越美麗越危險

原來世間世事, 越美背後, 原來越隱藏大危機. 

就以北極極光為例, 極光越光亮, 範圍越大, 顯示背後太陽風暴越猛烈, 對地球上任何電子設備, 甚至地球上任何動植物,  都可能構成極大的影響! 就好似以前把種子帶上太空後, 所發生的突變咁.

不過, 今次D極光真係好靚, 而又好大, 從未有人係外太空可以影到咁大咁開闊的極光, 係呀, 就係係國際太空站上影的, 真係玲舍唔同. 

我JJ一生最感光彩的投資!

 就係投資藥廠股, 有了我這種人的投資, 藥廠才有大量資金去做科研, 當然, 投資藥廠回報, 比投資在大耳隆股的發咭公司/消費理財業務, 少很多很多. 只是,這些高回報, 是建基於咭數債仔在最少18%大耳隆釘疊釘之上, 其痛苦情況, 可想而知吧!

投資藥廠, 為人家消病解憂, 在人家最絕望時, 帶給人家一線希望, 不是再在人家痛苦上, 再踩多一腳下去.

最近新變種COVID-19 病毒, 有藥廠出來話可以在4個月內出到新疫苗, 並可以在一年內製成40億疫苗, 當然佢股價一日就起左近1成了. 我一聽到咁, 我十分開心, 能夠幫到別人, 實在感到光彩快樂.

昨天DOW DOW 跌左近3%, 皆因為新變種COVID-19 病毒爆發, 連香港都被輸入. 有人回港後在酒店隔離, 卻傳染了酒店房間門外走廊對面房間的住客, 即是新變種COVID-19 病毒傳染力不低呀, 經空氣傳播能力不弱, 可以在空氣中飄浮的生存能力唔差! 

好的, 在人人都驚慌中, 藥廠帶人們一線希望, 一柱曙光吧! 這個才是金錢最大的用處! 也令我JJ自己在情緒低落中, 尋到快樂之源!

PS: 是的, 金錢放係度, 係無用的, 是要用來使用, 自己才會行使到擁有權, 如果唔係, 別人就會把自己的存款, 胡亂去揮舞借貸了. 

當然, 我JJ不是叫大家把錢花光, 而是去投資一些好事, 藥廠出新藥和做科研, 係好事呀, 還有很多好事, 我地D金錢投資落去, 我們人生才有意義!

疫情之下, 人人都不容易啊! 唯有大家努力保持身體健康.

短片中這位國內網友, 是一位專拍旅遊視頻的youtuber, 佢一年都在外四處去拍旅遊視頻, 賺點小錢來養家人. 只是疫情下, 佢工作就困難好多, 尤其佢由鄭州家裡出來之後幾天, 鄭州就開始爆疫, 佢健康碼雖然仍是綠色, 但係佢仍然要去隔離喎! 仲係由政府一級一級咁下來行政執行呀! 

其實, 大家都睇到, 在國內制度下,  每一個人由行政上級到下級, 再到一般民眾, 都按其位行其事, 沒有什麼非人性化的行為, 我JJ自己不知道怎樣評論了, 只是這個情況並不樂觀呀! 尤其對民眾生活和經濟, 必然帶來巨大的衝擊. 生產力減弱不在話下, 隔離中使用大量即棄器皿, 更加令生活成本大增! 

這個當然不是我JJ主觀的想法, 也不是黑心想人家衰, 只是以我JJ一向的推理能力來講, 視頻中顯示的一切, 都叫人不容樂觀呀! 旅遊物流不暢旺, 消費大受打擊, 就業率當然一落千丈, 人人都不容易呀! 人人都辛苦呀!

家陣美股係高位喎! 如果長期高通漲呢.......

 係呀! 如果大家係"BUY LOW SELL HIGH"一族呢, 可能減持少少倉囉! 

嗱! 預設一個可能呢....... "如果長期高通漲, 減乜股磅好?又將來如果長期高通漲下來個大跌市, 增持乜股好?"

長期高通漲對乜股最無利呢? 就係果D唔可以將增加成本轉嫁俾別人果D股囉! 又或果D成本佔營利比重好高果D股! 如果D股係係這兩個情況下呢, 就係三剎位了! 

我JJ唔好喜歡新進高科技股, 因為技科未成熟, 無乜可能獨霸市場, 而仲係營運成本好高, PE又係好高囉! 如果大家高位入呢! 可能減少少倉囉! 我隻BB呢, 因為好平入貨, 幾皮野成本, 所以我就唔理佢放埋一邊, 等佢將來睇下點囉! 聽聞 BB埋左AMAZON埋, 而 AMAZON 同 FORD 想出電動車喎! 

