 佢賣左後, 這裡生活才好轉左. 佢仲話佢老公好污糟, 家裡的一切佢實在忍唔住, 佢自己一個做哂D家務喎. 我當時都已經羡慕到死啦! 娶左個咁樣老婆, 有個咁樣的外母乸, 咪話唔疏乎呀?

前幾排佢同我講, 因為中加貿易差唔多斷哂, 佢俾老闆豉椒左, 最近佢老闆又叫番佢返去開工, 原來係做中國人老闆係印尼生產D貨單, 仲話現在D單全部都由中國轉哂去其他國家. 不過, 佢話, 如果美國經濟唔彈起, 又或再爆第二波疫情, 佢就會再度無得撈.

我前排同佢講, 有乜野要買, 就現在好買左佢, 因為之後, 所有野都會貴哂! 嘿, 佢竟然諗到買新車俾佢老公和個女喎! 嘩哈哈, 真係妒忌死我, 我識咁多女性, 從未有D咁筍既野益佢地自己男友和老公. (除左我果個身邊好多女人的親戚, 佢D女人買好多名牌俾佢著上身, 仲話唔好丟佢地面喎! 其實真係好大壓力咖, 佢D女人要佢靚靚仔仔好似明星咁, 行係佢D女人身邊, 佢D女人咁大虛榮心理, 我這親戚其實好辛苦.)

好啦, 佢後來死死地氣同我講, 在羡慕佢老公的同時, 可否同情一下佢? 好啦, 其實, 我都好同情佢的, 聽說佢那5毛老公呢, 成日唔幫手做家務, 一日淨係識得掛住打機! 

我的結論係...... 一個上進負責任的人, 總會遇上一個做人唔爹唔吊的另一半! 娶或嫁個大6人唔緊要, 最緊要係唔好有共慘5毛的思維, 如果唔係, 就會辛苦死自己, 而自己生出來的下一代, 會做人好迷網!


2020年6月17日 星期三

LI 條友好堅呀, 帶入去未整理過的古漢墓!

大家有無去過香港李鄭屋邨果個博物館, 我JJ雖然係歷史迷, 不過, 覺得果度好陰深恐怖呀!

家陣 LI 條友仔, 實拍佢自己入去古墓度, 仲係果D無王管的古墓, 其實係相當危險的, 因為可以有野獸, 可以有毒蛇虫鼠蟻, 可以有隔世無抗體/無藥可醫的上古病毒, 可以缺氧充滿沼氣漳氣! 


條友仔佢果個YOUTUBE裡頭, 有好多講古墓和歷史文物的視頻, 都係我JJ的致愛呀! 

大家可能會問我, JJ 你做乜眼光只看著過去呀? 咁喜歡抱殘守舊? 

大家睇左我D BLOG文咁耐, 有無發現我JJ段段估左咁多將來的事, 成日都俾我乎碌撞棍咁估中左? 

其實, 估唔估得中, 係跟人對歷史的認識有關咖! 因為鑑古而知今呀! 而且, 我JJ做歷史迷, 讀歷史呢..... 唔係讀古代有幾咁威(當然我唔係大中華主義者), 而係讀人性, 既然了解人性, 就不難估中人們對事情的反應和行為, 就會估到事情發展的脈絡了. 

大家又可能會問, JJ 點解你咁喜歡睇古墓, 莫非我想去盜墓做..... 摸金校尉. 其實, 我JJ係好怕入去古墓咖, 墓裡好陰深, 好危險咖, 一個唔好彩或唔小心, 無左條命仔呀! 

我JJ只是好喜歡去睇古墓的博物館, 睇睇D出土文物, 咁就可以估到當時人的生活, 睇史書時, 就會有個譜, 唔會誤解得太遠太過龍了. 


2020年6月13日 星期六

由老共的長期國策, 到今天老共之談判策略

各位BLOG友仔, 如果大家唔諗住離開香港, 就唔好覆我了, 我JJ係加記, 山高皇帝遠, 發乜嗡風都無問題喎! 如果大家覆我, 又心裡有唔安穩的, 就要大家自己去刪左自己的留言了. 

之前, 我自己刪自己D文, 全因, 為到各位BLOG仔的安全, 但我刪左一次之後, 大家若再留言的話, 就要大家自己去刪自己的留言了, OK?

