2014年12月28日 星期日

噢...... 不好色才是人格缺陷嗎?

近排, 台灣就為到這一句鬧得熱哄哄...... 事緣呢, 前排台灣太陽花運動, 推翻台灣主政國民黨, 跟中國大陸簽服貿的協議. 這樣就造就了數位天王出來, 其中有人出來參選, 但給人翻查舊帳, 發現有人曾經在巴士咸豬手人家. 


當然這個是晴天霹靂啦, 背後支持這人出選的人大鑊了, 但是, 王丹就出抹著良心來盲目撐這人, 就講了這句更大鑊的說話.


好了現在不單只台灣太陽花運動要打柴收工, 連帶89國內民運都大打折扣.

這句說話令到天下所有男人都大大鑊嘛, 輕則俾老婆罰洗廁所和頂痰冠, 重則被老婆趕出來嘛. 

以我JJ 話齋呢嗄, 王丹個ARGUMENT放錯左, 人們希望才子可以見到佢死都咬番生, 但唔係要全世界男人都要陪那人一齊受杷喎. 不如王丹講, 這人犯案那一刻荷爾蒙失調, 所以做出有違常理的事, 現在已經治療康復了, 不用再懷疑他自制力和人格. 

最後, 我只能講,  婚姻這樣野, 係一個道德的選擇, 只會選擇跟某一個人去發生性行為嘛, 選擇了之後, 就不會輕易改變.

2014年12月27日 星期六

誰在夜深苦追憶, 眷戀半段殘夢?

掛雪在樹上, 實在十分好看, 也令人感受著一種留不住, 或一剎那美麗的殘夢. 不過, 這些景象, 實在容易令人情緒低落, 大家看完後, 要多出外走走呀.















2014年12月26日 星期五

2014年12月25日 星期四

SHOW SHOW 我這裡的聖誕氣氛

就要由街頭, 講到商場, 無錯商場內有木馬仔騎, 還有一大班人排隊俾錢同聖誕老人合照, 一片祥和景氣.













2014年12月24日 星期三

冬至的晨曦

大家看看加國的冬至, 零下14度下, 是一個怎樣的世界..... 

當然夏至相比冬至, 日出時間不同了, 就連日出來的位置和方向都不一樣..... 










2014年12月23日 星期二

想起冬至

現在加國仍是冬至日, 突然想起自己要像個中國人般慶祝一番..... 

我現在已經真不知道自己要用南方, 還是北方習俗, 算了吧, 兩種一齊用了, 又不是太難, 一陣就做好了. 當是自己不忘本, 不忘自己祖先的來源, 遠祖是北方黃淮, 近祖是南方的蘇浙.....



2014年12月22日 星期一

吓! 港人由為所慾為.... 到被再啟蒙....

繼某大人阿二講, 要再啟蒙香港人對基本法的認識外, 最近上邊的衙門寫稿佬好喜歡講, 港人在基本法上, 喜歡怎樣詮譯就怎樣詮釋.....為所欲為.....

不過, 這個又唔怪得港人喎, 嗱, 未回歸前, 上邊又驚死嚇親香港人咁, 港人叫佢地講基本法講得明白一點, 上邊一係好似掃把頭咁講, 信我啦, 一係就尤抱枇把半遮面咁, 遮遮掩掩. 

更不能怪港人會想著, 現在國內經濟強大起來, 唔多再需要靠香港, 現在就在基本法上加添了很多港人不願見的詮釋, 甚至新的條文.

回歸後到2005年的一段時間, 國內面對一個很嚴重的課題, 很多國企到98年金融風暴, 不單虧損嚴重, 年年要靠阿爺補助, 很多更是資不抵債, 需要關閉或變成市場化的自負盈虧. 當時, 就借助ONE總改革開放的公眾形象, 來出任總理, 使人覺得關閉國企, 或國企市場化, 是一個改革開放的政策, 減低了因為國企員工下崗失業而造成的社會矛盾和動盪. 

只是市場化需要的資金何來? 國企自負盈虧要轉形, 要改變生產模式, 要進口外國設備和技術, 需要海外資金, 這些資金那裡來? 當然要靠集資, 但不是國內向人民集資, 而是要向海外集外資嘛. 所以2003-2006年, 香港被大派用場, 在香港集外資, 一句講哂, 快, 靚, 正..... 

那時, 莫説23條要收起, 連其他關於國內強硬派, 對一國二制和基本法的任何再詮釋或再教育, 都一一被收起了. 只是2008年美國金融海嘯後, 香港作為國內集資基地的角色, 已經變得沒有以前的重要, 而且國企已經來港上市集資, 已經轉型成功, 只輪到私企來香港集資. 

現在當然是時候, 對港人講清楚他們對基本法的深層構建, 不論是否現在才有某些詮釋, 或是一早已經有某些詮釋秘而不宣, 他們都不用像以前般的顧忌, 也不怕影響港人的信心了. 

