昨天網上聽到"金腳鐐"一詞, 原來係講黃金本位下的貨幣政策, 喻意為, 金本位綑綁了人的創造力和經濟發展, 令人綁手綁腳.....
其實呢, 我JJ本來一向都唔買金仔呀, 因為金仔係零和遊戲, 經濟發展係無金仔份喎.
只是呢, 前年時, 我都估到遲早有鑊杰野會發生, 驚起上來買金仔囉! 都只買少少啦, 無睏身呀!
大家都見啦, 近排因為疫情要封城, 經濟好差呀, 老美失業率20%, 我加記這邊, 單單前個星期, 就無左50萬份工作呀.
咁, 係這段咁大檸樂的時間裡, 金仔係咪應該升升升呀? 不過, 意外地, 金仔唔升反跌呀! 嗱, 初頭還以為D人要補倉放金仔, 但係家陣乜倉都補哂啦, 都仲係USD$1700價位受阻, 升唔穿喎, 難道世界真是不再一樣嗎?
唯一解釋..... 就是..... 往日投資者主導的資源商品(金仔)市場, 雖然現在量寛的作用下, 但仍舊一樣了喎!
因為呢, 量寛帶動出來的資本, 被一眾央行緊緊控制著, 只流入在股市債市, 而不是流入資源商品市場, 頂多.....資金只流入資源商品背後企業的公司債和股裡去, 不是直接引到資源商品價格的升幅裡.
即是, 現在...... 金融+資源商品市場上最大影響力的玩家, 不是投資者, 而量寛背後的央行和政府財金部門.
也即是, 金價只會隨著投資者的資金走向, 當股債市場不振, 金價也難以大升.
要等到因疫情好轉, 市場反彈, 投資者手頭資金大漲, 在央行未收緊銀根時, 金價才會大升呀! 只是當中的空間和時間相當狹窄短小!
各位, 請看看在下以前的愚見 https://mrjj328.blogspot.com/2020/03/blog-post_14.html
如果大家從文中想深一層時, 一到法律唔容許私人擁有黃金時, 那時攞舊黃金出街換其他野, 都係犯法呀! 即係用舊金來買野, 變成地下經濟活動呀! 到這時, 黃金價值會大打折扣呀!
咁諗呢, 實金是否保值? 尤其係資訊年代, 紀錄左人人都無金, 要等返去容許人民擁有實金後若干年, 才可以攞番出來保值呀!
所以保值呢, 財富..... 就要跟生產力和民生消費來掛勾!
因為消息未出前, 人人都係估多D, 或估得嚴重一D.
老美失業數據出左來了, 真係好差呀, 3百20萬呀! 咪話唔勁! 唉.....
不過, 前日升2千, 昨天升5舊, 今日開市到現在升幾舊, 即係出來的數據無估計得咁差!
我最近買入D油和天然氣股, 大多都高過我的買入價了(除左HAL, 不過都差唔多唔洗蝕了), 因為油和天然氣股最恐慌, 最俾人扲得最低殘, 俾人估得最悲觀呀!
悲觀是人的大敵, 人要想得積極呀!
不過, 來緊又會再跌過, 大家應做好心理準備啊!
機會永遠是留給準備最充足的人, 而心理準備卻是一切準備之首呀!
哈哈哈..... 各位, 昨天美股反彈呀! 不過呢, 大家要小心淡友平淡倉獲利後, 再開淡倉再挾低佢喎!
可能大家會問, JJ 你點計數咖!? 竟然話自己越跌越買, 但係反彈就叫人小心.
唉, 都係果句啦, 跌果陣時唔知會點跌嘛! 但係2個星期跌左30%後, 係人都知道, 淡倉慮積左咁多盤開左, 淡友只係等利好消息出來時(如無限QE), 去平倉囉. 之後, 就係再等機會再挾低過個市佢呀!
我地明知現在反彈, 大部份係因為平淡倉, 咁就等一陣先啦! 等到D人再挾低時, 我JJ再買過囉, 唔急咖!
嗱, 我JJ玩法..... 唔係撈底短炒, 而係著眼長期因為經濟改善而出現的股價和股息升幅呀! 所以, 一切計算, 唔係睇股票短期內點反彈, 而係睇.... 1. 買果時, 股價有幾咁被人低估; 2. 在一片股息跌跌跌中, 收回來的股息相對銀行息有幾著數; 3. 這些股票對將來經濟發展的戰略價值.
大家都知道我叫人買老美的油和天然氣股, 唔單只係因為其在經濟發展裡的戰略價值, 更加係股價被人遠遠咁低估了, 再更加是, 收回來的股息遠遠超出銀行存款息, 因為現在差不多是零息呀!
說句實話, 我JJ這2-3個星期買的股票, 買入股價, 不單只係今年最高價的1/6到2/3, 其上4季股息相比買入價, 更是現銀行存款息的20倍以上, 就算經濟點差, 算D股息得番1成, 都比存銀行好呀!
