真係講得好到位, 大家快來看看....
PS: 現在不要說投資了, 世界亂起上來, 總得安身立命, 總得了解勢態背後的一切, 好使竹自己懂得走位, 懂得怎樣安身立命.
2022年2月28日 星期一
2022年2月26日 星期六
現代化戰爭下的今天......
老俄打入老烏已經第三天了, 我寫稿時, 老烏果邊應該已經天快黑, 第三天戰鬥都已經打完, 72小時了, 一切決定性的戰鬥都應該已經打左了.
老俄仲未打到決定性的戰果, 即是代表, 老俄將會面對排山倒海的大問題, 不用說佢內部矛盾和物資出現問題, 還會被外界一沉百踩, 被人處處將軍.
班友一開戰時, 個個都唔表態, 就係想睇睇戰果, 才諗諗要企係乜野位置. 一見到老俄達唔到戰略目標, 就個個宣布供應武器和物資俾老烏.
好啦, 大家可以看出, 實力決定一切, 要做D乜, 首先要自己有能力, 不用別人來幫, 這樣..... 才會少D突然的阻力, 才會順利. 如果好似老俄咁, 本來別人唔知道佢掂唔掂, 但事實證明, 老歐內裡多個國家, 戰力不下於老俄, 現在除了核武外, 老歐一定不懼於老俄了.
PS: 這次事件後, 將會刺激很多國家暗地裡發展核武, 這個將會係幾年後, 會再產生新一波問題了.
還有, 大家請不要誤會, 我JJ平時生活中, 是個好憐憫, 恩澤別人的人, 只是一到分析....., 國與國, 集團與集團間的利益交替時, 就不能先小人了. 到投資決定時, 都是一樣呀! 就算是醫藥股, 都是以利益為先的決定呀!
2022年2月24日 星期四
誰說後生仔最無耐性?
後生仔可能只是缺乏經驗, 同埋諗得唔夠深入.
邊種人最無耐性? 就係果D行將就木, 但又要有作為的人.
今次北極熊蒲精大帝, 可能正好就係咁, 不要忘記佢快要70, 佢當政左22年, 佢初上台時, 同人民講: "給我20年時間, 還你們一個強大的北極熊!"
只是多年來, 北極熊都係沃不得, 克海和菠蘿的海出口被人嗟住喉嚨! 被困於冰天雪地的一片荒原裡, 不能向世界進發.
這個不單只係面子工程, 而係地緣沒有了優勢, 國家發展不上來, 更加係自己腹背受敵, 大量精力用於防衛, 無暇來顧及遠方地緣發展.
今次打老烏, 可能只是開幕式, 好戲還在後頭, 當佢掃清佢南冀, 把老烏反佢果班人, 掃洒入山區後, 佢就會調軍由南而北上, 掃清阻住佢係菠蘿的海出海口的那3小國了.
不過, 這3小國是北約協約國, 戰略價值, 比老烏高很多, 而且較老烏果邊, 容易守好多(旁邊還有其他較強大的老菠和老匈), 所以, 主要逐鹿, 就會在那裡, 而且是多國聯軍會同一齊同老俄打.
所以, 大家都係觀望長一段時間, 才好落槌去做投資決定, 就算打完老烏, 都未會完得咁快. 現在老美的如意算盤一定係...... 老俄越係老烏拖得越耐, 就對佢係北面菠蘿的海的佈置越有利, 始終招數唔怕舊, 最重要係有用, 上次拖垮老蘇經濟民生果條橋, 今次又是否洗得?
ps: 大家估下, 下一個無耐性的人係邊個? 呵呵呵, 唉, 真係有d笑唔出, 希望唔會發生啦! 佢地兩個沙煲兄弟, 一個說: "還你們一個強大的北極熊", 別一個誓神擗願話乜乜祖國統一大業, 噓, 盞攪呀!
介紹大家睇一套1962年的老餅戲, 係講老烏果度的歷史呀, 當中唔只有突厥, 有老菠(立陶X係佢同盟). 果時, 都仲未分出老俄/老烏, 只叫哥薩克.
莫理防疫背後的出發點, 只需看看防疫會有乜後果?
隻手仲痛緊, 食緊消炎藥, 希望快快無事.
不過有一事要同大家講....
我並沒有想去討論突區防疫措施岩唔岩, 只是咁去防疫, 個結果只有一個, 就係跟外國脫勾.
自從2019年尾起. 脫勾一詞, 就成為世界主旋律, 尤其某個2大國之間.
只是民間一天還有交往, 經貿不斷, 政府就不容易脫勾了, 後來疫情開始, 就變成第二話題了.
