2018年1月31日 星期三

股市點睇?

大家都知道, 老美當奴友就快出來上台講類似突區突首的施政報告, 講講來緊的施政方針, 不過, 已經有人聞到佢會發聲同熊貓國打貿易戰, 同北極熊打制裁戰, 即是熊貓和北極熊可能會反擊. 

這樣氣氛下, 老美兜兜上一班人就當然驚起上來, 現在市場的反應是想要來俾當奴友個下馬威, 叫佢唔好做到咁串, 破壞大家的財路水路. 

只是當奴友連共和黨班投資家都唔賣帳, 更何況民主黨超級支持者的股神和炒神, 看來這場貿易戰如果開打, 並不應該會單同熊貓國和北極熊開打咁簡單, 最少連民主黨的股神和炒神都打埋一份, 甚至連共和黨內非當奴友派系的人, 都打埋一份. 

現在當奴友份講稿不是還未寫定, 而係仲未傾掂條數, 邊個會受影嚮, 邊個唔只唔受影嚮, 而且還會水漲船高, 豬籠入水, 借勢出去撈錢撈油水. 

PS: 不過, 大家好似我的一眾散戶, 個市調唔調整, 誰人撈水誰人跌錢, 全都唔關我地事, 關事的, 只係環球經濟方向是否對我們有利, 是能夠預備我們有個漲滿荷包來退休嘛, 甚至提早退休, 財息兼收嘛!

好了, 所以, 現在一切將要發生的, 對我們來說, 都只是捕風捉影, 不是調整就是入市好時機, 而是向誰個版塊入市推進的良機, 我近來喜歡保險/食品/資源方向, 因為加息會對保險股有利, 科技會推高食品工業, 老美就算現在莫水, 但遲早海外D水返來, 會大加基建會對資源股好, . 仲係度睇緊有乜心水, 未有行動住呀!




2018年1月30日 星期二

能夠享受現代科技, 真好啊!

這幅相是我上個星期放在這裡的, 其實, 我當時只想用來SELL 幽怨的感覺, 因為現代科技真係令到以前大師級的作品, 連我這些街邊2打6傻瓜, 都影到出來喎. 

大家有無發現, 幅相係好有層次感, 一個個層次去到中間的若隱若現紅色屋上, 當然令到其中的幽怨感十分濃烈, 十分令人有種深墜的感覺, 墜入無邊無盡的幽怨當中. 

當然我本意不是想令大家都情緒低落, 這個我真係要SAY 句 SORRY了, 這幅相應該在夏日炎炎時, 登出來為大家解暑. 


2018年1月28日 星期日

唉.... 心裡很酸和痛!

上星因為多倫多有人謊報其回教頭巾, 在中國社區裡遭亞洲人來襲擊和剪了, 就引起很多華人不滿, 約好前天出去遊行. 

但我一見到佢地的標語, 我就發愁了, 真係想叫佢地咪出去遊行, 不是點名指著總理, 就是指整件事有陰謀, 更話要加國政府和大話精向亞洲人社族裔道歉, 而不是加國人, 我直接指這個是別樹一幟, 同人講明自己唔係加國人了. 

其實, 佢地都有聽我講少少的, 我都感到比較好一點; 只是仍舊指著總理和傳媒, 真不明白佢地點解唔指那個擺政客和傳媒上枱的學校和教育局? 

我心諗, 這些人係咪初來加國, 連這樣一些潛規則都唔知道. 最後, 我才明白內裡原因, 星期六半夜零晨大把人係群內發言, 但一到星期日中午, 就大把人唔再係WECHAT群上, 唯一理由是這些人身在大陸, 這裡星期日中午, 即是大陸星期一零晨一點, 明天還要上班嘛. 

嘿, 我就心想, 這些人係群裡又話講搶槍杆子, 又講話X奸, 又講中國人要點點點..... 原來, 這些人跟本係度混吉, 都唔係加國住, 插隻手入來, 一定別有居心; 就算係太空人, 留妻兒係加記, 這樣講野都唔好啦; 唔怪得加國政府唔信任華人, 大量收留中東難民, 都唔收中國人移民. 我一見到咁, 唔洗講了, 以後唔好同這些人來往咁多, 係度攪攪震無幫襯. 

PS: 這些人仲係度講華人在加國很低的就業率, 表明佢地叻又唔夠人家叻, 錢又唔夠人家多, 連見識和智慧都唔夠, 好心就咪係度玩野. 有時, 我們華人在海外發生一些悲劇, 我懷疑真係有其因果的. 怎樣也好, 一亂起上來, 我跟本就可以拍拍蘿友就走人, 但很多人又生意又妻兒又父母係度, 又傻更更受人擺佈走出來, 我真係無法幫到這些人了. 心裡很酸和痛!


有互聯網真好

還記起我家初移民來時, 實在不容易, 父母什麼也不懂, 我學得快適應得快, 常常要花唇舌解釋和說服他們來適應新環境. 

我父母有個大毛病, 就不太相信我說的(可能我家中排最細), 他們比較相信他們自己花錢出外請朋友飲茶食飯後, 所能聽到回來的訊息. 只是他們這些朋友言語不通, 也都是途聽途說, 有些更因為小利, 而謊說一些資訊, 令到我父母走得更多冤枉路, 令我更頭痛更多難題.

多年過後, 自己家裡安定了, 就希望其他華人移民來時, 不會像我家一樣般的出問題(我性格外向, 勇於嚐試和學習, 我家應該已經比很多其他香港移民好很多), 現在, 我會用盡所有的渠道, 去發出一些有用的正確資訊給其他華人, 讓他們生活得更好更美滿. 當然, 我自己也有私心, 就是這些華人生活美滿後, 有能力去幫助其他新來的華人, 好使我不會再見到太多華人生活不好, 從而引起情緒低落. 

生活在有互聯網時代真好, 頂多有網友的兒女代他來跟我說再見, 但正面來說, 我可以把美滿幸福的資訊傳遞出去. 

很多人認為如此如此物質享受, 就不枉此生; 又或如此如此佈施, 就是功德; 又或由教會裡建起個社福會, 就更屬靈. 我JJ卻想, 以前互聯網沒普及, 又沒有渠道, 就沒能向華人分享訊息, 現在有了這些工具, 我才覺得人生不枉, 榮耀足寵, 生死無憾了. 

PS: 當然, 一切祝福背後, 還要我自己去記番起D中文+學中文打字+學煲冬瓜, 主動去了解別人的需要, 不是我行我素, 高高在上, 指手督腳.

2018年1月27日 星期六

欲知今世果, 先看前世因

昨天有網友仔問, 歐佬和咖仔會否都貼服在老美手下, 做佢條靚呢嗄!

其實, 這個呢, 就不能不提及戰後, 老美在歐佬眾國和咖仔國的收靚往事了 - 馬歇爾計劃.

