咁多年回港, 次次都去美食節, 一係花墟果個, 一係葵芳果個, 有時日子夾得岩, 兩個都可以去勻哂!
每次去葵芳食節, 都會順路行埋葵涌廣場, 因為果度行人最多, 店舖又多, 比旺角中心更大, 單單看看年青人群, 感受一下香港D活力嘛.
只是睇完YOUTUBE這片後, 真係感到蒼海桑田呀, 好似同我2018年前回港果時, 係兩個唔同的世界.
我感覺到, 係咪人人都摺埋係屋企唔出來浦呢? 答案可能係呀.
我係加記這邊, 屋企應該比香港大, 我摺埋左係屋企差唔多2年, 身子真係差左, 今年夏天這邊唔洗戴口罩, 我才開始出外行多D, 搭多D巴士, 係外邊食多幾次飯.
希望大家係香港唔會好似我咁, 身子差左啦.
聽說現在一開關, 就爆疫喎! 我真係希望唔會再有大鑊野, 大家大步纜過D唔好野啦! 市面快快恢復正常運作, 快快經濟好番.
今年聖誕節是十分特別的, 因為上邊疫情大爆發, 新增染疫人數每天以千萬計, 又再開始有人突然倒斃街上了, 而且發現更多新變種病毒株呀, 真不知道會否好像2020咁, 一波疫情直捲世界各地.
與其在驚恐中過著聖誕節, 倒不如想想來年會有乜奇變突變, 因為歷史上, 大災大疫過後, 必有奇變突變!
上邊話事果班人, 將會越來越艱難, 日子越來越難過. 不單再沒有資金可調動, 而且連能夠可供指揮的人員也越來越匱乏, 來年一定是大變之年.
點變法? 我真係未估到, 一係越來越封閉, 一係改弦易轍, 是但一個方向.
如果要我JJ BLIND GUESS, 我會估前者吧!
PS: 幾日前, 跟一位突區舊朋友傾計, 佢前年仲話佢有幾層樓, 今天佢話靠政府養老, 真唔知佢係講真還是講假, 不過希望佢唔係講真, 如果佢講真, 就表示個局勢不好, 人心不安, 連原本有幾層樓的中產都咁, 爆發大型事件的機會大增呀!
對話事果D人來講, 壓封是唯一最可行的手段, 差在佢地現在緊餘的力量, 壓唔壓到咖咋.
我JJ主觀地認為, D人總希望會有神蹟奇蹟發生? 好似中六合彩咁! 又或傻想去移民福利國家, 把自己的問題和責任來個大挪移法, PASS 俾人地. 其實, 更深層係..... 這些人唔尊重人家意願, 向人家強加自己的自私自利想法, 唔尊重生老病死, 唔負自己責任, 一切都想人家為自己攪掂.
老實講, 任何人在福利國家, 跌入社會福利保障網裡, 係好難走返出來做中產呀! 因為入息稅好重, 任何人跌入社會福利保障網, 意味佢地不單收入低, 資產也低, 在高稅下, 再走回中產, 比在無福利的國家, 難好多倍呀.
同一道理, 係福利國家, 一切公共老人服務都係最低水準, 如果要好一點的, 就要俾錢用私營服務, 在福利國家工資高下, 私營老人服務怎會平宜呢?
多年前教會就有人要話去攪老人服務, 我聽到咁玩法, 我真係立刻彈開, 離這些人遠一D. 因為只會吸引更多唔負自己責任的人. 不過, 無可否認, 有些人盡了自己責任後, 真係需要人來幫一下, 但係果D唔負自己責任的人, 真係會令到原本值得去幫的人, 得唔到人來幫.
最近, 在網上見番以前教會一個小妹妹(當時係青少年, 現在成年), 佢去做左KOL教人投資, 不過, 佢貼親D股票都蝕錢, 而且仲係蝕一大截喎. 初時我心想, 佢有乜理由教人去買D上落波動咁大的股票咖? 點會教人唔諗後路來投資咖? 後來, 我想起了, 佢唔理自己父母遠去他方, 我就明白了, 為何佢會容易做錯決定了, 因為佢唔看重人生的生老病死, 係咖, 投資係要明白生老病死和人性, 投資才會較唔容易蝕錢, 下下心存僥倖, 還想希望有神蹟, 咁就容易蝕錢.
唯有自己先負好自己責任, 做好自己本份, 就會了解人生和人性, 投資才會唔容易蝕錢, 較會去避開高風險了.
最近見番好幾個以前教會D人, 唉, 以前佢地年青少艾, 再加上大圍環境容易, 佢地做人烏下烏下, 都還可以, 但一到現在一切都唔容易, 再加上佢地年紀唔細, 當然就問題出來了. 有時, 我真係好擔心人家信耶穌時, 會誤解左, 佢自己乜都唔洗做......
當然, 我相信神蹟, 只是我更相信, 要自己負好自己責任, 做好自己本份, 自己才會認知到什麼是神蹟, 內心才會去感恩, 才會去認識到"施比受更為有福".
其實, 教會裡有D人, 同那些信共慘黨或福利主義的人, 是同一種人, 總唔肯面對現實, 總不去做好自己本份, 總唔會負好自己責任.
下邊有位朋友評未來, 值得深思, D人唔肯落力專注去做事, 點會做得成事呢? 盞唔係破壞王一大個!
凡凡被判入獄, 跟本就同我無相干喎, 我一直都懶得去講佢. 只是看到這KOL 有趣地提出"資本"造成犯罪, 我實在有D頂佢唔順, 佢咁頂隱, 一定要攞出來講下嘛!
吓, 凡凡係加記唔會咁喎, 連最近案發地點的突區, 凡凡都唔選擇係突區作案, 究竟佢點會選係上邊.... 作案呢嗄? 法律明文規定, 上邊罰得比加記和突區仲重喎. 唔通佢係果度大哂惡哂, 無人敢出來告佢...... ?
唔好講上邊啦, 就連突區和加記, 只有資本而無特權, 邊個人敢衰11個字呀? 係突區一早告到佢唔使撈入冊了, 係加記, 哈, 佢就一世人都要同未成年的人保持距離50米呀, 佢連公園和公廁都唔洗去了, 哈哈哈.....
上邊? 係咪有人講過...... 有特權就有資本, 跟本資本係陪襯品? 啊, 我JJ唔知了, 歡迎任何人出來作出修正了. 哈哈哈哈.....
其實, 如果唔係關於衰11, 唔係關於用迷藥, 男女之間婚姻契約以外的事, 大多都是你情我願, 無乜講話誰對誰錯的. 一用到迷藥, 又有證有據, 咁就大擰樂了, 再加埋上邊法定年齡係18, 唔係突區或加記的16, 咁就唔洗講, 凡凡佢應該受靶了.
不過, 如果一竹篙打全船男人呢, 尤其靚仔(講乜乜.... 靚仔無本心, 靚仔最花心, 三九唔識七果D大6女人, 一見到我, 就想起凡凡D惡行), 我JJ第一個最反感, 唔好講話凡凡啦, 就連我果個身邊好多女人的親戚, 佢D所作所為都唔關我事, 就算我同佢有血緣關係. 就算佢會喜歡被好多女人包圍, 但唔代表我會好似佢咁.... 去做人和生活囉. 係嘛? 根本係一樣米養百樣人.
相信女人都係一樣, 某D女人會喜歡去包圍我果個親戚, 某D女人見到我親戚身邊班女人, 就會反感, 都係一樣米養百樣人....
最近, "去殖化"這名詞又上左我視線, 其實, 當我生活係突區時, 我都無乜覺得殖民特色, 除左百幾年前已經命名左的街道和設施外, 就頂多係用某某捐出來D錢, 而起的公共設施來命名, 用公帑起D新街道和新設施, 大多都用番中文了. 我諗, 當我細時, 老英政府都已經諗住慢慢淡化在突區的角式, 漸漸放手交給突區本地人來運作政府和地方事務.
只是, 現在甚麼的旗仔法/歌仔法/角安法, 相比被強行叫"殖民年代"果時, 果時都無咁樣喎. 還記得肥佬黎的生果報, 係回歸之前, 仲用過漫畫, 來影射老英事頭婆一番, 都唔知有乜似殖民呀? 相反, 現在更似殖民喎! 沃D就告人, 沃D就法庭見面, 沃D就監禁1-2年來候審, 連一丁點堆砌出來的門面性妥協都無, 粗暴而無又懼怕地去推出類似殖民的手法.
乜叫殖民化?
我有次係山頂見到老英遊人, 同人家打個招呼, 這個是人家文化裡的好客之道. 卻引來路過的那兩位官爺不滿, 質疑為何不跟他們打招呼? 隱若是在指責我殖民奴性化, 果時, 真係 因為生活習慣左, 我一時三刻解釋不出來, 俾佢地問到口啞啞.
實在, 兩位官爺佢地自己係上邊任何陌生地方, 也不會有陌生人跟他打招呼吧! 這個是國內一貫的生活習慣嘛! 同佢地打招呼, 唔係擺明話佢地係特權階級? 人家老英遊人著到牛記笠記, 我同人家打招呼, 才突顯乜野係世界勞動人民大團結, 官爺要人民特別去對待佢地, 盞被灌上"特權階級"的惡名? 我就唔會咁樣陷佢地於不義了.
不過, 見佢地滿面咁不滿, 大約佢地回去後寫D報告, 當然會把"殖民化"來加鹽加醋吧!
以我老港燦來講, 以前實在沒有太明顯的殖民化, 大多都只是...... 教會一眾港燦怎樣跟世界接軌, 讓港燦有更大生存空間.
現在是否叫港燦龜縮起來, 是否不跟世界接軌嗎? 是否要港燦窮起來嗎? 是否叫港燦變成一個二個鄉下仔阿燦嗎? 難道這是佢地收回突區後想發生的事情嗎?
咁樣, 不要說連自己人都會面阻阻, 連外人更會由前邊恥笑佢地到後邊, 恥笑這些人又無能又無恥.
大家如果有印象, 我唔係3星期前講, 我見到有幾個人著上邊D官服, 係唐人街走來走去.
就上個星期, 唐人街旁邊的會議中心開始籌備環保會議, 再過多幾日, 會議中心封左喎, 仲見到好多好多警察呀, 仲趕哂D街頭流浪者離開果區.
不過, 籌備活動就算啦, 初頭見到好多機場安保檢查系統, 我都無乜奇怪, 但見到好多煲冬瓜同胞係度做義工喎, 我一睇就認出..... 佢地係這裡中資企業, 係老家派過來的僱員喎.
一打聽之下, 才知道這個環保會議本來係係上邊開的, 但前排上邊封控嘛! 咁唔係改左係我這邊舉辦囉!
就前日, 連會議中心旁的地鐵站都唔停得地鐵車來上落客播, 之後, 我係唐人街附近, 見到有警察配備胡椒噴霧喎.
我心諗, 乜咁奇怪? 環保會議, 邊會有人來示威嫁?
剛剛聽到個傳言, 話上邊有大粒佬來出席環保會議, 哦, 如果係咁呢, 又圍封又停地鐵站又出動咁多警察又配備胡椒噴霧, 咁就真係MAKE SENSE了....
環保會議會出動胡椒噴霧呢..... 我咁耐都未聽過喎, 除非有個好惹火的人出現啦, 上邊邊個咁惹火呢嗄? 會惹到咁多人走哂出來示威呢嗄? 唔係嘛, 難道係今上? 噢, 我無眼睇了, 我都係等開完環保會議, 我先去唐人街了, 正所謂君子不立危牆之下.
最近見到物價飛漲, 真係好後悔以前無多D出外遊玩, 又或去提升自己生活和人生......
係咖, 我由後生到現在, 將D錢攞去投資錢生錢, 係沒有錯的, 不過, 人生到左咁上下, 就要開始習慣一下, 攞多一D自己賺回來的錢, 好好去提升自己的生活和人生, 好好去令自己更開心.
不要單單講物價貴左咁多, 再想想人將來年紀大左, 健康和身子都差左時, 不要說提升自己人生, 連出街去玩, 都無以前咁容易感到幸福和過癮了.
不過, 如果換個角度來睇, 現在物價飛升, 可能將來物價升得更高更貴, 倒不如現在及時多去提升自己生活和人生.
我這個人.... 腳頭很好的, 去到邊都會帶旺果度D人氣, 以前去到任何教會之後, 果間教會就會人數升1~2倍; 我入去唐人街D舖頭, 外邊D西人原本睇睇下, 見我入去, 就跟埋入去; 就前幾日去PIZZA 舖, 原本空空無顧客的舖面, 我入去後, 就有好多人入去.
但係這些一切, 我都係為他人作嫁衣, 跟我一D關係都無, 我又無著數過!
相反, 我果個親戚, 佢身邊好多女人, 佢真係好有女人緣, 仲係D好叻好靚D女人, 而我就無乜女人緣,
突然有次, 這親戚同我講, 其實大約..... 係你成日掛住理掂自己和家人D事, 沒有注意到其他女性姐.
咁, 我真係將全部精神去顧好自己和家人D事, 無乜留意其他女性.
佢仲話, 如果係教會裡遇到D無謂人, 就唔好俾佢地影響到自己, 應該立刻離開這些人, 教會裡好多人D問題, 係佢地自己一手做成的, 既然佢地都沒有負好自己責任, 咁你做好自己責任就得了.
佢可能對教會有些惡感, 佢話, 入得教會D人, 大多都係想找人幫手, 即係佢地個人質素不佳, 不能自己解決問題, 我信你入教會真係有心信耶穌, 唔同其他人, 所以, 你就唔使聽果D無謂人係度老點.
其實, 都算啦, 都返唔到舊時, 唯有現在珍惜一切, 活在當下吧! 後悔都無用!
有無想過? 在資訊不流通或被操控的地方, 發放大粒佬健康狀況或死訊, 是十分講究的, 尤其是披露的訊息含量和時間, 是十分關鍵性的.
今次單野呢, 毫無疑問係是過去式, 但是在這個全國性示威此起彼落的時節裡, 披露出來, 是否有些什麼玄機呢?
首先, 佢係貫徹"開放"的代表人物, 現在人們習慣了開放多年, 當然是不會再習慣回去計劃經濟了, 就好像當年秦朝實行中央集權郡縣制度多年後, 項羽等封建頭腦要回復封國制, 人們不再習慣, 就有好多人起來反對, 最後由劉邦等人逼到項羽烏江自刎, 最後劉邦這個楚人, 面對現實, 對故秦人作出妥協, 實行楚秦到天下共治. 今天, 宣布佢死訊, 大約是在歷史狂瀾下, 在未有大波瀾之前, 先把佢死訊公開, 現在還可以好好利用, 不致於好像當年老胡死訊咁, 變成失控!
其次, 我地要留意, 怎樣評價佢係黨內的政治和歷史資產? 有沒有提到改革? 有沒有提到權力下放? 有沒有提到佢對港台政策? 有沒有提到佢示意交權給今上? 還是評價佢係一個過渡性人物? 現交由今上去完作大業? 這些一切, 都會對未來幾年的動向, 起一個指標性的啟示.
