被人打尖後, 所察看到的人性.

大家都知道, 我地D國內大媽, 係幾鐘意打尖, 昨天我在唐人街中超市裡就遇上了.

其實, 我JJ山長水遠出去唐人街逛, 都係想UPDATE 番對中國同胞的認知, 排隊俾錢都唔趕時間, 我就係想睇下D人係乜野心態. 又可以為我地一眾港燦爭D面子, 俾佢地大6同胞睇我這個過氣港燦係有幾咁高大上.

只是前邊個大媽打完我尖就好啦, 更招手別一個大媽來打埋尖. 哈哈哈, 不過, 兩個大媽有著不同的心態, 第二個大媽初時十分不好意思的走開, 唔敢打尖. 

一睇佢地各自的兒女, 我就明白這些人的心態: 第一個陪讀大媽的留學生兒子, 又瘦又多暗瘡又身子差, 這大媽一定驚死個仔執輸行頭, 所以要教個仔不擇手段, 一定要打人尖, 打底別人; 第二個移民大媽的小女兒, 活潑天真, 這大媽不敢來打我尖, 是因為他們剛來移民, 人生路不熟, 萬事都有求於人, 就不敢亂來. 

其實, 我睇第一個大媽的瘦弱兒子, 再看看他們買的食物, 和想起佢地大6 人民一向的生活習慣, 本來, 就好想提議佢地, 一些較健康飲食和生活習慣, 可以改善到佢兒子的健康, 最少佢個仔將來的容貌會好很多, 容易找到女朋友嘛, 唔洗好似現在咁, 心裡咁樣對人存有怨恨. 

不過, 這些是人家的問題, 而且佢仲係咁唔抵得我, 根本就不會聽得入我的忠言逆耳.

PS: 我又記起我以前那間華人教會D父母, 真係係我面前講到明, 話好擔心佢地D仔無女朋友. 其實, 我JJ心地善良, 一切都是相由心生, 父母給子女些什麼人生和觀念, 子女就會怎樣去看待別人. 

其實, 這些父母一直都擔心佢地子女碌爆咭, 將來生活唔掂, 不過, 佢地更擔心佢地D仔唔夠人爭女朋友. 

好啦, 其實我都唔敢去提醒這些人的子女, 唔好拖咭數, 只係提醒教會未到迫拖年齡的青少年, 將來唔好拖咭數來拍拖, 就俾這些父母群起來攻擊了. 

現在這些父母個個入左老人院, 佢地D仔女拖咁多咭數, 一到中年週身唔掂, 連準時帶父母去睇醫生, 都做唔到呀. 我中年就可以唔洗做, 退休了, 相反, 這些父母的子女現在仍然掛住"為口奔馳"(實際是還咭數和樓按), 由得父母在老人院裡自生自滅. 

這些教會中人, 現在口口聲聲要攪老年人服務, 都只是他們種的是什麼, 收的也是什麼! 跟他們口中虛偽地說的"宗教屬靈", 跟本就是子烏虚有, 心裡鬼拍後尾寢的謊言.

今日, 都仲係講炫耀!

前幾日, 有2位網紅, 係網上互相稱讚對方後生時, 有幾咁風流喎, 大有星星相惜之意呀.

不過呢, 以我JJ個人理解呢, 風流倜儻呢, 係指一眾女性對某男性有好感, 這好感而且係可以歷久常新, 多年後, 一眾女性再見番這男性, 都仍然會是那個好感呀! 

其實, 做人老實一點, 男女關係簡單一些, 專一一些, 人生就會少了很多麻煩, 家中老人年紀大了, 才會老有所依. 

尤其這方面, 實在呢, 沒有必要去炫耀, 越炫耀越有反效果, 人生只會每況愈下. 

PS: 我那個親戚兩父子, 兩父子都係一模一樣, LIKE THE FATHER LIKE THE SON, 時時有女人上去佢地屋企要生要死. 

親戚個女話我知, 可以由女人上佢屋企嘈的次數, 來粗略估計出, 佢老豆係外邊, 生左幾多個私生女. 仲話, 唔單止佢老豆成日係街上俾女人來嘈, 連佢細佬都一樣係.

有次我細時, 行係街上, 有個女人拖住個女, 可能以為我係佢細路, 就又來嘈我....... 嘿, 咁Q煩, 我真係唔明白D人點解要自認自己風流, 真係好無厘頭姐.

我父親只生男仔, 而我這親戚除左同第1個老婆, 生左1男3女之外, 同其他女人, 生極都係生女. 

有時我JJ想起, 心裡就笑左出來, 莫非上天要嚴懲佢, 等佢生成竇都係女, 等佢晚晚都發惡夢, 夢見佢D女都係咁樣, 俾D男人呃左去, 哈哈哈......

炫耀..... 這方面呢..... 可以好有創意.

最近, 加記多倫多有位由大6來的留學小弟, 得果廿多歲人仔, 就學人開林寶呀, 勞鼠來鼠呀, 寶馬呀, 笨士呀, 更係佢個肥士BOOK上, 放左6條這些車的車匙. 

咁.... 大家都會知道個後果係乜啦! 佢俾人標蔘囉! 就算D人點去吹虛加記福利, 吹到有幾咁高大上, 都唔會避免俾人標蔘呀! 攪到佢父母立刻要來加記, 好啦, 好彩佢自己走甩左出來. 如果唔係, 就不堪設想了, 真係有機會俾左贖金後, 俾人撕票呀.

其實, 家陣呢, 炫富唔係咁樣去炫咖嘛! 買部防彈車, 請個司機, 請2個保鏢, 請個媬姆, 出入再有個私人助理跟住, 咁樣才是較高層次的富有人家. 諗諗下, 我才明白點解家陣D人咁講: "要低調, 但要威." 初頭我點唔明係乜意思.

多年前, 李+X個仔係加記讀書, 好低調, 都只係臨讀完書果一年, 阿李+X收購左加記果間"嚇屍記"石油公司, 佢之後才聲名大起. 當時人人都來問D唐人, 你地識唔識 VICTOR LI 呀? 不過, 佢咁低調得來無保鏢, 就導至佢日後俾大富豪標蔘了, 唉...... 

我父母無錢, 但都諗到個十分創意的炫耀方法, 就係細時帶哂我地幾兄弟一齊出街, 因為我地幾兄弟細時係十分得意的. 其實, 這些係錢買都買唔到, 不過, 佢地後來卻發現, 原來錢可以俾人搶, 得意的小朋友都一樣可以俾人拐左去. 後來, 我父親要求我母親追個女, 我母親死都唔肯.

哈哈哈..... 所以照我JJ話齋呢嗄, 炫耀係要用適當方法呀, 唔好適得其反呀. 就算俾人見下自己有幾咁高大上, 都要看看環境和人物, 唔好唔諗清楚.

騙婚案的背後

我這邊早10日前, 發生一件重大婚騙案, 一名80歲的富有退休華男, 被其同居40多歲的華女, 在同居4年間, 用各種借口(繼有投資國內, 古玩估值), 騙取了現金200萬加元+100萬加元的古玩收藏, 繼而騙取受害男立其為遺囑受益人, 指染受害男的物業. 

最後欺騙受害男, 表示投資血本無歸, 古玩被證實偽品, 受害男再沒有金錢, 騙取受害男來雙雙自殺. 

只是可能由國內買來的安眠藥是假貨, 華男第二天被送往醫院, 幾天後醒來, 不見同居女騙徒留院搶救, 才醒悟是一場騙局. 

其實, 唔好講話受害男80幾歲, 我JJ後生過佢咁多, 都無理由搵個細自己咁多, 就算細十幾年的老婆, 都唔好咖, 咁即係話明要對方送自己人生最後一程, 咁對方人生最後一程時, 又有誰人來送? 當然不會是受害男的成年兒女吧, 那必定是女方原婚生的兒女了, 女方當然就要為自己打算一下, 把男方財產歸入自己名下, 實在太合乎情理了!

