2016年6月30日 星期四

再續昨天未了緣

哈哈哈..... 有乜緣? 當然係繼續出巴比公仔的片啦, .

嗱, 泥個廳其實好市正咖, 有埋水晶燈, 仲唔係一盞兩盞, 而係廿幾盞, 十分落本咖. 




這幅呢, 可能大家唔識佢了, 係一套舊英語電視劇中的LUCY 造型, 噢..... 1954年, 對我這世代的人來講, 當然係超史前人物的種類, 不過, 巴比公仔怎能OPT OUT D 阿伯阿婆? 都要有些人物造型給他們懷舊一下. 





馬上開始些我們認識的人種了, 電視上電影上大家都見過啦..... 







這個有點現實生活了, 紐約曼克頓...



尼個呢, 都係我地認知之前的史前人物 OLIVIA NEWTON JOHN, 係電影油脂裡的造型, 十分經典, 我地都要知道一下咖.



下邊幅, 都係好老餅咖, 有希治閣, KINGKONG(黑色的,係KINGKONG隻手) 和 JAMES DEAN.



下邊D, 大家都會知道了, 都係電視電影上D人, 認唔出, 就來問我吧..... 因為不是做得好似, 但一講左出來, 又真係覺得幾似. 不過, TWILIGHT 個男主角就造得好醜樣.....






最後這幅, 我最鐘意, 以前真係好希望自己個女朋友係咁樣咖, 不過,如果我女友真係咁樣, 佢D置妝費唔少錢了, 不是富家女, 就是明星了..... 如此女友, 必定令人頭痛.



2016年6月29日 星期三

姐姐仔, 你地睇緊D乜呀? 咁聚精會神?

家陣呢, 我這裡的商場有大量空置率, 多到呢20-30%.

這間商場 叫 Les cour Mont Royal, 專賣貴價貨, 佢一向都有個大水池大噴泉, 曾經有人說, 這商場是一個香港人擁有, 個水池和噴泉係有風水五行佈局喎. 

不過, 咁多水噴出來, 那裡濕氣重之外, 因為我地這裡室內封閉空調冷暖氣, 就會時時有霉和潮, 左近D舖頭就笠清光了.

租唔出, 現在間商場索性把週圍改做免費展廳..... 展覽D乜? 

大家睇下D姐姐仔咁入神, 咁開心, 就知道係......好野了. 

好勁咖, 原來係巴比公仔, 仲係有好多好多個, 幾百個, 個個都唔同樣.... 

大家想唔想知道內裡有乜人物公仔, 如果想.... 我明天就登D出來.

 






2016年6月28日 星期二

從百小時大火, 看香港政治結構上的盲點

這場火, 最大的問題, 就是沒有法律規管這些倉庫內的儲存物.

消防還未知道火場內有什麼, 就要入內工作, 這個更是這次悲劇的起因.

竟然迷你倉內有3-5級危險品, 這些迷你倉和改裝舊工業大廈是否無王管.....?

為何無王管? 因為無人去立法.... 

為何無人會去立法? 因為手執立法權的人不想去立法.

為何手執立法權的人不想去立法? 因為他們手中擁有很多舊工業大廈.

為何這些人竟然可以在立法局內屍位素餐, 妄顧大眾和公僕的安全? 因為香港現有的政治結構.... 

香港現有的政治結構是怎樣? 是由不同業界代表和組織代表,來產生的政治結構,機構或組織才有票來選舉, 但從來都不是香港人一人一票產生的全民選舉. 所以最終顧及的因素和利益. 往往跟這機構和組織有關, 而不是跟香港700萬人有關. 

PS: 有人說, 香港越來越大陸化, 連我滿地可這裡的國內朋友, 都走來問我一切關於港產片"十年"內容的細節意思. 

84年中英聯合聲明時, 已經承諾保持香港現狀, 不過很可惜現在保持的, 是香港舊港英政府時的殖民地行政主導制度, 而不是快到97年時, 肥彭所提出的漸進民主, 把權力過渡給人民和人民選出的代表.



2016年6月27日 星期一

還想打仗嗎?

其實打起仗來, 人真係會瘋癲起來咖. 

1944年(距離日本侵略朝鮮台灣50年, 距離日本對華全面戰爭13年, 距離第二次世界大戰爆發3年), 英美聯兵在諾曼地登陸反攻, 俘擄了第一批的德國兵, 這些當然不是能征善戰的德國雄師, 是種雜牌軍, 這些人大多都不是德國人, 而是由外國被強迫被捉來, 在德國軍隊中服役的外國人. 

