在人人都悲觀時......

首先, 自己唔好咁悲觀啊! 因為...... 當人人都悲觀時, 可能未必係咁差, 一到過左氣後, 就會反彈返轉頭呀! 

上年4-5月油價跌到負50美元時, 果時人人心裡只想著綠色能源將會完全取代石化能源, 過度悲觀認為, 將來不會再有人用油, 再加果時疫情下, 少左好多人出街, 少左好多能源消耗, 人人睇油價過份悲觀囉!

我果時叫人買老美油股呀, 最後, 可能只有1-2間老美細油公司執笠, 其他的幾百間, 都有不少升幅! 就算我果D油管股, 係升得最少, 都有20-30%升呀, 其他果D 石油服務公司, 開油公司呀, 真係升唔少. 其中理由, 就真係因為當時人人都過份悲觀了! 

最近老美油價大升, 皆因為老美天氣太凍, 綠色能源點會夠用? 要用油來發電囉! 

我JJ住加記魁省呀, 大量用水力發電, 不過, 都唔會係100%, 水力發電能夠去到總用電量的70%, 已經好巴閉, 為何? 因為居民每天的用電量不是平均咁分佈呀, 有用電高峰期, 有用電低位期(而冬天夏天的用電量, 相差就更明顯呀! 我家冬天用電是夏天的5倍). 在用電低位期, 就把水力發電得來的剩餘電力, 賣去美國; 在用電高峰期時, 水力發電一定唔夠用, 就要燒油來發電呀! 這樣, 石化能源就一定不會消失了!

不過, 再加將來的電動車廣泛使用時, 我這裡就要加發電量, 再加電網了! 當然加水力發電量, 要起多條水壩, 要十幾年的規劃和建造, 而發電量的空檔期或缺電缺口, 就要由燒油發電來補足缺口了. 

所以, 我JJ可以好肯定同大家講, 石化能源在未來50年內, 都唔應該會消失, 只是人類對石化能源的需求不會繼續增加, 而是慢慢下跌, 跌到某一個量後, 就會保持平線. 只是油價必定不會負數, 也不會低過成本價, 話澌係有需求的商品呀! 

當然, 大家平時去買油股, 就真係未必有著數囉! 但係當油價跌到得幾蚊雞美金時, 去買油股, 就一定有著數囉! 

同一道理, 現在那位馬斯克哥哥仔, 係度猛推新科技來改善人類生活, 不過, 我JJ好真心咁講, 總係有部份舊的東西, 不能夠在未來幾十年內, 完全消失! 地面固網和無線寬頻, 就是其中的東西了, 因為衛星上網, 射衛星成本點平都好, 都只係係某一軌道上只得一粒衛星, 無得加多粒啊! 但係地面光纖係可以隨時加多幾條呀! 衛星上網, 大概係俾D固網去唔到的地區囉! 

PS: 不過, 講返來突區的未來, 我仍然維持...... 叫大家預備有可能去到最差呀! 話澌以前發生過, 有車可鑑喎! 以前都已經發生過了, 在突區發生第二次的機會, 就一定不會是零呀! 

當然, 在人人都未看到最淡時, 大家先準備將來有可能去到最差, 這個係應變準備呀! 

到時, 可能不會到最差, 但如果到時, 人人都好似上年3月咁睇淡油價, 睇到最差..... 大家現在先有左應變準備(預留資金), 到時, 才會有能力補捉到機會呀!