突區走到今天, 並不是因為大家上街, 也不是白鴿黨, 更不是水果報!

 聽完一位學者講, 把突區今天一切歸咎於大家上街+白鴿黨+水果報, 我真是感到有少少錯異了, 大概這位學者是刻意去為一些人和事, 來打個美好的完場, 令到大家心裡過得舒服一點, 不會好似我JJ咁, 看穿了, 卻變成常常情緒低落!

 

如果大家唔怕好似我JJ咁, 常常有情緒低落, 大家可以再看下去, 如果怕呢, 就睇完這位學者的視頻, 就咁停了. 

好多人看一切發生的事, 看成斷斷續續的個別事件, 不過, 我JJ是把一切發生的事, 看成一個長編故事來看, 不同段落的劇情, 都有互相關連, 都有互為因果的! 

老鄧聲稱的一角兩製, 是基於當時由老無開始, 跟老美關係解凍, 要依仗老美來抗鬚, 來發展經濟國力, 粉飾一個好的本地環境, 好等老美在本地有個地點來交接. 

之後老鬚解體, 之後老鬚D靚全部走資, 老鄧意識到突區唔可以變成禍端, 要管管了. 之後都是暗地裡改, 大原則係唔好影響同老美關係.

2003年果一鑊, 佢地明裡係表示縮, 其實由那時起, 已經加快暗地裡, 換人換經濟, 換話事權, 加強對本地的參與.

2018年時, 我已經十分確定佢地同老美就快反檯, 就已經叫大家小心D, 唔好做D危險動作, 因為我一直認為, 保留原有突區的一切(無論是表裡還是底裡), 都是為到留個地方, 同老美和外界來交接. 

本來, 就算雙方點反檯, 最終上邊都唔會沃突區, 也不會咁拉人, 也不會咁禁報, 點都會有個討價還價的餘地, 頂多鬆章俾對方了事, 只是好衰唔衰, 半路殺出左個COVID-19, 而老美那邊D人更要求徹查, 不能再有COVID-22, 25, 28 出現. 

咁樣徹查下, 令到有人無遮無掩, 雙方就無計傾了, 咁上邊就唔洗再理會會唔會傷到突區的根本, 一於安全第一! 立刻架起防火牆, 理得佢將來同老美點乜關係, 總之佢地自己唔好芒欓咁就得啦!

如果這位學者用今上高瞻遠觸的角度去看, 當然唔可能因為百萬人上街, 更唔會因為白鴿黨和水果報同人打籠通, 而咁樣來推翻佢D前人嘛! 

所以, 大家唔好仲諗住...... 乖就有糖食喎! 現在係同老美無計傾呀, 唔洗你班友係度粉飾粉飾, 連藍色粉絲都唔洗做了.

唉, 嗱, 如果大家現在諗得通呢, 明白我講乜, 希望大家唔會好似我JJ咁, 有超低落的情緒啊! 也希望大家及早好似我JJ咁, 做相關行動.

我JJ自從2018年, 做左D乜? 

哈哈哈, 我一直係外國生活, 所以唔需要搬竇口.... 大家豬唔豬我講乜呀?

第二, 我係外國打工, 豉椒左老細, 唔撈了, 去咬糧! 怕有一天佢地發現有乜乜秘密外漏, 會來懷疑我.....

第三, 賣出租物業, 套現來做資產重組, 因為物業市價會波動, 唔係升到火屎咁, 就係跌到阿媽都唔認得呀! 

第四, 資產轉移到民生/醫藥/能源這些板塊上, 有人的地方, 就需要到的東西, 油呀, 礦呀, 金呀, 糧食呀, 藥呀, 不過, 唔豬道偉哥算唔算必需品, 哈哈哈.

第五, STAY LOW, 唔好俾人槍打出頭鳥.

好啦, 大家唔好好似我JJ咁笨實, 變成情緒低落了, 總之快D行動, 方為上策呀!