毋忘香港!

我JJ這邊加記魁省車牌上寫著"JE ME SOUVIENS", 意思即是指: 我們記著我們的一切. 

大家都知道, 我這邊係法語省份, 本來叫新法蘭西 NOUVELLE FRANCAIS, 在18世紀未, 英法交戰, 法國艦隊不單在海上打輸了, 而且還在新大陸的北美洲打輸, 這裡新法蘭西就變成英國屬土, 當然日後的學校, 都要用英語授課了.

後來加記本土化, 老家英國把更多自治權, 歸還給加記的本地人. 

直到1967年, 加國開始有自己的憲法, 加上當時法裔人仕是第二大民族, 咁樣, 加記就變成一個英法雙語國家了. 

法裔人仕沒有忘記自己的文化和一切, 所以, 口中記掛著這一句,  JE ME SOUVIENS/我們記著我們的一切!

今天, 我們港人要說: 毋忘香港, 香港以前有的法治自由人權, 港人不會忘記, 任何人想法理上變得合法, 請不要忘記港人毋忘香港, 也要相應地在其政績上, 做到尊重這點! 任何人忘記了這一點, 口中怎樣說其合法, 都只會是徒然的! 

實在不能把非暴力遊行的人拿來判監, 而且還判十幾個月這般重, 這樣就令人相信"香港以前有的法治自由人權!" 這個對幾百萬港人, 甚至過氣港人, 十分不尊重! 直頭就係叫人快D走, 或走左就唔好再返來, 跟出榜安民, 叫人留係度, 剛好來個相反動作. 

PS: 老董話D人去外國係無遠見, 只是老董齋嗡係無用喎, 以前都有甜頭氹下人呀! 現在連甜頭都無喎, 分明佢已經係"靠邊站"的一族了, 話唔到事, 無牙力, 又做唔到乜出來. 現在出來話人無遠見, 突顯佢政治生命就快壽終正寢, 出來苦苦勸人咪走, 目的係留住佢政治命根, 唔洗上邊派人落來填補走左D 人時, 連同老董佢地這些政治團體, 都一齊被取代埋.

 

 

移民後的頭10年

 最重要的是, 卻是睇餸食飯, 量入為出囉! 唔好洗大左呀! 更不要拖住條咭數!

當然一到埗要置業置家, 就會用多D囉! 通常定一個預算囉! 依照個人需要來置業, 單身買個小單位, 夫妻倆買個中單位, 有子女就買大單位或屋囉! 

通常屋稅是屋價的1~2%, 預留10年的屋稅, 即是預算中, 屋價要計110%. 

例如: 單身一年生活費是1萬加仔, 10年即是10萬, 能夠食股息的, 咁就頂瓜瓜了! 

我JJ自己喜歡 3分計, 1/3 現金, 1/3股票, 1/3 屋. 如果拿1百萬過來, 用33萬買4%股息的加股, 一年都會有1萬3千息, 來做生活費呀! 33萬買個單位/買些簡單傢具/買部細車! 留下33萬現金來, 再決定做一些長期投資, 或小生意! 嗱, 咁就一流了, 

見到好多人錯在買間屋太大, 不單鎖死D現金(更不要說付按揭了), 而且要俾更高的屋稅和維修! 也見到好多人錯在買車太充豪, 一闊3大, 其他洗費也拖大左, 得不償失!

我JJ家中小小野, 大多自己落手做, 修修車/修修屋/煮下飯/做家務, 咁樣盤洗費就好容易計到, 因為小小野自己做後, 餘下其他的, 全部都係大數, 汽車每年換油保險, 已經好清楚, 家用食物又係大數來, 好易計出來! 屋稅保險又係大數, 咁就一目了然了. 

移民後的細數開支, 才是最攞命的, 好似溫水煮蛙咁! 

控制到D細開支, 就可以確保移民後的生活安好, 所以移民最困難的, 就是控制細數目的開支, 也是最傷腦筋的!  

如果唔係單身, 夫婦或有子女, 咁就更難控制細數目的開支了! 不過, 這個是移民後最難的一關, 好似每用一個仙, 都要諗過度過才用囉! 對人的自信和精神, 會有不少的衝擊.

不過, 過左頭10年, 一切習慣左, 生活上左軌度, 咁就一切OK了. 開始知道要唔要洗果D錢, 洗來有乜用!  咁就會精神輕鬆左好多呀! 

