現在有異動, 我JJ就無再買新貨了.

指數無異動, 但一些個別股, 就有了.....

話說老美有隻股叫GME, 係做青少年果D電子遊戲, 係每一個老美成年人的童年回憶, 咁即係夕陽股了. 

既然夕陽股, 就有人打算沽空佢, 以圖將間公司折骨圖利, 只是老美一眾中年人聽到, 都感到十分冒犯, 就有人走出來, 呼籲大眾買入來做長倉, 來夾高股價, 來夾死果D做空的基金佬大鱷. 

初頭, 基金嚏以鼻息, 認為一眾散戶, 點會成事? 不過, 股價由長期的$20以下, 3個星期暴升到最高價位的$413, 嘩哈哈, 這情形下, 攪到基金佬背後的大老闆, 要注資15億...... 

不過, 我JJ一向相信"無鬼唔死得人"的陰謀論, 唔係基金佬有內鬼, 就係班散戶背後有別一班基金佬撐場, 班散戶只是一個烟幕吧! 

初時, 我仲以為係..... 有大老闆對GME這些童年回憶企業, 遭人沽空來折骨出售, 感到十分憤怒, 要出手來教訓一下某些損人利已的人. 

但係, 前日有幾隻股都係咁, 其中一隻係我隻黑莓喎! 嘩哈哈, 前日一日升左$10, 只是壇花一現, 股價在$26-28的時段, 只維持1粒鐘都唔夠, 咁就無左了, 本來我JJ想沽出一部份, 收番澌D成本番來, 就諗住坐貨坐到尾, 點知出街買餸返來一見, 已經過左廟了. 今天企番係$15, 好啦, 無相干, 我慢慢等囉! 都已經有賺, 就好安心了. 

可以看出, 在市場資金水浸下, 好多人手中有錢唔知點用, 就去做 - 沽空和反沽空, 更有D人條氣唔順, 就乜都做得出來. 

只是呢, 這些活動只能做係老美果D三四線股囉, 始終老美市場有人做睇場嘛! D人唔敢亂來! 不過, 大家真係要準備未來來緊的波動市場了, 始終已經開始來料了.

PS: 大家都睇到, D人條氣唔順, 會出來暗中整古人, 由$20夾20倍去到$400+. 我JJ有D擔心突區情況現在咁改法, 無視佢地以前作出的種種承諾, 令到好多基金佬連夜挽屐走佬喎! 其中的怨氣, 比督破人家的童年回憶, 更加嚴重, 只是人家唔會當面反枱反臉, 但係暗中就.....

只是突區現在睇場果班人, 都開始走佬啦, 來接替佢地睇場果班人, 哈哈哈...... 人家無面俾喎, 有大龍鳳了! 祝那班滿懷高興, 諗住落來高升(接替果D"信唔過"的人), 好運好運好好運! 一個唔好彩, 俾主上誤會為通蕃賣國, 導致國家外匯蕩然無存...... 

致於我地一眾港燦呢, 真係唔好俾人誤以為我地同某些人站係同一邊了, 好易俾人殺錯良民咖!

面對著狂印銀紙和泡沫化, 我們應如何自處?

 我真是想問一個問題, 當泡沫爆破後, 什麼人和東西會留下來?

當然是社會上基本需要的人和東西吧! 

什麼是社會上基本需要的人和東西? 當然係衣食住行和生老病死嘛! 

任何關於這8個字的人和東西, 一天有人活在地球上, 這8個字都不會被人遺忘吧! 

不過, 當然要分清楚, 邊D過多, 邊D過少嘛? 邊D無乜發展空間, 邊D好大發展空間嘛?

大家一睇就知道, 泡沫化下我們袋中有錢, 應該去投資D乜囉! 係嘛? 我JJ唔講了.

只是我JJ只想同大家去思考一下, 狂印銀紙和泡沫化, 其實, 係造就左好多資金流去投資新發展的項目喎! 如果無狂印銀紙, 又點會有咁多錢去投資新科技新產品呢? 

所以, 誠如我JJ這些只會投資人們基本東西的投資者, 在這12年老美狂印銀紙中, 我係受惠於狂印銀紙, 真係賺錢比以前容易左好多好多! 因為多左新科技和新產品推出, 市場消費者又多左, 市場總消費額大左好多, 我投資的股票做基本民生, D股息多左, 股價高左! 

