DOW DOW 又跌9舊了.....

昨天升果段, 今天失守了, 可能事緣今天 AMZN 公佈D業績令人失望, 係咖! 都見到佢個大富翁老闆唔再做CEO, 可能係佢無辦法再KEEP住無工會, AMZN 要有工會了, 這些都是新創股增長失速的訊號.

好啦, 明天後天仍有TECH公司宣布業積, 睇落個大圍氣氛唔多好, 係咪都會賴落業積唔好, 來質低. 都係既, 無左平錢借來炒, 又加收水, 少左好多人係度炒炒頁了. 

大家如果要入貨, 可能都係等一等好啊! 睇落有排拉据向下喎. 

 

 

原來 DOW DOW 已經由最高跌左1成.

其實, 如果這是個調整(通常調整係10-15%跌幅)呢! 咁就真係差唔多了. 

不過, 會否有一系列調整跟住來? 這個極有可能, 看來未來一年裡, 可能都係成鋸齒型咁下滑囉!

跌D升D啦!

如果大家問幾時入市呢! 我JJ就真係無水晶球咖喎! 

我JJ反而傾向觀察個別股票的走向, 好多Tech 股都跌得好甘! 已經從最高位跌左75%, 真係幾吸引, 問題就係這些TECH股會否不再係高速增長股? 變成有如其他傳統股咁? 如果係, 就唔值咁高價, 咁高PE啦!

其實, 入貨呢, 跌得咁甘之後, 再加52星期或2 年最低位, 之前又係行內龍頭股, 大約都無乜走雞了. 只是我JJ咁入貨法呢, 百分之99.999 情況下, 我都仲係一買就跌咖喎! 

相信我JJ一來無橫財命, 二來我無水晶球, 三來我只是街邊二打六, 係要靠時間耐, 夠耐性才有錢賺了.

誰是港人?

雖然我JJ先輩49年前已在港居住, 算是老資格香港人, 但細時一見到香港原居族群的矛盾和鬥爭, 就覺得頭痛, 想快快走開. 所以現在一聽有人提倡"X港民族", 心底總不會有多少共嗚! 

可能很多人一看我個樣, 就知道唔係本土廣東或客藉港人, 尤其在香港時, D西人一見到我, 就有種親近的感覺, 覺得我同其他香港人好唔同. 後來才知道, 幾代前有人不是中國人.

其實, 香港人的成份好複雜喎!  倡議"X港民族"的那些人, 是否可以接受很多不同背境的港人先? 我成日覺得, 共慘儻反而更能夠接受不同文化種族背境的人喎!(我指文化種族呀, 不是政治呀!) 如果連這方面都做得不比人家好, 試問條路怎樣行落去呢? 對嗎?

最近才想起香港的菲律賓人社區, 尖沙咀灣仔好多, 點解? 因為二戰韓戰後, 好多軍艦來港停泊, 再加上商貿人員來港渡假公幹, 少不了一些娛樂休閒活動和場所, 當然菲律賓人較會表演西方音樂和演唱, 所以, 那時做外國人生意的餐廳/酒吧/夜總會, 都請有很多菲律賓音樂人來港演出, 所以, 尖沙咀灣仔有很多菲律賓人. 今天大家仍然見到很多菲律賓音樂人在港活動. 

試問倡議"X港民族"的那些人, 能否接受菲律賓同鄉們聚在一起唱歌跳舞? 講"大家樂"先? 如果接受到, 就會有人來反問, 連"大家樂"話都接受到, 點解接受唔到煲冬瓜呢? 更會有人質疑, "X港民族"是否一個偽議題嗎? 

好了, 不要怪罪我JJ咁講, 欲要成事, 上邊這些議題, 真係要先想清楚呀!

 

PS: 係香港時, 都未有人出聲來質疑我係咪香港人, 但係加拿大, 就常常有人咁來質懷我. 相信現在咁多人離港遠走他方, 這個質懷又會變得常常發生. 

老實講, 我自己唔識點分誰是港人, 半唐蕃係咪港人?  客家人係咪港人? 廣府話D人係咪港人? 煲冬瓜係咪港人? 賓賓印印係咪港人?

嘩哈哈.... DOW跌左近千點喎!

每逢星期五咁跌法呢! 通常都係無乜好野, 點解? 

因為..... 所有壞消息都會係週末前出來, 趁住2天無市開, D友就會週圍去收齊料, 睇睇一眾市場上有乜反映, 之後, 班友仲有星期六日兩天來執生, 睇睇點去救到無咁大鑊嘛!

如果要我JJ估呀...... 哈..... 求其啦...... 