PS: 移民後果幾年, 心裡忐忑不安, 是十分合情合理, 唔好因為有精神壓力, 就用菸酒/抽大麻/賭錢/嫖妓/購物來減壓, 一沾上惡習, 移民後的人生, 就會倒轉咁來惡化. 

首先, 要找些健康方法來為自己減壓, 順應自己的心思, 來做些健康的事情, 例如: 多出外接觸人呀, 大自然呀, 做些運動呀, 看些輕鬆電影或電視節目, 笑多D呀,

我唔知道女人, 不過男人呢, 我就好清楚了, 有時真係要同異性有點接觸, 如果唔係, 就會變成其他惡習了! 

我JJ前幾年, 成日發燒頭痛, 後來有朋友同我講, 男人到中年都仲單身, 係唔好咖, 好影響健康喎! 不過, 我現在已經過左那些頭痛的歲數了, 可能唔太需要同異性有接觸! 尤其疫情下, 唔好講話陌生人, 連認識多年的朋友, 都唔敢出去見佢地呀! 

其實, 大家移民過到來, 如果有人邀請大家去教會, 都係好事來的, 可以擴展大家的社交圈子, 每遇生活小問題, 有多些人來問問, 給給意見. 不過, 去教會就唔好諗住接觸異性, 接觸異性那方面, 就唔好係教會了, 省得麻煩別人了! 

異性方面, 唔諗就唔會有野, 最多係有時發燒囉, 出去跑下步, 做做運動, 咁就無事了. 

 

 

計劃經濟下的躺平一族?

 最近, 上邊熱傳一個名詞"躺平", 連上邊官方都要出來抑止這種思潮在人們中間蔓延, 而且更有升級來壓抑之勢, 甚至可能上到以國安做理由喎. 

只是, 讓人們問一問, "躺平一族"現在才有嗎? 以前沒有嗎? 是的, 以前真係無"躺平"這一名詞呀, 不過, 以前就有那一句名言"做又36, 唔做又36"!? 

所以, 名可以改, 但實際背後所指的那群人, 是相同的人啊!

也所以, 上邊就算加料提升去到用"反黨反革命"來對付 "躺平一族", 也沒有用啊! 因為隨時隨地可以改過個名呀! 吖..... 改叫"8936一族"? 啊! 太敏感嗎?  改叫"6636一族"? 呵呵呵, 咁就真係阻唔到D人創意喎, 呵呵呵呵呵呵.... 就算請澌所有人入國企裡頭, 都阻止唔到"躺平一族"的蔓延喎!

嗱, 我以前見到一幅相, 係95年左右, 開放後拍的, 係影著一個農民工, 臥在他那十分簡陋工柵的休息床上, 十分開心的數著賺回來的一疊紅色毛大頭. 當時那工柵簡陋的程度, 比現在突區過左河的那深X龍江區裡, D3和大神睏果D, 仲要差很多, 不過, 當時農民工的積極性, 比現在D3和大神, 差天同地呀! 

為何以前果句"做又36, 唔做又36"唔見左咁多年, 被積極性強的農民工取代, 但現在D人無左積極性, 變返做以前咁來躺著\蹲著\踎著\HEA著? 

嗱! 人們就真係應該要問問...... 誰攪左個大頭佛出來? 誰人令到所有人想到感到"40年一覺南柯夢!?  誰令人們回到未開放改革之前? 誰人要背這個黑鍋呢? 哈哈哈哈哈...... 大家唔洗發揮創意咖喎, 因為一諗就諗到係邊個嘛!

啊! 照我JJ話齋呢嗄....... 妖! 發夢都要人發到咁Q辛苦, 發夢裡頭都仲做到隻劇咁, 不如, 連夢都唔好發啦! 

現在如果再有人好似老鄧咁來同大家講, 乜乜改 乜乜革 乜乜開 乜乜放,  都咪信佢呀! 因為接佢班果D友, 隨時唔照本子辨事咖嘛! 

好啦, 下次再有人好似老鄧咁, 來遊說大家呢, 大家就叫佢出高D OFFER 喎! 唔出到"一人一票", 唔出到"三拳分立", 唔出到"政黨輪換", 大家都咪信佢呀!

本土建制應怎去留住政治命根? 留住護身符?

 十分明顯地, 由前年撒回修例起, 本土和上邊有著明顯的分歧! 咁係乜野?