其中, 有個韓國人..... 噢..... 是真的, 這韓國人的遭遇卻令人心酸和同情. 他韓國家鄉被日本佔領後, 他被強迫到日本軍中服役, 在外蒙苦與蘇聯軍隊作戰時被俘, 但後卻被迫穿上蘇聯軍隊軍服, 被送到歐洲跟德國軍隊作戰, 又再被俘, 又被迫穿上德軍製服, 被送到法國諾曼地海邊來防禦英美聯軍...... 

我們後世人, 懷古思今, 引前車為鑑...... 

PS: 我們現代人, 花咁多錢去旅行, 不過, 如果好似這韓國人咁, 有咁樣免費遊世界機會, 可能大家都會SAID NO 咖. 

又看看今天英國脫歐公投後第二個交易日, 個市會亂成點? 不過人們要緊記著, 數唔岩可以講到岩, 千祈咪講手, 一打起上來, 就跌得更多, 亂得更耐更廣泛. 

今次英國脫歐公投後, 德國總理第一個要英國盡快完成脫歐程序和談判, 聽上來有點火藥味.....


2016年6月26日 星期日

美國總統第一輛防彈車

當年日本人偷襲美國珍珠港之後, 時任總統羅斯福驚會被暗殺或行刺, 就想賣架防彈車, 點知美國當時有條總統洗費法案, 規定任何美國總統不能用多於750元來買車. 

當然一部防彈車點會咁平呢..... ?

所以, 美國總統第一部防彈車並不是新車, 而是一部二手車, 原係芝加哥黑幫頭目卡邦的車子, 後因為卡邦被補, 這車子就被美國財政部扣押起來. 

不過, 都唔知道當時美國政府用什麼名目來把平民私產, 據為已有? 相信那時美國仍未係好似今天咁有法治和產權精神了. 



2016年6月25日 星期六

英國脫歐公投

已經塵埃落定, 是要脫歐......

現首相雖然一直主張留歐, 但六年前為到贏競選, 不惜以脫歐公投來做競選承諾.

六年今天, 他要兌現承諾, 只是公投之後, 他要下台了.

英國草根階層, 一直都想脫歐, 只有留歐既得利益者的中上階層人仕, 想留歐. 

還以為今天公投結果一石激起千重浪, 兜DOW只跌了3.5%, 我倉裡D股仔跌了2%, 加仔兌美金跌了2%, 香港中國都係跌左1-3%, 連英國市都係4%以下, 跌得最溶, 反而係日本仔, 法國佬和德國佬, 不過英磅兌日本円竟然跌了15%. 

可以想像, 今天大部份人只是蒸發3-4%的財富, 不過, 大家不要以為套大龍鳳映完落畫了, 可能仍未入到戲肉咖, 還有很多大基金大富豪開始轉倉拆倉, 來緊的一段日子, 大家可以睇準來入市.

我2009年時, 當時手中現金不多, 未能大量入貨, 小小地入了一些貨, 到近牌都已經有200%的利潤了. 

不過, 都係果句, 跌市時入市低吸, 一定要預備有一段不短的跌市或淡市期, 入貨後, 更要預留CASH來作將來更低時的彈藥.


2016年6月24日 星期五

中國A股仍然未是國際通用投資工具.

中國A股國際化, 是中國股壇一向方針, 不單引入更多國際投資的資金, 更可以吸引很多老牌穩定的投資基金, 如退休基金, 工會基金, 國家主權基金, 富豪後代基金, 令到中國股市更平穩, 更少發生如上年的崩盤事件. 

最後 摩根士單利國際資本指數(MSCI), 連繼三年拒絕加入中國A 股在其中, 這個對中國A股國際化, 無疑是一個挫折了. 因為很多大型老牌基金, 都是用 MSCI 來做指引, 根著來入市買貨, 中國A股在指數當中, 就沒有基金來買中國A股, 中國A股就少了定海神針, 就會波動大了. 

不過, 像中國一直奉行的社會主義經濟制度, 又是否令到 MSCI 方面猶豫? 最少跟資本主義國家慣常的資本主義經濟制度又有很多不同的地方..... 

好吧! 真要看看中國來緊這幾年的經濟改革吧, 看看會否走上更市場化? 走更資本主義化的道路? 還是對社會主義經濟制度有所堅持?

2016年6月23日 星期四

為何化妝品舖要找靚仔招來?

大家咪以為貼張靚仔全身相出來, 就係有賣男性用品喎? 我就入去問過了, 哈..... 點知道對方話呢, 如果我要買, 就無分男女的. 

