2022年1月30日 星期日

猜猜那些老餅歌會在將來被禁? 哈哈哈......

大家咪以為係負面呀, 可能這些歌反而名垂千古, 萬世傳頌! 

D人咪咁傻啦, 用左咁多$$$買起電台電視台報紙, 咁..... 唔係任你地禁播囉! 

超...... 現在係網絡年代, 任何街邊2打6或路人甲乙丙丁, 都可以收埋一個備份, 然後不停轉戴,不停俾各界好友下載, 睇下D人有幾$$$$錢錢來買起丫嗱!

不如, 大家整個LIST 出來, 好等大家日日可以聽呀, 咯咯咯!















2022年1月28日 星期五

莫讓..... 恨怨正邪繞心中

大家有無想過? 未來10-20年裡, 全球大部份非共慘地區, 都會吹起一股堵塞共慘的思潮. 

如果大家覺得這股思潮現在已經好高漲, 大約只會越來越高漲, 任何人如果跟共慘有關, 在非共慘地區裡, 都將會被邊緣化! 當地政府和商業機構中的敏感領域, 會盡量避免請這些共慘人仕, 高等學府裡的頂尖學科, 也會避免招收這些人. 更不用說, 不供應高科技產品或技術了.

其實, 共慘陣營的日子, 在共慘地區以外, 只會越來越難過. 當然在他們自己的主場內, 也會因為社會資源和上行機會越來越匱乏, 不要說內捲, 內鬥也會越來越白熱化. 當權者每天將會花大部份精力去應對其他人來奪權. 底下層D人, 更會生活慘無再慘.

對於大家來說, 天大地大, 任大家去行, 只要不跟共慘沾上關係, 發圍機會大把啦! 

與其被恨怨和正邪消耗自己的人生, 常常不能息懷, 倒不如放開胸懷, 開開心心, 向世界去闖一闖.....

我JJ從來唔買忠字股, 唔花大錢返去上邊消費, 總是跟忠字絕緣, 也不會養肥某些惡人出來橫行霸道. 

如果大家一早咁做, 或現在開始咁做, 就已經係最有效的行動了. 

所以, 大家不要被恨怨和正邪, 矇蔽了眼睛, 忘記了自己應行的路. 

今天開始, 大家應該不斷去儲存實力, 無論是錢, 資源, 知識, 智慧, 將來時機一到, 上邊人們對民主人權自由有著醒悟和渴求時, 就會用得著了.

只有自己先做好自己本份, 才有餘力走出自己的框框, 去幫助其他人. 連自己都自顧不下, 其他的一切都只會是奢想.  

又如果連自己人生都活不好, 連自己最基本的責任都沒負好, 那麼, 談何去辟邪行義這些大是大非呢? 

越是不能息懷, 越是中了人家的奸計, 越是無補於事, 越是自己心陷囚牢, 越是想不通如何去破敵!

無錯, 若要破強敵, 眼睛必要先看得遠看得高, 心身必定先脫離一切牽制, 自由自在, 天大地大, 有一棵天下任我行的心, 才能成就大事. 

PS: 這裡的摩門教會成日寫信來傳道, 成日叫我去參加佢地, 唔係1-2年係咁, 係講緊廿年卅年都係咁! 最近我才意會到, 由佢地寄信來的名字, 跟我捐錢去慈善機構/科研/醫院用的那個名, 係一樣, 即是, 佢地在捐款人名冊上, 見到我多年捐錢, 就計劃來拉我去參加佢地. 

有時, 大家若要人家來拉攏自己, 首先自己要先有貢獻吧!




2022年1月25日 星期二

哈哈哈, 個市跌呢, 我JJ就再跌再勵!

 大家唔洗我JJ多講啦, 個市跌呀!

之不過, 大家不要過渡驚慌, 一D都唔係世界未日, 相反, 係D大圧因應加息收水和長通漲低GDP, 佢地轉倉或拆倉之際, 就係我地一眾小散戶執平貨的時機了!

如果大家驚自己個倉跌, 大家最重要計一計, 手上的現金和股息收入能否讓自己安穩咁生活1~2年, 如果可以, 咁就可以執D平貨了. 