我個人認為, 這個時間放出來, 意味著有人認為今後的局勢會更波濤洶湧, 現在再不放, 將來更難放, 更不容易控制到.
現在真是要看看訊息操控的一把手, 其手段有多高明了....... 不過, 始終來講, 這個係一個關鍵的時候, 我們決定什麼時, 總要不帶慌, 慢慢梳好現在將會發生的一起, 待機而發!
其實, 現在要搵到咁多靚仔靚女係電影電視上上鏡, 真係有D難度? 那些年唔只電影電視企滿靚仔靚女, 果D襯托住靚仔靚女的甘草綠葉仲係好多供應喎.
不過, 將心比已, 果個年代, 有人叫我去做明星, 我真係唔會分心去做, 始終要集中精神去做自己的本業嘛! 始終自己知道本業的 CAREER PATH 有保障得多, 做明星我自己就無咁肯定將來會生活OK囉.
果個年代咁多靚仔靚女係電影電視上上鏡, 全因為社會無咁好境嘛! 人浮於事, 咁去做明星都係多一個出路咖! 對於果D唔係好肯定自己 CAREER PATH的人, 做明星係博博下咁囉! 始終那些年要面對97大限, 人人心裡都想搵夠大舊錢, 令生活有保障一D! 做明星博一博, 都好過做個小職員咁無希望.
有些人做明星真係現在唔錯, 但係好大部份的人到現在, 都係為左生活囉.
好多人唔明白, 做明星好大壓力囉! 成日俾人望到實, 出街又唔可以失禮人, 生活壓力大到, 可以想像好似坐監咁.
從未做明星, 出街唔洗理人, 係街邊督串魚蛋燒賣無人理, 著件普通舊D衫出門口, 無人CARE, 實在呢, 做個路人甲乙丙, 心理壓力細好咖啦!
你叫商家佬, 做殺頭的生意, 可能還有人做, 但叫佢地做蝕本生意, 就萬萬無人做了.
事巧更有因, 老美和熊貓兩個最高大帝, 剛剛係豬20度會面完畢, 就有息消..... 股神入股台積電喎....
咁..... 即係..... 唔只台灣局勢會緩和, 連其他方面(如突區), 都有可能會鬆少少....
嗱..... 我從來都無話一切回復原狀, 無講我地可以繼續好似以前咁舞照跳+馬照跑+股樓照炒, 唔係咁囉..... 改變左果D, 己經一去不返咖啦!
如果要我形容個世界局勢呢, 我就會用股市近期的鋸齒狀向下來形容, 跌D又升番少少, 但整體係向下果播!
當然以股神神一般的資訊優勢, 佢總會比我地平常小散戶, 更知道幾時要離場唔玩.
不過, 大家可以用股神買入賣出台積電, 來作一個整體局勢的指標, 佢買入HOLD住時, 大家都會知道唔會有大鑊野爆出來, 但如果佢賣呢, 大家就真係要小心了,
PS: 既然我JJ這些小散戶無股神果D資訊優勢, 但係長遠條路點走, 股神和我這些小散戶, 係無乜分別的. 我繼續慢慢賣入資源, 買入電力股, 買入礦股, 買入金融股, 總之, 我買親D股票, 都有不錯的股息, 為我提供正現金流入我袋, 在這個唔多太平唔多順意的世界裡, 我仲有乜多求強求呢?
現在我這邊唐人街好多餐館都唔好生意, d老闆要想方法了.
前幾排去唐人街食飯, 一入到去, 就見到幾位著上邊工人藍色外套的中年大叔, 再加個好不相同的後生靚女, 陪座有個生意人衣著的男仕, 起身來招呼我. 我才發現當中這位係老闆.
我覺得好怪, 成班人著工人藍色外套? 好似好多年前國貨公司裡那些國營顧員咁.不過, 到左現在著到咁形式化呢, 就只有角企裡D高管係咁, 不過係加記著到咁, 可能係想表達佢地的身份吧! 又或佢地打算聚舊.
真係如我所諗, 後來有個著同樣衣著的大叔入來餐館, 個老闆立刻去大門前迎接叫這人做"X總".
其實我都無乜野, 無專登望佢地咖, 不過咁細間餐館, 一眼就睇哂啦, 都唔明白個老闆點解唔租幾個屏封, 好讓佢D VIP 有多D私穩.
有女有賭局係無可口非, 係佢地叫"資本主義罪惡社會"裡, 我接受得到, 成班 大叔同果條女都係為左生活姐, 不過, 又唔好無遮無掩咁先得咖! 係佢地叫"資本主義罪惡社會"裡, 都係要暗地裡進行. 尤其佢地身上果套工人藍色外套, 西人唔知就算啦, 果度唔只我認出佢地果套工人藍色外套, 仲有幾個同胞食客添咖嘛!
唉..... 真係大鑊了, 連加記這邊都有泥班友係度走來走去......
昨天老美一個輕微經濟增長的數據, 就令到老美DOW DOW 起千多點......
係咖...... 經濟數據成日俾人老吹, D友要個市升就升, 要個市跌就跌, 翻手覆雲, 反手覆雨呀.
我心裡諗著, 如果將來經濟數據跌返, 個市又係咪會跌..... ?
相信好多人, 都以為經濟增長的數據, 是個入市摸底的良機, 已經入左唔少貨, 我JJ就唔會摸底了, 因為隨時係底處未算低呀.
2020年時, 老美聯署派錢入市救經濟時, 咁大的市場利好消息, 果一日都係升左千點唔夠咋..... 今次咁升法, 令人懷疑之後有大龍鳳了.
好多人講康波理論, 不過, 好多人入市摸底, 但市場底處未算低喎, 一失意就蝕錢離場, 變成無仇報了.
不過, 接飛刀又好, 摸底又好, 都係小小地咁去做, 留番大部份現金係度押倉, 咁就萬無一失了.
我個操作係...... 再跌再勵, 再勵再買DD...... 哈哈哈, 一摸底人人去入市, 那時我JJ就會變得好緊張, 因為大多數人唔係死係跌市裡頭, 而係死係摸底果陣, 當之後底處未算低, 尤其如果俾人追MARGIN, 咁就大大鑊了.
所以呢, 第一唔好亂用MARGIN, 第二...... 寧接小飛刀, 莫要去摸底..... 哈哈哈......
其實, 我JJ係個實事求事的, 前幾排同香港舊同學係網上聊天, 有人講現在香港搵食艱難, 仲話要慳住洗, 我就好心講我自己幾年前回港時, 去香港政府合署的熟食街市, 食兩餸飯, 果時香港人肯洗錢, 邊處有咁多兩餸飯呀? 果時政府合署熟食街市才有兩餸飯囉! 其實果時D兩餸飯又經濟又實惠, 大多數都好家常口味, 唔落味精乜濟.
只是一咁講, 就有個係紐約市住的舊同學出來唔開心講: "香港咁多好嘢食,你去食工作餐, 我都唔知你係cheap, 還係蠢, 有啲錢 有啲時間坐低都唔會食兩餸飯, 我一個人都要坐低叫餸食飯!"
其實, 我同佢係外國住左咁多年, 有兩餸飯都已經唔錯, 好多時都要將就D食漢堡或COLD SUB, 而且, 我都係跟住之前果個舊同學講的題目 - 要慳住洗錢, 咁我講兩餸飯唔係岩囉.
我解釋....., 叫餸食飯, 我無理由一個人叫兩個餸(一個肉一個菜)食唔哂咁浪費, 梗係兩餸飯, 有肉又有菜, 咁就好岩我腸胃又唔浪費.
只是佢還講: "要食兩餸飯 即係好唔掂, 無腦", 我真係無想過講風涼話, 我就回佢: "唔好俾面子累自己, 人生如果唔掂, 大約只有自己才會知道, 洗乜理街邊D路人甲乙丙諗乜呢?! "
最後佢講到令我十分唔開心: "我只係覺得你幸災樂禍, 香港現在很艱難 你幫唔到忙, 仲喺度曬命!"
嘩, 我係外國食左漢堡/COLD SUB/薯條咁多年, 又唔好見我話生活艱難, 只有..... 人去遷就生活, 無人去要生活來遷就自己的.
係..... 無疑問地, 香港現在無咁好境, 就算係香港食兩餸飯, 已經比我係外國食薯條/炸雞好好多了.
我匆匆回佢我去睏, 就無再理會佢了.
我後來得到個結論, 佢真係唔係好岩係外國西人社會生活咁喎. 如果佢一早就回流返香港, 可能佢會開心D. 我再諗, 啊, 佢紐約唐人街好大, 佢係唐人街有齊哂一切衣食住行, 應該OK的, 佢又唔一定要回流返香港. 不過, 係果度要好似係香港咁生活, 仲要叫餸食飯, 佢生活開支一定唔少野.
所以, 我來提議大家, 如果打算去外國呢, 就要自己去遷就當地人生活了, 如果唔想遷就, 就要住係大城市中的唐人街裡, 仲要好搵到錢先得, 因為咁樣生活, D開支會好大囉!
其實, 我登這篇VLOG, 並沒有譏笑之意, 始終人家若果不是以前搵到錢, 就不會買貴車. 現在人家用部貴車來擺灘檔, 都是因為經濟如此逆轉吧! 不過, 國內情況如此不妙, 就少不免影響到其他地方, 香港將會是其中一個地方, 始終中港經濟互動頻繁, 國內一有事, 香港就少不了受影響.
加國會否受影響? 我想是有的, 不過並不會如香港般的多, 加國原材料天然資源出口, 一定會受到影響, 還好, 俄鳥戰爭, 令歐洲多國轉向美加購買天然氣.
一直以來, 國內都是全球經濟增長的火車頭, 當國內經濟一失速, 全球包括加國, 都會經濟減速了.
加國很多國內移民將會面臨大大鑊, 他們當中很多人不像我地咁, 移民來時, 能夠一下帶錢出來, 他們只能每年一D一D咁帶出來. 現在國內咁情況, 佢地真係大大不妙了.
從他們身上, 我得到什麼體會? 就是...... 人無千日好, 花無百日紅, 今天有錢賺入袋, 是今天的事, 明天並不一定好似今日咁, 我自己唔會借錢買消費品, 如汽車.
PS: 老實講, 我自己對人家的提議, 只會分成善意或不善意, 更不會叫人家做燈神囉, 因為提議是否令自己邁向成功, 係同自己執行的意志和力度有關咖, 人家的提議唔能夠令自己成功, 大部份責任係自己身上, 因為自己有絕對自由來修改人家的提議.
我估呢, 現在大市係成鋸齒狀的下跌市, 升升跌跌囉, 但長遠係會向下囉.... 端信這幾排跌得好勁, 今天再跌多緊餘股價的25%, 真係大有風兩欲來山滿林的感覺.
其實呢, 如果隻股票本身間公司, 生意長有長做長賺, 而且還有不錯的股息(在加國, 加國本地公司派的股息, 係有稅務優惠). 咁.... 係任何時間買, 都係唔錯的, 尤其有4-5%息, 咁, 1~2年股息已經抵消左任何大股市指數調整了. 只是在下跌市時, 就唔好買入太多相同行業的股票, 我會分開唔同行業來買, 減低風險囉.
當加息和局勢不穩時, 新上市的創科公司就唔好掂了(尤其缺乏穩定的營利和派息), 因為這些公司融資較難, 利息支出高, 令到利潤和現金流受壓, 甚至間公司難以繼續營運下去.
為何我會估長期下跌市? 好簡單, 因為好多人好很俾錢 買PUT OPTION, 即係好多人睇唔好個市的長期表現, 又或者好多人已經係買入PUT OPTION , 賺到不少的錢.
無疑老美政府前年派錢, 做就左唔少新的小散戶入市, 而不少人係這兩年的放水漫浸市中獲利, 不少人自許為股壇新星了.
好啦, 我一直唔阻人發達, 人家要係股市上點點點, 由得佢地啦! 我只是提醒一句, 現在再唔係漫水浸市了, 而係收水市, 唔係買PUT就一定贏錢呀, 相反鋸齒向下市, 最多短炒短操作的人損手.
誰會在這些市況中, 生存下來? 就係果D著眼於長有長做長賺錢的人, 著眼於間公司真正的賺錢能力和發展的人.
都係果句, 買入好股票, 將唔好股票賣出, 長期有穩定的現金流流入, 咁樣, 就會一生人長安無虞, 不會走到人生低谷了.
PS: 最近出外搭巴士, 見到有很多由香港初來的朋友們. 很多時, 我自己心裡都好想去鼓勵一下, 叫佢地唔好俾眼前問題難到, 這些問題很快會克服, 很快會過去. 不過, 我最怕人家誤以為我講風涼說話. 老實講, 香港都過到日子了, 來到加國, 點會過唔到日子呢? 人家見我JJ現在好時, 都係我自己以前一步一步咁走過來.
千祈唔好怕見現實, 唔好走精面捷徑, 唔好去攪零和遊戲. 佢地見我好時, 我唔係因為損人利已而得到的. 香港家陣D人有個趨勢, 就係誤以為..... 要令人損失, 佢地自己才有GAIN.
自從二戰以來, 世界上, 大多數情形都唔係你贏 = 我輸, 而係同共上升, 只是有些人升得快, 有些人升得慢. 令到人家跌, 佢地自己也不一定升喎, 這個就是買PUT D人, 其操作思維上的誤差了.
咁, 我諗都係同當地法例有關囉! 英國有套布偶劇叫"spitting image", 專門來譏諷政治人物, 最近有老美總統當奴友和老英總理約翰遜, 以前連事頭婆, 同埋來傾聯合聲明的鐵娘子, 都有上佢地d布偶人物系列咖! 可以看出英國的政治漫畫係無自我審查喎!
不過呢, 最近英國果單領館出來拉人入去圍毆呢, 就真係俾左spitting image 一個唔細的市場空間了. 可能好快...... 佢地又會同阿大大大帝, 出番個布偶劇系列. 哈哈哈.....
無可口非, 自從英國果單領館出來拉人入去圍毆事件一發生, 網上就多了好多圖像, 把阿大大大帝同國王新衣拉上關係喎.
其實, 領館果班友, 撈左咁多年歐美領館, 都應該知道佢地咁樣拉人入去打人法, 佢地職位會被高昇, 但難為左我地阿大大大帝, 慘遭網上多次創作出國王新衣囉! 都唔知道班友係護主? 還是賣主? 正所謂呢..... 高級黑低級紅..... 哈哈哈, 佢地唔好開心得太快呀, 慢下手返到去, 被人升上神枱食元寶蠟燭香喎.
領館班友肯定會被人驅逐, 只不過返到去, 又是否安樂呢?! 我認為呢, 倒不如頭崩自由好了, 立刻係英國攪政治庇護, 咪再返去啦!
唉...... 其實呢, 我JJ真係好唔想出來表態, 講英國發生果單野, 不過呢, 如果我唔表態呢, 將來容乜易加記都好似咁?
老實講, 人有人示威, 我一直都無參加的, 頂多提議示威人仕計計成本效益, 自己付出的代價, 會否換來更大的效益?
