如果今天我豉椒老細魷魚....?

噢..... 前排睇香港新聞, 有兜友仔隱蔽左係屋企11年, 其間足不出房, 每天只打機, 跟家人只用紙仔溝通.... 無話講咁喎.... !!

我心裡諗呢, 如果今天我豉椒老細魷魚, 我都可以夠食夠用了, 真係唔洗再豉油撈了. 只是一天24小時, 我都唔知做乜好..... ?

嗱.... 我最憎打機, 最喜歡寫BLOG, 但打一兩小時字, 就會手臂痛嘛..... 我唔會每天對住電腦睇股票價位來炒, 通常我買左股票後, 就會放埋一邊唔理佢, 等股息自動入我袋...... 我最喜歡去行名山大川, 但係就算我好似隻馬騮通山走, 都唔可以係山上跑足1年4季咖.....?

噓.... 睇落我都係唔好豉椒老細魷魚了, 可能我唔可以好似香港這兜友仔咁, 等11年先自殺, 我可能立刻就已經悶到想死了. 

今年呢, 冬天實在太長太凍了, 很想出外找個女友回來, 有個人陪下我, 最少如果今天我豉椒老細魷魚, 我總可以有個人在身邊, 俾我幫佢化化妝, 梳梳頭, 做做FACIAL, 修修指甲, 煮煮飯俾佢食, 拖著她的手帶他跟我通山走, 呤些情詩給她聽下....

好啦, 就咁決定了, 今年我一定要找個女友回來, 等我在她身上, 攪攪D事情出來做下, 幫佢做點事情, 哄哄佢開心.

贏就贏粒糖, 輸就輸間廠

10年前, 我常到某財經新聞組, 當中什麼人也有, 有些人如我般, 對投資有少許認識, 有些人初哥, 有些人係從事相關行業, 但樹大總有些人想混水摸魚. 

當中, 有人提議人們去炒窩輪, 又有"好多人"去和議(由幾個人假扮). 而我和一些人好心, 提醒人們小心窩輪風險. 有時, 我這些好心人, 反被很多不知名的人來圍攻咖, 有時做好心, 唔想人輸身家, 卻反遭到麻煩, 只是我覺得這樣值得去做.

2008年, 新聞報導廉署調查, 有人利用互聯網發報虛假消息, 又招攬窩輪公司員工, 作內應來搓窩輪價, 來食中間差價. 

2010年, 法院判里昂前交易員吳鎮濤及其妻鄭婉儀, 因窩輪造市及處理犯罪得益逾億元, 分別判監4年及3年, 並充公犯罪的億元款項, 但2013年, 上訴庭昨正式裁定2人上訴得直, 撤銷定罪及判刑, 但下令吳鎮濤須接受重審. 今年2014年了, 5月會做重審前覆核.... 

我想呢, 10年了, 而且佢還只有幾每月監, 本應坐埋佢, 出來就唔洗再煩重審咁麻煩, 但這人不惜一切上訴, 估計是打算免去被充公億元財產, 好等下半世人生活有著落.

只是佢跟政府打了咁多年官司, 當然係請D叻律師, 律師費一定唔少錢, 如果佢今次重審打唔贏, 不單再要坐監,  更有可能會被加監不單只, 更會有可能億元被充公外, 更被天文數字的律師費來拖垮其家產.

2013年其上訴得直, 主要因為特赦證人改口供, 並指控廉署3位調查員恐嚇證人, 並隱瞞曾經跟證人會面的記錄. 佢真係架世叻仔, 反告到廉署3個調查員入獄添!

只是, 佢這樣做法, 卻得罪太多人了, 除了先前造市時, 令到很多人傾家蕩產外, 受害人的家人朋友恨佢..... 現在連廉署3個調查員+家人+同事(全個老廉部門), 恨佢者何只千人? 唉..... 就算俾佢叻仔到, 打官司打到唔洗充公億元, 但扣除天文數字律師費, 真不知道佢還有多少錢剩下?

以前有網友批評佢咁教人炒窩輪, 係"贏就贏粒糖, 輸就輸間廠", 我發覺佢人生又不是這樣嗎? 佢得罪人多, 現在連香港政府監管執法部門, 都要挫死佢. 到了一個政府同佢過唔去時, 佢就知道莫說預留1億來打官司, 10億20億都唔夠, 看看幫富婆睇風水的"塵震沖"就知道了, 由是觀之, 做人有才無德, 不單令別人受害, 也害了他自己.

更有網民, 成立網站(http://www.kui.name/element/%E5%90%B3%E9%8E%AE%E6%BF%A4), 貼近跟縱佢.... 可以知道佢有幾"知名", 有幾多人想知道佢結果會點.... 唉..... 佢人生這樣, 何必呢? 老老實實咁做人, 以佢咁聰明, 怎會落得現在四面楚歌的困境? 連我這樣不太進取的投資人, 又在加國咁高稅率, 都已經賺得不錯了, 我快可以上岸了, 而他卻仍然惶惶不可終日.

同傘不同柄!

昨天在拆冬天雪蓬, 有個中國人小男生來拷我家的門, 問我要不要做草地排氣的工序, 我看他斯斯文文, 又是中國人, 就答應了他, 讓他做了. 

初時還以為他是我這裡附近中國人家庭的孩子, 襯放假來做生意賺錢. 

後來才知道他來自國內, 是一名留學生, 跟他說煲冬瓜後, 才知道他申請工作證來賺錢幫補留學開支. 只是這些機器很重的, 很要體力的, 他書生一個, 斯斯文文, 相信換著是我自己, 一定不會這樣來賺錢, 每一分都是有血有汗的. 

突然想起很多新聞報導中國留學生消費有幾豪, 能夠帶動一個大學城裡的經濟. 除車, 手機和屋子外, 學費更是本地生的幾倍. 

可能我這裡天氣太凍了, 有錢的中國留學生, 都不想來我這裡, 個個都去了天氣暖和的西岸, 如溫哥華/西雅圖/三藩市等等. 我這裡, 大多都是家裡吃力來留學的留學生. 上次我在壽司店, 那裡就有很多留學生可能在打黑工, 聽說, 留學生過來後, 若果讀書跟不上, 就去打黑工了, 唉..... 

PS: 記起我讀大學時, 校內總有個"中國同學會", 都是一群香港留學生柴迆嘩攪起來的, 那時, 國內很少人來留學的. 佢地時時辦些電影會, 吸收一下會員, 那時會員費都只是$2.... 有次睇發哥那套"秋天的童話", 最攪笑係佢講, 佢係中國同學會會員.

