2013年11月30日 星期六

2013 秋遊第3天 2

可能很多人好怕去到陌生地方旅遊, 又唔知道我自己係咪鐘情於美加的風土人情, 總覺得美加自由行係好安全. 

在這天路上, 我遇上有牛仔在趕牛過公路, 不過, 總覺得馬仔和個人比起牛隻好細, 看清楚, 才看出是個7-8歲的小朋友, 騎在珠儒馬上, 另一個原來才12-13歲, 騎在一匹高頭大馬之上. 

他們看到我慢駛來讓他們牛群過路, 又見到我係中國人, 當地真係可能好少見到中國人, 他們就跟微笑揮手示意. 真係好WARM的人情, 看出當地人十分友善. 

之後, 落山後去看紅石. 







































 

2013年11月29日 星期五

2013 秋遊第3天 1

在這個旅程中, 每天都跟著跟著美國各州政府的網頁, 行在他們所指示的風景公路上.

老實講, 風景又真係幾靚, 只是..... 有時真係要睇清楚一D, 因為條路係上山的路, 風景靚, 但係行到一半, 有時就會再沒有瀝青舖的路, 而變成泥路. 只是我人生路不熟, 又無當地的親朋好友來幫拖, 一下部車陷入泥濘裡動彈不得, 真係會叫天不應叫地不聞, 所以, 我一見半途變成泥路, 我就會調頭走人, 就算當地人講到前邊風景有幾靚, 我都唔會揸部車入去. 













































2013年11月28日 星期四

2013 秋遊第2天 7

哈哈哈, 因為國家公園內, 係嚴禁打獵, 所以D羊D鹿就攞正牌來橫行無忌..... 

大家如果揸車見到路邊或路中有羊有鹿, 記緊慢車或離遠停車, 因為佢地好蠢咖, 一受驚就會不分方向, 直頭衝埋來來撞落D車度. 大家如果撞到佢地, 要賠錢咖, 少側千幾, 多側就幾千美金. 

點解我會咁清楚.....? 哈哈哈..... 噢..... 我...... 




2013年11月26日 星期二

2013 秋遊第2天 5

大家有無發現, 我相中的石, 一紋紋, 一條淺色一邊紅色, 係呀, 這些係水成岩, , 因為唔同年代的水成岩, 沉積著不同成份的沉積沙, 所以就一條淺色一條紅色.

之後, 地殼變動, 這千層石被不同力度和速度升起來, 所以成了波浪紋條, 又或不同角度傾斜的線紋, 十分漂亮, 就好似昨天和今天的相一樣. 






2013年11月25日 星期一

2013 秋遊第2天 4

今次旅途上, 我都無乜點行, 唔似上次咁, 行到我痴肺, 又高山又空氣稀薄, 都係唔好DRIVE自己體能去到極限了, 話哂係24日的旅程, 日日行廿里, 真係會散哂咖.

只不過, 咁樣有好有唔好, 好就服少少, 唔好就係好多景點無去到, 可能我只影到20-30%囉.... 不過揸車去到的, 通常都係唔錯. 
 



這圖下邊的拱型石紋, 再俾水和風沖蝕多一萬幾千年, 等到下邊被沖空了, 就會變成一條天然的拱橋, 哈哈哈, 大家唔信, 等我以後出幅天然拱橋俾大家睇下.

















2013年11月24日 星期日

2013 秋遊第2天 3

早上上完萬呎高山的CEDAR BREAK, 就去到都有5-6千呎的ZION國家公園. 

係呀, 中文就係錫安, 同聖經裡的地名一樣. 大家可能會問, 為何一個原印第安人的地區, 會改成一個咁宗教性的名字? 原因係那裡的地貌跟聖經裡中東的地貌十分相似. 

原來還有一個故仔咖, 話說呢, 現在美國增長最快的教派"耶和華見證人會", 其創辦人曾經在那裡一帶隱居, 用現代人科學觀點, 在近似舊貌聖經的地貌上, 再重新詮釋舊約聖經, 就得出現在"耶和華見證人會"的教義云云...... 噢..... 太深奧了, 我不知道如何回應, 只能O了咀, 直到現在我還在O咀呢..... 哈哈哈.... 唔講了, 去片...... 








































2013年11月23日 星期六

2013 秋遊第2天 2

因為風的方向, 積雪只積在山谷一邊的山坡上, 另一邊是沒有積雪, 但不同顏色的岩石, 也是一絕.

不要說香港沒有太多人到過當地, 連美國土生土長的白人, 好多都未去過, 大家唔洗長途拔涉, 舒服咁來我這裡, 就可以看到了, 哈哈哈..... 因為上去萬呎高山, 有機會會出現高山反應, 而我今次因為停留係7千呎以上的地方太耐, 真係有了, 下次我會找無D咁高的旅店來住了, 一定唔會再找D7-8千呎高的旅店來往多過一晚.








2013年11月22日 星期五

2013 秋遊第2天 1

因為今年忙得我團團轉, 要到10月中才可以去遊玩, 比起以前要遲上1個月. 不要小看這一個月, 天氣變化很大, 尤其高山上, 有些地方已經開始落雪了. 唯有把最凍的地方, 安排在行程第一個星期完成.

這天去了美國UTAH州南邊的CEDAR BREAK, 大蓋當地有柏樹, 而且又係絕嶺而得名吧. 有點像中國山西省的雁門關或鷹愁澗, 絕嶺上的美洲禿鷹要飛過, 也有一定難度.

不過, 上去萬呎高山, 已經不容易看到美洲禿鷹, 但看看紅色千層石上的積雪, 又真係好美麗..... 



































































2013年11月21日 星期四

2013年11月20日 星期三

2013 秋遊第1天 2

大家都知道, 美國人在大峽谷下游, 起左世界七大工程之一的胡佛水霸, 用來把由洛磯山脈溶化的冰雪水, 收集在大峽谷的下游, 只是, 水霸令到水位升高, 就把部份大峽谷淹浸了, 當中有些峽谷是十分美麗和富歷史價值, 是美國先民開荒者到加州掘金時, 所經過的路徑, 現在已經長埋在水中.

大家可能有疑問, 為什麼咁多水, 但四圍無青綠的樹木和草坪? 其實, 那裡是沙漠, 一年的降雨量少過1CM, 這些水是由更高山上的洛磯山脈山上的溶雪所匯聚成. 太平洋的雨雲吹不到來這區, 全都落在比當地更北更高的洛磯山脈上, 冬天聚成冰雪, 春天一次過溶解, 就會造成現在胡佛水壩下游的1/3亞利桑那州平原水浸, 限制了鳳凰城左近的發展, 現在水壩把這些春天溶冰水, 收集在上游的無人峽谷內, 亞利桑那州一大片土地就不會水浸, 鳳凰城就不斷擴展開去, 現在人口比起水壩前, 不知已經翻了多少倍.