塵埃落定了的雅虎BLOG

變成唯讀模式了, 再不能加減什麼.....

 現在我竊竊慶幸, 無人係最後一刻, 係我雅虎BLOG上玩野, 如果唔係, 我改唔到刪唔到, 要到12月26日雅虎煙燒雲散, 才可以刪去. 咁就頭痛得很了, 尤其我現在仍在旅途的途中.

現在我係美國ARIZONA州, 竟然落起濕雪, 不過好快溶的, 一出太陽就無左大半. 

從今天起......

我就不能在亞虎BLOG那邊出新文, 也不能一稿兩邊載....... 

唔知道我年紀係咪大左, 咁容易傷感.....?

又或可能係我未習慣BLOGSPOT的玩法, 

唉, 可能人年紀開始大, 學野慢左, 就難於適應新環境吧!

怎樣也好, 還有個天地俾我跟朋友仔來聚一聚, 還有一個地方俾我舒發心中的想法.

同人談話, 是可以舒解情困擾, 所以我一直以來都時時跟人傾談, 無論日常生活又好, 網上又好好. 

以前去教會時, 最初都有一些好傾的教友, 後來他們搬去其他的城市, 而留下來的, 個個猜忌心又重, 又喜歡指揮別人, 最後, 我係教會裡都找不到人來談話了. 

唉....... 都唔知點講好了, 人在外國, 真係倍感孤獨.

可能有天, 我會搬回來香港, 外國生活, 物質富裕, 心靈卻..... 唉....

 

再見雅虎

六年半又過去了, 好開心在BLOG裡, 認識到不同的人. 性格不同, 環境不同, 連地域也相隔半個地球, 實在係難得的, 感恩呢.

現在亞虎BLOG關了, 向亞虎多謝一聲, 也要向大家講再見, 不過, 總仍可以在BLOGSPOT再會吧!

只是亞虎BLOG 關門, 令到一些人發生情緒病, 有些人好似我咁, 明明每天都寫一篇野出來, 但現在要改變習慣, 要係別一個BLOG寫, 唔習慣下, 好易有情緒病. 

原來印弟安人好迷信

今次美國之旅最大得著, 就係常常有機會同人吹水, 但係今次同D印弟安人吹水, 原來到今日呢, 印弟安人都仲係好避忌人家影佢相, 甚至影佢D東西, 當然我未影前會問問人家.

後來才發現, 他們善良好客背後, 其中原因係佢地好迷信, 怕會惹怒一些精靈.

其實, 佢地係巫蛄一類的東西, 跟南洋的降頭好接近, 只是我係信徒, 我就不怕去接觸他們.

還有, 印弟安人保留區內有好多教堂, 原來, 佢地宗教意識十分強列, 一定不會去跟毛主席攪無神論的社會主義共產主義.

PS: 最後, 有些印弟安人跟馬來人或夏威夷土著十分似樣, 有些人更似足日本人, 我企埋佢地旁邊, 有一種十分親近的感覺.

高山反應 與 情緒病

今次我去美國山區旅行,又係好似以前咁, 一天上上落落幾次萬呎高山.

但係今次我沒有再上萬4呎咁勁, 只上萬1.

今次我卻發現高山反應的其中一個徵兆, 就係呼吸困難帶來的情緒緊張.

又想起一事, 我以前一直都無情緒病, 係去完上次美國高山之旅後, 就開始有情緒病.

我現在懷疑, 我這2年的情緒病, 係由於上次去完幾個萬4呎的山, 就開始有那種缺氧的感覺和精神緊張.


PS: 可能這個解釋到, 西藏喇嘛會為登額非爾峰的人祈福, 因為上完高山後, 極有可能出現精神錯亂, 幸好,我這些只是小兒科, 萬4跟2萬4比, 我的徵狀應該細好多.

阿媽話我想得太多

我回答佢, 如果我唔想多點, 邊有大家安樂的生活.

但係我想深一層, 其實好多野又唔洗諗, 例如, 人生的義意, 因為我係信徒, 一早已經有個答案俾左我, 唔洗我再花心思去想了.....

其他的, 又真係唔洗理會咁多了, 求其無仗打, 我就生活安樂了

移民火星

要住係這樣的密封基地內, 地方狹窄, 慘過係好似我係加記冬天時, 要留係屋內的形情.