當然, 愛是可以為對方犧牲的, 不過, 這個犧牲是十分不穩定的, 會因應情緒和環境改變而改變. 不能怪責對方不為自己將來作些打算嘛? 人之常情嘛! 除非這受害男已經為對方預備好日後一切所需, 令對方生活再無牽掛了. 

PS: 昨天, 我上開去的交友網, 有女性來加我作朋友, 當對方問我年齡和職業, 我就照直講實際年齡和已經退左休, 並指出交友網上, 已經寫左我個人資料. 很多時, 人們被騙, 最大的原因, 都只是當初想去騙人.

其實, 我登我凍顏的近照上這交友網, 我都只是一番好意, 想提醒人們注重健康生活. 有時, 國內D人真是老得好快, 今天來加我的女性, 原來年齡差不多是我一半, 但相片上看, 她比我還要年紀大. 

其實, 我真係無用任何人工元素來凍顏, 一切都是自然生活, 自然飲食, 我只係希望別人都一樣生活健康, 可以遠離病痛.

各位, 今日DOW DOW 個市呢.....

經過左上星期DOW DOW 跌左4舊幾之後, 很多朋友仔可能會好關心後市走向了..... 

哈哈哈, 我JJ又走來齋UP豬UP一下, 但大家唔好咁認真呀, 當我果D係參考就算了.

睇睇今日個走勢圖, 全日大部份時間都係係下跌區間內, 只有食飯時候才回到升幅區間, 再到臨收市, 才見到回番.

其實, 我今日開市時, 都一直在想著, 一眾基金經理唔會縮沙唔入市托, 點知我錯了, 開市在25,500左右, 不單無托番上去上星期四收市個位, 連今日開市價都無人去托, 就算今日淡倉出來補倉, 都仲係咁淡囉. 

嗱..... 大家睇下食飯時候才回到升幅區間, 基金經理係果時去左飯晏呀, 即係只有散戶去入市嘛!

我認為, 個市會反彈乏力囉, 連基金經理都唔出來撐場, 只有一班烏合之眾的散戶, 以為可以係度, BUY LOW SELL HIGH. 

我JJ提議, 大家都係穩打穩扎, 現今唔係 BUY LOW SELL HIGH的時候, 更不要玩高低波呀!

乜膠物膠.... 哈哈哈.....

大家唔好以為我講粗口, 不過這個名詞原本係叫戇居, 後來黑社會爛仔改左做粗口版本的"戇9", 咁.... 之後, 又俾人FINE TUNE左做"戇膠", 最後, 再變成文雅版本"硬膠"了.

自從我地突區回歸之後, 我地一眾港燦跟大6互動多左, 我地去佢地果度呀, 佢地來我地泥度喎, 咁就..... 我地生活起左好大突變,  竟然出現左一個新人種名詞"左膠".... 好啦, 其實我JJ稱呼這個名詞, 都係無乜惡意咖咋, 只係講下時事囉.

最近聽阿蕭才子講話佢自己係"大中華膠"喎, 哦.... 哦.... 哦..... 好啦, 我都明白咖, 佢都幾大中華咖佢. 

家陣, 我竟又聽到一個新名詞, 可能D人諗住, 都唔差在, 順便叫埋"耶膠"啦..... 吓, 乜我JJ都俾人叫"耶膠"呀? 

好啦, 我知道咖, 我係人們心目中, 我係個思想僵化, 被洗腦教"耶"左去的人仕. 

不過呢, 我就跟果D極度耶膠係好唔同咖喎, 我係唔會去讀神學,  我又唔會去佔中又或發起佔中, 我又唔會報稱俾國安人員捉左去. 我只會係度發下UP瘋, 我只會入去教會接受上帝的祝福, 平平安安開開心心咁返屋企睏覺, 就係咁囉, 再唔係, 頂多唔係講下笑話, 氹下人地笑下囉.

睇完陳健民篇文 (https://thestandnews.com/politics/我的生命已由水變酒-陳健民的信仰與實踐/) , 好啦, 其實, 我都無反對佢地發起佔中, 真係唔好俾一個兩制走樣落去, 都要有真普選, 來維持著香港已有的教宗和言論自由. 只是, 佢地都係教會中人, 仲係教會骨幹成員, 無理由連我JJ這些咁JUNIOR 的人, 都知道教會裡一切做D野, 十居其9都會走樣變色, 總係剎出程咬金. 2014年佔中的如意算盤, 就係佢地一佔中當日(星期日)就俾人拉上法庭, 佢地就有機會係法庭上抗辯, 提請真普選. 只是佢的如意算盤未上到街, 就已經俾人知道哂, 當然就遲遲都唔清場, 再加上學生哥們唔聽佢地講, 衝哂入去政府總部. 攪完中環又再攪銅鑼灣和旺角, 攪左79日, 令到由攪手到學生領袖, 人人都咩重飛. 

這些人無理由唔知道, 就算佢地真心真意, 但仍然有好多人係唔諗野的跟隨者, 甚至有一心係度玩野+從中漁利的好事之徒, 一佔中, 只會拖著很多真心的人一齊落水. 這些..... 我係我以前的那華人教會裡, 看得一清二楚, 這些人跟我以前果個牧師一樣, 都係硬膠一個, 任由唔諗野D人或好事之徒來驅使真心相信的人, 最後, 當然, 唔諗野D人或好事之徒唔會有事, 因為這些人第一個就走開左, 而是真心相信的人大大鑊囉, 俾人一網打盡, 一鑊熟.

何謂後驚蟄綜合候群症?

哈哈哈...... 大家估唔估到係指乜野現象呢嗄? 

驚蟄係中國24氣節之一, 驚蟄過後, 即是喻意春天開始了. 唉, 只是懶惰虫的我們, 明明每天朝早到時到候要起返工返學, 但仍然係床上典典下, 累累貢, 這個就是"後驚蟄綜合候群症"了, 嘻嘻嘻...... 

其實, 這個呢, 係有正確傳統名詞呀, 就係"春困", 感覺全身都無力, 身體這裡有D扯住扯住, 果度又捻捻作軟, 明明係電腦上打個字咁大把之嘛, 但係連續打錯左N咁多次喎, 嗱..... 這個就係"後驚蟄綜合候群症"了.

啊..... 咁..... 有無得醫呢嗄? 當然有得醫, 有得醫, 無問題呀.

我JJ一向唔食辣野, 但係係濕度開始升高的春天呢, 辣野會驅濕呀. 或著, 出街食飯時, 點D傳統牛腩食, 內裡有/花椒/八角/老薑之類的燥熱類食物. 再唔係, 去食渝/鄂/灀/川系列菜, 整個水煮魚或水煮牛啦, 內裡很多辣椒和胡椒呀. 又唔係, 整番個西人的洋蔥牛肉湯(內裡有很多不同香料, 都是燥熱驅濕類食品). 更唔係, 去食印度咖哩囉, 或多加黃薑粉, 都係好去濕. 又可以, 去九龍城或銅鑼灣, 食泰國或印尼野, 都幾好. 再唔係, 去7仔或各大超市, 食番塊牛肉乾或黑朱古力..... 都係可以去濕, 不過功效就慢D細D. 

PS: 終於俾我JJ想起點解叫"驚蟄"了, 全因為我地一個二個都係這季節裡, 都全變成懶惰虫, 要靠D阿媽阿太阿姐阿嬸, 攞哂D沙煲晏撑出來拷嚮佢, 來驚醒我地一條二條累係床上D懶惰虫.

世界可以有幾恐怖?

大家睇睇, 真係唔講得笑, 泰國曼谷D霧霾竟然嚴重到咁, 

前排, 這位住係曼谷外的哥仔, 入去曼谷工幹, 就雙眼紅哂, 之後, 呼吸困難, 仲要入埋廠睏底2個星期.