本土一撒回修例, 上邊自己就立刻為突區立法, 並且立刻套左落突區度, 一心想著, 如果港燦大量走佬, 就用上邊班友來替代離開D人.

但係, 本土班友當然知道, 當港燦一大量走人, 港燦人頭一減少, 被上邊派人過來替代, 而本土建制佢地隨時也會被取代, 個個都會無得再撈, 變成樹倒猢猻散!

所以, 777 和 689 同時一齊異同聲出口術, 想叫一眾港燦唔好走, 來避免上邊派大量人過來取代港燦, 並避免佢地都被上邊其他政治團隊來取代! 

這班友本應該一早預左, 兔死狗烹, 鳥盡弓藏, 港燦根本就是這班友的權力基礎, 沒有港燦對突區的美好憧憬, 留在突區, 佢地權力就不會穩固. 這班友當初與其跟港燦攪到咁殭, 倒不如好似煲呔咁, 靜靜抗命? (大不了俾人打一身, 關入監牢) 只是這班友多年內, 連年子子皆下錯, 變成現在滿盤皆落索! 不知是否自找絕路? 還是被第三方扮佢地來教禍? 變成打破了一眾港燦對突區的美好憧憬!

路走到今天, 好像777 和 689之流,  都知道佢地前路如何了, 上邊對他們暗地裡挑撥離間, 下邊又對他們視為千古罪人, 這班友實在不應再彼此指指點點, 實在應該想想怎樣去安民和解, 留住一眾港燦, 留住佢地緊緊剩餘下來的權力基礎, 留住佢地現在還有的護身符.

PS: 看 689 和 777 現在的處境, 一眾港燦都應該引以為鑑, 表忠的下場原來係CONDOM一個, 這些人被人家用盡佢地一切政治資產不突止, 還要令到佢地跌落政治深坑地獄裡, 永不翻身, 世世代代都要做人家傀儡木偶, 這個才是最得人驚!

歐美不單用突區來搭橋, 來做橋頭堡和緩衝, 還用突區來對上邊做試金石, 觀察上邊在突區內的一言一行, 摸清摸楚上邊對自由民主世界的真正意圖. 不知道現在是否狐狸露尾巴? 還是歐美對上邊存在政治誤判? 總之, 我地一眾港燦咪以為可以在短期內, 突區會變番轉好似以前咁, 突區對上邊對歐美的窗口/緩衝/搭橋作用, 已經消磨得七七八八, 未來一切, 總不會好似以前咁, 而我地一眾港燦一向行緊的"錢途無限", 大有可能已經壽終正寢. 

我地一眾港燦就唔好再對"錢途無限", 有任何懸念了, 以前賺到錢, 唔好再諗住用以前的方法, 再去錢搵錢, 現在係保本保命的時勢. 

唔好做出頭鳥, 唔好受人注意, 唔好俾人有借口, 唔好俾人來割9菜, 也唔好俾人知道大家袋中錢多多, 總之俾人知道, 生活過得充裕, 咁就得了!

 

港燦移民後, 如何對突區現況說不?

多年前好多港燦移民來加記, 大多都罵罵聲咁回流回去突區! 只是, 過多幾年後, 在突區政改方案中, 人們質疑當時上邊D取態, 兌現不到先前聯合聲明許下的承諾, 上邊就底氣十足硬起來, 並說: 不喜歡可以去移民! 當時我對那些回流回去的港燦, 有點生氣, 如果無這些人回流返去, 上邊D人點敢去到咁硬呢?

係呀, 我JJ一向都同人講, D人就算點樣唔妥上邊, 說話是沒有用的, 真實行動最實際, 移民後, 唔好回流回去, 留係移民去的那國家, 生活得開開心, 生活得有意義, 咁就係最佳的說不方法.

知唔知道, 回流回去的港燦, 給上邊D人有乜印象? 好差呀! 佢地睇死港燦唔得喎! 

有次我睇我這邊加記D大6新移民網站, 好多人忽發奇想, 批評港燦的民主人權理念, 誤以為港燦用難民身份來加. 就代表港燦生活得唔好. 

我JJ就立刻出來同佢地講: "港燦一早已經生活充裕了, 來到加記這些農產大國, 不愁衣食, 不用打工之餘, 更有力顧人來工作, 而且跟加記民主人權理念相近, 生活得十分舒服, 相反, 如果大6移民批評港燦民主人權理念, 就會在加記社會逆水行舟, 不用說萬裡無一的富人, 都生活得不舒服, 更惶論一般用假理歷移民, 來到後要做手作仔, 這些人係加記D生活就一定會像人間地獄!, 生活得咁慘, 倒不如回去食大鑊飯吧!"