PS: 有時自己在想, 再啟蒙跟再教育有什麼分別? 可能真係無乜分別咖咋..... 唯一分別, 再啟蒙可能是指港人唔夠醒目, 本應港人自己要明要懂咖啦, 唔洗劃公仔劃出腸, 現在要人家用壓力來打醒港人, 要港人變得醒目一點; 再教育可能是指出身不好, 黑五類嘛, 要用再教育來改造, 不過, 再教育和再啟蒙兩者的手法, 也可以是一樣, 港人應該要小心點了, 打醒12分精神了.....

2014年12月21日 星期日

終於燒到網上言論這平台了

看報紙, 有一名沒有任何政黨或政治組織背景的港人, 曾與家人計劃到澳門旅遊,但他卻不准入境,拒絕入境理由是「台端對內部保安的穩定構成威脅,故採取警察預防措施」。

這名港人承認一向有在 facebook 或 WeChat 上, 發表或轉載雨傘運動、批評中央政府的言論. 

其實現在查我地班人好容易, 一 RUN 個網上特定詞彙軟件, 我地講左D乜, 都會記錄在案, 之後, 就睇睇我地有無咁戇居用真名. 如果無呢(好似我咁), 又如果人家認定BLOG 主或網主好串, 講野好入肉, 就會派金手指來起底了. 

之不過, 大陸有乜好去? 澳門有乜好去? 我天大地大, 世界任我去...... 


2014年12月20日 星期六

搶錢呀, 狼過華秀呀.....

昨天加國移民局正式宣佈, 投資移民門檻為1千萬加仔身家, 2百萬用來買"凍過水"的風險基金. 

真係食人唔 NER 骨呀, 佢地又唔睇下自己天氣咁凍, 年年冬天都有大把人情緒低落, 年年都有大把人患上跟冬天有關的疾病. 

其實, 佢地俾人用2 百萬來自己做生意唔係好囉, 蝕哂都心甘命抵, 只能怪自己技不如人, 如今佢地要人硬性買乜乜基金, 即是把命運交到人家手中. 

好心加國個政府咪咁串啦,如果今天要我再移民, 咁多國家的投資移民門檻已經相差無幾, 我就唔會來這裡咁凍的地方.

2014年12月19日 星期五

冤孽得來, 瘟疫去.

最近聽了這裡中國人間流傳的一個故事, 是一個國內小三, 以前捲了佢包公一筆錢, 後來利用個外國老華僑出國了, 到了外國後的故事.

可能佢筆錢唔係太大, 又或小三不想生活水平過得太低太無面子, 就打算再拍著個大款, 又或跟大款埋堆, 攪些小賣買做. 這小三有點姿色, 但一看本地中國人沒有那個顯得大富貴或豪氣, 佢就轉戰到老外的老闆身上吧!

佢人生最美好的日子, 可能是跟著佢伙拍的鬼佬老闆, 一齊去買地起屋來賣. 只是, 對一個小三來說, 在國內習慣了佢包公一切包攪掂, 佢又以為佢現在個哎呀契家佬又係咁. 

誰知這鬼佬不賣佢的姿色帳, 連佢果份都食埋, 還攪到債主臨門, 要食埋佢幅地. 更在背後同人講佢係 CHEAP CHICK. 

最後, 佢自覺被那鬼佬的一幫人逼得走到絕路了, 唯有走回來中國人中間找幫手, 可能佢最後認識到, 還是中國男人可靠一點吧! 只是佢個氹已經蹉得太深, 要找惡人來治惡人, 普通人或律師已經幫不了佢. 但是之後, 佢是否由個氹裡面獲救出來, 這就不得而知了.

實在太多這種蠢女人, 面子大過天, 竟然連人家裝門作樣, 故弄玄虛都看不出, 一部名貴房車, 一套貴價西裝, 就令佢人生一無所有了. 

PS: 我不知道國內大部份小三是否究由自取? 還是為老闆大款所逼, 才淪為小三? 不過, 我覺得做人誠實一點, 人生總不會陷入萬劫不復之境. 

今年十月我回港, 有次排隊搭船, 有個煲冬瓜女仔走來假意問搭船資訊, 問完後佢就不走了, 實在係想假意來插隊. 

我見佢年紀這般少, 又見佢一個女仔像無主孤魂似的來香港自由行, 我就希望教會佢認識如何去守規舉, 做個好人, 就讓她來陪我一起行山. 後來她離港前, 我買了些零食和便當給她, 請了她吃幾餐飯, 全是平民餐飯, 但想表達些善意, 希望佢將來也對別人有點善意. 

但可能我的善意被佢曲解了, 我回來後, 佢竟WECHAT 我說, 我只比他老爸少一點歲數, 要求我借錢給他來外國讀書.







2014年12月17日 星期三

被國內同胞搶貴了

無錯, 香港由奶粉到樓宇, 都被國內同胞搶貴左, 但另一樣可能大家唔知道, 就係移民加國的門檻. 

就以投資移民為例, 以前的規舉, 最低160萬加仔身家中, 要80萬來投資, 自從加國個肥仔總理話這個嚴重低估了加國護照的價值, 個肥仔竟然加國政府取消這門生財工具喎.

