2014年1月31日 星期五

大家, 恭喜你個發財呀, 今年日日發喎.....

係啦, 我一放工回來就開始整餸了, 雖然只是我一個人自己食, 但過年的意義是少不了的, 因為只有自己不斷祝福自己, 主才會不斷賜福與我嘛.....






















2014年1月30日 星期四

年廿八.... 正在洗邋遢當中

放工回來了, 當然係係家中做大件事, 把一年來的邋遢洗左佢嘛..... 

唔同大家講了, 正在努力中!!! 嘻嘻嘻.....

PS: 提醒大家一件事, 大家估下, 家中最容易忘記洗的地方係邊度? 我相信呢, 係洗衣機.... 

洗洗衣機呢, 我通常會落一杯漂水, 一杯洗衣粉, 好似洗衫咁, 但用空機來洗個機膽咁啦!!!






2014年1月29日 星期三

瓜子口面的恐怖代價

此相是韓國一間整容公司門口的裝飾, 大家不要以為係香港海味舖所擺設出來的魚翅, 如果大家估下, 可能會有個毛骨悚然的感覺, 係呀, 就係人骨了. 



是人骨鄂骨的一部份, 是那些做鄂骨整形手術的人...... 手術後切除的那部份.... 而且, 骨頭上仍然可見接受整形手術者的姓名和手術日期, 真係好恐怖.

我自己係瓜子口面, 十分清楚天生瓜子口面, 所帶來的問題, 成長時, 我自己問自己, 為何我要生成咁, D牙都未出齊, 就已經好痛, 雖然家中經濟容許我接受牙醫的校形手術, 但都係好痛. 

這些人生天唔係瓜子口面, 變成瓜子口面後, 我可以想像有幾麻煩, 有幾多後遺病. 

大約呢, 生活係歐美福利國家的女性, 女權至上, 女性不用依靠男性, 大多都不會咁去整容. 只是在男權至上的國家, 才會有女性咁辛苦都要去整容. 要知道, 這些手術係係口腔內開刀的, 真係好痛好痛咖.....




2014年1月28日 星期二

只望朋友富貴, 最驚佢地閉翳

正所謂"少年不知愁滋味", 其實, 一生人當中,最開心的時候, 莫過於青少年時, 因為還有父母頂住D人生壓力. 

我其實係好幸福, 因為我父母係我好細個時, 已經鼓勵我去投資, 而且佢地從來都唔來影響我的投資決定, 只會時時來關心我的儲蓄和洗錢習慣, 一定循循善誘我去好好理財.

因為.... 佢地知道.... 我一定會投資失敗一兩次, 才會想通乜野係投資, 才會行上正途, 而且年少時因為錢少, 人家俾我信貸借的錢少, 損失有限. 用最少的損失, 去學會人生最有用的功課, 我父母所謂苦心良用. 

只是我觀察我父母身邊無乜朋友, 我明白到一點, 因為佢地D朋友個個都係勞苦大眾, 無乜讀過書, 平時唔投資又唔儲蓄, 一到中年後, 佢地D朋友就同佢地相差越來越遠, 到後來就沒有再來往. 

我得出一結論, 如果要KEEP住身邊的朋友, 一定要改變我身邊朋友的命運, 等我朋友唔好同我相差得太遠. 我就開始教佢地去投資, 只是結果卻強差人意呢!

唔知道係咪我講得佢地唔明白, 又或者係佢地聽D唔聽D? 我都同佢地講, 選一渣好股係個名單上, 見到股價抵買時, 就先賣出比現價更低的PUT, 如果要買就買入, 唔洗買就賺PUT的價位, 再等下次拾平貨. 

只是結果係.... 有一個朋友, 夠膽死走去做外幣期貨, 收左幾個月的錢後, 突然有天佢被迫停倉, 埋單時尚欠3-4萬, 後來庭外和解, 10萬美金本金無哂.....

另一個朋友, 走去做指數期貨, 收左幾個月甜頭, 又係蝕錢40%錢離場. 

另一個朋友, 走去靠賣PUT來支洗用, 唔係好似我咁, 目的係去買正股來投資, 又係蝕錢, 不過, 蝕得最少錢果個係佢囉. 

自從這些朋友的故事後, 我真係好怕同朋友講點去投資,慌死我班朋友又蝕錢, 哎呀, 見到佢地閉翳個樣, 我心都實埋呀.

PS: 其實, 我同親果D朋友講投資, 大多都係一表人才, 一幅貴氣之相, 唔會頭尖額窄, 而且大多都係女性心中的白馬王子. 係我心中, 尤其我住係外國唐人少, 真係好想KEEP住D貴氣的唐人朋友, 希望大家共同進退, 大家順利結婚生子, 大家有個美滿家庭, 將來大家的兒女都成為好朋友, 大家守望相助. 只是結果, 這些朋友個個都現況不太好呢, 希望唔係我烏雅咀, 試圖改變人家命運不成吧!






2014年1月26日 星期日

明天股市如何?

上星期結尾前卻大跌.....

不知道明天星期一如何?

不過, 我只知道, 大勢係起時, 任何跌的時候, 都係買入的好機會. 

我手上的選股名單己經預備好, 下個星期就會拿出來用了. 