其實, 有麝自然香, 在外國生活得好好的華人, 發展得好好, 根本就係人家一心想要爭取的對像來咖! 最重要係, 人家需要我地, 而唔係我地需要人家! 

最怕係我地港燦自己人當中, 有人唔生性, 不務正業, 成日發埋D發財夢, 還想去打人家荷包主意, 好似以前人家來突區集資咁, 以為好過癮, 就一直落搭, 落落下就無得說不了.

所以, 現在任何港燦想說不, 首先就要先做好自己份內事, 生活得踏實, 人到無求品自高之餘,  在移居國家裡, 發展得好, 咁樣..... 人家點會無顧忌呀!? 最少, 都會擔心佢地自己D無用野, 收買唔到港燦, 港燦會一眼睇穿, 一口說不, 最少唔敢開價咁低, 甚至亂來嘛!

PS: 老實說, 換轉我係上邊, 面對突區的態勢, 我都會做二手準備, 平時收收埋埋唔出劍, 但其實一早已經準備好全面管治. 就算老江老胡時, 都係做同一事情, 為到全面管治做好準備工作, 只是現在阿雜某某, 狼死D, 做事跨出來的腳步大D, 不怕公眾諭論.

可能大家一直有錯覺, 覺得阿雜某某咁做法, 得罪左上邊好多X代, 上邊好快會有內鬥. 其實, 大部份的X代, 都係話阿雜某某好野, 夠膽色, 做事夠快準狠, 就算將來換左阿雜某某落來, 都會換個好似佢咁的人上台呀! 

所以, 大家咪再有僥倖之心, 誤以為上邊會好快有大變局, 其實, 現在反對阿雜某某果D, 唔係大多數呀, 只是零星一少部份人. 當然, 大部份X代見到現在...... 有阿雜某某做醜人, 就唔洗自己走出來台前做醜人, 所以才裝出一幅對阿雜某某不滿的表情, 來誤導公眾, 令公眾唔好來怪佢地. 其實佢地心底裡, 阿雜某某做D野, 係好岩佢地心水的, 只是佢地唔想自己做之嘛! 正中..... 西人那一句, this is a dirty job, somebody got to do it! 

與其說, 阿雜某某會眾叛親離不得人心, 不如說佢捱義氣, 為眾多X代同伴做澌D不受歡迎的事吧!

 

 

移民後, 會有乜大忌? 會有乜唔開心?

大家豬唔豬道, 移民之後有乜大忌呀?

哈哈哈, 其實, 大忌只有2個咁多咖咋! 

1. 唔好依賴番以前係原居地的人生路徑 - 始終在新的國度新的地方, 一切都唔同左, 例如, 就好似以前係突區買左層樓後, 一直供完佢, 咁就人生唔洗憂, 但係係新國度裡, 這個就大多唔係完全一樣囉! 而且, 唔好講移民去的外國啦, 可能連未來的突區都不會一樣咖! 所以, 大家無論移民或留, 都要唔好再依靠以前突區慣用開的人生路徑呀! 大多數人行的人生路徑, 大家跟住去行, 到頭來都係係人群中間, 大家自己人生係唔會太大的突破呀!

2. 不要抑壓自己情緒 - 唔依靠原本係原居地, 習慣行開的人生路徑, 大家心裡就會容易迷失方向, 有些患得患失的感覺, 這個就是失去安全感了. 嗱, 大家失去安全感呢, 係咪成日心裡唔舒服呢! 有時, 夜晚睏睏下, 就會因為不安的情緒而扎醒起來, 甚至會出一身冷汗呢? 大家移民後, 就真係要習慣這"失去安全感"下的情緒, 其實, 這個情緒係正常咖, 唔好去抑制這情緒, 應該花時間去了解這情緒裡頭, 了解自己這些情緒, 有時這些情緒是在講俾自己聽D重要信息囉! 千祈唔好去飲酒/吸大麻/食藥來抑壓這個情緒, 相反, 應該去開導這個情緒呀! 甚至順著這情緒去做事. 過左移民頭果5年, 大家就會容易好多呀!