只是如果泡沫爆左之後, 股息收入最多係減半囉! 唔會影響到我生活的質素嘛! 股息收少左, 只會少左去買新股囉! 

所以, 大家不要誤認為, 在泡沬下一切所賺的錢, 都是不好不長久! 而是, 任何資金流向改善人類命運和生活, 都是美好的, 到了那一天爆破了, 這些改善人類命運和生活的東西, 都會繼續被人們所使用和歡迎.

PS: 幾年前買了隻黑莓, 買了後一直跌, 因為佢D手機業務瓜澌, 只剩番手機內的OS系統, 當時佢地用手機OS, 轉去做電動車的OS, 再加大數據和網絡交通. 佢一路跌, 我就一路再買來溝低個成本價, 溝到上年3月. 昨天一睇, 彈左好多, 而且仲會繼續被人看漲! 

嗱! 我JJ並不是叫人去買買買, 而是.... 在投資基本民生股後, 有了穩定的股息收入, 自己生活開始穩定下來後, 才可以有條件去做一些風險較高的投資, 如這些業務轉型的公司了. 

所以, 我JJ從不教人買乜股物股, 因為各人的情況和抗壓都不同, 只是真要問問自己, 當泡沫爆破後, 自己能否生活無虞? 如果無問題, 泡沫只會是自己一個助力, 幫助自己人生更上一層樓了.

打卡, 炫耀, 潮玩, 整容, 代孕, 棄養, 人生似水? 無定向?

現在有好多品牌, 都為95後或00後的消費市場, 開始定義是一個什麼的市場, 開始部署將來的市場推廣銷售策略. 竟然, 當中有D字眼係..... 打卡, 炫耀, 潮玩, 性價比...... 

呵呵呵, 其實, 這些市場推廣公關公司, 講左等如無講, 直頭同"阿媽係女人"這一句無分別!

點解? 嘻嘻嘻, 有邊個後生時唔係咁諗呀? 只是我JJ後生時, 環境唔許可, 諗下就得, 做就唔得嘛! 我JJ年青時, 真係無咁多閒錢, 又或無咁夠膽去借錢消費呀, 也沒有網上銷售平台減省成本, 來降低售價喎! 

其實呢, 人到左中年呢, 唔係話"打卡, 炫耀, 潮玩, 性價比"這些唔重要, 只是再沒有咁多時間來攪這些野, 就一切省左佢囉, D價錢貴少少, 有時都由得佢, 都係買少少姐. 打卡/炫耀/潮玩就唔會了, 因為人有人想法, 我有我想法, 去D靚景點, 拍張相出來, 唔係為左炫耀, 係為左自己過癮呀嘛!

不過, 社會上物質好了之後, 有些人做出一些問題出來, 有次網上有位上邊的女網友, 走來同我聊天, 聊左幾次之後, 就來問我借錢, 理由係佢想去韓國讀書, 我JJ真係唔敢相信, 大部份女性去韓國都係去整容, 而唔係去讀書, 讀書就應該去英語國家D大學啦!

係呀, 聽聞上邊有好多有錢人, 娶左個靚老婆返來, 但生左仔女出來後發現奇醜, 才理解到個老婆係人造美女! 這個本來都唔係什麼問題呀! 但去到代孕, 我JJ就開始有少少接受唔到了, 除非佢自己生唔到啦. 唔辛苦係唔會珍惜的, 尤其一個小朋友的出生, 係需要好好珍惜呀! 

最近上邊有位自稱一線女星的, 被爆出找人代孕之後, 竟因為跟男友分手, 就來個棄養! 嘩, 我好清楚這些事, 大多都係女方要男方供應佢這樣果樣, 雙方傾唔掂數, 就攞D小朋友來做談判籌碼! 好啦, 現在事件爆光了, 上邊媒體係官方強力主導嘛, 當然咁無天理的事, 所有媒體都會封殺這人, 好令佢可以安心返去湊小朋友了! 不用再咁煩, 要諗這樣果樣了!

