2020年5月30日 星期六

台灣條通奸罪被裁違憲, 為何不能告詐騙?

台灣條通奸罪呢, 都係告被告罰錢賠償和用錢來代替坐監, 又唔係有古代果D對奸夫淫婦的酷刑, 以我JJ觀點認為, 其實真係無乜需要阿茂整餅播! 整條咁樣的"通奸"罪出來!?

條罪狀可以係告佢地詐騙和不誠實, 導致配偶或他人配偶受到精神和金錢上的損失, 例如: 果個老公係追個老婆時, 每天天未光就搭夜班巴士, 每天貴左成倍的交通費, 可以歸納為金錢損失, 又例如: 每月供養個老婆皮幾野, 而個老婆在這段時間內, 跟人通姦, 咁就, 唔係叫個奸夫賠錢囉! 

老實講, 除非無得離婚姐, 有得離婚, 就唔洗去通姦嘛? 可以好誠實咁同對方講要離婚! 

我JJ一向都懷疑呢, 通姦呢, 係D夫婦性生活不協調! 咁, 有得離婚, 唔係可以去搵第二個岩佢果囉? 

我JJ本人不是宗教到連教會裡D人離婚, 都要去阿芝阿佐. 如果這些人離婚開心D, 我也會接受. 只不過, 這些離過婚或嫁娶那些離過婚的人, 就唔好用屬靈乜乜物物, 向我JJ阿芝阿佐了, 我看..... 離過婚的人, 其人生有了缺憾, 已經不再是一個完美的人. 他們自己婚姻都不能從一而終, 那有"致死不渝"的誠信可言? 我那可以把我上天堂得救恩的旨望, 寄附在這些人的屬靈帶領上?

我JJ自己本人呢, 就好怕任何女性, 攞我同佢地男友或老公比較呀! 我一聽到咁樣評語, 或發現人家有咁樣的傾向(例如:成日望住我), 我就會立刻行開少少. 其實, 我係唔會介意那些無男友/老公D女性, 來把我JJ同其他男性比較, 都無乜可謂的! 都唔會有乜大麻煩! 

我一直都好鄙視我果個身邊好多女人的麻煩親戚, 我一向都認為佢身邊果D女人, 全部都係有夫之婦, 一向都認為佢做人毫無誠信, 去破壞人家家庭幸福. 上年佢帶住佢果班女人過來攪移民, 佢叫我幫幫手睇下D移民申請表, 十分意外地發現, 佢果班女人全部都係寫單身未結過婚喎! 咁, 即係, 佢一直都無去破壞人家家庭幸福? 嘿, 一樣米養百樣女人, 可能佢果班女人, 跟其他女人有少少唔同! 

所以呢, 人家如果男女關係比較複雜呢, 都未必係奸夫淫婦呢! 都未必有破壞人家家庭福幸的惡行.













2020年5月25日 星期一

在刪舊BLOG文中, 發現一件重大事項!

當我刪到2019年7月21日之前, 我差唔多開始唔洗點刪喎!

因為我JJ發現一件好驚人的事項, 原來我係2019年7月21日之前, 我係一個微微藍的藍絲.... 噢..... 天大震驚之事呀!

睇番自己係這一天以前的BLOG文, 唔只會為習大大來講好話, 就係唔幫老美講說話, 仲叫人如果要出來遊行示威, 千祈唔好要習大大係當奴友面前無面子.

我當時原來唔單只自己在計劃打算回流回來, 還猛叫朋友跟我一齊回流, 我仲叫埋其他係香港的BLOG友仔唔好移民, 唔好離開香港, 因為香港係個福地.

嘿, 好啦, 我JJ一直自認睇野十分前曕性, 能睇到別人未有咁快睇到的事, 不過, 到左今天我真係好抱歉SAY SORRY了. 

