2014年3月31日 星期一

鹿死誰手?

哈哈哈, 大陸有人販子原本想拐賣少女, 誰知卻遭少女倒轉過來拐賣了. 

事緣於少女A, 有天往城裡玩, 丟失了銀包, 無錢回家, 有人販子冒充為同鄉, 假稱大家都順道回鄉, 代為先出錢買票回鄉, 只是一到省城, 人販子卻假稱一起去先探探親戚, 才回鄉. 

只是少女到"親戚"家, 門就被鎖上, 少女A還偷聽到給人用4千元賣了.

後來, 人販子可能出於貪心, 帶著少女四圍去找更高買家. 

只是少女謊稱, 還有3個朋友在鄉間, 著他們跟自己一同去找工作, 騙了人販子回自己鄉下後, 卻把人販子, 用$500賣給路邊的獨身老漢. 

少女A回家後, 跟家人哭訴, 懂事的家人立刻報警, 把人販子救出來, 只少女A被判監3年, 後改判免去刑責. 

2014年3月29日 星期六

我這裡的唐人文化中心,快要關門了

好多年前佢地中心開幕時, 我係中心見到佢地D委員(全部講廣東話), 好似對個中心無乜認識, 請了個講煲冬瓜的中心行政回來, 見面時, 也不認不出人家是誰.

這幾年, 見佢地越攪越差, 個播放廳牆上, 聯歡會後被人貼了紙, 也沒有人拿下. 人家捐錢的名譽牌跌了下來, 也沒有人放回去. 先是清潔工不見了, 之後, 就是中心行政也回國發展, 再之後, 就圖書館關門了, 就開始沒有人進去.

唉..... 今天行經過, 大門貼滿紙, 紙上聲稱, 因為歷史原因, 中心正面臨在3月31日, 被貸款公司收回物業, 從此文化中心就會在我們面前消失. 紙上更稱, 文化中心委員會現正希望集合各位同胞的簽名, 向市政府請求臨時財務支援.

只是, 我自己從不看本地中文報紙和網頁, 但一跟其他人談起, 人人都遙遙頭, 話未見過文化中心登報或網上呼籲眾人來簽名.
 

其實, 到了生死關頭, 這些委員在做什麼的? 連登報或網上呼籲都唔做, 只在門上貼滿紙, 就算了嗎?

後來我中心內想收下風, 但人人都話自己是義工, 人人都說煲冬瓜, 人人都說不清楚, 官腔十足, 我有個感覺, 他們是阿爺嶺事館的職員, 現在中心一切委員都不想再理, 阿爺唯有派人來善後.


PS: 有點擔心, 這中心可能是香港未來的縮影, 一定要D乜乜委員聽話, 一有唔聽話就"親疏有別", 這樣聽話的, 又做唔到野, 或不敢做野. 

還有, 早前有宗教團體, 租用了文化中心一角來做外展. 現在卻搬走了, 不知道發生什麼事. 可能他們已經打定輸數, 又或被覺得政治不正確, 租給宗教團體?  

其實, 我在想呢.... 誰個銀行會貸款給一間沒有固定還款能力的組織?

我又有好題材跟人吹水了.

以前我家對面街, 住著加國著名冰球(HOCKEY)明星, 那時, 我實在有太話題攞出來同朋友吹水了.

後來佢搬到湖邊大宅去, 我就無左D咁好的話題了. 

之不過, 現在又有了, 我出租物業最近有個新租客, 原來佢係冰球星探, 專係美加各地來發掘冰球新星, 嘩...... 這次我又有新吹水話題了. 

好多我這裡的朋友, 都唔知道我D中文咁好嘢, 仲識打中文字, 又識煲冬瓜. 我同個新租客講, 你如果有機會去中國做冰球星探, 你搵埋我一齊去, 我幫你做免費翻譯又點話呢..... 哈哈哈....

 

2014年3月28日 星期五

阿爺對港承諾落空了.... 到小馬哥火燒埋身!

今期發生台灣民眾發起佔領行政院, 事源因為台灣與大陸簽定服務和貿易協定, 本意好讓台灣服務和貿易可以走出去, 利用大陸已經簽定的國際服務和貿易基礎, 讓台灣不再孤立, 讓台灣透過大陸這個平台, 進行國際服務和貿易, 因為台灣不再是聯合國會員國, 沒有了好像大陸的國際服貿框架. 

大陸跟台灣這樣簽協議, 本來就想送大禮, 來討好台灣民眾, 也間接增加小馬哥和其政黨的政治本錢. 只是台灣民眾不覺得是送大禮, 只認為這樣離開一國一制更接近, 也認為給小馬哥出賣了.

為何台灣民眾會這樣想? 為何阿爺熱面孔會被貼在冷屁股上? 明眼人都看到, 台灣民眾看完現在阿爺給香港一個怎樣的普選後, 他們心裡想些什麼? 大約會認為香港受了阿爺咁多禮, 現在連普選自己的行政長官和議員都不行, 他們最好遠離這些大禮. 