溫總的故事

照正理, 一個官員退休, 傳媒應該停止報導任何有關他的新聞. 只是近期有個國際新聞組織收到匿名郵包, 內裡電腦硬碟內, 竟然藏有一些中介公司的離岸公司客戶的資料. 

內裡竟包含溫總近親的資料, 2006年時涉及款項大約140萬美元. 

就有風言風語提及"以權謀私".

只是我想呢, 莫說2006年的140萬美元, 就算係1976時的中國經濟咁差, 那時140萬美元, 都收買不到任何中國高層. 我真不知道, 如果有外國人敢用140萬美元咁少錢, 來收買中國高層, 簡直係要捉佢入青山醫下. 

係2006年時的紐約曼克頓金融區, 隨時一個招牌跌落來, 都會責親幾個百萬富翁, 連美國那時的證券大行裡的拖地阿伯, 遞水阿嬤, 到退休時都有一百萬俾佢地啦.... 任何人夠膽攞百4萬來賄賂中國高層官員, 簡直看不起我們全體中國人, 一個中國高層官員的一生清譽, 只值百4萬? 笑話, 連我作為過氣港燦, 見到任何人用咁少錢來賄賂中國高層, 我都嬲到爆炸啦


 

2014年1月25日 星期六

隔離個鬼妹開始壞了

剛剛放工返屋企, 揸車行係屋企條街上, 其實我每天都見到隔離個鬼妹, 放學後, 自己一個人係條街度行返屋企. 

但係今天見到唔只佢自己一個人, 仲有個鬼仔係旁邊, 其實, 我都有嘗試去炸睇唔到佢地咖, 只是豬事八掛的我, 心想, 佢父母管得佢好嚴果播, 而那時果個時段, 佢父母大多都未係屋企, 莫非佢想帶個鬼仔返屋企, 單獨咁...... 噢.....

其實, 我都無諗過去同佢父母報串咖, 只係呢, 八掛又豬事的我, 見到個鬼仔都係好普通炸喎, 連"YEAH"少少都無喎. 我心想, 乜佢個女眼光咁低咖, 係都找個靚仔D咖...... 

後來, 我伏係我屋企樓上窗上邊, 昅左成個鐘, 才見到個鬼仔斯斯然大模斯樣行出來..... 一個鐘頭, 都應該...... 噢..... 飯都煲得熟啦, 大家話係咪..... 

但係人家D家事, 我都係咪同佢父母講, 一於維持原本的意向, 炸睇唔到....

PS: 但係有個問題想問大家, 大家有兒女果D, 怕唔怕兒女帶異性朋友回來單獨共處咖? 


 

2014年1月23日 星期四

今天戰利品

哈哈哈...... 聖誕節後, D人就無乜閒錢來消費, 當然又係我這些身裁呎碼不比平常人的人, 出去大事消費, 幫助經濟復原. 

只是要我大洒金錢, 當然要俾D甜頭我啦, 減價係其中一樣, 當然我明白的, 好的已經俾揀哂, 邊有好野剩番俾你? 咁又唔係絕對的, 因為我身裁同其他加拿大人唔同, 而且我這裡少東方人嘛. 所以大凡加細碼衫褲或8號鞋, 都係我的囊中物. 

今天又有少少斬獲..... 減價後再減多40%, 買了3對鞋, 總共係$138加仔, 原價連一對都買唔到. 





還有細碼秋春純綿外套, 原價80, 減到28.



還有加細價裇衫, 原價$40, 減到分別$10和$6加仔. 大家有無興趣睇下, 我著上身上, 係會點呢?








我的買股投資方法

其實係好簡單, 先找了一張優質股清單, 然後RANK D 公司, 分3級. 

我手中有錢計劃買新股票時, 其實唔係直接買入佢, 而係先賣股票的PUT期權, 選的期權合約大多都係2-3個月後, 比現價更低的股價來買入. 如果到時跌低過約定價位, 就用那個約定價位來買入, 只是當我賣這個PUT期權時, 人家有錢俾我. 

這樣, 我手中有錢買新股票而唔直接買, 人家俾錢我, 讓我在未來股價更低時來買, 我係有著數, 只是, 缺點係如果隻股票係咁升, 我就會走左寶. 

上邊, 我唔係講我會分3級股票, 最優質的股票, 我會進取一點, 手中有1萬元來買股, 我會賣出股價萬3元的PUT期權, 中等的, 我只賣出股價1萬元的PUT期權, 較劣的, 好小心才賣出PUT期權. 

講下我的實戰經驗, 由90年代開始, 已經咁樣去做, 當時蘇聯解體, 美國經濟向上左十幾年, 到911後, 美國經濟才慢下來. 911前我這樣投資法, 真係賺了唔少錢. 但係911和後來2年, 我蝕了911和之前一年所賺的錢. 我就得出一個總結, 這樣的投資, 一定要係經濟起飛時來做, 一到經濟放慢, 又或好似2008年金融海嘯咁, 就一定無運行. 

所以我一到2006年美國樓市出現泡沫後, 就沒有再賣期權, 如果有股票好, 我直接買入放埋一邊就算了. 2009年股票跌到殘, 我更係直接買入. 直到前年, 我試了一次賣期權, 開始有錢賺了, 上年我賣左8次, 只有只黑莓要買入, 現在股價回升, 已經升過左當初買入的價位了, 連賣PUT的錢, 帳面有20%升. 

