唉, 這位網上的朋友, 聲稱以前在豬三角做工人, 後來厭世了, 就買了部車, 一邊四處去遊蕩, 一邊拍片放上網來賺些小錢糊口. 不過, 見佢近來生活每況愈下, 上幾條片, 都已經未見過佢煮肉來食, 還在片中投訴菜價太貴吃不起, 只去小店食齋麵.
片頭佢講: "拒絕做韭菜，躺平大神在車上躺了一天，醒來就去寺廟吃齋飯!"
還好, 佢去到, 卻發現係城堭生日(如果係觀音, 就只有齋), D食物裡夾雜一些白肉(帶有大量肥肉的豬肉!).
真不知道, 他這些躺平一族, 在現在低迷經濟下, 還可以過多久的無憂日子.
換著係加國, 如果佢唔揸車, 攞政府救助金, 住在最廉價的房屋中, 可能佢會捱到廿年卅載, 直到佢健康因為長期飲食和營養未達理想, 或年紀大, 才會垮下來.
不過, 在內地, 我就唔知道了. 可能到左佢決定回鄉時, 卻發現父母已經...... 唉.....
如果大家問我, 我JJ係邊種人, 我一定答大家..... 我頂多只能"觀天下之大勢"!
點解我咁謙? 哈哈哈哈, 我JJ唔係謙喎, 因為..... 如果我能夠做到"觀天下之大勢", 已經好叻, 己經係萬中無一人了.
其實, 能夠做到"觀天下之大勢"果D人, 買乜股呢, 就賺乜股了! 生活一定會好安定, 生活會比其他人好很多很多...... 除非天下大亂, 才會出來下海呀!
不過呢, "觀天下之大勢"果種人, 係永遠唔會做到"創天下之大勢"....... 根本上, 這兩種係完全不一樣的人.
毫無疑問, 這兩種人都係靠天生的感覺或直覺, 係一種天賦的特殊本領, 再經後天的個人遭遇而成.
我JJ係個歷史迷, 所以, 一到蘇聯解體+中國經濟開放+資訊科技昇級, 我就叫朋友一定要買股票, 由那時起, 單單 DOW DOW 指數, 升左十倍. 我JJ咁努力去睇住D股, 回報都係好少少咋!
即是..... 聰明只是人生一小部份, 天下大勢才是成敗最大關鍵, 個人努力呢? 無錯, 十分重要, 但係分別無咁大囉! 所以, 觀天下之大勢是十分重要的!
相反, "創天下之大勢"果D人, 唔一定賺賺賺, 好多時係, 蝕蝕蝕蝕賺蝕蝕蝕, 攪10鑊, 有9鑊蝕到佢阿媽都唔認得呀! 哈哈哈哈哈, 到最後, 同佢爭果D人, 全部都瓜清光, 佢最後一舖賺, 咁就得了.
只是我JJ一定唔想咁來生活了, 我寧願, 舖舖賺少少, 因為我情緒好容易低落呀, 要我連蝕咁多舖, 我心理負荷唔到呀!
PS: 自從我2018年開始估到兩大強國反檯, 就開始慢慢估到今年發生的一切, 每想到會發生的一件事, 都會令我情緒低落, 越想得多事情, 就情緒越差. 尤其2019年開始, 就開始看出無計傾, 看出事件發展得更令人擔憂.
有時, 我JJ懷疑, "觀天下之大勢"這個功能, 會否是一個病來? 會否是一個詛咒來? 始終, 大部份人都係係這1年來, 才開始情緒低落, 而我JJ就早別人1-2年開始情緒低落! 食多補品都補唔番呀!
大家有無諗過? 如果將來全部突首只做一任, 將會發生D乜野巨變? 巨變就係...... 任何人做這份工, 都會少左尋求連任果個袍服, 做乜野, 都可以一往向前, 唔洗顧忌咁多反對聲音! 即是, 如果以後的突首只做一屆, 突區在將來, 會有更大的翻天覆地改變.
現在任何人走出來話佢尋求連任, 或王者再臨, 可能都是有心人做出來的一些煙霧呀! 點解? 想令到大家唔會想到, 突首只能做一任, 突區將會有好大改變呀!
當然, 係唔會改法例來限制突首做一任! 只會係內裡突首競選提名名單內, 做做手腳, 又或係競選選票上做做手腳! 咁就已經可以令到突首做一任, 而將來這個突首就會更容易照字來辦事了! 甚至連689和777 面上的少少表情, 或言語上少少情感的流露, 都可以避免發生, 直頭只會見到一個非人性化面孔..... 令人想到.....如果理某某來做突首.
