噢.... 震英哥發功後的威力

這幾天, 就算都唔係唐人街, 都見到很多香港新移民喎.

大家都知道, 我唔住係唐人區裡, 都見到香港新移民, 就知道今年夏天呢, 有一波不少的香港新移民到來. 

已經有很多很多年沒有見過香港新移民到來, 大約在1995年後就無了. 

不過, 家陣D香港移民, 同以前有好大分別, 以前果D大多都係投資移民, 來了純粹係為左過低條化骨龍, 有點似渡假咁. 但家陣D大多都係技術移民. 可能係我眼利吧, 一眼就睇得出. 

其實, 我自己做過移民, 移民初到貴境, 就不會亂咁同人講話, 不過, 現在由香港移民來的, 大多都想找機會來同我講說話. 

怎樣好呢? 我其實係個十分熱情的人, 但係呢, 三九唔識七, 而且我又無再去唐人教會, 識左對方後, 我都帶唔到佢地去教會, 我都係無謂麻煩了. 試過以前有幾次, 人家誤會左我, 仲係要係教會, 這個令我覺得, 就算我帶朋友去教會, 那裡的人都會把我帶回去的朋友, 一個個咁嚇走哂, 一個不留的. 

PS: 這波香港新移民潮, 都唔應該單單歸功於震英哥同班學生哥學生妹摙到衝, 也要歸功於上邊2014年人大的831框架..... 講左咁多年港人治港, 最後上邊自絕於天下, 實在與人不尤了, 也要怪香港一眾大商家和有力人仕, 已經被收編了入建制裡頭, 一眾平民港燦現在才努力, 已經太遲了.