誰會揸大飛?

 唔好講話一般人, 連開慣艇D漁民, 都會隨時炒艇喎! 因為艇後邊加了4~6加強馬達(一般漁民D快艇, 一個普通馬達, 就夠了), 一俾油就去, 急轉少少彎, 好易反艇呀! 而且, 咁強馬力咁高速, 一撞, 船殼就會裂開散開. 一般人如果要學要練習點開, 成本好高, 不單只油費開支大, 日光日白開出來, 一定俾人昅實, 夜晚開出來練, 好易撞一撞, 就無左隻艇. 

所以, 誰人會開慣這些大馬力快艇, 而又唔洗點練, 唔洗點放成本落去呢? 最合邏輯的猜測係......... 軍人或民兵...... 

其實, 並沒有貶低阿SIR MADAM 之意, 只是人家本身訓練, 可能已經並不低於 阿SIR/MADAM, 但阿SIR/MADAM 日日最少 8小時當值開工, 人家養精蓄銳, 開工時段很短, 可能半小時就收工了, 好容易理解..... 阿SIR/MADAM處於較劣一方囉. 

好容易理解的, 任何人都唔想阿SIR/MADAM執勤時, 冒住咁大風險, 寧願佢地只捉大的, 而放過細果D囉.  

也好容易理解到, 今次MADAM失去寶貴生命, 可能係同一單大野有關!

消失了多年的省港旗兵, 因為上邊多年來經濟好好, 人人搵到食, 無必要冒咁大風險, 但係現在上邊點樣, 大家心中都有個想法啦!  省港旗兵會否重臨? 會否以別一個形式來上演? 真是要拭目以侍了. 

PS: 其實任何人犯案, 買架生和犯案工具, 成本並不高囉, 成本高係....... 要有經驗地去操作, 就難好多, 令到成本大好多囉! 誰人會常常有機會去軍事方式演練? 上邊要找出這些人出來, 可能並不太難囉, 尤其現在咁多天眼. 

只是, 任何人要開飯/救命, 就要走D捷徑, 在唔係太大鑊之下, 各路人馬都會俾俾面, 大家都開心, 咁就好了. 

但係, 今次黃左又咁大鑊, 大概係..... 溝通出左問題, 又或有人想打破舊日的不成文協議, 又或有新人硬闖這圈子, 可以看到, 很多人以前D財路斷左, 要走入別人的財路之上. 

我作為一般民眾, 總之唔好再有旗兵揸 AK-47, 係鬧市裡亂掃, 咁就得了, 

 

唉..... 老胡你怎會淪落於此? 大老闆變成傳訊侍仔?

前幾日, 臨近週末, 才有西人報紙賣老胡講野, 話說有個地慘佬的秘密會議, 會間有從上而來的指令, 要各地慘佬配合配合!

嗄! 配合D乜? 你地地慘佬明白既! 瑪暈/瑪化痰佢地做左先例囉! 仲唔識做?

只是秘密會議, 根本無必要講出來俾報紙佬來報導嘛! 背後有乜深層意義?

首先, 老胡佢雖然仲係十大地慘佬, 但係離開主要持份者, 差左十萬八千里喎! 佢係突區最新果D收租物業, 都有40~50年歷史了, 而且數目比起其他地慘佬, 少得可憐呀! 理應唔係佢出來代表眾多地慘佬講野, 即係佢唔係代表地慘佬來爆料了! 

不過, 佢又分明係爆內幕消息喎! 咁..... 邊個叫佢出來爆料呢? 諗來諗去, 只有一個可能, 佢後邊D老頂叫佢咁做! 

大家睇睇今日突區+老美股市點? 突區跌左近4%, 老美到現在為止, 跌左2~3%, 其目的, 好明顯, 係用來震盪西方金融!

為何要震盪西方金融? 理由好簡單, 傾唔掂數口, 出口術來逼令對方來傾掂數, 就算唔傾, 都要逼令對方唔好再加辣加壓, 如果唔係烏蠅摟馬尾, 一拍兩散呀! 

