兩性之間

成日都聽國內同一故仔, 話說有年青夫婦結婚後幾年, 都未有小朋友, 原來佢地以為男女睏埋一齊過夜, 就會自然有小朋友.

噢..... 其實..... 我覺得呢..... 這個無乜可能囉, 點會咁咖..... 咁.... 其實, 如果...... 好自然嘛, 男女一睏係度, 仲係已經結左婚, 一定會黐埋嘛, 黐多幾黐, 就會見到男女有乜唔同嘛..... 再用下D想像力, 再唔係上網查查"兩性之間", 一定找到好多答案..... 我係教徒都唔會咁戇居嘛, 就算我未結婚, 拍拖俾人阻頭阻勢, 我都知道結婚前, 有D乜野係唔可以蹉錯界!

黐線咖, 夫婦一齊睏係度幾年..... 都未知道男女有乜唔同..... ?

一 係這些人守身如玉, 一係男的似老夫子女的似鐘無艷, 一係係商家的嘜頭囉, 竟然國內有人攪個"性生活培訓班", 2天課程, 收2千5人仔, 嘩, 我JJ先生真係O哂咀呢, 乜國內人D錢咁易賺? 國內D人真係咁大富貴嗎? 佢地唔通無地方洗錢, 自己上網查查唔係知囉.

PS: 不過, 話時話呢嗄...... 我係網上找第一張相時, 搵左好耐, 想搵幅有東方男女睏係床上的相, 點知, 搵來搵去都搵唔到呀...... 即係呢..... 東方人唔喜歡提起男女係床上的片段, 或做毛豆.

其 實我覺得, 遮遮掩掩兩性之事, 係唔好囉. D人白痴才會容易做錯事, 當知道一切後, 就可以自行決定有D乜野唔好做囉. 很多教會在這些事情上, 點嚴點高水準, 都有人奉子成婚, 這些人大多婚後窮途潦倒, 因為越唔俾佢地知道兩性間的真相和責任, 一錯係上來, 越是錯得離譜.

如果這個係謊話, 將會係最難推翻的謊話

哈哈哈, 大家又來聽我發瘋講"假如".....

前幾天科學家講話呢, 1977年射上太空的VOYAGER 1宇宙探測船, 已經係上年8月左右呢, 飛離我地這個太陽系喎.... 佢地憑乜咁講? 就係靠艏宇宙探測船上的探測儀, 靠乜乜粒子的數量來推算囉.

我心想, 探測船上的位置儀一早壞左, 現在單靠乜乜粒子的數量來斷斷估無痛苦, 我覺得就..... 有無可能又係壞左呢?

不過為何咁難推翻班科學家的斷估呢? 因為要再射過一艏宇宙探測船上去, 才可以證實佢地錯. 只是VOYAGER 1射的那年, 剛好趕上太陽系九子連珠, 九大行星成一直線, 就係靠這9大行星一字排開的引力, 將VOYAGER 1高速撥了出去. 這樣一撥, 個速度當然係比人類任何推動火箭速度更快. 不過, 話時話啦, 就算係破紀錄咁高速, 都要飛左36年, 才出到太陽系, 現在仲係靠乜乜粒子數量來斷斷估. 

只是下次再有九子連珠呢, 係要到公元2153年才有, 到時才可以再靠9大行星的引力, 撥過別外一艏宇宙探測船出太陽系, 到時才證明到今天的科學家有無錯或講大話呢.....

請帶我到遠方去....

這是一個國內年青女導遊地陪對我說的.....

那次我在香港一個人參加國內團, 只是同團一些其他男團友, 攪到個男導遊要半夜跑去公安局, 為他們解圍.

可能個男導遊見我人不錯又老實, 連一般男人夜裡的壞消遣也沒有, 就同個女地陪講開我.

只是, 女地陪這句說話, 來得沉重了一點, 令我感到責任很大, 好似風塵三俠裡, 紅弗女半夜偷走出相府, 來到李靖的旅店, 要求跟住李靖.

尤其, 佢誤以為我係港燦, 實際係加燦, 帶佢回來我這裡 - 法語的加國魁北克, 佢又真係會好大鑊咖. 我唔住近任何唐人街, 而且離唐人街更是很遠, 這裡對佢來講, 一定係"叫天不應, 叫地不聞"的窮山惡水. 如果國內生活令佢煩惱, 可能我這裡卻令佢悶壞了.

有時, 男女關係呢, 唔係我係個好人, 無不良嗜好, 就一定掂喎, 總要大家思想和生活習慣相近, 才有得發展男女關係咖.

真係唔好傻呀, 不要以為外國歸僑/港澳同胞, 就一定會帶俾佢一個好的新開始, 相反地, 更可能帶埋佢無止境的新煩惱. 佢人生重新起步, 連語言和生活習慣也要好似小朋友咁, 從新學過, 係十分煩惱的.

