乜我講到好似臨終交待咁, 哈哈哈......

近排我這裡滿地可, 去市區的高速公路係度左整右整, 真係要成條拆哂再起過果種(因為舊的, 已屆使用壽命極限了). 

我計過時間了, 搭巴士地鐵去唐人街玩, 如果唔係星期六朝早, 揸車仲耐呀...... 

所以, 我學左阿豬潤發咁, 生活要素而簡, 買左月票PASS 去搭巴士地鐵, 任我搭LU喂. 係唔使返工的日子裡, 我就用張 PASS 週圍去昅野. 

忘記了講, 前排我老細佢嫌我人工太高了, 請左幾個新仔回來, 再叫公司其他人來接替我, 咁就真係開正我果路了. 佢補番夠舊錢俾我JJ, 等我教埋接我手D人, 我就可以同佢講拜拜LU. 

佢本來話出舊細D錢俾我, 再加公司股票的OPTION 俾我喎. 但我心諗, 佢請埋哂D盲毛炳回來, 我懷疑佢公司將來的賺錢能力, 所以, 到最後, 我都係同香港一眾公務員一樣, 臨走時, 要求一次過清左D數就算了. 

咁, 老細一同我咁講, 我就立刻聯絡番以前秘撈的米飯班主, 睇睇有無得再撈秘撈嘛! 但係一聽到佢地叫我等佢地回我, 我心裡就涼左一截囉! 

好啦, 其實現在大把後生仔搵唔到野做, 我都係唔好同佢地爭了, 有秘撈就做, 無就算數啦, 橫掂夠洗夠用就算 Q 數 那嘛!

今個日係最後一日返工了..... 呵呵呵...... 蛇埋今次係工作時段寫 BLOG, 以後就可以幾時寫都得了. 

PS: 在這個沒有 JOB SECURITY 和 CAREER PATH 的年代, 唔好嫌我JJ 長氣呀各位, 年青時真係唔好拖住條咭數, 青壯年開始就一定要有儲蓄, 中年就一定要去投資, 做好理財, 還有, 娶老婆, 要娶個會理財做家務的, 我不是說要老婆做煮飯婆, 而是個老婆唔會跟自己有太大的分歧, 而大家女綱友仔, 也是一樣, 結婚就同個會理財會做家務的人結婚, 千祈唔好同個喜歡打機的男人結婚, 這些人實在有暴力傾向. 

到最後, 最重要的, 唔好離婚, 大多數離婚的人, 財政都不會好, 晩境也不會好. 如果婚前發現有離婚的可能, 就要想清楚, 問清楚對方的一切, 才好結婚呀. 雖然, 我JJ沒有結婚, 但緊慎令我避免人生最大的危險.