我JJ那些"打卡, 炫耀, 潮玩"年代, 大約係香港果時囉, 好短, 幾年囉, 一過左來加記, 就要面對現實咁來做人了. 先問問自己, 這個是否自己心中所想的事情, 所以, 我人生比較有個方向去走, 唔會無定向囉. 不過, 越係"打卡, 炫耀, 潮玩"時間長, 人生就會越習慣無定向囉, 就會越容易到成年後, 一事無成了, 所以, 我想勸大家, 到20歲開始, 就要唔好再咁注重"打卡, 炫耀, 潮玩"了. 

如果我JJ去投資, 我就唔會投資係"打卡, 炫耀, 潮玩", 因為這些市場D消費者無咁多錢, 邊際利潤低. 要投資就要投資係主力市場, 有乜人可以避過"生老病死"呀! 而且, 一定唔洗靠估, 那些是必然的事, 所以, 人口老化下, 醫療醫藥唔少得.

PS: 不過, "打卡, 炫耀, 潮玩"又唔係無可取的. 我JJ前幾年, 去我這裡唐人街商店裡, 個老闆娘哭訴生意好差, 佢老公又過左身. 我幫唐人街商戶的方法十分簡單, 我這裡唐人街, 就在旅遊區旁邊, D人去旅遊區前, 一定經過唐人街入口呀. 我當時一到天氣暖和時, 就著得潮一點, 攞住杯珍珠奶茶, 坐在唐人街入口, 做做生招牌, 提醒經過的遊客, 進去唐人街內消費, 最少買個麭買杯奶茶出來, 如果可以令到D遊客進去食餐飯, 咁就無得頂了. 所以, 什麼事情都有兩面的, 善與惡, 內心善良, 出發點正確, 一切做出來的事, 都會是個祝福來咖!   

多年前, 我去那唐人教會, 耐唔時有家長來向我投訴, 話我好吸引D唔等洗的人, 入去教會. 咁..... 真係唔關我事喎, D人見到我入去教會, 跟埋我一齊入去, 就好似D西人跟埋我入去唐人街D理髮店和舖頭一樣囉! 其實, 我只係俾這些教會人仕一個試題, 看看他們是否真正明白真理囉! 有"唔等洗"D人入去教會, 俾機會佢地同人地講福音囉! 如果佢地企左係度唔做野, 淨係話人地唔知乜野係"去教會", 其實, 佢地係咪講緊佢地自己呀? 我JJ當然唔方便去同"唔等洗"D人講咁多啦, 係咪?  

不要誤以為全世界不再一樣, 只是我們走在新的人生軌道上......

突區不再一樣了, 不再是我從前最初認識的...... 我以前成日同人講, 當上邊和老美的關係不再一樣時, 世界就會不再一樣. 當時, 我所指的世界, 當然不是整個世界, 而是我們港燦所賴以生活的港燦世界. 將會不再一樣了. 

現在有些人徬徨了, 不知道將來的路怎樣行! 是的, 這是一個新的人生軌道呀! 我JJ不是單單講黃呀, 藍都係一樣, 徬徨著那將來他們不熟識的社會環境呀! 唔同左老細話事, 唔同左班官講野, 唔同左搵銀財路, 唔同左發達方法...... 不過, 搵銀同發達, 如果仲可以的話, 將會無以前咁容易了, 所以, 有些人擔心起上來. 徬徨起來, 想放棄以前走開的路呀!

其實, 我JJ移民加記的經驗, 可以幫到大家, 因為同一樣, 我人生當時要走上別一條軌道呢!...... 我們做人做事, 都係要對準自己個心而去做囉! 千祈唔好老是想著去討好別人, 盞在這新的人生軌道上, 變得迷失方向呀! 唔好怕囉, 我來到加記後, 自己做好自己事, 煮好兩餐飯, 顧掂自己身體健健康康, 精精神神, 人生本來就係好簡單咖咋! 走下走下, 條路就會走番順左, 現在我再回頭看時, 我可以同大家講, 世界並沒有變過, 只是我們卻去走左別一條人生不同軌道之嘛!

今年3月起, 我買入左果D股票, 係咁升呀升呀, 真係從來未試過, 隻隻都升高, 以前總有一兩隻跌眼鏡嘛! 不過, 這不是代表, 世界變得容易左, 單單看世界各地都封城, 我這樣都不例外, 晚上八點後, 就叫D人唔好出街, 否則就有牛肉乾食了. 所以, 世界仍然都係不容易呀! 不過, 大家放心啦, 我地有毅力有耐性咁慢慢行, 條人生路就會越行越順咖啦! 唔需要做一些對唔住自己的事喎!