我再係外邊捕住2-3粒鐘, 發現入去的, 全都是女性..... 

以前去大學團契時, 有次班友攪笑到, 派我出去同人鬥細..... 到題目開估時, 才知道係同個好的式的女仔來鬥咀細, 我當時心諗一定要輸, 輸左就會天下太平, 所以, 我E大起個咀來輸俾佢. 後來, 我才知道....... 這的式女仔好看重比賽結果, 哈哈哈...... 原來佢立志畢業後要回港做明星, 同人鬥靚女. 多年後, 再見她時, 他身旁的老公醜得令人難以置信.

從這點我可以好肯定一事, 靚這家野呢, 女性還可以接受輸給女性, 但總不能接受輸給男性嘛, 咁...... 這些化妝品舖用靚仔來招來, 個果效比靚女還有效呀.

以前向男性推廣商品, 用性感美女, 但是現今的社會環境下, 向女性推廣商品, 就一定不可以用感性靚仔, 只能用衣著密實的靚仔了. 所以, 各位靚仔, 如果各下自覺每次出街很吸女性睛, 又吸引女性走近你們的話, 不幸地要向你們好意提醒, 她們不是對你們有意思, 可能更是一心想來跟你們較量一下. 在這些情況下, 做人內儉一點, 老實一點, 就免去更大的麻煩了.

PS: 看看下圖這型極潮極的鬼妹仔, 咁留意亞洲靚仔.... 大家估下..... 佢將來會否嫁個亞洲靚仔? 還是打扮得來跟亞洲靚仔較量?




2016年6月22日 星期三

看看國內十大女富婆中有什麼大分別.

中國傳統上, 人們常常叫女人嫁個有錢人...... 不過, 這個潛規則真要改變了嗎?

看看中國十大女富婆, 人人都坐擁億萬家財, 生活寫意開心.

不過, 大家看看, 富一代和富二代, 又真係有些不同.....內儉和豪放......?

富二代

楊惠妍

 富一代

達貝妮



胡敏珊



付文麗



 蕫思陽



 郗慧林



2016年6月21日 星期二

香港書店風波

其實, 我看這些作者/出版社/書商, 跟看美加這邊八掛明星小報都是一樣, 是一丘之貉, 是一些無料到但又要開飯的前國內文膽. 

香港人根本從來不會買這些出版社的書. 這些書店的客戶, 全都是上邊D人, 從來都同香港人一D關係都無呀.

一向以來, 大部份香港人都想著, 這些人一向都是自己在講自己的故事, 有誰個香港人真會相信佢地片面之詞? 同佢地出版的書一樣, 不會有人相信, 乜乜在泰國或香港被拘帶回國內, 一直都只是這些人家屬的片面之詞, 直到這些人在國內電視報導上認罪, 而又找不到其中某人係香港的出境紀錄, 這個才變成一國兩制的公關大災難. 現在人們不單變成相信佢地一向出版書籍的內容, 還怕一國兩制就快玩完.

不過, 原本仲有得解釋為, 某人自己偷渡番回去, 刻意給上邊公安在國內拘捕, 好可以自圓佢地個故仔.

只是, 國內執法人員只要一查這人沒有入境大6 的紀錄, 身上又無回鄉證, 就知道這人來意不善, 就不好在電視報導上公開這人的認罪情況. 這個是任何執法人員拘捕個犯之後, 就會做的, 他們沒有做, 唯一可能, 他們不是慣常做開執法的人員, 也可能根本他們真是由香港越境來拉人.

現在怎樣解釋, 都對大6的國際形象, 甚至一國兩制甚為不利. 這些問題, 我地一眾港燦加燦實在無能為力了, 留給北大人自己去處理吧! 咁大鑊的事, 又不是香港人自己攪出來, 請不要再來打擾港燦的安定繁榮, 好嗎? ...



2016年6月20日 星期一

人是不可信, 但是要質疑些什麼呢?

香港近期怪事真多, 新聞上見到有個在落馬洲, 住鐵皮屋霸官地的"美少女", 網上認識"股壇才俊"三個月, 就多次轉錢百多萬給男郎來幫她炒股. 男郎又襯她不在香港, 催著其姊轉款二百多萬來補倉, 前後轉款三百多萬. 

其實, 可能個男郎沒有騙她們的, 只是男郎把投機想得太簡單, 太想一步登天, 但卻只有半桶水的學識和技考. 

這個故事又再讓我們認識到, 投資已經有風險了, 投機就更大風險, 任何人如果用一個先知的口吻來推介投資, 如果他不是有內幕消息, 就一定是有些問題了. 