長期高通漲下, 有人話買實物實業, 咁...... 老美實物D REIT 好唔好? 我唔識睇, 不過, 我以前副業做開物業管理, 出租物業尤其住宅呢, 維修成本會幾高下喎! 而且北美現在好"左"呀! 租務條例對做業主果D人無利喎, 成日唔俾加租呀! 長期高通漲下, 無得把升高的維修成本轉嫁俾住客喎! 咁..... 唔係無錢賺囉! 將會有更多出租物業大為缺乏維修資金, 而越來越笠UP呀! 

其他種類D REIT我唔識睇了, 商場果類呀? 在網購下, 好多商場空左, 再加上人口老化, 少左購物意慾, 商場果類 REIT 並不看好呀! 物流或醫療果D REIT, 或者將來跌市時, 大家可以留意一下吧!

實業呢, 醫藥醫療就一定係獨市生意囉! 不過, PE好高呀, 回報2-3%囉! 跌市時大家可以留意下!

油呀, 礦呀, 都係可以抗長期高通漲的, 只是現在唔平了, 唯有大家等佢跌市囉!

最後電網和能源呢! 大家都可以留意下啦! 話澌都係可以抗長期高通漲呀! 

我JJ 個倉只有 BB 係科技股呀! HRB係 科技報稅服務業囉! 向電子化邁向! 

基建股呢...... 都好似 REIT 咁, 有風險囉! 隨時高通貨膨脹, 升高維修成本, 把利潤蝕左!  

物流大家可以諗諗囉! 尤其鐵路呀, 大多擁有條鐡路路軌喎, 差唔多專營嘛! 

食品股都可以諗下, 有人就要買野食嘛! 不過, 又係2~3%回報, 唔高囉!

我會避開新進科技股(不是叫大家減持, 而係唔好買入住), 市場競爭性大的貨車物流, 化工/工業/生產業/服裝批發, 果D都容易因為成本升而變得無利可圖囉! 

PS: 最後, 從來都不是股價令到人們走過風高浪急, 除非是借錢買貨囉! (當然, 在現在高位下, 我一定叫人唔好借錢呀!), 而是股息令人走過風高浪急呀! 就算大跌市, 股息大減, 好的股票D股息都唔會大跌嘛! 所以持有果D生意長有長做長賺D股票, 一到跌市時, 就會打救到自己了!

 

變成富人的特點?

其實好簡單, 對自己真誠無偽, 並腳踏實地, 相信自己, 去做自己變成有錢人的步驟! 

 講得好岩的, 普通人花錢是為到消費慾望, 富人花錢是為到去更進步, 將來更有利.

又講得好岩, 大部份僥倖得到金錢的人, 都好容易冤枉來瘟疫去. 只有那些腳踏實地去搵錢的, 他們手中的財富, 不會在精神錯亂或頭腦發熱下失去!

PS: 題外話, 疫情下, 很多人都開始想歪了, 其實, 情況並不是太差太壞, 只是人們一想歪了, 情況就會加大倍數的變壞了, 正所謂天災再加人禍嘛!

最後, 賺錢搵錢是重要, 但是財富和情緒管理也是十分重要的, 如果唔係, 就會好容易因為情緒唔好而跌錢了, 前幾年上邊有句嘛, 有錢就任性了, 哈哈哈......

 

睇視頻, 發現到D乜? 國內埋堆文化?

近排, 看到YOUTUBE上一些講國內市況的視頻, 好奇去睇下, 發現好多個CHANNELS 都拍攝著國內不同城市的市況, 其中以廣州深圳的市況最熱鬧, 街上最多人. 

大家都知道啦, 我JJ係個分析佬, 好奇心特別重, 當然我睇這些視頻, 唔係為左睇女人, 只不過, 睇這些視頻呢, 唔洗我親身去到當地感受嘛, 有人幫我去拍埋影埋, 俾我來睇來分析.

我分析到D乜?

 

1. 憑那些路經過女性的眼神, 拍果個人係個男人, 而且一定唔係好老, 應該係一個30歲以下的男性, 而且, 可能有點能夠吸到女性的眼睛. 

2. 家陣國內北方城市D90後, 很多都落澌來廣東打工, 北方市況係好冷清+D路人上左年紀, 南方, 尤其廣東, 通街都係90後或00後. 仲係講煲冬瓜呀! 唔係廣東本地年青新生代!