點知..... 自從香港攪左單佔中, 攞飯焦薰話最近多左人去移民後, 加國政府又係度蠢蠢欲動來吸金, 竟然又再推出投資移民計劃, 不過新規定幾蝦人, 最低二百萬加仔身家, 不過要攞一百萬加仔來買風險基金. 

這些風險基金其實十分嚇人, 不是一般投資公司設計的基金, 而是加國政府或政府附屬機構攪的基金, 投資對像係一些加國包蝕錢不賺的國企, 或政府為到維持地方上的就業, 所資助的蝕錢私人企業, 甚至是政客他們自己家族的企業. 其實, 即係叫人俾100萬加仔佢地D政客或國企, 來換加國護照.

嘩, 這樣真是對投資移民十分不公平. 只是, 為何以前我們香港人移民時? 無這些臭規舉, 現在到國內移民時, 就有這些..... 一來現在多左人投資移民, 搶貴左啦, 二來現在國內移民很多都唔理會要攪生意, 放低左老婆仔女, 就走左人, 咁樣就攪串左個PARTY, 人家當然就條氣唔順. 

我地香港人以前移民, 都係有人做太空人, 但我地都好自律, 話做生意就真係有做生意, 一定有交完齊功課. 當然,  一切都係力不到不為財, 個人唔係度, 生意就預左蝕錢咖啦, 不過, 一定唔會好似現在咁, 蝕到渣都無得剩嘛, 完全係入哂政客的口袋.

我家慶幸做投資移民有錢賺, 而且賺得不錯, 到現在仲食緊條水, 相比很多認識的人, 我們算是好幸運了.



哎喲, 有無曖昧D呀......?

我咁大個仔, 熟讀孫子兵法+鬼谷子+戰國策, 深明乜野係策略和游說詞彙, 但我從未聽過咁樣去勸降說降, 不過可能係誘降, 但就聽到人好唔舒服, 感覺得好曖昧, 甚至有點猥瑣.... 哈哈哈..... 

故事就係咁既...... 佔中運動完結後, 係人都知道阿爺要招降D學生哥, 做佢地條靚條馬, 甚至條針啦. 

咁..... 某某過氣裸照律師, 白姑娘前男友, 現職垃圾會新扎師爺, 金鐘街頭通坑渠高手, 前幾天佢係研討會上, 見到某靚仔學生哥, 可能佢一時心血來潮, 想替阿爺招降個靚仔.... 佢講話呢: "靚仔哥哥, 加入建制爭取民主啦, 喺街度瞓生晒暗瘡,搞到唔靚仔啦。"

WHOLLY MOLLY JOE, 嘩哈哈, 依照師爺峻的往蹟, 實在有少少令人要往"癖邪劍譜"的方向去思考吧, 我立刻打了個冷震, 實在好難頂呀. 

當年, 曹操用果招來招降關公呢, "上馬提金, 下馬提銀, 三日一小宴, 五日一大宴, 別送美女十個", 這招雖唔一定招降成功, 但都不會遺臭萬年, 成為千古懸案, 被後世人非議又非禮嘛. 

PS: 講到某某學生哥, 我個款有點似佢, 只是莫明其妙地, 我在香港時, 有些人以為我"基", 唉..... 實在世風日下, 人心不古, 我身邊無個女朋友或老婆, D人就以為男人生得靚仔少少, 就係"基".

2014年12月16日 星期二

小龍女.... 玉女心經

這兩天週末放假, 隻手掌都要膚緊冰, 所以, 我好乖呀, 宅係屋企無出街, 每小時膚15分鐘, 聽足個鬼妹藥劑師講. 

只是癱隻手掌係冰上, 實在不好受了, 唯有自我安慰, 現在我唔係係病緊, 我只是好似小龍女咁, 練緊玉女心經, 暫時練住第一重先咁啦. 

所以, 做人樂天是好事, 我覺得呢, 現在情況當然不好, 但有可能會更差, 現在只傷手掌, 又無骨折, 實在天父的保守, 慶幸也來不及.


2014年12月14日 星期日

昨天...... 今天.....

昨天在結冰行人路上撻了生魚, 十分慶幸自己手掌先落地, 接受了大部份的力度, 到 PATPAT 落地時, 力度已經減去一大半. 

只是手掌就好痛, 立刻去唐人街買包脫苦海, 減去痛了, 但回家發現開始有點腫起來, 

本來去藥房買個咕來唔俾手掌再受傷, 但個鬼妹藥劑師睇完我隻手掌, 就同我講要食藥來消腫喎, 仲叫我這三天, 每一小時, 用冰來膚15分鐘. 

嗱嗱臨, 去買左盒ADVRIL, 每4小時要啪一粒, 啪足3日喎.....

嘩哈哈, 各位你地係咪好掛住我呢? 係啦, 係啦..... 我知道你地好關心JJ的. (老鼠跌落天秤中)

嗱....... 嗱....... 嗱....... 嗱....... 嗱.......俾D新進展大家睇睇.... 現在載住個咕, 就可以打字, 做些簡單的家務, 切些輕便的餸菜. 