坊間消息傳出, 老共同老美要員會好快會面, 大約.... 應該講講現在雙方的問題!

嗱, 如果大家諗住...... 係關係到老共在立香港國安法上會軟化, 大家就可以唔洗諗了, 因為老共長期國策(又或雜乜乜上台時HARD SELL 的 治國方針), 係唔會俾香港背向老共的, 老共必定會牢牢掌握香港一切. 

因為老共長期國策...... 係要...... 建立一個由老共主導的東亞勢力圈的共同體, 由佢地口中所講的"留港不留人", 佢地心中如意算盤, 係想趕走哂你地班...... 諗野唔同佢地一樣的港燦呀! 當然趕走港燦, 就必定打算趕走埋外資走, 由佢地獨佔香港, 之後台灣, 之後就是突破整個第一島鏈了. 

點解老共現在唔會軟化, 唔會再等下一次更好的機會來臨? 因為老共知道佢地若果再等, 良機就會失去. 

什麼是他們心中盤算的良機? 第一, 老共人口急速老化, 再等就再無力實現"偉大復興夢"; 二, 之前廿年, 老美要全副精神去反恐, 老美當時還靠進口中東石油, 但現在之後, 老美不單唔洗中東石油, 仲可以出口來跟中東石油競爭, 即是老美不用再顧中東, 而可以先拔掉老共這心腹大患; 三, 20年後, AI自動化生產年代到來, 在未來日子裡, 甚至人口極度老化的歐美, 都會出現勞動人口過剩, 老共坐擁13億奴隸人口, 不單不能再用來跟老美討價還價, 反而是自己的負累, 更加是自己政權的不穩定因素. 

老共認定再等, 就會時不與我, 所以, 現在的談判, 其中底牌, 就一定不是BACK DOWN, 不是妥協講和, 只會是權宜之計, 同上次跟老美講貿易談判一樣, 都係援兵之計, 盤算著天下之變快要來到, 一到勢之與我時, 老共必會重重出手!!

老美怎會未能看出老共心中的真正意圖, 老美的用意, 當然要拔掉老共這個眼中釘肉一剌, 當然會對老共慢慢收窄緊箍咒, 慢慢讓老共跌進一早已經佈署好的戰略口袋, 慢慢一步步向老共戰略上合圍! 

只是大家在香港生活,  如果看不出老共老美的底牌 + 最終的意圖, 仍還相信老共老美會講得掂數呢, 仍然相信香港會50年不變, 大家將會受到最大的傷害呀! 

來緊的日子, 香港將會面對翻天覆地的大變, 只是這些大變, 連我JJ這些看穿2大陣營底牌的人, 都不會有利, 都不能混水摸魚, 不能撈底高賣. 所以,  我對大家的提議是, 避開一下, 輸少當贏, 唔好搵自己條命仔來校非呀! 條命仔只得一條, 無左就乜都無. 

大家BLOG友仔都睇到, 我JJ三月時, 係老美大跌市時去入市, 全無畏懼. 但到現在, 一見到香港所發生的一切, 就心裡驚嚇起上來. 大家就知道, 我JJ認為, 香港將會發生的態勢是硬野來咖! 不是你和我這些無名小卒可以輕鬆駕馭得到! 甚至, 連有權有勢的人, 都要生死相搏.

大家 就算唔避開一下, 都要輸少當贏, 盡量套現, 盡量換上自己放心的外幣, 甚至射去自己放心的某個外國. 留得青山在, 能夠可以保命保本, 之後賺錢機會仍在, 那怕無柴燒?













2020年6月10日 星期三

我由DOW跌到2萬5時買起......

一直追買到萬九, 因為跌到2萬時, 老美出來話, 不惜一切來托市, 但係都係繼續咁跌, 跌到萬九時未止跌, 我就開始驚青了, 由萬九跌到萬八時, 我就無買呀! 

咁現在回升到2萬七呢, 我就一早錢錢入袋了好耐.

就算我係個市初時跌到2萬5果時買果D, 到回升返到2萬2時, 都已經全部無蝕錢了. 現在彈回2萬七, 所有今次跌市買D美股, 都已經彈左差唔多一倍! 加股就差好多, 但都升到40%!