做大佬, 講明收靚, 當然係要令到D靚對佢有求有依賴嘛! 馬歇爾計劃名為恢復戰後多國的經濟, 實則係令到當地的發展重心傾向依賴老美嘛!

50-60年代, 有個由印度軒頭的"不結盟運動", 就是在這個氣氛下產生了. 而老法載高樂更唔洗要老美馬歇爾計劃, 也不理會老美指揮, 走自主路線, 當然其他的熊貓國和北極熊都唔理會老美啦. 

終於70年代, 歐佬眾國, 開始立法走上歐洲統一之路, 擺明開始唔聽老美枝笛.

 大家可能會問, 為何咖仔唔做得好似歐佬咁, 起老美飛腳? 其實, 一攞張地圖出來一睇, 大家就明白了, 歐佬就算唔計現在東擴東歐的新版圖, 單單舊有的西歐, 都已經唔少野, 人口又數倍於咖仔, 歐佬可以對老美說不, 而咖仔就唔可以了.

不過, 咖仔在二戰中的陰質行為, 注定佢今後的百年內, 無得發圍, 無得跟熊貓國等合作, 仲要俾老美襟住來搶, 一切聽從於老美. 

PS: 老美這位馬歇爾將軍, 更加係唔少野, 二戰時堅決先打歐佬, 再打咖仔, 原來這位人兄, 曾經在1920-1930年統領老美在中國的駐軍, 會講煲冬瓜. 大家如果睇埋佢在二戰和馬歇爾計劃的戰略, 大家是否覺得很面善呢嗄? 哈哈哈, 似唔似孫子兵法嗎? 有點懷疑, 佢有中國人的血統!

有時, 十分佩服老美中的叻人, 睇事睇得又遠又高又樂觀, 自問先天上的幽幽怨怨和情緒低落, 已經不及人家咁叻了. 

2018年1月26日 星期五

今天財經新聞, 娛樂性極高, 簡直係人性的典範呀!

昨天老美財神爺才講完弱美元係是好事, 想用來吸引商家佬去美國投資, 點知歐佬行長真係唔係省油的燈, 今天立刻講, 佢地今年只會停止量化寬鬆, 但不會急於加息, 言下之意, 大有出口術唔俾歐佬升的意圖. 之後又講, 現在不是打貨幣戰的時候, 即是叫老美和當奴友唔好一個屈尾十, 來壓低美元, 歐佬佢地好樂意奉陪到底.

大家睇新聞, 係咪覺得好似睇誤樂新聞咁呢? 哈哈哈, 都幾好笑咖, 娛樂性豐富, 之後更加插索羅斯出來狂插當奴友, 又話當奴友好快被老美人民推翻咁話喎..... 連2020年連任大選都未到, 2018年的中期選舉已經足以令當奴友變成跛腳鴨. 

嘩哈哈, 其實索羅斯做得到叫當奴友落台, 就唔洗係瑞士達沃斯電視上齋嗡啦. 現在老美經濟一片向好, 形勢講俾我地知道, 2018年老美選參議院眾議院, 當奴友所屬共和黨比起上次, 可能會贏對手民主黨更多, 民主黨在參眾兩院的議席更買少見少唄! 更難令到當奴友變跛腳鴨. 

嗚嗚嗚, 睇怕來緊6年零11個月, 我仍要日日係財經新聞上, 見到這個可惡嘔心的當奴友. 

PS: 嗱嗱嗱, 大家睇得一清二楚, 原來老美最大的競爭對手, 甚至乎係戰略對手, 原來從來都不是熊貓國, 而是歐佬這些老美的遠房親戚.

2018年1月25日 星期四

強美元幾時有?

大家都有睇許安華姐姐果套"明月幾時有"? 講述中日雙方人民, 在戰時都渴望和平的宏願, 沒有錯誤, 許姐姐作為中日混血兒的身份, 在中日兩國人民最痛苦的題目上, 令人得到安慰!

同樣道理, 強美元政策都是一樣, 是一種令人鬆弛神經的講法, 只是強美元政策幾時有實行過呢? 老美講就天下無敵, 做得無能為力了, 呵呵呵...... 

由1974年, 老美宣佈取消美元本金制度後, 美元跌左幾多....... 大家心裡有數嘛!

這幾天, 世界經濟論壇在瑞士達沃斯展開, 世界上所有有頭有面的大大們, 都去哂果度喎, 哈哈哈, 而老美竟然派出前所未有的龐大代表團去果度, 而且當奴友還親自出馬, 以佢商人本色, 當然唔係自己出面去講數, 去嗌貿易斗紛啦! 

佢去果度做乜? 唔係招商囉! 現任老美財神爺竟然係果度, 同班商家佬講, 弱美元最合乎美國利益, 試圖用弱美元來吸引商家佬, 實行引資引商唄! 學足熊貓國以前一貫技量播! 

不過, 我地一眾落左塔, 手頭上有美金的金山阿伯點算好呢嗄? 唯一慶幸, 加燦總理一心想瞄準美金匯價, 美金跌幾多, 加仔都可能照跟, 咁就無咁傷了, 頂多我這個金山伯+加燦下次回港時, 節衣縮食囉!(啊..... 咪住, 港紙同美金不是掛勾嗎? 但係港燦一眾生活物資, 都係由上邊熊貓國輸入嘛, 即是港燦可能會有輸入性通漲! 噢, 我JJ回港都係一樣要節衣縮食! 無得幸免呀!)

PS: 哦...... LISA姐, 你上邊D樓, 將會繼續旺住你呀, 而香港樓價, 會因為港紙兌人仔下跌, 會..... 更火紅火綠呀! 無眼睇了. 

有打油詩一首:

強美元幾時有
把美金問當奴友
不知匯率幾時跌
今夕是何年? 

2018年1月23日 星期二

睇住個市咁, 我都係望自己有覺好睏了.....

哈哈哈, 老美股市近排玩派業績公佈, 其實, 有業績才有真相嘛...... 投資者個心肝仔才會淡定咖嘛....

嘿...... 點知..... 派完業績後, 投資者更迷惘, 更不知所謂, 更無厘頭喎.....

今天, 老美兜兜指數內的定海神針大價股, JNJ 和 PG 派成績表啦, 點知攞完高分之後, 股價仲要倒跌得好金(3-5%)喎, 嗱..... 嗱..... 嗱..... 嗱.....  嗱.....咁佢地D CEO CFO COO等人, 洗唔洗罰留堂罰抄功課呢嗄? 

我家下真係諗緊呢, 個市已經脫離左成績表這家野, 即昰, 要升時, 越升越有, 要跌時, 越跌越有. 好了, 大家都唔洗我多講啦, 近排個市呢, 我就唔會買貨住, 真係唔知乜事咖嘛!

