如果真係有早知......

前幾天有網友仔來問我投資港股...... 這個嘛..... 我真係唔識.... 就算叫我講美股加股, 除左我一向睇開留意開果D之外, 我對其他股票, 都只係盲毛炳一個囉. 

所以, 我不是先知, 我也不會用先知的口氣來說話. 

因為, 我自己心裡知得太清楚, 做任何投資都有風險, 都有機會蝕錢. 

其實, 就算大家一齊買同一隻股票, 但不同人..... 不同性格..... 不同際遇.... 不同處境..... 不同想法.... 不同價值觀, 到最後, 可能一個蝕大錢, 另一個卻賺大錢.

首先, 要提醒大家, 當股評人說某隻股票有機會有百倍之利, 也即是在說, 這隻股票也有機會蝕大錢, 風險和利潤是永遠掛勾的. 

最後, 大家都聽過, "有早知無乞兒"這一句, 小弟在股海浮沉多年, 深感到, 如果真係有早知, 滿街都係乞兒. 其中理由係..... 既然一早已知,  誰錢多就一定贏硬, 李生一定贏到開巷, 我地一眾小嘍囉仲洗有機會搵銀咩發圍? 實行變乞兒了. 

所以, 世事沒有早知, 大家都係度估估下, 這個呢..... 我地一眾小嘍囉還有機會搵銀嘛!