難怪小馬哥早前談香港普選和政改, 他說樂見其成, 我想, 因為香港一國兩制+港人治港+高度自治的承諾有任何落空, 將會影響台灣民眾對小馬哥大陸政策的信任和認受. 

看看.... 小馬哥兩年前連任競選時, 人們如何支持他, 只是兩年時間, 他的大陸政策和政治資本, 差不多消耗殆盡, 主要因為這兩年台灣民眾看透了什麼是"落失的承諾"吧!





2014年3月27日 星期四

不再被定罪, 全因為愛.....

其實, 很多人去教會, 仍然停留在因行為, 而得救, 而得赦罪, 忘記了因愛而被赦罪. 

哈哈哈, 我一直都認為主耶穌十分愛我的, 所以我一向不覺得自己仍然活在原罪裡. 

我反而覺得, 有些人一大家人一齊去教會, 大多都是老和幼, 那麼這家中的年富力強的人, 總要為自己家人做點事嘛, 在這教會做些貢獻出來, 也是為到自己家人. 只是, 以前加國華人教會有太多的太空人, 這些家庭年富力強的人, 長時間不在自己家人身邊, 也沒有為到其家人, 在教會裡做點事呢. 

其實, 我這等未婚單身人仕變成教會主力, 實在是因為愛才擔起這些太空人留下來家人的擔子. 當然, 我現在這樣說, 不是要定這些太空人的罪, 而是我因為愛, 所以我才填補這些太空人留下來的擔子. 

有點傷心, 某些教會人仕竟然用上定罪的手法, 妄想來推動人們為教會做點事. 這些人不知道我這等人, 卻因為愛而為教會做事. 例如, 見到牧師太忙了, 幫他分一把; 牧師壓力太重了, 幫他找多些幫手回來; 牧師太太給這些太空人子女弄得團團轉, 就去幫手看著這些人的子女; 教會地下有垃圾, 幫手拾起來; 教會門口積了雪, 幫手剷下雪. 

只是不知道為何, 有些牧師卻不相信會友會對牧師有愛, 這些牧師卻鼓勵會友彼此衝擊, 彼此擠壓來推動教會工作. 當我知道這些牧師心裡的技倆時, 真是十分傷心. 

見到網上, 這等牧師寫了一篇"如何用屬靈角度看教會人際衝突?" 我看完後, 真是嘆息不止, 過了這麼多年, 他牧會的手法仍然依舊, 他教會裡的信徒, 仍然有咁多人際衝突, 仍然不知道什麼是"不再被定罪, 全因為愛".

PS: 這牧師的太太最喜歡發動D女教友, 來推動男教友為敎會做事, 後來這牧師太太解釋說, 以前有老牧師叫她, 嫁給比她大十幾年的現在牧師, 她也一樣咁去聽從. 

我覺得呢, 她如果覺得這是個委屈, 就不要叫其他女教友去學她, 因為呢, 如果心中有愛, 就不會希望別人重蹈自己復轍嘛.... 當牧師和傳導人對會友沒有愛, 這教會就只會有著無邊無際的人際衝突, 把這些牧師和他們的太太弄得陀陀轉, 永無機會走出去真正的傳福音了, 變成一個不折不扣攪行政的管理人.


2014年3月25日 星期二

國內D人家陣求婚, 有幾誇..... ?

嘩..... 成條樓梯都係花瓣, 樓梯兩旁有一束束的鮮花, 認真唔係野少..... 攪到好似"鮮花滿月樓"咁.... 不過, 呢, 睇條樓梯D格局, 連扶手甩哂油都無人油番上, 就知道D人的環境一般咋喎, 有少少給人未富先驕. 

可能個男仔屋企係做鮮花批發, 岩岩果日賣剩好多係度, 又或原本有個富二代, 訂左來求婚, 邊知果日就俾對方飛左, 無去攞, 所以個店東個仔就.... 哈哈哈, 係囉, 咁樣才叫環保嘛.....



開放的滿地可

未婚男性看著未婚女性是天經地義的, 因為男性不這樣做, 唔通要女性自己做埋主動咩? 如果變成咁樣, 就實在好無癮了.

只是女性看著男性, 在開放的滿地可, 並不會令人覺得太冒犯來. 其實, 我自己作為男性, 覺得這個是女性對自己的讚賞與肯定, 是一個榮譽來咖!

不過, 就算再開放, 女性也不會做主動, 都要靠男性自己去行前一步, 去確定人家對自己, 是想著些什麼..... 未婚男性如遇到合適的女性, 唔夠膽去行前一步, 這些人往往是懦夫, 其性格都會影響其日後的發展和際遇.

如果自己行前一步後, 人家說不, 當然就停步了,  大方光明磊落, 沒有什麼可以去遺憾了. 當然, 有些男性專挑有夫之婦, 破壞人家家庭, 這個實在是不恥的賤人; 也有些女性瞞著丈夫在外, 只是男性做人光明磊落, 遇上這些事也不用怕, 走開唔好再理會, 就已經可以了. 