還有這位妹妹仔, 竟然流鼻血流到好似爆廠咁, 太恐怖了..... 完全唔係講緊大姨媽架到喎, 

皆因為佢地唔戴口罩, 因為所有人都要, 尤其小學生....

PS: 其實, 我JJ呢, 都已經係好幸福了, 係加記D咁乾淨的地方, 所以早早唔洗做, 睇睇上邊D人, 係D空氣咁污染的地方, 仍然要做, 甚至做少D都唔得.

又到填稅單的時候了

最近報上年2018年D稅, 容易好多, 因為2017年尾, 我賣哂所有出租物業, 2018年5月又開始唔撈了. 

以前, 填報稅表, 要計哂所有出租物業和秘撈, 那年的總開支和收入, 計都計成1-2晚呀, 一疊疊單, 好多疊嘛.

因為加國是漸進式的稅率, 那一年越高收入, 那些高部份的收入就越高稅率. 如果果年收入太高, 咁就要諗下, 應否把物業折舊, 扣減租金收入 , 從而令總收入降低. 等到之後某年, 收入無咁高時, 就放番之前果D物業折舊番去個物業值條數度. 

係加記, 肯動腦筋又懂得合法利用稅制的人, 才不會變成白忙族啊! 

好啦, 今年填報稅表時, 快手好多, 少野做好多, 心情好很多, 1晚就計到出來, 同我原先估計後預交的金額差唔多, 唔洗俾稅局罰利息. 

大家可能會問, JJ 你為何唔交俾會計做呢?  嗱!......

第一, 自己計, 就最清楚個稅制, 就最知道用乜野合法方法, 俾最少的稅(尤其加記稅制無香港咁簡單), 可以快手D達到財務自由. 一切都是, 力不到不為財, 做人唔清唔楚, 人生最後必然大鑊.

第二, 我這些小地主小資產階級, 唔用會計, 自己計, 自己一個一個字填落去, 扮做弱勢社群, 稅局通常都會對我好客氣, 通常係會偏幫我這種人.(對社會商業有貢獻, 比普通人更勤力, 納更多的稅, 但仍屬於弱勢社群.)

第三, 我以前聽教會內流言, 教會某某人好有錢, 後來才知道係當事人個會計爆出來. 所以, 我一直放心不下用會計, 我實在唔怕教會D人知道我有個錢係袋(雖然我一直都避免著), 但我害怕, 會有熟人對我不利. 

PS: 好多人唔知道, 加記係有2個不同階層的人, 一個是有機會用到社會福利的人, 一個是不需要社會福利的人, 而加記政府一直在鼓勵人去做後者, 因為這樣, 加記政府才能夠趨向小政府和低開支, 所以, 對"不需要社會福利"的人, 個政策係寬鬆好多的. 

因為我自己報稅, 我就知道.... 係加記打份工+秘撈+小生意一份, 原來到最後, 人生的分別可以係咁大. 很多人誤以為職位高, 份人工高, 死爬爛爬, 死爭爛爭, 就一定會好. 其實好多人只會係白忙一族. 人一到有份秘撈, 相關的開支, 全部可以用來扣稅; 一到有份小生意, 有好多稅務優惠, 就脫離"有機會用到社會福利"的社會階層. 加記政府會別眼相看這些人.

還有, 我同自己講, 賣哂D出租物業後, 不要因為自己手中現金多了, 就快快咁去改變自己的生活習慣和投資習慣, 再等一兩年之後, 慢慢摸清楚, 想清楚自己的前路, 才去改變都未遲. 好多時候, 皆因為太急進, 而損手爛腳呀.

國之將亡, 必有妖孽

其實, 我成日睇我這邊大6 同胞個網站, 最令人印象深刻的地方, 就係佢地係徵友版上, 常常有人出"徵一夜情"喎. 

咁.... 我自己唔係果種人, 就唔識去評論人家這方面話題呢, 但求佢地D病, 唔好傳完一個又傳俾別一個, 咁我就唔會理會人家做D乜, 始終都係佢地私人事. (係咖, 唔只性病, 其他好多病都係因為不安全性行為或身體接觸而傳染的, 如乙肝呀!)

不過, 最神奇的, 今次竟然有人登出..... 佢有3年做專業鴨的工作經驗喎, 哈嘩嘩...... 

這人緊係睇得網上色情小說多, 唔係色情上左腦, 就係病毒上左腦, 變成腦殘了. 

又或, 近來經濟環境太差, 這人手頭太拮据了, 往日一夜情要請飲請食, 現在希望回收番D資源返來. 

有人問他, 誰個男人會自認做鴨?  更有人直指, 誰個女人會喜歡一個賣躉的爛臭男人?

最攪笑, 有人重寫佢篇野, 改為"奶芧坑三年經驗".

PS: 其實, 這班友經濟好時, 都已經週身唔掂, 仲要係度講面子, 一到經濟大逆轉時, 這班友有幾麻煩, 實在不難想像了. 

當然, 成日有人徵一夜情, 反映好多心驚驚的老公.

PS: 不過, 前排有報導喎, 上海某會所鴨店裡, 某富婆送出部AUDI A4 和一個金杯子(喻意"今輩子"), 但後來台灣有評論說, 這個本來是一般的行情, 只是因為報導了出來, 社會震撼太大, 當地一下就封哂所有同類會所了. 之後, 那憤怒老公, 去到會所打斷某鴨男隻腳.

哈哈哈, 我信佢一成, 都會雙目失明, D人又係度扮哂野. 有乜理由個富婆出去叫鴨, 用老公俾的信用卡來, 送車送金杯送錢, 分明就係嫁禍東吳的做法, 激怒老公去打人, 唔打死人都打傷, 老公一入獄, 就買通D人唔放佢出來, 就可以係老公入獄時, 鯨吞佢一切財產. 到老公出獄時, 就會一無所有. 嘩哈哈, 如果係咁, 做鴨真係高危工種喎! 哈哈哈.....

哈哈哈, 各位, 10萬加仔就可以來做加燦囉!

最近剛睇到啊, 俾哂咁多條LINKS, 大家自己去昅下啦.....

https://info.51.ca/news/canada/2018-11/711765.html

http://www.singtao.ca/toronto/3609313/2018-11-29/post-%E5%8A%A0%E6%8B%BF%E5%A4%A7%E9%96%8B%E6%94%BE%E6%9C%80%E6%96%B0%E7%A7%BB%E6%B0%91%E8%A9%A6%E9%BB%9E%EF%BC%9A%E5%8F%AA%E9%9C%8010%E8%90%AC%E5%85%83%EF%BC%81/?variant=zh-hk

http://news.superlife.ca/2019/03/17/%E7%82%B8%E4%BA%86%EF%BC%8110%E4%B8%87%E5%85%83%E7%A7%BB%E6%B0%91%E5%8A%A0%E6%8B%BF%E5%A4%A7-%E5%8D%8E%E8%A3%94%E7%8E%B0%E8%BA%AB%E8%AF%B4%E6%B3%95/

http://news.yorkbbs.ca/local/2019-03/1978633.html

http://info.vanpeople.com/m/article.php?itemid=880143

http://www.365nettv.com/immigration/immigration-news/57847-10

http://www.mingpaocanada.com/van/htm/News/20181127/vaa1h_r.htm

http://cacnews.ca/article-53526-1.html

嗱.....大家可能會問, 我JJ唔係成日叫人唔好移民加記嗎? 係咖, 我從來都係咁講, 但係, 如果大家係男老9, 仲係未結婚無老婆無子女, 父母還是盛年未需要大家照顧, 就值得過來博一博, 話哂當係增廣人生經驗和見聞, 都抵番哂係度咖. 