有人說, 美國未來10年內, 因為頁岩氣開發, 不單減少能源進口, 更或能做到自給自足, 經濟又會起飛, 我想我又會蠢蠢欲動了...... 



 



2014年1月22日 星期三

哈哈哈, 昨天的答案其實係......

嘻嘻嘻...... 哎喲喲...... 昨晚我這裡好凍, 今早起來, 才發現凍到-30C, 由昨晚食完飯開始, 已經進入冬眠狀態, 直到今早, 十分不情願地由床上起來, 走去返工了. 

好了, 答案欠左大家的, 現在來還答大家..... 

其實, 我知道我有D乜過敏咖, 所以, 如果我知道那些酒家有那種食材, 我通常都會避免入去那些餐廳裡. 四川火窩酒家, 就算我唔食火窩, 我都驚佢地用相同的香草落係其他食物, 又或一個唔覺意放錯左, 又或鞋親下.

其實, 我好怕入印度或南洋餐廳, 食物裡頭好多香草, 有機會引起我過敏呢. 

還有, 我唔落BAR或CLUB,  好怕人多有流感, 所以我回來香港都唔會去夜場咖. 

我回港時, 就算半夜睏唔著, 我都唔敢四圍走, 頂多搭下夜班巴士, 尤其砵蘭街或屋邨球場這類地方. 

最後, 我對某類食物有過敏, 我也不想增加身體對其他新食物的過敏, 所以係唔會食野味, 禾虫禾花雀, 應該係野味吧. 

所以, 其實, 到最後, 是那類我不能避免的地方, 就係過馬路, 哈哈哈, 因為我這裡係左落右上, 香港係左上右落, 唯一最安全的方法, 可能係過馬路時, 兩邊都睇清楚才好過.


 

2014年1月21日 星期二

我如果現在回港, 係乜情況下, 最危險?

哈哈哈, 我這裡天氣好凍呀, 又悶到死, 不如我攪下笑先, 同大家玩番個猜迷遊戲先得......

大家估下, 我現在回港, 在什麼情況下會最危險? 

答案係去..... 有得揀呢..... 

A. 去黑社會開的夜場同人爭女仔

B. 去四川酒家食麻辣火窩, 因為我對麻辣有過敏反應

C. 過馬路

D. 上去深圳食D不知名的三禾宴, 聽說係禾虫, 禾花雀, 最後係和味龍, 我大約對這些虫虫龍龍會反胃. 

E. 朝早未天光, 係砵蘭街或元朗天水圍球場度行. 

大家也可以自創D答案出來, 俾我參考一下.... 

我現在諗到的答案呢, 明天或後天公佈. 

還有一個問題, 如果我係香港街上面, 拖住個鬼妹女友, 會否俾人來揼? 現在香港D人, 會否走來問我, 唐人都唔追番個唐人妹?






2014年1月20日 星期一

條氣唔順之下.....

昨天行過某時裝連鎖店.... 見到寫住凡買滿50元, 就送25元禮券, 其實, 這個係聖誕節高消費期過後, 係好普通喎. 

只是在禮券之外, 裡邊還有衫褲做緊大減價, 原本$60一條褲, 減到$10不突只, 再有40% OFF喎, 即係$6一條褲. 嘩, 我當然入去睇睇啦! 一睇, 才知道原來係斷碼衫褲, 最大係32"褲頭, 仲係得番一條, 其他的, 都係31", 30", 29".....

只是在我睇睇下的過程中, 有個唔知係中東或南美老女人, 帶住佢個十幾歲的仔, 明明我已經企左係D衫褲前邊, 佢成日插係前邊, 謊死我同佢爭咁.

最激氣係佢係我面前, 搶左條鮮橙色的褲, 我心諗, 洗唔洗咁爭法, 我都唔會著D咁樣色的褲, 就決定讓俾佢先囉....

後來佢攞左好多條褲入去試身室俾佢個仔試, 我拿了幾條30"的褲. 其實, 都唔洗爭啦, 佢個仔頂多只岩一條32", 其他的31", 因為係SLIM FIT的, 佢個仔對腳咁粗, 點岩呢? 連穿都穿唔到入去.無錯咖, 這裡大減價D衫褲, 不是因為質量差, 而係因為裁剪太FIT, 但D人個個都太肥, 著唔落囉.

我係自己條氣唔多順之下, 拿起佢個仔放番回去的那2條, 入去試身室著出來, 係佢地面前曬下命; 又在唔多順氣之下, 把這2條31"的褲都買下, 連同另外3條30"褲和2件加細碼裇衫, 一同拿出去俾錢, 7樣野, 總數都係57元, 另外間店再送$25禮券, 我可以下2個星期回去任何一間店, 用左佢. 

其實我自己唔多習慣著咁鮮色咁窄身的褲, 因為我自己唔落BAR, 唔去CLUB, 更不會想著在任何女性面前, 來個眼前一亮的刺激, 根本就買來無用. 怎樣也好, 我只是想為中國人爭番一口氣, 讓人家看看中國男性優越的一面, 是很多外國男性無法可以比擬的. 