醉翁他朝醒覺?

很多人以為金山好搵銀, 生活好, 但實際情況如何?

看報紙講, 一名紐約唐人街廚師, 因為賭輸全幅身家, 被逼睏在橋下. 

他把拾回來的木板, 架在天橋路下兩條大型工字鐵陣的中間, 就成了他們的臨時家, 只有1呎半闊. 但是紐約交通繁忙, 24 小時的繁忙交通, 必定使其難以安睡.

PS: 其實賭風在北美唐餐館中, 十分普遍, 究其原因, 工作辛苦和工時長外, 還有, 做死一世人都係得個吉, 總不能由低下階層提升, 所以人人都希望天降橫財來, 賭博就成了他們的唯一人生希望.

我以前有位朋友, 走去讀神學, 之後, 就專門去做餐館業的福音工作, 只是這些弱勢社群, 如果自己唔好好堅持行條正路, 實在沒有人可以幫助到他們.

對於我位朋友, 他心中一定以為我這些中產不會理會這些弱勢社群, 只是我在教會見得多,  幫都幫不到的. 其實, 是這些人的想法和觀念, 跟中產的人脫了節, 我有次打算把我一些想法灌輸給他們, 只是這些人不會領情的, 還以為我想描黑他們.

雖然3歲定80, 但飲食卻定了下半生的健康.

今天在唐人街超市肉檔處買肉, 在我前邊有個國內來的靚仔, 真係唔可以用北仔或北佬個款來形容佢, 真係好靚仔, 又高又瘦又白又牙齒白咀唇紅...... 

講真一句, 其他人讚人靚仔, 大家可以唔信, 不過我JJ可以讚話靚仔的人, 就一定唔會差得去邊. 

只是呢.... 個靚仔買左舊五花腩, 我就嚇了一跳, 這些東西是我一定唔會食落肚的..... 好食就好食了, 但之後的身體問題, 就會..... 

我本來好心想勸佢買舊瘦D, 我就問佢用來點整法, 原來佢用來紅燒, 我當時衝口而出, 講左句太厲害了. 我真是不知道怎樣勸佢了...... 

我心裡立刻浮現著"你蓮傑"後生和現在個款, 有可能係佢老婆"荔枝"小姐這味家鄉菜, 攪到佢現在咁款. 噓, 雖然我JJ自己唔做明星, 唔洗用個樣出來示人, 但外貌展示了人身體的健康嘛..... 


 唉.... 無法了, 觀念定了人的命運吧! 我為到眼前這靚仔將來的面貌而感到可惜, 感到十分浪費了.

PS: 其實, 任何人望著一個漂亮的人, 都是一件賞心的樂事, 心情總會好很多嘛, 除非這些人心存妒忌. 我最清楚知道, 漂亮的人可以把很多祝福帶給身邊的人, 我去過很多教會, 通常我常去後, 這教會的聚會人數會增加, 可能其他人會抱怨我吸引一些麻煩人入來教會, 只是這卻是考驗他們是否有心去傳福音, 實在唔關我事.

 大家估下, 這位靚仔係邊個? 嗱, 我JJ就咁講呢, 如果佢KEEP到個樣, 佢一定紅過"林風"咖! 大家估到係邊個無? 估下啦, 估唔到我才開估.....

蛇蠍美人....

有時, 我實在感謝神, 把我生做男性..... 如果唔係, 我可能是個心地很壞的女性..... 我開始理解為何會有蛇蠍美人這回事來....

想起少時, 已經習慣老師同學的眼光和注視, 那時我家並不富裕, 一件普通校服最少著2年, 有時是接著哥哥的舊校服, 理髮也只能在街邊檔口吧.... 所以, 我根本沒有刻意令人注意我.

去參加教會後, 因為我那時是青少年, 對人家的注視, 根本沒有什麼歪念, 也不會迴避, 但因為那教會把我的電話號碼公開, 就有些女教友打電話來交通, 又有些屬靈的大哥哥口黑面黑咁對著我, 我開始有點無所適從. 後來媽媽反對去教會, 我唯有轉到別一間, 那間教會沒有公開我電話號碼, 那就好了, 那時我開始識得迴避人家的注視. 

成長中有次, 跟朋友撞衫, 朋友不喜來說, 為何同一裇衫, 你我卻不同? 漸漸開始, 我發覺別人總是對我有點偏見, 一見到我就有很多指指點點, 尤其宗教人仕. 我只是入教會慕道, 為何對我這般不禮貌不體面? 

越是成長, 越是面對人家無理的指指點點..... 有時, 自己真是想去先發制人, 掃低了這些混人, 莫讓這些人站在道德高點來炮轟我. 只是這樣做男人, 不體面也不厚道, 我自己唔好理會這些混人就是了. 

試過很多次, 自己想拍拖, 都遭到一些混人來阻撓. 還好, 我是男性, 適婚年齡比較長一點, 可能換著我是女性, 我拍拖結婚遭人這般大整估, 一定會報復, 我可能最後變成蛇蠍心腸的人. 

只是, 這樣.... 我卻變得對人冷漠, 因為這些混人大多都是環境沒有我這般好, 令我變得對人失去原有的同情心. 怎樣也好, 我還慶幸著, 我還未致於變成心腸惡毒的人, 這個是我要感恩的地方.

PS: 這幾年我BLOG上來了一個無聊人, 很多網友提議我停BLOG, 再開別一個BLOG. 這無聊人的行徑, 當然十分過份, 只是在我人生中, 我並不是第一次遇上她這樣心態的人, 我實在見慣了, 只是她不懂包裝, 變得赤裸裸, 其他人卻包上一層義理的外衣吧!

網上發言, 真係要小心一點了

中國國內有很多網上的交流工具, 如微博. 就以微博為例, 很多人想在中國增加知名度, 如前美國總統喬治布殊的弟弟, 用一些嘩眾取竉的方法, 如戴毛帽和"為人民服務"的紅衛兵手提袋等. 

但是也有一些人的方法更進取, 如批評這個那個社會時事.... 微博上的意見領袖(大V), 由于粉絲数量多，在微博上具有一定影响力, 但是有些人取竉得來又令人不舒服, 那就麻煩來了. 

有位網名"薛蠻子"的大V, 粉絲數萬, 常常批評國內這個那個, 有些可能關係到一些人和事吧.... 他上年十月被國內公安拘留, 控以聚眾淫亂罪, 被拘留了7月後, 才被正式起訴. 即是被人控以嫖娼.