都係果句, 睇住邊D SECTOR跌得多, 就係果D SECTOR 入手去研究, 去執那些平貨. 

唔講了, 我JJ要去煮飯食, 之後再 MARK 緊 D 個市了!

PS: 噓, 收市了, DOW DOW都無乜點跌喎! NASDQ 跌得金D, 即係現在跌D中型和初創公司, 這些公司呢, 大家就要小心D了, 風險會高好多!


2022年1月20日 星期四

未來是個恐懼?

唉...... 以前去那間華人教會時, 常常見到D人淨係只知口號, 不解實際裡意義. 

其實, 世人都有好多共同點, 盲目和口號主義就是其中之一. 無論, 心中有無宗教, 都係一樣. 

自從2019年中的突區開始, 就開始出現很多人嗌口號, 乜乜倒台, 乜乜玉石俱焚!

只是實情, 又是否如這些嗌口號的人所說所願, 朝著同一方向發展? 我JJ可以好誠實咁講, 唔係囉!

當然, 沒有人會反對別人嗌口號, 話澌都係人們佢地自己的自由行為吧! 只是, 唔好壞了其他人的事啊! 尤其..... 係人家個BLOG 度, 留下敏感字彙, 就會令人家個BLOG受到一定注意和監視! 人家用非敏感字彙, 來代替敏感字彙, 都會變得沒有用了. 

我JJ發咁多嗡瘋, 無非係想其他人了解到..... 正在發生的表面事情背後, 所隱藏的真正方向和之後的結果. 希望大家係我這個BLOG裡留言時, 唔好再用敏感字彙!

PS: 家陣上面又放水又減息, 唔好以為係為左救民間經濟, 也唔好以為佢地唔救就會倒台. 放咁多水出來, 無非係俾乜乜掌權建制D人, 去食左民間經濟, 所以, 一切事情只會朝著...... 最高極峰D權力會越來越穩故. 民間經濟不斷倒退, 最高極峰掌握的國家機器...... 越來越能夠支配整個國家和每一個人. 

哈..... 到最後, 現實一切只會朝著...... 嗌口號果D人的相反方向來進發. 

真係好懷疑, 這個劇本係一個天才...... 係60~70年前寫好左(提出人多好辦事果時), 交由後世不同的人去執行(唔忠實地去執行, 就會好似老胡老趙咁, 靠邊站後被軟禁), 是為到....... 讓這班人千秋萬代, 一統江湖.  

"公有化"和"放水減息去救經濟", 只是因應不同時代, 用不同口號去合理化一切, 殊途同歸而己.

聽到網上一眾人仍然講著.....  放水減息去救經濟, 唉...... 我真係越來越覺得恐懼, 越來越覺得劇本的執行人人數, 好多好多好多! 口號主義者, 無獨立思考的人, 最容易被人迷惑到!

 

2022年1月19日 星期三

要有心理準備, 未來10年廿載都不容樂觀!

網上睇到這些視頻, 真係比看到突區溫和派/新聞工作者被拘, 還要難受.

難受到點? 溫和派/新聞工作者還有獲釋的一天, 但上邊這些對將來絕望的人群, 卻使人更絕望.

第一個係做電商欠債人仕, 唉, 半年前還見到有個男人婆係網上推廣電商, 一看都知道.... 這些人唔係去呃到人欠巨債, 就係佢地自己欠巨債收場.

第二個係去拍廣州打日結工的人群, 令人十分意外的, 年尾流流, 竟然條街上仲有咁多人搵日結工來做, 可以想像到, 果度成街D人, 到年尾都係兩手空空, 這些人大多都是35~50歲之間的人, 一群快要失去工作競爭力的人, 係咖, 人一到40歲, 就少左人肯請. 

第三個係一個40歲出頭寫C電腦程式的男人, 中年失業半年後, 就再找不到原本的工作和收入了.

PS: 大家唔好以為這個是改朝換代的先兆! 因為這些人是社會上可有可無的人群, 有這些人在, 建制內不會肥了什麼, 無左這班友, 建制內也不會瘦了那裡去!