PS: 一向都唔明白, 點解個個唐人女仔, 咁喜歡嫁西人, D西人男性那裡有我地這些唐人男性咁清細? D鬼妹常常時叫我這類唐人男性為 CUTE & NEAT. 


其實, 問題應題係..... 某些唐人女性家裡的男性出左問題, 又或佢地家裡的男性唔爭氣囉. 


還有, 大家做母親的, 如果家裡有囝囝囡囡, 不妨俾佢地食用多D牛奶芝士酸奶, 等佢地骨架大D高D, 又可以俾多D唐人青菜和西人瓜果佢地食, 等佢地身裁纖幼一點, 面容清秀一點, 唔好俾佢地食咁多煎炸野, 連家中煎蛋或炒菜都盡量避免, 因為會OVERHEAT D食物. 咁樣環境下成長的囝囝囡囡, 外表一定會給人一個深刻的印象, 希望我咁講, 能夠幫助大家養大一個一表人才或儀態萬千的囝囝囡囡. 
















































































2014年1月19日 星期日

咁大個人, 第一次買咁靚的羊毛衫

係呀, 我係一個好喜歡著羊毛衫的人, 因為我係一個好CLASSY的人. 

我喜歡靚的羊毛衫, 細時係香港, 先施D羊毛衫係我常常買的, 只是那時我一直在想, 將來我有錢, 一定去端興或連卡佛這些貴價店, 買卡士咩羊毛衫. 

後來移民後, 加國80-90年代的羊毛衫又貴又唔靚. 但這幾年, 中國生產力蓬勃, 令到加國很多東西又平又靚(當然也令到加國好多製衣工人丟飯碗), 不過, 我作為消費者, 又唔會去做製衣工人, 理佢啦. 

今天買到心頭好, 一件中國製卡士咩羊毛衫, 以前中國無咁好技術生產羊毛衫, 就算中國內蒙盛產羊毛, 都要出口外國, 在外國加工生產. 但現在中國製的卡士咩羊毛衫, 雖然都好貴, 但不比以前蘇格蘭或端士差, 但款式卻美侖美奐. 

我作為中國人, 見到減了兩次價, 由$300, 減到80加仔, 當然要買心頭好.

大家..... 我係咪好貪靚呢? 係咖, 男人當中, 係最貪靚果1%之內咖, 只是我貪靚得來, 衣著係一分男性化果種.









2014年1月18日 星期六

開放式婚姻

最近在我這裡西人的男女配對網站上, 參觀了數個晚上, 發現了一些已婚人仕.

其實, 人家有自由嘛, 而且人家還如實地登上自己已婚, 這樣你情我願下, 真係無乜問題呢..... 

只是豬事八掛的我, 就開始留意這些人, 希望找到這些已婚人仕, 婚後仍想在配偶之外, 找新配對的原因. 

俾我搵到的人中, 有相當一部份, 並不是標示自己婚姻不快, 而是感到婚姻十分偷快喎, 更有些人標示自己的婚姻為 Happy and Open Marriage. 噢, 咁樣即係乜意思呀?

後來上網一查, 才知道係指這些夫婦容許婚外性關係, 有時, 更不單只是異性的性關係, 更包括同性.

其實呢, 我面對這些人所結構的社會和婚姻, 真係有點無所適從了呢, 真係擔心我有一日會痴左線呢.

下圖為影星Will Smith, 有八掛雜誌報導, 佢這段維持16年的開放婚姻宣告終結, 更有說, 事緣因為其太太要佢澄佢同性戀換角遊戲的傳聞, 唉..... 









2014年1月17日 星期五

靚女 與 靚仔

前幾天登了一篇關於美女博士徵婚的文, 話說有3成男性表示不會娶美女博士, 就有網友來替他不值, 表示佢咁辛苦讀咁多書, 到頭來都俾人嫌棄.

其實呢, 靚女只有3成男人唔想娶佢, 唔係少囉, 還有7成男人嘛....

靚仔可沒有這種福氣呢, 其實, 絕大多數的女性, 都會對靚仔有戒心, 對靚仔無安全感, 大多都唔多情願嫁俾靚仔, 剩下少數的那些女性呢, 一係好霸道(要個男方好似佢扯線公仔), 一係好想追尋刺激, 這類女性, 通常都喜歡婚外情, 甚至希望個靚仔來做第三者.

其實, 做靚仔, D壓力大過做靚女好多好多, 靚女唔洗點諗, 只要附得起錢, 就可以買靚衫買靚車, 但係靚仔可不能這樣, 因為會隨時招惹麻煩, 除非個靚仔立心不良, 喜歡去勾搭別人.

如果個靚仔喜歡去勾三搭四, 當然不會有壓力, 但係如果個靚仔只係想去有段美好姻緣, 找個好女仔來結婚, 來相伴終生, 咁樣..... 就會壓力好大了. 

 首先, 唔想俾錯訊號普通的女性朋友, 有時甚至連望對方時, 都要好小心, 莫說社交談話了; 第二, 避免刺激自己女友或太太, 只是有時避免唔到, 有些女性喜歡來挑戰人家的女友或太太; 第三, 會看著自己女友或太太, 對自己越來越變得霸道和不信任, 這個是最難過最傷心的事情. 

