2013年12月30日 星期一

2013秋遊 - 中華棧道在北美

這天入去COLORADO州的旅遊資訊中心裡, 問有乜處好去玩, 同裡邊2個西人阿嬤義工閒談一會, 我同佢地講這次是我第二次落來這裡, 還打算以後每格2年落來玩一次, 佢地聽到我咁講, 開心得佢地(當然現在美國要振興旅遊業來增就業嘛!), 個80幾歲阿嬤就私人醒左我去這度地........ 連個後生阿嬤都唔知道有度咁樣的地方. 

首先講解下, 這條棧道係百幾年前, 由華工起的(即係廣東人賣豬仔到金山), 當時那裡D人開金礦嘛, 但當地沙漠無水, 就一定要引水過來. 只是當地全都是崇山峻嶺, 鑿都鑿唔到咁多咖, 只係當時來自中國的華工就有辦法了, 就係用番好似起以前起嶺南條棧道的辦法, 係懸崖石璧上起條棧道, 來引水. 不過, 就好危險咖, 因為要係懸崖上用繩吊個人落去, 用人力先鑿個隆, 再揼條大木方入岩石裡.下圖係現在在中國秦川的棧道, 原理係跟北美這條引水棧道一樣.



 












後來金礦開完, 當地荒蕪, 華工星散, 這條引水棧道就荒廢到今天殘破的樣子.





係2006年, 當時仲未有今天咁殘破, 被定為世界百大的臨危古蹟, 現在爛成咁, 神仙都無救了. 


PS: 講開棧道, 我好細個時上華山, 又係行過一條叫長空棧道, 係一條鐵鏈再加幾條木條起咖, 在網上找到有人POST D 相, 嘩, 過癮呀, 大家同意嗎?

根據當時個陝西當地導遊講, 如果跌左落去, 就要麻煩四川省那邊的公安人員, 由四川出發行三天路來"拯救"或........ 噢..... 哈哈哈



















2013年12月29日 星期日

2013 秋遊第7天 1

既然大家咁喜歡雪景, 我就登多D. 

這裡係COLORADO州西部的雪山, 影相時站著的地方, 已經係萬1呎的高山, 這些雪山, 每個都有萬4-5呎高咖..... 


























2013年12月28日 星期六

2013 秋遊第6天 5

這天嗱喎, 行到我傻左, 揸車揸到我嗦哂氣..... 噢..... 真係唔可以唔認自己體能差左, 就前年之嘛, 我一個人行左35天, 現在第6天就開始嗦氣了. 

這天最後的景點係行 UTAH州的279公路, 係沿住條河走的, 一句講哂.... 靚絕..... 









嘩..... 大家睇睇, 當地人民風喜歡爬石, 我都以前玩過, 不過無佢地去到咁高級別, 我只識D基本動作和技巧.



大家有無想過, 整間屋係果度, 其實夏天真係唔錯, 風涼水冷, 又有週圍岩石攩陽光, 一天哂極都係幾小時, 不過冬天就凍凍了.,.... 那裡比我這裡還凍呢....



大家有無想過揸四驅車上山落水呢, 我都有諗過, 不過, 我得一條友, 慢下手係野外架車死左, 平日又無乜人行經的話, 我就慘了.





大家有無想過, 印第安人都有曾灶財這些的人, 而且幾百年後的今天仲係變成歷史文物, 受到美國政府的保護呢.


















2013年12月26日 星期四

加國東部冰暴有幾嚴重?

今天聽新聞, 才知道直到昨天晚上, 單單ontario 和 quebec 兩省仍有3萬七戶仍未恢復電力, 東面三省就有更多戶未有電力. 

舉一個例子俾大家聽, 大家才會了解停電有幾嚴重, 明報在多倫多的新聞網, 直到剛才才恢復過來, 大約有4天接唔上的.  只是明報這些網站所在地, 應該係商業區, 輸電系統可靠性應該比住宅區更高, 如果連商業區都停4天電, 那麼住宅區就要更久時間才有番電了. 

上次98年quebec的同類冰暴, 就算我地住宅區無左電, 但揸20分鐘車的高速公路旁的商業區和醫院區, 就一定有電. 那次連我家都停了2次半天的電, 好彩未天黑就有番電, 如果唔係, 真係會去租旅店來睏了.

在聖誕後, 新年新來臨之際, 真係衷心祝願他們快快有番電力, 可以如常的享受節日的氣氛..... 願主祝福所有人. 

























2013年12月25日 星期三

過埋今天, 以前在YB的一切, 都會灰飛煙滅.