只是D人由領館出來拉人入去群毆, 最過份係..... 領館內打人果D人, 係著哂頭盔護甲衣FULL GEAR, 即係佢地一早有預謀, 由果個白頭佬出來撕毀示威者直幡來引開公眾注意, 來配合其他人出來拉人入去, 這個係任何打算安居樂業的海外華人, 所不能也不應該視而不見.
這些可否叫做魔瓜? 可否叫做白色恐怖?
喂..... 我JJ一家人幾十年前, 一聽中英聯合聲明, 就移民他方, 從不想跟任何人有衝突(肯定唔係任何勇武), 在移民國家裡安居樂業, 生活美好. 我家係1949年前已經係突區安居樂業, 是實實在在的老資格港人, 曾被某些儻媒報刋稱為 - 最友善的突區居民. 因為一早已經移民他方, 從沒有因為上邊攪開放而獲利, 我家生活安好, 一向都跟供慘儻拉唔上任何關係, 更沒有欠供慘儻.
係咖, 2009年突區果個北官周X叫港人: "唔鐘意就可以移民他方!" 喂, 現在人人都怕左呢班大帝, 走左去外國, 乜班大帝現在又改口嗱: "唔鐘意就可以移民上天堂!"
又係咖, 好多同胞D餐館和生意舖頭, 成日都拍烏蠅, 咁多年都唔執笠, 分明就有古怪.......! 我前幾篇講"網上充生哂" 果篇中, 那個侵害者一家所經營的印刷店, 開左成10年都係拍烏蠅, 到左前幾年先執, 其實真係好古怪, 俾著係我, 咁樣的生意, 我1年就執左佢, 唔好再累自己和別人啦, 有乜可能連蝕10年錢都唔執, 仲有人來接佢手?
唉...... 最初我還以為這些同胞艱苦經營, 好意入去帶點少少生意量, 西人一見我入去, 就會跟住入去. 不過, 原來這些全都是對我這些善良好意的人, 一個天大的恥笑!
今日我又係照平常週末咁, 用個 搭巴士的週末PASS, 去滿地可外邊D 鄉郊遊玩. 等車時, 見到有同胞又來等車, 咁條龍D人又唔多, 計埋佢都係得3~4丁人, 佢要打尖插隊, 唔係由佢囉. 我都無佢咁好氣, 死性不改..... 唉.....
我初頭都唔知道佢係賭仔, 巴士經過印地安土著保留區內的賭場, 佢就落車, 點知落車時, 佢同個西人巴士司機講..... 煲冬瓜"再見"...... 啊...... 真係耐人尋味了... 可能係.....
1. 佢同個 巴士司機識得咖喎, 個巴士司機好仰慕佢D煲冬瓜, 佢係天朝大國的子民.
2. 佢見我上車時, 同巴士司機講法文, 為到要教導我唔好忘本, 佢同巴士司機講煲冬瓜.
3. 佢為到證明佢唔係去賭場返工, 證明佢入賭場係做大爺, 證明佢唔需要講法文來生活, 個巴士司機會遷就佢.
4. 佢賭錢賭到SHORT左, 仲以為自己仲係國內, 仲以為佢係坐緊富豪大班司機開的 LIMOUSINE.
大家諗下係邊個可能性高D? 又或還有其他可能?
到我由巴士落車去遠足時, 我想起這個同胞正在賭場上博殺緊, 面對美麗風景, 人生如此美好, 為何在賭場過呢? 連帶人的腦筋都無咁清晰敏銳了, 做埋D傻決定.
其實, 我這裡越來越要講多D法文, 可能到我將來入老人院時, 我要講法文了. 住得係度, 就要預左第一時間同人講法文了.
點解? 因為俄佬打烏佬, 老美老歐制裁俄佬, 俄佬扣留老美老歐資產, 任何老美航空公司飛機飛入老俄領空, 都會有機會被俄佬迫降來充公.
以前由我這裡飛返來突區, 可以經北極再經老俄和老忠領空, 家陣唔得LU, 要兜阿拉斯加/日本/台灣, 要飛多2 粒鐘喎...... 機票要成$2000, 疫情前, 都係$1400.
不過, 如果大家由突區飛來北美呢, 條航線同以前一樣, 唔洗飛耐D.
老實講, 都唔知道疫情會否有反覆, 一下返左來突區, 疫情有變, 要封關, 咁..... 我JJ唔係要擠留, 無得準時返屋企.
況且, 現在突區都唔同左, 以前有果D店舖和野食, 可能現在無左LU.
唉...... 個感覺好似..... 春風依舊, 人面全非了.
還記起, 以前回來時, 每日我都會去公園做晨運, 見住D公公婆婆, 又或大嬸大叔, 現在可能當中有好多人因為疫情, 而不在人世了. 真係好驚返來去晨運時, 被人告知某某人已經不在了, 實在太傷感太無奈了.
真係好後悔以前唔返多D來, 係咖, 以前無咁多空閒錢, 無咁假期, 又或以前攞哂D錢係股市裡碌來碌去, 搵錢錢呀. 不過, 現在就算想洗錢, 都無以前咁過癮了.
還記得2018年返來時, 買左9巴月票, 每天可以搭10程車, 再加來回程B1上上邊深仔. 果一年日日出去搭巴士, 上晝可以係上水元朗食雞粥, 中午可以係老尖食BUFFET, 下晝可以去到香港仔食魚蛋粉, 嗚嗚...... 現在....... 無左這種感覺呀.
以前, 最開心就係, 著住我係加記買D減價名牌返來, 突區名牌無減價, 人人都以為我係有錢人, 哈哈哈.....
尤其提早退休後1年半, 就遇上疫情, 真大鑊, 好似坐監咁呀, 還慶幸我係油股上有斬獲, 如果唔係心情更加差呀!
好啦, 明天我又係我這邊, 買巴士 PASS, 趁住天氣暖和, 多出外行行走, 週圍咁去行下.
以下 故事雖然發生在溫哥華, 但案件當中, 除了被害人外, 原來大部份人都係係滿地可生活了多年的國內人, 從這些人的行為, 大家可能可以看到滿地可某些國內來的社群(當事人是由東北來).
唔, 這舖呢, 我JJ初時太樂觀了. 還好, 我JJ一向緊慎唔去大博, 頂多D PUT 要買少少貨.
面對這個可能長期的跌跌跌裡呢, 我JJ有4寶....
1. 減少今明兩年要俾D稅, 盡量用蝕左錢果D股票, 扣減要俾的稅,
2. 增加現金, 將無咁好D股票, 先清左佢, 當然, 人人好似我JJ咁做, 就唔係掟貨出街囉. 不過我都係掟左1~2隻出街姐.
3. 減低個倉現貨的成本價, 如果隻股長期看好, 但現在蝕緊價, 就唔好賣, 還要透過再買再賣, 來溝淡個成本價, 再用賬面蝕果D價, 來扣減要納的稅款.
4. 等..... 等到跌到咁上下, 才好入貨了.
我睇..... 我會等到明年一月, 才好諗諗去入貨了. 現在按兵不動為妙.
今年我屋企唔搭雪蓬了, 簡單一D, 請剷雪公司來剷哂全條車房路, 將車泊入車房就算了.
既然將車泊入車房, 就唔再放2部車入去, 因為會潮濕D, 車又生鏽得快D, 所以就將最舊部車賣出.
初時, 我去唐人街飛髮, 口多同個理髮師洩露了, 點知果個理髮師叫我留部車俾佢朋友.
好啦, 我就十分誠實咁一五一十寫底我部車的實況, 俾佢朋友睇.
點知佢2個朋友來到一睇, 一唱一和, 就話我部車有鏽同埋有過交通意外. 我初時都覺得奇怪, 唔通我部車放係度唔揸出去咩, 揸出去就會有鏽有交通意外, 我諗, 總之唔係大鑊撞到車架變左型, 部車仍然實實淨淨, 車門開閂無問題, 無野移位, 咁...... 唔係得囉.
而且, 我已經俾左友情價, 講明對方知道, 我開價平左1成.
但係這些人心裡無好念頭, 佢地將我架舊車, 好似新跑車咁掟彎掟到嚮胎, 返來後就再壓價2成.
嘩, 咁, 即係唔係友情啦, 我初頭都唔敢肯定佢地係咪收舊車來高價轉賣果D人, 我減到距離對方壓價的一半價, 佢都唔同我回價喎, 咁....... 這些人即係來混吉, 存心來壓價.
本來我都唔急賣, 但係我好想肯定我開個價, 係咪友情價, 當日我上網開高友情價1成, 點知唔洗一個鐘, 我電腦就叮叮聲嚮, 收到近50個回應, 我見咁, 就唔理住, 做左自己其他事先.
幾個鐘頭回來, 我見到近200個回應, 其中10個提價高多1成, 有2個提價高多2成, 就打電話俾果2個來睇車, 當日先來果個話...... 即刻去車行吊起部車睇真D, 找到有毛病(係剛才果個收舊車佬的好事多為, 專登淨爛我D野), 我就平少少賣出.
最後成交價係我網上開價高1成, 係早前的友情價的2成有多, 比果個收舊車佬壓價高4成.
其實, 我諗我可以用比原本網上第一口價, 再叫高4成價(這個必定比收舊車佬出賣價仲低, 即係收舊車佬穩賺8~9成), 講價後再用原本網上第一口價高2成來賣, 不過, 都係差左1成姐, 算啦, 我JJ這些投資人, 係永遠唔會賺盡最後果分錢, 總會留有餘地, 見好就收手, 唔會好似D收舊車佬去到咁盡.
大家可以睇到, 網絡年代下, 以前好多謀利活動, 都會唔洗再做了, 收舊車佬就係其中一個, 這些人越係生意難做, 越係會出埋D旁門左道招數, 我總算見識過了. 不過, 這些人就算今次做得成一單生意, 將來的生意只會更難更黑人憎. 生活只會更艱難更大鑊.
下次我再去飛髮, 真係要同個理髮師講講, 叫佢勸勸佢朋友, 趁仲係後生, 就唔好入這行了, 係會誤左佢自己一世人咖.
PS: 這些收舊車佬的旁門左道招數有效, 係因為對手心裡虛怯, 一開始就有心隱瞞部車的問題, 但係係我面前唔會成功, 因為我是個誠實的人, 而且我開左友情價了, 實在賣左人情了, 沒有欠任何人情, 也沒有什麼理虧.
以上這些一切, 我都係係我以前果間唐人教會裡學回來的, 想用GUILTY TACTIC, 實在令人反感, 也只會令人望而卻步, 間接令到沒有人真心入教會尋求神和福音. 今天這些教會人仕, 如果落得大大鑊, 都係究由自取, 與人無由, 想有神祝福, 就唔該唔好令人對教會望而卻步!!!!!!!
現在百物騰貴, 生活開始迫人了, 加記這裡罪案率上升, 去唐人街食野時,
來緊見到的, 只會係人們更艱難的歳月, 真不明白, 點解果個牧師會講, 越艱難越多人來教會, 真係想問問, D人係咪真係入來教會慕道信耶穌先? 我諗, 真係心裡慕道D人, 就會係生活無咁緊迫時, 人生有餘閒時, 捉緊機會入去教會慕道, 到唔好境時, 就唔想去做到好似去麻煩教會咁.
最近有人瘋傳, 上邊政變, 阿大大被元老軟禁. 咁, 現在阿大大出番來露面, 傳言不攻自破了.
其實呢, 好多人唔係好明白上邊從政D人諗緊D乜.
嗱..... 做到普通料(乜乜局以下)果D, 又或甘於做到普通料果D, 最重要係佢地自己無風無浪又到退休, 可以光耀門眉/庇蔭後人之餘, 還可以安享晚年.
做到最高果25個人果D, 甚至7個人果D, 在光耀門眉/庇蔭後人/安享晚年之後, 這些人更看重自己在黨史上的政治資產, 看得比佢地自己生命還要寶貴.
如果係改革派的, 當然係會出來講改革開放係應該的, 如果係無忘初心派, 當然係講原教旨嘛! 根本就係各自表述, 係黨內各有各講佢地自己D想法, 佢地叫這些做黨內民主呀! 只要唔好公開出來講, 係黨內講, 大約都唔會有問題.
其實, 只要唔好觸碰到當權派的核心政治資產, 講乜都無問題, 尤其講改革開放係必由之路, 雖然講得唔算空泛, 但都唔係同當權派撐到衡! 尤其刪左之後.
老實講, 俾著我做佢地, 只要係自己在任期間, 無事無干, 唔出問題, 撈番個"工作同志", "榮休同志"稱呼, 係黨史上有番自己一定的政治資產, 退左休後, 我大約都唔會走番出來批評現任當權派. 除左做壞規舉外令自己清譽受損外, 更有可能令自己辛苦經營幾十年的政治資產無左.
這些人到什麼時候才會出來講番幾句呢? 就係當自己政治資產受損時, 不過, 阿大大好識DO的, 佢已經講到明, 唔會走回頭路, 改革開放一定要繼續, 唔會閉關鎖國, 擺到明..... 黨史係會留番俾"改革派"一些席位的, 唔會剷走"改革派"的政治資產. 就算將來真係走回頭路, 阿大大佢都會有馬仔, 同佢諗到新名詞出來, 唔會俾人叫這些做回頭路的, 既然無"閉關鎖國"這個名詞係公眾眼下出現, 就無問題啦!
不過呢, 現在各方壓力巨大(包括老美老俄加埋經濟民生壓力), 而且仲不斷升級喎, 令人擔心..... 總有一天係巨大壓力下, 阿大大唔沃"改革派"D政治資產唔得, 到時就會大嘈音了.
尤其, 老俄係老烏打成咁樣的戰果, 俾人睇出任何一個較大的北約成員國, 軍事實力都不比老俄弱呀! 而另一方面, 老美又緊跟其後, 又禁這個果個.... 唔同你做生意, 唔買你D野, 唔賣D正野俾你, 直接係沃左"改革派"後繼者的根本利益, 要逼"改革派"後繼者出來反枱反臉, 這個才是令到阿大大識DO都無用,
不過, 現在"改革派"後繼者的力量越來越弱, 個個都想企係"無忘初心派"果邊, 相信無忘初心派會越來越得勢喎! 但老美又唔想太急太傷害自己友的利益, 來加碼煮死佢地..... 唉, 此消彼長下, 我真係睇唔到係將來.... 會有邊個可以出來同無忘初心派.... 來撐到衡喎.
唉..... 好啦, 面對如此勢態, 我JJ都係打消回來落葉歸根, 返唐山享清福的念頭了, 係網上發下嗡風就算了.
人性的使然? 為何令到自己唔舒服呢? 生而為人, 當然希望自己常常活得舒服, 就算男性去追求女性, 或女性被男性追求, 都是希望這段關係帶來自己人生愉悅和舒服.
女性如果化勁個妝來吸引佢地心中喜歡的男性(尤其戴埋個大眼仔), 我諗都只係一次半次可以咁做, 之後的相處, 都係最好舒服一點囉! 唔好化妝和戴大眼仔, 咁多化妝品漿住係面上, 加埋大眼仔就真係好辛苦囉!