至於入鄉隨俗呢, 可能每一個人都唔同, 我JJ走去做義工, 但其他人未必都好似我咁, 所以, 入鄉隨俗只是形而上之, 最重要係自己係移居地裡, 感到跟這地方生了根, 有了感情, 咁就得咖啦!

最後講..... 有乜唔開心了!? 移民後行過別一條人生方向, 可能家人之間未必可以做到同步或同方向嘛, 始終都要彼此遷就和讓讓家人囉! 嗱, 這個才是移民最困難的地方! 因為家人的想法/方向/步伐大多跟自己不一樣呀!

嗱, 就好似我父親對磚頭情有獨終, 而我自己就好新時代想法, 認為投資係好企業上, 比磚頭好很多! 咁, 我都有聽我父親講, 走左去買出租物業, 不過, 比揸股辛苦和麻煩好多! 物業要維修, 租客要管理, 但回報就唔見得比DOWDOW 指數高好多! 扣番自己出的勞力和汗水, 可能投資股票更好呀!

家人之間想法的差別, 我JJ大多都用冷處理, 事過境遷後, 就唔好再提起了! 也從不再抱恐了, 話澌過左海就係神仙. 當然, 講番轉頭, 時光倒流回去90年代, 家陣當然知道買股票好. 一直說話說回頭去, 就會好似先知預言咁靈, 也總是振振有詞. 不過, 換轉番2021年的將來, 一切事物又未必好像90年代咁去發生喎. 

但如果我JJ再返轉頭回去90年代時, 我都係會聽我父親建議, 分散去投資, 話哂真係無乜理由話佢錯的! 只是我個人喜好, 但磚頭唔岩我姐. 

以古鑑今, 從一部電影, 看看港燦何去何從?

其實, 我JJ好細個時, 都已經聽過華沙抗暴這個故事, 是講1944年, 波蘭首都華沙的年青學生和平民, 對德國納粹佔領軍的反抗,只是後果卻是分悲壯的, 滿懷熱誠的參與自願人仕, 大多都犧牲了(1萬7千波蘭流亡軍人和25萬波蘭人民死亡 + 華沙有85%地區被摧毀). 以前好似故仔咁聽, 水過鴨背, 但這幾年突區發生的事, 卻使我對這個歷史, 有著第一身的體會, 不像以前, 總是覺得事不關已.

波蘭人民一直沒有放棄, 直到1980年代, 成立團結工會, 但要到90年, 前蘇聯解體後, 才能獲得國家的自主. 只是..... 國家自主和人民自由, 卻是經歷漫長之路, 若果由1939年蘇德瓜分波蘭起計, 前後就經歷了50年時間呀! 

在美加, 有很多波蘭移民, 移居當地, 就好像我JJ咁, 移民左來加記呀! 

首先, 影片中說出一個真理, 平民拿起槍來, 是鬥不過訓練有素的職業軍人呀! 就算面對普通一名治安人員, 一般平民都不在勝算之中. 只是我JJ卻認為, 除了用武力, 換了別一些處境, 職業軍人和治安人員, 卻比平民脆弱得多呀! 因為, 當時一個移民美國的波蘭人, 除了武力外, 任何處境, 都比當時任何一個德國佔領軍都要好, 一個德國佔領軍身無詳物, 更是沒有生命和財產的保障!

所以, 大家唔好用人家的強項來撼動人家! 話雖是仗義每多屠狗輩, 但是如果可以有多種不同的方法, 為何不用一些對自己有利的方法呢? 

從我JJ移民生活來說, 移民後活得開開心, 活得有意義, 就是說"不"的最佳方法, 之後再使用自己的強項, 比用自己短板要好好多呀! 

聽有位同是過氣港燦的移民朋友說, 他服役在加記海軍艦隻上喎! 唉, 佢以前同我差唔多咖咋, 係加記大學畢業後, 做了多年工作, 前幾年佢去左當兵, 這個就唔係為左溝女了, 哈哈哈! 其實, 佢咁樣, 反而更有效呀! 最少有份糧, 有個官階, 生活安定D!

二戰時, 很多在美的波蘭人, 參軍去打納粹德國咖! 這個, 總比一個平民, 勝算會高很多呀!

PS: 這些事情, 絕對不能玩玩下, 更不要用來溝女呀! 未做之前, 大家真係要想清楚才好去做呀! 其實, 係有好多更好的方法去做咖喎!