灰飛煙滅, 就好似TERMINATOR 2 套戲裡, 機械人一跳進溶爐裡, 一切記憶都會無哂. 

係呀, 那時好多人和事都會忘記得一乾二淨, 無論當時自己是開心還是不開心.... 將來在街上遇到, 都無法去想番起那時跟他說過些什麼?




2013年12月24日 星期二

祝大家聖誕快樂

我這裡落了4天大雪, 現在停雪了, 就開始天氣凍得人打牙震, -22C度.

現在才有時間坐下來向大家祝聖誕快樂, 找來找去, 都不知道放什麼相來祝賀聖誕.

只是一看到我外邊咁多雪, 才醒起這裡是最真實最全神的白色聖誕節. 祝大家有個美好佳節呢.....





 
也為到在多倫多受停電影響的網友, 送上祝願, 祝願快快恢復電力, 生活回復正常, 可以留在家中與親友團聚.

1998年, 滿地可到KINGSTON一帶, 都受到類似今次多倫多的冰雨侵襲, 我家這裡地區還好點, 只是停了2次幾小時, 但有些朋友的地區, 卻停了2星期的電, 令到生活大受影響.

從電子遊戲到香港政改路線

以前有部ANDROID機, 給了媽媽來打麻雀後, 最近才買過一部, 最近喜歡玩個叫FREE FLOW的遊戲, 即是係個nXn個方格裡, 用線把相同顏色的點聯起來, 但不可以踩在別個顏色的線上. 





普通5x5的, 大約幾秒就攪掂. 現在9x9的, 大約2-3分鐘就攪掂. 只是卻令我想起香港政改路線, 因為香港政改由A去Z, 都係要唔可以太過損害其他方面, 才可以完成. 

好多人認為, 政改加入太多人的意見在其中, 會拖垮政改. 只是從這個遊戲裡, 我卻了解到, 版塊中越多顏色的點, 就越快越容易完成, 因為越多顏色, 就越明確講出條線的方向和紋理. 

香港現在政改陷入拖泥帶水中, 事實並不是持份者太多, 意見太多, 太不設實際; 而是整體格局已經被定死左, 就如個遊戲設計得唔好, 玩起上來就會好無癮下. 

其實, 唯有創出新的格局, 才會令政改向前邁步, 而不是不斷設置框架. 就好像當年老鄧以一國兩制和改革開放來創出新的格局, 在舊有體制上, 再開創新的新體制, 目的當然是把香港和台灣, 甚至國內的右派, 也包括在其中, 讓不同的人可以和衷共濟, 專心發展經濟. 

當年老鄧講, 香港實行一國兩制, 對台灣同胞有預示的作用, 今天我JJ大膽D講, 當有一天台海兩岸和平統一的歷史機預來臨時, 香港今天政改所遇到的問題可以預示將來會發生的問題, 也可以預示到將來我們全體中國人, 應該用一個什麼的思維來捉緊這個千載難逢的歷史機遇.

唯有繼續開放下去, 才會創出新的格局和歷史條件, 才會把香港政改, 以至一國兩制行好下去. 不要忘記, 香港政改攪不好, 即是代表一國兩制的信念破產, 即是代表兩岸和平統一的希望幻滅!  

PS: 其實, 送震鷹哥一隻疑似"粗口"名的公仔, 是有更深的含意在其中, 因為個粗口名係用普通話近似字來譯出來, 是國內常用的外語名字翻譯法則, 只是用在廣東話的香港, 就變成粗口. 其中含意當然是提醒震鷹哥和政改的相關人仕, 單用國內的一套和框架行嗎? 出來的政制香港人會喜歡嗎? 台灣同胞見到今天香港的政改框架, 能否安心嗎?










2013年12月23日 星期一

2013 秋遊第6天 4

吖, 下了幾天雪, 屋企門口都積著厚厚的雪, 鏟了又鏟, 快要無位來放新下的雪了..... 幸好我後生夠力, 鏟完雪後, 只雪貼脫苦海來舒緩肌肉痛, 就沒有事.

我這裡比多倫多好少少, 多倫多那邊落冰雨, 雨落到地面變冰, 積在電線杆上, 就容易壓壞電線杆造成停電, 多倫多有很多地方停電了, 我這裡北一點, 凍一點, 雨點未下到地面已經變冰珠, 只是地面少少一點的積冰, 鏟起上來十分重呢.

無獨有偶, 今天D相又係同雪有關, 係雪山呢.... 看看峽谷和奇石後的雪山.