我人生走到現在, 其實我週不時都懷疑著, 賺到果D錢, 到洗果時, 可能果條友, 未必係我自己喎! 哈哈哈..... 所以, 我JJ現在心裡只想著自己父母的健康, 讓他們過多一天健康快樂的日子, 就賺左一天了, 人生原本就係咁簡單咖咋!

好啦, 我JJ講左咁耐, 都係想...... 安大家的心, 叫大家唔洗怕, 世界都是一樣的, 只是我地走條新軌道囉!

 

當奴友卸任前頻出招? 移形換影?

現在老美所發生的一切, 令我想起老胡上台後, 傳聞話老江係背後拍板一切, 好似架空老胡咁...... 

果陣時, 人人都傳佢地不和, 有派系之爭. 後來, 差唔多到左老胡主政後期, 老江才同人講, 佢躱在幕後, 係幫老胡開路, 替佢做那些最不討好的事, 由老胡去做那些外交風光的事. 後來, 電視上睇到, 老胡拖著老江手, 走出來上電視, 情同師徒一般, 情深義重, 義氣干雲. 令人想起老江最喜愛的昆劇中, 黑面白面的角色和劇情. 

今天老美又是否一樣呢? 哈哈哈, 我真係唔知道了, 我只係想問問, 老美D政客私底下, 係咪有計傾呢? 比如, 當奴友之前推果D政策, 老登上台後, 唔會同佢改, 但係當奴友現在要先幫老登做澌果D最不討好的事, 等老登上台後, 有一段長時間佢容易D做野呢?

還有, 明明一定唔夠票彈核當奴友, 都要開會來浪費時間? 是否是個對佢地選民的交代和假象? 正如現在老美制裁果D人咁, 其實對雙方整體戰略對峙, 都起不了重大作用, 實在是形而上之的子烏虛有做法, 對選民有個交代囉!?

令我想起, 宋朝時的金國崛起, 金國每次向遼國開戰, 都提到"七大恨", 講到遼國某重臣如何如何的不義無人格, 後來滅左遼國後, 捉到遼國果個重臣, 只打了幾板, 就放了; 後來, 果個重臣同人講笑: 佢係"破遼鬼". 所以, 現今我地突區上榜果D人, 大多都係俾人借佢地個名來用下咖咋!

好啦, 我JJ預計, 劇情會一切繼續呢, 不過, 走到現在這一步, 就算阿雜某某現在驚覺..... 奶澌野, 佢都已經無能為力了, 再走唔返去佢上任時果個環境, 再走過條路了. 一切已經太遲了, 潑水已經難收, 又戰又狼的大船, 都唔係1-2年就行到今天, 也不會1-2年後就當無行過, 現在係路上果班人, 一定會反撲得最激烈! 這些在路上的人, 一定會夾著其他人同佢地走下去了. 

PS: 突然想起一句, 失眾者寡助也, 即是, 失去眾人的協助, 就會顯得孤立和無助了. 看看老江老胡的黑面白面唱戲, 再看看現在當奴友老登的明爭暗助, 我真是覺得雜某某佢真係好慘呀! 不過, 命運已經阻礙左佢能夠理解到, 別人是來幫佢一把, 而非跣佢一腳! 就好似突區D民煮運動咁, 一直都係度幫佢擦靚個招牌, 等佢容易出去見人做外交, 集多D資回來過好日子, 佢偏要聽D讒言, 要來整突區, 係都要過返以前佢上輩的苦日子. 所以, 點能夠睇好佢呢?

 

我是否有港人認同感?

 好老實講一句, 我自己係香港出生, 係香港渡過我青少年, 但我從未有太強烈的港人認同感!

大家可能會問我JJ, 點解會咁? 因為我自己根本連乜野係香港人都未攪清楚喎!  可能...... 那些有好強烈港人認同感的人, 佢地相對係香港一些特定族群內成長, 而我JJ就好相反, 我JJ身邊接觸D人, 真係乜人都有, 小學時, 很多同學仔連鄉音都未甩呀! 一聽就知道佢地父母係山東, 廣西, 潮州等等地方落來香港. 