只是可憐老胡幾十歲人, 仍然要俾人指指點點咁出來做傳訊侍仔, 佢70-90年代係大老闆, 佢摽起做大地慘佬時, 現在4大地慘佬中一半人, 都未發圍呀! 

老胡做錯D乜令到佢變成咁? 佢好做唔做去埋堆, 仲係埋錯堆, 80年改去做基建, 做上邊果D都唔只, 仲聽指令去做東南亞單軌鐵路, 唉, 90年時佢蝕左100億呀, 30年前100億呀, 好金喎!

現在大家看在一切, 千祈咪埋錯堆呀! 人生無乜歲月好似佢咁來搓陀啊! 

PS: 很多人問, 點解咁做? 有何目的, 咁樣對任何人都無好處!

不過, 首先提醒大家, 第一, 唔好用資本主義的諗法, 去猜測共慘儻下一步做乜, 一定要用共慘儻D想法, 去估佢地下一步會做D乜; 第二, 現在唔同以前, 以前同老美有計傾, 現在無呀! 第三, 共慘儻一直堅信, 資本主義必然失敗, 共慘會來取代資本主義. 第四, 金融集資/地慘佬/指數/貨幣, 全都是資本主義下的事物, 與共慘儻無關, 即是佢地唔需要理會突區樓價和指數, 只需要理會社會矛盾是否會影響佢地政權的穩定. 

大家記住上述4點, 就會明白咁多年來所發生的事, 例如: 點解佢地咁去印貨幣, 谷樓價, 放外資入去, 養肥地慘佬!

唉, 老實講, 老胡如果唔埋堆, 佢今日一定唔止咁啦! 老胡現在一定會更富貴呀! 所以, 提醒大家, 何苦咁呢? 

 

在外國, 小事上幫幫自己友!

其實好簡單咖咋! 政府來問我家中講乜語言, 我答廣東話, 咁當政府見到某區有一定的需要時, 就會加開一個操廣東話的職位囉!

同樣, 打去銀行/股票行話要廣東話服務, 可能要等, 但銀行最後就會加多個操廣東話的職位!

每次如果打電話去任何機構, 如果有得選擇廣東話, 我一定會揀廣東話!

我去商場行街街, 就算唔買, 我都成日入去轉來轉去, 等D管理層見到有唐人顧客, 好等佢地請多D唐人職員嘛! 

唔好因為自己英文LUC LUC 聲, 就用英文....... 我們港燦來到外國找工作, 最大的優勢係會廣東話, 咁, 其他人作為顧客, 就老大都要要求用廣東話來做我地生意嘛! 咁樣, 就會幫到自己友了. 

PS: 以前我去果間教會D竹昇, 找到D工用廣東話來做客戶服務, 其實係因為大家俾面咖咋, 要求用廣東話來做客戶服務, 佢地才有份工做! 並不是人家沒有他們不行, 這些人諗野都唔知傻左去邊忽, 唉, 無法了, 現在大把人由香港來, 廣東話客戶服務大可以請新來港人做, 話哂D廣東話正好多, 唔會講到不倫不類! 

不過, 大家幫自己友還幫自己友, 如果涉及的事情十分重要, 例如金額太大, 都是用回當地法定語言好D, 最少其他西人職員會察覺有任何不妥嘛! 

因為以前我地這裡唐人街, 有間西人銀行請左個唐人職員, 來為唐人街的老華僑服務, 後來這唐人職員變得家肥屋潤, 又買地又買舖, 就有人懷疑...... 這唐人職員見到.... 有老華僑戶口久久沒有沃動過, 就估佢地過左身, 又沒親人知道佢地有筆錢係銀行, 就找別一些唐人來假扮過左身的老華僑, 來提走存款! 

成間銀行得一個人會廣東話來做客戶服務, 當然這個人會做到好多其他西人職員做不到的事情嘛! 所以, 如果那機構只有唯一一個職員講廣東話, 大家要留意一下了, 尤其太重要的事情!