很多人只會一句說, 不要相信人, 不過他們全都質疑錯了地方.






2016年6月19日 星期日

偶像狂迷?

今期怪事越來越多了, 繼前幾天 香港有電台 DJ 被襲, 查出起因是有女 DJ 被 男FANS 纏了半年, SAID NO左後, 仍被苦纏, 有男 DJ 代為出頭阻止, 卻被報復. 



其實, 無野的, 男性不主動去追求女性, 難道要女性反過來追求男性咩? 不過, 當女方 SAID NO後, 男方就應該跟女方保持一段小小的距離, 如果不是, 男方不單自矮身價, 更容易被人誤會為"迷戀狂", 更會影響日後去追求其他女性.

PS: 我自己不怕食檸檬, 更不怕女方SAID NO時, 比較大聲和進取, 只怕之後, 女方竟來指指點點, 公諸於世, 有種被人抽水的感覺. 

其實, 我真係好怕女方 SAID NO 後, 無寧兩可的行為, 更怕女方找人來跟我談談, 甚至來壓我. 噓...... 大家都講清楚了, 清楚無可能發展, 又係成年人, 大家之後保持段小小距離, 是健康和成熟的做法嘛! 偏偏我在加國遇上一些女性, 唔知點解都有點這方面的問題. 

這個是否"公主病"? 我不太清楚了, 不過, 我只知道, 攪到我十分麻煩, 尤其在教會裡. 

我咁多年在教會裡, 都未有一次拍得成拖, 如果那次我不是在教會外找, 可能連一次拖都未拍過. 

其實, 我現在不會再帶朋友返教會了, 因為我都唔知道會否害左朋友. 如果朋友好似我咁, 老實人真心去慕道, 可能他們會遇上跟我一樣的遭遇, 如果他只是一心去追女仔, 那我帶他們回教會做乜呢?

2016年6月18日 星期六

深入再分析, 女教師越軌的個案.

前幾天講美加有女教師, 跟學生有越軌行為那些個案. 

1. 我睇左網上一些心理學家的分析..... 原來係咁..... 

這些女性內心裡, 原來活在一個小女孩的心境, 希望有個小男孩來相伴. 

2. 但為何這些女教師跟幾個不同的小男孩來越軌? 

原來, 她們在這些學生身上, 找不到她們心中百份百所希望的小男孩影子, 所以她們從一個學生上, 又跳到另一個學生上, 只是希望找到那個最接近她們的祈望. 

那.... 為何美加發生這麼多?

第一, 北美人有大量的私隱權, 別人從不可以過問, 就算是校長, 但到事件曝光時, 已經太遲了. 第二, 北美人們空間較大, 找個遠一點的地方跟學生見面, 就沒有人見到了, 相反, 香港不容易, 很容易給人撞破. 

這些畸形師生關係會長久嗎?

不會, 小男孩終會長大變成一個男人, 會對女性有著原本應有的想法, 當這些女性一看到小男孩像其他男人般, 注視著自己身體某部份, 這些女性就會有種討厭的感覺, 就會疏遠這些小男孩了. 

為何這些小男孩變為受害人?

這個, 要從一個父母的角度看了, 誰個父母不想兒女有個健康的成長環境, 不想兒女太早接觸這個複雜的世界, 偏偏這些小男孩太早明白"性", 太早去接觸不平等的性關係, 可能感染性病, 在不能自主作決定下, 跟人有性關係. 甚至, 女方在疏遠這些小男孩時, 會做出一些傷害性的行為. 更甚的, 小男孩日後可能會對性有錯誤的觀念, 有可能變成性罪犯, 或對男女關係存有偏激.


2016年6月17日 星期五

十年後的港產片..... 將會全是國內明星擔正.

現今的港產片呢, 大多都要北望神州市場咖. 

這個.... 不單故事, 連選演員和角式, 都不是香港方面能夠單方面決定. 

不過, 大家有無留意, 近幾年的港產片, 都仍然有香港演員, 但大多數都是找些老牌香港演員, 來演一些年紀大一點的角式, 之後, 演年青角色的演員, 大多都是國內演員了. 

其實, 這樣的安排, 又能保證在香港有人買飛入場睇, 又能滿足國內市場.

只是, 香港本土如果再沒有年青演員上位, 將來演年紀大的角式, 將會是國內演員, 而年青角式也會由國內演員擔任. 