開始有人講,  個市快來調整了, 嘿.... 我又唔係先知, 更加唔係大鱷, 我都係度估估下咖咋, 但求唔好輸死, 平時有小小錢漏入來濕濕個袋仔佢, 咁, 我就算了, 咪要自己晚晚無覺好睏. 


PS: 各位, 見到個市咁, 我JJ就真係唔敢叫人買邊隻股了, 第一我唔係經紀或分析師, 不食人間煙火嘛; 第二, 個市咁樣, 我叫買乜後, 就跌幾個%, 我怕我會俾人揼喎; 第三, 股市呢, 我話唔埋咖, 我無話語權, 也無決定權.




逃避前塵往事

前天出唐人街飛髮(除了飛髮外, 我大多都不用出唐人街, 因為我頭髮超硬和粗, 西人唔識剪), 咁就順便去食個叉燒燒肉飯啦, 就係食果時, 有個好面善的女人入來, 我想左一陣, 就記起以前識得佢, 本來想打個招呼嘛, 但係佢明明見到我, 都要擰轉面. 

其實, 我一向都唔黑人憎姐, 點解佢咁.... 想了很久, 佢以前同個白人中佬行埋, 我都好自然姐, 仲同佢男友有講有笑, 應該佢男友對唐人無乜惡感姐, 點會.....? 佢環境就算如果唔好, 我都唔係身光頸靚, 我更唔係同佢有親, 大家都無乜兩句嘛!

後來我食完就走, 才看清楚佢個小朋友, 是啡色的, 即是佢第一次同個白人中佬唔得, 現在就...... 我終於明白了, 為何佢唔想同我打招呼了, 因為我知道佢第一春不成功.

一出門口在街上, 就見到2個唐人女仔同西人行埋, 一睇拖住佢地D西人大多都是老粗來咖. 唉, 我心裡十分納悶, 突然我想起了前幾天, 老屈唐人男仔剪佢回教頭巾的中東靚妹. 我地唐人男仔處處給人中傷, 有些是自己唐人女仔做的, 這些人拍拍蘿友就走左去, 有些人仲走去嫁西人, 逃避她們自己的前塵往事.

2018年1月22日 星期一

加國又真係好幽怨的.

其實, 加拿大係好適合我, 因為我個人的情緒好幽怨, 而加國D景又係好幽怨.....



2018年1月21日 星期日

千里孤零, 無處話淒涼.

加拿大就係咁, 居住環境寬廣, 食物相對工資算是便宜, 全民醫保, 自動發放低收入保障的老人金(等如香港的生果金, 但數額大很多).

只是計來計去,我住加拿大應該很開心, 除了我計我要俾幾個錢稅果時, 哈哈哈哈, 真唔明白, 我都一樣係咁悶, 咁孤零..... 

鬼咩, 這是單車跑步徑, 竟然.....不能給人一個喜悅的感覺, 反而諸多淒涼冷清, 說不出的無奈和悲愴失落...... 





2018年1月20日 星期六

加國唐人的問題 2

前天講這裡唐人被人老屈, 話我地當中, 有人涉及襲擊一個靚妹及剪左佢條回教頭巾喎.

其實, 真係好難怪咁容易被人老屈, 唐人鐘意住埋一齊騾騾貢, 但係這個不是致命傷, 致命傷是他們沒有跟人家去講解自己文化的情懷, 只想自成一角, 本意是好的, 減少麻煩, 能夠攞筆過來退休安居樂業, 但唔好處, 現在有眼睇了.

溫哥華列治文一向有些標識只有中文,就令當地人不滿, 近日相同問題, 再次浮出水面。跟據Richmond News報導,這次涉事的是大巴車車身廣告。

有當地人說: 真丟人,卑詩省需要語言立法來叫停這樣的愚蠢冒失。更有人指, 這是排斥而非包容,

其實, 我想, 唐人來到加國, 尤其我地香港人, 帶給他們不少機遇, 最少, 原住在溫哥華和多倫多的西人, 他們不愁退休後沒有錢了, 賣了市的屋子後, 搬到鄉下居住, 就可以優哉柔哉了.

不過, 話分兩頭講, 唐人總不可以閉門造車, 既然享受著加國社會製度所帶來的安全和保障, 就應該去理解這個社會製度怎樣去運作, 一同幫手去捍衛這個優良的社會製度.

怎様也好, 做人不可以太短視, 太短視就不會有長期安逸寧靜的生活, 投資是這個道理, 做人也是這個道理, 看事處事, 總要看得遠些.

PS: 其實, 我自己看事十分遠, 但十分悲觀, 看事不夠樂觀不夠高大, 這個已經局限了我個人的發展, 但就算咁, 我已經比很多同輩的人好了, 因為很多人不單看不夠高, 連看得遠也沒有. 


 

2018年1月18日 星期四

加國唐人的問題

昨天講果單中東難民靚妹講大話係港人聚居的多倫多街角上, 被個笑口笑面扮友善的黑衣亞裔年青男子襲擊來剪去回教頭巾. 

嘿, 幾日後俾多倫多警方踢爆佢老作, 其實, 小朋友講大話, 時有發生, 加國傳媒好似執到熱爆而又唔會得罪人的新聞咁, 立刻大肆報導, 成為國際大新聞咁報道. 茅頭當然直指我地香港人, 來到加國唔守規舉, 竟然犯左加國大忌. 當然, 那裡中文招牌臨立, 成個小香港咁, 當然十分令人礙眼的. 我身為香港人, 也看不慣搞到好似小香港咁.

當然, 被踢爆後, 加國這些傳媒和政客十分尷尬了,不單靚妹和佢家人指人憤怒大罵, 連傳媒和政客都被漫罵到狗血淋頭. 其實, 我自己見到咁, 我也不希望事情再繼續下去, 求其沒有唐人被人打, 就算了. 

只是有加國傳媒, 竟然寫左篇文, 話小妹妹講大話有乜咁大不了, 加國咁多人來憤怒大罵, 應該加國人民向小妹妹和佢家人道歉, 嗱...... 這個, 我就真係老虎蟹都要出聲.  

立刻係報紙篇文下邊回應佢, 直指靚妹家人應該出來道歉, 因為其家人明知靚妹講大話做錯事, 都要為她遮掩過錯, 令到她們鄰近的中國人受到很大的困擾. 我還說, 這些家人心裡的觀念不正確, 要教育佢地, 等佢地認清楚加國是個安全的地方, 加國嚴蕭看待種族仇視. 

我回覆完後, 其他人給了我好多LIKE. 當然, 人家見到我的中國人姓氏, 俾足面我啦, 好客氣的. 其他人仲講, 靚妹和佢家人應該特別對中國人和亞洲人道歉.

PS: 只是, 整件事, 我們唐人都係磨心嘛, 但只有2個唐人回覆, 另一個竟然負面說: "那會有道歉? 受慣不公對待了!" 只有我說得較為正面, 較為站在加國人的立場講說話. 