大家10年後, 再回看時, 可能會發現在689和777已經算十分人性化了, 最少佢地會流露出人性(無論是真心或扮野), 將來..... 可能連這樣野都可以慳番, 唔洗做!
大家如果回看最初2個連任的突首, 佢地到左一D位, 係會唔敢做, 又或要遵守佢地自己先前作出的承諾, 而不會照字來辦事.
大家有無想過, 可能連689和777上任時, 都未被告知, 佢地只能做一屆! 只有最高話事人知道, 在第二個突首後, 內定了這個默契或共識吧! 到左佢地要為上邊硬頂, 而又猶豫不定, 或左右偏擺時, 佢地才會被告知, 如果貫徹得不全面, 將會影響其連任, 甚至......
當然到最後, 佢地政治生命行到最後一刻時, 都未必會被告知..... 突首只做一屆!
今天見到理某某做左百官之首後, 佢一改常態, 面上有左笑容, 可能這個係突區政府傳統新聞官的主意, 不過, 真為佢擔心, 傳統政府新聞官攪錯了, 指錯左條路佢行! 其實佢面上那非人性化表情, 才是佢急速高昇的主因.
好吧, 希望理某某佢了解到, 現在一切都變了, 佢如果有幸被提攜成突首, 佢都可能只做一屆. 到再換多幾個後, 就可能等到根正苗好的上位, 到時才能改返去做2屆! 又或好似主上咁, 可以考慮改成終身.
當689/777/理某某...... 這些人講"親疏有別"時, 佢地真係應該要問問, 這句會否被其他人來描寫佢地自己呢? 真係擔心佢地唔識分庄閒, 成日以為自己係做庄, 會誤判變成大錯!
好了, 看來突區迎來大變的格局, 將會越來越明顯! 將會不再需要用人手...... 遮遮掩掩來粉飾了.
大家如果留下, 請記著分清庄閒, 唔好差錯腳步呀! 庄..... 永遠都是極少數極少數果D人, 其他人何德何能做庄呢?
係呀, 我JJ一向出左名係驚青, 仲係比人早好多好多驚青.
最近我JJ驚青D乜?
驚環球股市會大調整呀! 可能講緊20-30%, 而且仲係唔會好似上年3月咁快彈返轉頭呀!
幾時大調整? 我JJ就真係唔豬道了. 不過, 隨時都會發生!
點解? 皆因為現在市場上流動資金太多太泛濫了, 再加上好多大基金超高的槓桿比率, 某一家有力去籌集足夠流動資金, 去衝冧另一家高槓桿所砌出來的倉, 相反亦然, 也可以倒返轉頭, 照板咁樣去推冧另一家的高槓桿倉.
現在情況, 只要一有人唔生性, 去推冧另家個倉, 之後, 就會互相推冧了.
照睇...... 大調整後, 可能不會好似上年3月咁快彈返起喎! 因為上年3月係老美政府用錢來托一托, 唔俾冧得太耐, 但現在唔同, 老美政府並無必要有誘因去托住D冧倉. (上年係大選年, 今年唔係呀, 大家明我講乜啦!)
好啦, 驚青還驚青, 點都要未雨綢繆, 不能臨渴才掘井呀!
我JJ會建議: 1. 減槓桿; 2. 增現金; 3. 增持優質而收入穩定的資產; 4. 執執自己張WATCHLIST, 務求到大調整時, 可以在短時間內, 決定怎樣去回應市況, 應該由那一個板塊開始來增爭.
我JJ係加記, 到時我就增持D能源呀, 能源基建呀, 通訊基建呀, 礦呀! 保險呀! 銀行呀!
我會建議大家到時增持D乜? 可能取決於大家身處的地方或國家呀! 最重要...... 千祈唔好隔山買牛呀!
話說我JJ一向放左D衫褲係香港親戚果度喎, 咁, 大家都知道啦, 我JJ D 衫褲係外國買嘛, 當然有D係大膽前衛左少少, 其中有件呢...... 啊..... 上邊寫住 REVOLUTION 喎! 一直放左係香港親戚度嘛, 本來都相安無事, 我返來香港都有攞來著.
咁, 我親戚又好鍚我咖嘛, 佢雖然唔知我幾時會再回去探佢, 但佢成日攞我放係佢果庶D衫褲出來洗洗佢喎!
