老實講, 上世紀50年代設計生產的古董戰機, 佢地果D操控全部都係用鋼索, 莫說電動, 就連液壓都唔係.
咁, 這些幾十年古董一改做電子控制, 就真係成本驚人.
如果係電子化控制上, 再推前一步, 將佢變無人機, 噢, 成本大到, 不如重新砌過架重無咁嬲!
不過, 如果改裝無人機化的程度做得好低, 唔好做到好似老美果D無人機咁, 退而求其次, 只係整到佢識飛識撞埋去固定目標, 唔會爬高閃低避攻擊, 好似自殺式咁, 其實, 又唔係難, 唔係貴呀.
只係戰力好差囉! 只可以用來吸收敵方的攔截導彈, 用最少成本, 去消耗對方的防衛力量.
就連為己方戰機. 去擋敵方來襲的移動導彈, 都唔得呀! 完全係搏大露, 搏對方導彈唔識分邊D係己方先進戰機, 邊D係古董戰機囉!
但係現在唔係上世紀70年代, 80年代起, D雷達已經可以分開大形民航飛機, 同小型戰鬥機. 相信現在係可以銷定某一機種的飛機, 而唔係打頭果一排囉.
所以, 真係唔洗過於想像, 這些無人機化的古董戰機, 用途少, 效能低, 只係用來沖下喜, 等己方人人想得開心D, 振奮人心, 多於真正實戰用途!
沒有留言:
張貼留言