老實說, 向加國人道歉是更好, 因為港人住在加國, 就已經是加國人了, 不應獨立雞群咁難睇, 咁孤立.

我想, 我以前教會裡的牧師, 香港名校畢業, 教會講道時口若懸河, 真不知道他在這些時候出聲, 會否有點怕他烏雅咀, 因為他講完道之後, 教會更分裂, 會友之間更面阻阻, 可能因為咁樣, 好多好似佢一般的人, 寧願在教會內裡吵通街, 都不敢在西人面前說出自己的看法, 怕給人家來"逼害".

加國唐人再鬼打鬼, 嘿..... 有排嘆呀!

最近多倫多發生一件奇事, 11歲中東難民的女兒, 聲稱在上學途中, 被一名亞裔男子剪去其回教頭巾. 嗱....... 聲稱案發地點呢, 就係港人聚居的仕喜堡, WARREN 夾 SHEPPARD大道. 個細路女咁講, 分明係指住我地唐人姐...... 

其實, 本來唐人聽到咁, 都已經覺得好煩嘛, 俾人咁來鬧鬼, 點知D政客為求撈政治資本, 仲講: "我的心己經飛到跳到被襲擊年青女孩的身上, 她似乎因為宗教信仰而受到襲擊, 我無法想像, 她有多害怕!"

最後, 多倫多警方講, 這件事根本沒有發生過. 即是..... 個靚妹自己老作. 嗱, 咁就好黑人憎了, 一個咁細的靚妹, 佢D家人都會事後去問清楚佢全件事情嘛, 攪到見報/上新聞發報會, 上埋國際頭條, 即是佢D家人一早已經斷定我地唐人會咁做, 這個就不能不令人心寒了, 要對這些人加以防範. 

不過, 事件更令人心寒的, 還有咖...... 大家有無想過, 為何多倫多警方會咁肯定無發生過? 全件事, 原本係死無對證喎! 唯一可能, 就是.... 加國政府跟熊貓國政府一樣, 在公眾場所有很多監視鏡頭嘛! 其實, 我不反對係公眾地方裝監視鏡頭, 維持治安, 是必要的, 但係, 這個係加國憲法是不容許的, 即是有人在違法地下操作. 最大鑊的是, 加國政客和傳媒竟然用這事來大加抽水, 撈取公共視聽的油水..... 睇完我的分析之後, 大家對加國的人權和政客本質, 是否更清晰呢? 唯一安慰的, 因為某些人違法操作, 我地唐人唔洗食這隻死貓.

PS: 其實, 老作事件, 在宗教群體內最容易發生, 因為D人唔會先用理性去思考, 一切都好似D政客咁, 慌死人地覺得佢地冷血, 又或被指唔屬靈..... 遲出聲, 給別人先拿了發言權. 

這個, 令我想起前幾日, 果個超市老闆娘, 講佢親戚嫁左俾個伊朗人, 我真係鄧佢擔心. 

以前, 係華人教會裡認識很多米女來移民, 個個都好似對華人男性有著不共戴天的不滿咁(其實問題出係米女佢地屋企D男人身上), 唉, 好啦, 現在個個嫁哂了, 但這些米女的家族遺傳中的德性影嚮下, 當然大大鑊的家庭問題, 等著佢地去頭痕啦. 不過, 希望這些米女就唔該唔好再來煩住別人了, 還要搵人幫佢地, 因為以前佢地已經煩夠別人了, 現在應該知個羞字點寫了.





2018年1月17日 星期三

真係要向股神致敬

昨日同大家講過渣股收息來退休後, 又真係呢, 股神巴菲特, 又講得無錯咖, 買股要買有專利權果D企業啊! 

就好似現在咁, 老美減企業稅喎, 上游企業受惠於減稅, 利潤大增, 當然下游企業都會受惠於減稅, 但係供給下游企業的上游企業, 不一定會減佢地的供貨價, 嗱! 如果係咁, 條減稅工稅式, 就只係 LINEAR 啦, 無乜驚喜喎.

不過呢, 如果中游企有專利權, 上游和下游無的話呢, 中游企業可以同任何人買賣貨嘛! 

叮..... 這個中游企業呢, 一來可以蠶食壓縮上遊企業由減稅而來的利潤, 二來又可以再蠶食壓縮下遊企業由減稅而來的利潤嘛, 哦...... 大家睇到泥度, 係咪好過癮呢下?

所以, 我JJ提議大家, 現在買美股, 不但要揀行業, 仲要揀埋公司..... 

不過.... 因為我JJ 係 OLD TIMER 來咖, 好保守仲好多做人原則, 我揀果D行業,未必岩大家, 而我揀果D公司, 可能會悶死大家咖. 所以, 我只能講到泥度好了. 哈哈哈......

2018年1月16日 星期二

昨天有網上朋友仔, 問我股票.....

其實, 哈哈哈, 大家都唔洗我彈出來講啦, 嘻嘻嘻...... 升升升升升..... 呵呵呵..... 我好有自知之明咖. 

在這些雞犬升天的日子裡, 真係好難叫人唔好買唔好入市咖喎, 不過, 我對美股總有少少嗡風可以貢獻一下的. 

老美現在通過減稅呢, 仲係減企業稅喎, 即是未來1-2年內, 這些一切, 將會反映在美企的股價上. 不會一時三刻內反映出來, 因為是螺旋相互交替咁去減, 上遊製造商先嚐到減稅的甜頭, 才到下遊製造商等到可以減成本, 利潤才會慢慢升, 真係可能要等1-2年才知道, 減稅如何強化企業營利的幅度, 現在人人都係度估估下囉.

所以, 以前PE10-15的制造業股票, 一早已經升左好多, 現在才入市買美股呢, 只是博那些未能被人計算出來的企業營利呀. 不過, 這個升幅也可以幾可觀咖, 可能還有10-30%的水位. 

不過, 我一向叫人買股揸到退休後, 食股息來當退休金嘛, 而老美減稅法案, 其實都只是到2025年左右, 不是永遠都係咁減法, 所以, 現在在美股已經被人用減稅概念, 炒高了不少下, 任何好似我揸股等退休的朋友仔呢, 就要留意了, 現在入市買, 就不可以天長地久, 同股票做人世了, 呵呵呵.....

2018年1月15日 星期一

現代"倚天屠龍記"

前幾日, 我去唐人超市買餸, 依家所有超市都係要煲煲冬瓜咖啦, 無問題啦..... 

俾錢排隊時, 聽到收銀的老闆娘, 同前邊的伊朗夫婦好多爹, 講到伊朗新年係係我地農曆月中間滿月的日子, 唔係好似我地係月頭月全缺的日子. 仲雞叮唔斷咁講伊朗人慶祝新年, 係係屋內點火, 仲要好大火同埋要有好多煙, 先叫老泥咖喎. 我心諗, 你班友邊個肯租屋俾你地住? 俾你地住完, 一定要重新油過間屋佢了. 