當然油和天然氣股價跌到咁低殘, 間公司一係破產一係繼續落去囉..... 不過, 老美有無限QE呀, 一定可以救到這些有戰略價值的公司, 慢慢等佢幾年, 就會升到烘烘聲, 到時升到連阿媽都認得呀佢!
好啦, 大家可能會問, JJ 你上次唔係講過, 非美國居民收美股息會好唔著數喎, 要先扣3成. 係呀! 所以, 我叫大家..... 1. 唔好買美股來收息, 2. 加記D天然氣和油, 自用之後, 全部賣哂俾老美呀, 所以, 買加記天然氣和油股呢, 有如買老美天然氣和油股呀, 但無須俾人先扣30%股息; 不過, 我JJ買左一D加股, 但係D公司一搬落去老美, 我就要俾老美股息稅了.
各位在香港買加股, 當係美股咁等升和收股息呢, 最忌係間公司搬左落老美, 到時就要俾人扣30%股息.
還有呢, 個市近來會反覆呀, 未跌到盡呀, 這些時候來撈底, 當中的風險不會細呀! 大家宜於保守和小心啦!!
一切非美國居民投資美股呢? 可能玩法係唔同美國居民咖!
買賣美股所賺的錢, 應該唔洗俾利得稅給美國政府, 但美股果D股票息呢, 每次一收股息, 所有美股的證券商, 就會先靠美國政府, 扣下30%的股息收入呀! 我係加記, 因為加記跟美國政府有稅務協議,只扣15%, 之後就係要俾加記D稅呀!
當然, 這個對一切非美國居民, 係好唔著數呀!
只不過, 美國一些企業的股息, 是十分穩定和不錯, 所以, 對一些計劃將來退休的人仕來說, 這些股息是可以令人安享晚年.
而我JJ就係年青時, 開始揸美國藥廠股, 每隔若干時間, 慢慢買多D, 到現在, 連增值和增持, 股息扣15%稅後果舊錢, 就夠我安心退休了, 而且係相當穩定, 預計到我入老人院時, 每年果舊股息錢, 仍然夠我住私人老人院一切開支.
但係呢, 各位在當打當扎之年, 就唔會好似我JJ咁衰仔, 後生世仔咁早就學人諗退休咁Q衰咖嘛! 哈哈哈, 咁, 美股對大家的作用呢..... 就係股價增值了, 博佢起丫嘛! 而唔係好似我JJ咁, 睇住佢D股息囉..... 大家住係香港, 就要俾30%股息的稅呀! 唔值咁樣去投資呀!
咁樣, 美股裡的穩定收入股, 就一定唔係香港各位朋友仔的首選了, 買美股就要買佢股價升值了. 所以 FAANG - FB, GOOG, NFLX, AMAZON, APPLE. 不過, 這些股價現在仲係好高呀!
而在這次疫情下, 大家就應該係一大堆最受影響的美股裡埋首了, 當然, D股票有機會笠執呀! 唔單只要漁翁撒網呀(買佢十幾間公司, 總有幾間跑出咖嘛), 仲要揀岩行業, 揀果D美國政府唔救唔得的板塊來買呀~
我JJ現在跟緊美國能源和保險這2大板塊呀! 可能我JJ未必睇到其他板塊呀! 請任何高人都可以睇D意見呀! 我無任歡迎喎!
事緣於槓桿囉! 當然, 大家會講, JJ 你這個答案好行貨喎..... 現在人人都咁講咖啦!
大家有所不知, 買股票用槓桿來借孖展, 就人人都知道, 不過, 原來投資市場中, 佔最大份額的, 唔係股票, 而係債市, 仲係大好多好多倍的份量呀!
嗱, 我現在講債市, 絕對唔係叫人升呢去玩債券這些高難度野, 只係解釋為何股票市場咁大波動咋嗄! 如果有人係都要去掂債市這些高風險野, 我真係無能力阻止到佢! 以前, 我教我果班教友去投資, 最後個個變哂投機, 真係唔關我事, 係佢地自己走火入魔, 脫離投資的行為!
大家可能會問, 債市唔係應該好Q悶咖咩? 現兜兜現金咁買, 要等到張債券到期......?
查實呢, 只有小散戶等到到期, 機構投資者或大型基金係唔會等到期咖, 為何? 因為大孖沙佢地眼睛唔係睇住收果D利息做人, 而係睇住D聯儲或央行的息率來做人.
當央行一升息率, 已發行在市面的舊債券, 就會因為所收的利息比新債券少, 舊債券個價就會跌, 相反, 息率跌, 舊債券個價就起.
只是, 這樣坐係度等息率跌, 等債價起, 果個效益唔吸引呀. 有咁大舊錢果D人, 當然會去做一些我地小散戶做唔到D野, 就係用一蚊現金去買幾蚊的債券囉, 槓桿去借孖展, 同股票一樣.