有時, 很多外國歸僑的原居地, 可能比國內的二線城市還要落後, 任何女性一定要睇清楚是那裡的外國歸僑, 人家就算係什麼什麼老總老闆, 都可能只是個虛函或小公司規模, 最後看清楚時, 就不能怪人家有心欺騙. 

 PS: 很多港燦北上娶妻, 聽過唔少新移民婦女指責港燦"唔對板", 其實, 這個又唔只發生係香港, 有時連香港遠嫁他方的港女, 都會有如此感覺, 只是如果港女嫁個西人, 因為文化唔同, 佢地一時三刻仍未感到"唔對板", 但耐左, 就會看到西人缺點的一面.

其實, 任何人都有缺點, 視乎男女雙女夾唔夾, 可否容忍到對方缺點. 只是大家一埋堆見面, 就要我跳過哂認識和拍拖這些重要步驟, 立刻做個咁重大的人生決定, 如果我同佢講YES, 佢都會心裡質疑我有幾多誠意啦.

我只是來看書!

我這裡唐人街有2間中文圖書館, 我比較喜歡去其中一間, 不是因為那間D義工多後生小妹妹, 另一間D義工全係阿嬸. 而是因為其中一間D書新D, 多D旅遊風景畫冊囉.

已經很多年沒有去這2間圖書館借書了, 最近我喜歡去圖書館借D風景畫冊回來, 用數碼相機拍下. 因為自己去旅遊時, 真係要好好彩才會影到好似畫冊裡D相咁靚囉.

只是我多年沒有借書, 會員年藉早已中斷了, 要重新再付年費, 只是, 找來找去, 都找不到負責人, 只見到一些年青義工.

可 能因為前排有幾宗針對中國留學生的罪案(包括碎屍案), 有些青年義工都變得驚弓之鳥, 我變成要不斷解釋, 我只是來付年費, 另無其他歪念, 也使我想起我以前間教會的青年團契. 圖書館裡一些男義工對我的奇怪態度, 雖然說不上令我不舒服, 但我真係好想同佢地講: "我入來是看書借書, 不是為到溝女呀! "

今天我去到時, 這圖書館連門都無開, 得個小妹妹義工係門口食閉門羮, 可能這小妹妹年紀較少, 自我保護意識不足. 我去到佢就走來問我這個那個, 當我好似係負責人咁, 仲問我攞手機來打俾負責人. 我終於可以開口表明我的來意 - 我只是來看書借書, 沒有其他目的. 

其實, 這圖書館裡咁多好書, 真係唔希望間圖書館摺埋囉, 不過, 我睇到佢地有超多的人事矛盾, 而且管理得好混亂囉, D書亂到有如雜書灘咁.

別一間阿嬸們做義工的, 又真係做得好好囉, 我唔記得左個會員號碼, 佢同我查番出來, 又話叫我多D去借書, 而且D書放係架上, 放得好有系統好整齊囉. 唔似別一間, 放書放到好似雜書灘咁.

PS: 上年夏天, 見番以前那間教會裡一個麻煩男團友(可以同我這裡個奇怪人有得比), 佢都40幾歲人了, 頭頂都變地中海啦, D頭髮又蓬鬆又長. 我諗, 佢一定仲係跟住佢個教授, 仲撈緊份發霉的助教. 只是佢都唔化.....仲著到成個學生王子咁款, 一睇佢個樣, 就估到佢又係約左佢D女學生. 佢有好多女學生崇拜佢咖, 不過, 個個女學生都只係崇拜佢幾年, 就同佢講拜拜. 這種人後生時, 唔做好自己本份, 人一步入中年後, 卻來徒傷悲, 可憐呀.

有些人好似這個麻煩男團友咁, 唔知道係咪喜歡幫人湊女? 還是喜歡D後生女腦筍未生埋? 我一見到圖書館年青義工, 一定會避之則吉, 這些人唔識點去成熟交友, 就好似我BLOG上那奇怪人咁, 講到D男女關係咁恐怖咁差咁卑劣, 唉..... 

單身稅?

哈哈哈, 最近聽泰國政府要徵收單身稅, 事因為泰國未來將會面對人口老化及勞動力緊縮的問題，有專家竟建議向未婚人士徵收「單身稅」.

原來泰國人口年齡分佈不平衡，不單出生率低，連結婚率都低, 老化嚴重, 預計2023年泰國60歲或以上人口將佔總數20%，真係好大鑊, 看看日本就知道有幾大鑊.

其實這個係治標不治本囉, 大家可能唔留意, 泰國男女比率嚴失衡, 以前係1:3, 現在好少少, 但都係2:1囉. 不過, 唔係好似香港輸入性的男女失衡, 而是水土令到性別失衡.

 以前泰國男人可以娶四個老婆, 不是因為當時男人花心, 而是以前農業社會, 單身女性的命運會十分悽慘, 一定要有個有力耕田的男人來依靠. 查實, 俾我揀, 我真係唔會咁笨, 娶咁多個女人係身邊, 就算我有錢養起哂, 煩都煩死我.