自從2014年佔中後, 我JJ就感到, 再放這件衫係佢果處, 可能唔太好嘛, 就攞番來加記係屋企著囉! 真係會驚住佢攞出來洗乾時, 佢會有麻煩!
好啦, 不幸地, 真係俾我JJ 驚青驚到變成真了, 昨天旺角快富街一個住宅單位外的晾衣架, 被人發現掛上寫有「光復X港，時X革命」中英文的旗幟. 警方到場在單位內拘捕一名男住客, 以涉嫌發表煽動文字, 被扣查起來.
PS: 好啦, 以後我JJ都唔敢再返來了, 雖然我從來未出過來佔路, 也沒有叫過"光時"口號, 也沒有參加任何活動. 最多只係2014年返來香港時, 見咁多人坐澌係夏角道果度, 我走去睏係度, 影左幅海棠春睡圖, 就係咁多之嘛!
係呀, 我JJ現在真係好很驚呀! 我以後都唔會諗住回來洗錢, 唔會諗住回來生活, 更加唔會想將D錢錢放係度了! 我將來釘左蓋之後, 都係會將未洗完D錢, 俾澌我係這邊的侄仔侄女, 佢地唔要時, 我捐澌俾我這裡D慈善機構, 一定唔會將D錢錢放係果D令我好驚青的地方!
其實, 我JJ有時係搵自己笨, 比其他人早左5/6年來驚青, 唉, 簡直係自己攞來辛苦呀! 如果只係比其他人早幾個月才開始驚青, 咁就真係唔錯呀!
老實講, 上世紀50年代設計生產的古董戰機, 佢地果D操控全部都係用鋼索, 莫說電動, 就連液壓都唔係.
咁, 這些幾十年古董一改做電子控制, 就真係成本驚人.
如果係電子化控制上, 再推前一步, 將佢變無人機, 噢, 成本大到, 不如重新砌過架重無咁嬲!
不過, 如果改裝無人機化的程度做得好低, 唔好做到好似老美果D無人機咁, 退而求其次, 只係整到佢識飛識撞埋去固定目標, 唔會爬高閃低避攻擊, 好似自殺式咁, 其實, 又唔係難, 唔係貴呀.
只係戰力好差囉! 只可以用來吸收敵方的攔截導彈, 用最少成本, 去消耗對方的防衛力量.
就連為己方戰機. 去擋敵方來襲的移動導彈, 都唔得呀! 完全係搏大露, 搏對方導彈唔識分邊D係己方先進戰機, 邊D係古董戰機囉!
但係現在唔係上世紀70年代, 80年代起, D雷達已經可以分開大形民航飛機, 同小型戰鬥機. 相信現在係可以銷定某一機種的飛機, 而唔係打頭果一排囉.
所以, 真係唔洗過於想像, 這些無人機化的古董戰機, 用途少, 效能低, 只係用來沖下喜, 等己方人人想得開心D, 振奮人心, 多於真正實戰用途!
轉眼又2年了, 有人整左個YOUTUBE CLIP
由這天開始, 外資(非華裔資金, 不是外國的華資)就不覺得安全了. 這天開始, 注定將來有人要大量來注資, 填補離開和不再來的資金所產生的資金缺口, 也注定將來政府所發放的薪水/長俸/退休金, 要有外來資金來填氹. 明明一個自給自足而又有餘力作貢獻的地方, 將來卻變成一個大拖累, 公職人員幾十年慮積的退休金/長俸, 將來變成一個大坑洞. 好啦, 現在才明白乜野叫"共慘", 真係有大把人, 在不久將來...... 變得慘慘慘, 連一向鐵飯碗的人, 都不會例外!
自從這日開始, 公職人員伸請去外國越來越難, 尤其執法人員, 真係要問問, 邊個害的?
現在還有人想搬出777 來擋澌所有罵聲, 不過, 唔好在聰明人面前做小動作, 只會更令人討厭. 上次2003年係咁, 2019年又係咁, 777咁多小聰明, 又有前任板本可作參考, 佢點敢呀? 分明係更上有聖裁, 777唔做唔得, 仲要食埋死貓佢. 所以, 任何人與聖主同行, 到最後都唔會有好野, 都會係死貓一大隻.
689俾777截左糊, 回看一切, 可能唔係壞事喎, 可能係聖德惠護佢, 有罵聲, 有國際制裁, 就由777 這些"無能忠誠派"來啃! 聖主有乜好野, 就留番俾自己條親靚來領, 哈哈哈, 唉, 777 何苦為他人作嫁衣呢? 最慘係, 將來佢離任後, 繼續俾人制裁不單只, 聖主還會在一切收緊後來個少少鬆綁, 好等689去做好人!