PS: 以前去一間唐人組織, 最挑起人家不快的, 莫過如有一次, 我等洗手間, 旁邊女廁又有2名中年太太係度等, 我有禮貌地笑一笑, 其中一位可能新來, 以為我係另一位太太的兒子, 當面講: "你個仔好靚仔." 之後不久, 就見到這太太的兒子買跑車買名牌了, 又聽到這太太的老公, 在我面前抱怨佢自己兒子唔夠人家咁靚仔. 

其實, 我真係唔想人家為到一句咁樣的說話, 而碌爆詰, 最後攪到夫妻為錢而婚姻不和, 只是人家睇唔開, 我都無辦法, 我都已經盡量唔著名牌, 揸部四門的老實人房車.







2014年1月16日 星期四

現代男女關係.....

哈哈哈..... 最近我在我這裡呢...... 參觀了數個男女配對的網站喎!

其實, 這些男女呢..... 總括可以歸納為尋找長期關係和短期關係. 

短期關係D人呢, 有個名詞叫"NSA - No String attached".... 即係無捆綁的關係, 我想這個不一定是指性關係, 而是指.... 如果大家不夾分開時, 就不會有我拖你時間, 或你辜負左我的指控吧!

而長期關係D人呢, 好多都十分宗教性, 一開口就講男女在神面前應有什麼的關係..... 其實, 我去左教會咁多年, 有點深刻了解這些人的想法. 我返而發現, 有些人只是想用"長期關係"這大手印, 來綁死對方, 由一拍拖開始, 就想來控制對方. 

其實, 原本長期關係是好的, 可以花多點時間了解對方, 只是三九唔識七, 就做個咁決定, 就真係好兒戲了. 所以, 當然男女開始時, 就一定要由短期關係開始先啦. 

有時我發現教會D人把神蹟和拍拖混埋一起去想, 拍拖係人與人之間自由意志的交融, 而神蹟就係違反自然或人自然意願的事情. 下下希望神蹟出現在男女關係的人, 往往拍拖不會成功. 

有些人更用"五餅二魚"的態度來去教會, 諗住出少少就可以攞番多多, 但是在男女關係上咁諗, 就一定會好大鑊, 往往到最後, 就會覺得對方係惡魔, 認為對方是在釣魚. 

 其實, 任何人都應該想著一個公平的人際關係, 無論人家有無想過拍拖, 也不應該下下用宗教大手印. 這樣, 只會把有心慕道的人嚇怕, 把原本應該得救上天堂的人, 驅到地獄的火湖裡, 這個是一個萬惡不赦的罪行.





2014年1月15日 星期三

在今時今日的國內......

最近深圳有人買下商場速鎖的羊毛衫, 由原價1500元減到90, 只是拿去一驗, 標示60%羊毛的, 只有14%羊毛..... 

又想起幾年前, 我回國內山西旅遊, 聽聞當地靠近蒙古, 盛產羊毛, 就想去店裡買件羊毛, 見到件件都千千聲人仔, 但有同團團友好心提醒我, 中國國內買的羊毛衫不比國外好, 叫我還是回港才買. 

哈哈哈, 看完這單新聞, 我就把我這件2年前買, 中國製造100%的羊毛衫拿出來, 加國大減價時, 才買$11加仔, 真係好過當時係山西見到的羊毛衫多多聲. 



今時今日國內咁多富人, 有誰買不起好的羊毛衫? 羊毛原料被搶貴了, $90人仔一件羊毛衫, 誰都會知道...... @##%&$%$##....







 

2014年1月14日 星期二

你願意娶個女博士生呢?

哈哈哈...... 這個係最近國內最HIT最火紅的網上話題呢..... 事緣於有人把某美女博士畢業生的相, 放在網上來為他徵男友, 但係呢, 竟然有3成人表示不願娶女博士生喎. 

好多人以為博士思想精密到高不可攀, 轉數比平常人高, 其實, 很多人唔知道, 但我知道呢, 攪研究攪學術的人, 心思係好簡單好直接咖咋, 有時佢地簡單和直接到..... 好多人頂佢地唔順咖, 覺得佢地好似老馮咁咖. 

讓我講講, 如果我有天要娶個博士老婆, 我會有D乜野顧慮先.... 第一, 做研究的人, 蔽首研究, 有時沒時沒候, 連夜深也會忘了, 連晚餐都忘記回來陪我食; 第二, 這些人通常無乜金錢觀念, 並不是不儲蓄, 而是佢地唔會在意, $2磅提子和$3磅提子的分別, 對於我這些理財精細的人, 真係會成日俾佢地激死我咖; 第三, 我自己唔攪研究, 朋友圈子同佢地唔同, 甚至我會頂佢D朋友唔順, 所以大家婚後, 一定無乜共同的朋友和社交圈子. 



PS: 真係羡慕佢, 竟然有人偷佢張相, 來為佢徵婚, 而我.... 嗚嗚嗚, 俾人偷相來, 夾硬話我係果個又黑又肥又矮又老又醜的李某..... 我其實係個高白俊來咖嘛, 個無潦人實在太過份了.