近來我這裡有些女性朋友說, 她跟她丈夫是開放的婚姻 Open Marriage. 我也覺得, 這些是她個人和她丈夫的事, 我不應該理會太多, 連聊這個題目, 我都會迴避. 大家只做普通朋友, 閒來約出來飲飲食食, 閒聊算了.

男性到左我這個年齡, 才找到個人在身邊, 其實也不一定是好事, 試想, 兩個人各自行了自己的路多年, 現在才行在一起, 當然比一對廿歲的男女, 更不舒服和多衝突. 結婚對我這個年齡的人來說, 可能並不是太好了. 

2014年3月24日 星期一

被赦罪? 還是被定罪?

有時, 我自己很怕去唐人街, 因為必會遇上我以前那間唐人教會的教友, 就記起一些不快往事. 

實在十分不明白, 某些人去到邊度, 都會引起好大的人際衝突, 係一間教會裡係咁, 去到別一間教會裡都係咁. 

這些人最大的人生問題, 我睇呢, 只有一個, 這些人不知佢自己和別人已經被主耶穌赦罪了, 仍然以定罪的方式去推動教會, 又或推動他們心中的個人想法. 

這些人遇著我, 還好一點, 我大不了就行開, 不理會這些人. 如果再迫到埋身, 或再來屈我, 我才找個牧師談談. 如果個牧師口吻都係覺得這樣屈人是對的(如講出: Good people hurting good people for good reason), 那我就同個牧師講拜拜囉, 之後, 個牧師就唔該叫這些人出埋我份奉獻金好了.

只是, 這些人大多數都遇上一些不是省油的燈, 他們的人際衝突就不會少了. 

綜合我在這教會14年而又拍不成拖的經驗, 如遇人際衝突, 就要找這些牧師談談, 看看間教會想點, 走上些什麼方針. 唔好好似我咁戇居, 下下都以為人家誤會左我, 下下都以為可以找機會去讓人家了解自己, 其實, 有些教會的方針刻意製造人際衝突, 就不要再浪費時間, 去過另一間教會. 

我現在去不同的教會聚, 當D人叫我留下姓名和聯絡電話, 我寫個E貓俾佢地, 已經係認同佢地的做事方法, 有些教會, 我連第二次都唔會再入去. 係囉, 都話明入教會信教, 有赦罪的大能俾我, 為何又要定我雞毛蒜皮小事為罪呢? 相信如果我真係要去定人的罪, 某些教會人仕, 包括牧師, 一早就俾我轟炸到傻左.


2014年3月23日 星期日

今個冬天勁無癮呀

真係估唔到囉, 3月22日仲係咁凍到-10C, 又落雪呀.... 仲係15CM, 出左滿地可就更多雪, 20-30CM..... 

本來一到3月21日, 就係春天來到, 現在都唔知道有邊忽似春天.

不過, 我做人唔係縮埋一舊的, 就算咁凍又落雪, 我都會出去市區周圍走走, 順路去唐人街消費來帶動自己友經濟, 唔多咁啦, 一個星期消費幾十元, 算係盡了一點心來幫下自己同胞.

其實我地同胞來到加國, 唔喜歡入鄉隨俗, 人家著防滑雪靴時, 同胞們很多貪靚, 著普通鞋, 一見冰天雪地, 所以就會唔願意出街, 又或一次滑倒在地上後, 以後都不敢出街. 

PS: 好彩今年我父母要到4月才回來, 如果像往時一樣, 佢地回到來時, 一定超不舒服.

2014年3月22日 星期六

個人猜測失蹤客機

這單失蹤客機, 把世界任何人都嚇傻了, 包括我自己...... 

因為今時今日的科技, 要令一架成7百呎長的物體失蹤, 簡直是無可能的事, 除非客機已經解體, 並長埋深海.

追左新聞咁多日, 我個人對事件有個猜測.... 

現在已經證實左機上有人改換了原本航道, 是一宗劫機事件, 只是劫機也有個目的, 為錢為政治目的就不會客機失蹤, 所以可以定性為劫機後飛機失事, 或恐襲遭到某國擊落. 

有人會說, 如果恐襲, 為何客機不向著人多的城市飛去, 而是要飛向人少的地方? 不過, 如果是次恐襲目標不是人多的城市, 而是偏僻的軍事據點, 如印度洋上的美國軍事據點, 這些美軍據點, 監察著中亞回教國家的通訊.....如伊朗, 要知道, 今次用假護照上機的人, 是由伊朗出發..... 

所以我個人偏向相信, 這是一次恐襲, 而最後被某國的戰機或巡航導彈所擊中, 甚至出動脈衝彈, 使機上電子控制系統失效, 原本飛機已經低空飛行, 跌落海中後, 最後沉入大海. 所以, 連核試監察站也測不出其爆炸. 