而央行因為要攪活債市, 始終發行出來D國債, 要有人來買咖嘛! 當然要容許D人在債市裡借孖展啦! 在孖展之上, 仲有好多古靈精怪的玩法, 大路咁去講, 可以分為..... 對賭息率升或跌!
家陣輸錢果班人, 當然係賭息率升果班人; 當大家見到股市跌到七個一皮時, 即係賭息率升果班, 手頭上有債又有股, 當佢地債市一蝕錢, 要補倉, 當然係要賣股啦!
咁..... 賺錢果班係乜人? 賭息率跌果D人囉, 誰會...... 早知息率跌呢? 嗱, 西人唔會早知COVID-19疫情咁大檸樂(出來的數據唔似咁大擰樂呀!), 只有親身經歷疫區果D人(又知道真實數據果D人)囉! 還有, 誰會知道包頭佬同北極熊打油價戰? 包頭佬囉! 以上這兩種人, 現在賺得唔錯了!
不過, 當蝕錢果班人係咁賣股來補債倉時, 佢地賣左好多優質好股出來, 這個就係我JJ講, 家陣滿街都係平貨呀!
如果大家有閒錢, 這幾年裡都唔等住用, 唔係入D囉! 當經濟一彈返回, 大家就賺到笑呵呵了!
大家可能會問, 有乜好介紹? 我會講老美油股, 天然氣股, 保險股, 這些股跌得最最最金, 如果大家查查, 有些現股價...... 跌到變成上季派息的10倍或更低呀! 現在是要貪心的時候了.
大家又可能會問, JJ 點解叫人買老美油股, 天然氣股, 保險股? 唔怕D公司執笠?
其實, 老美係能源大國和金險大國, 這些東西係佢地D國技來咖, 係佢地戰略優勢的行業, 老美當奴友點敢唔救喎? 佢地可以唔救民間娛樂/消費/ 建築, 但唔可以唔救能源和保險業囉!
各位, 真係跌到7個一皮呀! 好似直線升降通道咁呀!
油跌到20皮美金一桶呀! 我這邊D油站, 昨天跌到20年前的油價, 9毫子一公升. 明天我會出去加番D油落我部錢七度啊!
我D金仔都跌到千5樓下, 不過, 我買果時, 都好似家陣咁, 買完都係跌呀! 不過, 無今次跌到好似世界末日咁.
照班人咁跌法, 好似要錢唔買貨咁喎! 我唔再做吊靴鬼跟買了.
其實, 現在對於我JJ來講呢, 多多我都可以跟到去買, 只不過, 心理開始有DD壓力了.
買股其實唔係怕蝕錢, 而係怕蝕左良好的心理質素.
因為呢, 一個良好心理質素係做人做事的必勝原因!
現在唯有等..... 都係等到我覺得..... 我心理可以負荷到現今市況, 才再入市了.
今天鳴金收兵了, 呵呵呵!
我JJ就找到以下原因:
1. 疫情下的企業壞數據, 還未出到來, 人人都段段估, 最安全而又可以保護自己的估法, 當然係估到D數據最差最劣!
現在等緊數據出來下, 個個基金佬都怕第日俾人鬧爆, 所以, 一見大圍人人沽沽賣賣下, 點可以唔賣呢?
不過我JJ反而覺得, 一到壞數據漫天出來時, 個市都未必會再跌, 就算唔升, 頂多都係平走.....
2. 這幾年, D資金係大市裡, 無厘頭咁漫水灌金山, 揼到個指數咁高, 但D資金唔係去左實體經濟裡頭, 而係幫當奴友揼高個市創造政績出來.
但當資金作幾何倍數咁去發升起個市, 一有風吹草動, 咁就會令發起左的泡沬, 在風中快速爆破.
所以, 現在再漫山灌水, 都止唔到跌......
3. 當奴友把老美聯儲局的決策, 全部都政治化, 就好似上邊雜某某咁..... 人們不再相信聯儲局決策非政治化, 不再相信聯儲局決策單純為到經濟和就業, 這個就令到漫天揼水的效應, 大大減弱, 甚至再沒有效果.
PS: 我JJ都係果句, 現在每天係度跌跌跌, 每天慢慢入少少, 我自己就會在跌多千5點果日, 都會買入自己整個倉的1-2%左右啦!
世界上無早知, 如果唔係, 一係世界上無乞兒, 一係世界上通街都係乞兒.
誰可以早知個市到底?
答案係..... 無呢, 大家都係度段段估, 幫人管錢果班友, 當然係怕無左份工, 當然係約定成行人一致行動, 漫山遍野咁沽咁賣, 一來迫D政客咪再來要佢地揼高個市, 二來先保護自己.