其實, 這個不是單一....... 一小撮人母親才會有的病患, 其實, 現在情況是比較普遍, 尤其現在人們長壽了, 以前這些只有富貴人家才會有的病 - 只有富貴人家生活環境優厚, 才會活到這些病出來. 普通人家為口奔馳, 而醫藥又無咁先進, 未到這些病病發, 就已經不在世了. 如一個感冒/肺炎沒有抗生素. 如肺結核沒有疫苗, 人們一到40-50歲, 身體抵抗力一差, 一有普通病, 就會往生了.
所以, 大家不要認為母親失智, 是個悲劇! 這些原是生老病死必經的. 只是作為兒女的, 卻是自己怎樣去負責任, 怎樣去為母親疇劃好, 計劃好. 兒女們在父母年老的福祉上, 起了最關鍵的作用! 兒女不願意自己花時間, 為父母老年問題負責, 父母生活得不盡人意, 那就不能怪別人了, 也不能怪社會.
我自己母親一直在服用一種俗稱"聰明豆"的延緩老化藥, 不過, 我做醫生的兩哥哥, 都異口同聲說, 這些只是一些開心藥, 無乜負作用下, 母親吃了, 佢會開心點, 也是好事.
只是這藥在加記可以申請政府補助, 一個月平$8-9, 只是政府補助計劃要我母親每年做一次測驗, 咁.... 我媽媽D成績, 當然係逐年下跌, 直到前年, 我賣了出租物業, 又唔撈份工了. 放多D時間來睇住父母.
首先, 我多左花時間同母親傾計, 常常要佢記起家族中D人個名和關係; 要佢記起電話號碼/住址/生日日期; 要佢數手指, 由1數到100; 要佢計加減乘數, 如17X6, 如38-19..... 等等, 佢可以計到總數去到200有多, 每天半小時多一點. 最近我母親心算唔到了, 我就買左可抹寫筆和紙板, 俾佢用筆寫住來計!
就在我開始咁做的那年, 我母親做政府測驗, 突然高分左好多! 咁, 我就知道, 原來藥未必有用, 親人的幫助卻是最有用啊! 咁, 我母親現在都算好過其他同年的患者了.
好啦, 其實, 作為兒女, 必要首先了解, 這是生老病死必經的, 唔好去逃避責任! 2. 自己盡早作好準備, 年青時唔好日不乎支, 唔好先洗未來錢, 唔好拖住條咭數, 唔好唔生性去有嫖賭煙酒的壞習慣, 盡早拍拖結婚生子, 兒女盡早出身自立, 就有餘力來看住父母了.
其實, 現在才明白, 作為兒女的, 人生真係要想得成熟一點, 常常潔身自愛, 自己父母老年時才會舒服一點. 因為父母年老時, 兒女真係要花多d時間俾父母.
大家係香港, 可能會好D, 因為可以請工人, 但係總不會及得自己親身睇住父母咁好! 在加國, 因為請外傭較麻煩, 有時辦手續又長又麻煩, 外傭來到後, 如果環境不理想, 又易跳槽, 做夠3年, 佢就可以伸請留底喎, 到時, 又要請過新的.
不過, 大家就唔好指意宗教團體了, 其實, 人家都係去信宗教, 唔好去打擾人家去追尋神呀.
先問問政府有乜服務先啦! 就算有政府服務, 都要自己常常去照顧父母, 唔好靠哂公營政府呀! 當然, 父母多一天能留在自己身邊, 係多一天從神而來的福份呀!
PS: 好多年前, 我還在香港時, 獨居鄰居因為年青時拐了腳, 年老後就行動不便了, 最後要靠社工每日送餐去, 最後一次見佢, 佢重到3百磅, 咁就要搵班救護員抬佢上救護車. 佢原本有個仔, 不過, 已經無見佢個仔好多年, 正是想問, 唔通佢個仔可以唔理佢?
想起來, 佢個仔後生時沙沙滾, 無離正派, 佢做父母就會大鑊了.
想起剛剛移民來到加記, 買架車係抵食來大件的4 門房車(唔係買2門跑車趕絕外母果D), 真不明白教會D人點諗? 我這個做法, 即係打算快快結婚生子, 只是我係果度, 攪到我連拍拖都無機會了. 不過, 可能這教會裡頭大多數D人, 諗野都唔係好成熟, 記得有對夫婦個媽自己一個係外邊住, 邊知佢阿媽中風死左幾日, 才被發現. 唉, 如果睇住佢父母, 一切都會好D.