男女關係裡, 某一方越係委曲自己, 來實現這段關係, 越係對對方將來有祈待囉!
我見到女性戴大眼仔, 化到個妝好勁, 著短裙花呢襪高跟鞋, 週街咁行呢, 我覺得.... 頭幾次用來玩下, 咁樣又真係OK的, 始終年青有的是資本, 唔攞出來曬曬佢, 實在對自己唔住呀!
不過, 如果咁樣攞來吸引男性呢, 到最後辛苦果個, 只會係女性自己喎!
昨天星期日我去唐人街食野, 有2個女仔又係著到咁, 仲係我旁邊扮講好性感的"廣東話", 真係希望佢地用來玩下而己, 唔好攞來當真呀. 咁樣俾佢地吸引到D男性, 就一定係果D俾人叫麻甩佬D男人啦. 而且, 我邊唐人街越來越雜, 成日有警車來睇住D流浪漢唔好亂來, 這些女仔自己係咁雜的地方咁做, 會有危險喎. 如果有任何不開心事發生, 這些女仔就唔好把罪名堆在全體男性之上了, 而其他女性為免這些女仔影響自己家中的男性, 也應該勸止這些女性的行為.
唉, D人係唐人街化到個妝咁勁咁性感, 當然就一定有佢地原因, 我JJ自問唔會咁用心機係自己身上了, 寧願花多D精神, 搵多幾個錢, 唔係好囉?
任何事情發生, 唔合人性的本質, 就應該懷疑和小心了.
前日老美FED升左3格息呀, 呵呵呵, 加息加到咁急呢(半年加近3%), 果日DOWDOW已經跌左5舊幾, 昨天空軍本來係補空倉, 照理大跌後會少回升, 但仍舊跌1舊喎, 吖, 今日又再跌近4舊呀, 即係呢市場氣氛唔好了....... 基金佬開始為年尾的BONUS準備, 陸續清空一D倉, 以固定自己的 BONUS, 所以現係佢地轉倉拆倉的時候了.
還有, 美金升得好勁呀, 還未確定現在係咪美金高位, 我睇, 應該還未到高位, 我都係遲D先轉美金做加仔了.
我一向都認為30%的調整後, 係入市的良機, 我最近SELL左一些PUT, 全都係那些股股價大跌後才SELL的, 個STRIKE PRICE 係52 WEEK 最高位的35%~70%, 即係調整近30%, 我才會開始買囉.
上次2020年2~3月大跌時, 我都係DOWDOW由3萬跌到2萬3才開始買入, 買到1萬9才停手. 我睇我今次都係會咁做, 3萬6歷史最高位, 我係3萬1開始SELL PUT, 用當時股價再跌10~20%才買.
除左 SELL PUT 外， 我JJ都會直接買入, 大約可能係DOWDOW 2萬8(25%調整)開始, 才直接買入, 到時睇下有乜股跌到夠低, 我才開始考慮囉.
都係果句啦, 世上無必賺錢的方法, 有時總要捱下個低價位囉, 不過, 可能今次唔會咁快反彈, 所以我唔會好似2020年果次咁進取咁快手, 今次係會慢慢買入.
哈哈哈, 可能係2020年初左右, 突區因為社會運動頻繁, 同胞國的誠信被外國傳媒大肆質疑, 就有人係我這邊同胞網上, 上傳了一個關於德國傳媒對阿大大不客氣的批評, 咁就引來好多粉紅色的某某, 來指責上傳者係賣國賊.
我都忍左班粉紅色的某某好耐, 成日都講港燦點窮點要靠佢地, 又話我地D社會運動反乜反物, 終於俾我等到發圍的機會.....
我就回佢地..... 我從未見過西方傳媒對別國的首腦咁唔客氣, 真係擔心這首腦會否再能出國門訪問?(之後就宅左2年, 最近才.... ) 能否為這國開創更好的外部發展環境? 會否被逼放棄與外邊聯系? 會否閉關鎖國? 這些粉紅某某身在外國會否變成斷線風箏?
我出左咁樣回應後, 無人回我喎, 全部靜哂!
過左1-2個月後, 阿大大開乜乜大會議後, 竟然保證"不會閉關鎖國"!
啊...... 原來這個題目, 係這2年半內不斷發酵, 又再重新成為重要火熱話題呀!
原來, 係80年代, 一直都係熱門議論的題目, 直到92年到15年, 阿大大上台初果2~3年, 人人都以為唔會走回頭路, 到2019年都無再火熱了.
都唔知係咪俾我JJ攞左番出來講, 引起一些人攞來炒番熱佢.
其實, 提醒同胞們一個咁樣題目, 係會令到佢地會諗野實際D囉. 係會令到佢地唔好咁傻囉, 諗野唔好側埋一面.
看來這個話題還會纏繞好一段時間囉.
我自己都唔知道"閉關鎖國"這4個字會咁大件事, 會拖慢左好多事情的進展, 會影左好多人的人生命運囉.
PS: 係咖, 同人漫罵是沒有用的, 同人講下道理, 讓人思想開闊少少, 唔好側埋一邊, 可能都會對整體事情會好一點, 又或拖延負面事情發生囉.
第一彈出來的, 係FDX 聯邦快遞, 年半前股價做到最高的接近$300, 昨天~$2舊, 但宣佈營業利潤指引向下, 今日就跌近$50皮(20~25%), 嗱..... 各位..... 市場上有人出價來買$100 的 PUT呀! 睇落有人睇到好愁雲慘霧咁喎.
咁..... 業內龍頭一講預計利潤營業會差, 咁其他業內的持份者, 當然會應聲下挫吧! 唔洗講, UPS 同佢係命運共同體囉, 股價被人質低近10%啦!
其他美加航空股都跌左3~5%不等, 最過癮係..... 連鐵路股又跌, 貨車運輸股又跌.....
嗱..... 可以睇到, 市場對經濟都好悲觀呀.....
我JJ都係果句, 好似股神咁講, 市場越悲觀, 越有進取的空間, 市場越樂觀, 就少左進取的空間了.
我不斷賣PUT 呀, 做的STRIKE PRICE 開係現股價的80% 到60%之間, 即係要跌20~40%, 我才需要買入.
每天我一開市, 我第一樣留意的, 就係邊隻大藍籌股跌鑊金的, 見到大跌, 就去賣PUT, 用來將來低價購入了.
真係要耐心地等候了, 家陣差唔多.... 機會每天都會來拷我門的.
PS: 以前年年都返香港, D洗費大多都係由 賣PUT 而來, 多就無呀, 一年幾千美金, 就夠我攞番香港, 大方咁用來做零花錢咁囉.
D人躺平, 做人做事無衝勁無慾望...... 社會就真係會滯了, 不過, 現在D娛樂係咪真係廉價, 飲食係咪真係平價呢? 我就有點保留了.
去超市買個杯麵都唔平呀, 由$1~4皮加仔呀! 前天我去唐人街, 順路飲番杯乜乜原自湖南好火爆的乜乜燒仙草...... 其實即係我地D涼粉囉, 不過, 杯野黃到好似泥黃咁核突D色, 味道木然, 唉, 竟然賣成$7皮加仔, 而且仲有好多人排隊買, D人係咪傻左呀?
最有代表性的, 排隊中有個煲冬瓜女仔, 人仔細細, 竟然拖住隻大狼狗, 俾隻狗扯住來行, 佢身上D溜狗配件, 都要洗佢1~2百, 加埋隻狗和狗糧, 無洗番2~3千都唔得呀.
這女仔一定唔係低慾望! 我覺得, 佢大約係低生產囉! 所有佢買D野, 全部都唔可以為佢人生帶來增值. 排隊買埋D咁野來飲, 又真係反智囉!
現在情況係D人唔一定係低慾望躺平, 而係低人生的增值, 財富到左佢地手, 唔能夠生產出更大的財富, 所以這社會現在"滯"了.
脹? 就一定, D咁無用的野, 俾班傻人搶貴哂! D錢去唔到錢生錢的方向, 換來一大批無用的物件. 搶樓搶奶粉搶期油, 唉.......
我JJ一直都自豪著, 自己一直都可以錢生錢, 係人棄我取下, 人人都驚青個市大跌價時, 我買入賺到錢.
何能大家會問, 既然杯野咁難飲, 為何去飲? 我好奇囉, 不過洗$7皮, 就可以看穿個假像, 又真係十分值囉!
PS: 有次, 我係我這裡地鐵站見到有個煲冬瓜伯伯, 推著嬰兒車上滿是一袋袋的米, 加上個嬰兒, 一定有2~3百磅, 果個地鐵站竟然無自動電梯,要果個伯伯搬車上落. 我好心走埋去搬佢一齊搬, 才見到有個好似佢個女的女人, 作狀為到減輕重量, 佢只拿走嬰兒車上佢部IPAD. 我見到咁, 難怪煲冬瓜D人, 成日話乜乜躺平, 乜乜永遠滯脹, 其實係同佢地部份人的人生有關, 可以產生幾多增值?
唉, 仲生埋個細路, 唔負責任, 個女兒又自己顧唔掂自己, 又點會唔大鑊呀?
昨天賣出的 PUT OPTION, 今天個市大跌9舊, 但係PUT OPTION 那隻正股, 不跌反升.....
即係代表乜? 昨天股價急跌係過左龍, 所以俾我可以賺到最好的 PUT 價.....
所以, 市場股價波動係常事, 理性與非理性交替, 有現金想買股增倉, 實在可以利用市場非理性波動, 賣PUT來入貨, 效果一定比直接入貨好.
係咖, 如果D PUT OPTION 可以俾我在跌20-30% 之後入貨呢, 其實, 又真係好正囉! 老實講, 個市調整, 都係講緊10-30%的跌幅, 就等如趁低吸入囉.
由今年初起, 每次見到YAHOO 上 當天的 LOSERS 時, 我都留意一下當中有邊隻值得賣個 PUT 出去, 都係果D生意長有長做長賺的公司啦, 只係短期內有壞消息, 又或股價俾人追擊, 又或好似現在咁, 市場D人驚青, 要買PUT 或 CALL 來做救生圈囉.
有錢收之餘, 又有機會趁低入貨, 何樂而不為? 缺點係唔輪到我決定幾時買入, 有時甚至遇上急速回升, 走左寶添!
這個係萬試萬靈的錢途(我用左好多年)...... 還掂自己都係想入貨, 就用PUT 來增加自己入貨的資本, 前題係...... 一定要夠錢買股囉..... 真心相信果隻股係抵買的好股, 咁樣, 就會無往而不利了.
其實, 賣PUT 咁來入貨, 令到自己入貨時更有紀律, 股價真係跌到好抵才買入, 咁樣, 長期咁做, 蝕錢機會少 , 賺錢機會大囉.
最怕係市場一個小反彈就心急入貨, 而忽略股票是否優質有長遠潛力, 這樣係最容易蝕錢, 因為市場小反彈又有, 大跌浪也不會少, 小反彈就心急入貨D人, 大多都會係大跌浪中止蝕時, 因而蝕錢囉!
大家記著, 買股票係買長期潛質和實力.... 如果係買升幅, 我地一眾小散戶係唔夠大鱷來咖, 小散戶有乜可能睇升跌, 睇得準過大鱷呢?
買股票這家野, 係無得認叻, 認叻D人就蝕錢最容易囉!
近排, 成日聽到上邊好多地方封城. 從YOUTUBE 的視頻, 看來真是有不少地方是進行封控的, 只是上邊大部份地區, 都仍是生活如常.
這頻度裡, 見到廣州和長沙都生活如常, 大有歌舞昇平的感覺吧! 最少人人都好似有工開有錢搵, 兩餐生活尚算正常呀, 不似很多視頻講佢地開實體店瓜清光! 蝕清光!
不過, 我自己就不會過於樂觀了, 始終當地一有一單疫情, 就會同其他封控地區沒有分別.
最打擊的, 是人們的信心, 一少左信心, 消費和投資就會縮左一大截了.
我自己總是覺得悲觀, 心裡感到, 在上邊這些生活如常的地區, 人們都只是且行且珍惜吧!
我這裡加記已經差唔多無乜人戴口罩了, 只有入診所和醫院要強制戴外, 公眾場所和巴士地鐵都唔再強制了, 但是都不是好好景, D人頂哂籠都只是飲飲食食多, 叫佢地購買大件野或投資, 大部份都對未來無乜信心, 都係做一日和尚, 打一日齋咁囉.
除了疫情外, 加記央行今天跟隨老美央行, 一加就3碼/0.75%, 去到3.25%. 始終, 都係好影響人們的借貸, 由0.5%升到3.25%, 是升了5倍有多呀, 相比30年前, 8%加到13%, 都只是少於1倍, 對人們的心理影響細好多呀. 我這裡的港人大多現金買屋, 所以升息對我們沒有多大影響! 不過, 對果D好似我JJ以前咁, 一手都係投資出租物業, 長期息口走勢, 又真係會好決定性囉!
不過, 我JJ永遠都係作最壞打算, 為到可能來緊的艱難歲月, 做自己最好的準備! 就算升息, 都一直在增持吸納一些優質股票, 來完善好自己的投資, 希望自己唔會滑鐵盧吧!
哈哈哈, 其實, 我生活安定, 咁就好了, 我也不用賺太多的錢, 錢多了, 對我都無乜用, 但求生活安安定定, 係百物騰貴下, 所收的股息, 對自己生活有個大一D的保障吧! 有多D安全感, 咁就已經係人上人了.
我仍然維持對長遠未來...... 負面的看法, 好多人只會患得患失, 得過且過, 但從沒有對向下走的未來, 開始做準備, 最少留多D錢係自己身邊, 又或開始買股來收息, 確保自己有更多的可支配收入.
好吧, 信心是最重要的, 做人沒有了信心, 咁就會大檸樂了!
我JJ這廿年都同網友講, 什麼是最徹底的破產? 就是失去了自信心囉! 誰人最不容易失去信心? 就是那些人...... 時常作最壞打算, 為到可能來緊的艱難歲月, 做自己最好最完善的準備!
其實, 我從來無估到美加的經濟力咁強, 失業可以咁低, 度度都爭住請人, 經濟好到不得了, 反觀果班.... 走出來講資本主義必然失敗, 共慘主義必定替代資本主義的人和地方, 佢地現在比起美加, 真係差好多好多, 雖未至於乾溏, 但佢地差唔多可以預計到在未來短時間內, 會油盡燈枯.
有人預測, 枱海會到2027年最高風險, 只是我想, 如果以現在情況睇, 差距越來越大, 時間拖得越長, 風險反而開始降低.
為何? 建造越多戰備, 越要掟錢去維修, 資源和財力越快枯竭. 相反, 老美只是掟出20年後的建軍藍圖大計, 講得好認真, 但做就.... 等對手係咪真係枯竭...... 才真正去做, 分明係要迫對手越快油盡燈枯, 差距越來越大, 對手越來越衰竭時, 那就更容易應付了.
所以, 如果1年半載都無事, 可能個風險會慢慢下降.
