我每次回港, 都好鐘意去行旺角, 不過, 每逢週末由港鐵旺角東站一落去旺角, 係行人天橋通道上, 兩旁都坐滿睏滿, 正在放假的印傭, 令到行人通道好狹窄, 容易有安全隱患.
佢地不但係度打牙較, 係度聽歌, 係度開餐, 係度PARTY, 仲有些係度做埋個體戶, 地下自家製造印尼美食, 在那裡放售圖利.
我就叫果度做 INDONE....ATION, 哈哈哈, 我自己沒有厭惡佢地, 我甚至常常去維園檔印尼華僑開的美食亭裡, 食印尼野. 只是, 我發現我地香港無乜地方, D人請外僱來, 應該夾錢負責一下, 佢地D外傭放假有個地方去.
其實, 話人阻街呢, 家陣D國內自由行呢, 我就真係唔覺得好阻囉.
就以旺角為例, 自由行入去的舖頭, 我自己唔會入去, 就算自由行係街邊PACK野入喼, 大多都係係街的側邊, 好少阻到我.
跟團果班, 大多唔會去旺角, 佢地大多去九龍城碼頭側的那些專用舖頭, 去濕平鳩末.
香港成日有人講, 香港被迫爆了, 係咖, 我同意咁講, 香港係好多人咖, 明知香港咁迫, 第一, 就唔好請咁多外傭來啦, 大佬無得賺錢, 仲要俾水佢地, 遊客就唔同, 佢地現兜兜過水入香港喎!
我JJ作為一個回港四圍逛的加燦呢, 我真係唔介意人迫囉, 反而覺得過癮呀, 可以見盡不同地方D人, 成日都有遊客來問我路, 我得閒就同佢地嗲多幾句啦, 問下對方佢來香港鐘意去乜地方. 不錯呢, 令到我自己好有渡假 FEEL.
其實, 我每次行旺角, 在洗衣街到彌敦道, 太子道到亞皆老街, 這幾個街口裡, 已經好有渡假 FEEL , 同我去台北士林夜市, 京都掘源道, 北京王府井, 上海徐家匯, 紐約華埠CANAL街果邊D舖仔, 巴黎13區唐人街左近果D中東佬舖, 果個FEEL 都係好一樣.
我諗, 我唔用香港急症室, 唔用醫療, 人迫都可以是賞心樂事的.可能一到要用急症室, 人多就真係唔多好.
我都好中意香港甘多人，好熱鬧，又有安全感。有時有D商塲冇乜人，我都會好擔心佢執！
回覆刪除其實D人話香港迫到令人不快, 我都明白的, 不過, 太冷清如加記咁, 又未必係好, 有D人移民來加記後幾年, 就話加記靜到令佢發癲呀,
刪除你真係難得一個話香港唔逼之人.
回覆刪除我從來都無話香港唔逼人呀, 而且上年回港, 就有人話我行得慢阻住佢.
刪除我都唔覺太迫, 因為唔係成日出街, 哈哈 !
回覆刪除急症室對緊急病人不須等好耐, 因為有優先按排, 唔急的去睇私家啦 !
我試過一次用急症室排第一！快到我嚇親！
刪除當時我不知自己危急到甘！其實急症室的分流做得好好！
LISA 姐, 咁你真係要得閒多D行街街了, 莫講香港, 就算加記居住空間大些, 可以在家中行來行去, 我都覺得唔出去行下, 真係對身體和精神唔係太好.
刪除係咖急症室係俾人急症用, 無乜事就去睇私家, 讓D醫療資源俾D有需要的人呀.
反而外遊我都揀少人地方,可以平衡一下XXXD
回覆刪除係香港逼慣左, 都係要去少人地方平衡番下,
刪除我每年回港熱下, 都係因為凍得太耐了, 要熱番下來平衡呀.