2014年1月13日 星期一

今天的男女愛情

再不是上一代的"女要靠男來養", 而是男女都要出來搵食, 所以愛情往往來得更真徹, 女性可以找到個自己真正喜歡的男人, 才嫁呢!

今天的問題呢, 原來源於人不知道自己要個怎樣的配偶, 又或太年輕未懂事, 到中年時才了解自己, 那時才知道要個怎樣的對像. 

只是這樣呢, 就顯生了中年婚姻危機, 我認識的同輩朋友當中, 大多都有婚姻危機, 大多都發現配偶不再適合自己..... 

男女一到有這樣心思出現時, 就會很容易有婚外情發生.

其實, 我覺得, 做第三者去破壞人家婚姻, 真係好陰質的, 尤其人家睇唔開, 真係唔講得玩. 

但係聽我D朋友講, 現在婚外情真係普遍, 不時聽到阿乜夫婦分開去渡假, 阿乜夫婦子女要交父母或社會福利局暫時寄養, 更離譜的事, 都時有聽聞.... 因為太色情了, 不宜講了.....

現代婚姻, 我真係唔知道了, 有時覺得, 人結婚同唔結婚, 都無乜緊要了.....










  

2014年1月12日 星期日

冬天的燈塔

今天週末, 但又落冰雨(即係D雨一落來就變冰, 因為路太滑, 路上太危險了, 攪到我又無街去了.

不如同大家講下, 這裡一些冬天結冰的奇景, 看看一個燈塔夏天有幾靚.... 冬天可以..... 


 一到冬天落冰雨時, 就會變成








 D冰雪咁犀利, D人點生活







 真係唔可以唔佩服西人佢地, 咁凍下, 還可以攸然自得其樂.

















 



2014年1月11日 星期六

咁樣招親, 實在好誇張呢!

國內成都市有自稱房地產銷售的女經理, 芳齡28, 看其相片, 樣貌娟好, 在家人催婚下, 竟然一口氣包起全市200多個公共巴士的大型廣告牌(30'X12'), 來作招婚, 一天的廣告費就盛惠百多萬元. 

其實, 我從未質疑國內女性的豪爽, 為到尋找所愛的愛郎, 甘願附出大筆的金錢. 只是, 我覺得呢, 重點不是金錢, 而是他個人的時間, 他願意花多少時間去彼此了解, 去建立雙方感情和關係, 去欣賞對方優點, 去體諒包容對方的缺點, 去跟對方家人打好關係, 這些才是重點. 

不過, 我又想, 既然他願意花巨資來招親, 想必他願意為到感情生活來犠牲現在手中的一點東西, 我想他最後必會成功. 在此, 祝願他找到他的所愛, 幸福伴他一生. 







2014年1月10日 星期五

爭議聲中的黑手黨教父葬禮

大家不要以為黑手黨只有意大利才有, 原來大凡有好多意大利人定居的城市, 都有佢地D活動, 而滿地可不單是猶太人聚居城市, 而且還是有很多意大利人, 以前剛來時, 我家就住在意大利人中間. 

意大利人很多都好和善, 只是樹大有枯枝囉. 滿地可有黑手黨活動, 而這些黑手黨員很多在天主教教堂裡都有會藉, 是某些宏偉天主教堂的教友呢.... 

只是.... 一向都有爭議.... 罪犯是否應接納成為教會會友? 今次滿地可就有黑手黨教父病逝, 並要求在教堂內做安息離撒, 該天主教堂卻聲稱, 無人是不能護救贖, 所以黑手黨教父都應該死後得到離撒來護得救贖. 

我自己都係一個罪人(原罪, 死在罪惡過犯裡, 只是我10步看人家1000步), 我也不想多講自己的想法. 只是有意大利西西里的天主教主教, 曾經拒絕為黑手黨教父做安息離撒, 所以, 一切不是必然的. 













2014年1月9日 星期四

有份正職就可以高枕無憂?

UM..... 最近我個牙醫升左呢, 講到明唔再同人補牙, 只做牙冠或牙齒整形這些高層次的野, 佢間醫務所就請左個後生的牙醫來做補牙. 

只是這後生牙醫同我補過一次後, 我總係覺得我以前個牙醫好過佢十萬八千倍, 最少我以前個牙醫會諗好多辦法同我保住D牙. 而且後生牙醫收得我好貴, 佢上次仲同我講, 佢一到聖誕節, 一定返香港SHOPPING, 唔怪得佢收得我咁貴. 

咁岩最近又要補牙(唉, 人年紀大左, 身體就要左補右補), 真係好想找番以前個牙醫同我補嘛. 

昨天機會終於到了, 因為今天番風好凍+路上全都是滑冰, 好多人取消左約會, 咁岩我以前個牙醫今天有人取消左約會, 就打來問我, 可唔可以今天早上去. 

換著係其他人有份正職, 就無得咁做, 偏偏我這些無固定工作時間的人, 就可以立刻去到. 

無錯, 誰人最能緊捉突然來臨的機會? 當然唔係有份正職果D人啦, 當然係我這些外表睇落無固定職業和收入的人仕. 

有時, 有些人的思維定死左, 以為一定要有份正職(我以前間教會D人就係咁諗), 才會生活安定. 不過, 我可以同大家講, 越係俾份正職縛死, 越係捉唔住來臨到身邊的機會, 越係容易俾職場推到邊沿. 