PS: 如果換著我畢業時, 美加係咁情況, 失業可以咁低, 度度都爭住請人, 我人生又會唔會同左? 可能到現在我都仲係打工一族每月等發薪水, 唔似得現在咁, 可以提早退休. 所以, 人生禍福無常,面對困難時, 不要氣餒, 沒有走不過的困難, 走過後, 一切都會好的.
另一個發現, 在這邊公交上, 不時見到有大媽同胞, 旁邊有個三尖八角的同行老外, 不時個老外在公眾場合下做出親暱行為 - 摸手摸腳. 我自己是個十分開通的人, 只是那些老外人品實在不好, 在公交上飲完汽水, 個罐就唔帶落車廂. 真係唔明白, 果個大媽同胞, 拖住咁樣一壇野出街, 唔會覺得丟自己架咩?
可能現在我這邊D同胞中, 有些人山窮水盡, 水深火熱, 斷左原本老家的資金來源不突只, 仲要佢地由美加抽錢回去救老家, 咁佢地就急需找個救生圈, 只是這樣下去, 佢地只會越來越差, 不會見到最差時候過左去.
歸因到底, 大有可能
2018年時, 都估到會脫鈎, 只是當時我估三五七年後, 才會見到有幾大鑊.
當然, 2020年COVID-19令到一切都更大鑊, 一切更早來到.
現在再睇清楚D, 美加經濟無乜受損喎! 反而另一邊的現況, 比我想像中更大鑊.
現在我這裡市面好好喎, 商場空置率, 比疫情前要好很多, 很多餐飲店都排長龍.
不過, 購物就差左, 好多公司都庫存多左, 商家唔敢再訂咁多來貨. 如果要講不景氣, 就係商品庫存和購物這方面的產業不景.
只是, 可能現在我這裡未開始大鑊姐, 再睇多1年半載吧!
老實講, 環球一體化咁多年, 由熊貓國入世貿開始, 要成20年先致有咁好的經濟, 但一到脫鈎後, 當然唔會1-2年就開始見到有點大鑊了, 要跌就唔會咁快跌到有野俾你睇.
大家睇唔睇到, 近排專投資創新科技D基金, 都縮水喎...... 都唔知係咪因為老美FED 縮水, 連招請科技人或工程師都少左呀!
不過, 消極還消極, 都仲有野可以投資嘛! 但係要改改投資的方向囉!
我最近放棄左隻黑梅, 改為持有隻銅股!
銅股有乜好? 哈...... 簡單, 現在銅仲好平好多供應嘛!
不過, 遲D係一個用電網來輸送能源的年代, 唔單只唔夠電, 要起新電廠, 仲要起多D供電網嘛! 乜野係電的最佳導體? 銅呀! 將來起電廠電網時, 一定唔夠銅來供需呀!
我初頭買左, 之後隻股因為個創辦人香左和間公司突然變蝕錢的壞消息, 跌左..... 我諗都唔洗諗, 再入多相同咁多的股數, 一年股息係唔差, 而且間公司仲有唔少現金!
都係果句: 再跌再買!
睇準機會, 及時出手!
近排我這裡D後生中學女生, 因為放假, 佢地又係好似我咁(我退左休), 週末就週圍走, 不少都著到鬼咁性感喎! 真係露BRA+外邊加件衫唔扣鈕, 中門大開.
通常我一見到D後生女咁著法衫, 我就擰開塊面, 無非係想表示, 咪當我係 SUGAR DADDY!
可能好多後生女 咁著法衫褲, 佢地只是出於貪玩過癮, 不過事情的發展, 往往..... 佢地有可能會變成 SUGAR BABY! 毫無疑問, 佢地將會問前來答訕的男人, 幫她們完成一些心願, 如買一些名牌或奢侈品! 當然上前譗訕的男人, 那會有任何好意? 當然係要用果個女仔來交換嘛!當然係指向壞事吧! 男的..... 對D年青女仔變成性上癮, 變成性罪犯, 女的..... 變成物慾狂之餘, 更學會向男性壓取金錢, 將會有可能會變大話精騙子呀!
真係遇上過不少自以為後生的女性, 來向我暗示她們需要什麼什麼...... 老實講, 佢地如果唔要名牌的, 去 WALMART $20~30就有交易, 又或二手店裡有得免費送, 根本不用這樣向我暗示的! 如果無錢開餐, 江湖救急, 我幫佢出錢買1~2日食物, 有乜問題呢?
我覺得..... D後生女仔著到好性感係我週圍走來走去, 有點侮辱我的善意囉! 我都擰轉左塊面了.
有次朋友介紹佢係教會認識的一個鬼婆, 不過聽這朋友講, 個鬼婆成日叫佢幫, 連游水都要我朋友車, 而我朋友唔識游水(果度仲係有巴士去到)...... 個鬼婆第一次見到我, 就指著自己對名牌波鞋穿左隆, 仲問我可以點做? 哈..... 我就教佢找我朋友攞D物料來自己補好佢......
一樣米養百樣人, 教會當然有好人, 但係立心不安的人, 也都會有, 這種人往往是教會裡的麻煩製造者, 往往利用教會裡大多數人思想單純, 來達成佢地自己的醜惡目的.
其實, 真係谷鬼氣咖, 果年係教會大堂崇拜時, 我專登坐到後邊最後一行, 有女性坐係我前排, 不斷回頭來望我! 真係唔明白D人點解唔去叫果個女性自重, 偏偏走來用"屬靈乜乜物物"來煩我, 我返教會都已經係著到好斯文莊重- 恤衫西褲, 唔會似任何花花公子嘛! 可以想像到, 這女性把口所說的一切, 都已經深入人心了.
PS: 昨天發生一件超恐怖事件, 我坐巴士落車後, 對座一同落車的一位後生靚女(簡直係MODEL一樣), 我行來行去行左2~3分鐘, 佢都好似係我前面行咁喎, 最後我入左去廁所鬆鬆! 點知出到來, 佢企左係度背對住我方向喎, 初頭我無理會佢, 繼續前行, 但好似背後有眼咁, 佢又開始再係我前邊行了, 唔係咁邪呀嘛!
我唔想理佢, 是但係商場離佢遠一D搵個位坐坐, 點知佢行埋來我度喎! 吓, 佢唔係因為我戴左口罩, 誤以為我係年青小哥, 想來溝番個男友! 見佢一身名牌, 屋企窮極有限, 唔似搵 SUGAR DADDY呀!
我心想, 自己年紀都大佢咁多, 亦都三九唔識七, 就無理會佢, 起身走人了.
恐怖的地方, 係佢行係我前邊, 好似知道我心想行邊咁, 到我心裡驚著...... 佢係咪妖女, 起身行開, 佢才無再係我面前出現(這個係最恐怖的).
聽我果個好多女的親戚講, 佢真係成日有女性直接來兜答佢. 不過, 點會有女性會知道我心裡想行邊個方向, 可以行係我前邊呢? 唉, 其實, 我果個好多女的親戚, 佢驚唔驚咖? 慢下手, 遇著個老虎乸, 或妖怪! 不過, 可能佢現在身邊果班女人, 真係老虎乸都未定了.
多年前, 有套電影叫 Species, 係講外星傳左一組完美人類DNA的訊息來, 科學家就用左來製造左個小女孩出來, 後來, 科學家見到唔對路, 想終止個 PROJECT, 點知個小女孩好似知道左咁, 逃走左出來, 好快變成一個成人美女, 仲去勾引D男人同佢生BB, 仲好似知道D男人邊個有先天缺憾咁, 邊個有完美基因咁, 專揀D完美男人.
有時, 真係好懷疑, 有些女性對男性, 是否有這方面的天賦感應? 係一種好像生理化學作用的感應! 不是說是天才, 而係想講, 係一種女性天生的反應, 只會對某些男性起作用.
係咖, 文化傳承是十分重要呀, 為何?
就以我JJ咁講, 為何在脫離自己根的外國地方, 生存到咁耐? 主要因為我有一些從港人文化而來的強項, 係我有, 人家沒有, 又或人家無咁注重囉! 就係這些港人遺傳的特點, 令到我人生可以繼續前行.
不過, 有好多人與人之間共通共有的優點, 我地港人移民後, 就一定要發渾得淋漓囉, 如友善, 求知, 求真, 主動去溝通, 守諾......
大家千祈唔好去用一些次文化來區分誰是港人, 沒有義意的, 我JJ懶得睇金庸小說, 不能證明我唔係港人嘛.
又或大家唔好..... 認為排斥當地文化, 就會保留自己港人的文化, 這個係錯覺來! 相反會令到自己茫然不知前路, 了解人家文化, 才會知道自己前路怎去行. 我JJ親身經歷說給大家聽, 保留自己港人文化之餘, 也能夠生活在人家文化之中, 兩者可以並存.
相反, 拋棄自己港人文化, 以為浸淫在西方文化中, 這些人一定撞板, 因為只有對自己文化認識通透, 才會更容易了解人家的文化, 一找到共通點, 就會好快理解到人家文化.
咿! 見到網上有人講個電視台女藝人的苦況.....
好啦, 唉, 經濟咁差之下, 再加上方丈個大台去到山窮水盡, 平時已經對棋下D藝人咁 MEAN, 現在想有好野發生, 就真係難了.
以前經濟好時, 都已經有大把藝人出去秘撈啦, 現在有乜撈乜, 係個好正確的做人態度啦.
做人呢........ 生得靚唔一定有著數呀! 最緊要揀岩條路來行, 唔好俾人老點. 不過, 唔緊要, 行錯左條路, 就唔係行過另外一條路, 天無絕人之路呀!
在此, 盼望 一眾藝人能夠順利過到這次大浪潮, 人有3衰6旺, 最重要, 能夠爬番起身, 唔好俾自己沉落去.
PS: 以前都有個做電視台幕後的鄰居, 勸我去試下機會, 果時我16歲, 係人生中最YEAH的時候了, 出街會被異性來撩呀. 不過, 一睇X氏果D明星晚景咁悽涼, 就知道內裡D合約, 對藝人演員好苛刻好MEAN; 而且, 個人做乜要俾人眼望望呢? 自己生得靚唔靚, 係自己的事, 與人無關. D人望我無問題, 不過俾人評頭品足, 我人生豈只咁LOW呢?
我果時選擇唔去試機會, 係十分正確的決定, 讀好書本, 自己機會大把, 唔撈這個, 可以撈那個, 唔洗俾D電視台電影公司來剝削, 做乜俾人揸住條頸來脅迫? 天大地大任我行, 無人可以脅迫到我!
嘩哈哈, D人好似唔怕升息咁, 一樣照樣去入市托股價.
家陣係2.5%息了, 借返來D錢無以前咁平了. 不過, FED 好似仲未縮水咁, 相比FED 話要開始加息時, 現在都只係縮水左唔夠1%..... 即係市場仍然有好多熱錢走來走去,
相比升息和縮水, 邊樣對股價最大影響? 我真係唔知了, 相信留番俾高人來講吧! 不過縮水縮得唔夠1%, 就真係好難令股價有機會跳水.
照睇, FED 意思唔係要股價大插, 但係要有秩序咁...... 令個市轉到去 FED 心目中的新 BALANCE PT.
乜野係 BALANCE PT.? 多少市場游資熱錢, 要點去加息, 幾時加幾多息, 幾多通漲, 幾大失業率, 樓價股價調整幾多, 會否導致重大衰退? 會否令到通縮?
與其說FED把關 市場LIQUIDITY 和 FED RATE, 倒不如說, FED在走著平衡鋼索, 維持著這個平衡點, 由此岸走到彼岸.
真係要睇下FED 操弄這個平衡點, 技巧和掌握的資訊有幾咁犀利, 現在D人咁入市, 即係佢地好BUY FED 的 技巧, 佢地相信 FED 一定可以用大智(經濟調控手段)來渡佢地到彼岸, 哈哈哈.....
PS: 不過, 我JJ呢, 就唔會當FED 係神仙咖喎, 人總有3衰6旺, 也有失手時候吧! 與其說FED 係無敵戰神, 倒不如說佢地係個 走平衡鋼索 的賣藝人或馬騮, 天天靠著熟練的技巧和運氣, 係條平衡鋼索上討生活吧! 哈哈哈..... 當我想到馬戲班的馬騮, 著住馬騮衣係度表演時, 旁邊的觀眾係度拍手掌, 係度買灼谷和飲汽水, 我就笑左出來了.
好多人講人係二世祖, 更有含住金鎖匙出世, 仲有係富不過3代的說法.....
好多人又講, 只有出身貧窮的人, 才會發到圍.....
其實, 我JJ認為眾生平等, 有錢人, 窮人..... 機會都係均等...... 沒有貧窮或富貴會限制想像的道理.
咁, 係乜野限制人的想像?
就係人對貧窮或富貴階層的認知, 限制了人的想像吧!
點解會有二世祖? 因為二世祖自己對自己的認知, 限制了自己的想像和發展嘛!
二世祖以為自己一定要官仔骨骨咁出街, 一定要著名牌, 一定唔好失禮自己家族!
乜...... 有錢人唔可以搭巴士嗎? 唔可以攞住環保袋去街市買餸嗎? 唔可以去咩背囊窮遊嗎? 唔可以係自己家族企業內做掃地工人嗎? 唔可以去買減價衣服物品嗎?
好多一出世有錢的人, 人生發展平平, 實在因為佢被地自己對人生和世界的認知所困.
同一道理, 出生貧窮的人, 也是被自己對人生和世界的認知所困, 乜...... 窮人唔可以去接受更好教育嗎? 唔可以受到別人尊重嗎? 唔可以取信於人嗎? 唔可以有平等發圍機會嗎? 唔可以做個有用的人嗎?
曾經有朋友同我JJ講, JJ你一出世個樣就容易被人接納, 咁又係咖, 這個係著數少少的. 最少, 我JJ係加記魁省, 任何人問路, 總會先來問我..... 唔會因為我係唐人, 受到忽視.
其實, 道理好簡單的, 自己心態決定了自己的外貌和命運, D人下下怕麻煩, 人家來問路, 唔答人擰歪塊面, 久而久之, 心態就會改變了自己給人的印象.
好簡單咖咋, 人家問路時, 見到我JJ友善咁微微笑, 人家心境會放開好多, 即係..... 自己的命運會唔同左.
又係好簡單咖咋, 人家選擇來問我JJ路, 即係代表我JJ有親和力, 機會容易找上門嘛! 咁, 我JJ機會又真係比人多喎! 人生真係順境好多!
PS: 多年前, 去果間華人教會裡, 有好多人見到人時, 就會面黑黑咁, 慌死自己有麻煩咁. 咁, 心態決定一切, 見到人面黑黑, 乜機會都會走鬼哂啦! 人生點會順境呢?
其實, 我JJ被人形容為..... 含住金鎖匙出世, 實在係因為我一見到人, 就會微微笑來釋出善意, 果種自信, 總會令人以為我係有錢人, 查實, 我JJ又唔係揸BENZ/BMW, 又唔係著到身光頸靚, 更唔會貼張銀紙係額頭上, 哈哈哈.....