由航空公司的所屬國, 在事件6小時後才公佈, 由飛機製造國的不正常不常規參與事件, 又由第三方發放消息, 都顯示這兩個國隱瞞著很多消息和資料. 這都顯示著, 我個人的猜測有其可能性的存在. 

PS: 真係慶幸我份工和份秘撈唔洗飛來飛去, 一向都已經係行船跑馬三分險, 現在就更加了..... 








2014年3月21日 星期五

為何美國聯儲局要改加息指引?

係囉, 佢地不嬲都話要失業率6.5%以下, 通漲2.5%以上, 才會考慮加息.

昨天佢地個女老總講, 放棄6.5%失業率這個指引, 改為一藍子政策...... 

我察覺內裡有些原因.... 

1. 現在美國就業勞工, 大多都是短期工, 或臨時工, 仲未係長工或合約工, 即是就業率能否長久維持, 實在難說, 現在一加息, 又或人們恐懼會加息, 都會把得來不易的復甦就業市場拖跨(2月失業率是6.6%), 為到消除人們對快加息的恐懼, 就要改指引. 

2. 6.5%失業率和2.5%通漲, 定得太明確, 人們太容易估到聯儲局何時加息, 所以要改為一藍子指引, 好讓令到將來加息時, 又不會令人估到(影響市場的波動), 聯儲局又可以自圓其說. 

我想, 加息可能會好快, 2015年左右..... 將會結束10多年歷史上最長的超低息時代, 不過, 我懷疑就算加息, 都不會讓息口過高, 因為現在美國剩餘產能仍然好多.


 

2014年3月19日 星期三

現代烽火戲諸侯

上兩星期, 南中國海某國航機神秘失蹤, 不知道這國航空局是否無能? 還是有心隱瞞事實? 客機失蹤後, 未立刻通知各國展開搜救, 要到客機原定在中國降落時間後, 已經是失蹤6小時後, 中國航空局向他們查詢時, 他們才承認客機失蹤. 

中國和越南就立刻派能夠出動的船隻, 係南中國海四圍找失蹤客機的墮機殘骸和生存的乘客. 只是找到第6天, 這國才承認客機不是在南海上空失蹤, 而是在該國另一邊的海岸失蹤. 

嘩, 這班人真係大佬了, 人家找了6天, 佢地才講話應該係另邊去找客機, 浪費了中國海軍6天時間, 生存乘客極有可能因為咁而失救. 這班人實在難逃責任, 一定要追究這些人到底. 

以前, 我在加國讀大學時, 見到這國的華僑全是私費留學, 但竟然離譜到, 這國公費來的學生, 竟然連一個華裔學生也沒有, 要知道華人人口佔該國人口35%, 大家可以想像這國實在有些問題. 

有次, 我跟這國的公費生交談, 談及該國有很多華人, 這些公費生竟然說, 該國是屬於他們這種族的人, 而不是屬於華人. 大佬呀, 華人在該國已經有6百年的歷史, 這國的公民教育竟然差得這樣. 照理這些公費生, 應該是該國的精英, 未來社會的支柱, 但種族歧視的意識, 竟然毫無遮蔽地表露出來, 實在令人討厭之餘, 又令人卑視這些人. 有次我聽大學宿舍的校工投訴著, 這國公費生弄得宿舍十分污糟, 完全不打掃衛生. 

其實, 如果中國和香港列這國為旅遊紅色警示, 我想也不為過, 這國政府實在太不負責任了, 相比這些三流國家, 中國真是負責任的大國了. 

周幽王烽火戲諸侯, 弄得各路諸侯白跑一轉來營救,  同時也暴露了近畿的防衛弱點, 令到後來西周被外族滅掉. 現在南中國海的這國, 可能為到防衛理由, 而刻意隱瞞失蹤客機的資料, 只是, 錯失搜救生存乘客的大好時刻, 這樣就向全世界人, 暴露了他們民族的弱點 - 無能和冷酷自私.






2014年3月18日 星期二

愛著傻瓜的女人

昨天, 才講完我從未有女孩子為我灑過一滴眼淚, 就令我想起一大堆往事來......

 真不知為何, 我細時, 大部份人一見到我, 都話我好聰明, 可能他們看見我的哥哥們吧. 後來我刻意唔讀書, 裝個傻款出來, 都未改變到人們對我的看法. 

為何我要裝傻? 因為同齡的朋輩會來妒忌我, 那就沒有好朋友了; 對一個小孩子來說, 沒有朋友仔, 比讀書成績不好還慘. 

試過有女同學來妒忌我, 她面上的表情告訴我, 如果她有我的天份, 必定比現在的她叻百倍千倍, 這個當然令我十分傷心, 這些人, 莫說她不會為我來掉一滴相思的眼淚, 更會對我幸災樂禍. 