由2019年7月21日到現在, 係基本法附件3裡引入全國性法律, 10個月多少, 300日都多DD呀, 原來我JJ係如此目光短淺, 只能看到10個月後的事, 真是愧對大家BLOG友仔, 沒有好好地及早提醒大家. 罪過罪過..... 

無語問蒼天, 人間為何物?

2020年5月24日 星期日

投資高新科技, 都係小注宜情呀!

如果大家來問我, 投資高新科技是否一定好? 

我JJ係過來人, 我果時後生細仔, 無問題, EM..... , 年紀一大, 唔一定好囉! 風險好大, 會令到自己心情有如過山車一般.

咁, 對大家來講, 我都係果句, 少少地宜情囉! 咁唔係..... 心情唔會受影響囉! 

咁, 又如果有人講話, 要有一個可以改變人生的投資, 咁即係要落重本啦, 咁, 就真係食得咸魚抵得渴了. 

就好似果隻頁岩油先創公司 CHESAPEAKE咁, 真係令人肅然起敬, 我JJ個人就十分專敬重果個創辦人, 可以開創到驚世駭俗的成果. 不過睇睇現在公司條數, 現在十幾美金一股, 竟然每股一年蝕左近900百蚊. 咁, 即係佢負債累累喎, 比任何國企都大Q鑊呀! 已經陷入破產邊緣喎! 還有, 佢現在係炒友至愛,  前幾日, 一日內成交額係佢發行股數的58%呀, 係平均每天成交額的2倍幾, 即係平日佢每日D成交量都係發行股數的廿幾個%呀, 即係好多人用佢來做一日鮮囉! 係一日鮮D愛股, 因為佢高新科技, 又受人專重囉! 人們攞佢個朵來炒來做一日鮮.

咁樣囉, 我JJ對這些公司創辦人心存敬佩, 但到現在咁, 就一定不去買佢D股票呀! 相信油價再反彈返去60元, 佢有排先至還清D債, 再出股息喎!

嗱, 我唔係係度講人壞話, 只是以事論事, 風險可以是投資者的好朋友, 也可以是投資者的禍根, 最重要適可而止啦!

好多年前, 有位做通訊軟件的朋友(唔好講現在, 我後生時個朵仲高新呀), 佢找我來投資佢的生意, 其實, 佢一條友就算點勁, 咁來單打獨鬥, 就算再加埋我JJ這個2打6, 風險都仍然會係好大呀! 我都好心勸佢小心風險, 講笑咁同佢講: "HI TECH HI 野呀!" 希望佢會適可而止啦!

這位朋友有點小氣了, 好啦, 我果時唔再同佢來往, 佢D朋友唔多LIKE我, 我都無法了. 風險這家野, 佢D朋友喜歡的, 可以去投資喎, 唔需要講我這個不好, 那個不好. 我JJ當然係細膽啦! 不過, 我好均真的, 唔投資就坦誠講囉!

多年過後, 這位朋友人到中年, 總算捱到間公司出來了, 佢找到人來投資囉, 好靚辦公室座野, 不過好似壇花一現咁, 又摺埋左了. 其實, 有夢想, 有理想是好的, 不過, 當有人勸佢不要低估風險時, 就咪當人係仇人, 死都要嗌頸咁! 好啦, 唉, 佢人到中年, 事業無左, 希望佢有餘力去睇住佢父母了. 

總之, 當人係仇人, 係都要數臭別人, 查實之唔係.... 佢令到佢自己在眾人面前, 落唔到台, 唔衰得, 只會令佢自己日後要硬食落去, 到最後都只會係搵自己笨!

2020年5月22日 星期五

全國性法律引入突區法附件三了!

好啦, 我JJ已經係許可的情況下, 都己經做足我自己的本份了.

不過, 大家唔洗怕, 我會好快開始刪版, 仲會刪埋大家的回覆, 一定盡好我JJ本份!

孔曰成仁,孟曰取義,惟其義盡,所以仁至。讀聖賢書,所學何事?而今而後,庶幾無愧!