我地這些係自己錢, 仲係閒錢, 就跟住係D基金佬後邊, 佢地超賣D乜股, 我地就買乜股.... 這個才是CONTRARIAN 的當代精要地方.
唔係3舊, 係3撇呀!
不過, 大家如果見有收息股跌到咁金呢, 不妨入D呀!
家陣係零息時代呀, 買股除有息收, 仲係參與經濟活動, 企係成大班叻人聰明人果一邊.
一向來講, 實金, 貴金屬和現兜兜的現金, 都係死物, 唔將佢放係D生活活的東西上, 就只會坐以待斃了.
好啦, 這幾日, 日日跌時, 我日日都有入市, 慢食慢食...... 參與D實體經濟當中, 企係D叻人果邊啊!
剛剛老美聯儲局講, 佢地會把息口降到零, 並且確保環球美金一定的流通性, 來維持最高就業和平穩物價.
世界各地都有人去超市搶物資, 只是這些人不會理解到, 現在不會出現大通漲和物資短缺, 而是出現物資過剩的通縮呀!
大家真係要擔定櫈仔, 睇睇老美聯儲局怎樣用財技, 學女媧來隻手補青天了.
我JJ已經在上2個星期分段咁入左DD, 看來明天個市會看漲了, 真係令我充滿誘惑, 引誘我去賣貨.
不過, 咁樣, 我唔係變左炒家投機? 抄底來短炒? 唔係我的原則呀!
唉, 都係明日再諗了, 話唔定跌市, 明日我可以再買多D呢?
聽到好多坊間人們預言貨幣會有天崩潰, 其實, 我JJ係持開放態度, 始終都係對未來的一種預估啦! 當然, 如果貨幣一崩潰, 之後, 就需要重新出過新貨幣了.
不過, 如果用持有實金來應對將會來臨的貨幣崩潰, 這個是否可行? 這個能否在新貨幣中保有或增值原來貨幣中的價值呢?
我JJ本人對單單持有實金, 就不表樂觀!!! 為什麼?
講一個我朋友家族裡的小故事, 在一百年前本是有個錢呢! 1914-1918年歐戰打到歐洲爛溶溶, 當時雖然中國軍閥混戰, 但南方廣東尚算十分穩定, 咁就有好多人來到香港, 娶妻後的後裔改中國姓, 再加上港英政府大力扶持歐亞混血兒下, 他們生意做得不錯呀!
有了錢之後, 就去同屬英治的南洋, 買農地買橡膠園, 做往來中國和南洋之間的貿易, 之後, 當然是珠光寶氣啦! 就有好多實金, 當時並沒有黃金CERTIFICATE咖喎! 全部都係實金呀, 聽說臨打二戰前, 已經講緊幾萬兩的黃金儲備, 加上銀行裡的無數英磅和法朗(當時美金還未是世界儲備貨幣), 就算用70年代金價來計價, 家族裡人人都已經打拐腳唔憂兩餐呀!
只是一個太平洋戰爭, 日本軍國主義者一來到, 就把一切糧食和資源都控制了, 私人不能自己藏有呀! 再廢止使用港幣, 改用日皇軍票.
最壞的歲月裡, 朋友家族中有人用一條金條, 去換一煲粥回來與家人充飢, 7個新生兒中, 只有2個存活到童年. 更恐怖的, 有次拿金條去換熟食肉, 竟然發現肉中有一小段的小兒小手指頭.
大家諗諗, 當貨幣一崩潰, 要重新再出新貨幣時, 即係同揸現兜兜錢錢果D, 來個財富再分配, 果時D人點會咁順灘呀? 一定打起上來啦! 情況會否好似打日本仔果時咁? 先係控制哂D資源, 包括銀紙實金, 綿紗, 糧食, 生產這些一切的生產力, 之後, 就係每一個人的勞動力了.
我每次一想起這個故事, 我就會問, 揸實金有用嗎? 所以, 我JJ一向認為呢....... 西瓜靠邊大呀! 一定要企係人強馬壯/多野食/多資源果一邊喎!
好啦, 話說到現在的情況了, 嗱..... 我JJ前牌唔係去買左金仔啦, 不過, 我的腳步並不會停係金仔, 因為我根本就唔相信金仔, 會可以保本保命喎!
在現代裡, 點樣先至係西瓜靠邊大呢嗄? 買大企業股票, 同D有錢有勢的人, 結成命運共同體. 當然, 唔一定係科企啦, 仲可以係油企呀! 糧企呀! 礦企呀! 藥企呀!
好啦, 大家在今後的熊市裡, 大約都唔洗我JJ講咁多, 知道要點做了...... 一定去靠站在那些最先反彈復甦/人強馬壯/多野食/多資源的人們那邊.
PS: 唉, 一睇疫症下, 邊個物資最唔短缺, 情況最少大檸樂的, 就唔係最先反彈復甦/人強馬壯/多野食/多資源的那邊囉! 所以, 疫症下, 大家金睛火眼昅實邊個可以俾我地靠邊站呀! 之後就要買定來手呀! 哈哈哈.....