佢對國內官方媒體新華社說得都幾"行"下喎,  "希望我的事情能給其他網絡大V敲響警鐘，如果不自律，你就是下一個『薛蠻子』. 聚眾淫亂也好，賣淫嫖娼也好，都是用金錢來滿足肉慾，本身就意味着道德墮落。作為丈夫和父親，我沒能盡到責任，反而讓夫人被迫遠走他鄉，兩個年幼的孩子被人指手劃腳，以後我該怎麼面對他們呢？……想起這些就心如刀絞."

報道還說, 薛薛被捕前身患多種疾病，生活很不節制，作息時間混亂.進入看守所後，他日常起居有了規律，健康有所"恢復".

PS: 其實, 這些人網上發言,  無必要出到自己真人個嘜頭呀, 尤其佢可能開罪很多人嘛. 

還有, 一切如我一般的加燦或港燦, 每次進入國內, 真係要小心D, 規規舉舉, 唔好俾人捉到把柄, 最好係跟團入國內, 住在定點的遊旅區, 不接觸任何敏感人仕, 那就不會有事了.

男方如有錯, 女方也不會全對呢!

昨晚跟一位多年舊友, 談起佢的經歷. 佢人生問題並不大, 最少佢唔好賭唔好酒, 但卻有男人另外2種壞嗜好.

我就叫佢正正經經找個太太回來, 有個家的感覺. 

嘿, 但這次我真不知道怎樣回應這舊友了, 他回答說: "大部份像我和他這個年歲的女性, 如果性格心智正常的, 都已經結婚了, 未婚的, 大部份可能有人格障礙或心智不正常, 又或是身體有些問題, 以免日後有麻煩, 都係花少少錢算了, 而且現在搵到錢, 無謂要貼錢去買難受, 之後還要被人分去一世人辛辛苦苦賺來的錢."

換著幾年前, 我都會好容易同佢講, 還有很多好女仔, 會著他花時間去找. 只是4年前, 我在YBLOG上來了個無聊人, 她聲稱在香港被某醜樣港男騙了, 卻來我blog裡偷了我的相, 惡意指我這加燦, 就是騙她的那醜港男. 經我多次解釋, 我頂多一年才會在香港一個月, 不會是她那行山騙男, 但這女仍然蠻著來偷我的相和指控, 這反映出佢有性格心智上的先天缺憾, 對男性缺乏正確的認知. 我登D相出來, 靚仔少少, 佢都唔抵得. 唉..... 這樣的女性, 就正如我這舊友講的女性一樣.

看來, 這種心智和性格缺憾的中年女性, 為數應該不少. 我這舊友說, 佢10次認識女友, 著得10次都遇上這種女性. 不過, 我這舊友做人, 還算光明正大, 他不會去騙女性來攪一夜情, 更不會欺騙了人家後, 丟下人家不顧而去, 查實我這舊友一向都打算找女友來結婚. 

我想深一層, 這網上無聊人, 一定認為我生得靚仔少少, 就會去攪一夜情, 所以才來這樣惡意針對我. 查實佢一點也不認識男性. 越是條件不好的醜男, 才會想著去攪一夜情, 相反地, 條件好的, 靚的男人, 大多都希望有個好的家庭, 有個好的妻子來愛護自己.

這種男人, 婚姻失敗, 真係唔抵可憐佢!

其實, 可能不是單單中國人吧, 在人生低谷時, 會做出一些不理智的事情. 

只是我們較熟識中國人的習俗和文化, 較容易去批審吧. 

國內某地某人因為妻子出走, 留下一子, 而父母又身體出問題, 竟然想出辦個"婚禮"來沖喜. 

相中兩女子, 是用一百元請回來的模特兒, 只是給人家百元, 就又攬又鍚呢, 這個人實在有點無恥吧, 當然相中兩女子面上一定十分不悅吧! 這種男人, 難怪他妻子出走了, 

COME ON, 給錢人家, 人家只來做模特兒, 怎樣可以亂來, 頂多大家貼近一點拍拍照吧! 這男這般不文明, 就算他有錢娶任何女人, 任何女人都會走佬!

宗教的靠譜與離譜

最近多睇國內的人寫野, 漸漸明白佢地的用詞, 靠譜即是離譜的相反詞.
 
我這些年來, 聽了很多人的理念, 尤其宗教和學術人仕, 很多人都說自己有遠見, 只是為何很多人的理念和遠見, 抵受不了時間的考驗? 其中一個最主要的原因, 就是因為他們的想法, 基本上脫離了人的本性和實際.
 
這使我記起以前我在這裡華人教會, 遇上某些宗教人仕. 大致上, 這些人最先沒有什麼惡意, 只是頑固和脫離了現實, 人家拍拖, 又不是胡亂來漁翁撤網, 又不是玩玩下. 只是這等人卻認為教會有很多迫切事情要做, 要人拍拖都唔可以"二人世界", 係都要去服務人群, 有些混人更離譜到, 人家光明正大約會, 都被說成不屬靈. 人家不依從佢地的理念, 就被整頓和修理, 這個就是惡意和罪了. 

只是這樣宗教理念出來的夫妻, 很多都日日嗌交, 很多唔會做家務, 唔會做人丈夫, 唔會做人太太, 唔會做人父母, 唔會做人兒女, 連跟父母都相處不來. 這樣, 實在脫離了人的本質. 由牧師到會友, 他們家裡都不幸福, 這樣, 怎能說服人家進入教會呢?
 
昨天我在這裡商場, 見到有個香港女性, 跟一個包頭的印度人拍拖. 我自己都希望人家有個美滿結果, 而我也對任何宗教和文化, 沒有任何歧視. 只是, 如果這香港女性咁頂唔順香港男性, 我想南亞這些宗教和文化, 會更令這香港女性感到惡頂. 其他西人都覺得很奇怪, 為何個中國女性, 面前有個中國單身男性白白淨淨, 乾乾淨淨, 卻會走去跟個黑黑包頭印度人拍拖?
 
這個又令我想起, 聽說我這裡唐人街婦女會和家庭會的義工, 求助過案多到, 做到佢地氣咳. 我看呢, 這些求助過案, 基本上, 是這些問題夫妻脫離了現實之後, 又沒有自己盡責去解決問題, 一心去逃避. 而這些宗教界人仕, 又治標不治本, 誤以為催谷會友去做義工, 問題就會解決, 誰知道他們這些會友, 往往變成問題的一部份. 連我這些孝順父母, 在家裡做好自己本份的人, 都被描繪為不屬靈不長進. 這樣, 家庭問題在這些宗教人仕中, 只會發酵到難以收拾的地步, 像瘟疫一樣, 連我這等顧家的人, 都被佢地d歪理來衝擊.
 