放假仲累過返工

原來貪心係唔好的, 原本我這次旅行, 係預左美國D國家公園唔開, 我只係行下D有靚風景的公路, 點知, 來到後, 才知道美國聯邦政府雖然無錢營運國家公園, 但有些州政府出錢開番D國家公園, 這裡猶他州就係咁.....

我一來到, 被引誘去買左張國家公園年票, 80元好抵呢, 但係我每天就要行多好多路, 去多好多地方, 攪到放假仲攰過返工, 都係貪心唔好.

嘩..... 美國沙漠裡好乾

都估唔到咁乾, 乾到我個鼻流鼻水來自我保護, 係加記咁乾, 都未試過咁呢!

立刻用綿花棒沾D潤膚用品搽搽個鼻, 如果唔係, 就會流鼻血, 真係乾過加拿大冬天開猛HEAT時.

沒有統一市場, 單單中國現象嗎?

一個國家的統一市場, 即是全國有著同一個價格機制, 同一個供求制度. 就算不同地區有不同的商品價格, 但分別總不會太大. 這樣. 即是沒有地方主義吧, 地方上沒有山頭保護主義, 一個國家地區與地區之間沒有壁壘, 沒有障礙.

只是我敢寫包單, 世界上沒有任何國家係完全統一市場, 就算歐美, 都係無, 真係唔可以指罵中國地方貿易壁壘分明, 沒有統一市場. 相反, 越民主的國家, 越是顧及民眾的選票, 地方保護主義就更厲害.

沒 有統一市場, 單單是中國現象嗎? 不會吧, 歐美市場的地方主義又不是沒有嗎? 保護某地方上的支柱產業和勞工就業, 歐美這些民主國家更是寫在法案上, 當然要透過協商, 地方與地方的產業才可以互補和互相提升, 只是人家議會能力強, 把公眾利益放在大前題, 而不是小數人的利益.

去旅行, 拿個電飯煲啦

前幾排, 香港有電視節目, 教擋房戶用電飯煲煮健康飯餐.

哈, 估唔到, 又啟發左我去旅行新風格.

事緣呢, 我可能年紀開始大, 再食唔到鬼子佬D生冷凍沙律, 我今次去旅行, 第一晚去幫襯鬼子佬
餐館, 一食生冷沙律, 果晚就胃痛, 第二天, 我唯有揸車去大小小的埠仔, 果度有沃爾瑪, 才找到電飯煲買, 當晚就係旅店自己煲飯食.

好彩睇過毛記個節目, 啟發到我現在係美國自由行用電飯煲, 唔食鬼子佬D西餐了, 哈哈哈

鬼妹村姑

係美國自由行, 如果真係要睇堅野正野, 唔係行貨果D(大峽谷為例), 就一定係要入住當地的埠仔旅店.

今次我去到一些小鎮, 真係得幾百人, 個旅店接待係個14-15歲的鬼妹, 正一村姑一個囉.

但係, 又同中國十幾年前的村姑不一樣囉, 可能現在中國有高鐵有高速公路, 家陣可以同美國村姑看齊, 唔會乜都唔識.

這個鬼妹村姑呢..... 一打開口, 就見到佢成口箍牙, 同我細時一樣, 只係我細時係香港大市城, 那時箍都唔係咁普遍. 不過中國現在可能箍都唔係咁普及吧!

最過癮係呢, 我問村姑借電話打回家, 佢又肯借俾我, 哈哈哈......

小小年紀, 就識得分乜人係忠的, 乜人係奸的, 唔似得國內的村姑, 一幅不信任人的格.

哈爾濱冰雕

光纖服裝

任何外國人見到, 都會嘆為觀止, 欣想著中國人在高科技上, 任何使用在和平和民用的創意.

看看, 真係好靚, 好有太空時代FEEL.

日本現首相現在不斷宣染中國的軍事擴張, 其實任何人略有了解中國人的天性, 就知道任何高科技落在中國人手上, 中國人只會令這科技變得更普及, 更民用, 更便宜.

當然, 都係日本軍國主義者的錯, 也是現任日本首相個外公的錯, 上世紀二戰時, 把東中國沿海打得稀爛. 現在中國人怕了日本軍國主義者, 中國人不得不把高科技應用在軍事上.

換 著日本軍國主義者從沒有侵略過中國, 以中國人的天性, 誰會咁得閒去整飛機大砲去打仗, 集中精神整民用商品, 唔係好囉. 同一道理, 日本二戰後, 專心經濟, 之後日本國內人人都開心, 現在? 日本人人都唔開心, 就係因為有日本首相這些軍國主義者係度迷惑日本人心.

