不老的回憶

各位BLOG友仔, 今天係中國情人節, 就同大家講下關於愛情的事情.

適憑香港無記電視台重播鄭生抽果套"豬劍恩仇錄", 就快結尾.... 就快香香公主香左, 就由這裡開始講呢!

其實睇番幅 POSTER, 就算用今日角度和水準來看, 我都覺得無解可擊, 靚仔靚女靚衫靚場景.

不過呢, 個故事的結尾(陳家洛把香香公主送回去給咸濕王帝, 最後令到香香公主自殺身亡), 放在現代人的角度和觀點來看, 又覺得有點..... 最突出的其中一個想法, 有人說劇中相送的那一幕, 好像現代的姑爺仔說服D女仔去做舞女咁喎. 

不過, 姑爺仔係唔會淨係拖手仔咁純情咖嘛..... 不過呢.... 當時有很多女性睇到喊苦喊忽咁喎, 其中幾個呢, 包括我阿媽和我D阿姨呀, 唔好講D姨丈們, 單講我阿爸, 都不比鄭生抽有任何差姐, 只係差在我阿爸唔識整喊我阿媽之嘛, 做人老老實實, 而劇中的情節, 一定係要攪到D女人喊先收手囉. 

傳聞呢, 這些武俠小說呢, 唔係全部都由金庸寫出來, 很多時候是由倪匡代筆的, 不過, 睇佢個仔點對慳妹周慧敏, 點去唱衰潛在對手劉鍚明, 就知道這些人的愛情觀念有幾假了. 

所以到最後, 愛情不在乎山崩地裂, 激情灑淚, 而是在乎做人老老實實, 誠誠懇懇吧!