所以, 這些宗教或學術人仕的理念要靠譜, 遠見總不能脫離人的本性和實際, 也不能幻想有神蹟出現, 人要先自己幫助自己, 神的祝福才會來臨.  

ps: 昨天, 我在唐人街茶餐廳用膳, 有些女性走到我檯前邊來講笑, 彼此問對方可有約會..... 我自己覺得, 三九唔識七, 我怎可能約妳們呢? 攪個不好, 妳們大庭廣眾罵我騷擾妳們, 我就水洗都唔清. 

就以網上有位無聊人為例, 她人在香港被某醜樣港男騙了, 卻來我blog裡偷了我的相, 惡意指我這加燦就是騙她的那醜港男, 又是離譜和惡意的一例, 係度攪串哂, 最後網上交流的氣氛就不會濃厚了.

這個網上無聊人, 令我想起一事, 很多她這類中年女性, 都有性格心智上先天的缺憾, 對男性缺乏正確的認知. 人家登張相出來, 靚仔少少, 佢都唔抵得. 這樣的人, 拍拖婚姻拍怎會無有問題? 可惜, 大部份性格心智正常的同年女性, 都已經結婚了, 我現在除非娶個廿歲的女性, 才有機會避開這些性格心智缺憾的女性. 

男人怎樣給人年青的感覺.....

其實好簡單.....

1. D牙要白, 口不要臭. 係呀, 牙白係年青的象徵, 人年紀大左, 牙就會變黃, 牙齦退, 牙之間的隙會大左, 會有食物薜係度, 容易口臭, 所以3-6個去洗一次牙, 再加上察牙擦好D, 勤D擦牙, 過牙線.

2. 社交要活潑. 係呀, 人老會容易攰, 所以要多休息, 注意睡眠的質素, 社交時, 表現得活潑一點.

3. 皮膚不能乾干. 係呀, 容光奐發, 係年青人的特徵, 記著勤用潤膚膏. 

4. 對異性要感興趣. 記著, 一定要跟人家多談異性, 不要給人家一個人到更年期的印象. 其實, 講異性時, 並不一定要講性, 可以講講人家的氣質和面貌, 避免談及身材, 就會給人感到年青又高雅了.

為何.... 貌美會壓力大?

多年前, 有牧師在講台上證證下道, 竟然說有男教友有自戀狂.....

其實, 我自己當時無想過這牧師在講我.... 因為我從來都對自己面貌順其自然, 照鏡只是為到衛生和清潔, 為到健康, 我一天照4-5次鏡, 看看面上有沒有污垢吧!

我從來都不會像女性一樣, 要求自己外貌完美, 只要求清潔舒服.  

對很多女仕來說, 貌美是壓力的來源, 很多女明星自殺或情緒低落, 都是因為要求自己面貌完美.

我自己十分順其自然, 只要身體健康, 給人一個良好印象, 懶理那張面孔是否潘安再世, 而且我又不是用張面孔來搵食, 更不用理會人家怎樣看我. 

所以, 正因為人們越注重面貌完美, 才會越有壓力. 見過有人, 因為對自己面貌有要求, 構成生活壓力, 變成嗜酒嗜煙嗜賭來舒援壓力, 後來, 煙酒和不健康生活反而毀了其美貌. 

北方美男的淳樸厚道

近期國內網上好紅好爆的仁兄, 要數這位哥仔了, 我地廣東人一向喜歡有型有款的型仔男, 不會喜歡薯頭薯腦的北仔或北佬. 

只是這位哥仔, 又真係唔能夠使人討厭佢囉..... 某天有人拍到佢背著部份癱病的母親去賞梨花, 並且放上網. 爆紅之餘, 當然有人會質疑有人有心炒作.更有人問著, 為何不用輪椅?

記者找了很久, 終於才找到這位哥仔, 這位哥仔一句就拒絕訪問. 要佢直屬部門的老頂開口, 佢才接受訪問.


原來, 哥仔佢母親71歲，佢平時工作任務繁重，佢周末才可以回老家睇老爸老母，才可以給老人洗腳和做飯. 上月尾佢回老家，見到梨花盛開，就帶佢老母去賞花散心, 但由於輪椅裝不進汽車，加上梨園裏D路不平而人又多喎，所以哥仔就背起母親來賞花. 

哥仔佢仲講, 孝敬老人不能等, 佢這樣做，只是做了一個兒子應該做的事，只是為了問心無愧. 佢單位裡D同事做得比佢要好得多，佢真的不值一提.

好啦, 我JJ一世人, 最佩服這些人, 男人有腰骨, 有責任心, 做個好兒子, 貌不一定美, 心卻美著了. 

PS: 又咁岩呢, 國內有首老歌"梨花又開放", 又是用來記念母親的, 登出來, 跟大家一同欣賞.... 

 《梨花又開放》
忘不了故鄉
年年梨花放
染白了山崗我的小村莊
媽媽坐在梨樹下
紡車嗡嗡響
我爬上，梨樹枝
聞那梨花香
搖搖潔白的樹枝
花雨滿天飛揚
落在媽媽頭上
飄在紡車上
給我幸福的故鄉
永生難忘
永生永世我不能忘

重返那故鄉
梨花又開放
找到了我的夢
我一腔衷腸
小村一切都依然
樹下空蕩蕩
開滿梨花的樹下
紡車不再響
搖搖潔白的樹枝
花雨滿天飛揚
兩行滾滾淚水
流在樹下
給我血肉的故鄉
永生難忘
永生永世我不能忘
搖搖潔白的樹枝
花雨滿天飛揚
兩行滾滾淚水
流在樹下
給我幸福的故鄉
永生難忘，我不能忘
永不能忘，永生永世我不能忘

哈哈哈..... 溝唔到女?

昨天看報, 事緣於鶴山一製衣廠, 因為缺工人, 所以工人辭職時, 都會關照一下, 看看廠方有什麼可以挽留工人.

只是這次有男工辭職的理由, 實在太神奇了, 竟然說佢自己溝唔到女喎. 製衣廠一向都是女多過男, 無論香港, 還是上邊. 

後男工改口稱自己唔夠靚仔, 這間更是7:3, 2個女工有多, 才有一個男工. 後來記者聯絡上廠方, 廠方指這男工比較懶散, 但這個不會是女工看不中他的原因呢, 大家不如跟我一齊分析下.....

PS: 睇粵語殘片都有見, 胡楓本來係太子爺, 卻扮成窮鬼, 入工廠去追南紅..... 就算佢懶惰成性, 南紅唔係一樣俾佢追到? 所以呢, 上邊個CASE呢, 一定係有D原因呢....