個牧師成日係度講拍拖要屬靈相配, 但又唔叫人成熟一D, 早早計劃結婚生子. 唉, 佢果班信徒, 連自己信乜都講唔出來, 真係叫佢地咪來侮辱我了.
其實, 入去教會D人, 係咪真係信耶穌, 單單睇佢有無做好自己本份, 而唔係想推卸自己責任俾別人, 咁就一目了然! 信是所望之事的實底, 是未見之事的確據! 沒有了信, 這些人入去教會, 只會指意人來幫, 而不是指望神來幫. 其中個分別, 直頭係上唔上到天堂的分別呀!
現在回想起來, 好多人入去教會唔係信神, 一心諗住指意別人, 當然最後佢地害死自己. 唉, 想起以前果間唐人教會裡一些人, 佢地真係越來越沉, 越來越差. 信耶穌, 係自己先做好自己本份, 之後就係信神來幫佢, 而唔係信其他人來幫佢地呀! 當然我JJ覺得, D人講D資訊俾我JJ, 之後等我JJ盡自己責任, 咁就係有心來幫我了, 真係唔洗落手腳來幫了.
前幾日講開杜大導佢果套"樹大招風", 片中的主題曲"讓一切隨風", 其實唔係新歌, 係一首日本70年代的老歌, 後來有人配上中文歌詞, 係1987年正式發行. 香港中文版面世時, 距杜大導套"樹大招風"在2016年上演時, 已經係近30年了. 杜大導用這首老歌做主題曲, 內裡是否反映港人這30年裡, 心裡都是被同一的思潮所困惑著嗎!?
是什麼思潮? 大家先看看 歌詞
風中風中 心裡冷風 吹失了夢
事未過去 就已失蹤 此刻有種種心痛
心中心中 一切似空 天黑天光都似夢
迷迷惘惘 聚滿心中 追蹤一片冷的風
* 各種空虛 冷冷冷 吹起吹起風裡夢
過去的心 火般灼熱 今天已變了冰凍
記憶中突然又痛 只因空虛再作弄
你似北風吹走我夢 就讓一切隨風 *
我JJ 卻認為港人對前路迷濛困惑, 港人在一切不同的風向中, 被吹得迷失無所適從, 失去了方向.
不是回歸多年嗎? 難道港人感到....... 回歸後的風向...... 一直都在轉變?
我JJ移民多年, 一來到加記, 就走在跟香港不同的風向中. 在一切不同風向中, 我喜歡先問問自己, 究竟自己想要一個什麼的人生, 這生裡想做些什麼? 想完之後, 才發現人生實在太簡單了, 沒有什麼困惑, 沒有什麼迷濛人生, 只要一直慢慢咁行, 循著自己的方向, 自己的步速, 那就一定行得到目的了.
所以, 我JJ在這勉勵大家, 莫要愁, 莫要怕, 人生其實不用愁煩, 人生本來就係好簡單, 知道自己人生想要D乜後, 人生就不會迷失, 人生就不會無所適從.
最後, 整個電影主題曲的MTV....
好多年前, 我JJ係當時新聞組裡, 曾經提醒過網友, SARS病毒這些東西, 暨可以是毀滅性, 但也有其醫學的建設性! 只是人們那時想著病毒是邪惡, 受到人們自己道德倫理觀的限制, 都異口同聲說, 不會有建設性,
為何我會咁講? 因為當時在很多SARS康復者身上, 發現骨枯和肌肉萎縮, 初時認定是因為在病者身上, 使用大量類固醇來抑制病者自身免疫系統(因為人們對從未遇上SARS病毒, 免疫反應會是十分激烈, 尤其年青人), 為到讓病者避免作過度反應, 摧毀自己身體組織, 導致器官壞死!
但後卻發現, 骨枯和肌肉萎縮, 是因為康復者身體內生產對SARS病毒的抗體, 阻礙了身體器官對一些賀爾蒙的吸收, 而引起骨枯和肌肉萎縮!
這個意外發現, 卻引來科學家對SARS病毒, 在醫療上的新想法, 可以用SARS 抗體, 來醫治一些病人因賀爾蒙過多的病患, 最少可以延長這些病人的壽命!
只是SARS 這些冠狀病毒本身是十分危險, 研究冠狀病毒的抗體, 必先要培植冠狀病毒. 首先由單性冠狀病毒入手, 就已經令研究工作, 充滿潛在的高危性.