原文網址:https://kknews.cc/culture/66jpep.html
 我JJ讀聖賢書, 所為何事? 宜今宜後, 庶幾無愧!
孔曰成仁,孟曰取義,惟其義盡,所以仁至。讀聖賢書,所學何事?而今而後,庶幾無愧!

原文網址:https://kknews.cc/culture/66jpep.html

孔曰成仁,孟曰取義,惟其義盡,所以仁至。讀聖賢書,所學何事?而今而後,庶幾無愧!

原文網址:https://kknews.cc/culture/66jpep.html
孔曰成仁,孟曰取義,惟其義盡,所以仁至。讀聖賢書,所學何事?而今而後,庶幾無愧!

原文網址:https://kknews.cc/culture/66jpep.html
孔曰成仁,孟曰取義,惟其義盡,所以仁至。讀聖賢書,所學何事?而今而後,庶幾無愧!

原文網址:https://kknews.cc/culture/66jpep.html
孔曰成仁,孟曰取義,惟其義盡,所以仁至。讀聖賢書,所學何事?而今而後,庶幾無愧!

原文網址:https://kknews.cc/culture/66jpep.html



2020年5月19日 星期二

現在係突區做名家, 實在不容易!

大家埋泥睇睇前忠銀經濟分析師講乜..... 佢平時一邊飲啖酒, 一邊談笑論經濟, 但我今次見佢, 佢係片裡頭果幾秒, 一開始講到經濟, 就笑唔出, 仲心跳得好快, 猛係度深呼吸, 即係佢講果時, 有心理壓力呀!

佢都同我一樣, 估老美老共會反枱了, 所以, 就會去到盡, 一往無後退. 全世界都開始討厭老共, 杯葛老共同佢D相關人仕.

我自己就諗, 老美就會大量撤出老共地盤, 同老共切割, 大家唔再來往, 甚至唔俾人在突區換美金.





所以好多人真係好頭痕了, 還好, 我JJ退左休了, 仲賣哂D出租物業. 家陣我這邊滿地可, 好多人無野做 - 失業, 再加上物價飛漲, 無租交, 現在投資出租物業都不會有利可圖了.

任何REITS 都唔會掂了! 一定會加速死亡!

還有, 我將來再回來一遊時, 可能要腰上纏些美金入境, 帶回來俾親朋好友了, 因為再唔可以係突區換到美金了, 要買外國貨, 就只能用美金! 而我地係外國, 因為老共被制裁, 係匯唔到外幣回來.

如果到時變成咁, 今天一眾的一切幫凶, 就真係邊度都會有人識得佢地, 好樂意去告發佢地, 曾經幫老共攬炒全世界, 老美又樂意來凍結這些人的資產!

不過, 大家唔好以為老美會為突區一眾民主人仕, 而同老共打起上, 如果真係打, 都只會係其他利益上出左衝突. 有眼睇啦, 老美係南越西貢撤軍時係點? 後來過左幾年, 都只係洗橫手搵老共幫佢出氣, 佢自己唔親自出手了. 今次大家咪諗住老美會打老共, 老美一心想沒收老共海外資產, 咁就已經夠老美肥仔啦, 點會為到一眾突區人仕, 勞民傷財?






2020年5月17日 星期日

為何我不會求其去捐錢俾人?

我JJ住係加記, 常常都會捐錢, 一來有退稅, 二來話哂參與社會公益. 

以前唔多識, 有慈善組織打來搵我捐錢, 我都無乜托手肘. 不過, 之後就大檸樂了, 變成好多慈善組織打來找我. 高峰期係一天接三單. 

哈哈, 後來我終於學會了, 先問問對方用D捐款來做乜, 再問問對方D行政費佔捐款幾多%. 通常唔能夠明確嗡出捐款用途, 我一定唔捐; 多過3%行政費, 我都會唔捐! 咁, 就剩抵D紅記呀, 宣記呀, 醫院呀, 病學研究所咁囉! 