中國留學生在加國遇害案

這單發生在多倫多的, 事緣有中國女留學生, 住進獨立屋裡的分租房, 只是屋內分出接近十個分租房, 人流多而且複雜, 就在佢同男友透過視像通話時, 有同屋的鬼仔租客進入強暴佢, 並殺死佢, 佢在北京男友在視頻上看到女友跟該鬼仔扭打一段時間後, 視頻終斷了. 

其男友立刻越洋報警, 成為互聯網其中一個獨特案例, 後來捉到疑凶後, 其男友前來加國出庭作供, 並被法庭接納為主要供詞. 案中凶手, 被判入獄25年..... 都算係咁啦.

我們以前都有朋友租這些分租屋, 不過, 那時, 分租屋一是租給男生, 一租是給女生, 不會男女混在同一屋內, 這樣實在太危險. 

有時, 國內人在國內大多十分小心, 只是他們卻不了解加國有些情況也是十分危險的, 就如男女混租一間屋. 莫說女仔, 男仔都危險咖, 瓜田李下, 入錯廁所, 或入廁所忘記關實廁所門, 都會令人錯覺以為有乜不軌企圖. 對方一報警, 可以留下案底的. 

PS: 網上有人口痕, 刻薄一D, 登了這些姐姐仔短褲露臂玉照, 問.... 誰人會是NEXT, 哈哈哈, 其實, 男人要有把持, 女人要有矜持, 就會可以減少這些問題. 不過, 有些女孩子, 為到吸引男仔目光, 在所不息公本, 嘻嘻嘻..... 後果自負了.

美國名校是否得個名?

早前耶魯大學華裔女生, 因為天生苗條, 接受校方體檢時, 被醫生錯誤認為過輕, 有厭食症, 竟被校方靭令增肥, 甚至告誡她若不增肥, 可能會被退學. 

女生被迫吃大量雪糕/餅乾/薯片/其他垃圾食品，並且被要求只准坐電梯上樓，不准行樓梯以免消耗能量. 儘管如此，她也只增重了2磅. 

其實只需問清楚女生平時的飲食, 就會知道女生一切正常,  不行樓梯, 對身體更差, 骨骼更袂衰退. 我常常跑樓梯, 一天行上廿到卅層樓梯, 大腿肌肉粗壯, 體重才會上升.

後來由女生父母和家庭醫生證明女生沒有厭食症, 只是體重比平常人輕. 

PS: 其實, 一睇就知道這女生不是厭食症, 而是骨架細和輕. 就好似我咁, 5'9"高的人還著30"褲頭, 唔只西人, 連中國人都奇怪我, 只是我這種人有機會會有骨質疏鬆咖, 唯一方法不是增肥(增肥只會令身體負荷加重), 而是保持骨架的密度, 飲奶/食酸乳/食芝士等等.....

我人生中, 因為我有多方面, 跟平常人不同(跟西人當然不同, 跟唐人也有很多不同), 所以常常遇上誤會, 有時也會跟這女生一樣說, 我受夠了.

兩岸解凍下..... 一些不平常的現象

香港有潛逃棄保的被控毒販, 潛逃36年多後的今天, 向香港法院申請撤銷逮捕令. 

這個怎樣說好呢? 因為香港對潛逃人仕的通輯逮捕令, 是沒有時限, 即是, 即或該人仕死亡, 或證實無辜, 通緝逮捕令才會撤銷.

真不知道其理據所在, 但當中一定不會容易. 可能當中理據, 包括證人和證據, 一切都死亡或失去.

只是這位人兄來頭大, 有財有勢人仕, 而且更是親台右派, 其辦的傳媒行業, 更是香港社會上一股不能忽視的社會力量, 令到今次案件被受公眾關注, 而且又是第一單這類的CASE, 必定將會變成法庭援引前例的先例. 

只是, 這些咁難打的法庭案件, 只有有財有力的人, 才會去打.... 不過, 很多人忘記了, 除了財和勢外, 還要天時和人事吧! 

當事人在現今申請, 可以講出幾件事出來.... 1. 當然, 當事人年紀大了, 當然要襯著還活著申請回來香港; 2. 兩岸關係解凍, 不再敵對, 尤其民進黨下台後, 兩岸關係有溶冰之勢; 3. 下一屆台灣大選, 可能由民進從新上台, 到時事情就更難辦了; 4. 阿爺尋求拉攏國民黨人仕, 尤其在港有勢力的人事, 當事人當然是其拉攏的主要對象; 5. 香港法院將面對前所未有施法壓力, 人們可能以這個案例來定香港回歸後的法治精神有否倒退. 

西人看中國人

我有一個鬼仔朋友, 住大學宿舍時, 他住在我隔鄰單位, 我每次煮食, 他都來我單位裡嗅著香味.

有時, 如果我有多的, 我就分他一點. 畢業後大家各為職業而各走天涯.
 
有天, 這朋友郵電給我, 說他很想找個中國人太太.
 
其實他畢業後, 一直在油田工作, 那裡不要說中國女性, 連中國人都少, 佢唯一可以接觸到中國人的機會, 就是讀大學時, 我這些中國人男性吧! 又或是油田基地裡的中國男性廚師.
 
我問佢為何要娶中國太太? 佢答話中國人家庭觀念重. 哈哈哈, 莫非佢見到我煮D野好食, 就以為中國女性家庭觀念重? 

我當時給他攪到啼笑皆非, 就鼓勵佢去深入認識一下中國女性, 看看他喜歡不喜歡.

再過2年, 佢EMAIL左一張結婚相俾我, 佢真係係中國國內找到個太太.
 
不過, 後來佢又來問我, 為何佢太太煮的東西, 跟我煮的東西這麼口味不同, 哈哈哈.... 佢一定唔知道中國人有很多不同口味和飲食習慣.
 
再後來, 佢婚姻出現問題, 佢又來問我, 為何佢太太同我這些中國人, 想法這般不同, 我唯有答佢, 文化差異人人都有, 慢慢有耐性來刻服文化差異, 才會婚姻成功.
 
他很失望, 才發現中國人可以有這般大的落差, 原來中國男性跟中國女性有這般大的分別.

我這裡的單身華人俱樂部 2

唔知道, 係咪佢地都有睇我這BLOG喎? 

昨天再去看他們的告示, 竟然在我出第一篇BLOG文之後數小時, 佢地清楚解釋其組織的原意.