所以, 我JJ由小開始, 都唔知道乜野係香港人, 最攪笑係, 當時有好多女同學走來同我講, 佢父母有一個唔係中國人佢係半個鬼妹, 又或佢阿嫲係格格, 又或講佢父親去清真寺佢有幾個阿媽...... 更有個更神奇, 話佢父母週不時去拜火喎, 哈哈哈, 攪到我後來係電視睇倚天屠龍記時, 諗番起果個女同學, 成日走來搣我塊面.....

直到我來到加記, 才有人同我講, 我係香港人喎...... 噢..... 咁呀, 點解我係香港時, 無人同我講我係香港人, 走左來加記後, 才有人同我咁講呢? 是否.....? 因為人到了重大轉變時, 才會定位自己, 給自己一個定位? 才會給自己來個身份? 才會給自己定個空間? 更是...... 畫地為牢?

當然, 我JJ對人家有港人認同感, 是沒有任何貶意呀! 不過呢, 現在D人定義港人, 可能跟幾十年前美加老華僑定義好唔同!  又或跟我來加時, 那些人的定義好唔同呀! 我只是叫人唔好...... 苟泥於乜野係香港人呀! 如果唔係, 就會好似猶太人咁, 分開好多派別, 有D戴大帽留辮仔大鬍鬚, 有D戴小圓帽, 有D話佢自己係原教旨, 有D話佢地係改革派, 有D話佢地係非洲來係所羅門後代, 有D更話佢地係摩西亞倫後代, 各派彼此不太相容.

其實, 太苟泥港人的身份認同感時, 可能又會令好多好似我JJ這樣的人, 感到被邊緣化了. 凡事都有個普世價值觀, 適用於普世上追求民主自由平等的人. 所以, 香港人不要自貶自己為...... 單單在香港一偶裡的一群人, 而是標榜我們自己為普世融合, 跟普世相通, 跟普世聯系的一群人.

PS: 我到今日都係度問緊, 咁多女同學同我講, 佢唔係百分百華人, 難道她們心裡懷疑著我都唔係百分百華人? 我這裡滿地可係世界第二大的猶太人聚居地(除左以色列以外, ), 最攪笑係, 我以前有個猶太人朋友, 認識我久了, 就懷疑我上幾輩人中有猶太人, 因為我的想法, 有點似猶太人喎. 

我來加記後不久, 有位女性大驚來問我, 我唔睇金庸小說, 係咪香港人來咖? 咁.... 現在D香港新一代, 又真係唔睇金庸小說咖嘛, 厭金庸小說太老餅了! 

一切都在變, 明日也在變, 從沒有一種講法, 講乜野香港人喎! 香港人經歷很多次新血的加入, 不單來自四湖五海南七北六13省, 更是環球普世融合的結果呀! 

嘩, 乜係首歌中間加咁樣對白, 咁有FEEL 呀?

好啦, 大家聽完之後, 千祈唔好情緒低落啊, 人生一切都要隨緣, 活在當下, 無負今天, 那就一切已經美滿了!

好多年前, 我由加記返去香港見見親戚舊同學朋友, 一下見番澌, 記番澌以前的一切, 臨離開時果一日, 係最百感交集咖! 當時在飛機上, 真係感到呼吸唔到喎! 後來心裡放開些, 睇開D, 咁就OK了. 所以, 大家如果現在去移民, 都要心境放開一D!

後當奴友時代?

 好啦, 當奴友終於都承認敗選..... 

大家若要想知後事如何, 先要問問..... 

1. 如果老美有深層政府, 老美3億幾人口, 政府公務員最少幾百萬, 當中話事果班, 無十萬都有幾萬掛, 誰個政府能收買到咁多人? 老實講, 我真係唔相信世上有咁奇的事, 尤其老美唔係高度中央集權係幾個人手上喎. 

2. 老美總統可以揸澌FIT嗎? 唔得囉, 唔只政府裡有大批技術官僚受到政府行政法規所限制, 總統要用錢去做野, 都要問準參眾兩院俾錢去做, 唔好再講話要參眾兩院批準總統去做了.