大家記唔記得, 當奴友一做左總統, 猛咁叫D指數升喎.... 果時DOWDOW得果萬7呀!
嗱, 班基金佬/行佬/ 期貨佬/ 孖展佬, 當然俾人派哂任務, 幾時幾日限期下, 要完成當奴友交負的任務.
如果唔係, 當奴友就會叫乜監物監, 去查班友. 班友就算身家清白, 都唔想俾人查來查去咁煩, 咁唔係要應酬當奴友囉, 同佢揼高個市囉..... 點知當奴友貧得無厭, 越揼高越要佢地揼完又再揼, 當奴友好似上左癮咁! 攪到班友唔得死.....
哈哈哈..... 到左今年係當奴友大選年, 再唔係..... 班友要買當奴友怕了, 而係當奴友要跪係地下, 買番班友怕了.
呵呵呵! 高明人仕係唔會出師無名咖嘛, 佢地一直係度等藉口呢!
美中貿戰? 唔得, 點可以用美中貿戰來做借口呢? 容乜易俾人拉去告叛國咖?
開始有合適借口了, COVID-19冠狀病毒, 尤其係當奴友當初 CUT哂 黑仔的 O巴麻CARE 的全民醫保嘛! 仲唔係佢衰? LI鑊野係佢咩了!
不過, 都未係好夠, 還有敵對派系D油佬板塊係度撐住嘛!
再等等, 終於等到包頭佬和北極熊係產油數口上, 大家傾唔掂, 反左檯. 嗱, 油價一大跌, 老美D油佬立刻要收檔了, 再無左班傳統支持共和黨的油佬, 係度護當奴友的短了!
所以, 從包頭佬同北極熊開始傾產油數口開始, 個市就開始跌跌跌.....
再到老美一話因為COVID-19而要封, 就跌得更急.....
好了, 班基金佬/行佬/ 期貨佬/ 孖展佬, 當然同當奴友開條件, 之前無放錢就要佢地揼到個市咁高. 現在大選年, 都應該由當奴友自己揼番起佢啦! 不過, 班友一聽聯儲發得果5千億來入市, 當然嫌少, 都唔夠薜牙隙, 當日中午升番到淨跌8舊後, 再打回原形, 去番跌番2千呀!
如果以上是屬實呢...... 嘿, 到最後, 一切都會係政治妥協呢, 就好似周猩猩D戲話齋呢嗄..... 乜話..... 乜投降真係可以輸一半咖? 好囉, 最後, 唔妥都要妥啦! 最少, 如果當奴友連左任後, 唔可以再沃D就開天殺價 - 又要個市升幾多幾多, 又唔科錢俾班友去做野咁抵死!
如果一切都係照以上陰謀論咁講呢, 大家手頭有閒錢, 就可以入市了, 尤其歐美D油股, 真係跌到千載難憑的機會.
當然, 閒錢係未來幾年都唔需要果D錢啦! 如果等筆錢來洗, 來娶老婆買大床, 來同親朋好友江湖救急, 咁就唔好買了, 我JJ無得擔保咖喎!
PS: 哈哈哈, 同場加放..... 我地溫州同胞在意大利曬雞翅的超烘動視頻, 竟然出動到市府清潔人員, 市長, 意大利國家衛健防疫專家, 把這些疑似蝙蝠的物體, 鑑定為一般超市的雞雙翅, 超攪笑.
更在網上, 由國內網友證實, 這種是溫州獨有九代祖傳的曬雞翅秘技, 哈哈哈....
吖...... DOWDOW 跌停板之後, 繼續再跌呀.....
我JJ仍舊天不怕地不怕, 無有怕, 繼續...... 入市當中.
不過呢, 提醒大家朋友仔, 個市咁跌法呢, 大家係板面見到, 股價跌50%, D股息升就倍升呀! 之但係呢, 個市大跌之後, 大多都會伴隨股息大跌喎. 咪諗住到派息時, 都係好似現在板面講咁多息呀! 都係打番個折扣囉..... 遇佢股息跌, 又或間公司見大圍同行都唔派咁多息, 佢跟埋減派息呀!
嘿, 中午時, 老美聯儲走出來話, 會向市場大買5000億資產, 令個市短暫由跌2千2, 抽上跌8舊, 不過, 到2點就變番跌千8呀, 睇落市場認為老美聯儲出得唔夠力.
各位這幾排, 恐慌情緒蘺漫, 預佢跌呀, 要管控好自己情緒...... 有良好情緒, 才會在這些市況中有機會賺錢!
PS: 係啦! 大選年, 唔同你當奴友問攞著數, 還待何時, 唔通等到你當奴友連任後, 再俾你揸頸就命來揼起個市咩! 現在要揼起個市, 唔該你當奴友自己出水來揼啦!