只是我後來發現, 政黨每次選戰時, 都會來找我拉票! 原本, 這個是我們華人之光, 有得俾政客來拉攏, 有政客來聽我對加記的想法喎, 可以影響加國執政者嘛! 

但係呢, 對住這些政客最好多聽小講為妙, 一係唔講, 一講就要政治中立或正確, 或用加國人的出發點去講, 千祈咪講自己係華人, 要加國政府要點點幫華人.... 

後來, 卻發現, 原來政客的來電, 是從慈善組織捐款人名單上找到我出來的. 其實, 都岩咖, 捐得錢俾加記本地慈善組織, 這些人一定係心系加記的福祉, 政黨找這些捐款人來拉票, 甚至慕捐, 都是合情合理.

只是, 我JJ呢, 天生膽細, 喜歡政治中立, 做騎牆派, 做牆頭草, 唔想得罪人啊! 去投不記名票, 我可以呀, 但向任何政黨靠攏, 支持, 甚至捐款, 咪攪我了, 哈哈哈..... 捐錢俾慈善組織, 都己經俾人知道了, 捐錢俾政黨, 咁唔係, 另個政黨一定會知道? 噢, 君子不立危牆之下啊! 

尤其911之後, 新聞報導施襲者, 係透過假扮慈善組織來得到營運經費, 之後, 我就對任何來慕捐的組織, 都會問多幾問, 打爛沙盤問到篤! 絕對, 絕對, 唔會俾我自己的捐款去傷害到任何人.

最無恥的, 有新聞報導, 有個叫樂施會的組織, 其災後援助隊員, 在海地叫雞! 仲唔係做開雞果D喎, 仲係災後極需救助的女性! 翻查佢地D行政費係十幾個%! 怪唔得啦, 去哂迫良為娼, 頂佢個X呀! 生仔無XX呀! #!@%(#(%$&*()#$*%)*@($#)_!_)$(%()#(#_!*%#)*!()$)$(^)+.....

我相當清楚,  捐錢俾人, 是個大學問, 我寧願長期去捐給特定組織, 也不會求其去捐錢呀!

PS: 我在香港做醫生的親戚, 生活真係好節儉, 病人誤以為佢地收多多診金, 但係絕大部份都是去左掛單的醫院, 佢地自己診金佔很少很少部份! 有次我提議其中一個, 買部萬餘港元的相機, 他卻說不買了, 想把金錢用在更好的正途上. 

係啦, 我知道的, 佢地時時話D錢唔會留俾子女, 會捐哂俾慈善組織. 有次我同佢地講笑咁講, 我最怕我的捐款落入壞人/心懷不軌的人手中, 多過擔心自己亂洗錢呀! 

自己賺番來, 自己用, 天經地義, 捐一部份出去俾真正做慈善的組織, 已經係十分可貴了, 最重要係..... 確保捐出去的錢, 真係用來做善事好事, 咁就阿尼陀佛, 天大功德一件了! 

唉, 以前我去開的那華人教會, 其實又真係有好多人唔知做乜咁咖! 誤以為入教會裡, 人們就要幫佢地消災解難, 就要人地做佢地服務者咁! 好啦, 如果連D長老執事牧師都唔知做乜, 咁, 我和我的十一奉獻也會消失了, 實在太簡單了!  

好多年前, 我都已經知道左, 再有新錢賺返來, 都唔會係我自己洗了. 最近又再發現我D侄仔侄女實在太生性了, 好大機會, 佢地生活都會好掂, 而我又無兒無女, 咁, 即係, 我要諗定..... 將來捐俾邊D慈善組織了. 現在開始慢慢留意下邊D組織真係做野的, 真係幫到有需要的不幸人仕.