我每次經驗的得著呢..... 就是, 在大跌市時, 專買果D超賣超跌的, 而不會執笠的公司, 生意長有長做長賺錢. 老美唔出來托市仲好呀, 個市再跌, 我就再勵咁去入貨LU 喂! 

一日都係老美出來講話托市, 但辦事不力, 個市繼續跌, 嚇驚左我, 等我係萬九到萬八果時無買到! 如果唔係, 今次我係唔止斬得咁少返來咖嘛! 哈哈哈......


2020年6月8日 星期一

如果老共被全世界圍堵, 都是咎由自取.....!

其實, 對於我這一代在香港昇平時代出生的港燦, 從來都不對老共有什麼惡感, 從來更不會想著老共亡黨, 佢地被人清算!

只是老共原本好地地係大陸唔好走出來, 有乜事都透過獨立而又開放的香港, 來跟外間聯系, 根本就會相安無事. 

就算2003年沙士時, 佢地唔通報, 但有香港隔左一隔, 全世界疫情無現在咁勁, 後來由香港來跟全世界通報, 果時都唔會有好似今日咁, 全世界所有國家都來聲討嘛!

一切根本好簡單咖嘛, 大陸人喜歡佢地大陸D生活方式和制度, 好囉, 留係大陸囉! 唔洗走出來香港, 也不用移居到歐美. 大陸人行得出來香港和全世界, 就要跟隨外邊的制度, 更不應存心去破壞香港和全世界的開放制度, 這樣會令香港人和全世界的人不會開心. 大陸人自己又不開心時, 何必又要攪到全世界人都唔開心?

留番獨立而又開放的香港係度, 大陸人就可以一邊閂埋門過他們自己喜歡的生活, 也可以一邊透過香港跟全世界接軌了! 

只是, 大陸人話要"開放", 走出來"見識"世界, 但又要對外邊世界指指點點, 最後更立意去革這個世界的命, 要人地改到好似佢地咁! 何苦咁呢? 何苦起歹心來搶略香港和全世界呢?

2005年12月那一次我JJ回港, 行過山頂區, 那時已經乜人都有, 前邊來一群英國中年女遊客, 我就依著他們文化習俗去SAY 個 HELLO. 咁, 我對國內同志就唔來這一套啦, 因為佢地係國內唔來這一套嘛. 不過, 就有個好似現在上邊嗌交部果個梗爽的人物, 走在我面前, 不爽地向我問道, 為何不跟他們問好? 

後來我才知道, 這人淺褐色的外褸, 是當時上邊外派員的便服, 是官服來咖! 今天在電視上的嗌交會裡見番佢, 唉, 真是一模一樣. 其實, 從來都沒有人想過"亡我之心不死", 從來都是...... 人們想著怎樣去尊重大陸人他們的生活方式和習俗. 

其實, 我JJ家族, 被上邊評為最友善的港人, 因為我們家族在1949年前, 已經在香港定居, 沒有經歷過大陸變色赤化而要走難, 未經歷過大飢荒大逃亡, 未親身經歷過89年64, 也未在老共統治下過一天的生活. 所以, 我們對老共一直都是白紙一張. 只是, 老共2005年後, 一走出來, 原本的白紙, 卻被老共漂得"畏紅畏共"了. 

2019年7月21日前, 我都仲諗住退休回流回港, 仲叫朋友們一齊回流, 還睇中左個屋苑單位, 還諗住調錢返來落訂. 只是, 這一天之後, 我就徹底放棄這念頭, 也叫朋友們千祈咪回流!

其實, 上邊講"留港不留人", 實在好錯, 因為外國不是看上港人如"走狗"般, 所以才透過香港跟大陸做生意, 而是, 外國看著香港所實行的一國兩制, 能夠保證經貿可以安全往來! 沒有了港人一直苦心維護的一國兩制, 老共送幾多國內專才來港, 都不會有用武之地, 外國都不會跟老共談經貿. 最後, 只會閉門互相苦鬥, 更誤把港人看成眼中釘, 這又何苦呢?