前幾日我JJ去間銀行入大額支票, 成間行得一個由大陸來的煲冬瓜職員喎, 咁, 本來用廣東話我都唔係好想, 煲冬瓜就更唔想啦(話哂我D煲冬瓜無英文咁好嘛), 唔係同佢用英文嗲囉! 哈..... 隔離有個略帶姿色的女同胞, 十分氣結來指罵我, 為何唔講煲冬瓜喎! 

哦..... 咦..... 超...... 夏虫不可語冰, D人都未見過大蛇疴尿呀! 我入張大額支票, 個女同胞出張一千元的匯票, 就以為自己不可一世, 反影出現在某些人D心態 - "有錢就任性", 成日要面子, 結果攪出個大頭佛出來. 

好啦, 我真係不會破壞人家"抬頭奮起"的清秋好夢, 我只回一句說...... 我不知道個職員會煲冬瓜喎!

現今有很多人生活不如意

 今天去同胞開的正骨舖做按摩, 就係果D喺加國做老闆自己一腳踼果種! 唉, 其實, 如果我去幫襯一下, 可以幫到佢一點, 我都會開心少少囉!

只是佢真係沉緊落去, 可能無救了. 

今日去到, 佢樓上好嘈, 佢用掃杷棍拍打天花, 要樓上靜D, 後來佢仲上埋去大罵, 我就估到佢係果度舖頭同樓上住宅的包租婆! 

今日佢心情差到連按摩都無心做, 相信佢真係有D茫茫前路! 只是佢仲同我吹噓佢做包租婆! 聽佢同租客D問題, 我心知不妙了:

1. 佢會去大罵租客, 同租客關係好差, 租客唔合作, 整爛佢D物業, 佢唔會有錢賺啊.

2. 佢以為可以用律師去嚇租客, 同佢去告租客, 不過, 佢唔知道加國租務法律唔幫包租婆.

3. 佢自己唔識修理物業, 下下都要靠請人返來修理, 點會有錢賺?

4. 最後, 最大鑊, 佢果個物業好殘舊, 維修成本會好貴, 但租金又收唔返來! 房客唔走, 佢無得加租來彌補昂貴的維修成本! 

人的惡運, 可能真係由一連串的錯誤觀念和決定引起! 我聽完佢吹噓之後, 我心情勁差呀! 知道佢可能大大鑊, 生活將會越來越差.

PS: 之後, 我才明白到, 我多年來投資出租物業有錢賺, 一來係自己夠運, 二來係自己的性格主動, 會整掂佢, 而少去同人磨爛蓆, 三來, 我做事好實際, 唔會同人吹噓認叻! 

為何咁多人認做上海人?

 以前, 讀書時, 好多同是香港來的同學, 一見到我, 都自認父母係上海人, 但我一聽佢地廣東話口音, 就知道佢地唔係上海人, 因為上海2大口音浦西/浦東口音, 都唔係咁. 後來, 佢地一個二個承認佢地父母係上海鄰近地區D人, 有個仲遠到揚州添呀! 

咁, 我JJ只係半個上海人, 聽到咁多人死認爛認做上海人, 當然我好輕飄飄, 因為我仲係半個港人呀!

以前仲以為D人認做上海人, 係因為舊時D電影, 令到咁多人嚮往做上海人. 認為上海人係靚仔靚女D.

後來, 才知道, 原來人們認為....... 大多數上海人係有錢D, 想法先進一D! (不過我自己唔覺囉! 頂多可能只係靚D囉)

最近, 來親同我話...... 要介紹我女友果D, 又係講話女方係上海人喎, 就又引起我想知道, 點解現在D同胞又係咁來自認? 唔通佢地又係一眼認出我係上海人?

1950年解放左之後, 上海人口結構大改變, 把大量上海原居民移到其他城市, 把大量外地人(大多係東北或陝北人, 加入去打國民黨果D)移入上海, 現在上海話基本上好似煲冬瓜了. 其實佢地應該自認係移入上海第二代果D人, 這些人大多撑握上海實權, 大多係公務員. 

後來, 我才知道, 原來認做上海人, 係因為上海樓價比其他一線城市高, 身家比其他人多囉!

哦...... 原來又係個錢字作怪啊!