一個愛著傻瓜的女人,自然是這個傻瓜的青梅竹馬戀人, 自少就一同玩大, 一同戲遊大, 一同被老師罰大, 一同被長輩罵大, 正是有福同享, 有禍同當的伙伴. 

只是我沒有這個福份, 我自少, 女孩子看我為一個遙不可及的倒模, 總希望她們的男朋友有我身上一兩種特質就夠了. 

PS: 後來, 來了加國後, 每每遇上這樣的女性, 她們口裡說我那樣這樣不合她們要求, 這個那個不夠屬靈, 但其實她們心中在發愁在妒忌我, 她們心裡想著, 如果她們有我的天份, 就會不用愁了. 這些人每每令我想起少時的女同學, 我每每就哭起上來, 這些女人竟然還說我實在太弱了. 所以, 我人生只是遇不上知音呢, 而不是我不好...... 
 




2014年3月16日 星期日

梨花帶雨在灑淚

前排春運尾聲, 又到國內人們要由家鄉回城市了, 回到家鄉總會跟自己青梅竹馬的戀人相聚春節, 只是春節尾聲, 就要跟青梅竹馬的戀人道別了, 實在令我這個遠在半個地球外的過氣港燦也為到他們心UP了. 

網上有記者攝到有戀人在火車站依依不捨的情景, 實在教人心酸, 火車開走了, 剩下梨花帶淚的淚痕...... 連我都祝願他們有情人終成眷屬呢!


 PS: 真不明白, 唔知點解, 自細都唔會有女仔咁為我滴下這樣的一滴淚喎, 實在教我有少少妒忌咁啦, 哈哈哈...... 係咪我做人太古肅, 太冷面孔呢? 也可能..... 唔知係咪, 佢地當左我係佢地D姊妹? 嘻嘻嘻.....

三色耳筒

臨上床前, 上網一看, 才醒起今天還未寫BLOG, 就拿拿林拿起這幅相出來..... 

無錯, 係用來襯唔同顏色的衫褲, 大家會唔會認為我男人老9 好芝整呢? 哈哈哈.....

 

2014年3月15日 星期六

金山阿伯

其實, 我可能快要跌進這層面了, 不過, 也不緊要了, 我生活得很開心, 無牽無掛, 外表年青得很, 只要我身體健康, 我仍可以照顧好自己父母吧, 而且他們現在行得走得, 還有能力自己回香港避開加國的冬天, 最重要係將來我有錢送他們入住服務最好的老人院, 我這生人就不會有任何遺憾了.

講開又講, 最近有網友鼓勵我去找個人回來陪伴自己. 

那我就上網找了一些徵友網, 發現其中有一位厚道的男性, 住在美國,  他說他正資助二個國內親戚的兒女來美國念書. 我一看到, 我心裡暗說不好了, 人家莫非當他是金山阿伯?

還記得, 很久以前, 人們幻想金山阿伯是有錢人, 嫁個金山阿伯, 一家人有依靠. 其實我想呢, 人們有能力, 必定會幫老婆外家, 但卻不能犧牲自己家人的福祉. 最擔心是, 老婆外家D人心懷不軌, 做人不夠厚道, 那就只會引狼入室. 

以前聽了很多國內過埠新娘的故事, 有些新娘轉機途中, 已經人間蒸發; 有些到埗後就要男方不能管她; 有些什麼家務也不做; 有些連生兒育女都要跟男方討價還價, 討著要男方怎樣去幫她國內的外家人. 其實, 生兒育女只有男方有好處嗎? 女方年紀大時, 如果有個兒子像我這般, 老來總會無憂吧! 

金山阿伯會否像下圖這位人兄? 這幅相應該是周猩猩80年代那套"他自來江湖"的其一個角色, 似唔似金山阿伯?




2014年3月14日 星期五

哎喲喲喲..... 今年D雪特別多..... 剷我手仔都軟埋呀!

其實, 我現在都唔洗自己落手了, 俾左錢人幫我剷, 只是做人呢, 就算俾錢人做, 都要係人家面前前扮番個親力親為的樣子, 等D人知道, 我無左佢地, 都一樣照掂.

就算我只是剷人家的1/10雪, 我都覺得好多雪囉.... 昨晚才落了10吋雪......今個冬天可能落左90寸雪了, 都算係極限, 過多幾天, 我條行車路剷雪的合約就會界滿, 不過, 佢地都會來剷下的.

哎呀, 慘呀, 今日3月13日了, 今晚仲係要凍到-15C呀, 大家你話係咪慘情, 就算我連30個檸檬, 都唔會有咁慘呀.

下圖是窗門對上的屋簷, 由屋頂積雪滑下來, 滑出了屋簷外, 可以從室內向外觀看到, 屋頂上的積雪有多厚. 



PS: 我係一等書生咁款啦, 當然不是好書生果種書生, 但文質彬彬四字都唔少得咖, 但都唔係無力, 我比起好多香港人, 我大力都好多咖. 