祝願這位朋友一切安好

 這位朋友係大6專拍旅遊視頻的, 佢前幾排無乜去太多地方, 但夏天快到來下, 他就坐軟舖火車廂, 去了營X的鮁X圈, 網上有說, 那裡爆了, 裡頭的人如果沒有任何原因, 就要留在當地, 不要離開當地. 

只是這位朋友不是當地人, 靠住旅店, 也要上食館解決三餐. 

不像我JJ咁, 這裡加記有疫情, 就少D出街, 唔出外吃飯, 一切買回來, 在家中解決, 風險就低很多. 

這朋友是外來人, 就風險大很多, 當地衛生部門一見到佢, 就會隔離佢了! 真不知道是好還是不好! 

都係果句啦, 在現今情況下, 大家無必要時, 都係少D週圍去, 等到疫情數目清寧下, 才好遠行呀! 因為隨時有反覆, 大家唔係當地人, 風險會比當地人高好多,  不像留係原居地咁, 保障會大好多呀! 

PS: 哈哈哈, 再睇埋佢下一個視頻, 才知道佢一落火車, 就唔停係當地, 直接轉別班火車去其他地方, 佢一定係收到風聲, 就立刻走人了. 大家如果係大6自由行呢, 就要識得好似當地人咁去收風呀! 有時搵個當地人一齊去, 會比較理想一D囉!

不過, 我JJ係獨家幚來咖, 獨來獨往, 習慣萬里獨行咖! 所以, 我大多都係會留係美加自由行, 去其他地方才跟旅行團好了!

當今港澯生存之道

其實, 777 講移民他方的人, 都是逃犯, 大家係咪好慶呢? 之後情緒係咪變差左呢?

大家如果係咁, 大家就真中計囉! 這些小人, 根本無力來撼我地幾百萬港燦嘛! 全都係係度攻心為尚!

大家知唔知我JJ點解係網上同人講, 我移民來加記後, 生活得比係突區好十倍!? 健康和錢錢又比突區好N倍!? 當然, 我唔係係度虛報啦, 真係事實呀嘛! 主要因為我真心希望, 大家對移民有個正面的想法囉! 唔好自亂腳步! 唔好俾人誤導!

當然, 移民之後好靠自己呀! 但真係唔洗怕吖嘛! 一切付出的, 一定唔會比收回來的少, 一分耕耘就有一分收穫. 

移民去民主自由國家, 有選票在手, 自己係老闆, 無人會可以係我JJ兜裡挪飯食喎! 而且, 有自由去轉變自己企個乜位(唔似突區只有黃藍), 唔喜歡打工, 就去創業囉, 再唔係去做個投資人! 始終都係自由社會, 有自由選擇自己去做乜, 企乜位吖嘛! 

所以呢, 戰勝777呢, 我地一眾港燦就要活得開心囉! 最能擊毀這些小人的, 就是我們一眾港燦在移民後, 有個美好的生活! 講俾777 知道, 我地唔需要你這些小人, 你地這些小人現在把我們一眾港燦D儲備來亂舞, 將來我地唔會再墮入相同圈套裡! 你地未到床頭金盡, 上邊已經火速整緊你地, 之後無港燦會可憐你地.

想戰勝777, 我地一眾港燦移民之後, 就要活得好, 開開心心過每一天的生活! 唔好俾這些小人奸計得逞喎!

PS: 我以前去果間唐人教會, 麻煩人實在多多呀! 我從來都唔敢著名牌返去, 試過一次著名牌去, 就俾人來說理了. 不過, 後來我唔再去後, 我就多著名牌了, 再賣埋出租物業後(每次我加租時, 房客都來講佢自己窮, 話我有錢唔睇佢地), 我更加著多D名牌. 話俾D麻煩人知道, 我唔去佢地教會之後, 生活比以前好十倍呀! 係佢地令到我生活得好差呀! 佢地從來沒有益過我D乜呀! 仲要我俾錢奉獻和做鬼咁多野! 仲話我走左去唔做野!

就好似突衰政府咁, 收埋收埋我地D稅, 又賣到D地天價咁貴, 仲反話點點點來益我地一眾港燦, 所以, 我地一眾港燦要用行動來指出佢地的錯誤, 移民去到外國, 就真係要活得開心, 活得好! 唔好俾這些小人影響到心情了!

 

 

不是圍堵, 而是分流(not a containment, but a bypass)

 我JJ一直都唔信..... 任何人可以圍堵一個14億人的大國, 所以任何人用突圍思維, 來試圖解決事情, 實在是災難性的, 只會越做越大鑊咖. 