毫無疑問, 國內民間經濟中的協同效應正在消減, 民間內捲, 民眾之間的內爭內鬥轉趨白熱化, 反而民眾當中, 很多人會想盡辦法, 轉向成為建制, 就給與建制機會, 得到最優秀的新力軍. 看看以前老朱老胡老ONE, 年青時都係咁樣成為建制中人.

現在的內捲只是在民間層面, 相反, 建制現在正加快地吞噬一切民間力量, 成為他們成長的養份. 

未到建制中的協同效應消失, 是不會見到改朝換代的! 當然民間經濟協同效應消失, 會損害建制中的協同效應, 但處於層層疊疊群眾的上層建制, 沒有十年8年, 建制中的協同效應也不會消失, 可能未到這個臨界點前, 就有另一個老鄧出來, 找過別一班港燦來再開過廠, 再製造就業了.


2022年1月15日 星期六

疫情之下, 上天對人人都好公平!

呵呵呵, 大家可能會罵我JJ, 你又係度發嗡風了. 

嘻嘻嘻, 大家咪誤會呀, 我係經過精心思考, 才咁講出來呀!

聽說大陸有人計過佢自己在疫症之下, 躺平的花費, 水+電+手機+買MUM MUM番來煮+屋菀管理費+食煙..... 原來佢一個人一個月一千多DD就攪掂了. 

其實同我係加記差唔多, 這裡冬天貴D, 因為要俾暖氣嘛! 但係扣除暖氣+車保+房保+房稅, 我真係唔係多用佢好多咖咋. 無可否認, 我JJ算係好肯洗錢係食MUM MUM 果D人, 我這裡固網上網費係一舊水一個月囉, 幾貴咖. 

老實講, 疫情下, 人人都不太出外洗錢, 生活得好唔好, 根本係唔關有無錢事, 而係關自己有無留意自己的起居飲食, 願唔願花時間照顧好自己的生活囉.

係咖, 以前無疫情時, D人袋中寛裕D, 可以出外洗錢, 可以去旅行, 可以去買買買...... 

之但係呢, 疫情下, 就算有貴一貴相機/航拍/跑車/名牌衫褲鞋襪衣帽, 都要悶係屋企等疫情完呀! 無得出去威啊!

所以呢....... 哈哈哈...... 大家咪因為疫情而不開心, 反而應該認識到天上十分公平呀! 

自己活唔活得精彩, 全係因為自己沒有活得精彩的意志, 跟上天一D無關係呀! 哈......


2022年1月13日 星期四

好啦, 搵出情緒低落的因由, 積極去面對!

係咖, 心理輔導呢...... 係要找出情緒低落的因由, 再去改變自己的想法和做事方法, 積極去面對!

OK, 大家豬唔豬我JJ衰D乜, 就係係2018年時, 呼碌撞棍咁去估中左....... 忠美會講唔掂數, 就快無面俾! 

本來係好的, 我早早行動, 減少損失, 最少我JJ堅決唔買係老美上市果D忠字股. 只不過, 我估唔到剎出個程咬金呀! 在老忠被指攪唔掂D疫情下, 擴散全球下, 老忠的政治體制被受質疑, 即係....... 老忠一日唔改政治體制, 下次再有新疫症發生, 老忠被認定為.... 會陀衰全世界.

嗱, 各位, 咁樣呢, 原來還有少少計傾, 現在都無得傾呀! 噓, 大檸樂了, 原本我JJ唔買忠字股, 變成連好多老美股都要諗諗減持, 唉..... 老美D跨國科技股呀, 跨國金融股呀! 現在真係雞肋, 減持要俾利得稅, 唔賣又唔知會跌成點? 

所以, 近來十分頭痕呀.....

等我為大家把把脈, 睇大家因乜會情緒低落. 

大家唔早早移民, 大多都係覺得, 頂唔順外國生活, 收入大減, 又覺得突區唔會點大變, 相信己經瓜左果個老人家的承諾, 相信佢D靚會撙守佢老人家D承諾, 相信佢D第二代人馬仍會尊奉佢為祖師爺. 

噢...... 點知, 信錯左人喎, 而又一直誤以為自己係外國生活唔到!