PS: 還有, 現在我父母已經回港過冬, 只有我一個人係屋企度, 還好, 這幾天不落雪, 唔洗剷雪, 可以養好傷了, 所以上天實在對我不薄呀.

今日撻生魚

這幾天落了30CM雪+雨, 地面結了冰, 但如果遇上斜路和冰面未清, 就十分容易滑倒了.

今天撻得我四輪朝天, PATPAT 好彩痛了一陣就不再痛, 只是手腕有點痛, 立刻經過唐人街, 買盒脫苦海, 就無咁痛.

現在一邊打字都一邊在痛了.

看來我這幾天不出BLOG文了, 讓隻手好休息了.

SEE ALL YE IN A FEW DAYS....

2014年12月13日 星期六

香港街頭募捐

今次回港, 最大的驚訝, 莫過於有次在街頭有人向我募捐. 

真不知道他們是否新丁, 竟然把他們的行政費用, 都寫了在宣傳單章上, 竟然是27%.... 

噢...... 怎可能咁高的行政費用, 都夠膽來叫人捐錢. 

樂X會係10%, 我都已經唔會捐了, 何況係27%..... 太過份了. 

個募捐女人一行轉身, 我就脫口咁講: "Oh.... my goodness, how dare she think I should donate to such a charity....?"


2014年12月12日 星期五

其實, 係因為...... 我份工

哈哈哈..... 有網友心水清, 從我係blog上的活動中, 估到我何時開始放假, 何時返到滿地可上班, 就走來e貓我.....我已經寫定哂D BLOG文, 才回香港的, 咁都俾這網友估中, 抵我下次回港請佢飲茶了.

係呀, 我一連放左5個星期呀, 真係無乜人可以放咁耐假, 都唔會俾人豉汁炒魷, 皆因為我份工有得計年資, 年資越耐, 一年就可以放越耐的假. 

大家可以估到我有多大年紀了, 不輕吧!






2014年12月11日 星期四

噢.... 有無咁心理不平衡呀.... 竟然有戀足狂男

有報導呢..... 


LI 兜友呢, 在方圓百幾里內的不同地區犯案, 不斷去舔陌生女人的腳喎, 舔完後, 仲要搶埋受害女性鞋和襪, 回家做紀念品或戰利品.

犯案過程不離係.....  查問受害人穿著的靴子在那裏購買,之後突然用力捉住受害人的腿,把受害人腳上的 靴子除掉,舔吮受害人腳部之後奪門而去,離去時還把受害人的靴子和襪子都拿走.

嘩哈哈..... 這條友都幾型仔姐, 洗唔洗淪落到咁既田地呀? 咁樣衰的事情都可以當眾做得出來. 

可能大家會認為香港環境嘈雜, 每每令人發瘋起上來; 之不過呢, 加拿大剛好相反, 靜到連烏蠅飛過都聽到, 都係令人發瘋的原因之一呢.

2014年12月10日 星期三

多倫多運動會吉祥物

加記現在都學了中國, 攪個運動會時, 攪埋隻吉祥物出來, 個名由日文來, PACHI, 即是解CLAPPING WITH JOY.

都算CUTE吧, 只是横睇豎睇, 佢都唔似箭豬喎, 箭豬有一條條刺出來嘛.....


2014年12月9日 星期二

不好了, 又多一間執笠.....

今次係荷蘭的MEXX, 不過, 見佢今年設計D衫, 件件都灰太狼咁樣顏色, 實在唔想買了. 

家陣D時裝品牌執下一間又一間, 希望又有人再開番D新的, 注入新的時裝理念. 

當然, D人設計錯誤的時裝, 就會受到市場來懲罰佢地.

2014年12月8日 星期一

香港今年十大惹火人物

最近出爐了, 由阿虎搜尋器上得出了結果. 

意外地佔中三子無份喎, 雙學三子卻排榜首, 跟住係惹火四人組, 由震英哥父女勇弄, 再跟著係震英哥條馬仔和佢超級FANS湧躉, 4人可以講話係名至榮歸呀.... 

跟住之後3個, 一個吸毒男神, 一個環保假鬥士, 一個"差佬愛廣播"咁啦..... 

1.黃之鋒

2.周永康

3.岑敖暉

4.涼 C.Y.

5.李私煙

6.淋蔗乙鵝

7.震英哥

8.柯震東

9.吳星星

10.許SIR

2014年12月7日 星期日

家陣才是麻煩的開始.....

前排, 阿潮記士多入紙法院, 話佔旺人仕阻住佢地D積木車使用道路, 申請禁制令清場喎. 

咁樣, 潮記唔俾人係街上玩煮飯仔, 現在D人又去申請禁制令, 唔俾潮記係街上擺放佢地D積木車. 

其實, 講句實話, 如果單單講擾民, 可能潮記都不是兩手乾淨喎, 係"停車息匙停放屁法例"生效前, 佢地D積木車停係全條花園街, 架架都唔息匙猛放屁. 

我每次回港小住, 去先達時, 都唔會行花園街和通菜街, 就算行快富街經過街口, 我都差唔多透唔到氣. 真係難為果度D居民和商戶, 日日咁吸D積木車放出來的屁, 就真係等如賣個肺俾潮記士多, 潮記士多欠了那裡居民和商戶, 每人一個肺呀. 