講開我D親戚, 個個都做人好生性呢, 就算我果個好Q麻煩的親戚, 佢成日俾D女人纏住哂, 但都係好孝順, 聽講佢成日返去佢阿媽度, 煮飯俾佢阿媽食, 一個人照起佢阿媽的生活開支, 唔洗佢D姐妹操心, 做男人, 佢都算係咁.








2020年5月16日 星期六

紅樓夢有講, 劉姥姥入大觀園, 現在我JJ, 就入左大數據時代大觀園了.

昨天一用BILL叔叔 視窗10裡的錢錢軟件, 去睇睇我已經SET好果張股價WATCHLIST, 發現無左喎......

係咖, BILL叔叔網上賣視窗10, 賣大麭呀, 送埋錢錢果個軟件, 好多年前, 錢錢果個軟件係要用錢來買咖! 好似係1百幾十咁啦! 

現在無得用, 心中有氣難消呀! BILL叔叔你做乜鬼呀!? 捐錢去攪疫苗奶野不單止, 連自己看家之寶的視窗都奶哂野喎!

好啦, 上網一查有乜地方俾我擺張股價WATCHLIST上去, 每天俾我昅下啦! 發現俾錢都無人提供這方面服務喎! 乜以前唔係有咩, 一個月俾佢幾十蚊美元, 就可以追蹤100-200隻股價嘛!

嗱! 照常理咁諗, 有人俾錢, 就有人提供啦, 唔通2008年時D小散戶個個炒燶左, 再無小散戶會去追蹤100-200隻股價?

噢..... 不過呢, 我JJ呢, 用別一個思維去諗, 一定有人用好廉價, 甚至係免費, 提供左D相同的資訊服務了. 

俾我搵多幾搵..... 叮! 發現了, 原來 GOOGLE CLOUD有筍野, 可以入去佢個 CLOUD DRIVE 裡, 自己整張SPREAD SHEET, 打上自己想要D股名, 同埋想要D乜資訊(如PE, EPS, 股價, 52WEEK HIGH LO, DAY HIGH LO), 同埋可以做一些計算, 得出一些簡單的指標出來. 哈哈哈..... 睇下下邊佢講乜, 就知道點做了, 十分正呀!



PS: 嘿, BILL 叔叔已經好聰明, 整左個視窗出來, 由3.1 到現在10, 中間的WIN95多BUG到傻呀, 時時 HANG機, 俾人鬧到佢落地獄呀! 唔知係咪佢黑仔? 還是佢係先行者, 行先俾人鬧到爆? 這幾年佢D疫苗又係俾人鬧有負作用呀. 

佢現在話要趕快出COVID-19 D 疫苗, 我諗, 就算佢成功, 我都係等其他人打左幾個月後, 我才去打了, 由WIN95到WIN8, 佢都成日俾人鬧! 我都係信我一向對佢忠粉的JNJ好了!

不過, 在雲端大數據上, 佢一定唔夠 GOOGLE 砌了, 連我JJ不嬲都係佢忠粉來咖嘛! 現在都要離他而去. 拜拜了BILL叔叔! Sayounara 你條尾! 

好了, 既然我用GOOGLE咁 HAPPY, 我呢, 就會考慮買佢股票了. 

仲有呀, 各位GOOGLE上的網管大大呢, 大家咪睇到我有張咁長的WATCHLIST, 就以為我JJ好富有! 咁長係因為我JJ好奇心特別重, 喜歡豬事八掛咋! 同我有無錢係無關係咖喎!


2020年5月15日 星期五

吖, 我JJ突然盲左隻眼!

前兩日DOW DOW 跌左近千點, 真係好關心係咪又再跌過嘛, 咁唔係老虎蟹都昅實囉. 

今日起身, 一如往常, 開左BILL叔叔個視窗10, 入去附送的錢錢軟件裡,  睇睇下自己SET定哂個張 股價WATCHLIST呀嘛! 點知...... 瓜左呀! 彈左個ERROR MESSAGE 和號碼呀! 