沒有什麼比現防疫措施, 更令到民間脫勾.
大家應該心裡有數, 脫勾是我們這代人的最終命運, 無論是否擁護上邊, 都會有同一命運.
何去何從? 唉, 難說了, 我JJ現在住係加記, 都難說大家留係邊度會好D, 因為人人情況和能力都唔同, 就算我JJ住係加記, 生活不錯, 但其他人唔一定係咁.
不過, 決定時候到了, 大家不要再猶豫了, 要勇敢地去做決定.
PS: 我JJ一直相信, 我只是個普通料, 如果我JJ係加記活得不錯, 相信大家也會OK啊.
2022年2月22日 星期二
2022年2月21日 星期一
2022年2月20日 星期日
在這個令不安的態勢下
香港這幾天確診人數千千聲, 更有老人家被老人院和醫院兩邊推.....
我JJ實在不想來對比香港和外國了, 加國2020年時也有很多老人院爆疫, 立刻安排老人們入住酒店, 只是這些一切, 都只是把垃圾掃入地毯底下吧! 跟本很多老人需要醫療和護理,不是一間酒店房間就能解決問題.
現在這態勢, 必定會改變我們這些存活下來的人, 將來對人生和世界的取態. 我估算, 很多人會變成一振不決, 對人生對世界, 會變得十分消極.
做人積極, 是人生最大的財富呀, 失去了, 就等如破產了.
其實, 任何人在疫後存活下來, 都是造物主的一個奇妙安排, 值得他們自己好好去活下去, 不要對人生失去盼望, 始終人生會美好嘛!
咁, 其實, 我JJ都有可能在疫情下..... cannot make it, 可能..... 我一生人努力慮積一切, 變成一場空.....
但諗深一層, 最少我也好努力咁去做個有用有貢獻的人, 如果做物主真是把我接回去, 那就 let it be 囉!
ps: 最近我有隻硬碟瓜左, 救來救去都救唔番, 噓, 真係感到失去了的那種感覺, 不過, 我真係要學習一下, 去接受失去的那一刻..... 因為這個是人生必經, 就算今次疫情下, 未致於失去, 但將來總會有天, 要把一切輕輕放下.
好吧..... 輕輕的我走了, 正如我輕輕的來; 我輕輕的招手, 作別西天的雲彩. 到了那天, 真希望自己可以如此般的逍遙潚酒.
2022年2月15日 星期二
呵呵呵..... 主觀意願今次唔洗得.
前天老美BY登才講老俄會打老烏, 還以為油股會繼續升, 點知昨天跌, 升天又跌, 還好我JJ只是真金白銀持有油股, 無用槓桿, 也沒有短炒, 一切都係靜觀其變.
係咖, 短期世事常常都不會像我地主觀意願咁去發展呀, 但係長期大方向仍會照著邏輯咁去發展囉.
油價會升得更高, 油股也會水漲船高.
只是大家如果現在入市, 就未必有太多內食了, 乜都炒貴左啦, 但風險一定比我2020年3月時, 大左好多好多呀(我這些2020年3月時買入的, 差唔多係零風險囉).
好啦, 我地都係注意自己投資風險啦, 要習慣同投資風險共存囉. 這個係投資101的課程呀!
2022年2月14日 星期一
現在才發現自己是十分負面!
為何? 一直都有追看一個叫"一個人窮遊中國"的 YOUTUBER, 佢一個人一直係國內四處旅遊, 來拍視頻放上網. 覺得他真是不錯呀! 我可以透過佢, 去多了解國內的實況!
只是大約1個月前, 就沒有再收到YOUTUBE關於佢更新新視頻的通知, 我自己又執屋執到一頭烟(往年父母有份做, 今年係我一個人做, 分別好大.) 今天才去佢頻度上睇睇佢近況, 不看由自可, 一看才知道佢唔再係YOUTUBE上更新新視頻, 直接把佢YOUTUBE頻度停左. 佢頻度裡唯一的視頻, 係佢同觀眾拜年, 但我看到佢面上損左, 背駝了, 身體好像不太好, 我就得出個負面的結論, 就係...... 佢可能1月中遇上意外或奶左新冠一野.
我就急住係網上再查查, 才知道佢無再係YOUTUBE放, 單單放係西瓜網, 佢一直都無事呀, 一直都每隔幾日放新視頻.
好啦! 現在我才明白, 原來自己睇野係好偏面, 這個不單係投資大忌, 仲係人與人之間的大忌啊! 哈哈哈哈, 好啦, 這個是一個好的新年大禮物, 讓自己明白到自己想法好負面, 好偏面!