3. 老美大選後幾年內, 能否改變當奴友現在的政策? 又唔得囉, 雖然老美眾議院議員剛剛全部從新選過, 但係參議院只有1/3選員改選, 而且仲係每2年重選1/3議員, 其目的, 係確保現行的政策的可持續性, 唔會因為一場選舉後, 政策變成朝令夕改. 最少要等再過多2年後, 才會有希望小修小改吧!

4. 大科技公司能否控制老美政府? 大佬, 抛個身出來下海經商, 都係為到幾個錢姐, 叫班科技佬唔下海, 而係跌海去從政, 你咪攪佢地啦! 現在禁人地D留言, 都係為到自己搵銀姐, 從政這家野, 都留番俾果D玩開D政客好了.

5. JJ 你話老美咁又唔得, 咁又唔得, 究竟乜野先得? 哈哈哈, 答案係...... 肅規曹隨..... 老美根本就係有一套長期的國策, 係基於長期人口結構/生產力/科技/資源/環境的參數去定國策, 跟佢對家果2個百年大計, 根本就係一模一樣的事情, 分別係..... 佢對家講到出面, 老美唔宣之於口中, 哈哈哈..... 老美這些長期國策, 是國家機密來咖, 我JJ本身就一D都唔夠醒, 唔好講話叫我估啦, 就算講埋俾我JJ聽, 我JJ都唔會白明人家深遠的用意呀! 

好了, 最後一個問題我們應該要問, 當奴友4年主政中, 佢打亂左老美幾多長期國策? 有幾多係做對左老美長期國策? 照睇現在D人做到咁出面去影響選票, 我好信相, 當奴友打亂左唔少老美長期國策喎! 我JJ懷疑著, 照老美長期國策, 在突區原本唔會咁出牌咖喎! 對北極熊又唔會咁出牌! 咁..... 來屆老美政府能否重回老美長遠國策? 其實, 上邊老共有一點講得好岩, 老美要鉗制老共的擴張, 當奴友基本上, 係想去達成這個老美長期國策, 但係當奴友用D方法, 唔同其他老美傳統政客囉.

PS:  大家可能會想問, 突區會點呀? 經濟會點呀? 嗱, 我JJ無咁好野睇到20-30年後了, 不過, 這幾年裡, 突區點都唔會太差, 總會比上邊好很多的. 不過, 過左這幾年, 我JJ真係唔太肯定會點了! 

我一向叫人, 趁仲係旺場, 就要諗定退守條路, 唔好到時才臨急抱佛腳, 如果大家自己恐怕將來會比現在這幾年更差, 咁就要諗定條後路了.

我JJ如果穿越返去..... 以前移民來加記時, 會有乜唔同做法?

 1. 唔好船頭驚鬼, 船尾驚賊 - 係呀, 大家咪騰雞喎, 唔好成日都驚自己會唔掂, 我最後悔係移民後果十年...... 太驚青騰雞, 成日誤以為自己唔及人地, 其實, 無野難得到我地港燦咖喎. 最重要係肯落心機, 肯擺時間, 專心咁去做好事情佢, 以我地個個港燦咁醒目, 咁識走位, 一定會掂的. 

2. 後悔學野學得太慢, 成日都諗住去嘻呵HEA, 唔想做, 唔想去諗野, 成日掛住照鏡, 諗住去吸睛, 哈哈哈, 其實, 如果我當初越早就好進取, 就越早越快可以提早退休, 因為越早之前, 加記這裡D人越懶, 越喜歡出街消費, 越唔會儲錢, 我地唐人來到越早, 越快搵夠錢上岸唔洗撈!

3. 唔應該咁遷就身邊果D人, 包括我以前去果間唐人教會, 首要對方來尊重自己. 如果D人初相識就來指指點點我, 批評我, 這些人若果不是失敗者, 就係別有目的, 居心不良, 就要疏遠這些人.

4. 當我睇返我果個好多女人黐埋去的親戚, 我才發現, 原來..... 我親戚果D女人, 個個都有個錢, 越係生活得不錯的女性, 越係願意對男方付出, 越係包容到男方D小缺點, 越唔會事事指望男方為佢地做野. 相反, 我JJ來加後, 遇親果D女性, 大多都係無水, 個個都指望男方付出多多, 唔會包容到男方小缺點, 越係想男方同佢做澌佢D野. 所以, 我JJ並不是勢利眼光, 而係唔好俾D麻煩人來麻住自己!