不過呢, 一到3年後入左藉後, 如果到時加記政府再無這些移民計劃, 再無新來的移民接手大家的生意和房屋, 咁.... 就要來個壯士斷臂, 唔好再理投下的資金, 唔好理會D生意和房屋, 立刻搬出去大城市了.

PS: 好多年前, 我都去過D加記埠仔咖, 有次, 當地人問我邊度來, 我爆嚮口, 梗係講我係港燦啦, 仲講佢地果度地傑人靈, 名山大川啊. 

咁, 當地鄉伸父老呢(其實係市長+市議員), 就來問我, 想唔想搬去佢地果度長住, 仲話可以寫封推薦信, 等我攞去俾加記移民局睇, 應該好容易就可以搬來咖啦. 

我一諗, 佢地當中梗係有一個人係叫李鄉長, 有個女, 唔想佢搬出去大城市, 想多D後生仔留係當地. 我一見到成班上左年紀的當地人, 心諗, 再過多若干年後, 我JJ就有可能榮升市議員, 之後, 更會升埋做市長, 呵呵呵, 到時候, 真係路重道遠呀. 

當地離開有超市的大鎮(1萬人口), 要開15分鐘村路(石仔路), 再開15分鐘高速. 有起急病, 就真係好麻煩, 要再去到有些少醫療設施的大城市(7萬5千人口), 要1個半鐘呀. 

我真係擔心, 我3年後入完藉, 我係會走唔甩咖喎!

我侄女教會了我些什麼?

一直以來, 我JJ個家族遺傳, 係個生男仔的家族, 對上3代差唔多清一色男性, 對下一代又係咁.

大約可能每生7-8個男仔, 才生一個女仔.

我細時, 我父親成日想生一個妹妹給我, 好使我在成長中, 有個女性伴著一起長大, 每次我母親都大力反對, 理由係男仔已經要佢咁多精神, 生個女仔出來, 恐怕更.....

咁, 我自細, 母親話乜, 我唔係做乜囉, 從來都無諗過駁倒我母親, 仲成日諗住點去引我母親開心D. 咁.... 我父親一向擔心的問題來了, 後來我對其他女性都係一樣咁, 無諗過去駁D女性, 尤其教會D女教友.

直到我侄女慢慢長大, 我一觀察佢, 我才發現, 一個叻的女性, 原來係咁樣.....

1.十分自主的, 從不寄望男性為她做什麼, 提供什麼. 佢自細讀書都唔洗錢, 唔洗讀預科就入到大學, 用佢父母最多錢的地方, 就係參加課外活動+遊學+体育活動+四圍去玩. 從來都唔洗父母吩咐佢才做, 自己知道要做D乜.

2. 到佢拍拖時, 佢唔係要搵個人工/社會地位/職位, 都比她高的男友. 相反, 佢跟男友同齡, 早出來工作, 人工/社會地位/職位, 都高過佢男友. 在她眼中, 跟本就不把男友的人工/社會地位/職位, 放在眼裡.

3. 佢由細到大, 都對住D叻人(佢係我身上, 就學會去玩得叻), 但當見到廢青時, 佢直頭就會走開唔理會. 原來佢跟我一直遇見D女性好唔同, 那些普通女性, 唔理男性三七廿一, 就來漫罵. 其實, 回望番轉頭, 我JJ都算係半個叻人, 不是因為我唔叻而俾這些女性漫罵, 而係這些女性眼睛在我身上盤算著些什麼. 

我昨天都講啦, 女性罵男性無大志, 其實主要係佢地自己家族遺傳裡出現問題, 而她們自己也遺傳了同一根本的問題(只是在後天裡, 她們家族男性選擇打機放任, 她們家族女性選擇漫罵),  當這些女性面對其家族以外的男性時, 其家族的根本問題都照樣會突顯出來.

總之, 我不再去以前那間唐人教會, 人生就真係進展好快, 最少可以做回自己, 用半叻人的身份, 去做自己想去做的事. 如果仲留在那間唐人教會, 我只會事倍而功半, 甚至大部份時間, 這間教會裡D人都拖我後腳, 令我做唔正事實事, 而他們自己又不事於正事實事, 人生得個盞攪.

我JJ今次去攞景+贈慶

哈哈哈..... 我JJ呢, 有時都幾喜歡去攞景同贈慶咖!

去開一個交友網, 其實交友唔係好囉, 這網站大多數女性偏要用來徵婚. 咁, 其實都無問題, 佢地講明係徵婚, 我就唔去浪費人地時間, 我明白的, 我都曾經"著急"過, 就算我俾人整禍哂, 現在過哂適婚年齡, 但見到人地女性來徵婚, 我都好希望佢地如願以償. 

其中一些的女性明明講話係齋交友, 但傾傾下就話我唔岩佢地. 洗唔洗咁呀, 我一早講明我唔係徵婚嘛! 我係同佢地齋UP, 係唔需要好似對襯家咁姐, 況且, 我都退左休, 唔再撈LU喎, 當然唔洗有乜大志咖! 我現在的大志..... 就係去玩, 去保養好身體, 就係咁囉! 

偏偏有個女性攪事, 登左個視頻, 裡頭做訪問, 問女性會否嫁個30歲而無大志的男人. 哈..... 咁, 明明來影射我姐, 洗唔洗咁呀?

我立刻張一張近照, 更新上去, 大書標題"全天然逆顏 , 大頭相係1個月前, 舊照係3-4年前", 再寫內容為"這就是一個唔想結婚, 沒有大志男人的下場 - 全天然逆顏, 全無添加化妝或PS." 

哈哈哈, 我都一向解釋, 我似個適婚年齡的男人, 但我實際年齡唔再適婚了.  如果我現在改變人生方向, 走去結婚, 真係要遇岩個好好好好好好好配合的太太, 如果唔係, 我真係要出去重操故業, 再次江湖下海, 歷盡風霜呀. 

我好明白的, 大部份這網站的女性, 希望有老公養了, 不過, 這些女人一講到"男人要有大志"呢, 就隱晦暗示... 男人單單提供: 三餐一宿+醫保+進修+體面生活, 係唔夠咖, 最少要提供佢地凍顏開支啦+威俾其他女人睇的碼頭啦+衣錦榮歸的虛榮啦.

其實, 這些女人自己係醒係叻, 洗乜要D男人咁呀? 這些女人的心態, 一定會拖死佢地自己個男人, 之後仲話佢地個男人對佢地唔住!

又到加記拗柴的旺季了

係加記呢, 每年這個時候, 都係拗柴旺季, 今年唔知係咪我JJ唔再係年青細仔, 就第一次拗柴了. 

點解每年這些時段會係加記拗柴旺季? 因為落左幾個月雪(由11月初到現在, 嗚嗚嗚.... ), 又落左70-80mm的雨水, 落完之後, 就立刻回冷到負十幾度. 

可以想像, 任何通道上都有好厚的冰和硬雪, 用鏟剷唔到, 用鹽溶唔到, 舖沙石在其表面上, 因為沙石比雪深色, 吸更多太陽光, 比雪更高溫度, 沙石就沉入冰雪裡頭, 冰雪表面就仍舊滑不留足.

好啦, 留到現在春回大地了, 冰雪表面開始溶化, 就更滑, 而且幾個月來所積的冰雪表面, 凹凸不平呀, 好似香港東平洲D亂石灘咁呀, 一踩上去, 滑都唔只, 而且仲係腳板踩唔平, 咁就大檸樂了, 拗柴收場啊!

我就立刻去藥房, 貴一貴都立刻買左個 足踝定型鈷(ANKLE STABLIZER), 唔洗等個足踝沃來沃去, 休養幾日, 應該會好啦嘛! 

咁, 之後我上網去訂多幾個, 找到十幾蚊加仔的, 以備不時, 就算我將來唔洗用, 都要預留俾我父母嘛. 