最近, 以前那個偷我相的人, 又來到BLOGSPOT了, 又係度話我係飛佢果個男人李某. 真係唔多明白D人可以有咁樣的思維, 十幾億中國人, 分散係7大洲5大洋, 竟然可以傻得咁渾秦..... 佢不如話我係李+X, 哈哈哈..... 反而可能有更多人會相信. 

而且, 佢都將佢個李某大照登通網上, 任何人一見疑似李某的人物, 都會想起佢曾經被個醜男斯騙, 都無人會想做第二個蠢人.



2014年1月8日 星期三

我這裡間自助壽司店

前幾排係本地中文報紙上見到賣廣告,  其實我自己麻麻地壽司咖咋, 只是我D侄仔侄女個個都好好, 諗住如果佢地來自探我, 點都要帶下佢地去食番餐壽司咖, 如果唔係, 我這個叔叔唔係係佢地眼中變得好OUT. 

其實我都諗住食夠飽就停, 我第一第二張紙都係叫左6-8舊咋. 只是間野可能用D料算係貴, 都算精美, 所以所有野都係好少好的適囉. 寫到第三張紙叫後, 佢地就有心慢慢咁來收我D紙. 

知先我一開始第一二張時, 叫多D啦..... 初頭都有個侍應同我暗示, 點其他一份一份果D, 我唔明佢意思..... 算啦, 價錢又唔係貴, 人家做侍應, 都要聽老細講的, 我也不想難為人家, 話哂自己比人家幸福一點, 讀書時唔洗出來打工賺學費. 

我自己做食客的, 我都知道下次我侄仔侄女來, 我一定唔會帶佢地來這間了..... PHASE OUT 左一間, 仍有幾間要去試呢..... 哈哈哈




2014年1月5日 星期日

褲穿霳的原因

記憶所及, 我真係從未著到D褲穿霳咖喎.....

昨天第一次見到, 條LEVIS 牛仔褲洗完後, 拿起一看, 才看到蘿友上的布質歪了, 變成一個大霳. 

以前我真係未試過著到D褲穿霳, 初時還以為係神保守我, 初來移民時, 收入無現在咁好, 神讓我衣服不穿. 

但後來想深一會, 才記起, 初來加時, D衫褲係香港帶過來, 通常著一兩年就嚴重變色變型, 又因為我時時著舊衣服來修屋修車, 所以, 衣服未到穿霳, 就已經丟進垃圾桶. 

現在唔同了, 在加記買D衫褲, 大多好耐著, 不會洗幾洗就變色變型, 可以著到穿霳才丟. 

其實, 這樣都要感恩咖, 因為香港買的衫褲, 著一兩年就要丟, 這裡著幾年才穿, 年中慳唔少錢. 還有, 現在我比以前收入好左, 個人經濟穩定下來, 修屋和修車已經可以用錢交給別人去做, 自己不用再咁辛苦. 這些實在是感恩的地方呀....

以前香港D窮人褲穿霳後, 仍然要繼續著下去, 現在我幸福得多, 穿了霳後, 自己可以氣直理壯去買過新的, 所以現在和以前講的褲穿霳, 是兩碼子的事情.


 


不知道如何安慰他們

在我這裡左近, 有對國內來的夫婦開了間便利店. 夫婦兩人都是老實大好人, 我也常常襯機經過他們店舖, 幫他們買些零碎小食飲品, 幫就幫不到大忙, 但仍何以作為精神支持他們. 

我每年年尾, 都會祝賀別人(無論西人唐人), 來年更好, 只是對他們而言, 可能他們心裡實在不好受了. 

因為他們的生意每況愈下, 一年比一年差, 上年我還可以安慰他們說: "通常人們移民來後5-10年, 就會生活一切上軌入佳境, 因為頭幾年花錢最多錢再置家具, 幾年過後, 就不用再花錢, 就會有錢儲, 就會生活好起上來."

 只是看著他們生意一年比一年差, 今年我也不知道如何開解他們, 唯有暗地裡為他們禱告, 求主幫助他們心靈, 克服生活上的難關. 也幫他們買多一點東西, 用實質行動來支持他們.

我是明白的, 我也經歷過, 只是我比較幸運, 情況未到他們般的低潮吧. 


 

2014年1月3日 星期五

2個甲子前的甲午年.....

大家都知道中國年曆裡一個甲子, 即是60年, 2個甲子前的甲午年, 大家又知道係乜野年? 

再過多不到一個月, 又到農曆新年, 就係甲午年, 120年前的甲午年, 卻發生了中日甲午戰爭. 當年日本軍國主義者有著全盤稱霸東亞洲的野心計劃, 當年1894年, 就是對準今天的朝鮮半島, 先佔領朝鮮/台灣/琉球, 再後在1931年侵佔東三省, 再在1937年向中國全面進政, 再在1941年侵佔歐美在東亞的據點(如香港/新加坡/馬來亞/菲律賓/印尼).

現任日本首相在上一任內, 曾經抱怨著, 為何不斷向中國等國家道歉, 為何作為首相不能參拜靖國神社. 只是他太不明白有些中國人是怎樣過這50年的日本侵華時期. 