主要因為世界唔同左, 基本上是因為世界兩大勢力傾唔埋欄, 老美作為世界主要通用貨幣的發行國, 係唔會再好似以前咁去放錢, 以前仲可以算係傾得埋欄, 放錢出去就令到大家彼此經濟都會做大做強. 但係一到敵對狀況, 老美當然係想用非軍事手段弱化敵方, 收緊銀根係其中一個手段, 限制技術出口又係一個手段, 當然叫自己友唔好再投資係敵方, 又係一個手段.
前幾日, 微SOFT 果個 BILL 叔叔公開講, 好睇淡未來, 佢無講明係因為兩大勢力傾唔埋欄, 但係言下之意, 大有直指當下世態再沒有彼此緊密合作.
大家咪以為傾唔埋欄, 係短時期內的事, 遲D就會有計傾! 再唔係好似發九陸肆之後咁, 過多幾年就傾得埋, 仲源源不絕的訂單和商貿. 現在這個趨勢講緊....... 無番十年廿年都轉唔到勢呀, 任何人如果諗住10年8載就可以轉勢, 我覺得這些人過於樂觀囉!
家陣熊貓國體積太大, 老美再無能力用經濟和貿易來誘使其舉國政策變得友善. 相反, 老美看到越來越不友善. 用經濟和貿易作誘使的手段, 已經被證實行唔通了.
所以, 歐美經濟減去14億生產力, 就算多番其他生產力如印度和印尼, 都無補於事, 而且, 印度和印尼同熊貓國, 比同歐美, 有更多更大的協同效應, 佢地只會越走越埋, 而唔會走左去幫歐美.
投資對我JJ而言, 將會係越來越保守, 唔會再諗住好似這廿年咁, 咁快有成績睇. 現在開始, 每年收D息回來, 夠生活後, 儲到果D錢+資本增長, 夠抵消通脹, 咁就已經係大贏家.
當世界上沒有平錢時, 大家叫我JJ加大碼去買股, 都係咪攪我了, 係咪? 我JJ這個 SMALL POTATO尚且如此, 更何況係大商賈, 大投資家呢? 當然係一個縮字缺啦! 仲洗問?
前幾天去超市, 見到有東方人從自家私家車上, 卸下幾大黑色垃圾袋的汽水罐.
本來都無乜野的, 有D人懶, 好耐無清走家中汽水罐, 但係一睇垃圾袋十分殘舊, 看似已經用了多次, 即係...... 佢地收集街上公眾垃圾桶內的汽水罐, 拿來超市換錢.
疫情下, 佢地這樣做..... 都見到佢地戴上口罩和護面罩.
本來我都唔覺驚訝, 都無乜野, 好過人家坐係度無所事事..... 有D世藝都好.
只是不相襯托的, 他們的車子係 3~4年新的INFINITI, 很新很貴, 用來咁攪法, 就有D叫人唔知點.
相信佢地就唔係搵世藝來做, 而係突然有經濟難關, 可能唔只有樓按, 仲有車會要供.
聽說現在好多同胞斷哂佢地由老家來的經濟來源, 這個就真係好令人擔心了. 因為, 就會見到好多人的生活開始沉, 而且會令好多人互相拉扯牽扯, 人與人之間的關係會差左.
我父親成日勸我, 唔好理人地, 但求自己做好本份, 過好自己生活就得了.
咁又係, D人自己唔好好地處理自己的人生, 係佢地自己的問題, 就係佢地自己做錯了.
見到咁情況, 我心裡對以前去開的那唐人教會, 心裡打了個突, 內裡必定會有些人大大鑊了, 現在才是經濟開始向下走, 唉, 還有漫漫長路走下坡, 將來只會越來越多人出現問題.
對於我來講, 面對和解決自己的困難, 並不難, 唔去理會其他人, 也不難, 但這個是否透視日後我地港燦會否咁樣? 尤其當突區對外的錢路一下斷左.
所以, 都係.... 本地資金鏈獨立, 本地收入足夠支付本地的開支最要緊, 唔好靠突區老家來的資金過日子.
其實, 我JJ這幾年夏天天暖時, 去唐人街食飯, 都有個習慣, 就係買左D野後, 就坐係唐人街入口旁果D休閒坐櫈度飲野食野, 用意係同唐人街做做宣傳, 等過路D人見到我食唐人街買D野, 就會提醒過路D人入去唐人街消費呀.
不過, 咁做有個唔好處, 就係...... 任何人都可以來打擾我, 更會有人走來問我攞零錢江湖救急啊! 都有好多次, 真係有十幾歲的年青女仔, 走來問我請佢去飲茶..... 唉.....
咁, 我一向都唔會係唐人街左近, 俾錢任何人江湖救急, 因為擔心會招惹到更多唔三唔四的人入去唐人街, 我原意只係想等多D人入去消費, 而唔係製造唐人街左近更多麻煩.
前幾天, 發生一件事, 實在令我太情緒低落了.
我又係係唐人街入口旁邊D休閒坐櫈度飲野食野, 有個看似華人露宿者走近我, 本想問我攞零錢, 但佢睇清楚我後, 好似認得我, 可能係以前識得D人, 就無行埋來了.
我初時都無留意佢, 直到我食完(近年我胃口細左, 好多時都食剩D野), 剩下1/4...... 就將食剩果盒野丟係垃圾筒.
點知, 剛才果個華人露宿者, 走去攞起來食哂佢.
唉, 幾時加記社會變成咁窮? 其實江湖救急呢, 佢唔係唐人街左近問我, 我一定會買D野俾佢食喎! 一定唔會俾佢洗二手飯呀!
真係心裡十分難受, 我JJ幫唔到佢..... 唉, 實在比我自己變成佢咁, 仲要難受呀!
還好, 見到佢食完我D剩野後, 佢點起支飯後烟, 證明佢有錢買烟, 無錢攞來食飯, 都係唔抵可憐喎.
不過, 之後, 我醒起一事, 果個華人露宿者可能我以前識得佢, 所以佢無來問我攞錢.
諗深一層, 唉, 可能果個華人露宿者真係精神出左問題, 照理係唔會係唐人街左近問人攞錢, 人要面, 樹要皮呀.
我心裡突然想起一個人臉, 那人以前係教會好有信心和活力的, 係人面前常常都形象十分正面.
真係希望唔係同一個人, 照理任何人係加記貼地去做人, 都唔洗行乞呀! 唔洗攪成咁樣呀! 絕對唔洗食人二手飯! 除非佢精神出左問題!
查實, 我真係好驚有一日, 我JJ精神出問題, 就算有多多錢, 都會變成好似佢咁. 所以, 做人都係諗開D, 開開心心過每一天, 唔好有精神問題呀.
接連上一篇文, 都係講將要來臨的難日子.....
這些難日子, 就算連無負債的人, 都不能幸免, 只是這些人會無咁難過日子囉.
點解? 因為很多人的金融資產, 是其他欠債人的債務嘛, 龐大債務風波一打過來, 債務人大大鑊, 無錢還, 變壞賬, 有資產的人就會身家縮水喎.
好簡單, 例如: 我JJ手中的保險股金融股, 因為其金融資產縮水, 而股價跌嘛! 甚至我JJ手中D工業股藥業股, 因為加息而融資成本高左, 利潤少左, 股息又跟埋少左.
當然係會比其他人無咁痛, 但都會受到影響, 所以我JJ絕不會對其他人幸災樂禍! 就算以前我係那華人教會裡, 提醒D年青人唔好先洗未來錢, 而受到惡言相向, 甚至人身詆譭, 我到今天都仍然希望別人生活得好, 開開心心咁過日子.
只是, 將要來的難日子, 我真係要提醒大家注意啊! 唔係講玩, 仲係唔會幾年就過去, 係講緊十年八載裡都唔會方向改變, 係來緊十年八載裡, 沒有最差, 只有更差.
相信我JJ, 現在身體和精神健康, 比什麼都要寶貴! 身外之財, 縮左水, 無左, 就要處之泰然, 唔好令自己健康和精神受損.
PS: 係咖, 真係要分清庄閒呀, 人家係庄, 我地做閒D人, 換轉邊個都好, 都要跟住遊戲規則去走! 才可以保本保命呀!
有網友問, JJ你成日話世界變左, 唔再一樣了, 咁變成點呀?
哈, 大家有無諗過? 90年代, 老蘇崩潰, 上邊開放國門, 老美國家安全可以鬆D, 可以開放俾上邊來做生意.
其實, 好簡單咖咋, 唔係大約變返好以90年代之前50~80年代時光囉.
那時相比最近過左果30年, 果時, 唔係人人大富貴, 貧富階層D生活係好分明的, 比現在更分明. 點解? 信貸寬鬆左30年, D人要買貴價車奢侈品, 借錢係容易好多咖! 咁, 近30年來D人無錢買全架貴車, 咁唔係可以借錢分期供會囉! 但舊時係難借錢好多喎.
咁, 信貸唔寬鬆, 亦都令其他初創公司難D發圍呀! 即係乜? 經濟發展會慢左囉!
也令到通脹高左, 容易跌入滯脹當中, 有些貨品如中級低級消費品, 更會慢慢變成通縮.
發圍機會少左, 咁..... 唔係會有更多蘇絲黃D 風塵女子.
咁, 返去以前D日子, 即係叫大家唔好紙醉金迷, 投資時唔好諗到天花龍鳳, 好多投資係唔會咁快見到成效. 我JJ近來成日同自己講, 我JJ係2020年3月買D油股, 無錯係好好賺, 但係這個根本就係千戴難逢機會, 之後, 好難再遇上返咁樣賺錢機遇囉!
PS: 近排, 我成日問自己, 如果我係老美FED, 在時勢回到90年代之前, 我會點做? 當然唔可以再好似近這30 年咁操作, 我一定會來個 MONETARY RESET, RESET 返去90年代前的操作.
MONETARY RESET 會否痛苦? 會否漫長? 會否有好多人大鑊? 痛苦一定會, 漫長? 唔..... 其實, 如果唔想咁多人一下大大鑊, 咁, 唔係拖長D囉!
老實講, 我JJ就算這30年裡, 都只會投資係D民生實業股囉! 現在D磚頭股, 係咪再係基本民生呢? 磚頭本身會否已經變左做奢侈品? 真係要諗清楚D了!
係將要來臨的MONETARY RESET裡頭, 唔單只要自己好好投資理財, 仲要好好順應好自己情緒, 身體健康係最重要.
前幾個星期, 有人仲同我講, 上邊應該點點點去信守老鄧定下的承諾和規舉.
嗱, 我JJ就唔係話上邊無信用, 而係大家港燦想法上, 一直都有少少盲點. 係乜?
用一個..... 發達/開放/民選/資本主義的社會, 來想著上邊會係突區點做!
馬照跑舞照跳, 係一個承諾, 保留突區原有的資本主義或制度, 也是一個承諾, 但是沒有保證, 突區政制發展會照著西方社會廿幾卅年後今天的模式, 來發展喎!
其實好簡單一件事, 上邊有6億人無金融信貸, 中產以下係講緊10億人以上, 中產人數可能連2億都無. 試問, 如果真係一人一票來決定上邊的政策, 真係擔心上邊會否變返做大鑊飯年代呢?
上邊唔透明, 返而佢地制定D政策時, 仲可以矇糊化, 可以唔多覺咁, 保留2億人不到的中產階級, 保存用來跟發達國家拉近的發展方針.
係咖, 老鄧當時承諾是十分美好的, 目的是想來讓一眾港燦安心, 只是實際上, 一切都好骨感囉! 上邊還有咁多人都未脫貧, 未步入充裕, 談何讓一人一票來決定國家未來呢?
上邊仲未發達, 普遍民智還未開發, 老鄧佢老人家的承諾, 當然道盡好多老輩共儻的正面意願. 只是一眾港燦咁多年來, 都用錯左想法, 來理解這些一切承諾. 真係十分認同好多港人捐錢上去辦學校, 因為上邊社會發展得好, 才能保證突區一切會好.
其實, 我廿幾年前, 都已經明白這些對港燦的承諾, 其中帶有的盲點, 也明白到一眾港燦理解這些承諾上, 也有盲點. 就是這些差異, 某些繁榮安定的美好現像, 都只是鏡花水月, 將來事過境遷之後, 就會把一切鏡花水月, 修正返回上邊認為的正軌上.
2003年, 有網友叫我回流, 其實, 現實是十分骨感的, 好吧, 人脫離了現實的意願, 在短時間內, 總會好過癮的, 但係時間一長了, 一切都會打回原型. 上邊單單這40年的人口結構, 就已經講出好多野了.
我JJ投資股票都係咁, 睇間公司現在的條件, 可以做到幾多生意 賺到幾多錢, 而唔係幻想將來會變成天花龍鳳. 間公司條件唔夠, 係做唔到, 就算將來都做唔到嘛.
好啦, 對於我JJ來講, 一切都要睇開少少, 好多事真係無法去改變, 與其無奈, 人生不如去且行且珍惜, 開開心心過每一天, 就係最佳選擇了.
有人說, 我JJ唔應該唔再去以前果間華人教會, 其實, 同我選擇移民和唔回流, 同我點去揀股, 都係同一道理, 在某些客觀條件之下, 將來10年20年我會點? 我會否更有把握上天堂得救? 其他同我一切入去教會的人會否得到真道而得救?
近排這裡油價好Q貴呀, D人又話通脹/滯脹, 又話高速經濟增長的年代已經過去, 未來經濟會行低速, 噓, 我JJ都係決定唔好再心思思, 成日想入貨, 都係等定D先了. 今次真係同2020年果次好唔同, 跌左就唔會咁快彈番上, 所以我都係咪咁心急執平貨了, 可能遲D仲平呀!
叮...... 俾我諗到出遊新好橋, 就係去買張 PASS, 呢..... 就係好似香港九巴的月票咁, 我2018年回港時, 剛剛推出喎, 我就係咁..... 可以搭埋隧道巴過海去香港仔食魚蛋粉呀! 當然可以上埋元朗上水食雞粥. 不過香港九巴果D唔係無限咖, 一天得十程+來回雙程B-1上深圳.
我這邊D PASS 真係無限咖, 任搭唔限幾多程, 不過有地區限制, ZONE A 到 D, 只可以搭 ZONE A. 而且唔止月票, 仲有週票, 三日票, 週末票, 一日票, 連夜晚票(6PM - 5AM)都有. 但係最近發現左, 週末票係可以去洒ZONE A-D喎.
近排我唔揸車去太遠, 只會揸車出去搭特快巴士出去搭地鐵, 四圍去貢下囉.
所以, 我這幾日都會少D出文呀! 大家唔洗擔心我呀!
我JJ屋企左近雖然唔算係富有區, 但係算得上係中產以上.
咁, 這幾年搬左好多同胞入來, 咁, 佢地真係個個都揸部貴車, 好似係入住這裡的會員資格咁, 其實, 我JJ由入住這裡後, 都係揸部日本仔車, 而且部部都揸足十年以上, 才會換車, 我都省得花心思去從新適應新車.
好時年搵錢容易時, 我JJ將D錢全部攞洒出來撥, 攞泥錢搵錢, 係低息低通脹下, 咁樣先至可以幾何級咁發大自己的資產.