嘩, 果一刻, 真係好似晴天霹靂咁呀! 失落到無比呀! 嗚嗚嗚..... 

上網一查, 原來我唔係唯一的受害者, 原來 BILL叔叔網上做好事, 買視窗10送埋錢錢軟件,  點知用幾用就死左! 

係啦, 佢最近俾人指責佢D疫苗有副作用, 整到D非洲貧民女性不育喎! 話要佢賠錢喎!

噢, 不過, 這個係公益事業來咖喎, 佢都無收貧民D錢? 我JJ買佢視窗, 附送的錢錢軟件個 WATCHLIST 瓜左, 我都唔會去告賠啦! 不過, 唔可以排除有D無所事事的人, 加上D無所事事的律師嘛! 

總之呢, 有錢人就最容易俾人索賠呀! 捐錢俾某某慈善組織, 都可以有可能俾人索賠呀! 唉, 家陣做人真係難了!

講番我自己, 我諗我都係快快搵過個地方放我張股價 WATCHLIST 了.

2020年5月14日 星期四

有錢就一定任性?

哈哈, 最近網上傳聞, 某女星跟佢老公協議分居前, 竟然在網上用左8萬人仔, 來打償某男網紅喎!

啊! 咁..... 係咪任性呢? 8萬人仔話多唔多, 但話少唔少喎! 如果以一個普通打工仔來講, 就一定係任性了; 但如果以一個年入億萬的富人來講, 可能小事一件, 只係大家捧捧埸, 俾俾面咋喎! 

之不過呢, 對一個女星來講, 除非佢賺錢買花戴啦, 拍戲/接JOB去登台/開演唱會, 一切都係好辛苦咖喎, 咁辛苦賺錢番來, 都唔好亂洗呀!

我JJ諗呢, 任性這家野, 唔只男人會有, 女人都有咖! 

至於, 用錢來任性呢? 大家可能時時見到d男人咁做, 但係呢, 在這個女性唔洗靠男性的時代裡, 又真係越來越多女性用錢來任性呀!

我果個好Q麻煩的親戚, 佢成日俾女人纏住. 早幾年, 唔知點解佢突然移民過左來, 初時以為佢婚後, 同個有錢老婆移民過來. 係我隔離買左屋後幾個月, 有幾個女人由香港過來找佢晦氣, 才知道, 果個唔係佢老婆, 幾個女人係香港時, 都同佢有關係. 班有錢女下唔到啖氣, 任性起上來, 走過來找佢晦氣!

上年年尾, 佢帶住曾經找佢晦氣果幾個女人, 再番過來, 幫佢地申請移民, 仲係市區每人買左個高廈幅式單位. 咁, 佢就又走來搵我帶路+幫手睇買賣合約. 

唉, 見住果幾個女人幾日, 又發現果班女人同普通女人好唔同:

1. 好醒目, 能力好強, 好喜歡同人爭第一, 尤其要佢地喜歡我個親戚, 不停咁來讚佢地, 來氹佢地. 嘿, 我實在頂我親戚唔順.

2. 屋企有錢, 含住金鎖匙出世, 家庭裡一定好多叻人猛人, 所以佢地自信高人一等, 也要求自己個男人, 可以令到其他女人眼睛一亮, 根本就唔怕別個女人來搶走自己個男人, 有一種勝利者的傲視同齊.

3. 最後, 我真係想唔通, 班女人咁叻, 個個個樣都好靚姐, 佢地除我親戚外, 大把有得揀? 唔通, 這些野係有遺傳? 親戚個老豆, 又係有好多女人囉! 唉, 佢地兩父子成世人, 就真係麻煩了! 我唔會好似佢咁, 可能全因為我父親同佢老豆, 係兩種好唔同的人! 自少成長, 耳濡目染, 其實係好決定性!

最後, 唔知道打償8萬人仔果個女星, 又同我親戚果班女人係咪一樣? 