曾經認識有越南船民, 他們先幾代一直都在逃避戰亂, 由東北逃到南方, 再由南方逃到越南, 再由越南逃到歐美. 幾代人都是在逃避戰亂, 就是因為日本軍國主義者首先把東亞推到戰亂裡, 他們打爛了中國的國土, 擾亂了中國的國計民生, 一亂起上來, 就算後來日本投降, 中國仍然亂下去多幾十年. 

曾經有加國電視台, 訪問美國二戰老兵, 這老兵痛恨日軍的程度, 連記者架駛的日本品牌車子, 都不容許泊在其屋外, 直到記者解釋這車是在美國制造, 這老兵才如釋重負. 美國打贏了仗, 投了2杦原子彈落日本, 佔領了日本, 這老兵仍然未能對日本軍國主義者釋懷, 可以想像中國人是絕對有理由, 用50年的日本侵華歷史來警惕自己, 中國人只是原諒, 但不是忘記. 

我每次買日貨時, 我都好驚訝日貨可以咁精準咁耐用, 如果唔係日本50年的侵華歷史, 相信我會買更多的日貨. 就係因為日本50年的侵華歷史, 我每次買日貨時, 都會警惕自己, 不買太貴的奢侈品, 不買太精美的裝飾品, 只買普通耐用而基本的東西, 用他幾年才買過新的. 

其實, 日本首相安倍不單是亞洲的拌腳石, 更是日本經濟復甦的禍水, 拜一級戰犯如東條英機, 無異於任何人去拜911恐襲主犯拉登, 消費者如我, 短期內都不會再買日貨. 

可能美國人從安倍身上學精了, 二戰後美國佔領日本和審戰犯, 對東條英機和安倍外祖父等戰犯, 過於仁慈, 讓其埋葬和立碑, 更讓後世日本人興建靖國神社, 現在美國人聰明了, 把拉登海葬於不知明的海域, 好令不能如日本戰犯和靖國神社般, 可以陰魂不散, 彊屍復生.








哈哈哈.... 我2013年的戰績都好彪炳喎.....

係度齋UP 9UP 豬UP, 都UP左106篇野出來, 這裡開波左3個月, 我都唔係可以日日出文啦, 因為實在好忙呢...... 

看看我D語文能力, 都應該唔係好差吧!

其實, 老實講呀, 我原本自細係香港讀理科, 大學都係讀工程, 都無諗過操FIT自己的語文能力, 如果唔係以前間教會有咁樣的需要, 我真係唔會花咁多時間學打中文字, 和寫好D中文文法佢咖!

唉..... 只是以前那間教會D人唔生誘, 有乜理由成班人話走出去向華人宣教宣教, 連中文字都唔識打, 寫句中文都唔流暢. 就話要教會網址用D最唔容易的寫法, 但到做野時, 個個都唔來出力.

如果這些人能夠好似我咁, 每天出一篇文章, 他們的宣教一定更有果效, 更能夠吸引像我這般的人參與.

面對這些唔知自己做乜, 但又想指人的人仕, 就算我現在向人傳福音, 又有人信主, 我都唔知道好唔好帶人家去這些教會裡聚會慕道, 有時連我自己都在質疑, 帶人去這等教會, 究竟我是在幫人, 還是害人?




2014年1月1日 星期三

唐人超市生意難做的原因

昨天我去唐人超市買餸, 行行下, 有個肉食部的店員, 拿著一包先前顧客要求切好的肉, 來跟我說些我聽不明白的煲冬瓜. 

我見佢有點勞氣, 聽佢口音就知道係廣東人, 我叫佢用廣東話同我講. 

原來佢抱怨著D顧客把先前要求切好了的肉, 拿了後卻丟下不要. 

佢D煲冬瓜咁差, 都要抱恐咁同我講煲冬瓜, 唔洗問阿貴, 佢以為我係斯文有文化的北仔, 想我向我D"自己友"反影一下, 只是令佢失望, 我都係廣東人話廣東話. 

真係唔怪得佢勞氣, 因為切左D肉之後, 包肉就沒有人再要了. 我就叫佢寫張紙出來, 叫D人唔好要求切肉之後又唔要丟左係度, 佢竟然話D人叫唔聽. 

這個反映一事, 佢希望有人幫佢呼籲一下, 但自己又唔想做醜人囉..... 

我地D老華僑就唔會咁做, 人家開超市來便利我, 當然係為左利潤, 但我個人也希望人家生意做得住落去, 好等我有地方可以時時去買唐人餸. 

我以前來滿地可時, 真係乜都無得買, 煲湯的墨魚乾, 最近都要落波士頓或多倫多買. 現在有咁多唐人超市開左, 其實我真係希望間間都做得住落去咖, 唔好攪串個PARTY咖. 

PS: 其實, 這些人要求切肉後又丟下, 這些人去大陸人開的超市, 就一定唔會咁做, 因為怕俾人用最糠最粗的方法來非禮全家. 哈哈哈, 大家會問, 我點會知道個老闆唔係大陸人, 其實, 好簡單, 因為大陸人最喜歡果D野, 這間超市無或好少有得賣, 如果我無估錯, 這間超市個老闆可能係南洋華僑呢.....


祝大家新年快樂, 今年高升.....

就好似以下圖表咁.....