正所謂, "蝕本生意無人做, 殺頭的生意卻有人做", 在巨大新藥專利利益的誘使下, 很多人對冠狀病毒研發蠢蠢欲動, 只是限於發達國家對一切病毒研究, 有著十分苛刻的法規, 不單對設施的安全性, 更加是人為道德倫理的規範吧!
以下是我JJ對某國新型病毒爆發的一些個人猜想, 當然只是猜想, 但總算比病毒的生化武器研發論, 來得更合理, 始終都是中國人果句, "蝕本生意無人做, 殺頭的生意卻有人做".
早十幾年, 發達國家就有人覺得, 其國內的病毒研究法規, 不單不合理, 而且十分過時, 阻礙著新醫藥和技術的研發, 就開始著眼於一些法規沒有那般死板的發展中國家(最重要這些國家的政府有著強大的監控能力, 監控研究過程不致外洩), 開始暗地裡把一些受輸出法規管制的設施和技術, 偷偷地轉移到一些外國國家了.
後來的故事, 大家咁聰明, 都唔洗我JJ劃公仔劃到出腸了. 其中人仕, 可能不單單是發達國家的一些科醫家, 更有可能牽涉到一些監管的政府官員, 甚至政客嘛! 所以, 一爆發之初, 某政府就刻意隱瞞, 並派生化部隊去消毀一切! 咁耐都唔俾外人入去查, 目的是想去保護幕後支持的那"大粒佬友人", 唔想影響這些人在發達國家中的政治生命!
當這發達國家政黨輪替後, 新的執政黨在疫情爆發下, 漸漸發現某國新型病毒大爆發, 跟前朝官員, 有著千絲萬縷的關系, 又因為大選臨近, 為贏得選票, 就開始爆出一些資訊出來, 後來大家都見到, 親前朝的媒體, 大量刪除網上相關言論, 直到前朝政黨回朝再掌權, 才慢慢解禁!
現在前朝政黨回朝掌政, 開始坐穩陣腳了, 才開始下令調查某國新型病毒大爆發的起因和日後避免方法.
令我JJ懷疑, 這一切都是DAMAGE CONTROL, 多於伸張公義公理(因為前朝政黨比較左, 比較無咁保守, 比較少受道德倫理的牽制, 才支持在外國來做這些極度危險的研發). 只要調查唔好提升得過高, 一切在可防可控下, 就不會激化國與國之間的大型衝突, 也不會傷及某些人的政治生命.
如果以上猜想屬實, 全都不是因為生化武器的研發, 而只是因為人們違規地去加快研發新藥新技術, 用來救助更多病患, 不幸地, 某國因為醫療性病毒的研發, 有大量人民受到嚴重影響和傷害吧!
不過, 就算猜想屬實, 要令真相還原出來, 非得要幾十年後, 等到今天一切政客過世後, 才可以把文件解密, 真相才可以還原出來.
我JJ自己好喜歡睇影評, 睇完電影才看影評, 之後再看電影, 對影評就更有印象, 更有思考的迴盪.
這10年來杜琪峰D戲, 越來越發人深思, 越來越讓人去思考更深層的事物.
這套戲講3個大賊王, 把3個各走各路的賊人, 把3個不同故事, 編到在同一個故事軌道之上, 真是十分有創意, 但卻同在指出一點, 為何人們會變成大賊? 為何人們偏偏有正業不做, 要去打家劫舍? 為何人們失去了對未來的憧憬?
令我想起, 項羽..... 劉邦..... 張良...... 曹操...... 劉備....... 想起為何..... 人心思變? 十分可惜, 這套電影在上邊被禁了, 若果上邊能夠看到這戲, 很多人就會懂得慶幸著, 現在上邊只有"躺平"一族, 而沒有"暴走賊王"一族. 不要忘記, 這些賊人每每指著當時社會最上層利益既得者, 如果上邊沒有躺平一族, 真不知道上邊誰人會被指著來.....?
不過, 十分不同意影評內裡, 講這3個賊王反映港人, 這些人根本不是在香港土生土長, 完全是由內地移入, 頂多只能反映著香港第一二代新移民, 因為這些人沒有了真正港人法治思維, 這些人完全是用暴力來面對著社會上不公平和暴力吧!
前排有個說法, 被控暴動的人當中, 大多都是第一代移入的年青人. 我就跟我這邊D同胞講這事, 他們大多不相信.