不過, 可以肯定一事, 普通女人唔會咁做.....




2020年5月10日 星期日

我這裡老人院大檸樂了.

我這裡有很多老人院出現 COVID-19 病情, 其中很多私人營運的, 平時對員工工資和福利都偏低, 現在又再沒有資源, 在疫情下向員工加薪, 當然他們的員工就很容易拒絕再上班, 又或跳槽到願意出較高薪資的其他地方或工種.

其中有一間, 上年年初, 曾經係唐人街報紙上賣過廣告, 當時我出於好奇和對將來的準備, 就去先探下路. 

去到門口, 見到佢大門口和左近D窗都好多塵, 應該成年都沒抹過, 入到去, 才知道係一對煲冬瓜的國內夫婦開的, 佢就開始同我講佢間老人院收費係點咁抵, 點咁比別間老人院低收費, 我就開始有些不祥感覺. 唔係佢地壓縮老人院的開支和服務質素, 就是老人院內的家屬要求壓縮收費. 住得老人院, 都要俾最好的自己父母嘛, 咁樣, 不如自己睇住父母無咁嬲?

之後帶我四圍看看, 都係果D基本野, 但係一入到去示範房間內, 一陣嗡味呀, 大佬, 你唔.... 耐唔時打開窗, 都要再油過油佢咖. 唉, 上手有老人住完, 就唔好俾佢有陣嗡味, 咁樣對新住院老人心理好大影響咖! 而且我發現, 佢地有好多空房, 122個房間, 極度住唔滿, 可能只有30-40老人入住, 極有可能入不乎支.

我臨走時, 專登試下佢地, 同佢地講, 攞D宣傳單張去俾我D朋友, 佢地好開心俾左一疊十幾份, 我唯有同佢地講, 只有1-2個朋友. 

後來上網一查, 原來政府已經係2年前, 出左報告, 要佢地提升服務/訓練和加購設備, 並立刻停止再提議新老人入住, 仲話如果唔改善, 就會停止牌照. 我上年2019年見到佢地賣報紙, 理由就係政府條財路無左.

唉, 私家老人院這種生意, 不單越縮越死得快, 而且風險極高. 就好似今次COVID-19為例, 爆親都係係老人院, D員工個個唔去上班(政府老人院有, 私人老人院有), 政府要派軍隊入去睇住.

咁, 家陣上邊講果間老院一爆疫後, D員工全部唔上班了, 對煲冬瓜夫婦同佢家人頂左幾日, 知道再頂唔順後, 就叫政府來接管和接走D老人. 政府就安排D老人住酒店. 唉, 這對夫婦將會面對政府巨大的索賠了. 

我後來才發現一事, 他們這間老人院是在一座歷史建築物上, 任何少少裝修都要審批呀! 怪不得佢地當初咁容易買下, 而且個價仲係好筍添. 佢地新移民來, 一定唔知道咁多, 見個價咁筍咁抵, 就買入來自己營運, 點知就奶野了. 

PS: 多年前, 我去開果間唐人教會裡, 有人推動幾間唐人教會, 一齊向唐人提供老人院服務. 本來係一件好事來咖, 不過, 對於一些連教堂裡基本設施和衛生都莫不關心的人來說, 去攪去營運老人院, 就一定不會是件好事了. 

這班人平時小小事都係度諗縮數, 喜歡攞人便宜和著數, 叫這些人去攪老人院, 唔係叫D老人去攞命仔來玩?

今天見番這些人, 再無哂聲氣話來攪老人院服務, 想必是因為.... 他們自己的父母已經百年了, 不再需要老人院服務, 就懶理他們自己當初口口聲聲去推動的理由了. 

嘿, 聰明人明白的, 這些人口中的屬靈, 都只是自己心中的投射而已, 只能引用在別人身上, 不能引用在他們自己身上. 所以, 他們不會有天國不能朽壞的冠冕了, 因為他們在地上, 已經求仁得仁, 求魚得魚了. 