原來呢, 組織者是個上了年紀的單身人仕, 很大可能是個女性, 他有見我這裡單身人仕上了年紀後, 會出現很多問題(尤其女性), 所以他組織了這個單身人俱樂部, 來讓普遍華人社區的境況有所改善.

對於他早前聲稱組織人們來"健身之餘, 又可以交友, 又可以找到男/女朋友和幸福." 他補充說: "活動不相親, 只快樂交友!" 

他更說, 歡迎靠譜(國內人用詞, 離譜的相反詞)單身男女, 即使不靠譜, 有誠意向著靠譜靠攏的, 也OK.

結尾還說: 長期形單影隻就是要先反醒自己，不要怨天尤人，不要空等天上掉下林妹妹. 林妹妹好像只存在於小說中，並且開始就注定是悲劇，如果你等上蒼賜你寶哥哥，與林妹妹同理……想真正找個靠譜的過幸福日子，從我做起，自我反醒，來愛X會一起豐富生活，多交朋友，一起修身養性，再好好幸福美滿吧！

其實, 如果人家這般有心, 我也覺得這些人真是不錯的, 我去交個朋友也好的, 大家都住在同一城市, 我也覺得要為到這裡中國人社群出一分力. 

PS: 哈哈哈, 一定有人以為佢地係相親會, 竟然有媽媽跟著成年的兒子去參加. 可以看出國內一孩政策下, 父母不讓兒女獨立起來. 其實, 父母應該教會兒女做家務, 做一個負責任的人, 兒女懂得自己持家, 就可以減去很多家庭衝突了. 只是很多父母都十分自私, 總希望人家兒女來墊著自己兒女, 有些父母更教自己兒女去騎著人家兒女. 其實, 這個才是一段婚姻破裂的主要原因, 所以, 婚姻成功與否, 都有其家族的遺傳基因在其中, 局外人(如, 婦女會)要幫, 也不容易呢.

現代男性主義

大家未聽過呢? 係呀, 係我自創自UP的.....

昨天有網友問我D衫會點襯? 我放工回來後, 10分鐘就俾我拼左出來, 我十分自豪呢..... 仲同女網友講, 如果佢下次要襯衫時無頭緒, 可以來找我商量.

嗱, 這些就是"現代男性主義"了, 男性不是女性化, 而是願意跟女性一起有傾有講, 有著同一興趣和嗜好...... 感受同一的世界和靈魂, 不再是上一代男性般, 娶了老婆回去後, 仍然感到無比的孤單和壓力. 我這些男人呢, 喜歡混在女性中間, 但不是因為性和慾, 而是為到友誼, 為到彼此之間有一個更昇華的男女伙伴關係嘛.... 

男性的競爭心理

前幾天, 星期六, 在唐人街買完青菜後, 無乜野做, 行過商場, 見到GAP減價, 就入去一看, 本來都唔想買, 但見質料顏色都靚, 就又買左了..... 實在好有罪疚感, 買埋買埋, 都唔知著俾邊個睇. 

我返工的衫有好多, 大多都係沉色深色, 因為係辦工室, 就無必要咁搶眼嘛. 只是我買鮮色衫係為左令自己開心D, 花姿招展嘛, 男人老9, 放工後, 都要令自己開心下咖..... 

只是我買衫時, 有個國內太太又拿了別一件沉色裇衫, 我一睇, 就知道佢揀俾老公去返工, 我就多口, 用煲冬瓜講佢件衫好靚好選擇. 點知佢個老公一見到我拿起D鮮色衫, 就跟埋我一齊拿起D鮮色衫, 佢仲買左3件咁多, 把原本佢老婆揀的那件沉色放回去. 

不過, 佢買果3件衫, 全都係唔適合返工, 只適合來休閑時穿, 即係佢無理會佢老婆的想法. 

這裡, 實在可以睇到男性的競爭心態, 尤其佢比我矮D肥D, 但心裡卻不想落後於人吧. 只是我擔心佢這個心態, 代表佢並不甘心現在的一切, 包括佢太太, 想著改變現在的一切.

大家看看我的櫃裡的鮮色衫, 係咪好鮮色呢? 其實, 我又未結婚, 這個係未婚人的特權嘛, 一到結婚後, 我會收歛的, 哈哈哈..... 

PS: 想起我父親後生時, 又係好喜歡著鮮色衫, 成日給我母親在罵著, 記起有次, 係講: "著到咁靚出街做乜?"

政局與移民

上星期, 我講過我這裡省選舉, 主要是獨立和不獨立之爭. 因為我這裡魁北克有分離出加國的傾向, 大約上世紀70年代開始茁芽, 80年代鬧得最盛, 單單80-90代, 就嚇走了過百萬人離開魁北克了.

昨晚選完了, 倡議獨立的政黨輸了, 還輸得很慘, 連其黨魁的議席都不保, 倡議不獨立的政黨成為大多數政府. 

記起, 80年代, 我家剛移民來時, 滿地可市區最繁盛的街道, 處處都空了, 當時魁省非法語人仕都被嚇驚了, 都走了. 只是少了一百萬人之後, 稅收上, 消費上, 就嚇驚了原本支持獨立的法語人仕. 

現在這裡就算法語人仕都不想再有獨立的爭議, 因為爭議令到經濟恐慌, 經濟一差, 人人都不消費, 經濟就更差了.昨晚選舉的結果, 已經表明這裡人們不想再有獨立的議題提出來.

這樣也好, 看來, 未來幾年內, 這裡政局都會很平穩, 不會再有獨立爭議. 只是, 移民來加國或魁省會困難很多.

PS: 大家可能會問, JJ, 魁省這裡咁不穩定, 為何我家會移民來? 

理由十分簡單, 移民到加國任何地方, 都會受魁省獨立影響, 如果真是魁省獨立了, 加拿大將會解體, 移民到加國任何地方也是一樣會有問題.

只是, 當時我家在魁省一片經濟恐慌中移民來到, 魁省政府對我家移民的規條十分優厚, 免去很多移民家庭要交功課的麻煩. 

一到後來香港89年64後, 輪到香港人恐慌時, 移民條件就苛刻很多, 沒有我家的優代, 人人都要開舖開業交功課.

我家移民來後, 很多唔熟的人來找我, 以為我家一定要開業做生意來交功課, 以為可以找我家入股他們的公司, 或幫助他們資金來創業. 最討厭的一些人, 還對其他人說, 他們來幫我家, 真是笑大人個口. 後來, 我家投資了出租物業, 一住就住了廿多年; 現在魁省不再獨立, 物業價值就水漲船高. 很多以前原本聲聲作態, 話來幫我家的人, 現在仍是為口奔馳吧, 真令人啼笑皆非.