講加息? 一次過加3~5格? 嘩哈哈, 如果真係咁, 有野睇了.

又或....... 向北極熊蒲精大帝SHOW HAND, 大佢? 哂佢欄? 

大家有乜估到呀? 

我諗過多幾粒鐘, 老美就會有人出來開估了.

從沒有"一代人的終結", 只是舊的人和事....有如....流水落花春去也!

 好似係2020年咁, 果一年有好多藝人過身, 而又適逢突區巨變, 就有人說, 一個時代的終結.....

但睇睇這些50~60年代的舊日剪報, 原來日光之下無新事, 往時發生的一切, 今天仍舊發生.....

當年的小伙子如名KOL蕭生咁, 充滿活力咁, 在他前輩的成就上, 大放異彩. 今天我們見到世事如斯, 就不要只懷念過去, 更加要在前人的路上, 加上自己的特色, 發放屬於自己的異彩.

破壞王背後的陰謀!!

大家都睇到, 青檸政策下, 青到大城市裡生產基地, 人人嘔白泡, 人人無工開, 人人無飯開, 人人買唔到野..... 

唔通真係有人同錢過唔去? 係都要攪到無哂D外貿, 無錢入來.

如果大家睇唔到這些人公開裡做破壞王, 暗裡陽謀陰謀乜都出齊, 大家就真再要打醒精神, 因為大家將會面對更難更波濤洶湧的未來. 

其實, 有乜好過有14萬萬的9菜奴隸? 你班友咁有錢, 就唔聽佢支苖, 點會做佢9菜奴隸呀? 打爛哂你班友飯碗, 你地班友先會聽聽話話, 跪哂係地下嘛! 現在破壞王佢要改變一切社會現狀, 由資本社會變回共慘大鑊飯年代, 消滅資產階級呀, 用青檸政策, 比起打資本階級來共慘, 阻力細好多.

唔單只要打爛你班友飯碗, 仲要打爛埋你班友一向的外貿關係, 突然停工停外貿, 外國商人下次就唔會再來訂貨買貨, 間接你地班友要乖乖聽佢指揮, 佢叫你地衝向枱海做炮灰, 誰敢唔聽? 我JJ好肯定, 破壞王佢咁攪法, 佢權力只會越來越穩固, 越來越無人可以出聲來反對佢. 大家唔好再睇錯, 咪以為佢權力不穩. 佢有軍頭撐佢, 佢點會權力不穩, 而軍頭本身唔靠外貿, 而係靠9菜奴隸, 一日14萬萬9菜奴隸無選擇無得揀, 軍頭一日都勢力穩固.

還有, 佢契哥老俄浦精大帝, 現在同老美老歐摙緊, 佢暗地裡用青檸防疫, 停哂所有對老美老歐D供貨, 間接谷高老美老歐D通漲, 佢想打殘老美老歐D短期經濟, 要老美老歐短期內狂加息, 狂踏經濟過山車, 減少老美老歐對佢契哥D壓力, 可謂用心良苦. 

係咖, 破壞王共慣人慘嘛, 你班友有錢無錢, 關佢Q事呀. 佢無忘初心嘛, 要繼承佢老祖宗的社會制度, 要來共你地D慘呀! 要你地班友由資本家, 變成無慘階級人民呀! 死未! 因為佢破壞王最憎資本主義和資本家, 你班友個個都有幾層樓, 一於改造你地班小資做無慘階級人民.

我從來唔會當人傻當人笨, D人詐傻詐笨, 大家咪俾佢呃到, 來緊D歲月, 實在凶險得很. 

我JJ一早看透這些人的心思, 一早移民走人, 到人人都話回流搵水, 我JJ都決定留係加記, 因為我知道回流係盞攪, 遲早又要再走佬過.

這些破壞王看一切小資, 視作反動勢力, 勾結外國, 小資唔快D走, 就無機會了.

PS: 

最近單墮機, 有消息爆出來係個機師自殺. 查實共慘儻一向係用小事遮大事, 容許D人出來小罵, 實則係掩蓋佢地D大件事.

如果以陰謀論來看, 估佢更高一級的大事, 咁就岩哂思路了. 如果咁估, 就係有好高階高官用化名上機, 又係機師的老上司, 一同計劃飛去外國, 大家看看, 一反常規, 機上有多個副駕駛, 也多左一個客服員. 就係以防某些人叛變. 

機翼尖老早甩左, 跌係離飛機幾公里外, 就估到係係高空已經甩左, 而唔係飛機失控下墮寺, 翼尖係半空甩左, 即係大有可能, 飛機係高空, 被人用小型截擊武器來打低, 只需要打爛少少機翼尖, 就會墮機. 