所以, 我時時叫身邊的朋友, 唔好再發明星夢, 加燦回港做明星, 已經係夕陽, 尾水了. 真係慢下手, 條 CAREER PATH 會好暗淡咖, 有可能臨老唔過得世咖. 

其中原因, 不離加燦個朵已經唔嚮了. 2001年時, 我把我萬里駕車自由行放上香港網, 當時很受歡迎, 一來當時小人這樣自由行去玩, 二來當時香港來一次不容, 三來當時資訊沒有現在流通. 

15年後今天, 連國內D人都自己過來北美開車自由行了, 加國華人的光環暗淡了, 人們睇會美加一線城市, 連國內二線城市也不如, 加燦如果不常四圍去, 見識世面, 跟任何鄉下仔沒有分別.




2016年6月16日 星期四

為何加燦回流做明星, 不再吃香了.

以前香港有好多明星, 都是加記回流回來咖. 不過自從有左范冰冰等人後, 國內市場已經再沒有香港初出道藝人的份了. 加燦回流做明星, 塊餅就自然細左, 起步就難左.

再加上, 國內D人以前少出國, 就對國外回流回來的明星, 有種崇拜的感覺. 不過, 隨著國內D人出國旅遊多了, 他們用他們的文化來看, 發現美加一線城市, 無論是規模和娛樂方面, 比國內二線城市還不如. 這樣, 加燦回流做明星, 就自然矮了一截.

還有, 近期中國國內風向改了, 有種非我族類, 其心必異的想法, 國外回來, 就不會有種自己友的感覺,當明星就不定有賣座的號召力.

最重要的, 港星傾向支持本土運動, 更被國內媒體找到, 他們當中不少人跟西藏精神領袖XX喇嘛的合照, 今次國內傳媒卻首先找個加國長大的何C姑來埋手, 係佢最小號召力, 最小FANS, 最孤獨派, 而且仲係女同. 大家要知道, 一間經理人公司捧紅一個明星, 係要花唔小錢, 如果個個都紅唔起, 又或紅到一半, 唔小心講錯左野, 突然俾人一下切斷糧水, 咁經理人公司就要關門了. 偏偏很多加國長大的人, 都同何C姑差唔多, 性格坦率, 講說話沒有保留.

在這些情況下, 任何經理人公司都會對捧加燦做明星, 有點保留了, 甚至捧國內人做, 風險還小呢!

2016年6月15日 星期三

大家一齊來分析一下......

今天個話題呢, 有點重.... 咖嗄, VIEWER'S DISCRETION IS ADVISED.

就係呢, 最近美加不斷有女中小學老師, 跟自己的男性學生上床喎...... 最近才有個華裔女教師被人告到甩褲要坐監了. 

這個當然係個罪行來咖, 不過呢, 有點不明白, 為何美加才有? 其他地方無? 又或許發生了, 無報到出來?

又有點不太明白, 這些女性心裡想什麼呢? 找個男人不是好嗎? 為何要找個未成年未有自主能力的小男仔?

難道小男仔能夠做到一些成年男人不會做的事情? 還是, 這些女性有些癖好, 而普通成年男人不會滿足她們這些癖好? 好吧, 我都係段估姐, 可能大家會比我想到更多原因.....

其實呢, 這些事情呢, 頂多發生在20歲前的男仔身上, 20歲以後, 這些女性對這些小男仔的態度, 會發生180度的改變. 

PS: 其實, 每一個人都會若隱若現的懷疑, 曾經跟這些事擦身而過. 這個, 令我想起我童年一些事情, 有次我細時, 家裡地方大, 就把一間尾房出租, 不過, 最後一個住客時, 媽媽要那個40多歲的女房客搬走, 之後, 媽媽就不再租出去, 用來放雜物. 後來個女房客還常常回來探我們, 但媽媽總是不希望她回來探我們, 並跟我說, 要離開一點這人. 

讀中學時, 我有一個帶我去教會的同學, 佢時常來跟我說某位MISS的壞話, 我初時懵閉閉, 覺得佢做人好緊張喎. 現在想起, 我又覺得佢不是沒有道理的, 為何這MISS上堂時咁留意我......? 連我這個同學都留意到. 不過, 個MISS咁靚女, 學校大把亞SIR想追佢啦! 

今天睇到美國那個俾人告的女教師, 都算係靚女吧, 無理由無男人追求佢咖? 我再想起我以前個 MISS, 內心裡交織著鬱結和懷疑, 因為這個MISS又真係對我好好.









2016年6月14日 星期二

何C姑 VS SHARON STONE.....