好了, 現在潮記士多提醒了人們, 可以用錢入紙法庭來申訴, 不單佔旺人仕每人可以夾1蚊, 連那裡居民都可以入紙法院, 要潮記來賠償他們不停排放廢氣對人們健康的傷害. 就好似人們告煙草公司, 告啤酒公園, 現在就快告埋麥當當了.

2014年12月6日 星期六

嘩哈哈.... 震英哥..... 咁多人去自首, 我又來自首了....

係呀, 我.... JJ先生...... 十月初曾經在夏慤道行車線上, 做出海棠春睡圖咁樣的行為..... 都算係咁意佔左馬路2分鐘喎.

係呀, 我宜家泥自首呀, 震英哥你快D來拉我吧..... 我係加記等你來拉我呀..... 

快D搭飛機過來呀...... 哈.....

2014年12月5日 星期五

中英聯合聲明失效?

現在中方拒絕英國下議院議員, 所組成的香港民主進度調查小組入境香港, 英方就立刻捉著說, 中方表明中英聯合聲明失效. 他們無能為力了. 

我自己從來不知道, 英國在香港回歸後所能起到的作用, 甚至在回歸前, 更拒絕了海外港人, 到香港以外英領館, 續領英國BNO護照. 

英國政府縮沙卸膊, 早已經知道了, 現在更說中方表明"中英聯合聲明"失效, 這等做法, 即是叫港人自求多福了, 他們一早已經把港人的命運交到中方手上. 

是的, 港人真是不需要英國議員來港調查, 傻佬都知道港人的被選權利被人剝奪了, 何用千里萬里來香港調查.

不過, 當港人需要他們政治庇護時, 請不要把門關了.把門關上, 是最無恥不過的行為, 比把他們把港人命運交到中方手上, 更無恥.


2014年12月4日 星期四

香港繼續咁落去, 會激起多個許文強和丁力出來.

大家有無睇第一套"上海灘", 第一集好快就帶過左許文強的背境.....

如果大家記得, 許文強的背境, 跟很多現在的學運領袖好相似, 只是, 可能不同的, 最後許文強坐完監後, 加入左黑社會. 還有, 許文強女友在遊行示威中, 被人打死了.

只是, 許文強這樣的CASE, 已經屬於好溫和, 因為日本六七十年代, 有很多這樣的學生領袖, 後來變成赤軍派恐怖份子, 而且因為這些學生領袖的個人眜力, 令到一呼百應, 當時日本赤軍派勢力一時無倆, 也令當時日本社會嚴重左傾. 

所以, 我呼籲大家要對這些學運學生從輕發落,  唔好好似昨天我講果個伯虎咁, 佢咁做, 只會一石激起千重浪.



 

2014年12月3日 星期三

香港人現在好燥火.....

係網上, 有女網民指乘車時, 被一名男子望了幾眼覺得不舒服, 更罵對方是在性騷擾, 還將他的樣貌拍下並放上網.





其實, 香港人現在好燥火, 我這次回港頭幾天, 有次去搭巴士, 因為時差暈暈地, 又因為我個人太高, 腳又太長, 架巴士卻是舊式, 座位跟前座空間比較狹窄, 就不時因為巴士剎車而撞到前座. 前座那個伯虎, 初次回頭望望我, 因為我太久未在香港生活了, 未懂其意思, 個伯虎第二次回頭就問候我全家, 可能佢誤以為我係某學運領袖, 才把他搭巴士不停旺角的怨氣, 一股腦兒發在我身上. 

哈, 我一見咁, 當然唔學到佢咁燥, 也立刻意會到佢的投訴, 立刻盡量避免再撞到前座. 

只是巴士上人咁多, 無意撞到, 也不能如此自以為是, 這樣惡意相向, 有失他自己身份, 也失禮坐在其旁邊的家人, 其家人怎樣扮作高尚人, 也沒有用, 更讓其他人以為佢和佢家人, 全部都係黑社會或流氓爛仔. 

 其實 , 這些人咁燥, 旭少少就咁, 攪到佢地自己和佢家人咁丟架, 倒不如唔好出街了, 又或唔好搭公共交通工具了, 自己揸車或請司機出入接載唔係好囉.

PS: 講番上邊單野, 那女網民與其投訴那男人望佢, 不如投訴個男人唔夠靚仔. 

其實, 香港咁迫人, 搭巴土地鐵時,  不是面向這人, 就是面向別一個人, 攪到好似男望女女望男咁,  十分平常, 只是, 原則是, 一見到對方不舒服, 就應當轉身. 而我自己, 通常都會微微咀笑, 都好少會令到別人不舒服的.





2014年12月2日 星期二

哈哈哈..... 真係唔可以唔讚下GOOGLE

近來香港網上有首改編歌, 叫"日日去鳩嗚", 係由劉德華首"獨自去偷歡"改成, 係講述現今香港清了佔旺後的情況. 

