怎可以以貌取人?

最近係微訊上, 竟然有人來問我, 點解貼相唔貼面貌, 只貼上身. 

噢...... 其實, 現在咁多化妝 + 整容, 面貌已經不能表達一個人的背境和生活環境了. 如果唔P圖呢, 我只單貼上身出來, 就可以表達到我的背境和生活環境了.

上身張相係可以講到好多野出來, 生理年齡, 健康狀況, 心理狀況.

我JJ一向睇人唔單只睇面貌, 仲好留意對方身體的特徵, 粗骨即是代表不會咁易骨質疏鬆, 粗腰代表夠力氣, 膊闊代表肺容量大而呼吸好+精神佳, 做事夠集中精神. 

我一向同人講, 瓜子口面咀細下巴尖好似我咁, 係福薄之相, 好彩我可以早D退休唔洗再捱驢仔, 早早可以花多D時間睇住自己身體, 如果唔係, 我做到退休年齡果日, 就差唔多係我香菇燒賣之時, 到時有錢都無用呀.

仲有, 現在國內上邊的人像辨識技術, 原來都係睇D人的身體特徵和步行姿勢, 因為條街咁大, 下下睇住D行人面貌, 就要ZOOM埋去, 就睇唔到好多個行人. 當然, 都睇埋頭咖, 不過係睇個頭型/面型/下巴/鼻尖囉, 大約歸納為幾號下巴, 幾號面型, 幾號步姿, 幾號上身:下身比例...... 等等..... 變成一堆數字, 跟住大家個身份號碼, 一齊存係資料庫裡頭.

大家現在上大6過關, 係會過2部視像機, 一部係俾大家入境, 再行多幾步之後, 就係人像辨識果部視像機, 用來UPDATE番落資料庫裡 - 大家最近有D乜身體特徵改變左, 當然再記低埋大家果日著乜衫乜顏色囉. 

其實, 我JJ唔係乜野特別人物, 每次上6呢, 都好隨便咖咋, 不過, 如果我熱得劑, 要除衫, 而裡邊D衫同外衣好唔同顏色呢, 最好唔好走埋係D角落呀, 盲點呀, 果度除啦, 最好係街上對正不同視像頭下來除衫, 咁就唔會俾人有瓜田李下的感覺, 等D哥哥姐姐可以全程睇住我, 直到我出境為止, 個人安全得到最大的保障呀.

PS: 好啦, 如果現在有任何女性, 話我JJ雙眼睇住佢身型, 係帶有色情成份, 哈哈哈, 佢就真係好OUT了. 現今世代, 辨認一個人, 真係不可以以貌取人呀! 哈哈哈.....