大家無記得2008年中國泯川地震, 美國有個傻瓜女明星, 佢自己做緊國內時裝品牌廣告, 竟然說, 泯川大地震是因為因果報應, 是因為中國人沒有好好對待西藏人...... 




不過, 佢這個講法, 一聽就知道佢唔知頭唔知路了, 泯川那裡正好是物資運入西藏的主要幹道, 那裡不單有漢人(漢人在那裡佔小數), 大多數是藏人, 還有其他少數民眾, 如羗族, 白族, 苗族,...... 死得最多的, 大多都是小數民族區裡的人, 因為佢地D建築物更豆腐渣. 咁, 當時真係唔單只漢人發嬲, 連藏人都媽媽聲. 

我當時身邊認識很多國內來的留學生, 個個都嬲到想打爆個電視機佢. 我就教佢地叫國內的親戚, 罷買這女星代言的品牌. 

事隔多年後, 國內D人用慣這招, 真係想唔到今次大劑劑果個, 變成同是加燦的何C姑, 其實, 何C姑都無講到D乜姐, 又無 SHARON STONE 咁黑人憎播, 只係表示支持學生的佔中運動, 佢都無叫人去打交喎........ 真係唔應該受到現在的對待咖喎. 
 


PS: 沙朗史東斷左糧水之後, 後來星運越來越差, 拍的電影等級越來越低, 最後去拍左裸照..... 噢..... 何C姑, 妳唔洗怕, 大不了走回來滿地可, 我地一眾加燦港燦歡迎你回歸, 如果妳去選議員, 我地咁多加燦港燦一人一票支持妳, 入到國會, 到時妳就可以........ 哈哈哈......

2016年6月13日 星期一

同是加國華人, 在不同地方, 有不同政治取向, 命運卻一樣.

前滿地可書院妹, 現在香港歌星何C姑, 2014年時公開支持佔中, 後來有國內傳媒報導, 佢曾經同西藏流亡領袖XX喇嘛合照, 之後佢就被國內傳媒稱為支持港毒藏毒. 最近有化妝品舖頭新店開張, 請佢去演唱, 點知被國內媒體指這化妝品舖與港毒藏毒份子合作, 更有國內網民號召抵制這化妝品舖. 



哈哈哈...... 事緣真湊巧了, 加國有個華人議員米高陳, 一直被人指責跟中國政府行得太近, 更有被反對黨指他為"中華人民共和國非正式大使". 最近中國外長靚仔王在記者會上, 大罵加國記者傲慢和偏見, 引起軒然大波. 條友仔在這非常時期, 竟然接受加國記者訪問, 並表示中國在人權和民主上的進步很大, 攪到佢一身議, 被反對黨指責為"吃裡扒外", 攪到佢要立刻公開重新聲明佢效忠加拿大. 



好了, 好了, 這兩位仁兄仁姐呢, 不如對調大家的處境啦, 一個返回加拿大做議員, 跟加國傳媒合作, 不幫中國政府說好話了. 一個返去香港做歌星, 高歌一曲"我是中國人!"

PS: 唉吔, 看來何C姑現在俾人擺左上台喎, 大6利用佢一個無權無勢的小歌星, 來大做輿論攻勢, 而香港泛民又利用佢來佔領輿論高地來發炮, 不過結果點都好, 佢都會..... 唉..... 無眼睇了. 以前我地一眾加燦回流回香港做明星, 都好吃香的, 連原本由台灣移民去加記的苟芸慧, 廣州移民去加記的岑麗香, 都發展得唔錯, 不過, 看來以後都無人敢請加燦來做明星了, 可能毛記以後要學, 果間執左笠的老洲電視咁, 請D好似荔枝小姐呀, 范BINGBING果D.

所以我們一眾加燦呢, 回流回香港或中國大6, 由現在開始, 都會無運行了, 慘情......


2016年6月11日 星期六

如果真係有早知......

前幾天有網友仔來問我投資港股...... 這個嘛..... 我真係唔識.... 就算叫我講美股加股, 除左我一向睇開留意開果D之外, 我對其他股票, 都只係盲毛炳一個囉. 

所以, 我不是先知, 我也不會用先知的口氣來說話. 

因為, 我自己心裡知得太清楚, 做任何投資都有風險, 都有機會蝕錢. 

其實, 就算大家一齊買同一隻股票, 但不同人..... 不同性格..... 不同際遇.... 不同處境..... 不同想法.... 不同價值觀, 到最後, 可能一個蝕大錢, 另一個卻賺大錢.

首先, 要提醒大家, 當股評人說某隻股票有機會有百倍之利, 也即是在說, 這隻股票也有機會蝕大錢, 風險和利潤是永遠掛勾的. 