前幾年有朋友來叫我操FIT少少, 走去佢公司試鏡做下MODEL, 其實我都有29吋褲頭, 減多2吋就得了, 只是這2吋係最難減的, 因為真係要小心飲食, 同埋27吋褲頭的人, 會無咁好力做些粗重野.




PS: 

2014年3月13日 星期四

香港會否萎縮?

前幾睇完兩篇報導,話說有人入去茶樓, 食左$30元的早餐, 話無錢, 就走左去, 要勞動茶樓經理來截人, 也要勞動警察來拉人.

第二篇係講, 一名便利店高買慣犯, 被店員捉獲數次後, 最後由警察拉人. 

真不知道現在D人唔怕坐監, 定係現在香港綜援領取者的生活差到連監躉都不如, 寧願入監踎好了. 

以前我地那年代的老香港人十分厚道, 點會咁咖? 就算更窮困, 平日生活再苦, 都會自己拿個煲, 洗兩粒米, 清茶淡飯, 無餸無肉, 每天1元幾角, 都可以過到日子. 現在香港這些人心態不好, 寧願上茶樓食霸王餐, 都唔想自己煮兩粒米, 清茶餸飯. 

所以, 人的質素定了人的命運, 香港原本已經人口老化, 再加上這些唔夠厚道的人, 好食懶非, 還有一些更衰, 唯恐香港社會不亂, 還想襯亂打劫, 這個就是香港萎縮的原因.


2014年3月12日 星期三

香港會在這十年裡...... ?

萎縮嗎? 

我的答案是十分悲觀的. 看看香港一群未識世面的青少年, 竟然拿著舊港英政府的獅龍旗, 上街話來維權. 竟然有人對廣東道名店的內地遊客大叫蝗虫, 大叫人家阻著他們. 竟然有人著毛裝, 要求國內遊客"中國人用中國貨". 怎樣也好, 如果沒有國內遊客來港購物, 現在香港的失業率一定不只3-4%. 

如果問題只發生在一班無知青少年身上, 情形不會太壞, 但是, 有港區人大或政協講香港財爺杞人憂天, 仲問點會結構性財赤喎, 仲反駁話十年前都有人咁講. 這些人真係失憶又或刻意失憶, 這10年來, 阿爺為到穩固香港這些人大和政協的地位, 用左幾多力? 出左幾多汗水? 遠唔講, 就淨係自由行, 擺明明益這班人和佢地有關的財團. 

前幾天, 上邊政府最大粒的李相公才叫香港好自為之, 言下之意好似同班扯獅龍旗的後生仔和泛文D人講, 其實, 也跟香港某些(理所當然效忠)人大政協講, 好自為之, 阿爺派糖唔再派得好耐, 這些人再唔穩定好香港, 再係有咁多民憤, 阿爺會自己做野了. 

香港這群扮失憶的人大政協也不是最危險, 而是阿爺現在只看到少數低下層的民憤, 而看不到香港中產對普選和自由的訴求, 莫視他們上3代領導人對香港的承諾, 這個才是最危險, 直接影響到香港700萬的前途, 更危及全球海外華人對他們政權的信任, 也暗示了未來台海兩岸的大局. 

只是, 當阿爺做野時, 香港故有的制度, 將會難以保全一萬, 必定會有所閃失, 打碎了金蛋, 再砌也砌不回原狀了.

PS: 前幾天我才講, 香港中產係這些人大政協後邊財團的護身符, 也是這些財團的米飯班主, 沒有了龐大的香港中產人口, 這些財團就會大大鑊. 不過, 我還未講一事, 當香港政府結構性財赤時, 香港中產人口會開始減少, 或向低收入移向, 間接令到香港這些財團的基礎被掘空, 這個才是唇亡齒寒的道理, 這班代表財團利益的人大政協一定係個個睏哂覺, 水浸眼眉都未知.  









2014年3月10日 星期一

大家知唔知乜係凍過水?

噔.... 噔.... 噔.... 噔.... 噔.... 這個就是了..... 


係昨晚唔記得左, 漏左係架車上, 今天早上, 就變成咁, 其實昨晚都唔係好凍姐, -3C咁做攪成咁..... 

PS: 大家會唔會覺得個樽好熟口面, 我係香港間日本城買的, 話係可以抵受100C的高溫熱, 不過我咁耐都唔敢試, 就算唔溶, 都怕佢釋出有毒物質出來.

我這裡龍蝦有幾平?

前排做$6一磅, 圖中這隻, 剛由水缸拿上來, 連水放落磅度稱, 才$8加仔.....

本來可以用來做壽司, 但係我選擇隔水清蒸, 唔使落油和鹽, 就咁拆開殼來食, 鮮味呀.....




2014年3月9日 星期日

富不過三代

最近香港大富豪李+X接受國內新財網專訪, 從佢口氣中, 指出香港民粹主義會在5-6年後抬頭, 大有隱若擔心佢D後人.....跟香港財爺講7年後結構性財赤, 十分相似....