PS: 這幾天, 網上有人話見到蕭才子中左風, 仲話係危殆喎! 咁, 就有人轉載左出來, 叫大家一齊關心一下.
其實, 都係關心姐, 不過, 可能人總是傾向負面囉. 現在蕭才子無事, 大家都安心啦! 係咪?
2022年2月12日 星期六
為何老美唔敢輕易對大國做貿易制裁?
前天, 網上才有人講, 多倫多房價已經爬過溫哥華, 成為全加最高房價.
只是我一睇就笑笑口了, 我JJ係2020年3月買入油股, 到左今日, 係講緊平均賺左200-300%, 用來買油股果D錢, 係我賣出租物業果一部份錢.
我相信, 老美油股, 在現在風傳俄烏開打下, 仍會有不少的高升空間, 因為如果老俄真係打, 歐洲會唔買老俄天然氣和油, 就要轉向美加來買.
點解我JJ咁沙膽, 2020年3月油價跌成咁, 夠膽去買老美油股, 因為歷史每次都係咁, 天災人禍後, D資源就會俾人搶貴左. 其實我JJ係好騰雞咖咋! 只係歷史咁講次次災後係咁, 我唔係照住去買, 還掂油價果時跌去幾皮, 有一日仲跌到負40皮, 有乜唔敢去買油股呢?
不過呢, 大家咪以為歐美會全面貿易制裁老俄...... 制裁前題下, 係要歐美搵到代用品替代同老俄D貿易呀. 所以, 大家見到油價金價和資源價升, 科技股跌, 製造業跌......
PS: 歐美現在唔係貿易制裁, 而係貿易 BYPASS, 搵到代用品替代, 才會唔侵老俄玩, 搵唔到, 依舊會同老俄賣.
點解? 因為韓戰後, 老美圍堵封鎖老共, 原本東亞很多貿易都受影響, 原本東亞好多國家同老共有貿易, 但這些貿易一停, 東亞好多國受影響, 經濟一停頓, 這些東亞國內的共產主義速速擴散, 反而助長老共.
所以老美傳統的政客, 係唔會亂咁去制裁大國, 偏偏幾年前果個當奴友係商人出身, 唔係傳統政客, 後來, 夾硬要當奴友無得撈一屆, 唔洗俾佢攪亂左老美長期利益.
2022年2月11日 星期五
哈哈哈, 家陣.... 乜野係上市公司的原罪?
係現在收水+加息+高通漲+低GDP下, 之唔係..... 高負債, 低現金流囉! D股民怕間公司不單無錢俾股息, 仲連還息都無錢呀!
今日果間叫 GOODYEAR 的 車軚製造商, 就係因為低現金流, D人驚佢崖唔到加息啊.....
其實, 開門做生意, 有邊個無賬面債? 有借有還上等人, 只不過係收水+加息下, 做上等人會越來越難呀!
現在或不久將來, 大家投資老美製造業呢, 就要有心理準備, 要守一段不短的時間囉!
如果大家想執平貨呢, 可能還要等一等.
不是反枱, 而是自保!
最近上邊有人寫左4萬字, 講我地最高極峰領袖, 令我想起有位曾經的香港仔, 前排出左本書, 唔係講領袖, 而係講佢自己以前係ONE總系統下做生意, 最近這過氣香港仔帶出一點.....ONE總系統同其他雄二代, 係唔同系統.
最近好熱鬧呀, 咁多人出書寫文, 背後都係有個共同點..... 想同現掌權者劃清界線.
為何近排咁多人走出來劃界來割蓆? 即係想..... 如果將來現掌權者失勢下台, 都可以保住佢地自己和自己所屬的系統.
PS: 當然, 這些人也表達了對制度上的不滿. 也希望有某些改變, 只是人是自利的, 當然希望將來再執位之後, 自己和自己系統有較有利的位置.
大家可以睇得好清楚, 將來就算現掌權者下台, 很多其他人現在已經提前步署, 對外界講到明, 他們和他們系統是外界要找的合作人.
以陰謀論來講呢...... 其實, 一直以來, 儻內都有很多事都不盡人意, 當然希望有人出來改改佢, 但唔洗佢地自己動遙自己政治根本. 這幾年, 大家都睇得好清楚, 有我地好威武的雜大大出來, 為一眾雄色人事辦事嘛! 一個不好, 得罪到人, 就可以上哂佢身上, 其他人唔洗咩飛嘛!