最黑人憎, 上邊竟然還好似幾十年前咁, 還有果種"地主分田地"的錯誤思維, 誤以為"留港不留人", 落到來可以分到港人D儲備和基建. 老共50年代無左上海資本市場和資本家, 之後40年, 經濟慘到嘔番突出來; 國內卅多年來的汗水工場, 就是他們自己"鬥地主分田地"不義的後遺症!

所以, 如果香港一失去自主性, 把今天賴以維生的香港摧毀, 日後國內不單會嘔突, 更把他們自己推向亡黨之路, 之後當然就是黨內不同派別在鬥過你死我活, 最後齊齊互相清算了. 

今天, 全世界人都看出老共這些人的歹念, 明白到, 今天香港將會是全世界未來的縮影. 所以, 全人類現都在起意來圍剿老共, 老共不消失於世, 世上無人會有安樂日子過? 這個是老共給全人類的認知, 是老共自己親手種下的禍根, 與人無尤.








2020年6月4日 星期四

香港..... 是西方給與老共的試金石! 到現在, 也是最後的機會!

在我提醒各位港燦, 不要再對老共心存幻想; 也提醒老共, 不要再心存僥倖! 當香港一崩潰後, 不要誤以為將來再次好似老鄧當年咁, 搵兩代上海佬出來做國家主席, 矇混過關, 就可以同西方講和; 老共你將來就算找港英餘孽, 出來做國家主席, 西方世界都不會再受騙了.

現在是AI 年代, 西方已經可以用AI自動化來替代一切人手生產, 再過10/20年後的成本, 就比老共13億奴隸人口的生產成本更低. 而且, 這10/20年南亞的勞動力, 足夠應付西方的低端生產需要. 

所以, 老共不要再妄想/僥倖, 香港現開放制度一崩潰後, 西方不會因為廉價勞工, 再回來中國投資做生意. 

老共你在疫情訊息通報上, 已經第一次信用破產, 之後, 如果香港再崩潰, 你最後唯一的信用, 對全世界而言, 將會再無信用可言. 

老共你不要誤解, 老美國務卿所說的"下世紀不會再有老共統治的地方", 所指的下世紀, 不是22世紀, 而是指著老共你們自己創黨的第二個世紀, 1921年創黨嗎? 

幸運的, 老美是個民主國家, 現在的話事人係可以變改的, 只要繼續維持香港不變, 老美就會有可能變. 

只是老美換話事人, 都唔會換到老美對老共的長遠政策. 

不過, 老共現任D人, 就唔洗咩上亡黨的歷史罪責! 執番一身彩! 還可以光榮退下火線, 留番俾班上海佬或港英餘孽, 來充充場面!










2020年6月3日 星期三

可以預示著突區的前途!

此人係老美度留學, 竟然乘人地果度亂起上來, 夾在破壞人群當中, 走去搶左個GUCCI袋, 仲係TWITTER 上邊演野! 

唉, 仲話人家對唔住佢愛的偉大祖國, 幾個包包算D乜? 

當然一睇佢個款和佢D禽畜說話, 就知道係狼性十足! 係上邊教玉和大外酸的結果.

各位都見到, 仲可以對這樣的國家抱有任何幻想? 這些人正好預示著那些快要被派落來突區D人, 這些人係人家國家都可以咁無法無天, 佢地一落來突區, 唔洗問, 突區立刻變人間地獄!

突區有個錢的人, 真係要快快離開好了! 這些人信唔過佢地!


2020年6月1日 星期一

哈哈哈, J氏獨門武器

嘩哈哈, 網上發現呢, 有人咁樣放飛機喎, 嘩, 用到可樂同打邊爐氣呀! 

原理原來好簡單咖咋, 其實係唔洗一定用可樂, 求其係一樽水就得咖啦!

首先, 唔好咁滿喎! 我諗半樽水乜都夠啦, 膠水樽首先樽口向上, 放D打邊爐氣體入個樽裡頭, 因為打邊爐果D氣體呢, 係液化左而又沉底的, 咁就會係水面上結左一層固化左打邊爐氣體的冰層, 好似乾冰咁. 

之後, 就反轉個膠水樽佢, D水的溫度就會把把聲咁溶解了果層好似乾冰咁樣的打邊爐氣體, 打邊爐氣體就會係個樽裡頭彭漲, 向住個樽口衝出去, 造成一股反衝力, 把個樽升起囉!