我這裡的婦女會

哈哈哈..... 今期我的題目呢, 無錯, 大家無睇錯, 我係講婦女會喎. 

大家可能會問, 莫非JJ你男扮女裝, 走左入去調查婦女會..... ?

事緣係呢, 我新識個滿地可網友, 佢同我講,  佢個朋友常常因為參與婦女會義工工作, 個個週末不在家, 而跟老公吵架起來. 

我想, 香港以前的街坊婦女會, 都係組織下手工藝班呀, 才藝班呀, 教人插下花, 煮下餸. 為何我這裡的婦女會義工咁多野做? 好似這裡D女人有乜問題咁.

查實呢, 我這裡D中國人家庭真係出現了很大問題呢..... 尤其煲冬瓜那些家庭, 出現很多單親媽媽, 而且還有不斷上升的趨勢, 很多煲冬瓜夫妻將會離婚或已經分居. 

不過, 如果只是離婚或分居, 問題並不大, 而是佢地很多人有家暴問題, 尤其北方D男性, 比較大男人主義, 在家中唔多做家務, 而老婆又要外出工作, 兩份人工才維持到家庭洗費. 工作上挫折感再加生活上的經濟壓力, 家暴問題好像滾雪球一樣, 實在令人擔憂呀.

所以, 現在我這裡婦女會D義工好忙咁話喎, 要幫的家暴婦女越來越多, 接都接唔到咁多CASE. 

唉..... 其實, 不單只要幫D婦女, 也要教育佢地D老公嘛, 應該找幾個有做家務的小男性, 要這些家暴老公去學習做個小男人, 仲要這些人唔好咁豪咁飲酒, 咁就天下OK了. 

PS: 查實呢, 這些家暴問題呢.... 係有其遺傳基因在內, 未結婚前, 女方要男方怎樣怎樣, 結婚後的經濟壓力怎會少? 尤其移民來加後的經濟壓力更大, 男方在絕望的恐慌下, 常常挑著女方的小毛病, 家暴就會產生了. 

只是呢, 大家一睇我這些小男人, 唔酒唔煙唔賭, 家暴的可能已經少好多, 再加上自己以入廚執屋為嗜好, 家暴就更少可能發生. 最多只會個老婆挑剔老公洗地唔夠乾淨, 又或餵BB奶粉時, 唔夠仔細耐性, 又或老公份工唔夠體面攞出去炫耀囉.

我這裡的單身華人俱樂部

昨天, 有個這裡的網友來跟我說, 有個叫"什麼愛"的團體專為單身人仕組織活動, 我一看佢地D告示, 講明"健身之餘, 又可以交友, 又可以找到男/女朋友和幸福."

我想, 這個組織唔係婚介所, 但背後的人必定有一定的組織能力, 只是告示上, 並沒有登出組織人的姓名, 確實教我有點猶豫, 因為報名參加, 就要留下姓名和電話. 

背後組織的人背景, 只有兩個可能性: 教會或國內的海外僑務組織. 

最令我感到這些人的組織能力, 他們竟把單親媽媽, 由單親人仕中分了出來, 再成立一個單親媽媽互助組, 並且寫明, 快要組織一個情侶組. 這個跟教會的團契或青年助談會, 同一道理. 

如果這些組織者真是教會中人, 我會樂見其成, 最少這些教會人仕已經覺悟了, 不再去理埋果D不負責任的父母(這些家庭用了教會最多的資源, 挑起最多的麻煩和爭執, 之後卻連自助都無能力.) 其實, 任何教會去做單身人仕的工作, 都是前景光明, 因為這些單身人仕雖然不像我這等中年人的經濟成熟, 但沒有負擔, 人平均的付出量, 比有家庭的人高很多. 

只是我自己十分擔心一事, 怕這些教會人仕, 又再重蹈我那代人所面對的復轍. 這般有機心來組織, 必定是對人有所求了. 其實, 我自己幫到別人, 我樂意去幫助, 也把從神而來的祝福, 由我身上去分給別人. 如果這些教會人仕, 在我身上所求的, 只是我想的這樣, 我會十分舒服. 

但是..... 如果專制到連我怎去做, 幾時去做, 都要來管來督責, 我覺得, 這些人不如現在不做好了, 因為這樣的做事方法, 只會叫好心的人心寒, 只會叫壞心的人心更壞.

需要有技巧地說謊?

今年我這裡冬天比平常的又長又凍, 悶極無聊, 眾多朋友大多結了婚, 有家又子女, 不好意思去打擾吧...... 未結婚未拍拖的, 又在忙著事業.....

所以, 今年我在我這裡的華人網站, 登了一則徵友啟示. 

但我這個人是個老實人, 不會隱瞞自己的中佬年齡, 人家看完我的啟示後, 都會覺得我是個老實人. 

只是一到網上互換近照, 很多人都嚇了一跳, 女的會問, 為何你拿出20年前的相片? 男的會問, 為何你還像一個念大學的小哥? 噢..... 

這個嘛, 我真不知道怎樣解釋, 也不好約人家出來, 給人家證明, 大家萍水相憑, 也無必要咁緊張, 相信我就相信吧, 唔相信我就唔好傾咁多囉, 如果要是妒忌我, 就叫佢唔該"繞行"吧(這是國內同胞叫人"過主"的用詞, 哈哈哈, 都係我地香港人D用詞絕D串D.)

其實呢, 佢地國內同胞真陰公咖, 見親佢地個個都咁鬼快老, 皆因為佢地無我地廣東人D湯水飲, 又無福建同胞D靚茶, 成日食食埋埋D麻辣和一擔擔油的小炒. 我地香港人平時又會自己煲靚湯飲, 又加加埋埋蘇浙閩滇等地的靚茶飲, 咪話我地無咁快老呢!

算了吧, 下次如果再登徵友啟示, 都係講少十年好了, 哈哈哈..... 一個沒有惡意的大話..... 只想避免人家的誤會或妒忌.

我這裡政黨.... 偷雞唔到蝕渣米

原本我這裡魁北克都有分離出加國的傾向, 大約上世紀70年代開始茁芽, 80年代鬧得最盛, 單單80-90代, 就嚇走了過百萬人離開魁北克了. 

我們剛移民來時, 市區最繁盛的街道, 處處都空了, 當時魁省非法語人仕都被嚇驚, 走了. 只是少了一百萬人之後, 稅收上, 消費上, 就嚇驚了原本支持獨立的法語人仕. 我家就是在他們一片經濟恐慌中, 移民來到, 當時我家移民條件十分優厚, 而魁省移民局也對我十分寬鬆. 一到89年64後, 輪到香港人恐慌時, 移民條件就苛刻很多, 沒有我家的優代. 

