唉...... 其實呢, 我JJ真係好唔想出來表態, 講英國發生果單野, 不過呢, 如果我唔表態呢, 將來容乜易加記都好似咁?
老實講, 人有人示威, 我一直都無參加的, 頂多提議示威人仕計計成本效益, 自己付出的代價, 會否換來更大的效益?
只是D人由領館出來拉人入去群毆, 最過份係..... 領館內打人果D人, 係著哂頭盔護甲衣FULL GEAR, 即係佢地一早有預謀, 由果個白頭佬出來撕毀示威者直幡來引開公眾注意, 來配合其他人出來拉人入去, 這個係任何打算安居樂業的海外華人, 所不能也不應該視而不見.
這些可否叫做魔瓜? 可否叫做白色恐怖?
喂..... 我JJ一家人幾十年前, 一聽中英聯合聲明, 就移民他方, 從不想跟任何人有衝突(肯定唔係任何勇武), 在移民國家裡安居樂業, 生活美好. 我家係1949年前已經係突區安居樂業, 是實實在在的老資格港人, 曾被某些儻媒報刋稱為 - 最友善的突區居民. 因為一早已經移民他方, 從沒有因為上邊攪開放而獲利, 我家生活安好, 一向都跟供慘儻拉唔上任何關係, 更沒有欠供慘儻.
係咖, 2009年突區果個北官周X叫港人: "唔鐘意就可以移民他方!" 喂, 現在人人都怕左呢班大帝, 走左去外國, 乜班大帝現在又改口嗱: "唔鐘意就可以移民上天堂!"
又係咖, 好多同胞D餐館和生意舖頭, 成日都拍烏蠅, 咁多年都唔執笠, 分明就有古怪.......! 我前幾篇講"網上充生哂" 果篇中, 那個侵害者一家所經營的印刷店, 開左成10年都係拍烏蠅, 到左前幾年先執, 其實真係好古怪, 俾著係我, 咁樣的生意, 我1年就執左佢, 唔好再累自己和別人啦, 有乜可能連蝕10年錢都唔執, 仲有人來接佢手?
唉...... 最初我還以為這些同胞艱苦經營, 好意入去帶點少少生意量, 西人一見我入去, 就會跟住入去. 不過, 原來這些全都是對我這些善良好意的人, 一個天大的恥笑!
唔好忘記上面又啱啱換咗揸fit人（新財相侯俊偉，太太是大陸人，在孔子學院任教過；還有親中的辛偉誠喺後面扯緊線）。
回覆刪除好懷疑在這個時候郁手，不可能只是偶發或者巧合。應該有知會過上面先敢郁手，目的是試探英國佬的能耐。
如果真係有打籠通, 咁, 大家就更加一定要發聲了. 不過, 大家唔好一想就想到大6人一定係點點點, 可能又唔係一定咖.
刪除多謝回覆。
回覆刪除當然大陸人唔一定點點點，不過佢老公身為國會議員仲走去教孔子學院（佢冇可能唔知個葫蘆入面賣緊乜嘢藥吓嘩？），I rest my case。希望佢真係以前好天真好傻，不過現在已經長大了。
雖然BBC幾乎頭條報道，不過身邊的英國人朋友似乎不太關心。畢竟英國現在日子艱難，對一般人來講，搵食最緊要。
我都試過去教小朋友中國歷史, 不過就唔係孔子學院, 只是現在無再去果個宗教組織了, 因為有些想法, 我唔同意果度D人囉, 現在我雖不致於反對佢地, 但也不會支持這些人囉, 我諗當事人都係咁囉! 再經過今次領館事件, 就真係會反臉了. 大部份移民國的本地人, 都係關心自己的社會狀況有無轉差, 不會關心移民他們老家的事, 除非真係好影響當地社會. 作為移民, 應同移民國的社會制度, 支持佢地, 並作出少少貢獻, 咁就得咖, 啦.
刪除Yes and no.
刪除你開了這個博客，我在這裏留言，大家討論，就表示我們仍然關心香港的事。
不過既然身為英國公民，我在英國人面前，只會討論英國的事情，絕不會「講好香港故事」，令人以為我「身在曹營心在漢」。
調查了個幾月都未出結果，似乎會跟去年11月尾倫敦唐人街的打人事件一樣，不了了之。
如果在外國的中国人不收殮一下自己的行為，有朝一日中國和西方國家開拖時，我相信他們的下場會跟二戰時在美國的日裔一樣。
有一點我覺得奇怪的是：通常這些dirty work會留俾小粉紅做，不用使館人員整污糟隻手。
回覆刪除英國大把留學生，重賞之下必有勇夫，點解要自己郁手？
在大跳忠字舞的年代, 有乜係唔可能呢? 現在再唔係"重賞之下必有勇夫", 而係...... "表忠之下...... 必有大龍鳳"
刪除表忠之下...... 必有大龍鳳 😂
刪除咁嗰個被人打嘅，都會大難不死必有鑊粥。