3. D年青人消費力無香港咁強喎, 大部份人係無所事事, 約埋好友出來行街, 街上拿著購物戰利品的人數, 無香港咁多喎! 可能大家會講, D人去澌網購嘛! 只不過呢, 買衫褲鞋襪係要親身上街買嘛! 電子產品和榢俱才可以網購!

4. 最後, 係一個十分重要的發現, 只有國內才常見..... 佢地興兩個女性朋友一齊行街, 仲係要挽住對方手臂咁親密咁來行街, 港女無咁樣的文化喎! 可能這就是上邊講的閨密吧! 不過, 這是個埋堆文化, 一個女性在陌生異地保護自己的方法, 甚至可以是一個GANG 文化(個款和衣著髮型都好相似), 用來排斥或壓下其他人! 港女可能係自己地頭, 而且又獨立性好強, 係街上好少見到有港女咁來挽臂同行囉, 可能係驚俾人標籤為女同吧! 不過女同唔係單單挽臂咁小兒科啦!

我這裡加記D國內移民來的女性, 係外個係咪咁樣? 真係好少見佢地挽住手臂來行街喎! 就算後生90後果D, 都唔會喎! 反而我這邊D國內女90後, 眼睛更傾向留意街上其他人喎!

講起女同, 我果個好多女人黐住的男親戚呢...... 我一直感覺到佢身邊果班女人係女同, 貪我果個親戚個樣好似女同TB咁款! 我見過佢班女人2-3次, 港女就算係女同, 又真係無挽臂這家野喎, 而且個個仲係好獨立添呀! 點解我會覺得佢果班女人係女同? 因為佢話佢班女人打牌係唔會同男人打, 可以看出, 佢果班女人對男性有好強的警戒心. 

 

為何我JJ會情緒咁低落?

 老實講, 2018年時我一見到當時中美就快無計傾時, 個心已經涼左一大截, 知道好多人的好日子將會少咁一大截了. 

誰知道..... 2020年頭來左個疫情, 本來我JJ這些人一早有左準備, 原本我係果D可以走出去加大消費來幫其他人的人, 只是疫情一來到, 我就無得四圍去, 無得去旅行, 連出去食多幾次飯都要避免! 

今天同父母一起去唐人街理髮, 個老闆問我地會否係唐人街食下飯, 幫下其他人, 我真係唔好意思了, 唯有解釋, 好怕堂食, 天氣又咁凍, 無得買左係外邊公園食, 唯有回家自己煮來食, 而且我現在開始唔敢俾外邊D野父母食, 我自己煮就控制到油鹽脂肪的份量. 老人家食餐館D野, 實在唔多合適. 

最近在一些地方見番一些舊日識得D人, 舊時佢地生活幸福美滿的, 有舖頭有生意, 那時應該不乏生活質素, 只是現在疫情下再見番佢地時, 他們生意沒有了, 舖頭人去樓空, 看來他們正在為生活而苦苦支撐著!

老實講, 我JJ見到人家開心富貴, 心裡就會開心快樂, 見到大圍人都好景, 我JJ D投資就會更容易有錢賺, 相反, 見到別人生活過得不好, 我心裡只會涼了一大截, 投資就會更加小心, 絕不會去踩多一腳(做空質低個市).

尤其見到人家意氣豐發, 就算人家目空無人, 這個都是一個繁華的現象, 都是一個美好的兆頭. 但一見到人家垂頭喪氣, 反而是個不好的先兆, 

其實, 我JJ係一個好好腳頭的人, 一出世我父親就開始生意做得順利, 後來, 我去到任何一間教會, 那間教會都會係我參加佢地果陣時, 人多了很多(多一倍人係最少果間, 有間更加一間變3間). 好多人行過間教會, 見我入去, 就吸引左佢地入埋去.

我去唐人街D舖頭, 舖頭外D西人本來唔敢入去幫襯, 一見到我入去, 就會入去. 這幾年, 我這裡唐人街d舖頭生意唔好, 夏天天氣暖時, 我成日星期六, 坐係唐人街入口處, 攞住杯珍奶茶, 俾經過D西人睇到, 佢地好多時就轉左方向, 行左入去唐人街消費了.

只是疫情下,  我D好腳頭, 卻幫不到其他人, 真是好難過呀!  今年有次我在唐人街入口果度做活動生招牌, 有個黑妹來問我, 叫我請佢飲茶..... 老實講, 江湖救急無問題呀! 只是在疫情下, 我同佢講我唔會入去堂食, 頂多買些東西俾佢充飢. 點知佢以為我想問回報, 就同我講..... 之後可以俾我抽佢水喎! 

我一聽咁樣, 我就更加情緒低落了, 嗚嗚嗚...... 原來疫情下, 人們開始想歪了, 真想喊出來呀! 我唯有立刻起身走開..... 個黑妹心裡一定係度大罵我了...... 

點解? 因為果個黑妹, 有點似我細時學校個老師, 佢好鍚我咖! 如果個黑妹同我果個老師有關係, 唉...... 難道這是.... 好人沒有好報嗎? 佢女兒變成咁樣?