內裡有個名詞叫"李私煙", 大家知道啦, 我JJ有好耐唔係香港生活嘛, 我聽來聽去都唔明白喎, 就試下 COPY & PASTE 去 GOOGLE上查下, 哈, GOOGLE真威猛喎, 首歌出左來幾天, 咁都有料到, 原來係講一位 C9 喎. 

嘩哈哈, 我絕無想過去 BULLY 阿李女仕的, 只是我真係忍唔住笑左出來, 也要讚下GOOGLE 真係好野, 咁刁轉佢地都有搜錄到係佢地 DATABASE 上.

2014年12月1日 星期一

點係國際法庭上, 告震英哥?

其實, 自從9.28有六萬人去街後, 突區政府變得更老謀深算, 現在清場, 又用上被阻塞街道的相關團體, 由它們入紙法院, 申請禁制令, 再交由警方來執行清場. 

現在香港政府的理據十分充分, 但王丹昨天講, 如果香港出現暴力流血事情, 將會去歐洲海牙國際法告震英哥和其政府..... 

只是, 這樣去告震英哥, 就要證明警方清場的執法, 跟早前香港法庭發出的禁制令無關, 這個又真是有一定的難度. 

而且, 除非後邊有人幫王丹出錢, 再加有律師義務幫佢地來打, 如果唔係, 除了前期開支外, 一切都有排攪, 可能到震英哥和一眾人仕拜拜時, 才開始程序. 

不過, 我希望佢咁講, 會讓一些警務人員和官員刻制一點. 

我明白的, 任何人每天十幾小時在街上執勤, 沒有休息, 沒有休假, 任何人都會發癲起來, 警察都是人, 人總會有極限, 過了極限就會爆煲. 

現在不要怪學生, 學生都是行出來, 為全港市民(包括警察)爭取選舉和被選權; 若要怪的, 就怪震英哥和他背後的1200票和整個制度吧!


2014年11月30日 星期日

咪單單話佔中青年人麻煩呀.....

報章上看到幾側報導...... 

有一個14歲少年去參加佔旺, 被警察拉了, 警方可能認為對父母沒有好好看管兒女,  竟然向法庭申請接手少年的監護權.

又有一側講, 有15歲少年, 在網上叫人, 一齊攜帶尖銳工具, 用來打破立法會門窗, 及搶奪警方盾牌,事後被控以一項「有犯罪意圖而取用電腦」

最後一側, 卻是講突手震英哥個女兒, 見到有人隻價值萬八的老虎狗被搶, 佢又出來講佢有隻, 叫人唔好來搶佢隻狗. 

其實, 小朋友腦筍未生埋, 做父母就要從旁多加誘導, 唔好俾佢地在外邊招惹麻煩. 這些不能怪任何人, 上致突手, 下致一般平民, 人人都有這些頭痛事. 

2014年11月29日 星期六

都係..... 佔中之過

以前常常聽老人家講, 唔好食街邊的野食, 唔衛生. 

其實, 在現今的香港, 尤其市區旺角, 人流咁多, 一天銷量咁大, 東西剛由供應商冰車送來, 不到1-2小時, 就已經賣完, 跟本就不會有可能食到人肚疴吧!

只是我今次真係食到肚疴, 疴左我半天咁啦. 

事緣起因, 大約是因為旺角在佔領運動下, 巴士唔停旺角, 人流大減一半, 這些小食舖平時1-2小時賣清的野食, 佔中期間, 就要4-5小時, 咁樣.... 就真係有問題了. 

所以, 佔領運動未見動遙政策的方向, 但已經擾亂左很多小商戶的營商活動, 這些小商戶原本唔需要冰櫃的.

2014年11月28日 星期五

震英哥, 誰之過?

震英哥去到韓國, 仍然不忘港事, 開咪講: "如果市民不繼續佔領街道,「我們就毋須要考慮用禁制令,毋須要考慮用執達主任,毋須要考慮用警察,亦毋須要考慮現時有人傳說的『宵禁』,或類似的措施來回復社會秩序」。"

不過, 震英哥, 現在攪出個大頭佛出來, 根本就係你莫視民意喎, 明明知道上邊唔會俾普選提名權給港人, 就唔該你好聲好氣跟港人解釋. 

還有, 你未講野之前, 唔該好好地坐低, 同你自己個新聞官想清楚點講, 唔好自以為是, 懶醒唔得醒咁, 一出來講野, 就立刻惹火到令更多人上街. 

仲有, 你最好要分清楚庄閒, 你只是個政治代理人咋, 現在唔係你話乜就乜咖, 即是, 你係政治夾心餅呀. 

坐這些風向位, 原則就一定係越少惹起社會矛盾, 你係你主子心中, 就越得分; 而唔係, 你把你主子心中的烏氣怨氣說出來, 為你主子順順氣, 就會有分加呀. 你主子若要說出心中怨氣, 自然有大把渠道為你主子順番氣, 唔需要你爭住去做. 

你份工唔係做D咁野咖, 你自己最好認清楚你自己份工要做D乜, 唔好再攪出大頭佛出來了. 

