我去玩, 我都時時留意身邊擦過的人和物, 聽聽人家英語的口音, 估下佢係邊度的口音. 當然人家一聽我講野, 就聽出我係香港英語口音啦. 哈哈哈.....
但係係美國國家公園內, 常常見到講英語以外的人, 俄羅斯, 波蘭, 意大利, 德國, 現在開始聽多了煲冬瓜. 每次遇上煲冬瓜, 佢地唔知係咪睇得韓劇多, 個個都以為我係韓國人, 真係有點不快了. 算了吧, 我D煲冬瓜都唔係好叻, 大家同胞, 打個招呼就行開好了.
講番今天正題, 今次八掛的我, 發現到一部掛著歐盟車牌的旅行車, 仲係法國雪鐵龍車廠出的, 代表佢地真係由歐洲開部車來到美國. 嘩, 如果真係咁呢, 佢地一定係由歐洲開到亞洲, 再穿過亞洲美洲之間的BERLIING SEA, 在美國的阿拉斯加州登岸, 所以佢地車窗內掛著阿拉斯加的車牌. 真係強勁.
我都唔知道佢地點維修佢地部車, 每部車隔8千公里, 就要玩油和瀘油格, 剎車掣和剎車片, 都要7-8萬換一次, 佢地咁由歐洲揸來美國, 點都唔只6-7萬, 環球全世界, 點都唔只20-30萬....
我今次旅程24天, 己經好輕鬆咁揸車, 穿過幾個小州而已, 都揸左9千公里, 真好難想像佢地環球世界咁揸法, 佢地去邊度搵到部車的替換零件?
沒有留言:
張貼留言