拜神唔見隻雞 = 拜堂唔見新娘.

最蝦碌的婚禮, 竟然是..... 一隊迎婚車, 由安徽宿州娘家接了新娘後，就諗住趕回新郎家的江蘇徐州, 其實都唔係好遠姐, 粒半鐘就去到啦, 點知道, 可能在娘家飲得茶太多, 中途人有三急, 成班友走哂入去做解放軍..... 又男又女....

大家知道啦, 新娘有婚紗嘛, 去廁所當然係最麻煩最慢果個, 到舒服哂出來後, 才發現人人都以為新娘已經上左前一架車離開了, 個個走哂, 得番新娘一個係條路上, 手袋手機全在車上, 只得一步步咁走去新郎屋企.

幸好國內無乜私穩法, 交警見到新娘穿住婚紗咁樣行, 就可以走埋去問明情況, 唔似得美加這裡, 真係要發生狀況才可以來問. 

交警立刻打電話俾新郎, 通知佢, 佢漏左佢老婆係度. 哈哈哈.....