不過, 他們把一心去教會慕道的人, 指到陀陀擰, 他們日後就不會好過了, 因為他們不是得罪了人, 而是得罪了那被人來慕道的真神, 他們真係會行路打倒轉, 唔會有好日子過的.




2020年5月8日 星期五

咁似我前女友, 但我前女友聰明過佢好多!

此女真係好似前女友了, 只是我女友係我面前, 從不化妝, 好坦誠咁, 素顏對著我.

初時一睇, 還以為係我前女友多年前上班時, 化左妝時拍下的. 

後來才知道係另一個人來.

再睇清楚佢標題: "失业美女一天赚了2600,开心唱起小曲儿,赚钱其实不难".

咁, 任何香港女性一睇佢標題, 都會以為佢撈偏門, 任何男性一睇, 都會懷疑佢誤入歧途! 

再睇完佢講乜, 原來佢做即日鮮, 每天係股市金市裡, 即日賣出買入.

唉, 係這個時勢裡, 做這些即日鮮, 唔係死快D? 仲係大碌裡頭咁做, 佢真係最後唔撈偏門都唔得了. 

不過, 佢講"大口吃肉"時, 又十分似我前女友. 可能上邊D女性十分普遍咁講野.

只是, 加國肉類價格超平, 片中這女仔如果來到加國, 一定會好似氣球一樣, 很快被揼漲左, 變成肥妹或河馬一件! 哈哈哈....



2020年5月6日 星期三

印度史詩中的追女仔.....

這套戲係2015拍, 只是當主角上到去瀑布上的上游, 才發現貌美女主角原是極端組織份子, 殺人取命.

所以, 都果句, 見到靚女咪咁禽青呀, 可能會係火水來咖.

原本全套戲, 可以係這裡睇, https://www.youtube.com/watch?v=gOTlduAE1uU&t=945s 都幾好睇啊!

下邊這果係一部份咋.



2020年5月5日 星期二

人在小成後的大誤

世事發生在不同的地方/時空/人物之中, 但又感到無比的相似, 98年香港係咁, 2018年國內又係咁, 大家聽聽這位哥仔講乜, 可能會跟我JJ一樣, 略有所領悟了.

1. 嚴重用盡一切槓桿, 務求最快做大, 扮作行業大佬的信譽, 容易向銀行借錢.

2. 用人唯親, 家族檔, 裙帶檔, 管理混亂, 但不肯花錢僱請優秀管理人員.

3. 不領會到..... 時勢造英雄, 時勢也會淘汰沒有UPGRADE自己的過氣英雄. 

4. 攪人地個女人, 嘩, 大忌來咖! 日後點出來見人呀? 點取信於人呀? 人家心裡笑到佢由前邊去到後邊, 可以講話, 一切信用破產了!

5. 每天只掛住玩和吃喝, 無心機做好盤生意佢.

6. 面對逆境, 不懂止蝕, 不會反思, 賭徒性格, 只會不斷加大借錢, 美名融資, 導致最後資金鏈斷絕.

7. 忘記了自己做人的原則, 變得毫無底線, 為到向銀行擴大融資, 做假做空, 最後身陷囹圄, 鋃鐺入獄. 


PS: 真係不能想像, 國內不是一孩政策幾十年? 由80年開始, 城市居民就只能生一個, 農村可以兩個. 有乜理由佢家中有5個? 佢一定屋企係深山裡頭, 無皇管, 無人查佢父母超生咁嚴重. 

這些人一出到城裡, 就十分進取, 捱生捱死一定要出人頭地, 我十分佩服這些人咖, 只是他們大多只向前望, 唔會望下現在自己企係邊處, 會否有危險?

對我JJ來講, 聽聽別人的意見, 常常都有所俾益, 賺錢最重要係.... 生意長有長做長賺錢, 細水長流, 不求剎殺雞取卵, 不要不擇手段!