咁, 現在唔係圍堵係乜? 以我JJ愚見認為, 係分流, 把原本的商貿和生產, 分流到其他地方. 

為何老美家陣唔係圍堵? 十分簡單, 上次老美同上邊係高麗打起上來, 當時用聯合國維持和平部隊名義, 之後就用聯合國名義來實行禁運..... 不過, 大家想想, 50年代之後發生D乜? 當時上邊人口連5億都唔夠, 雖然當時東亞地區之間的互動, 較現今少很多, 但一對上邊作出全面禁運後, 所有原本做開互動貿易D人, 全部坐哂係度, 無得做呀! 之後, 大家見到東亞地區商貿一打柴, 地區內的共慘革命就火速急升, 燎原千里呀! 之後有乜? 太共呀, 瑪共呀, 印共呀, 非共呀, 越共呀! 連咖仔都走左赤軍派出來. 

之後, 老美就知道, 全面圍堵只會助長共慘煮義火速擴張, 相反, 資本主義世界就變得更被動了, 除左太共, 印共, 非共被老美硬扶的當地軍人政府壓左落去, 越共, 柬共, 寮共就入主中南半島了. 直到70年, 老美同上邊建交, 再由上邊出兵去壓下中南半島的共慘擴張了. 

所以, 根本上, 老美現在不是圍堵呀, 如果用一個反圍堵劍指突破的策略, 尤其乜乜箭囊手法, 簡直係自倒其米, 愚不可及. 

人家越是用分流手段呢, 就要用連橫以對之, 越是要放出和平友好的面孔, 越是加強經濟利益的互動, 始終這是13-14億人口的大國, 不要說圍堵, 連分流都已經係極之困難來全面實施喎!

不過, 事已至此, 實在復水難收, 本來未有疫情, 只靠當奴友係度齋UP話要點點點, 就算佢連任多2-3屆, 都唔會攪出現在的局面, 但疫情一擴散開去, 把原本與上邊的經貿互助.... 分流到其他國家和地區的舉動, 各國就變得更有默契和合理了.

大家在突區生活, 就要有心理準備, 生活一定沒有以前咁好了, 搵食會難左好多. 經貿分流和疫情, 令到一切都有本質上的改變. 突區作為老美跟上邊的援衝區和交接點, 其功能正在漸漸減弱中, 一切從前對突區有利的互動經貿, 正在慢慢消失中, 當然無50年代咁快, 但再睇多幾年, 就會見到其中後果了. 

最後, 突區作為上邊的窗口, 原本可以在上邊的世界大連橫中, 發揮得十分出色, 最少, 世界有好多人會相信突區原本的制度,  叫人家先來突區, 用突區制度跟上邊DEAL, 連橫和反分流起上來, 就會更好. 

只是, 一用上反圍堵/突圍的錯誤箭囊手法, 由開始修法, 再到硬立法, 打殘左突區原本的制度, 就算現在實行國際大連橫, 都已經為時已晚, 神仙都救唔番了, 真不知道怎樣去保著一眾X代的紅色獨特社會地位, 怎去保住好多人身家/性命/財產/子孫福蔭, 免被毀於一旦?

分流, 這個就是我JJ所講的戰略陷阱, 任何人錯誤了解態勢為圍堵, 又用上錯誤的搏奕手段, 就只會加速墮入戰略陷阱當中, 加快人家合圍的時間表, 減弱自己戰略部署的可能準備, 縮減了自己戰略部署的寶貴時間! 難怪有個什麼"總加速師"的名稱, 前幾排突然咁火熱了.

PS: 大家可能會問我JJ, 人家設好左個局, 自己唔聲大夾惡D, 點阻到人家奸計得逞? 

其實, 老千奸計只係利用左人的貪念和惡性, 若果當時疫情一係上邊爆發, 上邊立刻做野, 立刻唔好俾疫情走出去, 咁, 點會俾到借口人家呢? 個局又點會得逞呢? 

如果唔係突區拉哂D溫和人仕, 係都要告到佢地坐監, 係都要連保釋都唔俾(老鄧時最少詐加衣, 唔多覺咁俾佢地走左佬, 件事唔係不了了之囉!), 人家個陷阱又點會合到圍呢? 又點會攪到無人替上邊講好說話?

歷史有沒有必然性? 還是偶發性?