最後, 大家都聽過, "有早知無乞兒"這一句, 小弟在股海浮沉多年, 深感到, 如果真係有早知, 滿街都係乞兒. 其中理由係..... 既然一早已知,  誰錢多就一定贏硬, 李生一定贏到開巷, 我地一眾小嘍囉仲洗有機會搵銀咩發圍? 實行變乞兒了. 

所以, 世事沒有早知, 大家都係度估估下, 這個呢..... 我地一眾小嘍囉還有機會搵銀嘛!


2016年6月10日 星期五

有無攪錯呀.....

太過份了, 太慘無人道了, 加拿大你太可惡了, 滿地可你太令人苦了. 

竟然在端午節這天裡可以咁凍, 凍得我騰騰震呀..... 好冷呀, 仲想著條薄質窄身褲出街俾人睇下, 點知....... 一出街就凍到我流鼻水了. 原來禽晚得6度, 我真係太可憐了.

嘿,...... 人地仲話, 未到五月節, 寒衣不入籠, 現在在滿地可這個鬼地方, 全年都唔好放冬天衣服入籠呀, 如果唔係, 一定會後悔呀.


2016年6月9日 星期四

芝士展

我這裡魁省是一個生產奶類產品的地區, 有近萬人從事直接畜牧和乳奶生產, 只是近年來, 加國不斷簽訂自由貿易, 大量美國和歐洲乳奶製品輸入加國, 影響著很多人的生計. 

當然, 外國輸入產品, 提高競爭, 有利消費者.

每年2-3月, 我這裡都舉行芝士展, 有很多不同地方芝士生產商來展銷, 幾元一塊, 買回去試味.

當中很多展商連英文都不會, 我要跟他們講法文. 試了咁多展商, 我發現修道院教士的出品最好味, 相信佢地條 製造方係跟過幾百年的改進, 才有這般好味. 最下一張相, 有個教士著黑長袍, 真傳統, 相信北美洲只有魁省才有這些咁傳統的東西.









2016年6月6日 星期一

真正的靚女..... 是會受得起時間考驗

家陣D女仔, 又 FACIAL, 又護膚, 又整容, 天生是否美女杯子, 已經不是怎樣重要了.

但是在幾十年前, 曾江林翠後生的年代, 沒有整容, 沒有FACIAL, 沒有護膚品的年代, 只有美女才可以吸引到人們的眼睛. 

看看幾十年前, 曾江的美源髮彩廣告, 他旁邊的美女, 真是如假包換的美女.

PS: 現在曾江轉投 SALON DE PRO 賣染髮水廣告, 哈哈哈.... 佢旁邊無靚女了.


2016年6月5日 星期日

大家快來幫幫忙!

今天出唐人街, 見到有間中國工藝店關門..... 裡頭賣幾件仿製古代青銅的鼎和鐘.... 好大的, 有差不多12吋高,上邊有龍, 有銘文, 更有回型花紋, 手工精緻, 十分想擁有.

只是, 我就覺得有點陰森, 好似小龍女古墓派裡的遺物咁.

想來問大家, 我好唔好買? 原價380, 佢現開價 300, 我諗 如果我回288就得了. 

如果買回家中, 應該放係乜野位置? 心裡總係有點不安, 生怕影響到父母的感覺和舒適.

PS: 剛剛上淘寶睇過, 原來20-30CM高的青銅擺設, 都係200-300人仔,我運到過來, 連稅連運費, 都唔洗100加仔喎...... 唉..... 又做左老襯了, 今天才買了個琉璃端獸擺設, 要我150加仔....







2016年6月4日 星期六

六四, 又過左27年了.

廣場上的死者, 無論是示威者, 還是到場的軍警, 都已經化為黃土, 長眠於大地. 

死者已矣, 生者的親人, 現在每天仍在痛著, 真是聞者心酸..... 

展望將來, 作為華人, 當然希望中國人和平堀起, 經濟和科技追上人家, 只是我們祖國裡還有很多事物, 既不能說, 也不能提, 人們無寧兩可, 想為其他人做點事, 又不知道好不好做?

最近習大大要求中國的科技龍頭和業者, 要向創新科技邁進, 但是業界回響卻是要求習大大對資訊鬆綁, 一天不鬆綁, 中國都沒有誘因去發展巨大的資訊產業. 

很多事情如六四, 一天不鬆綁, 一天都阻礙著中國向前邁進. 

作為海外華人, 一想起來, 總有莫名的傷感, 難道要認命嗎?