嗱, 各位, 灘一灘我JJ的故事同大家講, 我JJ係突區時, 都同大家一樣, 唔多想做家務, 日日想出街食, 日日想住週圍去玩(查實我係加記都係咁, 日日好想出外玩呀!), 後來來到加記, 咁真係有幾年係唔多開心的, 不過, 真係可以適應到, 而且我由一開始, 就唔係唐人區住, 難度高好多呀!

咁..... 大家移民來到, 初來時可以住係唐人區嘛, 容易D喎! 大家現在努力D準備移民, 最好盡快啦, 唔好慢吞吞呀! 憑我JJ的經歷呢, 移民這家野, 人人都可以做得到, 視乎自己的意志! 尤其現在大家都睇到, 突區一切改變, 都係不歸路, 大家理應毫無反悔, 一心去移民, 頭也不回.

那種猶豫呢, 應該比以前任何移民, 都不會多囉! 

當大家決定了目標, 一心朝氣勃勃咁, 大步向前走......, 正如老供果一句....... "雄斗斗, 氣昂昂," 不過下句現在改為........ 大步渡過去移民! 哈哈哈......

2022年1月12日 星期三

30年前的香港, 是開心嗎?

 看看這音樂MTV, 好像那時人人都開心啊!

哈, 果時, 我都已經唔係香港了, 真係要大家同我講了.



2022年1月10日 星期一

雄們事件中, 猜猜"至高極峰"是怎樣去反應?

事件已經傳了一段時間了, 其實大家心中有不平, 全突區D人都要守法隔離, 為何有些人以為"自己有特權", 就唔洗?

好的, 暫時撇開大家中心不滿吧! 先由事件開始到現在一些參與者的激昂反應, 去猜猜整件事的紋理, 再去猜猜"至高極峰"的心思和反應!

首先, 要由這些人為何以為"自己有特權"? 可能佢地真係有特權嘛! 再看看一些被"短暫"隔離人仕的激烈反應, 更加證實這點了! 

首先, 主人翁極可能係藩鎮諸侯, 撫順一方的大員, 只是名不見經傳, 密密地去為"至高極峰"來辦事嘛! 不要忘記, "至高極峰"佢老爸, 也曾經在同一地方, 做過藩鎮諸侯嘛! 幾十年慮積下來的人脈, 今天同一地方的藩鎮諸侯, 都是為到"至高極峰"盡心盡意去辦事嘛! 

咁為何咁多人明豬隔離令, 都要去呢? 唉, 人生最難食的3碗麵:人面/情面/場面. 去呢, 唔係主要擦鞋呀, 而係要表示自己效忠於提拔自己的人呀! 再表明自己一定會保護那個提拔自己的最上級老細呀! 如果唔係, 就唔洗做了, 好快會被人架空了.

大家清楚實況了, 咁"至高極峰"心裡點諗, 哈, 十分簡單, 一定會諗....... 我地突手鎮唔住個場, 明裡叫做...... 多派強兵猛將來幫突手坐鎮一方, 實裡繼續再架空突手的職權範圍. 這個也可以解釋到, 突手點解會震怒, 因為不單只證明到, 佢就算在位, 佢都唔係話事果個, 只係傀儡, 而且仲會繼續不斷被人架空職權範圍.

嗱, 現在紋理好清楚, 派強兵猛將到來後, 個結果呢......? 大家真係當心了, 真係咪再點真名來批評, 因為會被解讀為...... 去踩"至高極峰"D馬, 就係踩"至高極峰"了!

PS: 我JJ成日都叫人去保護好自己的安全呀, 尤其, 大家現在不是在外國, 就更要去好好保護自己了.  

除非, 今次事件是用來開始削藩. 就算係, 大家都要行開少少, 唔好行埋去, 也不要點真名來批評! 安全要緊, 唔好俾自己有麻煩呀!


2022年1月8日 星期六

家陣呢, 投資應該要去抗衡長期高通漲+低GDP增長!

 昨天有網友提醒, 投資要保守一點!

係咖, 保守好重要啊, 不單單因為年齡大左, 就不能承受太多風險, 而且更是老美聯儲局話到明, 就快收水和加息嘛! 