 哈哈哈, 最近簫生講, 歷史沒有必然性, 嘻嘻嘻, 我JJ就蒲出來, 講講自己感覺囉!

嗱, 各位我JJ就唔似得好似蕭生咁, 佢係真真正正係大學讀歷史系畢業, 大家一睇簫生佢係網上講故仔, 差唔多無人夠佢講到咁有連貫性和有說理, 大家就知道佢係高材生畢業了, 佢D歷史修為係好高咖喎! 

我JJ讀理科出身, 到發生左陸肆後, 心裡有個夢, 才開始去思考歷史問題囉, 唔好講話連半途出家都無, 簡直係後學不學之輩. 

只是我個人的投資經歷裡頭呢, 在大風大浪不知將來, 心裡那股歷史必然性的執著和信念, 卻又幫助了我JJ堅持到底, 搭上了多年平穩開著的大船 - 好公司股票囉! 

我JJ從來都覺得自己有太多東西不認識, 所以, 當有估不到, 預計不到的事情發生時, 我JJ大約會覺得係自己人腦千算萬算, 算不到世事的萬千變化囉! 

就好似現在老美的舉動, 我JJ在2018年中時, 個方向已經猜想得到, 已經向大家發出警告, 我自己本人已經為到現在發生的一切, 在投資部署上, 已經做好應變了. 

只是我JJ就算猜對方向, 但我猜不到突區由2018年到現在, 事情發生的嚴重程度, 由修例到立角安法, 我從來沒有預計會走到這個地步, 心裡覺得這些全都是死棋, 棋子咁行法, 係死步, 會導致滅頂之災. 

因為..... 我JJ從來都少用共慘思維來想事情, 一直都用資本主義思維來想, 諗住唔應該會有人咁出棋啊! 

有時, 我JJ在懷疑, 如果我當時唔走出來烏鴉咀, 去同人講突區會無事; 而是, 當時我加多幾錢肉緊, 叫人保守一D, 小心一D. 而且, 我後來驚奇地發現, 很多人天真地以為上邊好容爆煲, 做出左好多不顧自己安全的事情, 還誤以為一切都是指日可待. 

後來發生的事, 大家都見到, 上邊一緊張起上來, 那些一直在開放中得益的人, 都不敢出聲來阻止對突區加碼加料了, 攪到突區現在行到這地步了. 

所以, 我JJ不認為歷史沒有必然性, 而是我自己腦子太細, 顧得到自己時, 未有足夠心思去顧其他人, 唉, 一切俱往爾, 我一早己經講, 上邊用拖字缺以待天下大變局(老美總統大選換政府), 但係人家卻佈置好戰略陷阱, 等著來合圍(背後的深層戰略不會因為換政府而改變)..... 這個已經係歷史的必然性了, 是熟知雙方文化和歷史後, 得出的結論.

上年股災, 股神棄油股和航空股的原因.

 大家睇睇, 原來股神比我們散戶, 可能有好多著數, 但也有好多唔著數喎. 

佢D著數, 我JJ就唔講了, 因為人人都知啦..... 

佢D唔著數..... 有人可能會問, 點解股神要係油股和航空股上年3-4月股價最低殘時, 全部放澌佢...... ? 事後證明, 小散戶好似我JJ咁, 係果時接左好似股神D大戶的貨後, 現在股價反彈成1-2倍呀! 

咁, 係咪股神傻左? 還是佢有理由? 

係呀, 原來最近才知道, 老美政府係唔會出手去救果D有大股東的企業, 由得D有錢佬用佢地自己錢去救, 免被人指控話官商勾結. 所以, 上年3-4月, 股神面對決擇, 一係出自己錢去救油股和航空股, 一係就唔再做大股東, 之後由政府去救囉! 

老美政府有最強大的金融手段, 點救點玩點整都無問題, 咁, 唔係好似大家見到咁囉, FLOODING THE MARKET WITH VAST LIQUIDITY啊! 再加上老美政府自己救埋這些公司股票, 這些公司股票回升囉!

嗱, 咁即係, 股神唔係因為這些公司長遠的因素變差而放澌佢, 主要係因為政治因素+當時市場大跌, 人人都急需LIQUIDITY, 當然人人都指望老美政府果招"點指成銀紙"啦! 

好啦, 我JJ上年買左股神果D油股後, 都未放出來, 由得佢放係度, 話澌都係股神揀過才買的, 這些公司長期基本因素都係好良好的!