PS: 其實, 我JJ現在十分慶幸我後生時, 對自己人生做對了選擇 - 絕對不拖咭數+恒常儲蓄, 老實講, 我一世人從來都未拗過柴咖, 現在拗柴, 即係代表.... 未到退休年齡, 人到中年, 身體都已經無後生時咁好. 

所以, 唔好等退休年齡才來諗退休呀. 人生一到咁上下, 就應該俾自己慢下來, 有損傷後, 俾自己有更多時間來休養復原. 

如果到左中年後, 仍然要好似後生咁做法, 身體都未復原, 就繼續拼工作, 一定會拖累身體, 到左將來退休時, 身體就已經差唔多唔洗玩落去了. 莫說將來變成個大藥煲或短命種, 令到人生失去應有的生命意義了, 還會拖累親人. 

我以前, 一直都對那些教會人仕講以上的道理, 其實, 我不介意人地當我發嗡瘋, 但D人誤認為我人生攻擊佢地,  認為我想攪禍人地拍拖結婚(老實講, 我都係同D十幾歲的青少年和他們父母講, 已經拍拖D人, 我真係唔敢咁講). 

好啦, 到今天這些當時的青少年, 現在不單個個出現人生危機, 連佢地D父母都被自己兒女拖累, 更要指意別人幫手去照顧佢地自己父母, 那有如此歪理呢? 我JJ唔想去佢地間教會, 就罵我唔信神唔返教會, D人人生慘到如斯, 實在救都救唔番了.

嗄.... 姐姐仔, 人玩雪妳玩雪, 妳竟然......

噢....... 嘩哈哈, 勁堅揪呀各位, 個姐姐仔玩野玩到出神入化呀.... 

前幾排, 有網友仔來問我, 有無玩堆雪人, 嘩鞋, 我這裡, 落完雪後, 勁凍呀, 又大風, 堆完雪人後, 再落下一場雪, 就會掩埋個雪人了, 所以我一直覺得堆雪人好無謂囉!

之但係呢, 圖中果個姐姐仔住係溫哥華, 就暖好多, 而且佢地果邊, 12月1月只係落幾場雪, 整完雪人之後, 就再沒有大雪掩埋D雪人了. 

佢整左老虎出來喎, 嘩, 更有北極熊呀, 大家咪話唔堅呀! 好彩今年溫哥華冷好耐, 一直都零下幾度, 就無咁快溶囉. 

PS: 唔, 見佢咁樣攬法隻老虎, 看來佢對老虎好崇拜咁喎, 唔知道, 佢係想嫁隻老虎狗咁樣的男人, 還是佢自己想做老虎乸呢嗄? 等我幻想一下, 佢扮老虎乸叫時, 係點O既樣先? 哈哈哈....

明白什麼是玻璃心.

昨天講完我這裡有議員叫話, 唔好俾中國人買本地土地, 咁, 後來佢都有澄清話指外國的中國企業, 間接指不是本地中國人. 後來有老廣東人來組織遊行, 叫華人群眾出來, 關注這位議員混淆的用詞和不專業的作法, 這個是合情合理.

只是有班煲冬瓜人, 就用人家歧視華人, 來煽動其他煲冬瓜人出來遊行, 更把人家澄清原文的"外國的中國企業"字眼, 刻意錯誤翻譯為"中國人".

係咖, 有人係度攪事呀, 好危險呀, 這班正一麻煩友, 但更危險的, 反映出這些人刻意想來利用的那些群眾心理 - 玻璃心, 尤其這班人不會法文, 英文也不好, 就更容易被有心人仕來利用了.

玻璃心 - 好睇但容易破爛, 一個二個都講得頭頭是道, 講話大6點好點好(但又第一個趕住來移民加記), 但一到理智去思考時, 就一個二個就受人利用, 受人迷惑, 甚至心甘情願做傀儡做木偶公仔. 

還有, 一個二個唔盡好自己責任, 最少了解件事一下事情始末, 最少用用GOOGLE 軟件翻譯一下, 睇真D才好動怒, 才好出去同人嘈.

香港現在好多人都有玻璃心, 當大家擔憂香港地有人攪事時, 其實, 加國可能不會好太多, 好彩這班煲冬瓜人現在仍是少數人仕吧! 現在加記政府已經關上大門, 放中國人來移民, 都嚴格左好多, 無以前咁順灘.

唉, 所以,我JJ做人,無乜點, 一定要自己理好自己D事, 唔可以靠人, 我以前見盡D教會人仕, 同現在這些煲冬瓜人, 其實係無乜分別, 有齊中國人的通病.

我叫大家唔好移民的理由 4

我這裡加記魁省, 近排發生了一事, 某西人議員公開批評有中國人公司試圖大買加國土地來投機炒賣, 叫這些人做 PREDATOR, 跟香港的"蝗虫"叫法, 大有不謀而合. 

如果要我重新組織這件事, 就是有外國的中國人公司, 想向加記政府遊說, 去修改外國人買加國土地的禁令, 這議員唔夠專業, 只講"中國人"這名詞, 咁就有廣東老華僑出來, 要求佢澄清, 並且叫人出來遊行, 要求正視這個混淆. 不過, 就有人收了某公司錢, 來大造文章, 說成為歧視華人, 引發一眾唔會睇法文的煲冬瓜人, 群情凶湧, 造勢來迫令加國政府刪除外國人買地的禁令. 

當然這議員有點戇居, 用了"中國人"字眼, 也不清楚, 跟本不容許外國人或公司買多過10畝土地. 咁, 之後, 這議員都有澄清, 話指..... 由中國來的外國企業, 間接解釋不是說在魁省的中國人. 點知這些煲冬瓜人, 刻意扭曲地錯誤來翻譯, 不提外國企業, 但只翻譯做"中國人", 個個走出去罵人歧視, 嗱, 咁就大鑊了, 人家一直俾人歧視, 現在再被人來老屈佢歧視別人, 仲要迫佢開放土地買賣法例, 即係局反面囉.

我一指出其中的翻譯有錯, 就遭到一些煲冬瓜人的漫罵. 

嘩, 大佬, 人家本地人都已經講: "魁省土地種出的糧食, 一定要先供應本省居民, 不能給外國人插手." 咁, 個個中國人攞住D錯誤中文翻譯, 猛話人家歧視, 連人家本地人心裡擔心些什麼, 個個煲冬瓜人都唔了解, 咁就出哂去同人嘈?

難怪, 多個外國國家的情報部門直指, 有外國政府利用民間組織, 試圖影響人家的民間諭論, 甚至挑起人家民眾之間的抖紛.

大家在香港, 都見識到有什麼地方被人插手了, 也見識到社會上有幾咁多矛盾了. 在香港, 大家都是中國人, 最多出口罵幾句, 但係外國, 隨時人家刻意排擠都可以呀, 擺明就擺明啦, 這些煲冬瓜人影響到人家的最基本生存喎, 日後麻煩就多多了.

以前我地香港移民頂多唔理人家的事, 唔鐘意就回流, 但現在移民來的煲冬瓜人, 因為無得回流了, 但又唔肯花時間學下人家社會的現況, 沖要處處同人家撐到盡, 好似想擺明來同人隻揪隻咁, 最黑人憎, 這些煲冬瓜人攪出大頭佛, 到最後將一切轉嫁俾其他中國人. 

我直情同D煲冬瓜人講, 我廣東人以前去這些本地人地方, 人家對我都好客氣, 又叫我帶其他中國人來玩, 又叫我去買屋買地來渡假, 絕不會好似現在咁串. 我刻意批評這些煲冬瓜人, 來到加記, 攪串左個PARTY. 

我更加同佢地講, 人家幾年前開大門, 俾這些煲冬瓜人來移民, 全因為以前我們這些香港移民, 令到人家由排華, 變成開放來歡迎中國人移民, 只是這班煲冬瓜人來了唔夠幾年, 人家現在就對中國人關起大門來了. 