咁, 到我俾錢時, 個老闆娘又係度講伊朗新年, 覺得好好玩喎, 仲講佢親戚嫁左俾個伊朗人, 所以佢見過那些煙霧漓漫的場面. 哈哈哈, 其實我真係無諗過嚇佢咖, 只係想佢知道我明白佢講乜之嘛. 我就同老闆娘講, 佢地伊朗人以前興拜火. 但我見個老闆娘唔多明, 我講得清楚一D, 話伊朗人係波斯以前有拜火教. 噢, 我咁講, 原本只係想解釋...... 火係佢地伊朗人的文化圖騰. 

點知...... 個老闆娘只知道金庸小說果D乜乜明教, 乜乜日月神教, 乜乜魔教, 哈哈哈, 當時佢立刻嚇左一跳, 面色又青又驚, 看來她那個親戚一定係佢至親了, 呵呵呵.....

其實呢, 很多中國女性, 恨嫁心急到唔理三七廿一, 照個老闆娘的文化底蘊來看, 佢親戚都唔會太高嘛, 咁樣嫁法, 我真係擔心佢地一家人從此頭痛了, 歡笑不會再現面上. 其實, 有邊個好似張無忌, 令狐沖咁聰明.... 懂得處理文化差異, 又唔會驚和抗拒. 又唔係喎, 令狐沖原本都係胡人來咖! 

國內有好多祖先來自伊朗中亞的回民, 這些人是強悍民族來咖, 以前佢地小兒女在國內內地上學, 係都要帶埋把刀返學, 十足似印度包頭果班錫克教咁. 國內D人應該一定會知道回民和漢民有幾唔夾, 都無理由會咁樣嫁, 所以, 我好肯定, 果個老闆娘是台灣人來咖. 

老實講, 我接觸過不少由中東/埃及來的基督徒咖, 雖然大家彼此信仰一樣, 但都感受得到當中的文化差異, 無法咖, 文化由少就根深蒂固係人心中, 理你是否同一信仰啦! 我果D孔子儒家大同, 同佢地果D崇尚光明的強者風模, 真係好唔同, 同佢地D人結婚都係咪搞我, 好煩咖. 

不過, 佢地當中好多人都幾靚的, 不是黑紋紋, 而是跟歐洲白人同宗同祖的人來咖. 令我想起"倚天屠龍記"中的金花婆婆和張無忌婢女小召. 

PS: 查考歷史, 這些在中國叫明教的, 在波斯原名叫摩尼教, 78年最早期版倚天屠龍記裡的插曲 - 熊熊聖火, 就係原自摩尼教聖歌 - "焚我殘軀,熊熊聖火。生亦何歡,死亦何苦。為善除惡,惟光明故。喜樂悲愁,皆歸塵土。萬事為民,不圖私我。憐我世人,憂患實多。憐我世人,憂患實多。" 再經黃霑作詞而成.





2018年1月14日 星期日

世衛把沉迷打機定為病態

世衛把沉迷打機, 不能自拔的人, 定為病人, 要佢地去醫喎. 

哈哈哈, 我JJ上網呢, 從來唔打機, 只用來接受資訊, 但係我是個資訊吸收迷, 又算唔算病人呢? 

不過, 幸運地, 我接收多種不同的資訊, 算是不同模式, 不同思維, 不同觀念, 都算得上一種健康的活動吧! 

不過, 打機呢, 因為定死左一個模式/思維/觀念, 對人處事上, 用番這種同一軌道的模式/思維/觀念, 就會好澤洗的. 

我就不知道, 打機對投資決定是否很壞, 但我就十分肯定D人係教會裡事奉, 就唔可以好似打機咁了. 因為人一定不會定死在同一軌道上去思考, 就算有什麼宗教規條限死左, 但在宗教規條框框之中, 每個人都不會餅印咁. 尤其, 如果教會想有叻人, 就必定需要D人肯用腦, 可以為自己做獨立的好選擇. 如果唔係, 人人都同一餅印, 無一個會發到圍, 無一個可以做好佢自己. 

以前我去果間唐人教會, D牧師又真係打機好叻, 我好肯定, 這些牧師牧會會牧到大大鑊, 主要係同佢地打機有關. 當然, 我並不干涉人家工作外的喜好, 但打機這喜好, 會影嚮他們在他們職業上的判斷能力.


2018年1月13日 星期六

老美相信有UFO嗎?

老美幾十年來, 一直都沒有承認有UFO的存在, 甚至也不承認有任何調查UFO的部門或經費. 不過, 前排老美就承認了, 在2004年時, 在太平洋海岸, 曾經有戰艦測到有UFO, 派了2架 F-18戰機去跟縱, 誰知一個屈尾十, 就俾人拋甩左, 咁之後, 佢地都有批經費出來調查UFO, 叫做Advanced aviation threat identification program. 不過, 佢地仍然話, 主要調查對象是..... 研究中俄是否在研製非傳統武器吧!

大家都知道, 老美以前唔承認有UFO, 都係唔想因為50~60年代時人們一下咁知道有UFO, 而且地地球人跟本沒法防衛保護自己, 就會對人們的宗教和信念產生毀滅性的衝擊. 

這幾十年來, 好啦, 老美透過佢地D"良心"知情人仕, 又或D人臨死前"爆大鑊", 少少地少少地, 慢慢把UFO的訊息放出來, 等D人慢慢適應有UFO存在的事實. 

最近, 天主教教會更說: "就算有UFO或外星人, 都不能證明神是否存在, 相反, 這2件事, 不能互相彼此來否定. "

我就咁講啦, 一切都指著一個方向, 聖經說 ~~~ 末世近了......

2018年1月12日 星期五

老美的石油戰略

以前, 很多人會問, 老美自己有咁多石油未開出來, 為何咁麻煩要去問包頭佬買?

其實, 答案是十分簡單, 老美本土開採石油, 會污染老美自己環境, 就如前幾年老美默西歌灣油井爆炸後, 造成大範圍的油污污染生態. 

若要好環保咁去開, 十幾年前以當時的技術, 開採成本就好貴. 而包頭佬果度係沙漠嘛, 唔怕污染, 而且包頭佬果度好易鑽到油出來, 開採成本低. 

在91年打包頭佬海灣戰爭時, 包頭佬的開油成本呢, 每桶講緊十元美金左右咋, 而老美本土就講緊30-40元喎, 又會有俾人告佢地破壞環境的可能喎, 所以, 當時老美寧願去打, 都唔想自己開. 

不過, 自從911後, 老美終於認識到, 包頭佬靠唔住, 背後小動作多多. 老美就開始研究新開採技術和新石油來源, 到今年開始, 老美不單能夠石油自給自足, 又因為採用新的清潔能源, 少左用油, 現在還開始有能力輸出石油喎! 即是會同包頭佬爭賣油呀.

