人在戰亂中

前天講過來加國的中東難民..... 

就令我想起一次在港時, 在公園晨運時, 聽到旁邊的阿伯阿婆, 講佢後生時日軍侵華的真人真事. 

說著他們怎樣逆境裡爭扎求活, 幾天捱飢抵餓, 連食數月蕃薯等等故事.

當時我心在想, 這個年頭咁多後生仔話要自殺, 話要生要死, 我就去問他們, 對於現今的香港年青人, 可有什麼說話要說.

他們異口同聲地說: "D人唔對自己負責任, 賴父母賴社會, 叫佢地快D去死, 唔好害父母!"

嘩..... 洗唔洗咁齊心呀, 簡直連夾過都無咁齊喎.

即是呢, 他們原來受到子女或孫兒的困擾. 

我當時想起, 媽媽以前時常對我提起, 她的妹妹在打仗時出生, 生得有如觀音一樣, 當然漂亮, 但出生後幾個月就去世了. 

其實, 打仗是十分殘忍的, 但是又能把弱者淘汰出來, 生存下來的, 必須是意志堅強的人. 

有時, 自己對鏡子照著, 我會否好像媽媽的妹妹一樣, 是個未經洗禮的弱者? 不過, 我既然生存著, 就要負起任何人每天要負的責任, 不去逃避不去失去信心.