所以, 因為我地D強國人攪出個大頭佛, 攪串左個PARTY, 大家現在去移民, 大多不能不被本地人標籤為PREDATOR了, 再沒有好似我初移民來果時咁, 現在D本地人再無咁順灘了, 移民條路會更難行, 再加上再無經濟順風車搭, 真是要問問, 移民之路是否值得? 

PS: 所以, 大家可以睇到, 當"我的國厲害了"時, 原來是這樣來整古自己在海外的同胞. 記起印尼的一些華人故事, 實在太令人傷感了. 這些人的僑務工作越做得出色, 一眾海外華僑越要靠邊站, 不要以為有起事上來, 強國會來庇護呀, 相反, 我唔知有幾多朋友, 上輩由印尼逃難回國, 到佢果代, 千辛萬苦咁又都要走出來美加.

適度的誇張是未嚐不可的, 阿LAM舊歌重新演譯.

昨天講, 某些人喜歡把問題無限放大, 其實, 這些人少少事都鬼殺咁嘈.

記起以前有個男教友, 有次契團完左後車人回家, 一倒車就撞了教會鄰居的欄杆, 其實, 好少事之嘛, 男人一切都是在這些小小無心之失中, 成長起來, 如果我係佢, 其他教友問到, 我就會照直講, 無需遮遮掩掩. 只是大多數教友和他自己本人的心, 原來是玻璃心, 唔能夠接受自己的小小過失喎. 

講番今天正題, 大家記唔記得阿LAM 果首"莫再悲", 其實, 都係叫人唔好"賴地硬", 有事唔係自己攪掂佢囉, 不過, 做人係唔可以咁無人情味咖, 咁, 俾人賴少少地硬囉, 誇張少少來表達感情, 所以佢地用左女性做主角(原本阿LAM這首係男人歌), 而且仲用一群聾啞人仕, 用手語時, 讓她們誇張一點, 煽情一點, 都好好睇好好聽呀.

係啦, 任何值得保留的舊事物, 都要貫上一個適應新時代的新意義和感受.

人性不複雜, 把問題無限放大, 才令問題複雜起來.

今天講個沉重的話題, 最近, NETFLIX 拍左套戲, 就係講..... 美國果個姦殺左30多女性的連環殺手......

嗱..... 大家睇完下邊真凶的個人專訪視頻, 先俾我解解畫先, 因為個視頻係我地上邊班同胞剪輯, 係有中文字幕, 但無左前後邊果部份.

我係我這裡果間唐人教會睇到全段30分鐘的DOCUMENTARY, 當時無中文字幕, 我係睇全部原本版本.

當事人原來自細一向去教會, 有一對好愛家愛子女的父母, 不煙不酒, 生活正常, 而佢開始對色情刋物上癮, 是他在年少青時, 在後巷裡拾了人家丟棄出來的舊色情刋物, 佢就係咁, 開始上癮了. 最後, 佢係1989年在FLORIDA監獄內坐電椅來執行死刑.

不過, 為何色情刋物會令當事人有暴力傾向? 唯一解釋, 他拾獲的那些色情刋物裡有暴力成份, 所以, 後來美加通過法規, 色情刋物中, 不能有暴力或強迫成份, 就算模特兒面露不快或尷尬, 都唔可以刋印出街.

當時在這教會, 播這DOCUMENTARY的女教友, 真係牽起一股不少的風波, 從男性角度來說, 大部份男性不會有如此暴力傾向. 不單造成其他女教友對男性有錯誤的偏見, 連這位女教友, 到今天都還未結婚.

後來, 有次見到這女教友的哥哥, 我自己不認識他, 但從外表看, 她哥哥的外表入哂西人心中構想的一些都市壞份子型格 - 偷野/吸毒/販毒/製毒/迫良為娼/曾被拘捕/曾經入獄...... 

我JJ不是自義, 只是我這等男性, 點會令到這些女教友心中有這般想法? 實在有點驚奇了.


以故事的當事人來說, 問題出於 - 損人利已, 妄顧別人福祉, 才是問題的晶結, 其他的, 不要講得太複雜了, 否則, 就會變成整餅了. 其實, 我離開這教會時, 我都快要不在適婚年齡了, 而這等所謂屬靈人仕, 仍然妄顧別人, 本質上, 跟這連環殺手沒有分別, 都是死在罪惡過犯之中. 又如果用他們這招, 把問題無限放大, 我真不知道..... 唉.....


PS: 我以前有位係香港的警察朋友, 佢講,  無論在監獄或警局拘留室內, 任何強姦或非禮犯, 待遇是最低等級的, 會受盡犯人的排擠, 甚至暴力襲擊, 原因因為, 香港並不是絕對禁娼, 只是禁示娼妓背後受人或組織操控, 這些人大可以用錢去買. 

在加國這裡是禁娼的, 法例十分森嚴, 而且係針對嫖客, 而不是妓女. 不過, 在魁省這裡, 警察是不會刻意去執法, 避免出現以上的姦殺犯, 除非那些妓女有麻煩, 或受人操控, 或傳染性疾病.

可以看出, 連執法人員都會不會教條化, 就明白, 教條化本身並不一定萬能.

怎可以以貌取人?

最近係微訊上, 竟然有人來問我, 點解貼相唔貼面貌, 只貼上身. 

噢...... 其實, 現在咁多化妝 + 整容, 面貌已經不能表達一個人的背境和生活環境了. 如果唔P圖呢, 我只單貼上身出來, 就可以表達到我的背境和生活環境了.

上身張相係可以講到好多野出來, 生理年齡, 健康狀況, 心理狀況.

我JJ一向睇人唔單只睇面貌, 仲好留意對方身體的特徵, 粗骨即是代表不會咁易骨質疏鬆, 粗腰代表夠力氣, 膊闊代表肺容量大而呼吸好+精神佳, 做事夠集中精神. 

我一向同人講, 瓜子口面咀細下巴尖好似我咁, 係福薄之相, 好彩我可以早D退休唔洗再捱驢仔, 早早可以花多D時間睇住自己身體, 如果唔係, 我做到退休年齡果日, 就差唔多係我香菇燒賣之時, 到時有錢都無用呀.

仲有, 現在國內上邊的人像辨識技術, 原來都係睇D人的身體特徵和步行姿勢, 因為條街咁大, 下下睇住D行人面貌, 就要ZOOM埋去, 就睇唔到好多個行人. 當然, 都睇埋頭咖, 不過係睇個頭型/面型/下巴/鼻尖囉, 大約歸納為幾號下巴, 幾號面型, 幾號步姿, 幾號上身:下身比例...... 等等..... 變成一堆數字, 跟住大家個身份號碼, 一齊存係資料庫裡頭.

大家現在上大6過關, 係會過2部視像機, 一部係俾大家入境, 再行多幾步之後, 就係人像辨識果部視像機, 用來UPDATE番落資料庫裡 - 大家最近有D乜身體特徵改變左, 當然再記低埋大家果日著乜衫乜顏色囉. 

其實, 我JJ唔係乜野特別人物, 每次上6呢, 都好隨便咖咋, 不過, 如果我熱得劑, 要除衫, 而裡邊D衫同外衣好唔同顏色呢, 最好唔好走埋係D角落呀, 盲點呀, 果度除啦, 最好係街上對正不同視像頭下來除衫, 咁就唔會俾人有瓜田李下的感覺, 等D哥哥姐姐可以全程睇住我, 直到我出境為止, 個人安全得到最大的保障呀.

PS: 好啦, 如果現在有任何女性, 話我JJ雙眼睇住佢身型, 係帶有色情成份, 哈哈哈, 佢就真係好OUT了. 現今世代, 辨認一個人, 真係不可以以貌取人呀! 哈哈哈.....

3月8日 - 一個令傳統女性困惑的日子.