其實, 老美的石油戰略很簡單, 先開了人家D低成本油先, 到現在D容易鑽的油開完後, 人家鑽油成本高了, 就不能壓倒性以低成本來贏老美, 再加上包頭佬唔聽話又靠唔住, 老美現在開佢地自己果D油出來, 同你包頭佬爭市場, 還以顏色. 

PS: 其實, 大家都是睇錢睇回報來做投資, 理得佢其他事呀, 只是呢, 老美很多決策和戰略, 是會直接決定我地荷包內有幾多錢咖! 所以, 我這幾天跟大家講下老美的本質, 好讓大家投資時, 更了解這個是一個什麼的投資局面. 

2018年1月11日 星期四

老美合眾國的本質和歷史條件

可能, 很多人十分崇尚老美獨立宣言內的高尚情操, 我自己從不懷疑撰寫這宣言的人, 他們的高尚情操和高人一等的視野, 真是沒有這些天才來建基老美, 就沒有現代老美的成就和對世界的貢獻.

初先, 我不會像左仔或憤青的無視現實, 無視人家的善意和能力, 漠視自己人性裡的弱點和愚蠢, 但是我又不能去漠視, 那個容許老美獨立宣言發芽生長的18世紀新大陸上的環境. 

我們很多港人, 最常犯一個錯誤, 以為自己漢人, 五百年前是一家, 就以為西人(白人)是同一種族和文化的人. 港英時期, 就已經分不清愛爾蘭人/蘇格蘭人/英格蘭人, 甚至威爾士人. 現在更不能去分開老美白人裡的清教徒/法裔人/葡裔人/西班牙裔人/荷蘭人/德裔人/白人和原住民混血的後裔.......  

老美內這些不同人種, 到現在仍然有很大分別, 試想2百幾年前老美獨立時, 這些不同種族的人, 他們在文化和習俗上, 分別更大, 生存利益而起的衝突也更大. 當時, 老美立國的是一班清敎徒, 他們只佔當時白人人口的很少比例, 可能是20-30%吧, 更不用計埋原住民了.

雖然他們是白人中最多人口的種族,  但如果其他種族聯手起來, 他們也會吃不消. 所以, 他們立國, 是不能不以合眾國形式來立國, 這樣就可以把所有散居的白種人統統算入他們的國家裡, 聯同一起來打跨老英帝國在新大陸的殖民力量, 甚至分化老英殖民力量, 最後做到同化這些老英殖民力量. 

這招實是十分高明, 所以, 我們看老美時, 不要一面倒去看事情, 人家聰明天才的地方, 不可以不明白不理解, 如果唔係, 我們只會原地踏步, 永遠都只是教條主義, 條例主義. 


2018年1月10日 星期三

當奴友上台, 為何黑仔咁慶?

嘿..... 當奴友最近有人幫佢著書立說, 呵呵呵, 不過佢仲未壽終正寢, 又未蓋棺定論, 而且以佢一向的嘩眾取寵, 批評唔留餘地的情況之下, 大家都會知道, 本書唔洗謊好野, 書中講佢幼稚白痴無腦唔成熟.

當然佢跟任何老美大企業一樣(而且佢自己都有好幾間企業), 惡到發律師信, 要人地唔準出版, 但係係律師信生效前, 出版社提早幾日賣書, 照情況來睇, 新書銷情相當理想.

電視上見到佢慶到火屎咁樣, 就可以想像到佢前任黑仔, 慶到火屎係點樣樣了. 為何佢前任咁慶呢? 因為當奴友上台前到現在, 一直致力於取消佢前任黑仔的政策, 如醫保, 平衡外交, 印銀紙, 政府平衡預算, 但係黑仔這些政策被取消後, 後世歷史學家就會寫黑仔, 寫到佢係一個乎碌無能又愚蠢的無作為總統.

好了, 當奴友要令黑仔咩鑊, 當然, 人家不會等當奴友退休唔DO總統後, 才做野了, 今次只是頭盤, 將會陸續有來, 看來當奴友樹敵太多太廣了, 佢做唔做得完4年任期, 都唔肯定呢. 

不過, 老美雖然仍然是當世一等一超級強國, 但走下坡的亂局已經嚮起, 當奴友不單嚴重分裂老美社會, 而且開了政策斷層的惡性先例, 日後的總統將會好似佢咁, 唔單只廢除前任的政策, 更會剃佢地前任的眼眉呀, 惡性慣例一開, 政客們你攻我伐, 將來亂局無日無休, 國勢走下坡將會不能避免. 

PS: 不要以為, 只有老美政壇才會咁做, 其實, 佢地社會裡, 包括宗教組織裡, 企業裡, 都係咁做, 而且仲係比政壇早用很多年, 用得更無所不用其極, 相信老美發生企業/學校/教堂/善慈團体裡的槍擊案, 將會無日無之了. 所以, 老美最大的敵人, 不是某外國崛, 又或爆發核戰, 而是內鬨, 籠裡雞作反呀.

2018年1月9日 星期二

擺明攞景同贈慶啦!

近期突區政府口口聲聲講佢地開局良好, 無乜司長局長奶野, 點知上手刑部司長一走, 新任果個第一日上班, 就立刻奶野了. 

嘩, 有無咁岩咁橋呀? 第一日上班就俾人查到佢屋企僭建..... 分明班友一早已經查出, 唔出聲唔講出來, 等住佢第一日上班, 就來攞景兼贈慶. 

嗱嗱嗱..... 留住一招咁杰的, 等到佢第一日返工才來出招, 肯定現在上任的刑部司長係悍將, 好抽得, 好摙得, 才出招咁野來下個馬威呀. 

出到咁樣一招, 即是話呢, 這刑部司長來緊D任務, 將會係堅野, 一地兩撿都只是前菜, 更有可能廿三條, 甚至引入更多內陸法原則和釋法, 在突區龜本法內, 減低突區一向使用普通法的認受性. 

所以, 現在慶到最火紅火綠果班友, 就係大狀公會果班人囉, 大狀公會快要選過班執委和主席了, 有邊個能為一眾大狀, 撈到最大的好處, 將內陸法所帶來的衝擊減到最低, 這些人才會當選嘛. 真係好難怪大狀公會對一地兩撿, 用詞如此強硬咖, 大佬將來生計尤關喎!

看來, 來緊這幾年, 突區裡頭一定會有更多爭議, 會有更多被人故意爆出的"醜聞"...... 

PS: 其實, 突區豪宅僭建是十分普遍的事, 買方賣方都身不由已, 一邊諗住可以賣貴D, 一邊諗住有著數多D居住空間.




2018年1月8日 星期一

項莊舞劍背後, 誰是沛公?