甚至, 現在發生的事, 究竟有幾多係大大佢自己手筆, 而唔係其他人代筆? 真係天知了! 一點可以說, 其他人將會繼續以前咁, 攏斷著來領導來統治.
世界上最如意的算盤, 就係...... 衰野唔洗上自己身嘛!
.
2022年2月5日 星期六
D人日講夜講, 應該首先聽聽人家的深度分析!
希望大家可以由頭聽完, 實在對看準現今形勢, 十分有用, 尤其32:05開始講到...... 看見國民黨丟政權, 但如果看清趨勢, 真去攪民主化, 是, 共慘黨可能會丟一下政權, 但看看東歐共產解體後, 最後誰回來重掌政權? 舊日共產黨的菁英, 他們改頭換面, 變成別一個名的政權, 共產黨可能沒有了, 但共產黨的菁英還在, ........., 共產黨菁英還是社會上的菁英, 除了共產黨之外的菁英是很少的, 因為他們壟斷了"....
共產黨寫明係領導國家的唯一組織, 經過70年後, 整個國家菁英都由共產黨所壟斷嘛! 就算不幸被D人講中, 好似1990年蘇東坡咁, 最後再掌權果班人, 都會係現在共產黨內果班人嘛.
2022年2月3日 星期四
科技股來料了
昨日, PAYPAL 和 SHOPIFY 這新創科技股跌左 25% 和 10%, 收市後輪到 FACEBOOK 又係跌左近25%.
大家都睇到個大環境啦, 這些新創科技股一到收水升息高通漲低GPD時期, 收入減, 利潤跌, 前景指引被調低, 股價就會來個插水式!
當然, 我一向都仲係叫人買果D長有長做長賺錢D公司, 無佢唔得果D股票, 並沒有叫人去買這些新創科技股,
只是, 大圧基金佬手持一盤子的股票, 包括這些新創科技股和我一直講緊果D長有長做長賺錢無佢唔得果D股票, 但係有時新創科技息跌得咁金, 佢地有時唔只散左D新創科技股, 仲會散咁D長有長做長賺錢無佢唔得果D股票, 這樣, 好似我這樣的價值投技者, 就可以買到果D長有長做長賺錢無佢唔得果D股票了.
就係好簡直咖咋, 最重要有耐性, 還加上...... 相信個市會復原..... 長有長做長賺錢無佢唔得果D股票會升番.
所以, 如果整體大市跌, 大家唔好驚, D新創科技股咁跌, 滿地雞毛下, 就係入市的執死雞的良機了.
PS: 其實, 道理舉一反三, 學會觀察和分析, 得出預計的可能結果, 再加上有充足準備, 機會一來, 就有能力去改變自己命運, 又或改變少少世局, 最少, 可以好似我JJ咁, 叫別人有所準備.
就好似我2018年叫人小心忠美關係之後, 所帶來的影響, 一到2019年, 就已經好清楚會對突區收緊, 我都有叫人預備定去校腳, 尤其果D較激進的..... 不過, 後來我發現, 收緊到連溫和果D都不能幸免!
唉...... 如果D人果時仲要回流番去, 仲唔肯走開D, 那我就真係唔知點講了, 可能那些人真係唔好住係自由資本主義的國家, 佢地應該住係一個"由人家替他們話事"的國度裡.
不過, 我JJ又不可不承認, 有些專業人仕, 係唔會受到影響的, 因為佢地係社會上的精英, 去到邊都受到人家來拉攏.
2022年2月1日 星期二
各位, 虎年大吉大利, 快快回復正常生活!
我有一個朋友獨居, 年紀漸大了, 只是並沒有難到佢, 生活照常.....
佢同我講, 以前未退休時, 到年廿八才大掃除, 現在佢退休, 因為年紀大左, 做野速度慢左好多, 佢今年佢係年廿二就開始大掃除, 每天做半到一個小時.
前日見佢唔單只大掃除完左, 放左過年擺設, 仲已經整好左初一D齋菜.
我觀察到, 原來早作計劃, 係好重要, 佢明知自己做得慢, 就慢慢做, 提前做.
可能我們自己明知好多事會發生(如2019年到現在咁, 明明有得提前計劃避走他方), 但偏偏唔諗咁多咁遠, 以為煮到埋泥至算.
又或疫情咁, 明明都知道會同病毒共存, 唔會一時三刻無事回復正常, 但好多人唔準備好家中放些後備食物/口罩/用品, 一到封樓, 咁就生活成了問題.
好啦, 祝大家今年做事有計劃, 大步攬過問題, 順水順境, 開開心心.
訂閱：
文章 (Atom)