富不過三代

最近香港大富豪李+X接受國內新財網專訪, 從佢口氣中, 指出香港民粹主義會在5-6年後抬頭, 大有隱若擔心佢D後人.....跟香港財爺講7年後結構性財赤, 十分相似....

這個卻令我想起中國說的富不過三代. 只是, 除非佢D子孫係敗家仔, 除非環球形勢出現大型的逆轉, 佢第三代人都應該生活無憂啦. 

翻查中國歷史, 原來中國就算係無改朝換代, 但每幾十年都會亂一亂, 有人失勢, 有人冒起. 只是, 歐美設計現代的金融制度呢, 雖然加了很多讓人冒起的機會(美國夢就是其一), 但實制上, 又拱固和保護現有富人的利益. 

今天如果李生唔再工作, 佢D股票和基金, 仍然會為佢錢生錢, 而且咁多中產手上拿著佢企業的股票, 咁退休基金也持有佢D股票, 真係好難有天阿爺要國有化佢D公司, 就算有人要佢D公司執笠或親信落馬, 都並不容易, 控制佢D公司也好困難.

 如果我係李生, 香港作為佢的根據地, 香港中產是他企業的孕育土壤, 佢應該盡力維持香港龐大的中產人口, 不論有無普選, 香港中產和言論自由, 是他財富的護身符, 一天香港仍有龐大的中產, 一天香港中產仍手持他的股票, 香港中產都唔會容許任何勢力來沒收佢D資產.