點會難到我咖?

最近美國2政黨因為講唔掂數, 唔批今年的財政預算, 令到美國政府好多非核心部門要關門, D員工要放無薪假.

這些非核心部門裡, 其中一個令到非美國人好受影響的, 就係政府資助的旅遊景點和國家公園.

中港台有好多在美國的旅遊團受影響, 明明行程去黃石公園, 總統山和大峽谷, 就無得入.

咁岩, 我又預備自由行去果度左近, 當然我就唔會再想去國家公園, 如大峽谷和黃石公園了, 因為以前已經去過了.

今次我係去睇佢地D風景公路(SCENIC ROUTE), 這些不是美國公園局管的, 而係運輸局管, 而且仲係唔洗錢, 只要自己開車上去就得了.

美國中西部真係有好多好靚的風景公路, 大部份都係係大峽谷以東的10小時車程之內的範圍, 直到 COLORADO 的 DENVER市. 這些地方, 不單少中國人去, 連好多美國人都唔識去.

為何我識去? 皆因為我前年去果度D國家公園玩, 我天生健談和開朗, 容易跟陌生人說話, 走去當地的遊客服務中心問, 又係路邊問人, 有時更聽到旁邊D人講開什麼地方好玩, 問得幾問, 聽得幾聽, 我就知道果度有好多風景公路, 同國家公園一樣咁正咁靚.

今次揸車, 會上去好多過萬呎的高山, 希望今次租到部好車, 可以俾我逢山過山, 穿山越嶺, 見多D人間美景.