唉..... 近來再見到D同胞, 個個揸貴車, 面上心情總是十分凝重, 我係街上休休閒閒咁行路, 佢地總會慢下車來睇睇我, 睇下我點解仲可以咁他條咁淡定咁之油.
係咖, 佢地老家經濟大插水, 聽聞佢地大部份人都未做到本地資金獨立, 即係..... 佢地有好多供款和生活開支(車貸屋按), 都係靠老家D資金來填補.
好啦, 好時年搵錢容易時, D人仲可以戇居居咁來蹉跎歲月, 但到左現在嚴重滯脹水浸眼眉時, 就再唔係戇居居的時候了.
諗起左近一個開便利店的同胞, 佢點艱難, 都要有部貴車, 聽聞佢一到週末, 便利店俾佢個仔來開, 佢自己就揸部貴車出去, 同其他區D同胞講, 佢係有錢區開便利店, 仲同人講生意好好. 唉, 其實, 佢便利店都係蚊頭小利, 將辛辛苦苦賺D錢, 用係D咁無謂地方. 佢每天8到10咁開店, 同坐監無分別, 一世人就係便利店咁過?
PS: 其實, 這些同胞都未算最大鑊, 最多唔係大屋換單位, 貴車換美國車囉! 我反而覺得, 最大鑊果班友, 係係教會裡頭果班. 經濟好時年時, 佢地連細單位和美國車都未攪得掂, 仲做埋洒D唔等洗野(有些人更係做埋洒D損人不利己野), 到左現在長期(講緊十年或以上)滯脹經濟低迷時, 佢地好多人連自救都無能為力呀!
唉...... 做人總係要對自己負責任, 任何時候做人都要誠誠懇懇, 敬業樂群, 尤其, 現在就快經濟大檸樂時, 更要做個踏實的人, 心裡長存善意, 才會過到將會來臨的大艱關.
哈..... 真係奇事日日有, 最近有人提議, 係嚴重通脹/滯脹下, 用大槓桿去買磚頭或地慘股喎!
哦..... 哦..... 哦.....咁做法呀? 風險係咪好高呢? 嗱..... 值唔值得咁去冒咁大風險呢?
我JJ曾經投資過出租物業, 果時係低息低通脹喎! 低息下, 我可以快D還完個按揭; 低通脹下, 我維修或營運成本長期都係低位喎, 即係搵錢多左, 成本又唔升得快, 咁樣, 我JJ就容易賺錢了.
現在係講緊滯脹喎, 即係所有基本的物價不斷上漲, 而消費品就算減價都無人問津喎, 就真係要睇下, 舊磚頭係咪基本需求, 還是消費品了!
通常, 滯脹下, 只有投資係基本需求, 係保到本! 其他果D都吾好做呀! 做乜..... 就損手係果範!
嚴重通脹下, 怎會唔加息呀? 一加息, 大佬..... 一切投資成本就會升高, 慢下手, 利息開支大過磚頭的升幅, 咁就大檸樂了.
現在仲麻煩添呀! 係滯脹呀! 好多消費品無人問津, 唔會升價喎!
嗱.... 我JJ一向鐘情於實業股, 就係做基本需求果D野啦, 無論做藥廠又好, 賣車保壽保物業保又好, 做洗頭水又好, 發電廠電網又好, 做薯片做餅干又好, 又或做超級市場都好, 都係民生所需, 都係可以抗滯脹囉! 這些股一定比其他果D, 更能保值!
之但係, 唔好槓桿了, 袋中幾多錢, 就買幾大個倉啦!
滯漲對於退休人仕..... 會係D乜? 好簡單, D積蓄越來越唔見洗, 應付基本生活下, D錢洗得越來越快!
咁...... 滯漲對於果D靠食股息的退休人仕..... 會係D乜? 有可能原本計岩哂數, 淨收D股息就夠錢退休, 但後來D股票股息在通漲下縮水, 就開始唔夠錢洗.
最近有人講, 叫D人唔好退休, 可以做到幾耐得幾耐, 咁...... 我真係讚成咖! 可以繼續做落去, 就做落去.
之不過呢, 做野呢, 可以有好多種喎, 嗱, 其實KEEP D 股票來收息, 都係"人生繼續走"的一種做法囉!
李+X佢九吖幾歲, 都唔退休, 佢果D唔退休, 係繼續做投資決定囉! 係嘛? 佢唔係揸個鑊鏟去炒野嘛!
同一道理, 退休唔係當自己癱左矇左嘛, 都仲係跟住個社會同步來走吖嘛! 繼續參與社會上的經濟活動.
嗱, 我JJ這種退休呢, 係靠收D實業股股息來維生的..... 這些股息, 後生時由每年收得1~2千起, 之後咁多年, 一儲到錢, 就再買D實業股, 慢慢加上去, 加到2018年決定辭職唔撈時, 我當時收D股息收入, 係我日常開支的2~3倍了. 咁樣..... 以當時通脹來計, 就真係可以肯定應付到日後通脹下不斷增大的開支, 尤其, 我收D股息洗唔哂, 就用來再加碼, 再買落D實業股度.
當然啦, 這些實業股係優質好股票, 就係果D生意長有長做長賺錢果D, 而且生意有著不錯增長, 有一定的市場優勢, 這樣才可以把不斷升高的成本, 轉嫁給別人, 才能發放給我穩定的股息嘛, 我JJ認為...... 泥D股票絕對可以抗拒到將會來臨的滯脹大潮.
真係要承認自己年紀大左, 就好多野要慢落來, 唔好再催促自己再好似後生時咁快手. 我2017年年頭知道自己快要慢下, 就開始賣出哂所有D出租物業, 2018年更辭職唔再撈.
但係之後好多投資決定, 查實比出租物業和打份工, 牽涉到更大的銀碼囉!
完美的退休呢, 其實係把量變質囉! 退休前, 要面對好多人, 每天都要做很多決定, 量多囉, 心思集中唔到係D最重要的事情上邊! 退休後, 唔需要面對太多人, 心思可以集中係D重要事情上, 心水會清靜D, 容易集中到精神去做更重大的決定, 這些就是質了.
其實, 打份工, 又或管理好出租物業, 係好花心思的, 後生時面對蚊頭小利, 當然要誠誠懇懇, 敬業樂業呀! 但係做到股息收入高於1.5X日常開支時, 就可以開始考慮一個完美的退休了.
不要忘記, 嚴重滯脹下, 並不是沒有發圍機會, 而係果D發圍途徑改變左, 同之前果30年全球一體化下的時代, 唔同左. 就需要自己心水好清, 心思好清靜來想通佢.
PS: 好多人講嚴重滯脹, 要KEEP住D 出租物業來保值, 我JJ可以好負責咁同大家講, 係加記, 租務法律係用來保障D弱勢人仕, 業主永遠不被看成弱勢人仕. 租金增幅永遠追唔上通脹呀, 即係, 投資出租物業果舊錢, 如果唔槓桿佢(有按揭), 舊錢相對通脹來講, 係會越來越縮水呀! 尤其嚴重滯脹下, 租金增幅係一定追唔上嚴重通脹喎, 投資筆錢就越來越縮水呀, 而且仲要花心思去管理, 實在得不嚐失呀!
其實我JJ係個好夠運的人, 我揸出租物業時, 係低息低通脹的年代, 出租物業係賺到錢的, 但一到高息高通脹, 加租又追唔上通脹時, 投資出租物業的風險就會大增.
不過, 都幾長, 成個半小時, 不過, 又有D POINT 引發思考的!
見講者對滯漲悲觀, 無力去抗拒.....
但我都係維持我一向想法, 面對滯漲, 就要去買更多優質好股票, 就係果D生意長有長做長賺錢果D, 而且生意有著不錯增長, 有一定的市場優勢, 這樣才可以把不斷升高的成本, 轉嫁給別人, 我JJ認為...... 泥D股票絕對可以抗拒到將會來臨的滯脹大潮.
不過, 這些股票大多係大型基金愛股, 攪到這些股票個 P/E 較高, 個YIELD 低到..... 2~3%, 以前息低通漲低, 就話無問題, 家陣大家要等基金拆倉轉倉時, 股價調整時, 買入才有肉食了.
最後, 祝大家好運.
哈哈哈, 係咖, 我2020年3月買果D股仔, 真係賺得唔錯了, 不過, 我當時只係諗住唔蝕錢, 用來保值保本. 所以..... 現在變成賺左$$, 我心裡都明白, 大多只係自己十分僥倖, 前路就更加要小心了.
我大概就算唔賣哂, 都會賣出一大部份油股, 不過, 一年內咁賣法..... 我要俾多好多稅, 因為加記這邊係漸進稅率呀.
我諗我都係油價未跌之前, 或老烏老俄未講和之前, 將D油股賣咁D佢.
本來我諗住2020年買左後, 就揸係手唔賣, 點知現在升到咁勁, 就一定最少要賣咁一部份了.
唉, 人生總是患得患失的, 現在擁有的, 賺左的, 都怕會有一天失去, 不過, 既然知道自己是僥倖, 那麼得失就要放輕一點好了.
我賺左錢, 已經係好幸運了, 賺多賺少, 都不應太在意. 就算俾多D稅, 唔係俾錢加記政府去幫多D有需要的人囉.....
做人都係心裡不要抱怨, 多點去從好的方面去思想, 這樣人生總會好一點呀! 總會見到神的祝福和保守, 總會心裡滿有由上而來的喜悅!
計謀多的人, 有乜缺點? 知唔係.... 患得患失, 過於珍惜手中已擁有的東西, 而唔敢去冒風險, 去攞將會來臨的機會和利益.
歷史上何人係咁? 韓信囉, 太過著眼於現在已有的一切, 唔想再冒新的風險, 還諗住可以好好享受現在擁有的一切.
記起好耐之前一首電視歌仔 - 俠盜風流主題曲, 提醒自己, 面對天下大變局時, 做人要洒脫一D, 要向前看, 唔好婆婆媽媽咁, 越係婆媽, 越難作出決定, 越係坐失良機, 現在擁有的一切, 都會失去.
歌詞:
塵埃紛飛滿江湖，漫步渡過千尺波浪，
問君記否輕舟去後，誰為你常盼望。
浮生畢竟要假瘋狂，漫步岸邊看碧浪，
浪跡半生，千金散盡，仍舊好風光。
正揚帆，風正吹，飄然走遠方，
醉中看，風雨暴，何妨又把刀劍闖。
潮水有高低，來去匆忙，浩瀚情海不到岸，
花開要嬌艷，杯酒香撲鼻，何妨尋樂醉臥山崗，
決定時，休怯荒，明日醉醒刀山闖。
今日係陸肆正日, 就令人想起好多事, 撥玖那一年係皇帝腳下發生的事, 我從不會度念, 只會感到好慶!
咁..... 慶D乜.....? 咁多年來都仍然仲有咁多人咁蠢....仲要走出來表忠.....? 禁人家來度念? 以前俾人來度念的目的, 根本就係用來麻木你班友D神經! 係咖, 現在唔係表現聰明的時候了, 而是表現絕對忠字的時候. 或者有人問, 表忠買個保險有無用? 幾廿年來, 大跳忠字舞果D有無好結果呀?
不過, 度念果D人仲蠢(除了感情揮發外), 即是仲相信人家果套制度! 仲以為大家謂威為來圍爐取暖會有用! 仲相信可以喊死對方! 仲未驚覺到人家22年後才圖窮匕現的果種處心積慮! 仲以為人家係流野!
嗱...... 我JJ應該係無咁慶果個, 因為我移民加記後, 一走就頭都唔回, 一直係加記搵食, 無聽D人老點..... 話乜乜"上邊好, 突區就更好", 從無諗過舉家回流突區有著數, 又無因為上邊經濟升就去買任何忠字股(我連老美上市果D都無買, 連黐DD果D基金都唔會買), 更無係突區置業成家, 更唔會好似D人咁, 多年來仲揸住突區層樓, 諗住升幾多幾多倍. 我直頭同上邊脫左關係咁! 更沒有俾機會人家來係我面前圖窮匕現, 更不會讓人家來當我係待宰綿羊.
一個二個揸部BMW 或 BENZ 出來, 就以為自己高人一等, 係咖, 高人一等的高級9菜吖嘛! 割就割佢地先囉!
前幾排, 仲有人來同我伸張乜乜大義, 我就同佢講, 要徹底解決問題, 絕不會一時三刻之事, 我就勸佢係加記好好地生活, 保留或儲好自己實力, 一切事情到最後, 都係睇實力!
無實力, 就會俾人老點, 俾人來宰割, 俾人來麻木神經, 到最後, 俾人過橋來扮演表忠的好戲.
2件事..... 乜係世紀大變局? 乜野係我JJ自己的死性!?
1. 世紀大變局 - 供應鏈大改變, 上邊再不是世界工廠, 而其他國家唔可以短期內替代到, 又或永遠不能替代到. 通脹會長期升, 現在大升後, 升幅會變慢, 但未來10年D物價, 升1~2倍就不要驚奇呀.
即是我JJ現在收收埋埋D股息收入, 在不久將來, 購買力將會減半或得番1/3, 除非我股票倉裡D實業股, 跟住通脹來升, 股價和股息跟住升, 不過, 問題又來了, 就算我股息收入相對購買力, 可以維持到, 但收入多左後, 按照加國遞進稅率, 越高收入越高稅率, 就會俾更多稅, 即是我最終都唔會維持到現有的實質收入.
無論智愚, 無論老幼, 無論貧富, 在這世紀大變局中, 都會係輸家囉, 除非果D政策制定者和他們的建制團隊, 才會越升越高囉.
我JJ唯一能做, 又或唯一會提議別人.... 去買更多優質好股票, 就係果D生意長有長做長賺錢果D, 而且生意有著不錯增長, 有一定的市場優勢. 果D股票絕對可以抗拒到將會來臨的通脹大潮.
2. 乜野係我JJ自己的死性!? 哈哈哈, 大家見唔見到我上邊寫左D乜, 之唔係就係我JJ的死性, 諗野十分邏輯, 十分有前瞻性, 又太杞人憂天. 但係少左人們那些情感...... 喜歡自己做好自己事情, 唔多理會別人, 唔多刻意去氹其他人開心. 尤其世紀大變局裡, 邏輯思維不是不重要, 但更重要的, 係EQ, 能夠駕馭到惡劣的心情, 不讓惡劣的心情破壞了自己的大事.
係咖, 良好情緒是十分重要, 比邏輯思維, 料事如神, 更加重要. 不需要一等一的邏輯思維和料事如神, 第二等的邏輯思維和料事如神都已經足夠了, 在大風大浪當中, 唔好迫到自己埋牆角, 相反, 要給自己天大地大任我行的心思, 這樣才會過到這個世紀大變局, 並且獲利高升.
PS: 睇番我果個身邊好多女人的親戚, 真係好羡慕佢, 唔係因為佢女人多, 而係佢EQ特別好. 例如: 佢俾女人眼望望時, 佢係唔會好似我咁, 會有心理壓力, 都可能係.... 佢無去教會, 無宗教信仰吧!