去旅行了.....

雖然去旅行, 我規舉係唔會唔出文, 只係唔係日日出囉!

我諗我以後真係要多D出外交友了, 寫文係我興趣, 但不能不找朋友, 朋友比寫文更重要呢!

我是十分幸福的人, 上帝眷顧著我, 只是我時時情緒出現問題, 今天去理髮, 聞到洗頭水味, 情緒就好緊張了, 唉....... 

發掦國粹後......

前天講過, 國內選美會, 竟然有人用少林僧人來襯著泳衣佳麗.....

其實, 任何中國人都希望國粹獲得發揚, 甚至揚威海內外, 令到一眾外國人, 為中國人的神技而嘆為觀止, 只是路只行得一半或少半, 就有咁多不好的事情發生.

最近, 看報見到電影"葉問"引出來的問題, 有人的門人內訌, 爭做正統, 雙方並一度發生碰撞，其後被人拉開.

事緣於, 某人想把一門武術回歸少林, 但有其他人以"正統詠春傳承", 來剔除承傳葉問功夫的其他弟子, 及流派而自稱正統的人.

其實呢, 我明白, 一出名就惹很多麻煩, 因為有好大的利益, 會吸引好多人來拜師學藝, 名成利就. 正名是一個方法來被人混淆, 只是就有排爭, 有排煩, 而無時間做正事, 來發揚一門國粹了.

PS: 其實, 唔出名D野無人爭, 一出左名就大把人爭. 教會大左, 出左名, 可能都係咁, 有時, 寧願間教會唔好咁出名, 唔好睇落咁有錢, 就會容易見到會友之間本來應有的互動. 所以, 我去教會, 好簡單咖咋, 一直表現出跟任何人都一樣咁囉.

國內收緊開支下

昨天講完國內選美, 當然選美就一定要場面富麗堂皇, 要洗錢啦.

今年年初, 國內頭頭胡溫唔做了, 換左習李上台, 就改改個規則, 講明要節約, 唔好舖張. 當然選美就會少d啦.

只是現在我這裡剛剛完左十一和雙十, 就好明顯了, 國內簡體字間圖書館摺埋唔在講, 連僑務的國慶活動, 都俾馬小9比左落去喎.

十分明顯啦, 以前我這裡唐人街文化中心, 係由國內相關人仕用, 現在變成馬小9果邊用喎.

相信, 習李的節約理念是好呢, 但是海外僑務實在不能好似斷線風箏咁咖.

國內選美

講下國內選美, 原來一年佢地辦唔少呢, 有旅遊大使小姐, 空姐小姐, 環球小姐, 世界小姐, 親善小姐, 比堅尼小姐, ...... 實在太多了,

最慘情係雪上比堅尼小姐, 零下15度, 噢, 辛苦到...... 實在慘情, 仲要笑出來俾人睇.

最過癮係把少林高僧和選美拉埋一齊, 我不知怎樣評語了

激死佢地....

昨天講完, 中國女仔著到好似日本女仔的COSPLAY咁, 比咖妹還要正.

今天講下中國商家用釣島來做生意, 出左"中國釣島"品牌的商品, 係超市來賣.....

其實如果我現在係國內, 一定買D來留念, 頂多唔好買食物, 買小擺設都好.

只是這張相中的超市女職員, 成個咖妹咁樣, 日本仔見到一定話佢KAWAII, 但係睇清楚手中的貨品品牌, 一定激死佢地.

營養改善? 又或是化妝美容改善

大家睇睇, 這些著住COSPLAY, 化著艷妝的女仔, 不是來自東瀛, 而是不折不扣的祖國貨.

如果大家睇番百年前日本女性的寫生相, 大概會感到好像祖國50-60年代FEEL.

後來日本人生活條件好了, 再加化妝和整容普及, 就變成今天大家見到的東瀛魔女了.

現在祖國急起直追, 成績有目共睹.

解決菲律賓人質事件的著眼點

其實, 我覺得要求別人政府道歉呢, 係好難的, 就算人家市長錯, 執法人員錯, 甚至整個國家制度錯, 人家都不會道歉.

大家記起前排美國韓亞客航空難, 美國機場消防車意外輾死國內女搭客, 主要因為消防車沒有配備應該有的熱能探側器, 沒有發現救火泡沫下有傷者, 這個當然係消防管理錯, 美國體制因為財困慳錢的錯.

之後都沒有道歉呢, 大約頂多暗暗地賠錢了事.