還有, 明日係13號星期五呀! D人會否乘機跌得金D呢嗄? 各位心理質素最重要, 咪俾人嚇窒呀!
原本星期一呢, 我JJ就想出文話係世界上各大勢力板塊, 執執位換換倉, 所以DOWDOW才跌2千點! 我星期一都入左少少油股咁啦, 真係跌到超值呀! 都係一貫做法, 小注宜情, 當係走出來參與埋一份咁啦!
不過, 當日我都唔敢寫出來, 因為害怕自己錯, 又如果有網友仔跟我的做法, 咁.... 我唔係多多無好人?
嗱, 昨天升市, 不過有些股票開市時, 都跌到七個一皮, 就好似全球糧食大企BUNGE 咁, 我出價$40.6買入, 但跌到40.8, 就調頭彈回$44. 我就意識到, 這個唔係執執位換換倉咁簡單..... 而係..... 幾大金融板塊的對決!
我JJ一向都唔玩"即日買賣", 知道現今情況, 唔係我這些長期投資者玩的市呀!
今天又再跌, 仲跌番哂昨天升果D, 相信有人在背後操盤, 而且仲係大手大手咁操出來.
來緊的幾個月, 就會係波動市呀! 唔適合我地這些長線投資者呀! 大家都宜於忍忍手, 等耐少少啦.
當然, 有閒錢放銀行又無乜息收, 唔係慢慢咁吸入D資源或民生股囉. 人總要食飯, 總會生老病, 總要衣食住行咖嘛! 這人生4方面的股仔, 就一定長有長做長賺錢, 而且股息一定比存銀行好, 趁住金融大板塊們玩野時, 我地就唔係乘虛而入, 趁低位去入囉!
各位, 慢食慢食, 唔好食得太快呀! 哈哈哈.....
PS: 噢, 我JJ係D衫褲大減價的年代, 儲存左好多戰略儲備, 睇怕我都唔洗點要買衫褲了, 除非我又再快高長大, 才要買了, 嘻嘻嘻.....
噢! 佢算唔算大媽呢? 其實佢真係唔似大媽喎, 最少佢除左返工外, 其他時間佢都好活潑, 條友成日去督波咖佢..... 不過, 佢話佢D督波 FRIEND 叫佢做大媽喎, 或者佢比較喜歡人地叫佢做大媽啦, 佢覺得多D安全感! 可能唔想俾人當靚女咁睇吧!
都同佢做左筆友好多年了, 每隔2-3年就約出來見見面, UPDATE一下彼此之間的印象, 最少要對方了解到同緊個乜水來定期通訊吧!
同佢有乜好講呀? 講下這裡滿地可生活囉! 交換下資訊, 有時有D野佢知道的, 我就唔係問下佢囉! 有時, 問下佢女性的內心感覺囉! 始終我JJ係一個無家姐妹的家庭長大, 始終都係要搵個女人來了解一下女人嘛!
大家知道啦! 上邊大6長大D人, 好信大6政府咖嘛! 大6政府話乜佢地就信乜咖啦! 每次我勸佢唔好俾人老點, 佢死都唔信邪咁喎! 佢移左民來加記差唔多20年, 觀念都未改到!
有次我去研習論語, 撞到佢同佢老公第一次參加, 一聽佢老公講, 就知道佢乜都唔識, 而且仲係個5毛呀..... 好啦, 真係希望佢老公做5毛有錢收啦! 因為佢老公已經有好耐無野做了, 成家人只有佢一份收入來維持.
點解佢會嫁俾個咁既人? 任何港女就一早已經一腳踢左佢老公去北極洋啦! 原來以前國企大鑊飯, 生活好有保障嘛! 不過, 自從老朱改革國企後, 佢老公當然無得撈了.
咁.... 我諗呢, 佢老媽係單位內, 算係有頭有面, 唔似得佢老公係國企裡果D 2打6咁, 就擔心緊佢地將來, 就急急腳送左佢地過來加記移民. 就算以前由大6移民來加記, 點易都好, 都要求申請人帶幾年生活費過來, 可以想像佢屋企真係有D底子, 在老朱年代, 動用到寶貴的外匯來移民.
聽佢講呢, 移民後的幾年, 都時不時要佢老媽來接濟. 直到佢老媽前年病逝, 留下一層在一線城市的樓俾佢和佢姐妹, 那時一線城市D老屋子, 好值錢, 有價又有市, 大把人買. 我估無千幾萬人仔都有幾百萬啦, 同佢姐妹分左佢, 都有幾十萬加仔啦. 所以, 佢後來生活好左, 多左週圍去玩了.
不過, 真係慶幸佢移民左來加記, 最少個人人權和命仔有保障.
PS: 前幾日, 佢仲學左個官爺口吻, 話冠狀病毒係源於美國. 唉, 我到現在才明白到, 點解有D人會..... 咁易俾人老點.