昨天, 講完英文字母公司直指英記心片有安全漏洞後, 再劍指AMd 和 ArM等心片商, 這些全是BILL叔叔和水果佬的版塊. 當然係向正佢地開刀.

其實, 英記等 BILL 叔叔/水果佬系列的心片商, 一早已經有人講佢地有安全隱患, 到今天字母公司才來大鑼大鼓, 劍指英記系列, 當然因為要進攻BILL 叔叔/水果佬他們龐大的資訊市場, 之不過, 在時間上, 就講明字母公司只是想拖佢地的後腳, 並不是要廢佢地武功. 

拖佢地後腳做乜? 當然係要拖慢佢地其他的生意, 最有可能係要拖到佢地遲D先可以出到新 OS系統, 咁大家估下新OS會做D乜? 我估係人工智能的OS, 令到佢地最新人工智能OS要過各國政府更嚴格的審批, 無咁快出到來, 同字母公司的谷果爭市場...... 

大家咪睇少人工智能市場, 以前 BILL 叔叔/水果佬系列的OS, 都只是頂多1個人買2-3套, 但現人工智能設備, 1個人可以買幾十個運行人工智能OS的設施, 個市場就唔講得笑了, 字母公司這招斧底抽薪, 留番這招到宜家先出, 就係知道人工智能市場如何巨大. 

PS:  講到智能設施的OS, 在水果佬/BILL 叔叔/字母公司之外, 就只有俾人打殘左的加仔黑梅了. 加仔小國小民, 市場細, 黑梅早十幾年前賺哂老美D錢, 老美決心打殘佢, 所以加仔黑梅如要發圍, 就一定要在老美之外搵. 當黑梅換左個寶島人做CEO, 我就知道佢地眼裡不是歐佬, 而是熊貓. 上個星期, 熊貓國電動4個碌- 俾你的, 話要用黑梅來做4個碌的OS, 這個就真係唔意外了, 意料中事囉.





2018年1月7日 星期日

繼水果公司後, 科技股又有.......

呵呵呵, 今劑奶野果個呢, 就係英記心片了...... 

一直都有人話英記出D心片有安全隱患(吓, 乜佢地唔係成日話熊貓國出果D有安全隱患咩吓?), 只是英記係行頭大佬播, 其他人係蚊虫小輩嘛, 佢話無問題, 有邊個夠佢大聲夾惡? (仲惡過當奴友發律師信呀!)

今次走出來督爆佢的, 原來係佢強勁的競爭對手 - 谷果和佢背後的英文字母公司. 咁多高手咁多猛人(最主要係咁多頂班的律師團隊係度護駕呀! 其實班大狀友已經咬文嚼字左好耐了, 重覆又重覆演練報告內裡的字眼, 肯定唔會俾英記告番轉頭, 才發表出來咖嘛!), 煮重米煮到英記不能不認帳播. 

整件事裡頭, 有個滑稽的笑角AMd 走出來, 話俾人知道, 英記唔安全咖, 叫人轉用佢地D心片啦, 點知最搞笑係, 第二日就俾人將佢同英記抄埋一碟上枱, 竟然話英記同佢和 ArM 心片都係有問題.... 簡直係扮野不成變奶野!

嗱嗱嗱..... 現在擺得好清楚了, 項莊舞劍, 志在沛公啦, 班友搞左一大場大龍鳳出來, 劍指的不是硬件, 而是硬件背後的軟件 - BILL叔叔的視窗口和水果公司的撒哈拉. 看來由英記到 BILL 叔叔, 再到水果佬, 將來D生意越來越受壓. 

PS: 字母公司一大班師爺教路, 一定唔會好似AMd咁水皮, 唔分壯閒就出牌啦喎. 佢驚死人地照板煮碗, 用同一招攻擊佢硬件提供者"高佬通", 所以, 一早就話高佬通出D心片無問題, 並且無論佢地軟件"安載"版本有幾舊都好, 佢地都會不斷提供軌件更新, 並且明言軌件更新, 不會令產品速度變舊, 直接嘩撫水果公司. 

好了, 水果公司早前宣佈, 話舊款埃瘋換電池大減價, 由90皮, 減到35皮喎. 不過, 屋漏又逢落雨啊! 分折師講, 水果公司2018年少左35-40%人買新版埃瘋喎, 立刻大幅降低水果今年營利和前境.




2018年1月6日 星期六

無所事事下, 唯有自己去玩航拍.

冬日-20~30度裡, 我真係開始越來越懶, 成日都唔想出街, 出街就只想去商場, 一入商場就只有購物, 沒有其他事可以做.

本來, 都有些女網友約我出來, 不過, 大多都是找人幫忙, 我又真係幫唔到佢地D奇難雜症了(大多都關於佢地想不勞而獲). 其實, 加國這裡都好方便, 出錢請人幫佢地, 就一切會OK, 最多請人回來, 眼大睇唔到, 佢地自己落小小手力, 去搞掂佢囉.

我自己有部航拍, 無國內大彊果D咁專業, 續航力得8分鐘, 最驚就係飛到湖上水上無電跌左落來, 咁就慘了. 

不過, 都有少少可以出場的.





2018年1月5日 星期五

憐憫之心, 不能磨滅!

昨天講完廢青, 和一些至仁至善的樂施者. 

其實, 做好心做好事, 都是個人的選擇吧! 最重要當事人自己覺得值得去做吧!

我自己更認為, 如果做完好心事後, 自己會失去對人憐憫之時, 就不如不要做了.

對人憐憫之心, 不是我欠了別人的罪疚感, 而是我自己做人處世的財富, 沒有了, 我將會失去了分辨對與錯的能力, 對我自己損失之巨大, 不能用金錢來衡算.

為何我理解到以上的道理? 因為我在教會裡觀察到一些教友們, 不知道他們是出於教條主義? 還是面子人面尤關? 又或是追求的女仕愛心爆炸? 不過, 這些人做完好心事後, 內心質素往往變差了.

做好心事, 不單因為自己對人有憐憫之心, 更因為理性邏輯下知道什麼應該去做, 認清那些人應該去幫, 認清那些人根本就是撒戇玩野.

大家可能不相信一事, 投資背後的理念, 是出於一個由憐憫之心出發開來的分辨能力. 一個分不清憐憫和罪疚感的人, 很容易在投資上選手爛腳.

PS: 咁多年來, 如果把我在教會裡的奉獻金錢和義務工, 算作投資, 而目標是榮耀神和建立教會, 我相信這是我一生人中, 回報最低的投資. 哈哈哈.....

2018年1月4日 星期四

人世間最令人傷心的是什麼?

昨天講開那廢青的故事, 其實, 我是十分欣想, 這裡的國內人又真係唔錯咖, 當中很多人心地十分好的, 雖然大多數人都環境算不上好, 都有好多人第一時間走出來話幫忙. 