其實, 攪到咁樣, 上邊對港的人口政策, 是否又失誤呢? 為何要移入有文革思想背境的人, 他們下一代那不會有鬥爭想法? 為何偏偏要把和理非的港人嚇走呢? 和理非港人才是穩定大局的必要人口結構嗎?
不幸地, 上邊看港人和理非, 就想到殖民地餘孽? 就一口認定港人不可靠? 不能成為穩定大局的人口結構? 非要嚇走和理非港人不可? 現在可好了, 引入來換血的人口, 注入了鬥爭原素了! 從此之後, 不再一樣了.
PS: 多年前跟團回上邊10 天遊, 朋友教我, 上去過關時買左條煙支酒, 到左自由時間, 攞住免稅品店個袋, 係街口行下. 果然, 幾分鐘後就有人來兜買我手中的免稅品, 仲問我有無港紙换人仔, 果個人個款, 似足葉X歡喎! 不過, 佢當時係好好笑容, 而且係好有禮貌, 十足十係度同我傾生意咁, 唔似係個窮凶極惡的持槍慣犯!
唉, 估唔到, 人生多變, 佢有如此多變的遭遇來, 實在令人悕虛不己! 或許....... 電影裡, 真是用幾分事實來做參考的!
唔知道係咪我JJ的個人缺點? 我JJ相信財富是浮著的, 當人人都好景時, 財富效應就會自然地把我JJ浮起, 只是當人人都唔好景時, 我JJ總會失去對未來的美好憧憬吧! 就會對未來缺乏信心.
不過, 講真果句, 由蘇聯解體, 到中國開放來競逐資本慮積, 環球化, 自由貿易等等.....都把我JJ浮起來, 最少, 我賺錢比上輩D人, 容易好多.
好啦, 現在人人都無咁好景, 豬頭骨年代來臨了, 莫說財富自動浮起, 連打拼搵食都比以前困難好多.
相比, 以前90 年代, 我感到個個朋友都好景, 就算佢地係加記企唔穩陣腳, 要回流, 我都感到佢地不會有問題, 人生一片光明.
只是見完98年金融風暴下的香港, 陷入5~6年的經濟向下, 再見番這些回流朋友時, 大多都是判若兩人, 信心滿滿的回流, 若失若茫的留在香港. 之後就08年金融海嘯, 到最近的撤資潮, 我真是很害怕再見舊友, 不是怕他們來找我麻煩, 而怕會影響自己脆弱的心靈!
我自己從不輕看別人, 但現在點都要同自己講, 這些事不會發生在自己身上, 因為我JJ做事和想法, 都同其他人不同, 更不會去跟大隊來做綿羊!
不過, 我JJ總希望見到朋友富貴, 唔望佢地閉嗡, 見到朋友好景, 我就對未來多一分信心, 少一分憂慮!
以前, 我JJ常常登出..... 我去血拼的彪炳戰績, 十幾加仔一條LEVIS呀, 幾蚊加仔一件ADDIDAS TEE呀, 不單講俾大家知道, 加記有幾咁價廉物美, 也同大家講加記生活 NO PROBLEM, HAPPY HAPPY 呀! 只是現在香港情況咁差, 我JJ就改用別一種方法來令大家安心了.
下邊見到這位從加記回流的藝人, 佢應該幾歲時跟父母移民來, 但見到佢回流回去生活得咁差, 住擋房用50元一天, 唉, 不單影響其他同係加燦的信心, 更會令加燦無咁馨香喎! 老實講, 佢返來加記, 生活一定唔會咁差喎, 最少, 在疫情處處都停擺下, 加記政府有錢派呀.
PS: 多年前, 有位教友成日都喜歡用佢自己的屬靈想法, 去挑戰其他人, 其實, 如果佢係出於一番善意, 又或佢推已及人, 我JJ係可以接受並尊重的. 後來我發現這人揸部近10 萬加元的SUV豪車, 我當時還為他而開心, 覺得佢人生漸入佳境, 唔會再諗埋一邊, 唔會再去挑戰別人, 又或憎人富貴厭人窮, 只是後來佢見到我JJ買對減價鞋, 卻又來挑剔我, 我就覺得佢不單沒有推已及人, 更加心中其實不懷好意.
嗱, 我JJ心裡成日希望朋友富貴咪閉翳, 只是這人一開口, 就想別人閉翳, 不單佢心中根本沒有一份對末來美好憧憬, 更加係唯恐別人唔閉翳, 實在沒有一個建設者的胸懷, 教會落在這些人的心思之中, 那會有人敢入教會呀?