好明顯, 這個是個失敗的變節逃亡. 

所以, 現在發生的一切, 大家要估佢差D衰D, 咁才可以保到自己安全.

 

嘩! 家陣D人真係好宗教性喎!

自從10年前果套 Prometheus, 自後就不斷有人提出好宗教性的觀點. 這班友一直講野都好科學, 最近講到好宗教喎! 大家要認清一事, 世界已經唔同左.

 

做乜呃人? 老實做人不好嗎?

以下這件案件呢...... 我JJ有幾個想法啊!

1. 案中男主角, 背後有老闆, 佢只係一個顧員, 背後老闆和佢手下果班人, 一定好唔掂, 要急住搵快錢來養人.

2. 如果真係只呃到4億, 就真係無乜油水, 話哂又要租3間豪宅又豪車司機保鑣又咁多擺設, 又出動咁多名星代言. 可能好多受騙者啞仔食黃蓮, 唔敢出聲. 

3. 一個月有8%回報, 哈, 就一定唔會係撈正行, 偏財就唔係個個月有錢派回來, 更有可能投資者成為偏財的收入來源吧!

大家如果有天移民, 又或遇上環境翻天覆地咁變, 大家就要小心被人騙錢. 不過, 被騙後, 總不要以為騙人果D人好好搵, 有樣學樣呀! 大多數騙人果D人, 都唔會有好結果.

曾經見過一個人, 呃到唔少錢, 但一切都洗哂係裝潢上, 無咁多碼頭點呃到人? 碼頭樣樣都要錢呀! 到最後, 佢借高利貸, 更加變成入賭場去"博殺"! 唉...... 當然就泥足越深陷! 走路了事之後若干年, 窮到...... 還要避開舊日的襯家! 左閃右避, 當然臨老都唔會有餘財防身囉!

老老實實咁做人, 投資係D生意長有長做長賺錢的地方, 慢慢慮積財富出來,  人生行落去, 只會一天比一天好, 這個是我JJ來加記後的體會.

多年前, 有人話要成立華人老人服務中心, 其實, 老人靠人來幫, 不如老人自己後生時自己盡責, 多儲錢, 老來入間有個體面的老人院, 也教會自己子女盡責去幫幫父母, 這個才是最應該做的事.  真不知道..... 華人老人服務中心, 能幫上什麼? D人會否更不負責任, 又或引發騙案? 那就不知道了. 

我JJ多年前就收過一封咁樣的邀請加入信, 信中仲話如果現在唔加入, 將來就不會有人理會! 哈, 真係多謝發信人咁睇得起我.... 

但我對那些不做好自己本份的人, 又或有心呃人的人, 我自己無意行近佢地. 總之, 做個好人, 唔好行近果D麻煩友, 就係人生幸事了. 

PS: 可能係2019年夏天吧, 有次我JJ去完遊樂場玩(好似香港迪士尼果D), 出來時見到片中謝小姐+佢老公張生喎, 拖住個仔, 可能想帶個仔入遊樂場玩, 係門口見到我, 就來一輪咀咁話間遊樂場門口好殘. 

哈哈哈, 大家都知道阿張成日做古惑仔, 咁佢當時個款又好似古惑仔嘛, 又一輪咀同我講廣東話, 我第一唔記得佢係乜水, 第二, 佢一輪咀我一時間聽唔明, 第三佢個款嚇親我, 我立刻走開!

後來坐係巴士上, 才記起佢地係謝小姐和張生, 哈哈哈, 我就用廣東話提醒佢地攞飛, 來轉乘其他巴士和地鐵. 所以, 果款唔好似古惑仔係好重要.

面對這雜亂無章的新世界秩序, 我們需要一個善良美好的意願!

卅年前, 周猩猩果套"韋小寶"裡, 徒弟問師父, 人人有飯食有書讀, 為何還要反清復明? 難道明朝十年有九年鬧飢荒好嗎?

慶幸我地一眾港燦迎來美好的黃金30年, 老蘇解體, 老鄧又講改革開放 + 全球一體化 + 過多幾年開始的資訊年代.

果時, 我JJ係果間唐人教會裡, 叫D認識的教友去買大型公司股票, 本意係為左提高佢地收入, 好令教會裡有更多人有餘力來支持教會. 如果這些人真係緊張一下自己未來, 有儲錢, 用積蓄去純粹投資(參與大圍的經濟建設), 唔係去投機(零和遊戲), 今天佢地應該生活得唔差, 最少退休生活有著落!

