最近, 網紅老蕭講, 突區以後再難有成功的電影, 就帶出各界不同聲音!
這個呢, 我JJ真係唔知點去評審誰人說對了, 不如, 由我JJ講講一個加燦的想法吧!
好多年前, 我JJ初來加國, 有越南走難來的朋友, 係我面前想同我親善一下, 就模仿好像香港電視劇上天龍八部六脈神劍咁, 用手指督來督去, 並模仿電視裡發出"啫....""啫....""啫...."聲的發功聲音.
我JJ好少睇金庸D野, 一時3刻想不起係六脈神劍的劇情, 後來我經過租帶舖(劇集不單翻譯成越文, 還有泰語, 菲律賓大家樂, 韓語, 馬來語等等), 才想起這位朋友原來係度模仿"六脈神劍"發功, 哈哈哈...... 原來, 係可以有文化共鳴呀! 一種認同感, 一種接受, 一種向心力喎! 人家見到唔只會認同, 更會來學習.
嗱, 其他西人睇完後, 原來係無咁樣的行為呀! 曾經有西人同我談論好古舊的大陸戲"牧馬人""末代皇帝", 但只是當係知識咁, 去認識遠方的事物, 向我問長問短, 老實講, 我又唔係國內出來, 真係唔知道點解俾佢聽! 現在如果再問這西人, 佢都唔會記得"牧馬人"這些戲.
所以, 我JJ認為, 一些優秀的電影電視, 是帶給人們共鳴, 認同感, 久而久之後, 就帶給人們一種文化向心力了, 並且加以模仿和學習, 並且在原先的電影電視意識上, 加上屬於他們自己的想法/觀念/事物!
有次, 這些越南朋友, 來問我為何他們會接受到我們港燦的電影電視, 我一句就答佢地: "We are from the same branch of the culture!" 其實, 我JJ觀察佢地咁耐, 佢地係住左係越南幾代的福建人, 係越南, 佢地被稱為華族! 只是我們港燦電影電視, 作為一條孕帶, 重新激活了他們的華人認同感.
最後, 我JJ認為呢, 老蕭佢那代人, 已經得到佢果代人的獎狀了, 當然, 我衷心咁多謝佢地這代人的貢獻呀! 只是現在這代人呢, 他們的將來, 是否有獎狀, 就得看看這代人, 能否把電影電視變成一條通往國際的孕帶, 帶給人們共鳴/認同感/向心力, 甚至用普世價值, 來承傳著舊世代, 變成新思想/新觀念/新價值! 帶給我們更光輝的電影電視新世代.
只是, 現在這代人面對的, 是比老蕭那代人走更艱辛的路呀, 他們連展現普世價值觀, 都可能受到徧抑呀!
看來, 現在新一代出路, 是普世價值觀, 讓普世人們在他們電影電視裡, 得到共鳴/認同感/向心力, 得著新的想法和喜悅來.
同場加泰國美女唱天若有情, 看看佢連字都未咬正, 就想著來分享那份共鳴和喜悅, 這個就是老蕭那代人的獎狀了.
PS: 大家可能會問, JJ乜你咁都識? 哦, 我只係發表自己的想法! 不過, 我JJ係少半個歷史佬, 一個歷史迷, 所以, 對於電影電視的傳媒文化, 有點像老蕭和肥佬晶, 佢地都係讀歷史出身呀!