前年, 魁省獨立政黨以小數政府上台, 因為不是大多數政府, 不能把獨立宣之於口. 到今年年初, 他們以為自己可以拿下大多數票源, 就提早宣布大選, 初時他們支持度是49%. 但當有支持獨立人仕加入他們後, 人們都恐慌, 怕以前的經濟蕭條會重臨, 人人都轉軚支持聯邦政體的政黨, 令到他們現在只有25%支持度. 

人們預算, 下星期一大選, 他們必輸無疑, 支持聯邦政體的政黨會再上台執政. 

這個真是叫做..... 天收佢地了, 上台唔夠2年半, 就又浪費公帑攪大選, 又想攪獨立, 結果連法語人仕都唔再支持佢地. 

PS: 如果任何法語人仕看看滿地可的移民, 就知道滿地可經濟比魁省其他地方好的原因. 一些如我家一樣的移民生活在魁省, 只會帶來更多就業和機會, 沒有了我家這樣人, 他們真是會十分大鑊. 而我家作為移民, 也盡了本份, 為魁省帶來一定的消費和機會.

北美唐人街滄海桑田發展史

每個星期行經唐人街, 都沒有發現太大改變, 只是如果在這50年裡, 每年去拍一幅照, 可以講是滄海桑田. 

就以超市或雜貨店為例, 以前是台山老華僑開的, 顧客唔識講台山話或廣東話, 他們不知道怎樣服務. 後來, 福建和越南華僑開超市, 不單服務多元化左, 連貨品都多左, 以前我家在這裡買不到章魚乾來煲湯, 要落到波士頓或多倫多買. 再之後, 96年台海兩岸衝突, 台灣移民來開了超市, 最為人津津樂道的, 要算是有一台灣人超市集團, 被本地西人大超市集團收購了. 

之後, 中國北方移民來了, 他們經營的方式比台灣人更進取, 更有策略, 令到福建和越南華僑的家庭式超市, 面對生存的困難.

前幾天, 在某商場裡, 遇見唐人街超市的國內老闆, 他人倒也不錯, 每次見到我, 總是笑笑口, 讓人留下良好印象. 不過, 我卻見到他在那商場裡有個秘密的竇口, 在眾商舖中間, 佢有間密封了的房間, 看來這商場也是跟他有點關係, 最少是股東之一.

有時, 我自己倒佩服, 但又有少少妒忌他們咁叻, 我已經猜到他們想些什麼了, 他們經營手法, 往往不是著眼於自己現在賺多少錢, 而是著眼於自己的市場份額, 不講求自己資產淨值, 到他們佔有了市場上最大多數的份額時, 他們就有能力主導市場, 甚至價格. 

我一看就知道這是北方商人的手法, 尤其是山西, 晋商當年的煤炭業就是這樣發蹟的, 之後他們進軍其他行業, 如零售和批發, 涉足民生各項東西.

將來唐人街怎樣, 我估計唐人街又不是只有一個, 可以開多幾條, 這些人佔有唐人街的最寶貴地段, 未必就能夠主導市場, 不過, 他們有一個最大的優勢, 就是超市貨源全由國內來, 福建和越南華僑小商戶, 一定無能力跟他們爭貨源的份額和折扣. 之後, 必定是國內不同地域來的國內超市老闆天下, 而每一個區的唐人街, 就會劃分成不同地域國內移民的聚居地了.

在香港月入萬餘, 仍要睏街的原因

睇報紙咁講啦.... 

其實, 真係無乜可能會發生, 香港住屋點貴, 都係幾千有個擋房了.

原來, 情況是..... 這位人兄早年北上娶妻, 原本上邊以前1-2千元家用就好好洗, 現在當然唔得啦. 佢家人係上邊, 樓都買唔起, 租屋住咋, 家用去左佢人工一半有多. 

講真呀, 現在上邊物價飛升, 就快這位人兄接佢上邊家人落來住, 還比上邊生活平宜呀.

PS: 真係唔可以一本通書睇到老, 舊日港燦們在上邊豪, 今天港燦們見到上邊物價而心酸. 2000年前, 我每次回港, 見到D人日日上上邊消息. 

以前見番舊朋友舊同學, 每聚會時, 話題都離不開上邊有乜好消費地方, 有乜好玩地方. 不過, 隨著大家步入中年, 開始要打算退休後的生活了, 洗錢都應保守一點, 最近再見, 都已經開始改為講講各人的子女了, 我唯有講下D侄仔侄女, 哈哈哈....

套用番國內那套, 可能不是怪現象.

上海市辦了一場別開生面的相親會..... 是父母來參加的, 不是兒女. 

其實在香港, 人們說中女中男, 當然比不上國內說剩女剩男, 那般帶有貶意. 香港任何未婚中年人, 也不會被人貶低, 但在國內, 情況就不同了, 相親會由父母來代勞, 主要是免去當事人的尷尬.

只是, 有個情況, 卻可能令港人感到怪異, 有男方的相親父母, 明確開出的條件, 竟是女方父母要有500萬人仔家產. 大佬, 怎可以講到出面咖, 就算更靚仔, 更好學識, 更高薪厚祿, 更優越的家庭背景, 都不能保證日後男方情況不會改變, 正所謂人有三衰六旺, 講唔埋日後女方為男方解困呢?

而且呢, 我覺得呀, 談感情, 一講錢就傷感情, 除非對方有心搵我笨, 有心要我作出一個十分不平等的承諾, 如果唔係, 我都不會討價還價, 只會說, 婚後會一切為對方試試去辦. 當然, 我一定不會婚前辦妥, 好去看出, 對方跟我的感情有幾深厚, 對我有多少信任. 也向親戚朋友表明, 這個不是一個婚姻交貿, 是一個潔白無瘕的婚姻.

不過, 對國內的情況見怪不怪了, 這些人心裡怕對方女兒和父母, 把自己兒子搶走, 如果女方有點錢, 就不會太加重自己兒子的負擔, 兒子將來就能夠有多些能力來照顧自己. 

PS: 哈哈哈..... 照咁講, 我D侄仔侄女唔係可以開好高的條件. 唉.... 其實, 我只望佢地唔好好似我咁, 唔好遇到D麻煩人, 唔好俾人拖到連拖都拍唔成. 實在太理解這句, 不招人妒忌是庸材, 只是如何不被這些庸材攪住哂, 就真係好講智慧了.