不過, 我都唔係好鐘意咁玩法, 攪到通地都係水呀. 

下邊這個好玩D, 不過太大聲了, 攪到我JJ隻耳仔好痛呀!

https://www.youtube.com/watch?v=wuz0curb_hg

我JJ南柯一覺, 發左個夢啊......

我JJ個係發夢大王, 成日發夢..... 今次發乜夢?

我夢見呢, 突區美金儲備漸漸枯竭, 但一般港燦在新法下, 乏缺透明流通資訊, 天天仍然活得生活如常, 繼續沒日沒夜的搵錢, 只是進口貨品, 如肉類, 水果, 海產, 藥物, 奶粉, 供應越來越少, 價格越來越貴, 生活越來越困難, 越來越要努力搵銀, 越來越不問世事!

突然有日, 港燦一覺醒來, 發現實行左多年的"聯住匯率", 因為唔夠美金來發行咁多港燦貨幣, 發唔夠鈔的結果, 就係..... 市面唔夠鈔票來做交易, 唔夠鈔票來運行高速"增長"的繁榮經濟, 直接影響突區的安定繁榮.

再加上突區經濟跟上邊越來越"緊密", 同老美D貿易越來越"稀減", 突區貨幣跟老美聯住聯住, 已經義意不大了. 所以, 宣佈脫勾, 再同上邊貨幣掛勾, 即日生效.

當然, 有好多港燦出去示威, 但也有港燦立刻嘗試去換美金, 但都被告知, 在新金融法下, 港燦貨幣不再可以換到外幣, 除了上邊D貨幣. 

有人原先在突區的銀行內, 有外幣存款, 卻被告知, 在新金融法下, 已經取消外幣在突區內任何運作, 一切外幣存款已經轉換成為同等值的上邊D貨幣了, 任何外國金融產品/債券也不再用港燦貨幣或外幣計價, 全部改以上邊貨幣來計價.  

然而, 示威人仕只是少數, 因為傳媒披露, 由那狀棍已完, 被欽點上位的河凸手, 向上邊爭取優渥惠燦的匯率, 港燦貨幣兌上邊貨幣多於平時20%的優渥匯兌, 迎來一眾港燦一片歡呼聲.

一眾港燦平空多了20%財富, 全城歡騰, 只是進口貨品卻越來越少, 越來越貴, 後經河凸手明查暗訪, 英明神武地查明係由突區本地4大土豪從中作梗, 河凸手並率領突區子弟兵, 打土豪分財富. 一眾港燦又平度歡騰慶祝, 又一次戰勝突區舊勢力, 又一次打跨舊時D牛呀鬼呀蛇呀神呀咁啦. 

幾年後, 任何突區女性談婚論嫁, 都不再青睞於突區子弟兵, 只問對方可有辦法找到外幣回來, 有外幣就可以買進口品, 即可以在黑市裡, 買到優質肉類/奶粉/高效藥品, 最後, 更直接了當的問對方, 可有海外富有親人來接濟, 並著令海外親人腰纏多疊外幣回來探親. 

突區更有人後悔著, 幾年前跟兄弟姐妹鬥氣, 把照顧年老走不動父母的責任, 硬推給本來可以離開的兄弟姐妹, 致使最後卻沒有了海外親人這個唯一得到外幣的途徑! 

最後, 河凸手體察民情, 免卻港燦海外親人, 腰纏數萬美元回來之苦, 推行外匯券, 可以網上過數, 到埗後憑單據取得外匯券, 再在FRIENDSHIP 大 SHOPPING MALL 裡頭, 為骨肉至親購買珍貴優質的進口品. 

我JJ發夢到結尾, 夢到.... 我收到.... 我用美金換外匯券, 在突區助養的那BB張相喎, 一睇, 噢, 暈了, 乜又係大頭BB, 分明係蔘綠翻版, 乜FRIENDSHIP 大 SHOPPING MALL裡頭都必未一定賣進口正貨咩? 分明係A貨喎! 一見到大頭BB相中的悽慘笑容, 我JJ就立刻夢醒了, 仲出左一身冷汗添呀.