啊..... 大家如果覺得我JJ講得唔岩聽呢嗄, 千拆咪來打我, 或者, 大家誤解錯左我意思, 先再睇多次, 再來罵我都未遲呀.

環顧我週圍, 就算D華人長住係加記, 就算係度出世長大, 都其實係好傳統女性咖咋! 

對於一些傳統女性來說, 實在沒有什麼好慶祝呢! 因為這個日子是要各位女仕唔好企係男人背後, 出來參與經濟生產活動, 但又要回家裡, 跟男性來參與家務. 即係比以前未有38之前, 更辛苦,更多野做, 更多事情要頭痕.

換來的, 只是.... 名義上, 女性再不是男性的從屬. D人話, 有左38後, 生仔和行房, 男性都要問準女性, 其實, 就算大男人年代, 這2樣事, 男人都無可能自把自為啦. 

又有人講, 女性可以自己揀對像, 唔洗經媒人婆, 唔洗俾人地來決定自己一生幸福. 嘩哈哈, 大家知唔知道, 除左竹門對竹門+人品性格背境外, 以前D媒人婆點解要睇住女人個躉呀? 其實, 唔只咁咖, 仲問埋男女雙方父母D性生活, 了解當中細節, 務求令到雙方子女婚後, 不會出現生活不協調, 包括性生活呀!

有次睇八掛週刋, 報導某女星上庭打離婚官司, 排在第一的理由係..... 性生活不協調呀, SHI...... 噢...... 咁, 問題來了, 大佬呀, 無可能男女雙方, 好地地玉潔冰清, 走去試婚咖? 試完婚後如果唔啱, 咁點算好呢? 又再找別外一個再試過? 咁..... D病毒唔係大洗牌囉? 乙肝和其他一大堆的病, 就係咁咖啦! 

除了過濾性疾病, 男女唔好濫交, 就唔會有比較, 對對方會忠誠很多喎! 一有了比較之心, 就會彼此疑神疑鬼, 甚至有人婚後, 在另一半面前, 利用其他異性, 來向另一半來施壓, 要另一半向自己低頭.

我JJ一向都好好奇, 現在男女雙方婚前輔導, 會包D乜野, 不過, 我好懷疑會否包埋輔導..... 性這方面! 其實都好困難, 拍拖幾年, 如果到臨結婚的婚姻輔導裡, 才了解到潛在的性生活不協調. 相信都沒有幾個輔導員敢這樣做了.

所以呢, 現代環境下的女性, 真是要自己自求多福了, 以前D父母之命和媒妁之言, 都只是用來保護女性而已. 現在女性無左這些由父母而來的保護, 婚姻麻煩左好多呀, 人生不再容易了.

加國養老 3

中國人來到加國, 有一樣比較輸蝕的地方, 就係好少關心加記本地的制度.... 稅制, 福利制度, 養老制度.

為何美國加記的制度咁唔同? 因為美國立國立法那班PIONEERS, 跟加記這裡英皇的效忠者, 他們對生命價值, 有著很大不同的差異!

為何加記養老制度, 只係一直好到老人能夠自理時, 之後到左不能自理, 就差左咁多? 因為人家覺得, 福利和養老制度係..... 讓公民活得有尊嚴, 但一到老人不能自理時, 怎樣也難於給與尊嚴, 就不如把寶貴的社會資源, 用在仍然能自理的人身上.

我們中國人觀點不同, 壽命比尊嚴更重要, 我們中國人更看重高壽, 所以加國社會制度一到老人不能自理時, 老人的生活是十分HARSH的, 但總好過很多地方, 最少, 政府保證最低生活水準, 不用過得沒有尊嚴.

不過, 始終要自己臨老前, 真係要有份老本囉, 唔好誤以為加國福利制度係萬能呀!

PS: 加國呢, 老年人生活尊嚴, 就要記住3不: 不能跌親, 夜晚不要食得太飽去睏覺(少鹽少糖少味濃), 生活不要太奔波而要多休息. 再加上兒女不時來電, 提醒一下生活細節, 這樣活得更好, 更有尊嚴, 更長久. 

在99.9999999999%的壽緣下, 一直活得有尊嚴, 並不是太困難, 留下的那0.0000000001%, 就要靠自己老本 + 兒女來幫一下.

加國養老 2

加國生活一向都唔錯, 只是悶D, 同香港也一樣, 老人不可以輕信陌生人呀.

我一直勸我父母, 將一切貴重首飾/收藏物品, 全都俾哂我D侄仔侄女, 父母出街唔好戴任何首飾金錶, 免得引起別人不懷好意. 

大家可能會問我, 點解唔俾我? 因為就算俾左我, 我將來都一樣要再俾侄仔侄女, 倒不如乾手淨腳, 一次過俾左佢地, 唔洗我將來麻煩, 去搵佢地才可以俾到佢地.

老人在加國, 一到開始揸唔到車時, 生活質素就開始差. 當老人還可以揸車四圍去, 喜歡食乜就買乜來食, 洗下錢才是正確的人生. 但一到行動受阻, 無得揸車, 有錢都無定洗呀.

其實, 加國老人D錢, 除左洗錢請人來護理或洗係老人院, 又或洗係去第二度醫病外, 就真係唔洗點洗錢. 莫講我父母, 連我都漸漸感到..... 加拿大, 有錢都無地方去洗, 食又食唔到咁多, 連出街出得多都會攰嘛! 

自從我去果間唐人教會後, 我真係唔想人地記得我/留意我, 所以, 我這幾年連名牌都少著左,  無人留意我和我父母, 就越少麻煩. 

今天, 才有2個唐人摸門教來摸我門口, 唉, 這些人比傳統基督教教會更教條化, 更加神神怪怪(1男可以娶4女),  老人唔想有麻煩, 就唔好招惹這些宗教團體.

其中一個年青的女性, 係咁望住我, 同我笑笑口. 我好理解的, 對新來加記的她來說, 我生活得跟任何一個加國西人沒有分別, 我是她憧憬未來加國生活的借鏡. 

只是, 就算這人對我無惡意, 就算我好心解俾佢知道加國的生活, 大多數這些人的先入為主觀念, 都不會聽得入耳, 而且還以為我老點佢地. 

所以到最後, 老人家遇到這些人際問題, 係會好影響佢地健康, 對老人家來說, 多一事不如少一事.

加國養老 1

很多人講, 加記係養老天堂, 實質係咪咁? 嗱, 講個例子大家聽聽.....

2007年, 我母親被驗出有癌, 已經十分快, 睇完家庭醫生後1個星期, 就有得入去睇下內臟有乜野.

但做手術要等1-2個月, 相比加國其他地方, 我這區已經算快.

但係, 我決定唔等, 立刻買機票, 回香港, 俾錢香港私家醫院, 立刻第二個星期做手術.

大家可能問, 點解唔係加記俾錢係私家做? 因為加記法例唔俾有私家醫院.

所以, 結論係, 人住係加記, 健康無事時, 就乜都好, 過左67歲, 政府每月俾最低生活保障金, 收入唔夠生活費, 政府就俾到夠, 買藥有上限, 睇醫生唔洗錢, 入院又唔洗錢, 只是係公營, 要等囉.

安老院呢? 有私營和公營, 公營要等, 而且環境唔多好,  但私營少政府監管, 質素參差不齊, 再加上安老院難請人, 所以, 很多時, 就算肯俾貴一貴私營, 老人都唔多好受. 

各位, 加國一切福利, 都係唔錯的, 只是一到左老人唔能夠自理時, 加國跟大多數國家一樣, 一切福利就一定唔夠. 這個時候, 就要靠自己平時D老本了. 

其實, 大多數唐人除非好食懶非, 好賭成性之外, 大多唐人都有積蓄, 最少夠住幾年私家老人院. 