PS: 其實, 講句唔好聽, 突手份工, 某部份範圍, 係幫阿爺擋住D投訴和咒罵聲, 由突手去做衰人, 讓阿爺去做好人. 現在你要阿爺走出面來做衰人, 暗地裡, 你已經令到你主子心中十分不快了.

2014年11月27日 星期四

單身.... 又有多個藉口抵賴了

今年回港, 舊同學又一番好意,  想來介紹佢太太的同事給我. 

只是我這已經年紀不少了, 性格大定, 改變不到去遷就別人, 現在才找多個人在自己身邊, 真恐怕雙方都不會生活得太舒服. 其實, 人年青時, 還容易改變來遷對方. 

只是以前香港有D人想法, 有點不切實際, 看婚姻看得太一面倒, 才令到很多人不婚遲婚, 也令到北上的人多了, 令到現在香港男女失衡了. 

__________________________________________________________

研究:單身或是「單身基因」作祟  

街上愛人一對對,但自己仍是單身?北京有研究發現「單身基因」,擁有這類基因的人單身的機率較普通人高20%,因為單身基因會降低大腦血清素的濃度,使人對親密關係不自在。

北京大學的科研人員收集及分析了600名中國大學生的頭髮,研究內裏的「5-HTA1」。這種基因有兩種不同的類型,擁有G型基因的人比擁有C型的人單身的 機率較高。原因是,這種基因會降低大腦中掌管情感化學物質血清素的濃度,使人對親密關係感到不自在,亦可能導致人在建構關係上出現困難,或不能維持一段長 久的關係,一再分手。

研究的關鍵在於「5-HTA1」基因在大腦中的作用,擁有G型基因的人大腦中的血清素濃度較低,而血清素與情緒和幸福感有關,科研人員發現,擁有G型基因的人,感覺較難與他人有親密的關係,這類人亦更容易神經質,或出現抑鬱。

科研人員在《科學報告》中撰文表示,悲觀情緒與神經質都對於戀愛關係的構建、品質與穩定性有影響,所以擁有G型基因的人在心理障礙的影響下,可能導致約會機會減少,或者戀情失敗。

2014年11月26日 星期三

從一開始, 佔中就打錯算盤了.

其實, 如果我沒有理解錯誤, 原本的想法, 他們只是打算去佔領中環和金鐘, 迫政府短期內, 用嚴厲手段來清場和拘捕佢地, 攪個好似64般的悲情結局, 用來激起市民走出來作長期的抗爭. 

只是, 香港政府一用催淚彈, 就激起幾萬人出來. 之後, 香港政府就變得老謀深算, 把整件佔領事件拉長來處理, 不再武力清場, 令佔領運動變成擾民的熱手山芋巾, 讓佔領運動自然地衰竭.

還有, 他們不去佔中環, 反而去佔旺角和銅鑼彎, 這樣香港政府更有利, 根本不用盡快武力清場, 可以灘凍佔中的人氣來打. 

其實, 就算他們去佔中環, 他們都失盡民心, 反而整個運動立刻瓦解. 

任何人在香港這樣地少人多的地方, 攪個佔領運動來迫政府, 都是未贏己輸民心, 就算去佔領維園或花墟公園, 都會令到晨運伯伯嬸嬸不方便嘛. 






2014年11月25日 星期二

港人最好都係練定好D英文

我一向都不太看好"佔中", 一向都認為個策略十分差, 損害了那些明明要去爭取的階層和人仕.

現在, 在一片民意逆轉之下, 有報章報導, 在某大學選舉學生會過程中, 候選人竟然被人恐嚇,要其退選. 

當然, 我不反對如果有人說, 佔中人仕首先破壞了法治, 鼓動其他人都去做違法之事.

只是在這個社會風氣之下, 令我有點毛骨悚然吧!

尤其, 現在上邊動不動就注消一些人的回鄉證, 又或佔中義工北上被拒.

其實, 港人與其龜縮於彈丸的香港或珠三角, 何不放眼整個世界呢? 可能, 行這條路不容易, 比留港艱難很多, 但是卻增加港人暢所欲言的資本.

2014年11月24日 星期一

香港好多人講法文.

我自己少去中環, 而中環街頭太嘈了, 聽不到人們講些什麼. 

但一去行山, 因為環境清靜, 就聽到D西人講乜, 尤其港島那邊的行山徑, 見到勁多西人, 除了英文外, 就聽到法文了, 只係有一次, 聽到有人講德文. 

不過, 大多數人講的法文, 都是跟我這邊的法文相近, 大多都是諾曼第口音, 即是英國隔住英倫海峽的那邊法國, 相當之近. 英國很多人一到週末, 就過去諾曼第那邊渡假, 所以這些英國人會說法文. 

為何這些英國人係香港講法文呢? 大約, 可能他們不想我們香港人聽到佢地講乜吧! 

嘿.... 他們黑仔了, 遇上我...... 哈哈哈......


2014年11月23日 星期日

滿地可街頭 - 殭屍遊行.

這個不是我拍的, 而是人家拍了, 我見到, 覺得攪野, 我就轉載一部份. 