要做人做事做得好, 一個美好憧憬是必要的, 希望別人富貴咪閉翳也是基本的, 唔好成日諗住別人要聽佢指佢點!
哈哈哈..... 一月果時, 佢跟住GAMESHOPE (GME)被人反沽空打大鱷, 而好似GME 咁升升升, 升到$30, 一天之內升跌, 近$15皮喎, 果時我都無賣咖!
昨天又急升喎, 升跌$14~$18皮, 仲有個2流收費股評公司出來叫人賣賣賣.......
咁, 我初頭都心動動, 諗住賣少少, 等佢跌左又再買番, 滸! 到最後跌得果少少, 差價唔夠俾加記利得稅喎! 吚! 無謂咁攪了, 我JJ都係HOLD住揸住好了! 無謂攪到自己咁唔得閒, 時時補係MONITOR前睇價嘛!
不過, 憑心講句, D股咁樣成日有人來炒高, 來低位再吸呢! 好明顯係有人計劃長期在較低位來入貨喎! 即是增持緊好倉喎, 即係長遠來講, 有人想炒高隻股佢呀!
對我JJ來講, 我以前賺埋賺埋, 就算今次這隻股要跌, 我都可以扣減返以前俾落D利得稅, 而且我仲係係以前好低價時買入黑莓! 黑莓就算蝕左, 都唔會點入肉啊!
好, 我一於唔放, 等佢背後大莊家開底牌來見我, 我有的是時間, 慢慢等佢圖窮心匕現!
PS: 我以前買左幾隻細價股, 都係好似現在黑莓咁, 底位左好幾年, 突然有幾次炒起1日半日, 之後又打回原形, 之後再過1-2年, 就俾大公司全面高價來收購.
每次股價彈彈彈時, 黑莓管理層同埋其他人都出來講唔知道點解會升升升, 其實, 佢地內裡一定仲係度討價還價, 通常講1-2年係閒事啦!
我目標係賺佢10倍呀! 我係咪大想頭左少少呢? 哈哈哈, 睇睇所有高科技股都己經俾人炒到天價咁Q高, 而黑莓背後大多都係基金持有, 小散戶只佔十幾個%咋, 現在係壓緊引緊小散戶放埋佢, D基金佬就會表現得...... 好似無默契咁來..... 被人質高股價了.
啊, 好啦, 我JJ靠估咖咋, 正所謂, 有段估無痛苦吖嘛! 估估下, 唔洗怕喎!
我JJ打完都2個星期有多, 一輪到我打時, 我就立刻去打的!
打完後多天, 都無乜大異樣, 只是頭幾天有D肌肉痛, 現在成日喉頭乾, 同埋有時睏得唔好. 有D類似病徵的反應, 其他一切生活如常,
這些輕微反應, 大家去打疫苗佢, 都值得呀!
相比奶左野的後遺症, 打疫苗這些不方便, 就算係小兒科了.
是的, 打疫苗係有風險, 大約10萬人有1個左右, 係2星期內去世, 不過香港一年都有4萬人去世, 如果計返2星期的時段, 即是香港每10萬人裡, 每2個星期, 就有20人自然死亡. 自然死亡人數遠遠多於打疫苗死亡人數20倍呀! 即是打疫苗後去世的人, 很多都本應納入自然死亡人數裡, 打疫苗的實際風險, 理應比現在的數字更低呀!
當然, 我JJ係加記係無大6疫苗, 我係打PFIZER, 即是大家係香港叫復必泰.
復必泰和MODERNA, 都係M-RNA, 比JNJ 和ASTRAZENECA 的 DNA 類疫苗, 好很多, 尤其對新變種病毒, 會好很多!
好啦, 大家唔好猶豫了, 快D去打復必泰啊! 香港的存貨快到期, 之後就唔知幾時才有得打了!
講多次, 疫苗對我JJ有一些輕微反應! 有少少唔舒服, 不過, 係可以接受, 唔影響原本日常生活!
PS: 為何M-RNA 疫苗好D? 為何打左之後很久, 都會比無打, 更有保護? 因為M-RNA 疫苗係傳遞病毒RNA的訊息, 等身體對這個病毒有準備, 好多人身體第一次接觸這些病毒時, 會變得手忙腳亂, 自己免疫系統會打埋自己的身體組織, 變成器官壞死, 變成溶血現象. 當身體有左準備, 下一次再遇上, 就會知道點樣去應對了, 打左底了!