5. 唔好這樣又學D, 果樣又學D, 一係唔學, 一學就要學D能夠搵到錢果D野. 我初來滿地可時, 有朋友同我講佢做網絡交通管理, 仲時不時講講佢D工作性質, 有心想找我出錢幫佢創業. 只是當時未到火路, 唔似現在興大數據/網絡流轉咁HIT咁火紅, 我當時知道, 學左佢D野, 當時未必會有用, 所以我去自己學D BIO TECH, 單單識到用來去做投資, 咁就夠了, 話哂我唔會落手去做咖嘛! 不過, 換轉今天, 我可能會去學這朋友D野了, 只是都過左咁多年, D人破產都可以破左幾次啦, 咁早學, 真係無用咖嘛!

 

我JJ在捐錢上呢!

 我真係未試過捐去政治團體, 真係要政治中立果D, 我才捐錢去.

咁, 我JJ大半生人都係加記住, 當然想法較接近加記D人, 人道救援這家野, 又真係唔可以有偏向, 無論誰人, 無論政治觀點, 無論種族, 都應該一視同仁喎!

我真係未捐過錢去政黨咖, 大多都捐去慈善團體和醫院咁咖咋! 我這裡有間猶太醫院, 初時我都唔敢捐錢去, 怕佢地想法有偏向, 後來我一見到佢地醫院裡D員工乜種族都有, 連包頭呀, 連頭巾呀果D人都有. 當中東開火時, 以色列國去炸伊朗時, 猶太醫院都是同樣地去照顧任何人, 包括伊朗裔的人. 在猶太醫院裡, 佢地只保留一個傳統, 就係猶太醫護間房的門口, 有個小盒仔, 用來裝猶太聖經裡D經文, 大多都係聖經申命記裡的經節.

我這幾年都開始捐去猶太醫院, 因為佢地無私照顧病患, 也正合上我JJ的宗旨.

大家都見到, 我JJ成日叫人審時度勢, 順勢而為, 趨吉避凶, 但我所講的對象, 從沒有黃藍之分, 從沒有陸台之分, 從沒有中美之分, 希望大家生活過得好, 有飽飯食, 生活過得美好無憂. 

 

南大門裡...... 會越來越多人睏街.....

有次我去美國最南部佛羅里達州, 美國天氣最暖的省份, 見到街上好多無業遊民, 初時還以為當地工業不振, 只有旅遊業, 吸收唔到咁多勞動力, 後來當地人同我解釋, 當地果D遊民唔係本地人, 係北面SNOW BELT 果D人無工作無錢, 天氣寒冷下, 走澌落去美國南部D州, 如佛羅里達州, 諗住無咁凍, 可以睏街都得. 

現在情況..... 唔只美國見到咁, 連我地上邊的南大門都變成咁, 而且情況將會比老美差十萬八千倍, 現在都只是一個開始, 不會是最差, 只會更差更慘.

為何上邊D睏街人仕會集中係交通站的旁邊? 全因為佢地係北方搭長途公交落到來, 人生路不熟, 而且公交站旁一向都有人短暫睏街, 唔會立刻被驅趕. 一到有人來驅趕時, 佢地大多會問到隆路, 可以去當地其他地方睏街了. 所以, 現在係公交站睏街果D人, 係初下海咖咋, 一切都比較光鮮清潔, 一到佢地睏街睏得咁上下時日, 就會開始好污漕! 一個二個就會變澌做"犀利哥""犀利姐"了. 不過, 相比老美睏街果D, 老美果D係好乾淨咖, 一D都唔似睏街!

好啦, 我地果個偉大的老頂去左邊呀? 希望佢唔係果D..... 無事就出來扮澌魚蝦蟹, 有起事上來就縮埋入個殼裡頭, 扮睇唔到呀! 

老美當奴友講得出做得到呀! 一D都唔衰仔喎! 人地老美政府都每人派2000美金呀, 人人有份, 永不落空. 最少減少貧民的苦況, 人家老美都話到明...... 係資本主義社會, 唔係社會主義大鑊飯喎! 哦, 明白了, 現實證明左...... 老頂果句"資本主義必然失敗, 共慘必定取而代之"係........ $%(%*%^(#*$@)$*$@*%(#))@*$(%%^*!#)%..... 妖.....