所以, 我JJ到左咁年紀, 凡事都係要睇開D, 唔好咁緊張!
2018年仲未係咁敵對時, 我網上同人講, 老美已經把上邊看成"戰略對手", 後來被上邊"箭囊"一番後, 唉..... 就榮升為頭號敵人了.
其實, 我咁講原意(從來都無認為上邊會滅亡喎), 我當時都講左, 上邊會更歇斯底里, 會更收緊一切, 叫大家小心, 唔好企到咁出位, 有乜野就搵路好走了, 當時上邊都仲未會唔俾人走的, 也未會拉人等上庭來審.
好啦, 同一道理, 老美現在把上邊看成頭號敵人, 來圍堵上邊時, 我JJ都係果句, 大家小心, 唔好企出位, 唔好把一切升溫, 為何?
首先上邊大多都會潰而不崩, 向下走, 但無番十年廿載, 都未會冧檔, 而上邊看突區呢, 無事無幹, 唔影響到佢地, 佢地大多希望突區保持現況(我估), 貨幣掛鈎對佢地有利D, 就算到左佢地冧檔, 留突區係度唔變, 給佢地自己多條路可以選擇走.
至於老美呢, 佢地係度圍堵上邊囉, 咁, 始終都需要一個像樣少少的交接地方, 同上邊交流, 做一些係圍堵以外, 但又要同上邊非做不可的事情.
我JJ最擔心的, 不是這2股外力, 而是突區由內陷包散, 由內解體崩潰, 現在上邊唔似以前咁靠突區來集錢散錢, 尤其被圍堵後, 突區對佢地的功能少左, 佢地也少左意志來維修突區的順暢運行, 尤其, 上邊都己經一頭煙, 真係擔心佢地無力來維持突區社會的運作.
好啦, 我JJ作為前度港燦, 見到大家選擇留係度, 我都希望大家生活安好, 所以, 我會希望上邊唔好冧, 有餘力來維持突區運作.
PS: 不過, 有一點可以肯定的, 現在已經有人暗中佈署創建一些地區功能, 又或一些前政府班子和財團, 對突區事務交頭接耳, 準備跟上邊作某種妥協和配合. 這些地區功能和班子, 假若在上邊冧檔時, 都會可以頂住突區的正常運作.
哈哈哈, 其中一樣係...... 找個女友!
為何? 嘻嘻..... 全因為疫情期間, 好多人無得四圍去玩, 尤其社交圈子窄左, 悶起上來, 現在一解封, 就特別想要找個親密朋友呀!
為何我JJ會感受到? 其實, 疫情下要戴口罩, 現在係街上唔洗戴了, 就真實感受得到 果D 化學作用了, 單身女性一行經過我, 我就感受到對方果D眼神和化學反應.
嗱..... 這方面的感受, 只有好似我JJ這種人, 才可以講到俾大家知道.
大家可能會問, 對方係我JJ面前, 有咁既化學反應, 原本只關我JJ事, 關大家何事?
其實呢, 女性對男性開始有化學作用呢, 係一種泛趨勢, 因為女性好想有個親密朋友, 任何男性向佢地主動, 機會都會大增咖!
大家可能又會問, JJ你點解自己唔去做呀?
噓, 我JJ超左齡吖嘛! 搵個女友係我旁邊, 實在太煩惱了, 太花精神了, 一時又要帶佢去乜處乜處玩, 一時又要開解佢心情唔靚, 一時又要同佢去乜處乜處食野,大家話啦, 我年紀都唔細了, 我真係無咁多精神來磨菇磨菇呀!
所以, 如果大家仲係係適婚年齡呢, 大家就快D緊捉機會了, 找個女友回來, 這樣人生才會充充實實的.
係咖, 我JJ搵到生活安穩, 但人生唔充實呀, 都係俾班混人累的! 年青時有精神有時間, 點知俾人整古, 所以, 大家要遠離混人呀! 去識番個女友, 咁就 WONDERFUL了.
發現到, 原來我D夏天衫褲特別多, 查實加國夏天係好短, 我初初來到時, 只有短於1~2個星期的日間係30度以上, 現在夏天長左, 30度天氣會長到3~4個星期.
買左咁多夏天衫褲, 原本係諗住..... 賣左出租物業後, 再提早退休, 就可以一年幾個月係香港過, 點知家陣咁情況喎.
D夏天衫褲放係度, 等於浪費了. 昨天才丟哂D前幾年著返香港D舊衫褲, 留下新淨的下來.
又把果D窄左唔岩著的新衫褲(因為這2年疫情少出外, 發福左), 捐出去俾人.
唉, 真係有D傷感, 買衫褲果時, 興高采烈, 仲諗著返去四圍去玩, 估唔到家陣...... 會係咁情況, 實在好傷感了.
單單睇睇這2個YOUTUBE 視頻, 見到咁多現在空空的原旅遊設施, 就知道上邊會係點大鑊了!
第一個係雲南大理, 我2012年去時, 見到當地D人好肯洗錢, 哈, 現在就.... 這位姐姐仔話佢自己精神唔好, 硬係啦, 見親D老闆們都走哂佬, 淨番D空屋係度, 點會開心? 佢不如搵番個人來圍爐取下暖啦, 一個人孤零零, 心情一定唔會好呀!?
第二個視頻係西藏阿里地區的一個商場舖位, 全部都空哂, 任由這位踩單車哥仔入去搭營來露宿. 這位哥仔係西藏, 差唔多日日都有丟廢的空屋來入住. 真係可以看出, 上邊D空屋廢屋破屋有幾嚴重!
第三個貴州古鎮, 是中國十大古鎮之一, 往時仲人山人海的旅遊區, 現在靜應應, 連遠方雞嗚都聽到. 鎮上大量店面低價轉讓, 又或已經倒閉了, 留下店面給人來接手.
我JJ係網上講, 初初移民來到, 大家就要保守一點, 唔好咁心急, 咁進取, 尤其去攞真金白銀開舖做生意, 但求打份工, 守到最初2-3年, 等到摸熟到做生意路數, 才好進取一點.
但有人回我: "除非有好多錢，否则那有可能慢慢適應!?"
唉, 其實這個都係香港傳統思維啦, 講真, 現在香港都唔可以咁心急, 攞真金白銀去開舖做生意啦, 始終香港現在營商環境同歐美, 越來越似, 蝕錢容易賺錢難.
D人初初移民來到, 又唔係投資移民, 就咪攞真金白銀去開舖做生意啦, 唔知頭唔知路, 好易蝕. 講真本地人都好多做舖做生意做唔掂. 現在係大公司一班叻人才做得掂!
尤其錢少D那些朋友, 移民過到來, 就咪冒險, 盞蝕左佢. 而且蝕左之後, 好難再儲夠本, 再東山再起,
我生活係加國卅年了, 認識到, 係高稅國家做生意, 蝕錢容易, 但係賺錢難(咪以為請人回來就唔洗自己做), 尤其初到埗唔熟門路, 蝕得仲快仲甘呀. 相反, 打工可能賺錢同樣難, 但封左蝕本度門.
PS 1: 多年前, 係那唐人教會裡, 聽聞一位寡母婆, 帶著一對青少年兒女來做投資移民. 佢透過移民仲介公司, 合股一個酒店+酒樓項目, 位位投資人夾25萬, 當時90年代初, 話多唔多. 但不到3年就蝕哂, 渣都無得剩, 還好彩, 位位投資人成功過到D投資移民條件, 成功入藉. 還是不幸中的大幸, 當係用25萬買個加藉吧!
不過, 當時如果任何人開間細餐館, 點只25萬呢? 仲要自己落手落腳做, 都仲好麻煩.
我屋企因為早早伸請, 無乜投資移民條件, 但求我地過來長住就得了. 唔洗立刻做生意, 我可以慢慢摸熟門路, 就慳番好多錢唔洗蝕. 後來, 果D錢俾我用來錢搵錢, 多年後今天, 就生活好安樂了.
所以大家咪心急, 一心急就好容易蝕錢, 第一筆D錢一蝕左, 係好難再賺番來. 通常賺第一筆錢最重要, 賺到之後, 條路就越來越容易走.
PS 2: 真係咪以為係加記買磚頭可以保值, 我住的地區, 都已經算係中高產了, 舊區果度好多屋和OFFICE 大樓, 空左好耐, 可能個業主連市政府稅都無錢俾, 最近由市政府收番業權回來, 用來做NGO和市政府部門的OFFICE. 滿地可其他地區, 就可能更差, D磚頭放係度得耐, 就好易垃圾了.
所以香港人移民過到來, 買間屋自住就好了(唔好太大, 夠住就好了), 唔好咁快去決定買出租物業呀! 我JJ以前買出租物業有錢賺, 有幾分係運氣, 有幾分係自己都有了解一下個物業本身囉
以前, 後生時, 一見到D野平或減價, 就會去買, 因為諗住終有一天會用得著.
但係, 現在回想, 真係有好多野買左, 放左係度好耐都未用到喎!
我自己就越來越宅了, 越來越唔想出去, 可能係2年幾疫情封鎖吧!
現在雖然還可以著 30" 褲頭, 但一部份的30"褲已經著唔落了. 我諗我只會越來越宅, 越來越少出街四圍槓, 就唔會點再瘦返, 現在已經唔岩著果D褲, 就更加唔洗旨意會有機會有日再著得番囉.
昨天才把D唔岩著D新褲, 攞哂出去捐俾人. 就發現了, D野買左, 我就唔一定用得著喎.
不過都好的, 以前環境無現在咁好, 見到D野平或減價, 就會買, 因為驚住遲D自己無咁好景, 還有驚D野無減價.
但係家陣, D野貴D都無問題, 真係唔會幾個月著爛一條褲, 到要買時, 我才去買囉. 無必要買定先了.
係咖, 世界經濟差左, 係因為人口老化, 人年紀一大, 就唔想再消費, 唔需要人家的服務.
好啦, 今日拿起工具, 去換屋企電燈掣和牆身電插頭, 換左10個, 點知電到自己2~3次.
蝦, 俾著以前, 我唔會咁失準, 換電燈掣和牆身電插頭, 直頭碎料啦.
今天咁樣呢, 即係證明我唔只手腳慢左, 手腳都仲無以前咁準確了.
好啦, 都係時候將我D工具攞去俾其他人了, 可以空出屋企D地方出來, 唔好阻住哂.
查實, 自從賣左D出租物業後, 真係好耐都無用果D工具了, 可能我現在連氣力都無咁好.
都好咖, 前幾年賣左出租物業, 自己唔洗煩了. 如果現在仲有出租物業拖住, 我可能會好煩惱了. 話哂, 出租物業大多都係要自己整整佢, 尤其小小地果D野, 咁先會有錢賺, 下下搵人返來整, 就真係無乜肉食了.
PS: 昨天去DOWNTOWN, 行過一班小妹妹, 竟然仲有小妹妹(又係瓜子口面)眼金金睇住我, 唉, 哈哈哈, 咪攪我了, 我都係擰歪塊面行開好了. 俾住我後生時, 有女性咁來望我, 我大多都會行開D, 估唔到2年幾疫情後, 我都仲有女性望住我, 仲係一個好後生好靚女添, 不過, 這些野呢, 大多都係麻煩來咖! 就算後生時, 我都唔想理會這些麻煩.
講真, 真係好多次, 有街上小妹妹來同我講, 叫我請佢食飯, 帶佢去四圍開心玩. 唉, 我JJ係咪生錯左個款? 有著一個花FIT款? 後生時, 正經女仔一見到我, 就怕左我, 立刻走開.
昨天有個這裡網友講, 佢同佢個法裔妻子結婚35年, 係佢個妻子對佢深情愛著他, 拖著拉著他走了他人生咁多年! 哎呀, 我聽到咁, 我真係好想喊出來呀!
其實我覺得自己一D都唔花FIT姐, 我只係身材纖長一D, 無肚腩, 皮膚白, 瓜子口面而己, 不過, 一切都係同其他同年人一樣, 都會面對生老病死, 身體走向下坡. 我都已經好幸運, 現在才體能無咁好. 我好多同年朋友比我早十幾年, 身體就開始走下坡.
講到人生麻煩, 哈, 我果個有好多女的親戚, 見佢俾佢班女人攪到陀陀擰, 簡直係慘情, 我真係倒不如好似自己咁, 生活得安安靜靜. 奉勸各位, 女呢, 一個深愛你的, 就夠了, 太多就真會大大鑊咖.
點兩極化? 生產準時(JUST-IN-TIME)來配合整條生產鏈(唔可以太早, 唔可以遲, 唔可以責死太多存貨, 唔可以食死左D資金係存貨度)果D, 同埋果D唔洗咁點準時果D.
第一種生產鏈係需要係好好物流網絡果D地方生產, 準時生產, 準時出貨, 準時去到生產鏈下一個廠家手中. 即係.... 這些留係長三角/ 珠三角/環孛海這些物流交通好的地方. 大多係高價工業產品.
第二種就係珠三角騰籠換鳥換左北上去內地果D, 這些係較低的衣衣紡織品, 低級工業產品.
其實這個趨勢, 已經係上邊出現左,不過, 現在講緊, 這些事情將會在其他國家出現, 很多國家裡, 可能只有一小部份地區, 物流交通可以同長三角/ 珠三角/環孛海相比, 其他地區交通落後, 可能連電都唔夠.
咁, 其實, 印度印尼越南這些國家夠唔夠物流交通好的地方, 來取代長三角/ 珠三角/環孛海? 這個真係可能要睇耐D先知, 不過, 短期內可能唔夠(這2-3年內), 即是全球供應鏈有2-3年會吃緊喎! 尤其高端產品. 家陣所有野都會好貴了, 大家真係要打醒12分精神.
PS: 睇現在個勢頭, 上邊已經決定不再做低工業生產的外貿了, 不再外國買家生產低價的產品, 只是佢地咁樣同外交惡呢, 令佢地也失去左其他大量高價產品的訂單了, 可能佢地一早已經預左咁樣發生了.
現在大家最大要克服的, 唔係高物價, 而係很多人內心的不安和焦慮! 包括消費者/生產商/物流商.
講講香港交通和人流啦,
現在, 香港MTR應該係4線過海了, 東涌線/荃灣線/東鐵線過金鐘中環, 寶琳線過鰂魚涌.
如果有輸家? 我估...... 應該係果D少左人流的地方.
當東鐵無得過海時, 人們要係2 個地點由東鐵線轉荃灣線, 一個係旺角東站行去太子站或旺角站, 一個係尖東站行去尖沙咀站.
咁..... 如果我想順路買下野, 或行下街, 我當然係旺角東站轉車啦, 果度有花園街/女人街/波鞋街行喎.
啊, 現在東鐵過到海之後, 立刻會見旺角少左人流了, 除非D人刻意要去行旺角囉.
不過, 旺角東站四圍舊區D舖會少左人流, 果度D舖係輸家囉, 但係因為東鐵沿線方便左, D住宅價可能會升, 尤其旺角東站果度左近咁多舊樓, 好快俾人收收埋埋來重建了.