是的, 參與大圍的經濟建設, 令到人人生活有改善, 連帶自己都會水漲船高, 相反, 參與零和遊戲, 到頭來兩手空空, 就唔好來怪罪別人了. 這裡透視了什麼? 一個善良美好的意願 - 希望人人有飯食有書讀, 唔係為到一己私心, 而去幹大事! 自己唔做好自己本份, 就出來罵人, 乜乜要佢地自己出名留名, 乜乜威過某人, 乜乜我叻過你, 乜乜你唔好來CHALLENGE我(好似講粗口, 叉X住, 哈哈哈..... )

其實, 這黃金30年裡, 有些人身在福中不知福, 還以為上天苦待佢地, 特登要去整古別人, 令到別人陀陀轉. 好了, 現在好日子走到盡頭了, 就千祈咪再係咁, 再係咁, 這些人的苦日子就只會更多更慘了!

是的, 面對亂世+苦日子, 我們需要一個善良美好的意願, 對壞事惡事要提防, 要去說不! 要有感恩之心, 因為天以萬物以養人, 人無一物以謝天. 當人人都以為係老逢, 世界點會唔亂呀!?

PS:  見到D人咁去封城, 我這邊LOCKDOWN, 係講緊還可以出外買必需品, 一切必需商業, 繼續營業, 而唔係D人封係屋企無飯食無必需品, 而且價格受監管, 不能狂升呀!

人若沒有這些善良美好的意願, 樣樣都誤以為老逢咁, 咁樣世界點會唔亂? 點會唔受到萬人憎惡? 

有人說, 封城下, 才意會到, 這40年真是一覺春秋大夢, 還以為努力建設下, 生命+生活+財產的保障有所改善, 原來還差過40年前.咁樣下去, 整個社會和民族, 那有人有心去上進呢? 進步力量一舖清袋呀!

 

 

 

 

日光之下無新事, 由凱撒銅幣, 到明朝銀銀元寶, 到英磅, 美鈔, 再到人仔, 盧布.

最近北極熊叫佢地D能源和穀麥買家, 用佢地發行D盧布來結算, 佢地最大能源買家歐佬就反對咁, 講合約寫明用歐元結數, 點可以改合約, 當然, 這個令到老歐十分不安, 令佢地想起老烏現在慘況, 深怕繼續養虎遺患.

等我JJ同大家解釋, 這個係爭取物資交易裡的定價權其中一步. 

如果以北極熊的如意算盤來打, 佢地出口果D能源和穀麥佔世界份額的3~4成, 老歐係北極熊其中之一的能源買家, 而老烏係老歐最大穀麥供應國, 老歐其餘穀麥供應國係老美和南美. 北極熊盧布應該有不少需求. 因為北極熊仲有供應好多窮國穀麥和能源, 相信窮國就無得反對了. 

老美應該供應到老歐部份能源和穀麥需求, 但係格錢會貴D, 而且用美金計價, 所以, 到最後, 老歐會否完全企係老美果邊, 就真係懸而未決了. 

當然人仔盧布會實現成為一些交易貨幣, 但要用來取代美元, 簡直談何容易, 最少, 連取代歐元都有排未得喎!

美元唔只係交易貨幣, 仲係儲值和定價貨幣, 人仔盧布連交易貨幣都未到呀! 漫漫長路, 無得同人揮呀! 

老歐同北極熊太近了, 老歐一見到現在老烏打成咁爛溶溶, 就真係死都唔同北極熊落搭了. 

所以, 各位, 美元係可見未來, 仍舊係主要的貨幣, 我仍舊提議各位手揸美元, 係比較安全的選擇, 至於買賣貨幣呢, 唔係做相關貿易, 或生活兩邊走, 就唔好炒果D貨幣了. 

PS: 無錯咖, 爭霸最大的體驗, 就係有共用貨幣的發行權囉! 無疑, 老美D美金係環球通用貨幣, 就算政治取向係點, 又或喜唔喜歡, 都要暫時接受美元這個現實囉.  

其實, 我JJ係美加可以安居樂業咁多年, 主要係因為佢地資本市場比較穩固, 投資落去D生意長有長做長賺錢的股票裡, 比揸磚頭更好更穩陣.  最多幾十隻大股票裡, 只有一隻造假, 或生意爆煲.... 其餘, 都係OK咖.  

 

睇睇南美洲細國窮國D唐人市場.

 嘩, 嚇左我一跳, D野超級咁貴呀! 哈哈哈, 照道理呢, D人收入唔高, D野就無理由咁貴呀, 一條油炸鬼就貴過這邊50%了. 

相比加記, D野比加國唐人街還貴呀. 如果加記西人超市有賣的, D野就更貴. 好似D紫色茄子咁, 西人超市都係2皮左右一磅, 果度要成4皮一磅.

