路遙知馬力....

上個星期六, 在近唐人街的商場, 見到以前個損友. 此人中年發福, 發到成個波咁, 我看佢無40", 都有38". 但佢又幾識扮野, 扮到成個老闆咁, 連教會D人都以為佢係. 

我到現在仍然UN挑鬼命, 30吋褲頭, 成個小哥咁, 無邊忽似個老闆. 哈哈哈.... 我俾人的印象, 應該唔似有錢人了.

其實, 錢可以看到對方是否係損友. 這個損友在我家初移民來滿地可時, 佢成日叫我去佢打工的公司裡傾計, 後來我才知道這人原來以為我家要做生意, 就說我同佢合股開公司, 想找我家投資落佢D科技生意度. 不過, 我有次同佢講, 我家移民紙上, 是沒有注明要做生意的(是萬中無一的CASE, 我咁耐都未聽過有人係咁), 而且那時我又質疑著佢這些科技能否發展成一檔賺錢生意. 

後來, 我看到這人內心十分虛偽, 常常喜歡在人家面前故弄玄虛, 扮哂野, 又喜歡煽風點火, 無中生有, 中傷別人, 唯恐天下不亂, 就立刻跟佢劃清界線. 

這損友後來去左我以前間教會, 好彩我一早就唔再去, 同佢去同一間教會, 怎會有運行? 這間教會一向都是會友多多俾錢都唔夠經費果種, 這損友係這等教會扮有錢人, 必定會大大鑊了. 不過, 佢又好醒的, 有鑊要咩時, 佢會識推推卸卸的, 再唔係又煽風點火. 就係因為咁, 佢一去到這間教會, 就攪到同很多人反哂面. 之後個牧師牧會痛苦左了多年, 直到現在. 這等牧師真是有報應的, 壓到我這等會友透不過氣來, 後來我走後, 佢知道我這等會友最好相與.

其實我當初同這損友講是沒有錯的, 他這種人係教會攪邊樣, 就邊樣瓜老襯, 佢一唔攪之後, 就會立刻生番哂. 上星期, 我行經我以前間教會, 又真係多番好多人, 我估現在上番一百人以上了. 我離開這教會時, 還有2-3百人, 到佢一入去之後, 就淨得番幾十人.  

PS: 記起有一排, 我教一些朋友投資買股票, 我同這些朋友講, D股票公司咁標榜HIGH TECH高科技, 通常都係HI-TECH Hi 野, LOW-TECH 撈野, 可能傳到這損友耳中, 不過, 我不是指佢D科技, 而是教人買股票嘛. 真是麻煩了, 這損友自己係咁, 就以為我都係咁無聊, 所以, 大家以後都係少見面好, 可免則免了.