掃把頭唔夠票入閘.....

自從上次佢連地主鄉伸的跑馬圈, 佢都去埋, 佢底牌已經被人一覽無遺, 係人都知道佢選戰嚴重落後, 不過, 昨天佢宣布唔夠票入閘, 又真係幾令人意外. 一來, 佢2003年時硬銷23條, 很多建制人仕會不遺餘力來支持佢出選特首; 二來, 佢做過政府高官又組建過政黨做過議員, 不要說佢拿左張公共管理碩士沙紙, 這樣的履歷表, 就已經叫人不能拒絕.

不過, 今次佢的對手好硬, 有淋蔗肥鵝, 更有海外竹昇回歸突區的鬍鬚華, 更不要說做慣法官的光頭興了, 佢衰在: 1, 政府裡無人無物, 雖然佢做過高官, 但都只是因為老董才會空降政府做太上皇, 跟689一樣, 政府內跟他對立的人, 多過跟佢搵食的人; 2. 佢做人太高調了, 要讓人知道佢能幹, 但佢道寡路孤, 缺少同路人, 一大群有相同利益的群眾; 3. 佢講明唔會係 震英哥2.0版本, 這個是嚴重的內傷, 即是現行政策在她手上, 會大改特改; 4. 佢踩埋落香意局, 這個可謂是佢亂投藥石, 醫死了自己的選舉工程, 一子錯滿盤皆落索, 至使, 有內地不同部門的人員向選委"提醒"，叫他們留意自己在內地有生意，或有選委會擔心不聽"提醒"會有後果. 突區富甲一方的四叔, 誠伯, 和SIR, 彤爺都不會夠膽出來跟候選人公開接觸, 偏偏這班鄉伸地主出來接見掃把頭, 後果一早就已經知道了. 我本人, 十分支持這些維護選舉廉潔的小手段, 總好過將來出更大事情, 今次我支持阿爺呀, 做得好, 奸爸爹.....!

以「贏返香港」作競選口號的掃把頭, 連150票都無, 可以說是很悽涼, 是的, 世態炎涼, 西瓜靠邊大, 大果邊就越來越大邊嘛.

好啦, 佢睇得開就好了, 不要有酸萄葡的味道呀, 既然講得出什麼什麼"世界總沒有絕對公平，我看得很開" 佢就明白, 當年佢一介庶民, 空降入政府做局長, 都係唔公平咖啦! 

不過聽到上邊咁樣出到口來做野, 突區政府就出來講野, 話一切投票資料全都是保密, 即是暗票了, 以安突區人心, 其實, 咁多年來, 上邊都係暗票咖, 但都一樣知道誰投給投喎.....