我不知道在其他地方, 在加國, 有時兒孫滿堂, 反而令老人臨老唔過得世, 因為這個又要老人幫首期, 那個又要老人幫咭數, 果個又要老人幫女家酒席嫁女餅. 

所以, 由尋找配偶開始, 如果對方唔生性, 唔配合來理財, 未結婚就有條大咭數, 真係要斬纜分手, 因為這些惡習會遺傳下一代, 越生得多, 就越臨老唔過得世.

PS: 點先係加國最大鑊的老人? 大家可能會講, D兒女唔理父母, 又攞哂父母D錢, 等父母無依無靠, 入住公營老人院. 

上邊個CASE仲未夠最大鑊....  父母原本住加國, 兒女落左美國入左藉打工, 係美國生兒育女, 找加國父母搬落去幫手湊細路, 點知美國係唔包加國父母D醫療保險, 到左父母身體開始有事, 就要迫住走番上來加國, 但加國公民搬回來加國, 要住滿3個月才有醫保, 大鑊了, 有些人等完3個月, 才開始排隊呀, 就真係..... 

所以, 我JJ慶幸我自己無一身兒女債, 哈哈哈, 真係要多謝我以前去果間唐人教會了, 我係果度, 連一次拖都拍唔成. 不過, 大家可能會問, 乜教會裡長大的第二代人, 應該唔會俾父母咁大鑊嘛? 哈, 真係一方水土養一方人, 有些人會講, 父母養兒女, 兒女養兒女, 天經地義呀. 我諗, 其實係..... 乜野人就會生下乜野的兒女, 做人沒存好心, 其兒女對他們也不會存好心呀, 盡早遠離這些人, 才是正道. 

我叫大家唔好移民的理由 3 - 我們正面對一個潰而不崩的年代

很多人係網上亂講, 中國經濟會崩潰, 但是, 就算現在, 有老美當奴友係度攪串左個PARTY, 中國經濟都只會潰而不崩. 為何?

睇睇歷史, 中國近代明清兩朝, 都係亡於經濟崩潰, 只是要中國經濟崩潰, 係要好長好長時間咖. 明清兩朝, 由開國到綜合經濟國力到頂峰, 大約50-100年, 之後走向下坡到崩潰, 用左200年(是發展時段最起碼的2倍時間).

套以現在紅色中國政權來講, 就算由改革開放的1978年開始計, 就算以2013年為經濟頂峰(前後35年), 再由2013年開始走下坡, 都要到2083年(35X2 = 70年), 才會經濟崩潰到滅亡呀各位.

不過, 係2083年之前, 我JJ相信, 好多中小國家經濟已經崩潰又崩潰左好多次了, 甚至有D不復存在多年了, 哈哈哈......

嗱, 我JJ比較看好..... 美國/中國/俄羅斯/印度, 因為這些國家幅員廣大, 人口和面積, 大到足夠佢地國內相互之間有協調效應, 不會咁易被外來衝擊到. 所以, 這些國家可以做到潰而不崩, 要一路潰落去好長時間, 才會崩.

咁, 大家可能會問我, JJ 你住係加記點呀? 加記/澳洲/巴西 都歸類為, 面積大而人口少, 缺乏發展力度, 易潰易崩, 長時間需要靠邊站, 跟住大佬來搵食. 

不幸地, 在當奴友的老美優先政策下, 不再視加記為戰略伙伴, 甚至連前2-3任總統, 掛係咀邊做做公關的說話, 都唔會再有. 現實情況十分清楚, 老美已經成為加記出口能源和資源的競爭對手. 

老美現在等緊加記/澳洲/巴西這些國家崩潰, 而慢慢一步步逐個地區來個別蠶食. 加記唯一自救方法, 就是靠向另一個大佬. 

所以, 大家在香港, 如要移民來加記, 最後可能跟係香港沒有分別, 都係要靠邊站. 而.... 唯一分別係, 香港夾係中美兩國戰略逐鹿之中, 兩邊都在拉扯香港, 相反, 加記已經再無被兩大勢力拉扯的地緣戰略價值了.

PS: 大家可能會問, JJ 你講漏左歐佬喎. 係咖, 英記現在脫歐嘛, 咁, 之後, 就係意大利.... 西班牙.... 歐盟歐元可能比紅色中國政權, 更快唔見左. 

為何家陣世界正在潰? 因為人口老化, 美國是 1945年(嬰兒出生潮開始) +65歲到這些人退休, 即是2010年, 2008年果鑊金融海嘯只是個序幕, 一直被老美QE漫水浸, 咁來HOLD住, HOLD 到唔洗崩, 將來也是一樣, 用各種方法 HOLD 住唔俾佢崩, 直到有一天HOLD 唔住為止. 當然中國也是一樣, 印度和俄羅斯就不用話下了. 

最後, 大家咪誤會, 我只係叫果D有兒女要搵食的人, 移民前要想下移民國幾十年之後會點, 如果可以做到..... 生活在移民國, 但有著原居地或第三國的充足收入, 這樣真係唔怕移民呀. 

但, 如果計劃係加記生活, 洗著加記搵的收入, 今天的一切決定, 將會背寫著明天下一代的福祉, 就要想清楚了.

我叫大家唔好移民的理由 2

其實呢, 下邊我想講果D野呢, 我上年都唔係好肯定, 不過, 最近開始, 可能性越來越大.

講香港回歸果時, 老鄧猛係度講要建立深圳, 來輔助香港的發展, 當時就有人走出來, 忽發奇想,  幻想將來中港邊界會向後移20公里, 到達當時的深圳二線(如果唔知, 就去這裡睇下, https://zh.wikipedia.org/wiki/深圳經濟特區). 

最後, D人咁想呢嗄, 仲係上邊買樓買舖開生意, 當然最後無哂下文啦! 哈哈哈, D人都傻咖, 唔該分清圧閒啦! 亂咁想野, 領土這個話題呢嗄, 係上邊呢, 係開口及著脷 + 崩口人忌崩口碗的話題呀! 

不過呢嗄, 自從我地阿鵝姐係當奴友面前講, 老美最大順差貿易伙伴係香港, 仲爆嚮口叫當奴友俾多D時間中國, 中國有天都會步上香港的軌道, 大買老美產品. 當然就引得當奴友成班幕僚, 對阿鵝姐朝思慕想, 好似以前班港燦咁幻想, 中港邊界向後移, 香港人口增加幾倍, 香港面積又增加幾倍, 買老美產品又會多幾倍喎. 

呢個係一個好折衝的方法, 老美睇住舊肥豬肉大左, 又遠離熊貓國天子腳下, 又唔洗觸碰到佢地裡邊3大派人的大本營, 而又可以滿足到南大門這班人一向向外的心態.

嗱嗱嗱, 我JJ唔係講, 香港會吞左上邊豬三腳9個市呀嗄!  只不過, 老美現在要熊貓國開放市場, 開放金融, 開放資訊, 熊貓國總要搵地方, 叫佢做試點, 上海的長三腳和京津冀的環浡海都唔洗諗, 一早大把人插哂莊柱, 豬三腳都係, 不過, 豬三腳班友比較外向, 容易做開放的試點. 

以上邊一貫往跡, 大家都可以唔洗諗, 我地一眾港小燦會去食到人地, 不過, 如果中美講得掂數, 豬三腳會更開放, 法制和市場更趨香港一貫的做法, 這個對我地一眾港燦來講, 已經係一件好好好好好的事.

PS: 今年必定是大變之年, 不過, 大變的背後, 必會行在其歷史的軌跡之上,  不會無緣無故下, 大變出來. 所以, 我JJ呢, 前事不忘, 後事之師, 一切世間世事, 冷眼旁觀, 觀世情, 觀大變, 不疑, 不惑, 不懼, 不妄, 不虛, 不喜, 不怒, 不怨, 只作如是觀, 順著必然之事而為.