2016年6月3日 星期五

明天又到六四

哎喲, 時間真係過得好快啊, 轉眼又過左27年. 

那天六四發生咁既事之後, 我去果間唐人教會裡, D人個個係度喊苦喊忽, 個個走哂去唐人街遊行. 在我腦海中, 一切一切都好似昨天發生一樣. 

其實, 事過境遷, 不忘前事, 仍後事之師. 教會D人淨係識得講, 事後就無左件事, 實在可惜.

我學到些什麼? 

當時89年, 13年前, 完結左同係學生帶頭的文革, 中國政府內人人都還記憶猶新, 當北京有學生又帶頭佔領天安門廣場, 真係令到好多人神經緊張. 

當然2014年香港佔中都要武力清場, 不過香港學生容易話為一D嘛, 1989年時北京D學生, 好多係受過民兵訓練, 又會用槍, 一有人把槍械交俾佢地, 就真係會..... 

到最後, 我們都深刻記著, 在天安門廣場悲劇發生了, 所有中國人都十分傷心了. 

事過境遷, 我得出一個結論, 凡事留一線, 日後好相見, 一切最辣手的問題, 最有效的解決方法, 莫過如一個善意. 

如果六四當年不是咁大戾氣, 咁大社會怨氣, 咁多學生走出來措辭強硬指責中共, 可能軍隊也無需入城, 悲劇就不會發生了, 最後輸的, 是我們全體中國人.

2016年6月2日 星期四

現在過了抗生素有效的年代嗎?

大家可能唔為意, 最近有消息指, 發現了一隻超級細箘, 係任何己有的抗生素都起不到效用的.

咁.... 我用大家明白的言語講講, 即是, 被這隻箘感染後, 平時食開的抗生素當然無用, 連最新最勁的抗生素 (colistin) 都無用.

現在是否進入後抗生素年代呢? 這個即是, 我們又回到以前無抗生素的年代, 很多人40-50歲就會蒙主寵召了. 

這個是否壞消息呢? 咁又未必, 因為如果40-50歲就拜拜, 就不會有機會患上腸癌, 肺癌, 肝癌, 腦癌, 甚至心臟病都唔會開始有, 就已經拜拜了, 即是好多藥廠會執笠.

不過, 讀左咁多年書, 又做左咁多年野, 儲儲埋埋D錢, 咁就無得洗了無得玩了, 實在太唔抵了. 所以, 我知道D人會用好多錢來做新藥研究的.

PS: 最近我買左隻股票, 係專出新的抗生素, 和抗生素療法的, 1992年開始上市, 最高升到$500美金, 最近我用8毫子美金入貨. 希望刀仔据大樹, 在新一波抗生素恐慌中, 有新投資者入股, 又或得到政府出資來做研究, 等佢升番去百餘元, 我就賺到百多倍利潤了(哈..... 發夢都可以好早咖!)

其實, 做人要有想像力, 肯去不斷學新野, 雖然我唔係讀 BIO TECH, 但現在好多這方面的學識, 我都有個初步認識咖.

2016年6月1日 星期三

姐姐仔, 你咪喊啦, 你係罪有應得咖.

近排呢, 我這裡有個姐姐仔, 去騷擾前男友被捕, 佢的方法唔係傳統的“一哭二鬧三上吊”咁簡單,而係被稱作“加拿大有史以來最爲極端的騷擾案例”! 



佢呢, 同男友只約會了兩周時間,卻在被分手之後用8部電話對前男友進行24小時不間斷連環奪命追魂Call. 短短一個星期內打出27,639通電話,另外還發了937封電子郵件、11,229個短信、117個Sung Messages,以及47封手寫信,男友的手機、家裏和公司電話,每時每刻都充斥著佢"索命梵音! 



個姐姐仔爲了在騷擾時保持清醒,竟然一週內喝下大量能量飲料,甚至攝取安非他命,以保證不間斷地打電話、發短信、郵件及其他信件。



PS: 佢真係有米, 八部手機八個電話帳戶. 不過一定唔會發生係我身上, 因為我識親D人都係好窮, 可能最有米果個, 係我吧! 即係我最有能力咁樣去騷擾別人, 哈哈哈.... 不過, 我係最懶最睇得開果個, 唔會同人嗌什.

還有, 聽說姐姐仔個前男友係西人, 好了, 等佢地領教一下我地班唐人妹的厲害吧! 係咖, 唐人妹係超硬野來咖, 如果唔係, 幾時輪到佢地呀, 一早俾我地班唐人仔立哂啦.