 只是近年當地社會進步, 女性可以有自己的謀生能力, 就不再需要一夫多妻來照顧單身女性, 只是持續的低結婚率, 當然就會變成低生育, 久而久之就一定係人口老化. 

以前, 泰國社會條件差, 當地男人出家當和尚成風, 因為有政府養, 令到適婚男女更失衡. 但不要以為社會進步, 適婚男女失衡會改善, 現在當地社會環境更自由和寬鬆, 卻造就了"人妖"這一特殊群體迅速擴大. 而受這種社會氛圍影響，泰國男性也普遍有偏女性化和陰柔化的趨勢.

 除了人妖, 泰國男性用情不尊, 更嚇怕當地女性, 許多泰國女性在談到自己遲遲不結婚的原因時, 都會不無諷刺地說，泰國男人分為兩種，或女性化或不專一.

其實, 世界各地很多女性跟香港女性都係好相似咖,  事業/生活/社交等各方面, 越來越獨立和自信, 享受獨身的自由(就好像我JJ先生咁). 但擔心婚後, 被配偶束縛, 又或被家務所牽絆, 擔心無法處理跟配偶父母關係, 擔心婚后變得醜樣(淨係女人嗎? 講笑咩, 你估男人唔怕咖?哈哈哈...... )

PS: 其實各位女網友呢, 不單只女性婚後把自己的命運交給男性主宰, 其實男性也把命運交給女性呢, 只是把自己命運交給一個不適合的人, 又真係會影響自己的人生呢.....

電影欣賞 - 盲探

這套表面好似係偵探片, 其實內裡係同觀眾剖析人性裡的執著, 因執著而產生的罪惡. 

大家不要以為劇本佬要把主角盲探和戲中的罪犯分開, 讓盲探身處道德高地發炮, 其實全套戲都是去對比盲探和戲中罪犯的分別.

劇中人盲探/女主角/驗屍房凶手/投通渠液凶手/小敏, 都是同一類人, 都是好執著的人, 用感覺來處事的人, 都是主觀很強的人, 只是人不同的取向, 卻令到人的命運不同吧!

套戲想帶出一個問題, 為何戲中這些人一部份是罪犯, 而盲探卻是個好人?

1. 接受現實 - 盲探初時以為TANGO場有個女仔喜歡佢, 就一心想去追, 後來盲探盲左, 就叫朋友去找這女仔表示愛意, 誰知這女仔卻原來喜歡站在佢身旁的這朋友, 後來結埋婚. 盲探經過這女仔解釋後, 盲探接受現實. 相反驗屍房凶手被夾錢買馬的同事, 笑佢為搭沉船, 也不能接受同事中獎佢無得中獎的現實, 就動了殺機. 投通渠液凶手因為不能接受妻子跟人有染而離開佢, 就在大廈天台投投通渠液來洩憤. 小敏因為不能接受小男友離去, 不能接受丈夫花心, 而動了殺機.

2. 不活在自我封閉世界裡 - 盲探查案時, 常問自己, 佢自己錯在那裡, 什麼地方脫離了事實, 不會把一已想法, 強加於案件之中. 相反, 驗屍房凶手卻幻想自己中了馬, 把人家中的彩金據為己有. 投通渠液凶手個老婆都已經離開左佢, 已經不再接其電話, 佢仍然封閉於佢自我的世界裡, 一心認為佢自己沒錯, 錯的是其他人, 向路人投通渠液, 是要來懲罰這個世界. 小敏無視佢老公一次又一次花心的現實, 封閉在佢自己的愛情觀之中.

3. 喜愛美好的事物 - 盲探喜歡食/紅酒/美女/善良/真相,  驗屍房凶手卻喜歡賭博, 投通渠液凶手喜歡仇恨, 小敏喜歡去報復.

4. 擇善故執 - 好多人都故執, 我都好故執, 而且我還好主觀, 有極強的宗教觀. 只是一個擇善故執的人, 就算錯了, 錯誤都不會太過去傷害別人. 戲中盲探差點被小敏用刀刺死, 但一醒來, 第一個意識就係去救小敏肚中的BB, 後來並收養了個BB, 教BB怎樣去不執著, 或擇善而故執.

所以, 套戲不單講偵探推理, 也講人性, 講解怎樣去做個好人, 一個雖然盲眼但快樂和善良的人. 片中盲探, 比驗屍房凶手/ 投通渠液凶手/小敏, 有更多的理由去憤憤不平或憤世嫉俗, 有更多的理由去怒哮, 去傷害別人, 但盲探卻選擇做一個善良的人.

套戲帶出的主題, 正好是今天香港的問題, 人們對社會憤憤不平, 要求合理, 要求公義, 要求平等, 但卻少了一個善良的心, 或是一個擇善固執的選擇.

YB果度條路唔好行, 希望搬來後, 條路好行DD啦.