又有人想來老點我

哈哈哈..... 多年前有個牧師時時叫人去讀神學做牧師, 我就回佢, 我都無由神而來的呼召, 佢就當眾批評話, 唔祈禱唔係無呼召. 吓, 咁我就覺得, 佢講到個上帝唔係以自己意思去做事, 要人提佢, 或嘮疏佢, 佢才俾呼召. 

其實, 一個牧師是否有從神而來的力量, 主要係佢能否令眾人凝聚在神裡, 多謝這牧師咁睇得起我, 咁難的事, 佢都認為我會做得到. 

多年過後的今天, 今次換左不同宗教了, 網上有個聲稱自己禪修的師姐, 走來話我有天份喎, 又通幾種語文, 將來能夠弘法喎, 不過, 我答佢, 我根本就不相信人自己可以超脫得道, 我還是相信基督教的"因信稱義, 罪得赥免."

其實, 星雲法師不單弘法, 而是他可以凝聚人們的心和力量, 這個就可以解釋他可以到處起佛寺, 辦佛學了. 不過, 一句講哂, 這些人都是有一種直通人心靈的能力, 而我到現在都沒有, 不是IQ有幾高, 會多少種語文咁簡單.