當然外在的國際關係開始緊張了, 劍拔弩張的年代, 自從上世紀90年代蘇聯解體後消失, 現在再次重現呀!

不過, 我並不是叫人狂揸現金, 而是適可而止地揸住一小部份現金, 而揸D帶來入息的資產. 

例如加國有好多電力公用股/金融/保險/油管, PE15 以下, 股息3~5%, 足以抗衡長期高通漲+低GDP增長. 

這些公司可以講話係, 生意長有長做長賺錢.

如果大家只揸現金, 在長期高通漲+低GDP增長下, 必然會是輸家, 比起在長期低通漲+資產價格快升下, 情況更不妙啊!

好啦, 大家諗定後才好行動呀, 話澌係大家自己的事, 自己諗啦!

2022年1月7日 星期五

觀天下之勢, 來看創新科技股

雖然我JJ唔太去投資小的創新科技股, 但係我係有去投資大科技股, 而我投資這些大科技股裡, 佢地常常去收購或投資小的創新科技股, 話哂我唔係佢地行內人,我較喜歡去投資果D較大的行內人, 由這些行內人幫我去決定......那些小的創新科技股會成功跑贏嘛!

為何我JJ做D投資, 會比以前一些前輩有利和容易? 主要因為有3個世界不可抗逆的大趨勢: 蘇聯瓦解 + 陸肆後上邊繼續開放 + 資訊科技年代來臨. 這3個因素, 造就了空前長期的超低息環境. 老美用低息和高流通資金, 養肥佢地自己的科技發展.

只是大家都見到, 頭2個原因, 現在正在逆轉當中, 問題來了, 老美能否繼續維持超低息和超高流通資金? 我JJ透過投資大科技股, 還會受益嗎?

大家都見到我JJ開始叫人去買D收息公用股, 大家都見到, 我JJ相信科技股百花齊放的局面, 雖不至於結束, 但好大情度來講, 無左D平錢, 科技粗獷擴張發展, 將會不可復再了.

都係要同大家講, 雖然高通漲和加息, 但這些有低PE+高股息的股票, 比起高PE+低股息(擴張減慢)的股票, 更能抗拒高通漲和加息, 因為這些公司大都都有著一定的市場份額, 一定的客戶群, 一定的固定收入, 不會輕易被高通漲和加息所拖低. 

決定時, 大家不用驚慌, 想好想通了, 就要把自己的路行好行完啊!


 

2022年1月6日 星期四

開始擔心很多網上朋友!

其實, 我JJ好少去睇D激進 頻道, 大多都係去睇D教人去安安穩穩+趨吉避凶果D. 

老實講, 只睇過激進果D幾次, 大多都重複又重複講, XX 儻冧檔, XX人仆街..... 呵呵呵.... 我JJ唔豬其他人, 我聽得多就厭囉! 

咁, 我睇開果D頻道, 大多都係好溫和, 教人安安穩穩.

其中有位朋友,佢最近風格和版面改變左好多呀, 今次更加係一改佢以往的常態, 不再主打一眾小人物的福祉, 而是有點..... 為"XX儻"塗脂抹粉之嫌啊! 想深一層, 真係為到這些朋友而擔心了, 希望佢地最近的改變, 是發自佢地自己真心, 而不是受到任何外力影響.

 

這位朋友前幾排, 係講佢自己係中環返工的, 現在沒有再講, 真心希望佢人係外國吧! 

老實講, 現在任何人在突區或內地, 都不應該作任何有具體形式的對抗, 要避免用敏感字呀! 

只不過, 如果連咁溫和的群眾, 都令其他人為他們而擔心, 這個必定不會是好事, 會有反效果呀! 不可不察呀!

PS: 回看滿清倒台後北洋軍閥歷史, 再看看北極熊浦精大帝(前朝特務), 看來, 最困難的, 並不是看到一個政權解體倒台; 更困難的, 卻是這政權的彊屍靈魂不再復活掌權; 最困難的, 卻是 這政權遺下的技術官僚, 能夠對民主人權自由, 有所正面的覺悟和理解! 

其實, 大家都係人姐, 真係唔想有人仆街呀, 都希望大家生活得好好, 開開心心咁過日子囉!