 

PS: 所以呢, 大家移民, 就一定要去D富庶地方, 一來唔只搵食容易D, 二來物價和生活開支會低D, 容易D儲到錢. 其他D, 如退休和醫療, 就更好.

自己住了咁多年加記, 越來越感到這裡生活得好好, 最少唔會餓死人. 生活壓力細好多. 

我以前有教友由果度來, 大多由國內去果度, 搵夠錢就移民來更富裕的地方. 就算佢地來加後發展一般, 都唔想再返去南美.

 

"青檸"政策, 是否用來達成"閉關鎖國"? 跟老美脫勾?

咁耐都想問一個問題? 係咪所有人都唔想脫勾先? 唔想閉關鎖國先?

哈, 咁又唔係喎..... 嗱.... 果6億無銀行戶口果D, 真係唔關佢地事喎, 脫唔脫勾, 閉唔閉關鎖國, 同這6億人無關喎, 只要共慘儻唔好冧, 個個月有D少少錢濕濕佢地, 耐唔時表演一下, 劫下富, 濟下貧, 咁就得了. 

老實講呢, 邊D共慘儻人最想閉關鎖國? 就係果D咁耐都無甜頭果班友, 成日候住果班利益既得者手上D 經濟資產. 

明搶? 就真係會難好多喎, 反而, "青檸"青到佢地個個反哂肚, 死Q哂, 就可以順理成章, 再用阿公名義, 督手指督D公仔紙出來, 用阿公名義來兼併左往日利益既得者手上D經濟資產.

其中的道理, 就好似50年代..... 假借對外打"寒"戰, 外國一制裁, 攪Q死哂D民企, 就可以兼併哂所有民間資本和生產力量, 把儻外一切, 變成儻內一切. 共你慘時, 卻被說成..... 阿公來打Q救你呀! 哈哈哈..... 

好啦, 大家如果岩聽, 就當係都市傳說D故仔來聽, 又如果大家好似我JJ咁緊張, 晨早就捲$$外逃啦!

唔岩聽時, 就當聽封神榜D故仔咁聽囉! 大家週末快樂啊!

PS: 唉,隻右手仲未好番呀! 唯有用左手攞MOUSE, 單手打字囉!

70 餘年來, 從未完的焇煙?

 物以類聚, 人以群分, 自從2戰打敗法西斯後, 人就分為兩個不同的觀念, 共產和資本主義...... 

只是後來, 很多人出身於共產, 但在90年代共產政權崩潰後, 以非共產政權名義, 繼續來掌權, 實行共產政權下的權力架構, 維護舊日共產政權裡利得者的特權和利益. 

只是在再沒有共產政權後, 舊日的權力架構, 每每被人民來挑戰, 甚至被人民用選舉來更替.

環觀東歐華約解體後,  就陸續有舊日共產政權下的掌權者, 被人民選舉來替代. 波蘭因為一直有強大的工會, 所以容易用民主選舉, 來更換舊日由共產政權過渡的掌權者. 

當然, 羅馬不是一日建造, 東歐民主也不是一天就成功, 在共產政權崩潰後, 要慢慢來把舊日利益既得者和掌權者來更換, 但總有一些國家較容易實行民主, 如捷克/匈牙利/斯洛弗克/波蘭.

也當然, 總會有些舊日利益既得者, 戀棧舊日權位和利益, 起來反對, 起來制止民主選舉, 制止再有舊日寡頭倒台.... 名義上, 這些人反對北約東擴.

大家看看十幾年前, 東歐一些國家加入北約, 就是打算避免再重陷舊日共產政權下的寡頭治國, 避免舊日利益既得者再掌權.

現在, 烏克蘭所發生的戰爭, 真不太清楚又是否..... 因為舊日利益既得者戀棧而發生, 不過, 制止這股民主化浪潮, 制止舊日利益既得者被人民更換, 就一定係今次戰爭的其中一個主要原因. 

所以, 今天發生的一切, 都是這70餘年來的延續, 一切並不曾因為共產蘇聯解體, 東歐華約崩潰, 而停止, 相反, 一直延續到今天, 煙焇從未停止過! 

理解事情的本質, 就知道當今沸沸揚揚的和約或停火, 我們總不能當真, 又或.... 就算講得成, 簽得成, 都只會是鏡花水月, 唔會執行得到.

PS: 由是觀之, 大家可以看到中國民主之路, 仍舊漫漫長路, 20年前, 有人豪情壯語說, 鬥誰人命長, 看來, 這些人都未必夠長命看到了.