我在香港做醫生的哥

佢撈了幾十年政府醫院醫生, 當然, 相對很多人, 佢人工係好高, 但是如果計埋佢由細細個咁勤力讀書, 讀到醫科畢業, 再加上佢一年救死扶傷咁多人, 仲唔係普通病症, 仲係奇難雜症, 可以令到任何醫生諗到頭都大埋的麻煩症, 咁計呢, 其實如果佢要高人工, 佢一早就應該跳去私家醫院度做啦.

好了, 佢撈左咁多年, 好辛苦咖, 連個仔同老婆, 都無乜時間陪, 大部份時間都俾哂D病人, 救人於苦難之中. 

今年, 政府政策唔留得佢, 到年紀就要退休了. 呵呵呵, 憑佢個人生活得咁簡單, 咁容易話為, 無乜錢洗姐, 咁..... 佢又唔退休喎, 轉去私人醫院裡做囉, 就唔係為到錢. 

其實, 我是十分擔心我哥的, 做醫生好辛苦咖, 身體就會比平常人無咁好啦, 最少比我差好多呀, 我JJ回港時通山走, 我哥跟在我後邊行得好慢呀!

佢做府政醫生時, 遇上有人要求來幫, 大可以用政府醫院免費為由, 叫佢地自己立刻去排隊等政府醫療. 現在做私家醫院醫生, 他如果遇到有人好慘, 好需要幫, 可能佢會自己出錢去幫, 唉...... 我哥都只是係私家醫院掛單做醫生, 同私家醫院分帳, 間醫院唔係我哥打骰咖嘛. 

有次, 我哥發錯了WHATSAPP 俾我, 原本是發去佢的教友那裡, 內容大約是, 當天下大雨, 佢叫一位太太搭的士帶個仔去政府醫院睇, 唔好搭小巴了, 唔好落車後要行, 由我哥俾的士錢. 

我諗番起佢這段 WHATSAPP, 再想到佢現在轉去做私家醫院醫生, 佢真係會有機會同人俾埋錢找埋數咖, 我真係無眼睇了, 吖......., 相信...... 我真係要儲多D錢, 應付佢將來的突發性開支了. 

我父親曾經有次向佢訓話, 話養到佢咁大, 浪費D米飯, 到最後來益D外人, 我哥竟然說, 我父親身在福中, 就應該去體恤別人的疾苦, 當然, 之後, 我父親條氣仲頂得多D.

 其實, 我哥忽視了一事, 沒有了我在我父母身邊, 他又怎可以如此潚洒地去救死扶傷呢? 所以, 我以前D教會人仕常常說我要點點點做, 我心裡笑了出來, 我叫佢地返去顧好自己家中的老人家, 再來同我講啦! 真係當中有人, 夠膽死, 移民來了加國十幾年後, 都唔會自己去睇醫生, 就唔洗再多講, 佢會帶佢自己家中的老人家去睇醫生了?

我都同我哥講唔到咁多了, 話哂佢行在佢人生軌道上咁多年, 又好難要佢改變所行的軌道, 但希望我哥可以儲到個錢吧, 唔好錯覺佢自己生活簡單就唔洗洗錢, 因為人一老, 醫療開支是十分貴的.