仲有最後一事, 人家總統係半個中國人嘛, 當然佢有可能想幫人質事件家屬, 只是佢唔做得咁出面, 因為怕俾菲律賓國民質疑佢偏幫中國人嘛. 明明心裡想幫, 口裡都要講到好強硬嘛, 尤其, 香港一開始就要菲律賓政府道歉賠錢, 佢都好難口軟囉.

人家每天都好似震英哥咁, 受人質疑, 震英哥就被質疑係左仔幫左派, 而菲律賓總統就被質疑偏幫中國人, 所以現在一定要用D迂迴的方法, 才可以大家面上好看, 事情才容易解決. D人叫震英哥強硬, 其實震英哥都無可奈可咁強硬囉!

被迫脫離老餅行列

哈哈哈, 原本我有部MP3 PLAYER的機仔, 一粒AAA筆蕊電, 幾個掣, 連LCD DISPLAY都無, 十分慳電.

早幾排, 我媽媽用開同一部的, 唔見左, 我就俾左我部佢, 現在我要用了, 原本諗住出街買過部, 點知現在D舖頭已經唔賣MP3機.

我問個售貨員, 佢用一個看千年老餅的眼神來望住我, 同我講: "現在邊仲有人用MP3機, 不如我介紹部SMARTPHONE過你, 叉足電後, 可以播成幾粒鐘, 又可以係車上叉電, 你D MP3歌就可以用車上的音響系統播了."

嘿, 我一向唔介意人點睇我, 老餅唔老餅囉, 勝在舊MP3機簡單易用嘛, 岩哂我媽媽.

最後, 我係被逼買左部樹嘜瘋番來..... 哈

沒料到, 隱性社會問題會浮現得如此尖銳?

香港最近有家長排幼稚園報名, 其中有家長竟然從寧波來.

當然, 從未質疑他們子女的港人身份, 只是, 父母雙非的嬰兒, 一在港出世, 就有港人身份, 這些BB現在要來香港讀書了, 但香港未有準備好相關配套學位, 怎辦?

這些BB幾時來港, 香港政府都掌握不到, 這個是人為錯誤, 還是有心人的一步棋子?

中港融合或港深融合, 在這些雙非BB來港下, 無論現在, 或將來來港就業, 更容易水到渠成, 深港開放邊界, 只是遲早的事, 當深港再沒有邊界, 大約只能用戶藉來控制香港居住的人口.

讓 我推側下, 震英哥餘下任期的9年裡(包括佢第二任期), 會發生什麼事....  大建住屋, 福利普及, 港人住屋和民生問題得到"解決", 震英哥在"特首普選"中高票連任, 議會由親"英"人仕控制, 之後, 就係中港邊界開放, 港深除經貿生產和民生上融合外, 政策和政制都有可能來一次大"融和".

不過, 震英哥要攪好佢連任前, 港人和住屋和福利民生等問題, 以上融和才容易一點吧.

相信十劃都未有一撇, 震英哥這場風雨和角力, 都只是開場白, 往後的還更白熱和火紅了, 他頭上白髮和皺紋, 也會在他連任後, 更多更明顯呢.

笠頭黨 專劫低頭族

睇網友轉載香港生果報咁講....

現在笠頭呢, 方便好多, 因為人人都有機仔在手, 唔低頭唔得, 就容易俾人老笠了.

 係以前沒有機仔的年代, 都係專揀D低頭族來笠, 因為受害人低頭沒有留意週圍情況.

匪徒躲在一二角衝出來, 就容易得手, 尤其專揀深夜到清晨時段, 人們大多都精神差D, 眼睏D, 再加上光線差D, 就更容易得手.

不過呢, 以前笠頭黨大多都係道友, 因為一個有計劃行劫的人, 係唔會揀這些低頭族. 可能大家唔信我講, 以前的低頭族, 大多都係生活壓力重而口袋裡沒有太多錢的人. 打劫這些人只劫到零碎錢, 只能讓道友充充電.

所以我爸爸教我, 做人一定要挺直條腰做人, 仲要笑住去迎接人生, 可能這個係百分百對的, 最少笠頭黨唔會揀這些人來埋手.

但又不過呢, 以前和現在D笠頭黨都係一樣, 專揀D身裁矮細的人來埋手, 因為容易D去笠頭, 匪徒高過受害人少少, 就好容笠到了.

PS: 以前D警察行必, 一定睇住D角落位, 因為平常人係唔會企係光線暗的角落裡, 一見到係道友, 就唔洗問阿貴, 都知道係準備老笠了.

