現在係加記投資收租物業呢?

因為疫情下, 加國政府在上年3-4月, 就開始禁示出租屋業主用租客欠租為由, 來驅趕租客! 咁..... 即係租客拖欠D租, 會一直拖下去, 直到疫情完結, 直到租客有番收入為止.

今天聽到個重磅驚人消息, 加記全國拖欠的租金, 只是總數為1億5千萬, 咁又唔多喎! 多倫多當然佔最多, 不過都係得果5千萬未到, 可能滿地可D拖租總數, 都係3-4千萬咋.  

其實, 想深一層, 拖得咁少租金, 全因為加記政府猛派錢囉! 唔只D人有得住, 連D業主都唔洗斷供D按揭, 連銀行佬都未洗撇壞帳吧! 

只是, 一到政府介入呢, 我JJ一向都覺得風險好大, 慢一政府政策一轉, 唔再派錢, 咁就香菇燒賣LU喎! 

疫情下, 不單拖租率升左, 連空置率都高左(多倫多/滿地可2~3%, 較細的中型城市就去到5-6%), 尤其果D共用出入口的多單位出租物業, 人們會更希望租到那些獨立出入口的單位來居住, 好似我JJ以前擁有的那一幢多單位出租物業來看, 那將會是租客極之希望避免的情況, 幸好, 我JJ己經賣出左幾年了. 

我JJ就諗, 係加記, 將會有一部份出租物業業主, 捱唔得到疫情完結, 又或一到疫情完結, 很多業主會傾向出售出租物業, 來減省麻煩. 因為疫情下, 賺又唔係賺得多, 但麻煩多多, 風險多多. 

大家如果來到加記, 如果真係想投資出租物業, 又見到有筍盤來執, 最好執果D有獨立出入口+1-2單位的物業, 如自住樓下, 樓上租客有個別私人入口. 唔好好似我JJ咁, 買一幢拍文返來, 好多租客共用同一出入口果D啊!

PS: 越係見到聽到D人出來唱好樓市, 就要小心, 常用的游說方法係.... "現在唔買, 遲D更高價錢"! 到大家想賣時, D友就話個市況唔同左! 最近我這裡華人網上, 真係好多人走出來唱好, 聲稱幾個月就升左幾萬云云, 如果真係咁好賺, D人係唔會張揚咖喎! 

我JJ投資左咁多年出租物業, 我可以好誠實同大家講, 加記物業市場係好悶的, 長期一定會升, 只是升幅唔會令人心動囉!(我D股票回報好過出租物業, 但出租物業要放時間去管理呀) 不過, 當時我JJ還打算結婚, 買出租物業來分散投資, 唔好責死係D股票度囉!

現在我都打消結婚念頭, 而且, 我買股係好分散的, 單單醫藥股和糧食消費股, 就已經好分散咁投資了, D股息都仲係好穩定呀! 再加上我唔只有醫藥和民生股, 仲有好多其他財金/油礦股, 就唔洗再要出租物業D收入了. 

大家可以用我經驗來參考一下, 我誠實咁建議大家, 來到加記, 未必一定要投資出租物業, 單單買股票, 就已經可以好分散了, 收入可以好穩定了. 

當然老人家大多會認為磚頭安全, 其實在一個有法制的地方, 磚頭同股權都係私產, 都一樣咁受保障呀!