其實, 都好咖, 我JJ都係喜歡D擔屎唔偷食的人, 做人有原則有堅持啦! 不過, 我見佢咁, 真係好能理解到佢老媽點解咁擔心佢, 係都要送佢地出來移民, 仲係幫佢地做哂一切移民手續添喎.
俾著係我JJ, 這些真係最理想的老婆和外母乸呀! 尤其咁樣的外母乸, 去邊度搵? 不過, 佢地成長係大6無慘階級教育下.
不過呢, 照睇佢老公個5毛屎樣, 點睇都唔似咁好福相喎, 有個咁不離不棄的老婆, 又有個差唔多乜都同佢地做哂的外母乸.
睇落我JJ個樣都係命薄了, 下巴太尖咀太細, 面型唔夠方, 十足隻狐狸仔咁樣, 無論女人搵老公, 或者外母乸睇女婿, 都無乜安全感!
點解咁奇怪? D人把疫情關聯上北緯40之上地區? 不過, 武漢唔係北緯40喎, 而係北緯30呀!
北緯35~45係邊D地方? 吖...... 北京, 天津, 鄭州, 青島, 大連, 女仔高高麗麗的首爾, 東京, 咖仔唐人街的潢濱, 西雅圖, NANCY老家SAN FRAN, 股神屋企OMAHA, CHICAGO, 多倫多, 紐約, 華盛頓, 食龍蝦的波士頓, 西班牙全境, 意大利大半(爆得最勁的米蘭唔係裡頭喎), 希臘全境, 土耳其全境, 伊朗德黑蘭, 窮到無影的印巴高山KASHMIR.
北緯35~45無邊D地方? 噢...... 疫情首發地武漢, 西安, 香港/深圳/廣州/澳門, 上海/寧波/杭州, 台北, 大阪, 南洋的新加坡/大馬/泰泰/菲菲/印尼, 滑雪的札幌, 台灣全境, 溫哥華, LA狄士尼, HOUSTON太空控制中心, FLORIDA狄士尼, 我這裡的滿地可, 法國/德國/英國/北歐/波蘭全境, 北極熊大本營的俄羅斯全境, 彎弓射大雕的蒙古.
我JJ這裡的滿地可, 都有2單確診過案, 全都是輸入的病例, 由伊朗新鮮運到, 慶幸佢地一返到來滿地可, 無出街趴趴走, 守守規矩自我摺埋係屋企14日, 去醫務所唔搭公交, 唔返工唔去公眾場所, 唔去超市. 所以, 仲未有社區感染, 不過, 都係小心駛得萬年船了.
嘿, 上年我預先俾左今年遊樂場的年票(打70%OFF呀), 可能今年要倒蝕了, 希望一到3月21日春分過後, D疫情就可以DIE DOWN, 如果唔係, 蝕年票都唔止, 間遊樂場倒閉唔再開門, 我無得再入去玩呀!
係咖, 我JJ成日出去曬曬紫外光, 順便殺殺D箘, 希望唔會係我這邊爆啦! 應該紫外線好殺箘咖喎!
唉, 我睇佢地D菜價, 仲貴過我這邊冬天, 我這裡冬天冰天雪地吋草不生時, 有D蔬菜水果都唔會太貴, 皺皮瓜啦, 西芹啦, 紅蘿蔔啦, 比起影片中的菜價, 真係平好多呀!
希望佢地快快捱過疫情, 快快回復正常的日子, 菜價物價肉價平番落來, 生活過得好一D啦!
家陣市場真係氣氛唔多好呀!
我JJ只會著眼長遠, 既然一眼見哂全球人口結構都係老化中, 當然大圍發展會慢下來.
現在疫情下的市場調整, 當然係用來把之前升到火紅火綠的指數, 連接到長遠向下的走勢.
還有, 老美經濟發展自2013年後, 都係一條平線向上升少少, 但2013年DOWDOW是萬3-4, 升到現在跌市之前近3萬, 但經濟無乜擴張過喎, 照道理呢, 萬6-7已經頂哂啦!
現在係高出左成萬幾點呀! 即係熊貓國發展因素係DOWDOW來講, 值成萬幾點咖喎!
噓.... 當熊貓國持續發展走勢成疑下, 這萬幾點..... 嗚嗚嗚...... 凍過水了.
PS: 嗱! 貿戰下, 當奴友都唔敢向熊貓國壓得太厲害, 攪左個第一階段就見好收場去攪連任選戰了, 主要因為佢知道單單只有佢D寛鬆金融政策, 老美股市係唔會升到咁高, 還要借助熊貓國
持續發展的利美現象, DOWDOW才會值2萬幾3萬, 當無左熊貓國持續發展的利美現象, 可能連萬6-7都無呀!
係啦, 昨天果個係後生李連杰, 今日LI 個就係老左的李連杰了.
