今天財經新聞, 娛樂性極高, 簡直係人性的典範呀!

昨天老美財神爺才講完弱美元係是好事, 想用來吸引商家佬去美國投資, 點知歐佬行長真係唔係省油的燈, 今天立刻講, 佢地今年只會停止量化寬鬆, 但不會急於加息, 言下之意, 大有出口術唔俾歐佬升的意圖. 之後又講, 現在不是打貨幣戰的時候, 即是叫老美和當奴友唔好一個屈尾十, 來壓低美元, 歐佬佢地好樂意奉陪到底.

大家睇新聞, 係咪覺得好似睇誤樂新聞咁呢? 哈哈哈, 都幾好笑咖, 娛樂性豐富, 之後更加插索羅斯出來狂插當奴友, 又話當奴友好快被老美人民推翻咁話喎..... 連2020年連任大選都未到, 2018年的中期選舉已經足以令當奴友變成跛腳鴨. 

嘩哈哈, 其實索羅斯做得到叫當奴友落台, 就唔洗係瑞士達沃斯電視上齋嗡啦. 現在老美經濟一片向好, 形勢講俾我地知道, 2018年老美選參議院眾議院, 當奴友所屬共和黨比起上次, 可能會贏對手民主黨更多, 民主黨在參眾兩院的議席更買少見少唄! 更難令到當奴友變跛腳鴨. 

嗚嗚嗚, 睇怕來緊6年零11個月, 我仍要日日係財經新聞上, 見到這個可惡嘔心的當奴友. 

PS: 嗱嗱嗱, 大家睇得一清二楚, 原來老美最大的競爭對手, 甚至乎係戰略對手, 原來從來都不是熊貓國, 而是歐佬這些老美的遠房親戚.