點會難到我咖?

最近美國2政黨因為講唔掂數, 唔批今年的財政預算, 令到美國政府好多非核心部門要關門, D員工要放無薪假.

這些非核心部門裡, 其中一個令到非美國人好受影響的, 就係政府資助的旅遊景點和國家公園.

中港台有好多在美國的旅遊團受影響, 明明行程去黃石公園, 總統山和大峽谷, 就無得入.

咁岩, 我又預備自由行去果度左近, 當然我就唔會再想去國家公園, 如大峽谷和黃石公園了, 因為以前已經去過了.

今次我係去睇佢地D風景公路(SCENIC ROUTE), 這些不是美國公園局管的, 而係運輸局管, 而且仲係唔洗錢, 只要自己開車上去就得了.

美國中西部真係有好多好靚的風景公路, 大部份都係係大峽谷以東的10小時車程之內的範圍, 直到 COLORADO 的 DENVER市. 這些地方, 不單少中國人去, 連好多美國人都唔識去.

為何我識去? 皆因為我前年去果度D國家公園玩, 我天生健談和開朗, 容易跟陌生人說話, 走去當地的遊客服務中心問, 又係路邊問人, 有時更聽到旁邊D人講開什麼地方好玩, 問得幾問, 聽得幾聽, 我就知道果度有好多風景公路, 同國家公園一樣咁正咁靚.

今次揸車, 會上去好多過萬呎的高山, 希望今次租到部好車, 可以俾我逢山過山, 穿山越嶺, 見多D人間美景.

人生需要看透, 而不是看破

前幾天係UTUBE上看到有人的VIDEO CLIP, 內裡寫著:

人生需要看透, 不是看破....

事情看透了, 就更知道如何去作.
人情看透了, 就更知道怎樣去做人.

事情看破了, 就不想去做事, 因為事事都有困難.
人情看破了, 就不想去做人, 因為人人都是自私.

PS: 係呀, 有時, 有些人生活變得不好, 每每會籠統地認為人生無常; 其實, 一把人生看得無常, 就是看破了, 之後, 什麼事都提不起勁去做. 看透是觀察自己有什麼改進的地方,  去改善自己生活質素.

香港條貧窮線

哈哈哈, 乜定得咁得意? 唔係計最低生活費用喎, 而係攞香港人收入中位數..... 來一分開二, 低過就叫貧窮了.

照我JJ先生話齋呢嗄, 貧窮線好易定, 收入應該=基本生活開支+醫療開支+教育開支+護老開支. 低過了, 即是入不乎支, 又或犧牲左某一方面的未來生活質素, 就應該叫貧窮囉.

其實加拿大都有貧窮線, 由個稅制裡反映出來, 低過這條線, 政府係免稅囉, 其家人的扣稅金額也會最高啦.

香港咁定這條相對線, 相信係出於政治考慮多於實際, 因為當政府扶貧後, 人均收入提高了, 這條貧窮線就需要再向上修定, 到時又要花更多錢來扶貧了. 定這條線出來, 係為左滿足議員, 爭取在更爭議議題上的支持, 如23條立法......

現在香港政府都話明, 這條線是用來針對在職貧窮喎..... 即係唔會俾哂全部人.....

炒飯西施

這個係國內某石油大學飯堂的服務員, 專係整炒飯.... 所以俾D大學生叫佢做炒飯西施.....

可能有人話無潦, 但係呢, 任何不涉及性和不道德的開心笑話, 都係無問題囉, 尤其成間大學都係男多女少(學點去開油鑽油嘛, 當然係成隻馬騮通山走果喎, 點會有女仔去讀呀?), 成班男仔得閒找個美女出來調劑下心情, 實在過癮好玩嘛.

有同學話佢似范冰冰喎, 不過, 我係老餅港燦, 我覺得佢似胡美儀多DD.....

PS: 其實, 女仔有男仔欣賞下, 唔係幾好囉.....? 如果欣賞佢果個係斯文靚仔, 作首情詩俾佢, 唱首情歌又好, 約佢出來行街睇戲食飯又好, 就算後來結唔成婚, 都會在個女仔心中留下美好的人生回憶. 有時, 見到有些女性的過份做事方法, 人地真心去追佢, 仲要玩人咁衰格, 真係覺得這些人老來又情緒病又身體唔好, 係個天來修佢地的.

哈哈哈..... 真人版小雲

這個過癮呀, 係網上巧合見到.....