為到尊重人家原作者, 我只轉載一兩幅, 還有其他的, 請到這條 LINK, 自己慢慢睇. http://www.sinoquebec.com/forum.php?mod=viewthread&tid=1042299&extra=page%3D1









2014年11月22日 星期六

一方水土養一方人

今次回港, 最大的不適應, 就是街上一些人的目光. 

其中一些原因, 可能我的衣著和外貌有點不像香港人了, 因為在加國住了30年的我, 在北方寒冷天氣下居住久了, 樣子就不再像南方人了.

有次在香港大檸樂吃晏仔, 隔離座位的小朋友來問我, 係咪韓國人, 我答他, 既然用得廣東話答你, 我就不應該是韓國人. 

可能韓劇韓潮深入香港人的心, 更有男神這些名字出現, 只是我衣著十分普通, 可能在香港被人誤以為名牌, 但實際裡, 只是一些加國人的普通衣著. 

怎樣也好, 回港小住一個月, 我身體裡的香港人基因, 又因為天氣的緣固, 慢慢再浮現出來了, 呵呵呵.

2014年11月21日 星期五

終於返到加記了

哈哈哈, 大家唔好話我神出鬼沒喎, 我真係10月初返左香港, 仲係香港好快活咁放左一個月, 勁開心, 勁舒服咁著住短褲週圍行街街. 

原本都想去其他地方行下, 但係佔中令到我住親戚果頭, 一落街就少左人, 空氣好左, 車又少左. 因為我平時唔係香港住, 個感覺就好似, 自己買張機票去星加坡或曼谷或吉隆坡, 係街上慢慢行街街咁, 當然香港在佔中下, 空氣和溫度和環境, 比這些城市好很多很多. 

我每日都週圍去, 有時, 每天行2-3個鐘頭街街, 就打道回府睏覺仔, 十分舒服. 

唔知係咪年紀大左, 唔再習慣每天趕頭趕命咁四圍去十幾個鐘了, 靜靜地, 每天行2-3個鐘, 食下野, 睏下, 係公園坐下, 搭下巴士四圍去下, 咁就好開心了. 

2014年11月20日 星期四

哎呀呀..... 我有邊忽似佔中人仕.

回到香港小住, 有點不知所糟, 頭幾天都因為時差而暈陀陀, 出到街, 又要就要適應文化差異.

去理髮, 去按腳, 去見中醫師, 都被人問我又無去參加佔中. 

後來, 有人告訴我, 我個樣有點似某位佔中人仕, 嘩哈哈...... 這個真係嚇左我一跳, 因為我要去續回鄉證, 又可能上去大陸行下吧. 總不想被人截住唔俾過關. 

最後, 都無事情發生, 而且, 佔中後的市區, 人流車流少了, 空氣好了, 行在街上舒服了, 舒服到我唔想外遊, 連上陸都懶得去了. 




2014年11月19日 星期三

惻隱之心, 人皆有之

不要以為西人思想十分理性, 就缺少感性的一面.... 

前幾天去雞伯食野, 有個鬼妹都幾靚女, 只是現在時勢唔好, 以前靚女容易搵到辦工室工作, 現在就只得來快餐店打工. 工資低, 工作環境差, 仲要一腳踢, 又要收錢, 又要做打掃, 差在唔洗佢做埋處理食物. 

我一邊食一邊見佢用掃把頭, 騷騷地下睏低左隻烏蠅, 佢見隻烏蠅會沃未死, 就讓隻烏蠅留係地上繼續再癱著, 無掃走隻烏蠅.

其實, 佢係犯左規的, 因為佢掃地, 就係要掃走隻烏蠅嘛, 我見佢咁, 我就同佢講: 隻烏蠅都唔再飛得起! 我見佢有少少不忍心, 我就加多句: 你心地真係好了. 

有時, 我實在要感謝神, 俾我見到人間善的一面, 多於見到惡的一面, 因為這個就決定了我人生是否快樂, 這個是多多錢或讀多多書都買唔到的東西. 

一個笑口常開的人, 必定比一個古埋面口的人, 更美更健康更惹人們的好感.


2014年11月18日 星期二

2014年11月17日 星期一

滿市街頭音樂

放個舊鋼琴, 就有人來彈了, 真好, 我又可以免費聽音樂. 


還有街頭BAND




2014年11月16日 星期日

我這裡的蘭州拉麵店....

有次佢地攪新卓頭, 竟然全店D人都戴清宮帽, 只是我地自己中國人見到, 就不太開心了. 

從廚師和行人面上的表情, 我猜他們在咒罵著個老闆. 哈哈哈...... 




2014年11月15日 星期六

好貴的窗櫥模特兒公仔

大家唔好話我咸濕, 事實這些公仔整得好逼真, 不單眼睫毛有齊, 連模特兒乳房受地心吸力下的形態, 都反映了出來, 做得一絲不苟, 真係好好野, 不過一定好貴. 



2014年11月14日 星期五

貓貓可以有幾可愛

睇睇, 係寵物店玻璃窗櫥和貓家具中間的空隙, 貓貓竟然可以睡著了. 



再看看這幅, 一隻的下巴疊著另隻的頭來睡覺, 極得意好看.