這位哥仔叫 ALLAN CHOW, 睇佢個姓, 係過氣港燦現在加燦喎, 點解佢咁似北仔李連杰呢? 可能佢係溫哥華住得太耐了, 面貌變得似北方涼快地區的同胞吧!
這位周哥仔呢, 原來佢前幾排係鑽石公主號上邊, 被困數十天, 面臨生死的關頭, 加記政府遲遲唔派機去撤僑回來, 佢係視頻訪問裡, 彈緊加記政府行動, 比香港和台灣更慢....
咦, 李連杰..... 剛剛上網睇睇, 有消息話佢剛剛往生了. 嗄, 係咪真咖? 唔好嚇我喎, 我係這裡一講佢, 佢就離開左, 唉...... 我成日仲想起佢果D"男兒當自強"的電影橋段, 想起都覺得好有睇頭喎!一睇就心情好左, 噢, 咁, 我以後唔係.....
唔係咁唔老泥吖嘛! 一講佢, 佢就...... 唯有祝佢一步往生, 一路好走好行.
嘩, 大家睇睇, 佢似唔似李連杰? 噢..... 唔好講話個樣啦! 連講野都有幾分似呀!
好啦, 佢話佢本來係城市裡打開農民工, 現在回去係老家養雞, 再係微信上賣, 順便可以照顧家中老人和小孩喎!
睇落佢D雞咁瘦, 全因為係佢唔識養啦. 我以前係香港養過一隻, 只需俾D飯頭飯尾, 最後隻雞大隻到我隻狗都唔敢行近佢呀! 佢口口聲聲話蝕10萬, 仲話唔再養了, 番去城市裡打工! 家中老人和小孩佢就自己睇唔到了!
PS: 前幾個月, 我係香港果個好麻Q煩的親戚, 又走來我地這邊了. 佢以前移左民過來我這邊, 之後就, 買左我隔離間屋, 同佢條女係度住, 之後, 覺得這裡係法文世界, 唔方便佢地, 就賣屋搬左返去香港.
點解佢咁麻煩? 因為佢同佢條女成日係我面前, 係度依依邑邑, 慌死無人知道佢地關係咁. 有次仲有班女人, 由香港過來找佢晦氣, 一睇佢個衰樣, 就知道唔係錢銀瓜葛, 而係佢地關係紏纏不清. 都唔知道佢點解, 佢可以招惹到咁多女人返來? 做男人有少少骨氣好唔好? 洗女人錢會無腰骨咖?
今次過來, 我父母叫佢來小住幾日去, 點知佢咁大柵人? 帶埋上次來找佢晦氣果班女人一齊過來? 5個人住係我這裡, 突然多左4個女人係我間屋度, 攪到我頭都大埋.
原來, 佢係想攪埋其他3個女人移民過來, 來見移民官喎.
最神奇係佢其中一個女人, 一沖涼就整爛左我個浴缸花洒掣, 佢仲話叫人回來整, 由佢俾錢喎!
哈, 係加記這裡, 與其坐係度等幾粒鐘, 等個水喉佬來整, 不如自己落手整, 一個鐘都唔洗, 我就連整+連出去買果塊替換橡皮膠, 就整好了.
果個女人一睇我好似個水喉佬咁, 就猛係度話好陰公喎! 又話..... 住係加記D人真係好可憐咁話喎!
妖, 佢去死啦! 我無錢咩? 我只係唔會咁Q麻煩, 等個水喉佬來, 等到佢來到, 蚊都睏哂啦!
好啦, 最後我親戚帶班女人去見完移民官後, 又同班女係市區買左個單位, 就急急腳走左了. 睇班女人真係好有米, 連價都唔講! 臨走前, 整爛左我浴缸花洒掣果個女人, 仲買左件大衣俾我.
我一睇個價錢牌, 哈, 我真係只會等大減價才買, 佢又老襯左, 竟然貴我幾倍價錢來買.
所以呢, 男人要有骨氣, 好似上邊果個"李連杰"咁樣, 如果唔係, 一世人都俾D女人舞到傻呀!
1蚊當10蚊咁來舞, 最容易出事, 但偏偏D人喜歡被人稱"神"稱"祖", 妄想留名萬世, 咁唔係奶野囉.....
貨幣用黃金做本位呢.... 會限死左經濟擴張的速度和範圍, 愚見認為, 貨幣流通量(跟現鈔發行量不同), 應該用來輔助經濟擴張.... 道理就有如教仔女咁, 與其SET哂D規條, 要佢唔好做乜做物, 不如教佢地做個好人, 隨心所欲咁, 天大地大咁去發展.
所以, 投資那些良心企業, 讓他們去製造一些令世界更美好更和平的產品, 係最近這幾十年來歐美很多有名投資者的成名原因, 而不是他一蚊炒到一百蚊的財技.