這個卻令我想起中國說的富不過三代. 只是, 除非佢D子孫係敗家仔, 除非環球形勢出現大型的逆轉, 佢第三代人都應該生活無憂啦. 

翻查中國歷史, 原來中國就算係無改朝換代, 但每幾十年都會亂一亂, 有人失勢, 有人冒起. 只是, 歐美設計現代的金融制度呢, 雖然加了很多讓人冒起的機會(美國夢就是其一), 但實制上, 又拱固和保護現有富人的利益. 

今天如果李生唔再工作, 佢D股票和基金, 仍然會為佢錢生錢, 而且咁多中產手上拿著佢企業的股票, 咁退休基金也持有佢D股票, 真係好難有天阿爺要國有化佢D公司, 就算有人要佢D公司執笠或親信落馬, 都並不容易, 控制佢D公司也好困難.

 如果我係李生, 香港作為佢的根據地, 香港中產是他企業的孕育土壤, 佢應該盡力維持香港龐大的中產人口, 不論有無普選, 香港中產和言論自由, 是他財富的護身符, 一天香港仍有龐大的中產, 一天香港中產仍手持他的股票, 香港中產都唔會容許任何勢力來沒收佢D資產.
 

2014年3月8日 星期六

自從我個租客去左之後

每次我想起佢一個去左, 成個星期都無人知道. 佢還好一點, 因為就算佢個女唔來找我, 我見佢無放支票俾租, 我都會找佢.

只是每次想起自己, 屋係自己, 如果我又好似咁..... 又如果D朋友無主動來找我, 可能我會..... 幾個月..... 幾年..... 幾十年..... 才有人發現我...... 

唉..... 本來已經打消左找個人的念頭, 只是..... 我真係唔想好似個租客咁.... 俾D心機, 找個人回來陪我吧!

實在太恨惡我後生時遇上的一些人, 是這些人阻住哂, 損人不利己正濺人.

2014年3月7日 星期五

加國唐人教會D人的思想, 為何咁不同?

前幾天看完我以前間唐人教會個牧師講"教會裡的人際衝突", 昨天想起我這唐人教會的一些人, 真係奇怪這些人的想法, 跟我的真係好唔同. 

這間教會係講廣東話的, 當中可以分成為若干的組別...... 

1. "買紙過來"時代的老華僑 - 這些人來得最耐, 當時加國最缺乏低下層勞動力, 明知有不少人是假親屬團聚, 都批俾佢地過來. 這些人心態一開始就唔係好正確, 所以, 時時捕風捉影, 驚人抽佢地後帳, 對加國一切事物唔熱衷, 其後代難於融入加國社會, 擔心受人歧視.

2. 越南華僑 - 這些人因為加國政府收容其難民身份, 故不多不少都有挫折感, 以為自己低人一等, 又或一定要出人頭地. 面對挫折時, 每每反應極端. 

3. 70年代留學畢業後, 留在加國 - 這些人大多成為教會的支柱, 只是他們大多都是大企業裡的員工, 一到90年代大企業裁員, 這些人開始難於支持教會所需. 還有, 這些人大多不是生意人, 看事不夠長遠和耐性, 有點急就章.

4. 中英聯合聲明後的港移民 - 這些人有憂患意識, 懂得未雨綢繆, 觀察形勢, 先謀後動. 只是大多都獨立能力強, 不用旨意別人幫助, 但群體意識較差, 缺少守望相助精神. 我家正是這批人的一份子, 不過, 我自己卻較有群體意識, 只是跟其他人格格不入, 對於這些人只著眼於我的時間和資源, 我實在感到遺憾和失望.

 5.89年64後的港移民 - 這些人移民因為驚恐, 一切都是急就章, 來到加國後, 變得更悲觀更失落, 疑神疑鬼, 缺乏真正認識加國的機會, 其個人和子女大多回流. 

6. 近97才移民 - 這些人最有耐性, 賺最後一筆錢才離開香港, 正值香港資產價格最高, 而加國最低迷. 

只是這間唐人教會, 第4和6種人最少, 因為這些人很少會來魁北克省, 而這些人最有能力支持教會, 其他的組群, 都因為其背境, 影響到他們的能力. 

還有其他一些講國語的教會, 就更麻煩, 因為台灣來和大陸來係埋一齊, 語言一樣, 但生活習慣和想法不一樣, 如果D人唔係諗住返教會慕道, 當然就更多人際衝突了.

PS: 有次, 我真係好想同教會裡一些人講, 我家來加拿大, 是加拿大政府邀請我們來投資, 而你家來加拿大, 是人家收容你們....D人做人做事唔小心, 包括埋個牧師自己本人, 以為人人入教會都係想找人幫, 就誤以為人人都欠左佢地咁, 這樣, 當然人際衝突多啦, 令到這牧師現在間教會剩得小貓三兩隻.