當然, 我見到咁多人咁單純咁好心, 我真係擔心佢地受騙, 我也要走出來叫他們小心. 

好啦, 真係有人走去幫這廢青呀, 其中一位幼稚園女教師, 這位好心地姐姐仔, 我都識得佢. 不過, 這廢青仲係度口不擇言, 話這位姐姐仔好靚女, 我心諗, 頂到佢肺癌呀, 窮心未盡色心又起. 

我唯有出言單打條友,  話佢齋嗡多謝人地係無用咖, 叫佢從今以後, 做個好人, 免得辜負了幫過他的人. 嘿, 條友竟然無恥到, 走出來話我小心眼, 好管閒事, 車, 佢登得出來上網要人幫佢, 我咁講, 都已經係好客氣好克制了!  >_<  我已經下載左佢廢青大頭相,  日後幫佢的人有乜事, 我都可以攞佢D相出來做證物.

其實, 我是不會擔心這廢青果2個女, 因為就算這對渣男渣女無左撫養權, 被福利部門強制接收2個女嬰, 還有很多無兒無女家庭, 會收養2個女嬰長大成人咖. 我只是擔心這些好心人, 被這對渣男渣女黐上之後, 那就大大鑊了. 這個才是人世間最令人傷心的地方 - 好心人無好報.









2018年1月3日 星期三

廢青有個款睇嗎?

加拿大社會福利良好, 本應人民的質素會十分高, 不應該有渣男渣女吧!

不過, 我越是了解加國低下階層, 越是看到普遍人性中(可能包括我自己)的弱點和原罪.

最近, 我這裡網上有國內人話需要同胞幫忙, 我一睇佢幅大頭相, 成個廢青咁款, 原本我不會以貌取人, 咁我睇多佢幾幅相, 見佢相中著龍袍和去絲路, 再睇睇佢要人幫佢乜, 原來, 佢同個本地法語女人結婚生下2丁, 爭緊撫養權時, 佢卻自己一個人去左絲路, 一去就3-4個月, 要2月才回到來. 現在佢老婆用法語短訊佢, 話一個人太累, 照顧唔到了, 要佢簽字同意將他2丁交由這裡福利局管, 想撒手不顧了.

其實, 事情由始致終, 都是佢地夫妻兩的事, 點知條廢青一味係度講本地法院和本地人排華, 想煽動不知情的中國人, 來撐佢俾錢佢, 又叫人去探佢那2丁和老婆, 但就無提佢老婆要求佢簽放棄撫養權同意書, 諗住中國人不會法文, 傻傻地咁就去俾錢. 我當然走出來踢爆佢, 一句講要佢做好父母本份.

點知, 條友唔單只廢, 仲係渣, 渣到同人講話, 叫基督徒佛教徒出來做實事, 唔好只係度祈禱同拷經, 仲話我這類中國人唔信得過. 不過, 好了, 現在這些微訊群有群主, 個群主一句叫佢私聊, 轉手就BAN左佢再來攪攪震, 好過以前我去教會時, 像這樣的廢青做哂教會裡的長老和牧師, 令到真正入教會去慕道的信徒大大鑊.

PS: 講完渣男, 再講渣女, 為何個女人又肯嫁個渣男? 原因就是那個也是渣女, 以為中國經濟起飛, 個個中國男人都腰纏萬貫, 利用加國社會制度對女性的高度保護, 以為就可以有張終身飯票, 當然再加上個渣男係度充生哂, 這些鬧劇才會成事嘛! 

鬧劇走上高峰..... 個渣女為左得到加國社會制度對女性保障中的最大好處, 就同個渣男生左2丁, 這樣離婚下, 個渣男就要養個渣女直到佢地果2丁到18歲, 這樣渣女就可以一邊剅渣男D錢, 一邊出外獵艷靚仔, 根本從未為意過個渣男有D乜野好. 

渣女識計數時, 渣男也會嘛, 個渣男就拿著緊剩餘的小小錢, 跑了去加國政府管唔到佢的地方 - 中亞絲路上的貧窮國家. 渣女見無油水到手, 唯有短訊渣男, 迫佢簽放棄撫養權同意書, 迫佢現身浦頭. 而個渣男就想利用這裡其他中國人, 對個渣女製造壓力, 扮可憐叫同胞去探佢老婆.


2018年1月2日 星期二

蘋果好唔好買呢?

水果公司最近俾人告, 理由係佢部埃瘋裡, 提供的軟件更新中, 有指令會令到舊款埃瘋全部都慢左. 俄羅斯電視台更報導, 最近網上搜尋"埃瘋 慢"這個詞彙, 竟然飄升了50%. 一眾蘋果迷興到火紅火綠, 老美已經有2個州的蘋果迷入法院, 提出集體訴訟, 聽講其中一單, 更是某大學法律系學生, 在某律師行實習時的作業功課來咖, 嘩哈哈哈, 真係可以學以致用, 勁呀!

咁..... 水果公司方面解釋, 因為舊版埃瘋內的電池開始舊, 在長期使用後, 電池老化, 如果繼續讓舊版埃瘋如常速運作, 耗電量會令舊電池吃不消, 會導致使用時出現突然關機情況, 所以, 水果公司在軟件更新中, 加入新指令, 把舊版埃瘋的運行速度減慢.

只是,  火紅火綠的蘋果迷質疑, 這是水果公司迫使他們買新機的技量. 呵呵呵, 這單官司就真係有得打了. 式目以待呢, 我睇怕水果公司今次要賠錢了, 賠錢再加埋俾多國政府告到佢要罰款呀!

對於我們這班咬蔗街坊來說, 大多都唔會用埃瘋, 只係呢, 好唔好趁佢股價大跌時, 入番D等佢升番...... 

噢, 照 BILL 叔叔間 超小軟公司多年前俾人告左之後, 佢間超小軟公司股價, 咁多年都係咁下上咋喎, 再唔似以前升到咁勁呀. 可以想像, 科技公司一俾人告左後, 公司做起事來, 礙手礙腳, 唔可以再咁有利可圖了. 

所以, 今次水果公司這單野呢, 大有可能都係同超小軟公司一樣, 股價再不會搭直升機咁, 目標大升大起的朋友仔呢, 如果真係有心買佢, 可能就要有心理準備了.


2018年1月1日 星期一

大家新年快樂

2018年到來了.

大家今年開心D, 賺多D, 健康D, 有多D時間和機會, 出去享受人生. 

無咖, 人生好短咖咋, 除了對自己負責, 也要向身邊的家人朋友上司同事負責, 所以能夠享受人生的時間和機會, 會隨著年紀升高, 職位升高, 而越來越少. 

歲數這家野, 不像職級和薪津點, 要努力咁去爭取, 才會有望調升, 每年1月1日, 世界上所有人的歲數, 都會自動跳上一個標了, 哈哈哈.....