2014年3月6日 星期四

出租物業的惡夢

好多朋友會來同我講, JJ, 你就好啦, 有份正糧咬之餘, 又走出去"秘撈", 又去投資出租物業, 又去投資這個果個. 

我心裡有苦自己知姐, 份秘撈都係因為驚份正糧唔耐咬, 有事起上來, 有多份糧咬下.... 出租物業呢, 唔通放筆錢係銀行咩? 當然係放出去投資, 唔係股票, 就係出租物業啦.

只是有誰明白我心裡不開心, 最近有租客個女打來找我, 話已經有1個星期找不到個租客, 我就去同佢入去單位內睇睇, 一睇後, 噢..... 

其實, 我自己係唔會驚這些事, 因為我係個心地善良的人, 待人正直合理, 只是見到租客個女喊到咁悽涼, 攪到我有好多日都唔開心, 人生實在太短了. 

最後一次見個租客時, 我仲同佢有講有笑, 同佢講當天會轉冷, 叫佢加衣保暖. 想不到, 一個咁強壯咁大隻的男人, 竟然會.... 唉, 人生總是意想不到, 實在令人捉不著, 把握不到. 

所以, 當朋友用這些妒忌或羡慕的語氣來形容我時, 我總會心裡不太好受, 其實應該是我妒忌他們拍拖無人阻住佢地, 能夠準時結得成婚. 

像我這般的人, 中年才來找個人在身邊, 實在不知道對方會否頂得我順? 我又會否遷就得到對方否? 而且找到的, 大多都是離婚有子女, 受盡人生折磨癲配的人, 這時才來跟著我, 生活上已經沒有什麼美夢可尋可想了.

2014年3月5日 星期三

自製壽司

有天超市吞拿魚大減價, $9一磅, 問店員可否做壽司, 佢地話得, 我就..... 

哈哈哈..... 好味








2014年3月4日 星期二

回應..... 昨天的那煲湯

哈哈哈..... 可能大家我D朋友仔會來問, JJ, 洗唔洗咁誇張呀, 為到一煲湯來寫文回應?

嘻嘻嘻..... 係呀, 因為係關乎大家的健康福祉, 所以一定要開過篇文來回應, 以能令到大家朋友仔睇得到嘛. 

昨天有朋友仔來問我喎, 點解我煲湯咁多油呢? 嗱..... 重點就在這裡, 大家煲D湯係咪無我煲湯咁多油先..... ? 如果大家有咁發現呢, 即係..... 大家一向煲湯時, 係肋骨和蔬菜瓜果一齊煲, 而D
蔬菜瓜果已經吸左好多動物脂肪了, 所以大家煲湯係見唔到好似我煲湯咁多油的.

重點係, 我唔會蔬菜瓜果和肋骨一齊煲, 我係分開煲的, 等D動物油出哂來之後, 撇哂D油佢, 再放蔬菜瓜果係D湯度煲的.

所以呢, 我一定要開篇文出來提醒大家,記著分開煲, 會健康好多, 一來D骨膠源溶左係湯裡, 二來D動物油無哂, 三來, 就真係吸收蔬菜瓜果的精華, 唔會夾雜D動物油在裡頭, 會更健康.
 

2014年3月2日 星期日

加國冬天煲湯

雖然講加國冬天天氣冷得嚇人, 但如果善用天然環境, 令其對自己有利, 實在不錯!

每次煲湯, 最忌係湯裡的動物油, 十分嚇人, 也十分難以清除, 要飲煲靚的老火湯, 並不容易呢.

只是諗諗計仔, 把煲了肉的湯水, 放在外邊-10C以下的環境, 先讓湯面動物油脂凝固成為固體狀, 就可以用匙撇起來, 十分容易.

撇起來的動物油脂, 真係好似白色朱古力咁, 一塊塊硬的. 




影婚紗相..... 係最唔浪漫的地方?

上西藏影婚紗相, 平均高度係萬2呎, 空氣稀薄, 就以個感覺來講, 就真係唔多浪漫了, 因為行快少少都喘氣, 想咀對咀重度KISS一下, 都可能會令對方窒息或呼吸困難. 所以, 真係唔可以講浪漫咖!



又如果再上高D, 去到萬6呎, 就空氣更稀薄, 更唔容易呼吸, 更容易氣喘, 竟然有人真係上到去咁高來影婚紗相, 一個字.... 佢好勇..... 更勇一D, 可以抱起新娘, 再行幾步, 新娘不跌落地, 個新郎定係鐵人.











2014年3月1日 星期六

如此漫長加國冬天

哎呀呀..... 凍得我騰騰震, 暨且無人蓋被冷傷風......

有無攪錯呀, 今年加國冬天係廿多年來, 最凍的一個, 明天是3月1日了, 但今晚仍會凍到負廿度, 明天我還要早起來, 揸車去唐人街理髮.

早出卻遇北風冷,
眉屑霜雪染成白,
人問伯伯何處去?
揉揉眉毛是少年.